తెలంగాణ నేపథ్యంలో జబర్దస్త్ కమెడియన్ రాకింగ్ రాకేష్ ‘కేసీఆర్’ పేరుతో "కేశవ చంద్ర రామావత్" అనే మూవీని రూపొందించాడు. ఈ మూవీ నుంచి "యాడి యాడి" అనే సాంగ్ ని రిలీజ్ చేశారు. ఈ సాంగ్ రిలీజ్ సందర్భంగా ఆటో రామ్ ప్రసాద్ , బులెట్ భాస్కర్ ఇద్దరూ రాకేష్ కి సపోర్ట్ చేస్తూ ఆ సాంగ్ గురించి నాలుగు మాటలు చెప్పారు.

ఈ సాంగ్ డిఫరెంట్ జానర్ లో ఉందని వినేవారందరికీ నచ్చుతుందని చెప్పారు. మ్యూజిక్ చరణ్ అర్జున్, లిరిక్స్ కాసర్ల శ్యాం, పాడింది రామ్ మిరియాల...వీళ్ళ ఆధ్వర్యంలో వచ్చిన ఎన్నో సాంగ్స్ కూడా హిట్ అయ్యాయి...అలాగే ఈ సాంగ్ ఎంతో ఫేమస్ అవుతుంది అని చెప్పారు. తెలంగాణ మాజీ సీఎం కేసీఆర్ జీవిత కథ ఆధారంగా ఈ మూవీని తెరకెక్కించాడు రాకేష్. ఇందులో రాకేష్ హీరోగా నటిస్తున్నాడు. ఈ సినిమాకు తనే నిర్మాతగా కూడా వ్యవహరిస్తున్నారు. ఈ మూవీ ఫస్ట్ లుక్ లాస్ట్ ఇయర్ రిలీజ్ అయ్యింది. అన్ని పనులు పూర్తి చేసుకుని సినిమా రిలీజ్ కి సిద్ధమయ్యే సమయంలో ఈ మూవీకి గట్టి దెబ్బ తగిలింది. తెలంగాణ ఎన్నికల సమయం దగ్గర పడేసరికి మూవీ ఓటర్లను ప్రభావితం చేసే అవకాశం ఉందని భావించి, విడుదలను నిలిపివేస్తూ ఎన్నికల సంఘం ఉత్తర్వులు జారీ చేసింది. అలా లాస్ట్ ఇయర్ విడుదల కాకుండా నిలిచిపోయింది ఈ సినిమా. ఇప్పుడు మళ్ళీ ఈ మూవీని రిలీజ్ చేసే దిశగా ప్లాన్ చేస్తున్నాడు రాకేష్. అందుకే ఒక సాంగ్ ని బయటకు విడుదల చేసాడు. పొలిటికల్ బ్యాక్ డ్రాప్ తో వచ్చే మూవీస్ కి సెన్సార్ బోర్డు ఎప్పుడూ నో చెప్తుంది అన్న విషయం మనందరికీ తెలుసు. రీసెంట్ గా రామ్ గోపాల్ వర్మ తీసిన "వ్యూహం" మూవీకి కూడా సెన్సార్ అడ్డుపడింది. దీంతో ఇప్పుడు ఈ సినిమా విడుదల ఆలస్యమవుతూ వచ్చింది. సాధారణ కమెడియన్ గా జబర్దస్త్ లోకి ఎంట్రీ ఇచ్చి తర్వాత టీమ్ లీడర్ అయ్యాడు రాకింగ్ రాకేష్. అలా ఇప్పుడు మూవీ కూడా తీసే స్థాయికి వచ్చాడు రాకేష్. ఐతే తాను కెసిఆర్ కి పెద్ద ఫ్యాన్ ని అని ఈ మూవీ చేయడం కోసం తన ఇంటిని కూడా తాకట్టు పెట్టానని గతంలో చెప్పాడు రాకేష్.