స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ సోమవారం నాటి ఎపిసోడ్ -811 లో.. వసుధార, రిషి ఇద్దరు సెమినార్ గురించి డిస్కషన్ చేస్తుంటారు. అప్పుడే అక్కడికి ఏంజిల్ వస్తుంది. మా రిషి అనుకుంటే ఏదైనా అయిపోద్ది.. సెమినార్ గురించి ఇప్పటి వరకు అందరూ కాన్ఫరెన్స్ లో మాట్లాడేలా చేశాడని ఏంజిల్ అంటుంది.

నువ్వు ఇంత హ్యాండ్సమ్, టాలెంటెడ్ గా ఉంటావ్.. ఇప్పటివరకు నీకు ఏ అమ్మాయి ప్రపోజ్ చెయ్యలేదా రిషి అని ఏంజెల్ అంటుంది. రిషి మౌనంగా ఉంటాడు. వసుధార మా రిషి బాగుంటాడు కదా.. నువ్వు ఒక సీనియర్ లెక్చరర్ గా కాకుండా, ఒక అబ్బాయిలా చూడు అని వసుధారతో ఏంజిల్ అంటుంది. అవును ఏంజిల్ సర్ బాగుంటారని వసుధార అంటుంది. ఆ తర్వాత " ఐ లవ్ యు అని ఇంత వరకు ఏ అమ్మాయి నీకు చెప్పలేదా రిషి" అని రిషిని ఏంజిల్ అడుగుతుంది. ఏంజిల్ నోటి నుండి ఆ మాట వినగానే వసుధార షాక్ అవుతుంది.

అలా ఏంజిల్ అనగానే.. తనకి వసుధార ప్రపోజ్ చేసిందంతా గుర్తుచేసుకుంటాడు రిషి.. "ఏం అవసరం లేని విషయం మాట్లాడకు ఏంజిల్" అని రిషి అంటాడు. సరే నేను వెళ్తున్నా.. కానీ నిన్ను పెళ్లి చేసుకునే అమ్మాయి ఎవరో కానీ తనకంటే అదృష్టవంతురాలు ఎవరు ఉండరని ఏంజెల్ చెప్పేసి అక్కడ నుండి వెళ్ళిపోతుంది. ఆ అదృష్టవంతురాలు నేనే అని వసుధార తనలో తాను అనుకుంటుంది. మరొక వైపు జగతి, మహేంద్ర ఇద్దరు ఒక హోటల్ లో స్టే చేస్తుంటారు. వాళ్ళని ఫాలో అవుతూ వాళ్ళు స్టే చేసే హోటల్ ముందే ఉండి జగతికి ఫోన్ చేస్తాడు శైలేంద్ర. మీరు ఎక్కడ వున్నారో తెలుసుకుందామని కాల్ చేశాను.. నేను కాలేజీకి వెళ్లి ఏమైనా వర్క్స్ ఉంటే చూసుకోవాలా అని శైలేంద్ర కావాలనే అడుగుతాడు. అవసరం లేదని జగతి అంటుంది. మరొక వైపు రిషి వర్క్ చేస్తూ అలాగే హాల్లో పడుకుంటాడు. అలా పడుకున్న రిషిని సోఫాలో పడుకోపెట్టి తన చేతిలో ఉన్న లాప్టాప్ తీసుకొని వెళ్లి తన గదిలో వర్క్ చేస్తుంది వసుధార.

ఆ తర్వాత రిషి మధ్యలో లేచి లాప్టాప్ ఏంజిల్ తీసుకువెళ్లిందా అని అనుకుంటాడు. వసుధార గది దగ్గరికి వెళ్లేసరికి.. తను వర్క్ చేస్తుంటుంది. ఈ టైమ్ వరకు చేస్తే ఆరోగ్యం ఏమవుతుంది.. ఇంప్రెషన్ కోసం చేస్తున్నావా అని రిషి అంటాడు. ఇంట్రస్ట్ ఉంది కాబట్టి చేస్తున్నాని, వర్క్ అయిపోయిందని, ఎవరు చేస్తే ఏంటి వర్క్ అయితే అయిపోయింది కదా అని వసుధార అంటుంది. థాంక్స్ అని రిషి అంటాడు. మరుసటిరోజు ఉదయం వసుధార కాలేజీకి వెళ్లి రిషి సర్ సెమినార్ వినాలని రెడీ అయి హాల్లోకి వస్తుంది. నేను వస్తాను సర్ నన్ను కాలేజీకి తీసుకెళ్లండని అక్కడే ఉన్న విశ్వనాథ్ తో వసుధార అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.