English | Telugu
ఓజీ రిలీజ్ డేట్ వచ్చేసింది.. అఖండ-2 పరిస్థితి ఏంటి..?
Updated : May 25, 2025
జూన్ 12న 'హరి హర వీరమల్లు' సినిమాతో ప్రేక్షకుల ముందుకు రాబోతున్నారు పవన్ కళ్యాణ్. ఆ సినిమా విడుదలైన మూడు నెలలకే మరో సినిమాతో అలరించనున్నారు. అదే 'ఓజీ'. సుజీత్ దర్శకత్వంలో డీవీవీ ఎంటర్టైన్మెంట్ నిర్మిస్తున్న ఈ గ్యాంగ్స్టర్ ఫిల్మ్ పై అంచనాలు తారాస్థాయిలో ఉన్నాయి. ఈ మూవీని సెప్టెంబర్ 25న విడుదల చేయనున్నట్లు తాజాగా అధికారికంగా ప్రకటించారు.
సెప్టెంబర్ 25 తేదీపై ఇప్పటికే 'అఖండ-2' కర్చీఫ్ వేసింది. హ్యాట్రిక్ హిట్స్ తర్వాత బాలకృష్ణ, బోయపాటి శ్రీను కాంబినేషన్ లో వస్తున్న సినిమా ఇది. దానికి తోడు అఖండ సీక్వెల్ కూడా కావడంతో అంచనాలు ఓ రేంజ్ లో ఉన్నాయి. ఈ సినిమాని దసరా కానుకగా సెప్టెంబర్ 25న విడుదల చేయనున్నట్లు గతంలోనే ప్రకటించారు. అయితే ఈ సినిమా 2026 సంక్రాంతికి వాయిదా పడే అవకాశముందని ఇటీవల ప్రచారం జరిగింది. ఈ క్రమంలో ఓజీ రిలీజ్ డేట్ అనౌన్స్ మెంట్ రావడం ఆసక్తికరంగా మారింది. మరి 'అఖండ-2', 'ఓజీ' మధ్య బాక్సాఫీస్ వార్ జరుగనుందా? లేక 'అఖండ-2' విడుదల తేదీ మారుతుందా? అనేది తెలియాల్సి ఉంది. జూన్ 10న బాలకృష్ణ బర్త్ డే ఉంది. ఆరోజు 'అఖండ-2' టీజర్ ను రిలీజ్ చేయడానికి సన్నాహాలు చేస్తున్నారు. అదే రోజు విడుదల తేదీపై క్లారిటీ వచ్చే ఛాన్స్ ఉంది.