English | Telugu
పూరీ కొడుక్కి ఆ మోజు ఎక్కువే!
Updated : Jun 5, 2015
సూపర్ స్పీడ్తో సినిమాలను తీయడం దర్శకుడు పూరీ జగన్నాథ్ స్టైల్. ఆయన వేగాన్నే ఎంతో కొంత అందిపుచ్చుకున్నాడు పూరీ తనయుడు ఆకాష్ పూరీ. 'చిరుత'తో బాలనటుడుగా ఎంట్రీ ఇచ్చిన ఆకాష్.. ఆ తరువాత 'బుజ్జిగాడు', 'ఏక్ నిరంజన్', 'బిజినెస్మేన్', 'గబ్బర్సింగ్' తదితర చిత్రాలలో చకచకా నటించి సందడి చేశాడు. ఇక 'ధోని' వంటి చిత్రాల్లో అయితే ఫుల్ఫ్లెడ్జెడ్ రోల్స్ ప్లే చేశాడు కూడా. తాజాగా.. మరో అడుగు ముందుకు వేసి టీనేజ్ స్టార్ గా మారాడు. 'ఆంధ్రా పోరి' సినిమా కోసం అలా నూనుగు మీసాల హీరో వేషమేసాడు. ఈ శుక్రవారం ఆడియన్స్ ముందుకొచ్చిన ఈ సినిమా మంచి టాక్నే మూటగట్టుకుంది. ఇదిలా ఉంటే.. ఆకాష్ పూరీ ఈ సినిమా కోసం చేస్తున్న ప్రమోషన్స్లో.. ఓ విషయం చూపరుల దృష్టిని ఇట్టే ఆకట్టేస్తోంది. అదేమిటంటే.. సెల్ఫీలతో తెగ సందడి చేయడం. తన హీరోయిన్తోనూ, అభిమానులతోనూ.. ఇలా సెల్ఫీల మీద సెల్ఫీలు దిగి ఓ రేంజ్లో తన మోజును చాటుకుంటున్నాడు పూరీ తనయుడు. అదీ సంగతి!