యన్ టి ఆర్, బోయపాటి సినిమా జూలై 1 నుంచి తిరిగి ప్రారంభం కానుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే క్రియెటీవ్ కమర్షియల్స్ పతాకంపై, యంగ్ టైగర్ యన్ టి ఆర్ హీరోగా, శృతి హాసన్ హీరోయిన్ గా, హేట్రిక్ విజయాలతో జోరుమీదున్న యువ డైనమిక్ డైరెక్టర్ బోయపాటి శీను దర్శకత్వంలో, కె.యస్.రామారావు నిర్మిస్తున్న"చురకత్తి". సినిమా ఇప్పటికి 14 రోజుల పాటు చిత్రీకరణ జరుపుకుంది. ఈ 14 రోజుల్లో హీరో యన్ టి ఆర్, హీరోయిన్ శృతి హాసన్ లపై కొన్ని రొమాంటిక్ సీన్లనూ, యన్ టి ఆర్, ఆలీ, కోట శ్రీనివాసరావుల మీద కొన్ని సీన్లనూ, యన్ టి ఆర్, రాహుల్ దేవ్ లపై కొన్ని యాక్షన్ సీన్లనూ చిత్రీకరించారు.

మళ్ళీ జూలై 1 నుంచీ ఈ చిత్రం షూటింగ్ ప్రారంభమై 12 వ తేదీ వరకూ చిత్రీకరణ జరుపుకోనుంది. ఆ తర్వాత ఈ సినిమా ఆగస్ట్ 15 నుండి 31 వ తేదీ వరకూ షూటింగ్ జరుపుకుంటుంది. తర్వాత సెప్టెంబర్ 12 నుండి సినిమా పూర్తయ్యే వరకూ షూటింగ్‍ జరుగుతుందని తెలిసింది. ఈ చిత్రానికి కీరవాణి సంగీతాన్ని అందిస్తూండగా, ఎ.యమ్.రత్నం మాటలను వ్రాస్తున్నారు. కోటగిరి వేంకటేశ్వరరావు ఎడిటింగ్ నూ, ఆర్థర్ విల్సన్ సినిమాటోగ్రఫీని, రామ్ -లక్ష్మణ్ యాక్షన్ నూ నిర్వహిస్తున్నారు.