రోడ్డుప్రమాదంలో మరణించిన సినీ నటుడు నందమూరి హరికృష్ణ పెద్దకుమారుడు నందమూరి జానకీరామ్ మృతదేహానికి జనసేన పార్టీ అధ్యక్షులు పవర్ స్టార్ పవన్ కళ్యాణ్, కేంద్ర మాజీ మంత్రి, కాంగ్రెస్ నేత చిరంజీవిలు నివాళులు అర్పించారు. ఆదివారం ఆయన హరికృష్ణ నివాసం వద్దకు వచ్చిన చిరు, పవన్ నివాళులు అర్పించిన అనంతరం హరికృష్ణ కుటుంబాన్ని ఓదార్చారు. జానకిరాం భౌతికకాయాన్ని చూసి చిరంజీవి కంటతడిపెట్టారు. జానకిరామ్‌ ఆత్మకు శాంతి చేకూరాలని భగవంతుడిని ప్రార్థిస్తున్నానన్నారు. ఈ సందర్భంగా మీడియాతో మాట్లాడుతూ... వాహనాదారులు, యువత ట్రాఫిక్ నిబంధనలను తప్పక పాటించాలని సూచించారు.వాహనాలు నడుతున్నప్పుడు హెల్మెట్, సీటు బెల్టు వంటి నియమాలను తప్పక పాటించాలని తెలిపారు.