స్టార్ మా టీవీలో ప్రసారమవుతున్న సీరియల్ గుప్పెడంత మనసు. ఈ సీరియల్ శనివారం నాటి ఎపిసోడ్ -1020 లో... అందరు కాలేజీలో పోస్టర్ చూస్తుంటే అప్పుడే వసుధార వచ్చి.. ఏమైందని కొంతమంది స్టూడెంట్స్ ని అడుగుతుంది. మీ పోస్టర్లు ఎవరో వేశారని చెప్పగానే వసుధార వెళ్లి చూసి షాక్ అవుతుంది. అక్కడ రాజీవ్ అంటించిన మను, వసుధారల ఫోటో కాకుండా వసుధర అడ్వాన్స్ హ్యాపీ బర్త్ డే అని పోస్టర్ లో రాసి ఉంటుంది.

ఆ తర్వాత ఆ పోస్టర్లు శైలంద్ర చూసి షాక్ అవుతాడు. రాజీవ్ అంటించిన పోస్టర్లు కాకుండా వసుధారది ఉండడంతో వెంటనే రాజీవ్ కి ఫోన్ చేస్తాడు. మరొకవైపు శైలేంద్ర ఫోన్ చేసేది గుడ్ న్యూస్ చెప్పడానికే అనుకొని రాజీవ్ ఎక్సయిట్ అవుతు ఫోన్ లిఫ్ట్ చేస్తాడు. కానీ శైలేంద్ర అక్కడ జరిగింది చెప్పడంతో రాజీవ్ షాక్ అవుతాడు. ఆ తర్వాత వసుధర మేడమ్.. ఆ పోస్టర్లు చూసి చాలా సీరియస్ అయ్యారంట అది మనమే వేసామని తెలిస్తే ఏం అంటారో అని మను యొక్క పిఏ మనుతో అంటుంటే.. విషెస్ చెప్పాము అంతే కదా.. అందులో తప్పు ఏం ఉందని మను అంటాడు. వాళ్ళ మాటలు వసుధార వింటుంది. ఆ తర్వాత మను దగ్గరికి వసుధార వచ్చి.. ఎందుకు ఇలా చేశారంటూ సీరియస్ అవుతుంది. అందులో తప్పేం ఉంది. మీపై గౌరవంతో అలా చేసానని మను అంటాడు. ఇంకొకసారి అలా చెయ్యకండి. ఆ పోస్టర్లు తీసేయించండని వసుధార ఆర్డర్ వేస్తుంది. వాళ్ళ మాటలు అనుపమ మహేంద్ర ఇద్దరు వింటారు‌.

ఆ తర్వాత రాజీవ్ ని శైలేంద్ర తీసుకొని వచ్చి పోస్టర్ చూపిస్తాడు. అదేంటి నేను అంటించిన పోస్టర్లు తీసి ఇవి ఎవరు పెట్టారని రాజీవ్ అంటాడు. అప్పుడే మను వచ్చి నేను చేసానని అంటాడు. నేను వసుధార మేడమ్ బర్త్ డే పోస్టర్లు వేయించడానికి వెళ్ళాను. అక్కడ నువు ఉన్నావ్.. విషయం తెలుసుకొని నువ్వు అంటించేటప్పుడు వీడియో తీసాననే విషయం మను గుర్తుకు చేసుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.