ఆదివారం విత్ స్టార్ మా పరివారంలో శ్రీముఖి చేసే ఎంటర్టైన్మెంట్ మాములుగా ఉండదు. ప్రతీ వారం ఓ రేంజ్ లో ఉంటుంది ఫన్. ఈ వారం కూడా అలాగే ఉండబోతోంది. ఈ షోకి బుల్లితెర స్టార్స్ అందరూ వచ్చేసారు. ఇక రిషి సర్ కూడా వచ్చారు. ఈయన వచ్చాడంటే ఫాన్స్ హడావిడి మాములుగా ఉండదు కదా. ఆడియన్స్ లోంచి కోమలి అనే అమ్మాయి లేచి "రిషి సర్ మీరంటే నాకు ఇష్టం..మీరు పెళ్ళెప్పుడు చేసుకుంటారు." అని అడిగింది. "మీరు నన్ను చేసుకుంటారా..ధర్మవరానికి అల్లుడైపోతా" అన్నాడు "మీరు చేసుకుంటానంటే చేసుకుంటాను" అంది కోమలి .

అవినాష్ వైఫ్ అనుజాకు నటి శ్రీ ఫోన్ చేసి "అవినాష్ నాకు ఫోన్ చేసి డైలీ ఐ లవ్ యు చెప్తున్నాడు..లవ్ సింబల్స్ పంపిస్తున్నాడు ఏమేమో చేస్తున్నాడండి" అని చెప్పేసరికి "మరో నటి ప్రిన్సి వచ్చి మా అమ్మాయి ఎంత మాత్రం సెలబ్రిటీ ఐతే ఇలా చేయడం బాగుందా వదిలేస్తామనుకుంటారా" అని సీరియస్ గా వార్నింగ్ ఇచ్చేసరికి "ఈ వాయిస్ ఎక్కడో విన్నట్టు ఉందే" అంది అనుజా. వెంటనే అవినాష్ ఫోన్ తీసుకుని "ఐనా మీ ఆయన అలా ఎలా చేస్తాడు" అని భార్య అనుజాతో అనేసరికి "నీ పని చెప్తా ఇంటికిరా" అని ఫోన్ లోనే ఇచ్చిన వార్నింగ్ వినేసరికి అందరూ నవ్వేశారు. "పుష్ప 3 లో ఒక క్యారెక్టర్ ఉందండి" అంటూ సిద్దార్ధ్ వర్మ గీతూకి ఫోన్ చేసి చెప్పేసరికి "నాకు ఇదేదో ప్రాంక్ కాల్ మాదిరిగా ఉందే" అని గీతూ అంది. ఇలా ప్రాంక్ కాల్ సెగ్మెంట్ ఫుల్ ఎంటర్టైన్ చేసింది.

తర్వాత అవినాష్ కళ్ళకు గంతలు కట్టేసి ఒక్కో నటి వచ్చి టచ్ చేస్తారు. అప్పుడు ఆ నటి ఎవరు వాళ్ళ పేరు చెప్పాలి అని మరో టాస్క్ ఇచ్చింది శ్రీముఖి. అవినాష్ కళ్ళకు గంతలు కట్టేసాక ప్రిన్సి వచ్చి వీపు మీద గట్టిగా రెండు దెబ్బలు కొట్టేసి వెళ్ళిపోయింది. కౌశిక్ వచ్చి ముద్దు పెట్టేసరికి "ఓ చంద్ర ముఖి శ్రీముఖి" అన్నాడు. శ్రీముఖినే ముద్దు పెట్టింది అని అనుకున్నాడు. తర్వాత అవినాష్ చెంపల్ని సవరదీసి లాగి పెట్టి కొట్టేసరికి వాసంతి అంటూ గుర్తుపట్టేసాడు. చెంపను గట్టిగా గిల్లేసరికి దీపికా అంటూ గుర్తుపట్టేసాడు. ఇలా ఈ షో ప్రేక్షకులను అలరించనుంది.