శ్రీ‌దేవి కుమార్తె జాన్వీ క‌పూర్ మ‌రో సినిమాకు సంత‌కం చేసింది. వ‌రుణ్ ధావ‌న్ స‌ర‌స‌న న‌టించేందుకు అంగీక‌రించింది. ఇదివ‌ర‌కు 'చిచ్చోరే' లాంటి సూప‌ర్ హిట్ సినిమా తీసిన నిర్మాత సాజిద్ న‌దియ‌డ్‌వాలా, డైరెక్ట‌ర్ నితీష్ తివారీ కాంబినేష‌న్‌లో రానున్న ఈ సినిమాకు 'బ‌వాల్' అనే టైటిల్ ఖ‌రారు చేశారు. 2023 ఏప్రిల్ 7న ఈ సినిమాని విడుద‌ల చేస్తున్న‌ట్లు ప్ర‌క‌టించారు. దీంతో వెండితెర‌పై జాన్వీ, వ‌రుణ్ మ‌ధ్య కెమిస్ట్రీ చూసేందుకు ఫ్యాన్స్ ఆస‌క్తిగా ఎదురుచూస్తున్నారు.

కొంత కాలంగా ఈ సినిమా గురించి ఆన్‌లైన్‌లో ప్ర‌చారం జ‌రుగుతూ వ‌స్తోంది. ఇప్పుడు అది వాస్త‌వ‌మ‌ని స్ప‌ష్ట‌మైంది. త్వ‌ర‌లోనే ఈ సినిమా సెట్స్ మీద‌కు వెళ్ల‌నుంది. జాన్వీ ఇప్ప‌టికే 'గుడ్‌ల‌క్ జెర్రీ', 'మిలి' సినిమాల షూటింగ్‌ను పూర్తి చేసింది. ప్ర‌స్తుతం కొలిన్ డి కున్హా డైరెక్ష‌న్‌లో 'దోస్తానా 2' సినిమా చేస్తోంది. ఈ మూవీలో ల‌క్ష్ ల‌ల్వానీ, అభిషేక్ బెన‌ర్జీ హీరోలుగా న‌టిస్తున్నారు.