LATEST NEWS
తెలంగాణలో రూ.96 కోట్ల ప్రభుత్వ నిధులకు గండి.!
తెలంగాణ రాష్ట్రంలో ప్రజాపంపిణీ వ్యవస్థను ఆసరాగా చేసుకుని ప్రభుత్వ ఆదాయానికి భారీగా నష్టం కలిగిస్తున్న అక్రమ రైస్ మిల్లర్లపై నేర పరిశోధన విభాగం (సీఐడీ) చర్యలు చేపట్టింది. ప్రభుత్వ ధాన్యాన్ని పక్కదారి పట్టిస్తూ అక్రమాలకు పాల్పడుతున్నారన్న ఆరోపణల నేపథ్యంలో రాష్ట్రవ్యాప్తంగా ఏకకాలంలో సోదాలు నిర్వహించింది. ఈ కేసులో ఇప్పటివరకు 16 మంది రైస్ మిల్లర్లను అరెస్ట్ చేయగా, మరికొందరిని అదుపులోకి తీసుకుని విచారిస్తున్నట్లు సమాచారం.
ప్రాథమిక విచారణ ప్రకారం ప్రభుత్వ ఖజానాకు సుమారు రూ.96 కోట్ల నష్టం వాటిల్లినట్లు అంచనా వేస్తున్నారు. రైతుల నుంచి ప్రభుత్వం సేకరించిన ధాన్యాన్ని కస్టమ్ మిల్లింగ్ రైస్ (సీఎంఆర్) విధానంలో అప్పగించగా, కొందరు మిల్లర్లు ఆ ధాన్యాన్ని అక్రమంగా పక్కదారి పట్టించినట్లు ఆరోపణలు ఉన్నాయి. పేద ప్రజలకు పంపిణీ చేయాల్సిన నాణ్యమైన సన్న బియ్యానికి బదులుగా, బహిరంగ మార్కెట్లో తక్కువ ధరకు లభించే దొడ్డు బియ్యాన్ని ప్రభుత్వానికి సరఫరా చేసినట్లు అధికారులు గుర్తించినట్లు తెలుస్తోంది.
మరోవైపు, ప్రభుత్వానికి చెందిన ధాన్యం, బియ్యాన్ని అక్రమ మార్గాల్లో ఇతర వ్యాపారులకు విక్రయించి కోట్లాది రూపాయలు ఆర్జించినట్లు దర్యాప్తులో వెల్లడైంది. సీఎంఆర్ బియ్యం నిల్వలు, లెక్కల్లో భారీ వ్యత్యాసాలు గుర్తించడంతో పౌరసరఫరాల శాఖ అధికారులు అంతర్గత విచారణ చేపట్టారు. క్షేత్రస్థాయిలో పరిశీలనలు నిర్వహించగా పలు అక్రమాలు వెలుగులోకి రావడంతో, సంబంధిత ఆధారాలతో కూడిన నివేదికను సీఐడీకి అందజేసి ఫిర్యాదు చేశారు.
దీంతో రంగంలోకి దిగిన సీఐడీ ప్రత్యేక బృందాలు నిజామాబాద్, నల్గొండ, కరీంనగర్, రంగారెడ్డి, ములుగు, మెదక్ జిల్లాలతో పాటు హైదరాబాద్‌లోని పలు రైస్ మిల్లులు, కార్యాలయాలు, నివాసాలపై ఏకకాలంలో తనిఖీలు నిర్వహించాయి. ఈ సోదాల్లో ధాన్యం నిల్వలు, రికార్డుల మధ్య భారీ తేడాలు ఉన్నట్లు అధికారులు గుర్తించినట్లు సమాచారం. నకిలీ వేబిల్లులు, రిజిస్టర్లు, కంప్యూటర్ హార్డ్‌డిస్క్‌లను స్వాధీనం చేసుకుని కీలక ఆధారాలను సేకరించినట్లు తెలుస్తోంది.
అక్రమాలకు పాల్పడినట్లు ఆరోపణలు ఎదుర్కొంటున్న 16 మందిని అరెస్ట్ చేసి రిమాండ్‌కు తరలించారు. ఈ వ్యవహారంలో రైస్ మిల్లర్లతో పాటు వారికి సహకరించినట్లు అనుమానిస్తున్న అధికారులు, మధ్యవర్తుల పాత్రపైనా సీఐడీ దర్యాప్తు కొనసాగిస్తోంది. ప్రభుత్వ ధాన్యం పక్కదారి పట్టిన విధానం, అక్రమాలకు పాల్పడిన వారి నెట్‌వర్క్‌పై అధికారులు మరింత లోతుగా విచారణ జరుపుతున్నారు. దర్యాప్తు పురోగతిని బట్టి ఈ కేసులో మరిన్ని అరెస్టులు జరిగే అవకాశం ఉందని సంబంధిత వర్గాలు వెల్లడించారు.
[ Telangana Rice Mill Scam, CID Raids, Telangana CID, Rice Millers Arrested, ₹96 Crore Scam, Telangana Civil Supplies Department, Custom Milling Rice (CMR), Public Distribution System (PDS), Government Paddy Scam, Rice Mill Irregularities, Paddy Diversion, Rice Supply Fraud, Food Grain Scam, Telangana Corruption Case ]
ప్రయాణికులతో నిత్యం రద్దీగా ఉండే ఆర్టీసి బస్సులో చిన్నపాటి చిల్లర గొడవ కాస్తా ఊహించని సంఘటనకు దారితీసింది. భద్రాద్రి కొత్తగూడెం జిల్లా అశ్వాపురం మండలం మిట్టగూడెం సమీపంలో చోటుచేసుకున్న ఈ ఘటన స్థానికంగా తీవ్ర సంచలనం సృష్టించింది. మణుగూరు డిపోకు చెందిన ఆర్టీసీ బస్సులో విధులను నిర్వర్తిస్తున్న మహిళా కండక్టర్ ప్రవల్లిక వద్దకు ఓ ప్రయాణికురాలు తన కొడుకు టికెట్ కోసం వచ్చింది. ఆ సమయంలో ప్రయాణికురాలు రూ. 100 నోటును ఇవ్వగా, టికెట్ మొత్తానికి సరిపడా చిల్లర ఇవ్వాలని కండక్టర్ ప్రవల్లిక ఆమెను కోరింది. సరిగ్గా ఇదే విషయమై ఇద్దరి మధ్య చిన్నపాటి మాటల యుద్ధం మొదలైంది. క్రమంగా ఈ చిన్న వాగ్వాదం కాస్తా తీవ్ర స్థాయికి చేరుకుని పెద్ద లొల్లా మారిపోయింది.
ఇరువురి మధ్య తీవ్ర వాదన జరుగుతున్న సమయంలో సహనం కోల్పోయిన ఆ ప్రయాణికురాలు క్షణికావేశంలో హద్దు మీరింది. బస్సులో అందరూ చూస్తుండగానే విధుల్లో ఉన్న కండక్టర్‌ను ఏమాత్రం ఆలోచించకుండా బస్సు బయటికి తోసేసింది. అయితే అదే సమయంలో బస్సు కదులుతుండటంతో జరిగిన ఈ అనూహ్య పరిణామంలో తీవ్రమైన దురదృష్టకర సంఘటన చోటుచేసుకుంది. కండక్టర్ ప్రవల్లిక కాలు ప్రమాదవశాత్తూ ఆర్టీసి బస్సు టైర్ కింద పడిపోయింది. ఈ ఘోర ప్రమాదంలో ఆమె కాలు తీవ్రంగా నలిగిపోయి విరిగినంత పనైంది. ఈ ఊహించని ప్రమాదంతో బస్సులోని ప్రయాణికులు ఒక్కసారిగా భయాందోళనకు గురయ్యారు. తీవ్రంగా గాయపడి రక్తపు మడుగులో పడిన కండక్టర్‌ను చూసి తోటి సిబ్బంది ఆందోళన చెందారు.
తక్షణమే స్పందించిన స్థానికులు, సిబ్బంది 108 అత్యవసర అంబులెన్స్ సహాయంతో తీవ్ర గాయాలపాలైన కండక్టర్ ప్రవల్లికను భద్రాచలం ఆసుపత్రికి తరలించారు. ప్రస్తుతం అక్కడ వైద్యులు ఆమెకు అత్యవసర వైద్య చికిత్సనందిస్తున్నారు. మరోవైపు ఈ దారుణ ఘటనపై సమాచారం అందుకున్న అశ్వాపురం పోలీసులు వెంటనే రంగప్రవేశం చేశారు. బస్సులో విధుల్లో ఉన్న ప్రభుత్వ ఉద్యోగిపై దాడికి పాల్పడి, ప్రాణాంతక ప్రమాదానికి కారణమైన ఆ ప్రయాణికురాలను అదుపులోకి తీసుకున్నారు. ఆమెపై తగిన సెక్షన్ల కింద కేసు నమోదు చేసి పోలీసులు దర్యాప్తును వేగవంతం చేశారు.
ప్రభుత్వ విధుల్లో ఉన్న ఆర్టీసీ ఉద్యోగులపై దాడులు చేయడం చట్టరీత్యా నేరమని, ఇలాంటి ఘటనలకు పాల్పడితే కఠినమైన జైలు శిక్షలు తప్పవని ఆర్టీసి యాజమాన్యం పదే పదే హెచ్చరిస్తున్నప్పటికీ కొందరి ప్రవర్తనలో మాత్రం ఎలాంటి మార్పు రావడం లేదు. క్షణికావేశంలో వ్యవహరించే తీరు వల్ల అమాయక ఉద్యోగుల ప్రాణాల మీదకు రావడంతో పాటు, నిందితులు సైతం కఠినమైన చట్టపరమైన చిక్కులను కొనితెచ్చుకుంటున్నారు. ఈ ఘటన ఆర్టీసీ సిబ్బంది భద్రతపై మరోసారి తీవ్ర చర్చకు దారితీసింది.
[ Rtc bus conductor, passenger pushed conductor, mittagudem news, telangana rtc news, rtc bus incident, bhadradri kothagudem, CM Revanth reddy, Minister ponnam prabhakar ]
గంటకు 140 కి.మీ వేగంతో పెనుగాలులు..అప్రమత్తమైన యంత్రాంగం.!
బంగాళాఖాతంలో ఏర్పడిన వాయుగుండం క్రమంగా బలపడుతూ రాష్ట్రాన్ని వణికిస్తోంది. 'అర్నబ్' పేరుతో దూసుకొస్తున్న ఈ తుపాను రానున్న రోజుల్లో మరింత తీవ్ర రూపం దాల్చనుందని వాతావరణ శాఖ హెచ్చరికలు జారీ చేసింది. ప్రస్తుతం ఆగ్నేయ బంగాళాఖాతంలో కేంద్రీకృతమైన ఈ వాయుగుండం కదలికలను నిపుణులు నిరంతరం పర్యవేక్షిస్తున్నారు. ఇది క్రమంగా పశ్చిమ, వాయవ్య దిశగా కదులుతూ బలపడే అవకాశాలు స్పష్టంగా కనిపిస్తున్నాయి. వాతావరణ అంచనాల ప్రకారం, ఇది రాగల గంటల్లో మరింత తీవ్రమై తుపానుగా మారనుంది. ఆ తర్వాత పశ్చిమ మధ్య బంగాళాఖాతంలో మరింత శక్తిపుంజుకుని అతి తీవ్ర తుపాను రూపాన్ని సంతరించుకోనుందని అధికారులు స్పష్టం చేశారు.
ఈ ముప్పు కారణంగా ఆంధ్రప్రదేశ్ వ్యాప్తంగా దాదాపు 12 జిల్లాలపై దీని తీవ్ర ప్రభావం పడే అవకాశం ఉంది. తీర ప్రాంతాలతో పాటు పలు ఇన్‌కమింగ్ ప్రాంతాల్లో భారీ నుంచి అతి భారీ వర్షాలు కురిసే ఛాన్స్ ఉందని హెచ్చరికలు జారీ అయ్యాయి. ముఖ్యంగా ఈ తుపాను ప్రభావం గరిష్ట స్థాయికి చేరినప్పుడు గంటకు సుమారు 140 కిలోమీటర్ల వేగంతో పెనుగాలులు వీచే ప్రమాదం ఉంది. ఈ విపరీతమైన గాలుల ఉధృతికి చెట్లు, విద్యుత్ స్తంభాలు నేలకూలే అవకాశం ఉన్నందున ప్రజలు అత్యంత అప్రమత్తంగా ఉండాలి. వాతావరణ శాఖ నివేదికల ప్రకారం, ఈ పెను తుపాను బుధవారం ఉదయం నాటికి ఏపీ తీరానికి అతి సమీపానికి చేరుకోనుంది.
బాపట్ల విశాఖపట్నం ప్రాంతాల మధ్య ఇది తీరం దాటే అవకాశాలు ఉన్నాయని అంచనా వేస్తున్నారు. తీరం దాటే సమయంలో సముద్రం అల్లకల్లోలంగా మారనుండటంతో మత్స్యకారులు ఎవరూ వేటకు వెళ్లరాదని కఠిన ఆంక్షలు విధించారు. ఇప్పటికే తీర ప్రాంత ప్రజలను సురక్షిత ప్రాంతాలకు తరలించే ఏర్పాట్లను అధికార యంత్రాంగం ముమ్మరం చేసింది. ప్రభుత్వం చేపట్టిన ముందస్తు రక్షణ చర్యలు, సహాయక బృందాల మోహరింపు వంటి అంశాలు నష్టాన్ని నివారించడంలో కీలక పాత్ర పోషించనున్నాయి. ప్రజలందరూ అధికారిక సూచనలను పాటిస్తూ, అత్యవసరమైతేనే బయటకు రావాలని అధికారులు విజ్ఞప్తి చేస్తున్నారు.
[ Cyclone Arnab, AP Cyclone News, Very Severe Cyclonic Storm, Bapatla Visakhapatnam Cyclone, IMD Weather Warning Andhra Pradesh, TeluguOne News, Telugu News, CM Chandrababu, Home minister anitha ]
.webp)
ఒకవైపు ధరల మంట.. మరోవైపు కృత్రిమ కొరతలు..!
తెలుగు రాష్ట్రాల్లో బియ్యం ధరలు సామాన్య, మధ్యతరగతి కుటుంబాలకు భారంగా మారుతున్నాయి. ప్రతి ఇంటి వంటగదిలో నిత్యం ఉపయోగించే బియ్యం ధరలు కొద్ది నెలల వ్యవధిలోనే భారీగా పెరగడంతో గృహ బడ్జెట్లు తలకిందులవుతున్నాయి. ముఖ్యంగా నాణ్యమైన సన్నబియ్యం ధరలు అందుబాటులో లేకుండా పోతున్నాయని వినియోగదారులు ఆందోళన వ్యక్తం చేస్తున్నారు. కొన్ని రకాల బియ్యం కిలో ధర రూ.80 నుంచి రూ.90 వరకు పలుకుతుండటంతో నెలవారీ ఖర్చులు గణనీయంగా పెరుగుతున్నాయి.
ఆరుగురు సభ్యులున్న మధ్యతరగతి కుటుంబానికి నెలకు కనీసం 25 నుంచి 30 కిలోల బియ్యం అవసరమవుతుంది. గతంలో కిలో బియ్యానికి పెట్టిన ఖర్చుతో పోలిస్తే ఇప్పుడు వందలాది రూపాయలు అదనంగా వెచ్చించాల్సి వస్తోంది. ఇప్పటికే కూరగాయలు, పప్పులు, నూనెల ధరలతో ఇబ్బందులు పడుతున్న కుటుంబాలకు బియ్యం ధరల పెరుగుదల మరింత భారంగా మారింది. దీంతో నిత్యావసరాల ధరలను నియంత్రించాలంటూ ప్రజలు ప్రభుత్వాలను కోరుతున్నారు.
దిగుబడులు తగ్గకముందే ధరల పెరుగుదల ఎందుకు.?
బియ్యం ధరలు పెరగడానికి సరఫరాలో అంతరాయాలు, వాతావరణ పరిస్థితులు, భవిష్యత్తులో దిగుబడులు తగ్గవచ్చనే అంచనాలు కారణమని మార్కెట్ వర్గాలు చెబుతున్నాయి. అయితే, ప్రస్తుతం మార్కెట్లో విక్రయిస్తున్న పాత సన్నబియ్యం గత వానాకాలం, అంతకుముందు సీజన్లలో పండించిన ధాన్యంతో తయారైనదే. ఆ సీజన్లలో రాష్ట్ర అవసరాలకు మించి ధాన్యం ఉత్పత్తి అయిన నేపథ్యంలో, ఇప్పుడే కొరత ఏర్పడిందన్న వాదనపై ప్రశ్నలు తలెత్తుతున్నాయి.
ఎల్‌నినో ప్రభావం భవిష్యత్తులో వరి దిగుబడులపై పడే అవకాశం ఉందన్న అంచనాలను కొందరు వ్యాపారులు ముందుగానే ధరల పెరుగుదలకు కారణంగా చూపుతున్నారనే విమర్శలు వినిపిస్తున్నాయి. 2027 ఏప్రిల్-జూన్ మధ్య వచ్చే దిగుబడులపై వాతావరణ పరిస్థితుల ప్రభావం కనిపించినా, ఆ ధాన్యం మిల్లింగ్ ద్వారా బియ్యంగా మార్కెట్లోకి రావడానికి మరికొంత సమయం పడుతుంది. అయితే, భవిష్యత్తులో సరఫరా తగ్గవచ్చనే అంచనాలతో ఇప్పుడే ధరలు పెంచడం ఎంతవరకు సమంజసమన్న ప్రశ్నలు వినిపిస్తున్నాయి.
మిగులు ధాన్యం ఉన్నా.. ధరల మంట ఎందుకు.?
గతంలో రాష్ట్రంలో మిగులు ధాన్యాన్ని విక్రయించేందుకు ప్రభుత్వం టెండర్లు పిలిచిన సందర్భాలున్నాయి. సుమారు 5 లక్షల టన్నుల సన్న వడ్లను వేలం వేసినప్పటికీ, కనీస ధరకు కొనుగోలు చేసేందుకు కూడా మిల్లర్లు, వ్యాపారులు ముందుకు రాలేదని పేర్కొంటున్నారు. అలాంటి పరిస్థితుల్లో ఇప్పుడు బియ్యం ధరలు భారీగా పెరగడం చర్చనీయాంశంగా మారింది.
మార్కెట్లో బియ్యం ధరలు పెరిగినా ఆ ప్రయోజనం పంట పండించిన రైతులకు చేరడం లేదనే విమర్శలు వ్యక్తమవుతున్నాయి. రైతుల నుంచి ధాన్యాన్ని కొనుగోలు చేసే సమయంలో తక్కువ ధరలు చెల్లిస్తున్న వ్యాపారులు, అదే ధాన్యాన్ని బియ్యంగా మార్చి అధిక ధరలకు విక్రయిస్తున్నారనే ఆరోపణలున్నాయి. దీంతో ధరల పెరుగుదల వల్ల లాభపడుతున్నది ఎవరు? అదనపు భారాన్ని మోస్తున్నది ఎవరు? అనే ప్రశ్నలు తలెత్తుతున్నాయి.
గోదాముల్లో నిల్వలు.. మార్కెట్లో కృత్రిమ కొరత..?
రైస్‌మిల్లర్ల నుంచి హోల్‌సేల్‌ వ్యాపారులకు, అక్కడి నుంచి రిటైలర్లు, కిరాణా దుకాణాలకు బియ్యం సరఫరా అవుతుంది. ఈ సరఫరా వ్యవస్థలో ఎక్కడైనా నిల్వలు పేరుకుపోతే మార్కెట్లో అందుబాటుపై ప్రభావం పడే అవకాశం ఉంది. హైదరాబాద్‌లోని కర్మన్‌ఘాట్‌ వంటి ప్రాంతాల్లో ప్రైవేటు గోదాముల్లో పెద్ద ఎత్తున బియ్యం నిల్వ చేస్తున్నారనే ఆరోపణలు వినిపిస్తున్నాయి.
గోదాములతో పాటు రిటైల్ వ్యాపారులు కూడా భారీగా బియ్యం బస్తాలను నిల్వ ఉంచుతూ కృత్రిమ కొరత సృష్టిస్తున్నారనే అనుమానాలు వ్యక్తమవుతున్నాయి. అయితే, ఈ ఆరోపణలను నిర్ధారించాలంటే గోదాముల్లోని నిల్వలు, కొనుగోళ్లు, విక్రయాల రికార్డులను అధికారులు పరిశీలించాల్సి ఉంటుంది. అక్రమ నిల్వలు లేదా ఉద్దేశపూర్వకంగా సరఫరాను అడ్డుకుంటున్నట్లు తేలితే సంబంధిత వ్యాపారులపై చర్యలు తీసుకోవాల్సిన అవసరం ఉంది.
సామాన్యులపై భారం.. అధికారుల తనిఖీలు ఎప్పుడు.?
బియ్యం ధరల పెరుగుదలతో వినియోగదారులు ఇబ్బందులు పడుతుంటే, కృత్రిమ కొరత ఆరోపణలు మరింత ఆందోళన కలిగిస్తున్నాయి. నిల్వలు ఉన్నప్పటికీ సరఫరాను నియంత్రించి ధరలు పెంచుతున్నారనే అనుమానాలపై పౌరసరఫరాల శాఖ, సంబంధిత టాస్క్‌ఫోర్స్‌ అధికారులు దృష్టి సారించాలనే డిమాండ్లు వినిపిస్తున్నాయి.
గోదాముల్లో నిల్వల పరిమాణం ఎంత? మార్కెట్లోకి ఎంత బియ్యం వస్తోంది? హోల్‌సేల్‌, రిటైల్ ధరల మధ్య వ్యత్యాసం ఎంత? ధరల పెరుగుదలకు నిజంగా సరఫరా కొరతే కారణమా? లేక అక్రమ నిల్వల ప్రభావం ఉందా? అనే అంశాలపై సమగ్ర పరిశీలన జరగాలి. అవసరమైతే తనిఖీలు నిర్వహించి, అక్రమాలు బయటపడితే కఠిన చర్యలు తీసుకోవాలి.
మొత్తానికి, బియ్యం ధరల పెరుగుదల వెనుక అసలు కారణాలపై స్పష్టత రావాల్సి ఉంది. ఒకవైపు అన్నదాతకు గిట్టుబాటు ధర దక్కడం లేదనే ఆవేదన, మరోవైపు వినియోగదారుడికి అందుబాటు ధరలో బియ్యం లభించని పరిస్థితి కనిపిస్తోంది. ఈ రెండు సమస్యలకు పరిష్కారం చూపుతూ, మార్కెట్లో పారదర్శకతను పెంచి, అక్రమ నిల్వలు ఉంటే అరికట్టాల్సిన బాధ్యత ప్రభుత్వంపై ఉంది.
[ Rice Prices, Rice Price Hike, Rising Essential Commodities Prices, Telangana Rice Prices, Andhra Pradesh Rice Prices, Sona Rice Price, Fine Rice Prices, Artificial Rice Shortage, Black Marketing, Rice Hoarding, Rice Stockpiling, Rice Millers, Wholesale Rice Market, Retail Rice Prices, Paddy Farmers, CM Revanth reddy, Minister Uttam Kumar Reddy ]
హైదరాబాద్ మహానగరంలో మరోసారి తీవ్ర విషాదం చోటుచేసుకుంది. టెకీల కొలువులకు కేరాఫ్ అడ్రస్‌గా నిలిచే ఐటీ కారిడార్‌లో వరుసగా వెలుగుచూస్తున్న ఇలాంటి ఘటనలు సర్వత్రా కలకలం రేపుతున్నాయి. ఉన్నత చదువులు చదివి, మంచి ఉద్యోగంలో స్థిరపడాల్సిన యువత ఒక్క క్షణం తీసుకుంటున్న ఆవేశపూరిత నిర్ణయాలు నిండు ప్రాణాలను బలిగొంటున్నాయి. తాజాగా జరిగిన ఒక హృదయవిదారక ఘటనలో, ఒక యువ సాఫ్ట్‌వేర్ ఉద్యోగి బలవన్మరణానికి పాల్పడటం స్థానికంగా తీవ్ర దిగ్భ్రాంతిని కలిగించింది. కుటుంబ సభ్యులకు తీరని శోగాన్ని మిగిల్చిన ఈ ఘటనకు సంబంధించిన పూర్తి వివరాలు అందరినీ ఆలోచింపజేస్తున్నాయి.
అందిన ప్రాథమిక సమాచారం పోలీసుల నివేదికల ప్రకారం, మృతురాలు ఉత్తరప్రదేశ్ రాష్ట్రానికి చెందిన వ్యక్తిగా గుర్తించారు. బ్రతుకుదెరువు కోసం, ఉజ్వల భవిష్యత్తును వెతుక్కుంటూ మహా నగరానికి వచ్చిన అర్చనా చౌదరి ఇక్కడే మదాపూర్‌లో ఒక ప్రముఖ కంపెనీలో సాఫ్ట్‌వేర్ ఉద్యోగిగా విధులు నిర్వహిస్తున్నాడు. అయితే గత కొంతకాలంగా ఆమె తీవ్రమైన మానసిక ఒత్తిడిని ఎదుర్కొంటున్నట్లు తెలుస్తోంది. ఈ క్రమంలోనే ఎవరూ లేని సమయంలో తీవ్ర మనస్తాపానికి గురైన తాను ఉంటున్న అపార్ట్‌మెంట్‌లో బలవన్మరణానికి పాల్పడినట్లు ప్రాథమికంగా నిర్ధరించారు.
ఈ దుర్ఘటన గురించి సమాచారం అందుకున్న వెంటనే స్థానిక పోలీసులు అప్రమత్తమయ్యారు. వెంటనే ఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకున్నారు. ప్రథమ విచారణలో భాగంగా ఆమె గదిని పరిశీలించగా, కొన్ని కీలక అంశాలు వెలుగులోకి వచ్చాయి. అయితే, ఈ బలవన్మరణానికి గల కచ్చితమైన కారణాలు ఇంకా పూర్తిస్థాయిలో వెల్లడి కాలేదు. వ్యక్తిగత సమస్యలా, ఉద్యోగంలో ఒత్తిడి లేక ఇతర ఆర్థిక పరమైన కారణాలు ఏమైనా ఉన్నాయా అనే కోణంలో పోలీసులు తీవ్రంగా దర్యాప్తు చేస్తున్నారు. మృతురాలి కుటుంబ సభ్యులకు సమాచారం అందించగా, వారి రోదనలు అక్కడ ఉన్నవారందరినీ కంటతడి పెట్టించాయి.
సమాజంలో రోజురోజుకూ పెరుగుతున్న మానసిక ఒత్తిడి, నిరాశ నిస్పృహలు యువతను ఇలాంటి కఠిన నిర్ణయాలు తీసుకునేలా ప్రేరేపిస్తుండటం ఆందోళనకరమైన పరిణామం. చిన్న చిన్న సమస్యలకే జీవితాన్ని అర్ధాంతరంగా ముగించుకోవడం పట్ల నిపుణులు ఆవేదన వ్యక్తం చేస్తున్నారు. ఏ సమస్యకైనా చావు ఎప్పటికీ పరిష్కారం కాదని, కష్టకాలంలో ఆత్మస్థైర్యంతో కుటుంబ సభ్యులతో లేదా మిత్రులతో చర్చించాలని సూచిస్తున్నారు. నగరంలో కలకలం రేపిన ఈ సాఫ్ట్‌వేర్ ఉద్యోగిని ఆత్మహత్య ఉదంతం ఇప్పుడు ఐటీ సర్కిల్స్‌లోనూ, స్థానికంగానూ తీవ్ర చర్చనీయాంశమైంది. పోలీసులు కేసు నమోదు చేసుకుని దర్యాప్తును వేగవంతం చేశారు.
[ software employee suicide, hyderabad news, techie death by hanging, crime news telugu, latest news hyderabad, it corridor tragedy, hyderabad police, CP Sajjanar, DGP C.V.Anand ]
ALSO ON TELUGUONE N E W S
సెలబ్రిటీల పెళ్లి గురించి తెలుసుకోవాలన్న ఆసక్తి అభిమానుల్లో ఉండటం సహజం. కానీ, వారి వ్యక్తిగత జీవితాల గురించి తెలియని విషయాలను ఊహించుకుని.. ఏకంగా విడాకుల వరకు వెళ్లిపోవడం మాత్రం కాస్త అతిగానే అనిపిస్తుంది. ఇప్పుడు విజయ్ దేవరకొండ, రష్మిక మందన్న విషయంలోనూ ఇదే జరుగుతోంది. పెళ్లై కొన్ని నెలలు కూడా గడవకముందే ఈ జంట విడిపోతోందంటూ సోషల్ మీడియాలో ప్రచారం మొదలైంది.
విజయ్, రష్మిక జంటకు టాలీవుడ్‌లో ప్రత్యేకమైన క్రేజ్ ఉంది. ‘గీత గోవిందం’, ‘డియర్ కామ్రేడ్’ సినిమాలతో వీరిద్దరి మధ్య కెమిస్ట్రీ ప్రేక్షకులను ఆకట్టుకుంది. అప్పటినుంచి ఈ జంట ప్రేమలో ఉందంటూ వార్తలు వచ్చినా.. చాలాకాలం పాటు తమ వ్యక్తిగత జీవితాన్ని ప్రైవేట్‌గానే ఉంచారు. చివరకు 2026 ఫిబ్రవరిలో పెళ్లి బంధంతో ఒక్కటయ్యారు. అభిమానులు వీరి జంటను ‘విరోష్’ అని పిలుచుకుంటూ సందడి చేశారు.
అయితే, పెళ్లి తర్వాత కూడా ఈ జంటకు ట్రోలింగ్ తప్పడం లేదు. తాజాగా కరణ్ జోహార్ నిర్వహించే ‘కాఫీ విత్ కరణ్’ షోలో విజయ్, రష్మిక పాల్గొనడంతో కొత్త వివాదం మొదలైంది. పెళ్లి ప్రపోజల్ గురించి చర్చ వచ్చినప్పుడు.. రష్మిక తనను పెళ్లి చేసుకోమని చాలాసార్లు అడిగిందని విజయ్ సరదాగా చెప్పడం, ఏడాది పాటు పెళ్లి గురించి అడిగానని రష్మిక చెప్పడం సోషల్ మీడియాలో చర్చనీయాంశమైంది.
అక్కడితో ఆగకుండా కొందరు విజయ్‌ను ‘రెడ్ ఫ్లాగ్’ అంటూ ట్రోల్ చేయడం మొదలుపెట్టారు. ఇద్దరి మధ్య ఎవరు ముందుగా పెళ్లి ప్రస్తావన తీసుకొచ్చారనే విషయాన్ని కూడా పెద్ద చర్చగా మార్చేశారు. సరదాగా సాగిన సంభాషణను పట్టుకుని.. వారి వ్యక్తిగత సంబంధంపై తీర్పులు ఇవ్వడం మొదలుపెట్టారు.
ఇక ఇప్పుడు మరో కొత్త ప్రచారం తెరపైకి వచ్చింది. విజయ్ ఇన్‌స్టాగ్రామ్‌లో రష్మికను అన్ ఫాలో చేశాడని, ఇద్దరి మధ్య దూరం పెరిగిందంటూ ఫేక్ న్యూస్ స్ప్రెడ్ చేస్తున్నారు. అసలు నిజం ఏంటంటే.. విజయ్ ఇన్‌స్టాగ్రామ్‌లో ఎవరినీ ఫాలో అవ్వడం లేదు. కానీ, రష్మికను మాత్రమే ఫాలో అవ్వడంలేదని, ఆమెను కొత్తగా అన్ ఫాలో చేశాడన్నట్టుగా కథలు అల్లుతున్నారు. దీంతో ఇది కొందరు నిజం అనుకుంటున్నారు.
ఈ ప్రచారంపై విజయ్, రష్మిక అభిమానులు తీవ్రంగా స్పందిస్తున్నారు. ఇద్దరూ తమ జీవితాన్ని తమకు నచ్చినట్టుగా గడుపుతుంటే.. ప్రతి చిన్న విషయాన్ని వివాదంగా మార్చడం ఎందుకని ప్రశ్నిస్తున్నారు. ఇన్‌స్టాగ్రామ్‌లో ఎవరిని ఫాలో అవుతున్నారు? ఇంటర్వ్యూలో ఏం మాట్లాడారు? అనే అంశాల ఆధారంగా ఒక జంట బంధంపై నిర్ణయానికి రావడం సరికాదని అంటున్నారు.
సెలబ్రిటీల సినిమాల గురించి చర్చించడం, వారి విజయాలను ఆస్వాదించడం వరకు బాగానే ఉంటుంది. కానీ, వారి వ్యక్తిగత జీవితాలపై ఆధారాలు లేని ప్రచారాలు చేయడం ఎంతవరకు సమంజసం?.
ఇది కూడా చదవండి: RC17 లాంచ్ డేట్, మ్యూజిక్ డైరెక్టర్ ఫిక్స్.. ముగ్గురు హీరోయిన్లకు లుక్ టెస్ట్.!
[Vijay Rashmika Divorce Rumours, Virosh Divorce Rumours, Instagram, Vijay Deverakonda, Rashmika Mandanna, Koffee With Karan, Virosh, Telugu Film News]
Ranbir Kapoor and Sai Pallavi bring the divine romance of Lord Rama and Maa Sita to life in Rangulu Ranguley, the newly released song from Nitesh Tiwari’s magnum opus, Ramayana. Composed by AR Rahman, the soulful melody blends grand visuals with the tenderness of the couple’s relationship, adding a much-needed emotional layer to the film’s musical album.
The song captures the joyous celebrations of Rama and Sita’s wedding against the majestic backdrop of Ayodhya before transitioning to their journey into Vanvas. Moving away from royal comforts, the visuals portray the couple’s faith, devotion and togetherness as they embrace the challenges destined for them. Rama wielding Shiva’s iconic bow and arrow, alongside breathtaking landscapes and elaborate palace settings, further highlights the film’s epic scale.
Ranbir Kapoor and Sai Pallavi appear graceful as Rama and Sita, bringing the divine characters’ revered image to the screen. The Telugu version features vocals by Raghav Kaushik and Vaishali Samant, with lyrics adapted by Rakendu Mouli. Following the previously unveiled Ravana Thandavam and Rama tracks, Rangulu Ranguley brings a soulful romantic dimension to the film’s album.
Produced by Namit Malhotra, DNEG and Monster Mind Creations, Ramayana also stars Yash as Ravana, Sunny Deol as Hanuman and Ravi Dubey as Lakshman. The first part is scheduled for a global IMAX release on November 5.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Naga Chaitanya is collaborating with director Karthik Dandu for the ambitious magnum opus Vrushakarma, which is gearing up for a worldwide release on December 4. The makers recently invited members of the press to visit the specially designed cave set, offering a glimpse into the scale, research and detailing behind the film.
The visitors were impressed by the realistic construction, which reflects the team's effort to create a convincing cinematic world without relying entirely on VFX. Director Karthik Dandu revealed that the team spent considerable time in pre-production, including developing miniature models of the sets, ensuring every element complemented the script, characters and emotions. He described Vrushakarma as a plot-driven adventure with treasure-hunt elements, promising grand sequences mounted on a larger-than-life canvas.
Chaitanya revealed that Karthik narrated the script to him over seven hours, convincing him of its potential. The actor said he had never spent so much time with a director on any film in his career, citing the extensive script discussions, workshops and research that preceded the shoot. The team reportedly spent around three months on research before moving ahead with set construction and filming.
Calling Vrushakarma a one-of-its-kind spectacle, Chaitanya expressed confidence that the film would be his career-best and biggest blockbuster. He also highlighted how realistic sets and challenging sequences encourage actors to push their performances further.
Produced by BVSN Prasad and Sukumar Writings, the film stars Meenakshi Chaudhary as the leading lady, with Sparsh Srivastav in a prominent role. Ajaneesh Loknath is composing the music.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
రామ్ చరణ్, సుకుమార్ కాంబినేషన్‌లో సినిమా అంటే అంచనాలు ఏ స్థాయిలో ఉంటాయో ప్రత్యేకంగా చెప్పక్కర్లేదు. ‘రంగస్థలం’ తర్వాత వీరిద్దరూ మరోసారి కలుస్తుండటంతో మెగా అభిమానులు ఆసక్తిగా ఎదురుచూస్తున్నారు. ఇప్పుడు ఈ సినిమాకు సంబంధించి వరుస అప్‌డేట్స్‌ వినిపిస్తున్నాయి.
రీసెంట్ గా '418' మూవీ మీడియా మీట్ లో మైత్రీ మూవీ మేకర్స్ నిర్మాత వై. రవిశంకర్ వెల్లడించిన వివరాల ప్రకారం, నవంబర్ 1న RC17 పూజా కార్యక్రమాలు నిర్వహించనున్నారు. దీంతో చాలాకాలంగా ఎదురుచూస్తున్న ఈ ప్రాజెక్ట్ అధికారికంగా ప్రారంభం కానుంది. ఆ వెంటనే రెగ్యులర్ షూటింగ్ కూడా స్టార్ట్ కానుంది.
ఈ సినిమాకు సంగీత దర్శకుడిగా అనిరుధ్ రవిచందర్ ఖరారైనట్లు సమాచారం. ఇప్పటివరకు సుకుమార్ సినిమాలకు ఎక్కువగా దేవిశ్రీ ప్రసాద్ సంగీతం అందించగా, ఈసారి అనిరుధ్ పేరు తెరపైకి రావడం ఆసక్తికరంగా మారింది. అయితే దీనిపై మేకర్స్ నుంచి అధికారిక ప్రకటన రావాల్సి ఉంది.
మరోవైపు హీరోయిన్ ఎంపిక కూడా చర్చనీయాంశంగా మారింది. సారా అర్జున్, అనీత్ పడ్డా, ప్రీతి ముకుందన్‌లకు సంబంధించి లుక్ టెస్టులు పూర్తయినట్లు ప్రచారం జరుగుతోంది. వీరిలో ఎవరిని ఎంపిక చేస్తారనే దానిపై ఇంకా స్పష్టత రావాల్సి ఉంది.
RC17 కథ, నిడివిపై కూడా ఆసక్తికరమైన చర్చ నడుస్తోంది. ఈ చిత్రాన్ని రెండు భాగాలుగా తెరకెక్కించే అవకాశాలున్నాయని టాక్ వినిపిస్తోంది. అయితే దీనిపై ఇప్పటివరకు అధికారిక ధ్రువీకరణ లేదు.
‘రంగస్థలం’తో రామ్ చరణ్‌కు కెరీర్‌లో గుర్తుండిపోయే విజయాన్ని అందించిన సుకుమార్.. ఈసారి ఎలాంటి కథతో వస్తారన్నది ఆసక్తికరంగా మారింది. అనిరుధ్ సంగీతం, రెండు భాగాల ప్రచారం.. ఇలా ప్రతి అంశం సినిమాపై క్యూరియాసిటీ పెంచుతోంది. మరి నవంబర్ 1న జరిగే ప్రారంభోత్సవం సందర్భంగా చిత్రబృందం మరిన్ని వివరాలు వెల్లడిస్తుందేమో చూడాలి.
ఇది కూడా చదవండి: ఎవరీ వైకోమ్ విజయలక్ష్మి.. చూపు లేకపోయినా గాత్రంతో జాతీయ అవార్డు.!
[RC17 Movie Update, RC17 Movie Launch Date, RC17 Music Director, RC17 Heroine, Ram Charan, Sukumar, Anirudh, Sara Arjun, Aneet Padda, Preity Mukhundhan]
Horror drama 418, presented by Prashanth Neel and produced by Mythri Movie Makers, has reportedly recovered its investment within two days of release. The makers, who interacted with the media for the first time following the film’s positive reception, credited director Kirtan Nadagouda’s meticulous planning and the film’s sound design for connecting with audiences.
Mythri Ravi revealed that the team decided to give 418 a pan-India release after hearing the script, believing its horror elements would appeal to audiences across languages. He added that Prashanth Neel and his wife Likitha took the project personally and were actively involved in promoting it. The idea of holding a premiere in Mumbai to gather audience feedback also came from Kirtan, Ravi revealed.
Ravi said viewers have been particularly appreciative of the sound design and horror elements, while Mythri Naveen thanked audiences for giving the production house a successful outing in the horror genre. The team is hopeful that the film will continue its theatrical run and urged audiences to experience it in cinemas.
Director Kirtan revealed that he developed the idea after Salaar and worked on the script for over a year. He meticulously planned every aspect, from performances and music to sound and production design, to ensure the elements came together as a complete theatrical experience. Kirtan also thanked Mythri Movie Makers for backing his vision and providing the resources needed to realise it. Chaitra Achar, Surya Raj, Charan Lakkaraju, Preeti Pagadala are part of ensemble of the film.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
పాన్ ఇండియా స్టార్ ప్రభాస్ హీరోగా, ‘సీతారామం’ ఫేమ్ హను రాఘవపూడి దర్శకత్వంలో తెరకెక్కుతున్న చిత్రం ‘ఫౌజీ’. ప్రభాస్ పుట్టినరోజు సందర్భంగా విడుదల చేసిన ‘ఫైల్ నంబర్ 25’ గ్లింప్స్ ప్రస్తుతం సోషల్ మీడియాలో చర్చనీయాంశంగా మారింది. ఇందులో ప్రభాస్‌ను రెబల్ సైనికుడు, వ్యూహకర్త, గూఢచారిగా పరిచయం చేశారు. అయితే ఈ గ్లింప్స్ చూసిన కొందరు నెటిజన్లు నందమూరి కళ్యాణ్ రామ్ నటించిన ‘డెవిల్’ సినిమాను గుర్తుచేసుకుంటున్నారు. రెండు చిత్రాల్లోనూ నేతాజీ సుభాష్ చంద్రబోస్, ఇండియన్ నేషనల్ ఆర్మీ నేపథ్యంలో గూఢచర్యానికి సంబంధించిన అంశాలు ఉండటమే ఈ పోలికలకు కారణం.
‘ఫౌజీ’ గ్లింప్స్ రెండో ప్రపంచ యుద్ధ కాలం నాటి బెర్లిన్‌లో మొదలవుతుంది. నేతాజీ సుభాష్ చంద్రబోస్, అడాల్ఫ్ హిట్లర్ మధ్య జరిగే సంభాషణ ద్వారా ప్రభాస్ పాత్ర గురించి ఆసక్తికరమైన విషయాలను వెల్లడించారు. బ్రిటిష్ పాలకులకు సవాల్ విసురుతూ, తన అసలు గుర్తింపును రహస్యంగా ఉంచుకుని పనిచేసే భారతీయ గూఢచారిగా ప్రభాస్ కనిపించనున్నారు. భగవద్గీత స్ఫూర్తితో రూపొందించిన రహస్య కోడ్, శత్రువుల వ్యూహాలను దెబ్బతీసే ఆపరేషన్లు వంటి అంశాలు ఈ గ్లింప్స్‌లో ప్రత్యేక ఆకర్షణగా నిలిచాయి. చివర్లో ప్రభాస్ గంభీరమైన లుక్‌లో కనిపించడంతో అభిమానుల్లో సినిమాపై అంచనాలు పెరిగాయి.
ఇక కళ్యాణ్ రామ్ హీరోగా నటించిన ‘డెవిల్: ది బ్రిటిష్ సీక్రెట్ ఏజెంట్’ 2023లో విడుదలైంది. బ్రిటిష్ పాలన కాలం నాటి మద్రాస్ ప్రెసిడెన్సీ నేపథ్యంలో రూపొందిన ఈ పీరియడ్ యాక్షన్ చిత్రంలో కళ్యాణ్ రామ్ గూఢచారి త్రివర్ణ అలియాస్ డెవిల్‌గా కనిపించారు. నేతాజీ సుభాష్ చంద్రబోస్‌కు సంబంధించిన నేపథ్యం, ఇండియన్ నేషనల్ ఆర్మీ కార్యకలాపాలు, రహస్య మిషన్లు ఈ కథలో కీలకంగా ఉంటాయి. అందుకే ‘ఫౌజీ’లోనూ ఇలాంటి అంశాలు కనిపించడంతో, కళ్యాణ్ రామ్ ఇలాంటి కథతో మూడేళ్ల క్రితమే ప్రేక్షకుల ముందుకొచ్చారని కొందరు నెటిజన్లు వ్యాఖ్యానిస్తున్నారు.
అయితే, రెండు సినిమాల్లోనూ చారిత్రక నేపథ్యం, గూఢచర్యం వంటి అంశాలు ఉన్నంత మాత్రాన కథలు ఒకటేనని చెప్పలేం. ‘ఫౌజీ’ పూర్తి కథ ఇంకా ప్రేక్షకుల ముందుకు రాలేదు. కేవలం గ్లింప్స్ ఆధారంగా పోలికలు పెట్టడం తొందరపాటేనని ప్రభాస్ అభిమానులు అభిప్రాయపడుతున్నారు. హను రాఘవపూడి ఈ కథను ఏ విధంగా తెరకెక్కించారు? ప్రభాస్ పాత్రలో ఎలాంటి ప్రత్యేకతలు ఉండబోతున్నాయి? అనేది సినిమా విడుదలయ్యాకే స్పష్టమవుతుంది. ఈ చిత్రం 2027 మార్చి 19న విడుదల కానున్నట్లు మేకర్స్ ప్రకటించారు. అప్పటివరకు ‘ఫౌజీ’, ‘డెవిల్’ పోలికలపై చర్చ కొనసాగడం ఖాయంగా కనిపిస్తోంది.
[Prabhas Fauzi, Fauzi Glimpse, Kalyan Ram Devil, Prabhas New Movie, Hanu Raghavapudi, Subhas Chandra Bose, Indian National Army, Period Spy Thriller, Tollywood News]
Ranbir Kapoor seems to have played an unexpected role in Prabhas’ Spirit securing the Diwali 2027 release. According to a report, the Ramayana actor tipped off his Animal director Sandeep Reddy Vanga about the part 2 of Ramayana likely postponement, allowing the filmmaker to move quickly and lock the lucrative festive slot.
The report claims that Ranbir informed Vanga after learning that Ramayana 2 would require additional time. Vanga subsequently decided to bring Spirit to the Diwali 2027 window, with producer Bhushan Kumar backing the move. The alleged conversation is particularly interesting given Ranbir and Vanga’s association.
Meanwhile, Ramayana 2, featuring Ranbir as Lord Rama and Yash as Ravana, is reportedly being pushed to Diwali 2028. The sequel is said to require more shooting time, particularly for its ambitious war sequences. However, the makers have yet to officially confirm the reported postponement.
Vanga has announced October 29, 2027, as the worldwide theatrical release date for Spirit, which stars Prabhas alongside Triptii Dimri. The film was initially scheduled for March 5, 2027, before moving to the festive window. While the reports claim postponement of Ramayana 2, makers did not confirm it yet.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
సూపర్‌స్టార్ రజనీకాంత్ నటించిన ‘జైలర్ 2’ థియేటర్లలో విజయవంతంగా ప్రదర్శితమవుతున్న నేపథ్యంలో, ఈ సినిమాకు సంబంధించిన ఓ బిహైండ్ ద సీన్స్ వీడియో సోషల్ మీడియాలో వైరల్‌గా మారింది. ఇందులో రజనీకాంత్, బాలీవుడ్ నటి విద్యాబాలన్, దర్శకుడు నెల్సన్ దిలీప్‌కుమార్‌తో పాటు పలువురు నటీనటులు కనిపించారు. ముఖ్యంగా విద్యాబాలన్ పుట్టినరోజు వేడుకలకు సంబంధించిన ఈ వీడియో అభిమానులను ఆకట్టుకుంటోంది.
జనవరి 1న విద్యాబాలన్ పుట్టినరోజు. జైలర్2 సెట్స్‌లో ఆమె పుట్టినరోజు వేడుక‌ను నిర్వహించారు. ఆ సమయంలో బిందాస్ సాంగ్ చిత్రీక‌ర‌ణ జరుగుతోంది. విద్యాబాలన్ కేక్ కట్ చేసిన అనంతరం రజనీకాంత్‌కు కేక్ తినిపించగా, ఆయన కూడా ఆమెకు కేక్ తినిపించారు. ఆ సమయంలో విద్యాబాలన్ సరదాగా ‘మేము కపుల్ కాదు’ అంటూ నవ్వడం వీడియోలో కనిపించింది. సినిమాలో కాంత పాత్రలో కనిపించిన విద్యాబాలన్‌తో టైగర్ ముత్తువేల్ పాండియన్ పాత్రలో రజనీకాంత్ చేసే సరదా సన్నివేశాలను గుర్తుచేసుకుంటూ నెటిజన్లు కామెంట్లు చేస్తున్నారు. కాంత పుట్టినరోజును టైగర్ సెలబ్రేట్ చేస్తున్నాడంటూ సరదాగా పోస్టులు పెడుతున్నారు.
ఈ వీడియోలో మరో ఆసక్తికరమైన విషయం కూడా అభిమానుల దృష్టిని ఆకర్షించింది. ప్రముఖ హాస్యనటుడు సంతానం ఈ వేడుక‌లో కనిపించడంతో ‘జైలర్ 2’లో ఆయన కూడా నటించారనే చర్చ మళ్లీ మొదలైంది. సంతానం ఈ సినిమా కోసం సుమారు పది రోజుల పాటు షూటింగ్‌లో పాల్గొన్నప్పటికీ, ఆయనకు సంబంధించిన సన్నివేశాలను తుది ఎడిటింగ్‌లో తొలగించినట్లు తెలుస్తోంది. దీంతో ఆయన నటించిన సన్నివేశాలను డిలీటెడ్ సీన్స్ రూపంలో విడుదల చేస్తారా అని అభిమానులు ఆసక్తిగా ఎదురుచూస్తున్నారు. సినిమాలో చోటు దక్కని కొన్ని సన్నివేశాలు ఓటీటీ అన్‌కట్ వెర్షన్‌లో వస్తాయనే ఆశాభావాన్ని అభిమానులు వ్యక్తం చేస్తున్నారు. అయితే సంతానం సన్నివేశాలతో పాటు అదనపు ఫుటేజ్‌ను ఓటీటీలో విడుదల చేస్తారనే విషయంపై అధికారిక ప్రకటన వెలువడాల్సి ఉంది.
[Jailer 2 BTS Video, Rajinikanth, Vidya Balan, Nelson Dilipkumar, Santhanam Deleted Scenes, Jailer 2 Viral Video, Kantha Birthday, Tamil Cinema News]
.WEBP)
పాన్ ఇండియా స్టార్ ప్రభాస్ పుట్టినరోజు సందర్భంగా సోషల్ మీడియాలో అభిమానులు పెద్ద ఎత్తున సందడి చేశారు. అక్టోబర్ 23న ఆయన 47వ పుట్టినరోజును పురస్కరించుకుని ప్రత్యేక పోస్టర్లు, ఏఐ వీడియోలు, ఫొటోలతో శుభాకాంక్షలు తెలిపారు. పలువురు సినీ ప్రముఖులు కూడా ప్రభాస్‌కు విషెస్ చెప్పారు. అయితే, టాలీవుడ్‌కు చెందిన కొందరు ప్రముఖులు సోషల్ మీడియా వేదికగా ప్రభాస్‌కు పుట్టినరోజు శుభాకాంక్షలు తెలియజేయకపోవడం ఇప్పుడు చర్చకు దారితీసింది.
ముఖ్యంగా ప్రభాస్ పుట్టినరోజుకు ఒక రోజు ముందు, అక్టోబర్ 22న కేంద్ర హోంమంత్రి అమిత్ షా పుట్టినరోజు సందర్భంగా పలువురు తెలుగు సినీ ప్రముఖులు ఆయనకు శుభాకాంక్షలు తెలిపారు. చిరంజీవి, మహేశ్ బాబు, పవన్ కల్యాణ్, రామ్ చరణ్, విజయ్ దేవరకొండ వంటి ప్రముఖులు అమిత్ షాకు విషెస్ చెప్పినప్పటికీ, ప్రభాస్‌కు బహిరంగంగా శుభాకాంక్షలు చెప్పలేదని కొందరు అభిమానులు ప్రశ్నిస్తున్నారు. గతంలో ప్రభాస్‌కు విషెస్ చెప్పిన కొందరు ఈసారి సోషల్ మీడియాలో స్పందించకపోవడంపై కూడా చర్చ జరుగుతోంది.
ఈ నేపథ్యంలో ప్రభాస్ అభిమానుల్లో కొందరు అసంతృప్తి వ్యక్తం చేస్తూ సోషల్ మీడియాలో కామెంట్లు చేస్తున్నారు. తమ అభిమాన హీరో దేశవ్యాప్తంగా గుర్తింపు తెచ్చుకున్నప్పటికీ, తోటి సినీ ప్రముఖుల నుంచి ఆశించిన స్థాయిలో శుభాకాంక్షలు రాలేదని అభిప్రాయపడుతున్నారు. అయితే, పుట్టినరోజు సందర్భంగా సోషల్ మీడియాలో పోస్టు చేయనంత మాత్రాన వ్యక్తిగతంగా శుభాకాంక్షలు చెప్పలేదని లేదా వారి మధ్య సాన్నిహిత్యం లేదని నిర్ణయించలేమని మరికొందరు అంటున్నారు.
మరోవైపు, ప్రభాస్‌కు ఈ ఏడాది కూడా పలువురు సినీ ప్రముఖులు శుభాకాంక్షలు తెలిపారు. దర్శకులు మారుతి, అనిల్ రావిపూడి, నటుడు గోపీచంద్ తదితరులు సోషల్ మీడియాలో పోస్టులు పెట్టారు. దీంతో అందరూ ప్రభాస్‌ను విస్మరించారనే అభిప్రాయం సరైంది కాదు. అయినప్పటికీ, అమిత్ షాకు విషెస్ చెప్పిన కొందరు సినీ ప్రముఖులు ప్రభాస్ పుట్టినరోజున ఎందుకు స్పందించలేదనే ప్రశ్న అభిమానుల్లో చర్చనీయాంశంగా మారింది. ఈ వ్యవహారంపై అనవసరంగా ఫ్యాన్ వార్స్‌కు దిగకుండా, సోషల్ మీడియా పోస్టుల ఆధారంగా వ్యక్తిగత సంబంధాలపై అంచనాలు వేయకూడదనే అభిప్రాయాలూ వ్యక్తమవుతున్నాయి.
[Prabhas Birthday, Prabhas Fans, Tollywood Celebrities, Amit Shah Birthday Wishes, Prabhas Birthday Controversy, Chiranjeevi, Mahesh Babu, Ram Charan, Vijay Deverakonda, Telugu Cinema News]
సినిమా రిలీజ్ అంటేనే స్టేట్స్ లో ఉన్న సినీ ప్రేమికుల్లో,సినీ సర్కిల్స్ లో పండుగ వాతావరణం ఉంటుంది. మరి వెలుగు కాంతులని పంచే దీపావళికి తెలుగు సినిమా వస్తే.. ఆ ఆ ఆనంద స్థాయి యొక్క రేడియేషన్ ఏ స్థాయిలో ఉంటుందో అర్ధం చేసుకోవచ్చు.
పైగా ఈ నెల 30 నుంచే ఆ సందడి స్టార్ట్ కానుంది. విక్టరీ వెంకటేష్, త్రివిక్రమ్ ల ఆదర్శ కుటుంబం 30 న నూతన నటీనటులతో కింగ్ నాగార్జున, వెంకీ కుడుముల సౌజన్యంతో . మహేష్ ఉప్పల దర్శకత్వంలో అనీష్ రెడ్డి, అనుస్వర రాజన్ జంటగా తెరకెక్కిన' 'ఇట్లు అర్జున కూడా 30న. విశ్వక్ సేన్ 'కల్ట్'. 'కిల్లర్', మరియు 'రుద్రవనం పిఎస్' (Rudravanam PS) వంటి సినిమాలు కూడా అదే రోజు ప్రేక్షకుల ముందుకు వస్తున్నాయి. అట్రాక్టివ్ కంటెంట్‌తో వస్తున్న ఈ చిత్రాలు బాక్సాఫీస్ వద్ద ఎలాంటి మ్యాజిక్ చేస్తాయో వేచి చూడాలి.
ఇక సరిగ్గా వారం తిరిగేసరికి అత్యంత భారీ ప్యాన్ ఇండియా ప్రాజెక్ట్ 'రామాయణం పార్ట్ 1' నవంబర్ 5 న ప్రపంచవ్యాప్తంగా ప్రేక్షకుల ముందుకు రానుంది. నితీష్ తివారీ దర్శకత్వంలో అత్యంత ప్రతిష్టాత్మకంగా తెరకెక్కిన ఈ పౌరాణిక దృశ్యకావ్యంలో రణ్‌బీర్ కపూర్ రాముడిగా, సాయి పల్లవి సీతగా, యష్ రావణాసురుడిగా మరియు సన్నీ డియోల్ హనుమంతుడిగా అద్భుతమైన పాత్రల్లో నటిస్తున్నారు. తెలుగు వెర్షన్‌కి సంబంధించి ప్రముఖ నిర్మాణ సంస్థ దిల్ రాజు గ్రాండ్‌గా విడుదల చేస్తుండటంతో టాలీవుడ్ వర్గాల్లో భారీ అంచనాలు నెలకొన్నాయి నవంబర్ 6,న అనూష్ గోరక్ దర్శకత్వంలో తెరకెక్కిన సస్పెన్స్ థ్రిల్లర్ చిత్రం 'హటః' సిద్ధమైంది. కుష్లు మద్దాల, నమ్రిత, తనుజ పుట్టస్వామి ప్రధాన పాత్రల్లో నటిస్తున్నారు. ఇన్ని ఆసక్తికరమైన సినిమాలతో ఈ వారం థియేటర్లు కళకళలాడటం ఖాయంగా కనిపిస్తోంది.
ఇది కూడా చదవండి: 50 ఏళ్ల వ్యక్తితో అమ్మాయి లవ్: డైరెక్ట్ గా ఓటిటిలో!
ఇక విశ్వనాధ్ అండ్ సన్స్ తో జోష్ మీద ఉన్న సూర్య 'సీన్' మూవీతో నవంబర్ 6 న, నయనతార మహాశక్తి కూడా అదే రోజు, సమ్మర్ హాలిడేస్ అనే మరో తెలుగు మూవీ. మిస్టికల్ థ్రిల్లర్ 'హతః కూడా అదే రోజు విడుదల కానున్నాయి.. కుష్లు, రెహమాన్, నమ్రిత ఎం.వి, తనుజ పుట్టస్వామి ప్రధాన క్యారెక్టర్స్ పోషించిన ఈ చిత్రాన్ని అనుష్ గోరక్ తెరకెక్కించాడు. ఈ విధంగా మూవీ లవర్స్ కి ,ప్రేక్షకులకి ఎన్ని దీవాలిలు ఒకేసారి రాబోతున్నాయో అర్ధం చేసుకోవచ్చు.
[Diwali 2026 Tollywood Box Office Clash, Tollywood Diwali movies, Ramayana Part One, Hatha movie, box office clash,TeluguCinema, TeluguCinema News, Tollywood, Tollywood News]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన రహస్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవరికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన ద‌గ్గ‌ర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వద్దకు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అనవసరంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
ప్రతి భార్య తెలుసుకోవాల్సిన విషయం.. భర్తతో ఏం చెప్పాలి..ఏం చెప్పకూడదు.!
పెళ్లి అనేది ఇద్దరు వ్యక్తుల మధ్య ఏర్పడే పవిత్రమైన బంధం. ఈ బంధం ప్రేమ, నమ్మకం మీద గట్టిగా నిలబడుతుంది. భార్యాభర్తల మధ్య ఎలాంటి రహస్యాలు ఉండకూడదని, ప్రతి విషయం ఒకరితో ఒకరు పంచుకోవాలని చాలామంది అనుకుంటారు. కానీ, భర్తతో ఏ విషయాలు పంచుకోవాలి, ఏ విషయాలు పంచుకోకూడదు అనే దానిపై కొంత విజ్ఞత పాటించడం చాలా ముఖ్యం. ప్రతి భార్య తమ కాపురాన్ని మరింత సంతోషంగా ఉంచుకోవడానికి భర్తతో ఏ విషయాలు చెప్పాలి? ఏ విషయాలు చెప్పకూడదు? వంటి విషయాల గురించి వివరంగా తెలుసుకుంటే..
వ్యక్తిగత అభిరుచులు , స్పేస్..
పెళ్లి అయ్యాక కూడా ప్రతి ఒక్కరికీ వారి సొంత ఇష్టాలు, అలవాట్లు, అభిరుచులు ఉంటాయి. తమకు నచ్చిన దుస్తులు ధరించడం, స్నేహితులతో కొంత సమయం గడపడం లేదా వ్యక్తిగత ఆసక్తులను అనుసరించడం చాలా సాధారణమైన విషయం. వీటి కోసం ఏదో తప్పు చేస్తున్న వాళ్లలా ఫీల్ కావాల్సిన అవసరం లేదు. భర్తతో ఈ విషయాల గురించి మనసు విప్పి మాట్లాడితే ఇద్దరూ ఒకరికొకరు వ్యక్తిగత స్వేచ్ఛను ఇచ్చుకుంటూ సంతోషంగా ఉండవచ్చు.
బంధువులు లేదా స్నేహితుల రహస్యాలు..
ఎవరో తమ స్నేహితురాలూ లేదా బంధువు తమపై నమ్మకంతో కొన్ని వ్యక్తిగత విషయాలు పంచుకొని ఉండవచ్చు. అలాంటి విషయాలను అనుమతి లేకుండా ఇతరులతో, ముఖ్యంగా భర్తతో చెప్పడం సరికాదు. ఎదుటివారి వ్యక్తిగత గోప్యతను గౌరవించడం చాలా అవసరం. అయితే, ఎవరికైనా ఎలాంటిదైనా తీవ్రమైన ప్రమాదం లేదా ప్రొటెక్షన్ కు సంబంధించిన, సహాయం కోసం అర్థించడం వంటి సమస్య ఉంటే అప్పుడు భర్తతో మాట్లాడటంలో తప్పులేదు.
పాతకాలపు జ్ఞాపకాలు లేదా సంబంధాలు..
పెళ్లికి ముందు ప్రతి ఒక్కరికీ ఒక గతం ఉంటుంది. ఆ వ్యక్తిగత గతానికి సంబంధించిన ప్రతి చిన్న విషయాన్ని భర్తకు పూసగుచ్చి చెప్పాల్సిన అవసరం లేదు. ముఖ్యంగా ప్రస్తుత జీవితంతో ఎలాంటి సంబంధం లేని విషయాలను అనవసరంగా మాట్లాడటం వల్ల మనసుల్లో చిన్నపాటి అపార్ధాలు వచ్చే అవకాశం ఉంటుంది. ఒకవేళ గతానికి సంబంధించిన విషయాలు ప్రస్తుత కాపురాన్ని, ఆరోగ్యాన్ని లేదా భద్రతను ప్రభావితం చేసేలా ఉంటే మాత్రం నిజాయితీగా స్పష్టంగా మాట్లాడుకోవడం మంచిది.
కోపంలో మాటలను మనసులో పెట్టుకోకూడదు..
కొన్నిసార్లు చిన్నపాటి మనస్పర్థల వల్ల లేదా కోపం కారణంగా భార్యాభర్తల మధ్య వాగ్వాదం జరగవచ్చు. ఆ సమయంలో ఇద్దరూ కోపంతో కొన్ని మాటలు అనడం సాధారణం. ఆ కోపపు మాటలను జీవితాంతం మనసులో ఉంచుకొని ప్రతిసారీ గుర్తుచేయడం వల్ల బంధం బలహీనపడుతుంది. ఆవేశం తగ్గాక ప్రశాంతంగా కూర్చుని అసలు సమస్య ఏమిటో మాట్లాడుకోవడం ఎప్పుడూ మంచిది.
ప్రతి చిన్న ఆందోళనను వెంటనే చెప్పాలనుకోవడం..
ఏదైనా సమస్య వచ్చిన వెంటనే దాని గురించి ఆలోచించి ఒత్తిడికి గురికావాల్సిన పనిలేదు. ప్రతి మనిషికి తమ మనసులోని భావాలను అర్థం చేసుకోవడానికి కొంత సమయం అవసరం. భార్య ఏదైనా చిన్న విషయంతో ఇబ్బంది పడుతుంటే, ముందుగా తనను తాను శాంతపరచుకొని, సరైన సమయం చూసి భర్తతో ఆ విషయం గురించి మాట్లాడవచ్చు. అయితే ఏ విషయాన్నీ చాలాకాలం పాటు మనసులోనే దాచుకోవడం కూడా మంచిది కాదు, సరైన సమయంలో భర్తతో షేర్ చేసుకోవడం వల్ల మనసు తేలికవుతుంది.
సంతోషకరమైన కాపురానికి సూత్రం..
భార్యాభర్తల మధ్య ప్రతి చిన్న విషయం దాచడం లేదా ప్రతిదీ చెప్పాలనే ఒత్తిడి పెట్టుకోవడం రెండు పద్ధతులూ సరైనవి కావు. ఆర్థిక విషయాలు, ఆరోగ్యం, కుటుంబ నిర్ణయాలు వంటి ముఖ్యమైన విషయాల్లో నిజాయితీగా ఉండటం ఎంత అవసరమో, పర్సనల్ స్పేస్ ను, ఇతరుల ప్రైవసీని గౌరవించడం కూడా అంతే ముఖ్యం. ఇద్దరూ ఒకరినొకరు అర్థం చేసుకుంటూ, ఒకరి సరిహద్దులను మరొకరు గౌరవించుకుంటే ఆ బంధం ఎల్లప్పుడూ కలకాలం పదిలంగా ఉంటుంది.
*రూపశ్రీ.
మంచితనం మంచిదే.. కానీ అందరి ముందు దాన్ని గొప్పగా బయటపెట్టాలని చూస్తే జరిగేది ఇదే..!
జీవితంలో ఎవరితో ఎలా ప్రవర్తించాలి, ఏ విషయాలను ఎవరితో పంచుకోవాలి అనే అంశంపై ఆచార చాణక్యుడు చెప్పిన విషయాలు ఎప్పటికీ ఎంతో విలువైనవిగా నిలుస్తాయి. ఎన్ని తరాలు మారినా చాణక్యుడు చెప్పిన మాటలు అందరికీ వర్తించేలా ఉంటాయి. మనిషి స్వభావంలో నిజాయితీ ఉండటం చాలా మంచి గుణం. కానీ, అదే నిజాయితీని , మంచితనాన్ని అందరి ముందూ అతిగా ప్రదర్శించడం మాత్రం అది చాలా ఇబ్బందులకు దారితీసే అవకాశం ఉందని ఆచార్య చాణక్యుడు చెబుతాడు. నేటి ఆధునిక సమాజంలో ప్రతీ ఒక్కరినీ గుడ్డిగా నమ్మడం, మన వ్యక్తిగత విషయాలన్నింటినీ ఇతరుల ముందు ఓపెన్ గా చెప్పుకోవడం ఎంత ప్రమాదకరమో చాణక్య నీతి స్పష్టంగా తెలియజేస్తుంది.మంచితనం మంచిదే కానీ.. నిజాయితీగా, వ్యక్తిగత విషయాలను అందరూ మంచివారే అనే అమాయకత్వంతో చెప్పుకోకూడదట. ఒకవేళ అలా చేస్తే ఏం జరుగుతుందో చాణక్యుడు వివరంగా చెప్పాడు. ఆ విషయాలేంటో తెలుసుకుంటే..
అందరినీ నమ్మకూడదు..
సాధారణంగా ప్రతి ఒక్కరూ తమ జీవితంలో నలుగురితో మంచిగా ఉండాలని కోరుకుంటారు. ఎవరికీ చెడు చేయకూడదనే భావనతో ప్రవర్తిస్తారు. అయితే, ఈ లోకంలో అందరూ ఒకే రకమైన మనస్తత్వంతో ఉండరని గుర్తుంచుకోవాలి. మనం అందరితోనూ చాలా నిష్కల్మషంగా ఉంటూ, మన మనసులోని ప్రతి మాటను, బలహీనతలను, భవిష్యత్తు ప్రణాళికలను ఇతరుల ముందు విప్పితే, కొందరు దాన్ని తమ స్వార్థం కోసం వాడుకునే ప్రమాదం ఉంది. ఎదుటి వ్యక్తి ఎలాంటివారో సరిగ్గా అంచనా వేయకుండా ప్రతి ఒక్కరినీ వెంటనే నమ్మేయడం వల్ల మానసిక ఆందోళనలు, సమస్యలు చుట్టుముట్టే అవకాశం ఉంటుంది.
వ్యక్తిగత విషయాలు చెప్పొద్దు..
ఆచార చాణక్యుడి బోధనల ప్రకారం, నిజాయితీగా ఉండటం అంటే మన జీవితంలోని ప్రతి చిన్న రహస్యాన్ని అందరికీ పంచేయడం కాదు. నిజాయితీ అనేది మన వ్యక్తిగత ప్రవర్తనలో, పనుల్లో ఉండాలి తప్ప మన బలహీనతలను అందరికీ బహిర్గతం చేసేలా ఉండకూడదు. ఎవరైతే తమ వ్యక్తిగత విషయాలను, రహస్యాలను ఇతరుల ముందు సులభంగా బయటపెడతారో, వారు తరచూ ఇబ్బందుల్లో పడుతుంటారు. ముఖ్యంగా మన భవిష్యత్తు లక్ష్యాలు, ఆర్థిక పరిస్థితులు, వ్యక్తిగత సమస్యలు వంటి చాలా కీలకమైన అంశాలను ఎవరితో పంచుకుంటున్నామో చాలా జాగ్రత్తగా గమనించాలి.
పరిశీలన ముఖ్యం..
ఎవరినైనా గుడ్డిగా నమ్మే ముందు వారి ప్రవర్తనను, ఆలోధనా విధానాన్ని కొంతకాలం గమనించడం ఎప్పుడూ మేలు చేస్తుంది. అందరి ముందూ తమ మంచితనాన్ని గొప్పగా చాటుకోవాలని ప్రయత్నించే వారు తరచూ ఇతరుల మోసాలకు బలయ్యే అవకాశాలు ఎక్కువగా ఉంటాయి. జీవితంలో ఆచరణాత్మకమైన తెలివితేవిలతో మెలగడం చాలా అవసరం. ఎవరితో ఎంత దూరం ఉండాలి, ఏ విషయాలు ఎవరితో మాట్లాడాలి అనే విచక్షణ జ్ఞానం ఉన్నప్పుడే వ్యక్తిగత జీవితం ప్రశాంతంగా, సురక్షితంగా సాగుతుంది. కాబట్టి, మంచితనాన్ని కలిగి ఉండటం ఎంత ముఖ్యమో, దాన్ని ఎక్కడ ఎలా ఉపయోగించాలనే వివేకం ఉండటం కూడా అంతే ముఖ్యం.
*రూపశ్రీ.
సాయంత్రం వేళల్లో వేడి వేడిగా ఏదైనా స్నాక్స్ తినాలనిపించినప్పుడు స్ట్రీట్ స్టైల్ రుచులు టప్ మని గుర్తుకు వస్తాయి. ముఖ్యంగా బయట దొరికే కరకరలాడే మసాలా వడల సువాసన చూస్తే ఎవరికైనా నోరూరిపోతుంది. అయితే అదే అద్భుతమైన రుచిని, శుభ్రతతో ఇంట్లోనే చాలా సులభంగా ఎలా తయారు చేసుకోవాలో ఇప్పుడు తెలుసుకుందాం. ఈ వడల తయారీ కోసం ముందుగా సరిగ్గా అరకిలో (500 గ్రాముల) శనగపప్పును ఎంచుకోవాలి. ఈ పప్పును నాలుగు గంటల పాటు శుభ్రంగా కడిగి నానబెట్టుకోవాలి. నానబెట్టిన తర్వాత పప్పులో చుక్క నీరు కూడా లేకుండా పూర్తిగా వడకట్టడం చాలా ముఖ్యం. పిండిలో తడి అస్సలు ఉండకూడదు, అప్పుడే వడలు చక్కగా వస్తాయి. ఇలా పూర్తిగా వడకట్టిన శనగపప్పులో నుండి ఒక గుప్పెడు పప్పును మాత్రం విడిగా పక్కన పెట్టుకోవాలి.
మిగిలిన పప్పును రోట్లో లేదా మిక్సీ జార్‌లో వేసి అసలు నీరు కలపకుండా రుబ్బుకోవాలి. అయితే ఈ పప్పును మరీ మెత్తని పేస్ట్ లా కాకుండా, కొద్దిగా పలుకుగా, బరకగా రుబ్బుకోవాలి. ఇలా పలుకుగా రుబ్బడం వల్ల మనం తినే ప్రతి ముక్కకూ వడ అద్భుతమైన రుచిని ఇస్తుంది. ముందుగా పక్కన పెట్టుకున్న గుప్పెడు శనగపప్పును ఈ రుబ్బిన మిశ్రమంలో కలపడం ద్వారా వడలు తింటున్నప్పుడు తగులుతూ మంచి క్రంచీ అనుభూతిని ఇస్తాయి. ఇప్పుడు ఈ మిశ్రమాన్ని ఒక పెద్ద గిన్నెలోకి తీసుకుని, అందులో సన్నగా తరిగిన ఉల్లిపాయ ముక్కలు, గుప్పెడు పుదీనా, కొత్తిమీర, కరివేపాకు వేయాలి. అలాగే తగినంత అల్లం, వెల్లుల్లి, పచ్చిమిర్చి తరుగును జోడించాలి. దీనితో పాటు చిటికెడు జీలకర్ర, ధనియాల పొడి, కొద్దిగా గరం మసాలా, క్రిస్పీ టెక్స్చర్ కోసం కొద్దిగా బియ్యం పిండిని వేయాలి. రుచికి సరిపడా ఉప్పును ప్రారంభంలో తక్కువగా వేసి, అవసరమైతే ఆ తర్వాత సర్దుబాటు చేసుకోవచ్చు. ఇప్పుడు ఈ పదార్థాలన్నింటినీ చేతితో గట్టిగా మరియు సమానంగా కలుపుకోవాలి.
ఇప్పుడు స్టవ్ వెలిగించి కడాయిలో తగినంత నూనె పోసి వేడి చేయాలి. నూనె వేడెక్కేలోపు కలుపుకున్న పిండి మిశ్రమాన్ని చిన్న చిన్న ఉండలుగా చేసి, మీకు నచ్చిన ఆకారంలో పలుచని వడలుగా ఒత్తుకోవాలి. బాగా క్రిస్పీగా కావాలంటే పిండిని కాస్త పలుచగా ఒత్తుకోవాలి. లోపల మెత్తగా, పైన క్రిస్పీగా కావాలంటే మామూలు మందంలో ఒత్తుకోవాలి. నూనె బాగా కాగిన తర్వాత మంటను మీడియానికి తగ్గించి వడలను నూనెలో జాగ్రత్తగా జారవిడవాలి. వడలు నూనెలో వేసిన వెంటనే గరిటెతో కదపకూడదు, లేదంటే అవి విడిపోయే అవకాశం ఉంది. ఒకవైపు బాగా కాలిన తర్వాత రెండు మూడు నిమిషాలు ఆగి, మరోవైపునకు నిదానంగా తిప్పుకోవాలి. మీడియం మంటపై రెండు వైపులా చక్కటి బంగారు గోధుమ రంగులోకి మారే వరకు వేయించుకోవాలి. నూనెలో బుడగలు పూర్తిగా తగ్గిన తర్వాత వడలు సరిగ్గా కాలినట్లు అర్థం చేసుకోవచ్చు.
ఈ కొలతలతో తయారైన పిండితో సుమారు 25 నుంచి 30 వరకు గుండ్రటి మసాలా వడలు తయారవుతాయి. ప్రత్యేకంగా ఈ మసాలా వడలకు ఎలాంటి అదనపు కారప్పొడి లేదా చట్నీలు అవసరం లేదు. ఎందుకంటే ఇందులో వేసిన ఉల్లిపాయలు, పచ్చిమిర్చి, అల్లం, వెల్లుల్లి, పుదీనా, కొత్తిమీర, కరివేపాకు వంటి అన్ని దినుసులు కలిసి దీనికి అద్భుతమైన సహజ రుచిని ఇస్తాయి. ఎలాంటి హడావిడి లేకుండా ఓపికగా మీడియం మంటపై వీటిని కాల్చుకుంటే హోటల్ లేదా స్ట్రీట్ స్టైల్ కంటే అద్భుతమైన రుచి ఇంటివారందరినీ కట్టిపడేస్తుంది. సాయంత్రం పూట వేడి వేడి టీతో ఈ క్రిస్పీ మసాలా వడలను తింటుంటే ఆ మజానే వేరుగా ఉంటుంది. మరి ఇంకెందుకు ఆలస్యం, ఈ వారాంతంలో మీ కుటుంబ సభ్యుల కోసం ఈ సింపుల్ రెసిపీని ట్రై చేసి రుచి చూడండి.
Street Style Masala Vada, Crispy Dal Vada Recipe, South Indian Paruppu Vadai, Tea Time Snacks, Easy Evening Snacks At Home, Crunchy Chana Dal Vada, Indian Deep Fried Snacks.
కడుపులో మంట, గ్యాస్, కడుపు ఉబ్బరం, అజీర్ణం వంటి సమస్యలతో తరచూ ఇబ్బంది పడుతున్నారా? తిన్న ఆహారం సరిగ్గా జీర్ణం కాకపోవడం, ఛాతీలో మంటగా అనిపించడం, కడుపు నిండినట్లు ఉండటం వంటి లక్షణాలను చాలామంది సాధారణ గ్యాస్ట్రిక్ సమస్యలుగా భావించి నిర్లక్ష్యం చేస్తుంటారు. అయితే, ఈ సమస్యలు ఎందుకు వస్తాయి? ఎలాంటి అలవాట్లు జీర్ణవ్యవస్థపై ప్రభావం చూపుతాయి? ఏ లక్షణాలు కనిపిస్తే వైద్యుడిని సంప్రదించాలి?
ఈ TeluguOne Health వీడియోలో ప్రముఖ వైద్యులు డాక్టర్ సి.ఎల్. వెంకట్రావు గారు గ్యాస్ట్రిక్ సమస్యలకు సంబంధించిన ముఖ్యమైన విషయాలను వివరిస్తున్నారు. తరచుగా గ్యాస్ రావడానికి గల కారణాలు, కడుపులో మంట, అజీర్ణం, కడుపు ఉబ్బరం వంటి సమస్యల వెనుక ఉండే కారణాలు, జీర్ణవ్యవస్థ ఆరోగ్యాన్ని కాపాడుకోవడానికి తీసుకోవాల్సిన జాగ్రత్తల గురించి ఈ వీడియోలో తెలుసుకోవచ్చు.
గ్యాస్ట్రిక్ సమస్యలు ఎందుకు వస్తాయి?
సమయానికి ఆహారం తీసుకోకపోవడం, ఆహారపు అలవాట్లు సరిగా లేకపోవడం, అతిగా తినడం, నిద్రకు సంబంధించిన అలవాట్లు వంటి అనేక అంశాలు జీర్ణవ్యవస్థపై ప్రభావం చూపవచ్చు. కొందరిలో తరచుగా కడుపులో మంట, గ్యాస్, అజీర్ణం, తేన్పులు, కడుపు ఉబ్బరం వంటి లక్షణాలు కనిపిస్తుంటాయి. ఇలాంటి సమస్యలు పదేపదే ఎందుకు వస్తున్నాయి? మన రోజువారీ అలవాట్లలో ఎలాంటి మార్పులు చేసుకోవాలి? అనే విషయాలను డాక్టర్ వివరణలో తెలుసుకోండి.
GERD అంటే ఏమిటి? దాని లక్షణాలు ఎలా ఉంటాయి?
కడుపులోని ఆమ్లం తిరిగి ఆహారనాళంలోకి రావడాన్ని గ్యాస్ట్రోఈసోఫేజియల్ రిఫ్లక్స్ డిసీజ్ (GERD) అంటారు. దీనివల్ల ఛాతీలో మంట, నోటిలోకి పుల్లటి ద్రవం రావడం వంటి లక్షణాలు కనిపించవచ్చు. సాధారణ గ్యాస్ట్రిక్ సమస్యలకు, GERD వంటి పరిస్థితులకు మధ్య ఉన్న తేడాలను తెలుసుకోవడం ముఖ్యం. ఈ సమస్యలకు కారణాలు ఏమిటి? ఎప్పుడు వైద్య పరీక్షలు అవసరమవుతాయి? అనే అంశాలపై ఈ వీడియోలో అవగాహన పొందవచ్చు.
గ్యాస్ట్రోస్కోపీ పరీక్ష ఎప్పుడు అవసరం?
గ్యాస్ట్రిక్ సమస్యలు ఉన్న ప్రతి ఒక్కరికీ గ్యాస్ట్రోస్కోపీ పరీక్ష అవసరం ఉండదు. అయితే, లక్షణాలు, వాటి తీవ్రత, వైద్యుడి పరిశీలన ఆధారంగా ఈ పరీక్షను సూచించవచ్చు. కడుపులో మంట లేదా అజీర్ణం ఎక్కువకాలం కొనసాగితే ఏం చేయాలి? ఎలాంటి లక్షణాలను నిర్లక్ష్యం చేయకూడదు? గ్యాస్ట్రోస్కోపీ పరీక్ష ద్వారా ఏమి తెలుసుకోవచ్చు? వంటి ముఖ్యమైన విషయాలను ఈ వీడియోలో తెలుసుకోండి.
ఆహారపు అలవాట్లు, నిద్ర, గట్ హెల్త్ ప్రాధాన్యం
జీర్ణవ్యవస్థ ఆరోగ్యంగా ఉండటానికి సమతుల్యమైన ఆహారం తీసుకోవడం, తగినంత నిద్రపోవడం, ఆరోగ్యకరమైన జీవనశైలిని పాటించడం ఎంతో ముఖ్యం. మన పేగుల్లో ఉండే ప్రయోజనకరమైన బ్యాక్టీరియా జీర్ణవ్యవస్థ ఆరోగ్యానికి ఎలా తోడ్పడుతుంది? గట్ హెల్త్‌ను కాపాడుకోవడానికి ఎలాంటి అలవాట్లు ఉపయోగపడతాయి? తరచుగా గ్యాస్, కడుపు ఉబ్బరం వంటి సమస్యలు రాకుండా ఉండటానికి ఎలాంటి జాగ్రత్తలు తీసుకోవాలి? అనే విషయాలను కూడా ఈ వీడియో ద్వారా తెలుసుకోవచ్చు.
గ్యాస్ట్రిక్ సమస్యలు తరచుగా వస్తున్నా, కడుపులో మంట తగ్గకపోయినా, అజీర్ణం లేదా కడుపు ఉబ్బరం ఎక్కువకాలం కొనసాగినా స్వయంగా మందులు వాడకుండా వైద్యుడిని సంప్రదించండి. తీవ్రమైన కడుపునొప్పి, రక్తవాంతులు, నల్లటి మలం, మింగడంలో ఇబ్బంది లేదా కారణం తెలియని బరువు తగ్గడం వంటి లక్షణాలు ఉంటే తక్షణ వైద్య పరిశీలన అవసరం.
గ్యాస్ట్రిక్ సమస్యలకు గల కారణాలు, GERD లక్షణాలు, గ్యాస్ట్రోస్కోపీ పరీక్ష అవసరం, ఆహారపు అలవాట్లు, నిద్ర, గట్ హెల్త్ గురించి మరింత తెలుసుకోవడానికి డాక్టర్ సి.ఎల్. వెంకట్రావు గారి వివరణతో కూడిన ఈ TeluguOne Health వీడియోను పూర్తిగా చూడండి.
మరింత ఆరోగ్య సమాచారం, వైద్య నిపుణుల సూచనలు, ఉపయోగకరమైన ఆరోగ్య విషయాల కోసం TeluguOne Healthను అనుసరించండి.
గమనిక: ఈ సమాచారం ఆరోగ్య అవగాహన కోసం మాత్రమే. ఇది వ్యక్తిగత వైద్య సలహాకు ప్రత్యామ్నాయం కాదు.
జాగ్రత్త.. నొప్పి కూడా కనిపించకుండా శరీరంపై దాడి చేసే ఆరోగ్య సమస్యలు ఇవి..!
శరీరంలో ఏ చిన్న సమస్య వచ్చినా సాధారణంగా నొప్పి రూపంలో బయటపడుతుంది. తలనొప్పి, కడుపునొప్పి, కీళ్లనొప్పులు వంటివి రాగానే మనం వెంటనే జాగ్రత్తపడి వైద్యులను సంప్రదిస్తాం. కానీ అన్ని ఆరోగ్య సమస్యలూ హెచ్చరికగా నొప్పిని ఇవ్వవు. మన శరీరంలో ఎలాంటి నొప్పి లేదా స్పష్టమైన లక్షణాలు లేకుండానే కొన్ని తీవ్రమైన వ్యాధులు సైలెంట్ గా మొదలై దెబ్బతీస్తుంటాయి. బయటకు మనం చాలా ఆరోగ్యంగా, ప్రశాంతంగా కనిపిస్తున్నప్పటికీ లోపల అనారోగ్యం నిశ్శబ్దంగా పాకే ప్రమాదం ఉంది. అందుకే ఆరోగ్య నిపుణులు వీటిని సైలెంట్ కిల్లర్స్ అని పిలుస్తుంటారు.నొప్పి లేకుండా సైలెంట్ కిల్లర్స్ లాగా శరీరాన్ని ఆక్రమించే ఆ జబ్బులు ఏంటో తెలుసుకుంటే..
నిశ్శబ్దంగా దాడి చేసే ప్రధాన ఆరోగ్య సమస్యలు..
హై బ్లడ్ ప్రెషర్ లేదా అధిక రక్తపోటు..
ఎక్కువ రక్తపోటు సమస్యను ప్రధాన సైలెంట్ కిల్లర్ గా చెబుతారు. బిపి బాగా పెరిగినా చాలామందికి ఎలాంటి నొప్పి గానీ, శారీరక ఇబ్బంది గానీ కనిపించదు. కేవలం తలనొప్పి లేదా తలతిరగడం వస్తేనే బిపి పెరిగిందని అనుకోవడం పొరపాటు. బిపి చాలా కాలం పాటు అదుపులో లేకపోతే అది నిశ్శబ్దంగా గుండె, మూత్రపిండాలు, కళ్లు , మెదడు రక్తనాళాలను తీవ్రంగా దెబ్బతీస్తుంది. ఆహారంలో ఉప్పు తగ్గించడం, రోజువారీ వ్యాయామం, బరువును అదుపులో ఉంచుకోవడం , తరచుగా బిపి తనిఖీ చేయించుకోవడం ద్వారా దీనిని అరికట్టవచ్చు.
టైప్-2 డయాబెటిస్..
టైప్-2 డయాబెటిస్ కూడా మొదటి దశలో ఎలాంటి నొప్పులను కలిగించదు. శరీరంలో ఇన్సులిన్ సక్రమంగా పనిచేయనప్పుడు రక్తంలో గ్లూకోజ్ స్థాయిలు నెమ్మదిగా పెరుగుతాయి. మొదట్లో సాధారణ అలసట తప్ప ప్రత్యేకమైన లక్షణాలు ఉండవు. కానీ రక్తంలో వేగంగా మారే చక్కెర స్థాయిలు దీర్ఘకాలంలో కంటి చూపు, నరాలు, గుండె , కిడ్నీల ఆరోగ్యంపై తీవ్ర ప్రభావం చూపుతాయి. ఫాస్టింగ్ బ్లడ్ షుగర్ లేదా హెచ్ బి ఎ1సి పరీక్షల ద్వారా దీనిని మొదట్లోనే గుర్తించవచ్చు. క్రమబద్ధమైన వ్యాయామం , బాలెన్స్డ్ డైట్ తీసుకోవడం దీనికి మంచి పరిష్కారం.
ఫ్యాటీ లివర్..
ఫ్యాటీ లివర్ సమస్య కూడా కాలేయంలో కొవ్వు చేరుతున్న సమయంలో ఎలాంటి నొప్పిని తెలియజేయదు. కాలేయ కణాలలో అధిక కొవ్వు చేరడం వల్ల మొదట్లో అసౌకర్యం ఉండదు కానీ, వ్యాధి ముదిరితే కాలేయ వాపు , ఫైబ్రోసిస్ కు దారితీస్తుంది. ఊబకాయం, టైప్-2 డయాబెటిస్ , అధిక కొలెస్ట్రాల్ ఉన్నవారిలో ఫ్యాటీ లివర్ వచ్చే అవకాశం ఎక్కువ. బరువు తగ్గడం, పౌష్టికాహారం తీసుకోవడం , క్రమం తప్పకుండా వ్యాయామం చేయడం ద్వారా కాలేయాన్ని ఆరోగ్యంగా ఉంచుకోవచ్చు.
క్రానిక్ కిడ్నీ డిసీజ్..
క్రానిక్ కిడ్నీ డిసీజ్ లేదా మూత్రపిండాల వ్యాధి కూడా మొదటి దశల్లో ఎలాంటి నొప్పిని కలిగించదు. కిడ్నీల పనితీరు నెమ్మదిగా తగ్గుతున్నప్పుడు శరీరంలో ద్రవాలు చేరి పాదాల వాపు, అలసట, మూత్రంలో మార్పులు వంటివి వ్యాధి ముదిరిన తర్వాతే కనిపిస్తాయి. మూత్రపిండాల ఆరోగ్యాన్ని కాపాడుకోవడానికి బిపి, షుగర్ స్థాయిలను ఎప్పటికప్పుడు అదుపులో ఉంచుకోవాలి. అలాగే వైద్యుల సలహా లేకుండా తరచూ పెయిన్ కిల్లర్స్ వాడటం మానుకోవాలి. కిడ్నీల పనితీరును తెలుసుకోవడానికి క్రియేటినిన్ , మూత్ర పరీక్షలు తోడ్పడతాయి.
నొప్పి లేదు కదా అని నిర్లక్ష్యం చేయకుండా వయస్సు, శరీర తత్వాన్ని బట్టి సంవత్సరానికి కనీసం ఒకసారైనా సాధారణ హెల్త్ చెకప్ చేయించుకోవడం ఎంతో ఉత్తమం. సరైన జీవనశైలి, ఆరోగ్యకరమైన ఆహారపు అలవాట్లు , క్రమబద్ధమైన వైద్య పరీక్షలే మనల్ని ఈ నిశ్శబ్ద వ్యాధుల నుండి కాపాడుతాయి.
*రూపశ్రీ.
ప్రతి రోజు ఉరుకుల పరుగుల జీవితంలో ఒత్తిడి, సరిగ్గా విశ్రాంతి లేకపోవడం వల్ల చాలామందిలో తలనొప్పి, ఒళ్లు నొప్పులు సర్వసాధారణంగా మారిపోయాయి. ఇలాంటి చిన్నపాటి నొప్పులు రాగానే కొందరు ఏమాత్రం ఆలోచించకుండా వెంటనే మెడికల్ స్టోర్ కు వెళ్లి పెయిన్ కిల్లర్స్ తెచ్చుకుని వేసుకోవడం అలవాటు చేసుకుంటారు. ఆ మాత్రలు వేసుకోగానే క్షణాల వ్యవధిలో ఉపశమనం ఇస్తుందనే ఉద్దేశంతో ప్రతి చిన్న విషయానికి ఈ మాత్రలు మింగుతూ ఉంటారు. అయితే ఇలా మాత్రలు మింగడం ఆరోగ్యంపై తీవ్రమైన దుష్ప్రభావాన్ని చూపుతుంది. ముఖ్యంగా ఈ చిన్న అలవాటు చాప కింద నీరులా శరీరంలో సమస్యలు క్రియేట్ చేస్తుంది. తలనొప్పికి మందులు వాడితే ఏం జరుగుతుందో.. వివరంగా తెలుసుకుంటే..
కిడ్నీలు..
మన శరీరంలో కిడ్నీలు రక్తంలోని మలినాలను వడకట్టడంలో, వ్యర్థాలను బయటకు పంపడంలో , శరీరంలో ద్రవాల సమతుల్యతను కాపాడడంలో ముఖ్యమైన పాత్ర పోషిస్తాయి. అయితే ఎటువంటి వైద్యుల సలహా లేకుండా తరచూ వాడే కొన్ని రకాల నొప్పి నివారణ మందులు కిడ్నీల పనితీరును క్రమంగా దెబ్బతీస్తాయి. నాన్‌స్టెరాయిడ్ యాంటీ ఇన్‌ఫ్లమేటరీ డ్రగ్స్ అనబడే ఎన్.ఎస్.ఐ.డి రకానికి చెందిన పెయిన్ కిల్లర్లు కిడ్నీలకు వెళ్లే రక్త ప్రవాహాన్ని తీవ్రంగా ప్రభావితం చేస్తాయి. ఈ రకమైన మందులు కిడ్నీలలో రక్తం సక్రమంగా ప్రవహించడానికి సహాయపడే కొన్ని సహజమైన రసాయనాల ఉత్పత్తిని నిరోధిస్తాయి. దీనివల్ల కిడ్నీలకు అందవలసిన ఆక్సిజన్ , పోషకాలు తగ్గిపోయి, వాటి పనితీరు క్రమంగా మందగిస్తుంది.
పెయిన్ కిల్లర్ల ప్రమాదం..
దీర్ఘకాలికంగా లేదా పదే పదే ఈ రకమైన మాత్రలు వేసుకోవడం వల్ల కిడ్నీల కణజాలం దెబ్బతింటుంది. ముఖ్యంగా శరీరంలో నీటి శాతం తగ్గిపోయినప్పుడు అంటే డీహైడ్రేషన్ సమస్య ఉన్న సమయంలో ఈ పెయిన్ కిల్లర్లు తీసుకుంటే కిడ్నీలు అకస్మాత్తుగా ఫెయిల్ అయ్యే ప్రమాదం కూడా పెరుగుతుంది. ఇప్పటికే డయాబెటిస్, హై బ్లడ్ ప్రెజర్ లేదా ఇతర దీర్ఘకాలిక మూత్రపిండాల సమస్యలతో బాధపడుతున్న వారు ఈ మందుల విషయంలో మరింత జాగ్రత్తగా ఉండాలి. ఎలాంటి ప్రిస్క్రిప్షన్ లేకుండా ఇష్టానుసారంగా వీటిని వాడడం వల్ల సమస్య మరింత జటిలమయ్యే అవకాశం ఉంటుంది.
అతిగా వాడితే..
పెయిన్ కిల్లర్ల అతి వాడకం వల్ల కిడ్నీలు దెబ్బతింటున్నాయని మన శరీరం కొన్ని రకాల సంకేతాల ద్వారా ముందే హెచ్చరిస్తుంది. మూత్ర విసర్జన సమయంలో మోతాదు చాలా తక్కువగా ఉండటం, పాదాలలో లేదా చీలమండల వద్ద వాపు కనిపించడం, ముఖం వాపు రావడం వంటి లక్షణాలు కనిపిస్తాయి. అలాగే ఎప్పుడూ విపరీతమైన అలసట, బలహీనత ఆవరించడం, శ్వాస తీసుకోవడంలో ఇబ్బంది కలగడం లేదా శరీరంలో నీరు చేరిపోవడం వంటి సమస్యలు ఎదురవుతాయి. ఒకవేళ జ్వరం, వాంతులు లేదా విరేచనాలు వంటి సమస్యలు ఉన్నప్పుడు శరీరంలో నీటి శాతం తగ్గిపోతుంది, ఆ సమయంలో ఈ మందులు వాడితే కిడ్నీలపై పడే భారం మరింత ఎక్కువగా ఉంటుంది.
వైద్యుల సలహా లేకుండా వాడకండి..
ఎలాంటి అనారోగ్య సమస్యకైనా వైద్యుల సలహా లేకుండా సొంత వైద్యం చేసుకోవడం ఎప్పుడూ శ్రేయస్కరం కాదు. చిన్నపాటి తలనొప్పి లేదా ఒంటి నొప్పుల కోసం ప్రతిసారీ మాత్రలు వేసుకునే బదులు తగిన విశ్రాంతి తీసుకోవడం, వేడి నీటి కాపడం పెట్టుకోవడం లేదా ఆరోగ్యకరమైన జీవనశైలిని పాటించడం మంచిది. శరీరంలో నీటి శాతం తగ్గకుండా తగినన్ని నీరు తాగుతూ ఉండాలి. ఏ చిన్న అనారోగ్య సమస్య వచ్చినా నిర్లక్ష్యం చేయకుండా వైద్యులను సంప్రదించి, వారు సూచించిన మోతాదులో మాత్రమే మందులు వాడడం ద్వారా కిడ్నీలను సురక్షితంగా కాపాడుకోవచ్చు.
*రూపశ్రీ.