మాస్‌, క‌మ‌ర్షియ‌ల్ క‌థ‌ల‌కు కేరాఫ్ అడ్ర‌స్స్‌.. పూరి జ‌గ‌న్నాథ్‌. త‌న‌దైన రోజున దిమ్మ‌తిరిగి మైండ్ బ్లాంక్ అయ్యే సినిమాల్ని అందించే స‌త్తా ఉన్న ద‌ర్శ‌కుడు. అయితే గ‌త కొంత‌కాలంగా పూరికి గ‌డ్డు ప‌రిస్థితి న‌డుస్తోంది. తీసిన ప్ర‌తి సినిమా బొక్క బోర్లా ప‌డుతోంది. ఎన్టీఆర్ తో చేసిన టెంప‌ర్ కూడా.. అనుకొన్నంత విజ‌యం సాధించ‌లేదు. దానికి తోడు జ్యోతిల‌క్ష్మి డిజాస్ట‌ర్‌తో పూర్తిగా మునిగిపోయాడు. వ‌రుస ఫ్లాపుల దృష్ట్యా పూరి బ‌య్య‌ర్ల న‌మ్మ‌కాన్ని పూర్తిగా కోల్పోయాడు. పూరి సినిమా అంటే.. బ‌య్య‌ర్లు భ‌య‌ప‌డుతున్నారు.

ఎప్పుడు గొప్ప‌గా ఆలోచిస్తాడో, ఎప్పుడు చెత్త‌గా సినిమా తీస్తాడో చెప్ప‌లేని ప‌రిస్థితి. దాంతో.. తాజా సినిమా `లోఫ‌ర్‌`పై ఫిల్మ్‌న‌గ‌ర్ లో ఎవ్వ‌రికీ న‌మ్మ‌కాల్లేవు. బ‌య్య‌ర్లు కూడా ఈ సినిమాని లైట్ తీసుకొంటున్నారు. నైజాంలో ఈ సినిమాని రూ.7 కోట్లకు పై చిలుకు రేటుకు అమ్మేశార‌ని టాక్ వినిపిస్తున్నా.. అదంతా ఈ సినిమాపై హైప్ క్రియేట్ చేయ‌డానికే అని తెలుస్తోంది.

మ‌రీ ముఖ్యంగా ట్రైల‌ర్ చూసి అంద‌రూ పెద‌వి విరుస్తున్నారు. పూరి స్టైల్ మెరుపులేవీ ఈ సినిమాలో క‌నిపించ‌లేద‌ని, అమ్మానాన్న ఓ త‌మిళ అమ్మాయి - ఏక్ నిరంజ‌న్ - చిరుత సినిమాలు గుర్తొస్తున్నాయి త‌ప్ప‌.. కొత్త‌ద‌నం ఏమీ లేద‌ని తేల్చేస్తున్నారు. ఇలాంటి ప‌రిస్థితుల్లో లోఫ‌ర్‌కి బిజినెస్ అవ్వ‌డం, ఈ సినిమాకి ఓపెనింగ్స్ ల‌భించ‌డం.. క‌ష్ట‌త‌రంగానే క‌నిపిస్తోంది. ఈ సినిమా కూడా ఫ్లాప్ అయితే.. పూరి త‌న క్రేజ్‌ని పూర్తిగా కోల్పోవ‌ల్సివ‌స్తుంది.