స్టార్ట్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ శుక్రవారం నాటి ఎపిసోడ్ -753 లో..... రాజ్ తన మనసులో మాట కావ్యకి చెప్పాలని చూస్తాడు. నాకు ఎందుకో బాధగా ఉంది. గుండె భారంగా ఉంది మీకు అలాగే ఉందా అని కావ్యని రాజ్ అడుగుతాడు. నాకు ఎందుకు ఉంటుంది. యామినితో పెళ్లికి ఒప్పుకుంది మీరు.. అన్ని మీరు చేసి నన్ను అడుగుతున్నారు. అయిన రేపు పెళ్లి పెట్టుకొని ఇలా మాట్లాడడం ఏంటని రాజ్ తో కావ్య అంటుంది.

ఆ తర్వాత ఇందిరాదేవి, అపర్ణ వాళ్లంతా ఒక దగ్గరుంటారు. వాళ్ళని రాహుల్ , రుద్రాణి చూసి.. వీళ్ళేదో పెళ్లి క్యాన్సల్ కి ప్లాన్ చేస్తున్నారని దూరం నుండి చూస్తుంటారు. అప్పుడే కళ్యాణ్, అప్పు, స్వప్న వస్తారు. మన ప్లాన్ సక్సెస్ యామిని రౌడీకి డబ్బు ఇవ్వడం వీడియో తీసానని అప్పు చెప్పగానే అందరు హ్యాపీగా ఫీల్ అవుతారు. ఆ విషయం రాహుల్, రుద్రాణి విని షాక్ అవుతారు. వెంటనే యామినికి వెళ్లి చెప్తారు. మీరేం కంగారు పడకండి ఈ పెళ్లి ఆగదు.. వాళ్ళని ఆ భ్రమలోనే ఉండనివ్వండి అని యామిని కాన్ఫిడెన్స్ గా మాట్లాడుతుంది. ఆ తర్వాత రఘనందన్ కావ్య దగ్గరికి వచ్చి ఈ పెళ్లి ఆపకని రిక్వెస్ట్ చేస్తాడు. కూతురు చేసే ప్రతీదానికి ఇలా సపోర్ట్ చెయ్యొద్దని కావ్య అంటుంది.

ఆ తర్వాత రాజ్ పెళ్లి కి రెడీ అవుతుంటే.. అప్పుడే కావ్య వెళ్లి త్వరగా రెడీ అవ్వండి అని చెప్తుంది. అప్పుడే ఇందిరాదేవి వాళ్ళు వస్తారు. అసలు ఆ కళావతికి నేను అంటే ఇష్టం ఉందా.. అసలు ఏం అర్ధం అవడం లేదని రాజ్ అంటాడు. ఆ తర్వాత యామిని పెళ్లికి రెడీ అయి కావ్యకి ఎదురుపడుతుంది. కావ్య బాధపడేలా మాట్లాడుతుంది. తరువాయి భాగంలో రాజ్ యామిని మెడలో తాళి కట్టబోయే టైమ్ కి రుద్రాణి ఆపండి అంటుంది. అప్పుడే పోలీసులు వచ్చి యామిని ని అరెస్ట్ చెయ్యాలని అంటారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.