English | Telugu
ఎన్టీఆర్, సుకుమార్ సినిమాకి క్లాప్ కొట్టారు
Updated : Dec 18, 2014
యంగ్టైగర్ ఎన్టీఆర్, ఆర్య సుకుమార్ ఫస్ట్ కాంబినేషన్లో శ్రీవెంకటేశ్వర సినీచిత్ర ఇండియా లిమిటెడ్ పతాకంపై భారీ నిర్మాత బి.వి.ఎస్.ఎన్.ప్రసాద్ నిర్మిస్తున్న భారీ చిత్రం పూజా కార్యక్రమాలు డిసెంబర్ 18 ఉదయం 11.39 గంటలకు సంస్థ కార్యాలయంలో జరిగాయి. ఈ పూజా కార్యక్రమంలో దర్శకుడు సుకుమార్, నిర్మాత బి.వి.ఎస్.ఎన్.ప్రసాద్, భోగవల్లి బాపినీడు పాల్గొన్నారు.
ఈ సందర్భంగా నిర్మాత బి.వి.ఎస్.ఎన్.ప్రసాద్ మాట్లాడుతూ - ‘‘ఎన్టీఆర్, సుకుమార్ కాంబినేషన్లో రూపొందుతున్న ఈ చిత్రం అన్ని కమర్షియల్ ఎలిమెంట్స్ వుంటాయి. ఎన్టీఆర్కి డిఫరెంట్ మూవీ అవుతుంది. సబ్జెక్ట్ చాలా ఎక్స్ట్రార్డినరీగా వుంది. ఈరోజు ముహూర్తం బాగుండడంతో పూజా కార్యక్రమాలతో ఈ చిత్రాన్ని ప్రారంభిస్తున్నాం. జనవరి 7 నుండి రెగ్యులర్ షూటింగ్ స్టార్ట్ అవుతుంది. మిగిలిన నటీనటుల, సాంకేతిక నిపుణుల వివరాలు త్వరలోనే ప్రకటిస్తాం. మా బేనర్లో ఇది ఒక ప్రెస్టీజియస్ మూవీ అవుతుంది’’ అన్నారు.
దర్శకుడు సుకుమార్ మాట్లాడుతూ - ‘‘ఎన్టీఆర్తో ఫస్ట్టైమ్ వర్క్ చేయడం చాలా ఎక్సైటింగ్గా వుంది. తారక్లో ఎంతో ఎనర్జీ వుంది. ఆ ఎనర్జీని ఎలివేట్ చేసే స్కోప్ వున్న సబ్జెక్ట్. ఇది ఒక రివెంజ్ డ్రామా. డిఫరెంట్ స్టైల్లో వుంటుంది’’ అన్నారు. ఈ చిత్రానికి నిర్మాత: బి.వి.ఎస్.ఎన్.ప్రసాద్, కథ-స్క్రీన్ప్లే-దర్శకత్వం: సుకుమార్.