English | Telugu
మోనాల్ కి చిరాకు తెప్పించిన ఫ్యాన్!
Updated : Sep 4, 2022
యాంకర్ ఓంకార్ ఆధ్వర్యంలో డాన్స్ ఐకాన్ పేరుతో ఒక సరికొత్త డాన్స్ షో అనేది సెప్టెంబర్ 11 నుంచి ప్రతీ శని, ఆదివారాల్లో ఎంటర్టైన్ చేయడానికి సిద్దమయ్యింది. ఈ షోకి సంబంధించిన ప్రమోషన్స్ లో భాగంగా డాన్స్ ఐకాన్ టీమ్ నుంచి మోనాల్, యష్ మాస్టర్ ఇద్దరూ ఒక ఇంటర్వ్యూలో పార్టిసిపేట్ చేశారు. ఐతే ఇందులో ఇద్దరూ కొన్ని ఫన్నీ మూమెంట్స్ ని షేర్ చేసుకున్నారు.
ఎప్పుడైనా మీ ఫాన్స్ మిమ్మల్ని అడిగిన విచిత్రమైన ప్రశ్న ఏమిటి అని యాంకర్ అడిగేసరికి "వైజాగ్ లో డాన్స్ ఐకాన్ ప్రమోషన్స్ కి వెళ్ళినప్పుడు... కారులో ఉన్న నా దగ్గరకు వచ్చి ఒక కాలేజీ స్టూడెంట్ మోనాల్.. ఐ లవ్ యు.. కార్ డోర్ తియ్యి... మోనాల్ ఒక్కసారి నా మాట విను అంటూ నాకు చాలా చాలా క్లోజ్ పర్సన్ ఐనట్టుగా మాట్లాడేసరికి నవ్వాపుకోలేకపోయాను. తర్వాత నేను స్టేజి మీద మాట్లాడుతున్నంత సేపు ఆ కుర్రాడి మాటలే బ్యాక్ డ్రాప్ లో వినిపించేసరికి కొంత చిరాకు కూడా వచ్చింది. అలాగే ఇంకో ఫ్యాన్ కూడా మోనాల్ అతనితో నీ పెళ్ళెప్పుడు అని అడిగేసరికి షాకయ్యాను" అంటూ చెప్పుకొచ్చింది మోనాల్.
తర్వాత యష్ మాస్టర్ తనకు ఎదురైన విచిత్రమైన ఇన్సిడెంట్ గురుంచి చెప్పాడు. "ఒకసారి నేను వాష్ రూమ్ లో ఉన్నప్పుడు పక్కన ఒక కుర్రాడు కూడా వచ్చాడు. అప్పుడు నన్ను చూసి ఒక సెల్ఫీ ప్లీజ్ అన్నాడు. రేయ్ ఇక్కడేంట్రా సెల్ఫీ అనేసరికి పర్లేదన్నా అన్నాడు...నీకు పర్లేదురా..నాకు కాదు" అని చెప్పాను అంటూ నవ్వేసాడు యష్.