స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ బుధవారం నాటి ఎపిసోడ్ -411 లో.....దీప ఇండైరెక్ట్ గా జ్యోత్స్నకి వార్నింగ్ ఇస్తుంది. తప్పు చేసి తప్పించుకోలేరు.. దాస్ బాబాయ్ వచ్చాక నిజాలన్నీ తెలుస్తాయి.. అప్పుడు శిక్ష తప్పక ఉంటుందని దీప అంటుంటే.. ఇదేంటి నిజం తెలిసి ఇలా అంటుందా అని జ్యోత్స్న మనసులో అనుకుంటుంది. దీప వెళ్ళిపోయాక.. నేను అయితే నీ అంత మంచిదాన్ని అయితే కాదు దీప.. కేవలం నా సంతోషం కోసం మాత్రమే ఆలోచిస్తానని జ్యోత్స్న అనుకుంటుంది.

మరొకవైపు కాశీ రావడం గమనించిన స్వప్న.. మమ్మీ జ్యోత్స్న ఎంగేజ్ మెంట్ ఇప్పుడు అయినా జరుగుతుందా అని కావేరిని అడుగుతుంది స్వప్న. జరగదు గౌతమ్ మంచివాడు కాదని జ్యోత్స్న, పారిజాతానికి తెలుసు.. మళ్ళీ ఎంగేజ్ మెంట్ చెడిపోయేలా చేసి మళ్ళీ దీప మీదకి వచ్చేలా చెయ్యాలని ట్రై చేస్తున్నారు.. ఇదంతా వాళ్ళు మాట్లాడుకోవడం.. నేను విన్నానని కావేరి, స్వప్న చెప్తుంటే కాశీ అదంతా వింటాడు. అంటే నేనే జ్యోత్స్న అక్క మాటలు నమ్మి మోసపోయానా అని కాశీ అనుకుంటాడు. అన్నయ్య చెయ్యమన్నట్లు చేసానని స్వప్న అనుకుంటుంది. అక్కడే ఉండి కావేరి మాటలు విని శ్రీధర్ పారిజాతానికి ఫోన్ చేసి మాట్లాడతాడు. నన్ను ఎంగేజ్ మెంట్ కి పిల్వలేదని శ్రీధర్ అనగానే పారిజాతం ఫోన్ మాట్లాడుతు హాల్లోకి వస్తుంది. అసలు ఈ ఎంగేజ్మెంట్ జరగదని పారిజాతం అంటుంది. దాంతో అక్కడున్న వాళ్లంతా విని షాక్ అవుతారు. అయ్యో నేను మాట్లాడుతు ఇక్కడికి వచ్చానా అని పారిజాతం భయపడుతుంది. ఎంగేజ్ మెంట్ ఎందుకు జరగదు చెప్పమని శివన్నారాయణ కోప్పడతాడు. ఎందుకు జరగదు పారు అని కార్తీక్ అంటాడు. ఎందుకు అత్తయ్య అలా అంటున్నారని సుమిత్ర బాధపడుతుంది. ఎవరేం చేసినా నా మనవరాలు ఎంగేజ్ మెంట్ ఆగదని చెప్పి శివన్నారాయణ వెళ్ళిపోతాడు.

నా కూతురికి కాస్త దూరంగా ఉండు పిన్ని అని పారిజాతంతో దశరథ్ అంటాడు. ఆ తర్వాత కాశీ, స్వప్న ఇద్దరు దీప కార్తీక్ ని కలుస్తారు. జ్యోత్స్న చేస్తున్న ప్లాన్ గురించి కాశీకి చెప్తాడు కార్తీక్. కాశీకి పది లక్షలు ఇస్తాడు కార్తీక్. నువ్వు జ్యోత్స్నకి హెల్ప్ చేస్తున్నావని అనుకుంటున్నాడు.. అలాగే ఉండనివ్వు మనకి నిజం తెలిసిపోయిందని తనకి తెలియొద్దు.. మనం కలిసి గ్రూప్ గా చెయ్యాలి.. జ్యోత్స్న తప్పించుకోవడానికి వీలు లేదని కార్తీక్ అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.