స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ సోమవారం నాటి ఎపిసోడ్ -973 లో... రిషి కోసం చక్రపాణి ఇంట్లోకి వస్తాడు శైలేంద్ర. ఎందుకొచ్చావని శైలేంద్రని చూసి వసుధార తిడుతుంది. రిషి కోసం శైలేంద్ర వెతుకుతుంటాడు. వసుధార అడ్డుపడిన శైలేంద్ర వినకుండా వెతుకుతుంటాడు. అయిన రిషి ఎక్కడ కన్పించడు. దాంతో శైలేంద్ర కోపంగా తిరిగి వెళ్ళిపోతు.. ఆ రిషిని బ్రతకనివ్వనని వసుధారతో శైలేంద్ర అంటాడు.

మరొకవైపు వసుధారకి మహేంద్ర ఫోన్ చేస్తుంటాడు. శైలేంద్ర ఉన్నంతసేపు లిఫ్ట్ చెయ్యదు. ఆ తర్వాత మహేంద్ర ఫోన్ చేసి.. వసుధారతో మాట్లాడతాడు. ధరణి కాల్ చేసిన విషయం మహేంద్ర చెప్తాడు. రిషి కోసం ఆ శైలేంద్ర ఇక్కడికి కూడా వచ్చాడని మహేంద్రకి వసుధార చెప్తుంది. కానీ రిషి సర్ ని సీక్రెట్ ప్లేస్ లో దాచి ఉంచానని వసుధార చెప్తుంది. ఎక్కడ ఉన్నాడని మహేంద్ర అడుగగా.. కలిసినప్పుడు చెప్తానని వసుధార చెప్తుంది. రిషిని మాత్రం జాగ్రత్తగా చూసుకోమని మహేంద్ర ఎమోషనల్ అవుతుంటాడు. మరుసటి రోజు ఉదయం రిషిని కాపాడిన ముసలివాళ్ళ దగ్గర రిషి ఉంటాడు. వాళ్ళు వైద్యం చేస్తూ ఉంటే వసుధార, చక్రపాణి ఇద్దరు బయట ఉంటారు. ఇక్కడ అయితే రిషి సర్ సేఫ్ గా ఉంటారు. ఇక్కడికి ఆల్రెడీ శైలేంద్ర వచ్చాడు కదా మళ్ళీ ఇక్కడికి రాడు. ఇక్కడ ఉన్నట్లు అసలు డౌట్ కూడా రాదు కానీ మీ దగ్గర కాకుండా రిషి సర్ ని ఇక్కడ ఉంచినందుకు బాధగా ఉందని వసుధార అంటుంది.

మరొకవైపు శైలేంద్ర ఎండీ చైర్ ని చూస్తూ మురిసిపోతు ఉంటాడు. ఇక తన ప్లాన్ లో భాగంగా శైలేంద్ర ఒక స్టూడెంట్ ని పిలిచి.. నీకు డబ్బులు ఇస్తాను నేను చెప్పింది చెయ్యాలని అంటాడు. రిషి సర్ చనిపోయాడు. అందుకే వసుధార మేడమ్ రావడం లేదు. నువ్వు ఈ విషయం అందరికి చెప్పాలంటూ శైలేంద్ర చెప్తాడు. దాంతో స్టూడెంట్ వెళ్లి అందరికి చెప్తాడు. ఆ తర్వాత శైలేంద్ర ఆ విషయం సోషల్ మీడియాలో కూడ పోస్ట్ చేయడంతో.. కాలేజీలో అందరు అది చూసి మహేంద్రని అడగడానికి వస్తారు. ఏమైందంటు మహేంద్ర అడుగుతాడు. మాకు రిషి సర్ కావాలి సర్. ఎక్కడ ఉన్నాడంటు అడుగుతారు. మాకు సిలబస్ కావడం లేదంటూ స్టూడెంట్స్ ఓవైపు.. మాకు జీతాలు రావడం లేదంటూ ఫాకల్టీ మరోవైపు అందరు కలిసి మహేంద్రకి చెప్తారు. వసుధార మేడమ్ ఎందుకు రావడం లేదని స్టూడెంట్స్, ఫాకల్టీ అడుగుతారు. మేడమ్ వస్తుంది అని మహేంద్ర చెప్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.