'కార్తీకదీపం' సీరియల్ లో అర్ధపావు భాగ్యం క్యారెక్టర్ పోషిస్తోన్న నటి ఉమ తన పెర్ఫార్మన్స్ తో అందరినీ ఆకట్టుకుంటోంది. సీరియల్‌లో ఆమెతో చేయించే కామెడీ ఫ్యామిలీ ఆడియన్స్ ని మెప్పిస్తోంది. ప్రస్తుతం సీరియల్స్ తో బిజీగా ఉన్న ఈ నటి ఒకప్పుడు సినిమాల్లో కూడా నటించింది. కొన్ని బోల్డ్ క్యారెక్టర్స్ లో కూడా కనిపించింది. ఈమె ఇండస్ట్రీకి వచ్చి 22 ఏళ్లు అవుతున్న సందర్భంగా ఇండస్ట్రీలో తనకు ఎదురైన సవాళ్లను, అనుభవాల గురించి కొన్ని వ్యాఖ్యలు చేసింది. సినిమా, టీవీ ఇండస్ట్రీలో నటించాలంటే ఇబ్బందులు వస్తాయని అనుకుంటే.. ఎక్కడైనా ఇబ్బందే అని.. ఇబ్బంది ఉండదు అనుకుంటే ఎక్కడా ఉండదని చెప్పింది.

పనికోసం చాలా మంది ఎన్నో విధాలుగా ఎదురుచూస్తున్నారని.. మనం కావాలనుకున్న పని దొరికినప్పుడు దైవంగా భావించి చేస్తే ఎలాంటి ఇబ్బంది కనిపించదని చెప్పుకొచ్చింది. ఇన్నాళ్ల తన కెరీర్‌లో ఇప్పటివరకు ఇబ్బందిగా ఫీలైన సందర్భం లేదని చెప్పింది. ఎదుటివారితో ఇష్టంగా, ప్రొఫెషనల్ గా నటించాలని.. లేదనుకుంటే ఇంట్లో కూర్చోవాలని చెప్పుకొచ్చింది. తనకైతే ఇండస్ట్రీలో ఎలాంటి చెడు అనుభవం ఎదురుకాలేదని.. ఎవరి వలన ఇబ్బంది పడలేదని స్పష్టం చేసింది.

తను బోల్డ్ పాత్రల్లో నటించినప్పుడు కూడా పెద్ద ఇబ్బందులు రాలేదని.. ఒక ఆర్టిస్ట్ తన కెరీర్‌ని ప్రొఫెషనల్‌గా భావించినప్పుడు ఎలాంటి పాత్రలో అయినా నటిస్తాడని.. తను కూడా అంతేనని చెప్పుకొచ్చింది. ఇప్పటివరకు ఈ క్యారెక్టర్ ఎందుకు చేశానని ఎప్పుడూ అనుకోలేదని తెలిపింది. మంచి తొందరగా వెళ్లదు.. చెడు తొందరగా వెళ్తుందని చెప్పడానికి తను చేసిన బోల్డ్ పాత్రలే ఉదాహరణ అని చెప్పింది. తను చాలా తక్కువగా బోల్డ్ పాత్రలు చేశానని.. కానీ ఇప్పటికీ వాటి గురించే చెప్పుకుంటారని వెల్లడించింది. భవిష్యత్తులో తనకు పిచ్చిదాని క్యారెక్టర్ చేయాలని ఉందని.. అందులో వైవిధ్యాన్ని ప్రదర్శించాలనుందని చెప్పుకొచ్చింది.