"అతనొక్కడే" తర్వాత కళ్యాణ్ రామ్ తర్వాత ఆస్థాయి సక్సెస్ ను తెచ్చిపెట్టిన ఏకైక చిత్రం "పటాస్". కళ్యాణ్ రామ్ కు హిట్ కట్టబెట్టడం మాత్రమే కాకుండా 2015లో తెలుగు చిత్రసీమకు శుభారంభాన్ని ఇచ్చింది. ఆ సినిమాతో దర్శకుడిగా పరిచయమైన అనిల్ రావిపూడి అప్పూడే సెకండ్ సినిమా తీసేసి "సుప్రీమ్"తో మరో సూపర్ హిట్ ను తన ఖాతాలో వేసేసుకొన్నాడు. ప్రస్తుతం రామ్ ను గుడ్డివాడిగా చూపించేందుకు రంగం సిద్ధం చేసుకొంటున్న అనిల్, తనను దర్శకుడిగా పరిచయం చేసిన కళ్యాణ్ రామ్ కు కృతజ్ణతా భావంతో మరో సినిమా చేయనున్నట్లు సమాచారం. 
ఇటీవలే అనిల్ రావిపూడి "పటాస్" తరహా కథను కళ్యాణ్ రామ్ కు చెప్పాడని.. కథ బాగా నచ్చడంతో, "పటాస్"కు రీమేక్ గా ఈ తాజా చిత్రాన్ని తెరకెక్కించాలని అనిల్ కి సూచించాడట కళ్యాణ్ రామ్. 2017లో ఈ సీక్వెల్ సెట్స్ కు వెళ్తుంది!