తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది. రాష్ట్ర పార్టీ వ్యవహారాలను మరింత పటిష్టపరిచే దిశగా అధిష్ఠానం కీలక మార్పులకు శ్రీకారం చుట్టింది. ఇందులో భాగంగా రాష్ట్ర కాంగ్రెస్ కొత్త ఇన్‌ఛార్జి బాధ్యతలను యువ నాయకుడు బీఎం సందీప్‌కు అప్పగిస్తూ అధిష్ఠానం ఉత్తర్వులు జారీ చేసింది.    పార్టీ జాతీయ అధ్యక్షుడు మల్లికార్జున ఖర్గే ఆమోద ముద్రతో ఈ నియామకం తక్షణమే అమల్లోకి రానున్నట్లు ఏఐసీసీ ప్రధాన కార్యదర్శి కేసీ వేణుగోపాల్ ఒక ప్రకటన ద్వారా స్పష్టం చేశారు. జాతీయ స్థాయిలోనూ, రాష్ట్ర స్థాయిలోనూ పార్టీని సమన్వయం చేసే తరుణంలో ఈ నిర్ణయం ప్రాధాన్యత సంతరించుకుంది.    గతంలో ఈ బాధ్యతలను నిర్వర్తించిన మీనాక్షి నటరాజన్ ఉన్నత చదువుల నిమిత్తం విదేశాలకు వెళ్లాలని నిర్ణయించుకోవడంతో ఈ మార్పు జరిగిందని పార్టీ వర్గాలు వెల్లడించాయి. పార్టీ సంస్థాగత పదవి నుంచి తప్పుకున్న ఆమె, గతంలో రాష్ట్రంలో అందించిన విశేష సేవల పట్ల అధిష్ఠానం ప్రత్యేక ప్రశంసలు కురిపించింది.    కొత్త ఇన్‌ఛార్జి రేసులో పలువురు సీనియర్ జాతీయ నేతల పేర్లు పరిశీలనలో ఉన్నట్లు జోరుగా ప్రచారం సాగింది. రాజస్థాన్ మాజీ ముఖ్యమంత్రి అశోక్ గెహ్లాట్‌తో పాటు సీనియర్ నేతలు ముకుల్ వాస్నిక్, మాణిక్‌రావు థాక్రే వంటి ఉద్ధండుల పేర్లు ప్రముఖంగా వినిపించినప్పటికీ, అనూహ్యంగా అధిష్ఠానం బీఎం సందీప్ వైపు మొగ్గు చూపడం గమనార్హం.    ఈ పరిణామం సరిగ్గా పార్టీ అగ్రనేత రాహుల్ గాంధీ రాష్ట్ర పర్యటనలో ఉన్న సమయంలో జరగడం రాజకీయ వర్గాల్లో మరింత ఆసక్తిని రేకెత్తించింది. పార్టీ యంత్రాంగాన్ని మరింత ఉత్సాహపరిచేందుకు, క్షేత్రస్థాయిలో సమన్వయం సాధించేందుకు ఈ నాయకత్వ మార్పు దోహదపడుతుందని పరిశీలకులు భావిస్తున్నారు. త్వరలో స్థానిక సంస్థల ఎన్నికలు  ఇతర రాజకీయ సవాళ్లు ఎదురుకానున్న తరుణంలో, కొత్త ఇన్‌ఛార్జి నియామకం పార్టీ శ్రేణుల్లో కొత్త జోష్ నింపుతుందని ఆశిస్తున్నారు. రాష్ట్ర నాయకత్వంతో సఖ్యతను పెంపొందిస్తూ, పార్టీని విజయపథంలో నడిపించడంలో బీఎం సందీప్ ఎలాంటి వ్యూహాలు అనుసరిస్తారనేది ఇప్పుడు సర్వత్రా చర్చనీయాంశమైంది. మీకు నచ్చవచ్చు: Under 19 Asia Cup: పాక్‌పై చివరి బంతికి భారత్  థ్రిల్లింగ్ విక్టరీ..కప్ మనదే.! [ BM Sandeep Telangana Congress In-charge, Telangana Congress news, AICC new appointments 2026, TPCC updates, Mallikarjun Kharge decisions ]
ఆంధ్రప్రదేశ్ రాజకీయాల్లో దశాబ్దాల పాటు వైయస్ కుటుంబంతో అత్యంత సన్నిహితంగా మెలిగిన కీలక నేత విజయసాయి రెడ్డి, ఇప్పుడు సొంత పొలిటికల్ జర్నీ ప్రారంభించిన సంగతి విదితమే.   వైసీపీ అధినేత జగన్ కు అత్యంత నమ్మకమైన చార్టర్డ్ అకౌంటెంట్‌గా, రాజకీయ వ్యూహకర్తగా పనిచేసిన ఆయన,  పరివర్తన రాజనీతి పార్టీ (పీఆర్పీ) పేరుతో నూతన రాజకీయ పార్టీని స్థాపించి రాష్ట్ర రాజకీయాల్లో కలకలం రేపారు. వైయస్ కుటుంబ నీడ నుంచి బయటపడి, తనకంటూ ఒక స్వతంత్ర రాజకీయ అస్తిత్వాన్ని నిర్మించుకోవాలనే లక్ష్యంతో ఆయన క్షేత్రస్థాయిలో పార్టీ నిర్మాణ పనులను వేగవంతం చేశారు. కొత్త పార్టీ ఆవిర్భావ వేదికపై విజయసాయి రెడ్డి ఊహించిన విధంగానే వైసీపీ అధినేత జగన్ పై విమర్శలు గుప్పించారు. జగన్ మత విశ్వాసాలను ప్రస్తావిస్తూ, క్రైస్తవ మతాన్ని ఆచరిస్తూనే రాజకీయ ప్రయోజనాల కోసం రెడ్డి సామాజిక వర్గ మద్దతును ఆశిస్తున్నారంటూ   ఘాటు వ్యాఖ్యలు చేశారు. ఈ వ్యాఖ్యలు వైసీపీ వర్గాలలో తీవ్ర ఆగ్రహాన్ని కలిగించాయి. సాయిరెడ్డి చేసిన ఈ విమర్శలకు,  ఆయన కొత్త పార్టీకి వైసీపీ నుంచి ఎవరు, ఎలాంటి సమాధానం ఇస్తారనే అంశంపై రాజకీయ వర్గాల్లో ఉత్కంఠ నెలకొంది. ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.   ఇది కూడా చదవండి: విజయసాయి పెట్టబోయే కొత్త పార్టీ: చేరబోయే కొత్త నేత.. ఎవరో తెలుసా.? సాయిరెడ్డి పేరును ఎక్కడా నేరుగా ప్రస్తావించకుండానే ఆయన సొంత పార్టీని చాలా తేలికగా తీసుకుంటున్నట్లు మాట్లాడారు. విజయసాయి పేరు నేరుగా  ప్రస్తావించకుండా  జగన్మోహన్ రెడ్డి అండదండలు ఉన్నంత కాలం కొంతమంది వ్యక్తులు తమ గురించి తాము ఎక్కువగా ఊహించుకుంటారని విమర్శించారు. జగన్ కల్పించిన నమ్మకం, విశ్వసనీయత వల్లే వారికి రాజకీయ వేదిక లభించిందని, కానీ నేడు వారు పార్టీ కంటే తామే గొప్ప అని భ్రమపడుతున్నారని చెవిరెడ్డి అన్నారు.   జగన్ లేకపోతే వ్యక్తిగతంగా వారికి ఎటువంటి గుర్తింపు, విలువ లేవనే విషయాన్ని   గ్రహించలేకపోతున్నారని అన్నారు. ఇలాంటి ప్రాధాన్యత లేని, ప్రభావం చూపలేని చిన్న పార్టీల వల్ల వైసీపీకి వచ్చే నష్టం ఇసుమంతైనా ఉండదన్నారు.   మీకునచ్చవచ్చు:  విజయసాయి కొత్త పార్టీ: వైసీపీకి జరిగే నష్ట మేంటి.. రాష్ట్ర రాజకీయాల్లో పీఆర్పీ ప్రభావమెంత.? విజయసాయి కొత్త పార్టీ: వైసీపీ బీ టీమ్ అంటూ చర్చలు.! [Vijaya Sai Reddy  PRP Party, Chevireddy Reaction, YCP TeluguOn]  
విజయసాయిరెడ్డి కొత్త పార్టీ ప్రభావం వైసీపీపై ఏ మేరకు ఉంటుందన్న చర్చ ఇప్పుడు ఏపీ రాజకీయాల్లో పెద్ద ఎత్తున చర్చ జరుగుతోంది. జగన్ రాజకీయాలలోకి ప్రవేశించడానికి ముందు నుంచి కూడా విజయసాయి అత్యంత సన్నిహితుడిగా ఉంటూ వచ్చారు. జగన్ అక్రమ ఆస్తుల కేసులో కూడా విజయసాయి సహ నిందితుడు. జగన్ ఏ1 అయితే విజయసాయి ఏ2గా ఉన్నాయి.   వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది. గత కొంతకాలంగా రాజకీయాలకు దూరంగా ఉంటూ వచ్చిన విజయసాయి,  ఇప్పుడు  పరివర్తన రాజనీతి పార్టీ  పేరుతో కొత్త రాజకీయ పార్టీని ప్రారంభించారు.   దేశభక్తి, ప్రజా సంక్షేమం,  ఆంధ్రప్రదేశ్ ప్రయోజనాల పరిరక్షణే ధ్యేయంగా తన పార్టీ పనిచేస్తుందని విజయసాయి పార్టీ ప్రకటన సందర్భంగా చెప్పారు. పార్టీ అధికారిక ప్రకటనతో పాటు జెండాను కూడా ఆవిష్కరించిన విజయసాయిరెడ్డి, రాష్ట్రంలో సరికొత్త రాజకీయ సంస్కృతిని తీసుకువస్తామన్నారు. ప్రజల ఆకాంక్షలకు అనుగుణంగా అడుగులు వేయడమే తమ   లక్ష్యమని ప్రకటించారు.  ఈ పరిణామం వైసీపీపై ఎలాంటి ప్రభావం చూపుతుందనే అంశంపై  సర్వత్రా ఆసక్తి నెలకొంది. అదే విషయంపై చర్చోపచర్చలు జరుగుతున్నాయి. ఒకప్పుడు పార్టీలో అత్యంత కీలకంగా, పార్టీ నేతకు అధినేతకు అత్యంత విశ్వసనీయ వ్యక్తిగా ఉన్న విజయసాయిరెడ్డి ఇప్పుడు  సొంత కుంపటి పెట్టుకోవడం ఆ పార్టీకి ఏదో మేరకు నష్టాన్ని కలిగించే అవకాశం ఉందన్న అభిప్రాయం పరిశీలకులలో వ్యక్తమౌతోంది.   ఇది కూడా చదవండి:  జయసాయిరెడ్డి కొత్త పార్టీ ఆవిర్భావానికి ముహూర్తం ఫిక్స్.. ఎప్పుడంటే.! పార్టీలో అసంతృప్తితో ఉన్న, అలాగే ఆయనతో సత్సంబంధాలు కలిగిన కొందరు నేతలు భవిష్యత్తులో వైసీపీని వీడి విజయసాయి పంచన చేరే అవకాశలు మెండుగా ఉన్నాయని పరిశీలకులు అంటున్నారు.  అదలా ఉంచితే..  కొత్త పార్టీ ద్వారా ఆయన ఏ మేరకు ప్రభావం చూపగలరు, ప్రజాదరణను ఏ విధంగా సంపాదించుకుంటారు అనే విషయంలో కూడా రాజకీయవర్గాలలో భిన్నాభిప్రాయాలు వ్యక్తమౌతున్నాయి. రానున్న కాలంలో విజయసాయి రెడ్డి కొత్త పార్టీ పరివర్తన రాజనీతి పార్టీ (పీఆర్పీ)  ప్రయాణం అధికార, ప్రతిపక్ష పార్టీల వ్యూహాలను ఏ మేరకు ఎలా  ప్రభావితం చేస్తుందన్నది చూడాల్సి ఉంది. మొత్తం మీద చెప్పిన ముహూర్తానికి చెప్పినట్లుగా తన కొత్త రాజకీయ పార్టీని ప్రకటించిన విజయసాయి, ముందు ముందు రాష్ట్ర రాజకీయాలలో  ఏ మేరకు ప్రభావం చూపుతారన్న ఆసక్తి సర్వత్రా వ్యక్త మౌతోంది.   మీకు నచ్చవచ్చు:  వైసీపీలో నన్ను బతకనివ్వలేదు.. 70కి పైగా అవమానాలు భరించా: విజయసాయి రెడ్డి   విజయసాయి పెట్టబోయే కొత్త పార్టీ: చేరబోయే కొత్త నేత.. ఎవరో తెలుసా.? [Effect of Vijayasai Reddy New Party onYCP, Parivarthana Rajaneethi Party, PRP, Political Impact, AP Politics, Telugu One]
ALSO ON TELUGUONE N E W S
రామోజీరావు.. ఇది పేరు కాదు ఒక బ్రాండ్, ఒక వ్యవస్థ అని పాలు తాగే పిల్లోడిని అడిగినా చెప్పేస్తారు. ఆ సంస్థలో పని చేసి వచ్చిన, చేస్తున్న వాళ్ళకి అయితే దేవుడు..దశాబ్డల క్రితమే  సీరియల్స్ అనే వాటిని రామోజీ రావు గారు ఓన్ చేసుకొని కార్పొరేట్ కల్చర్ తీసుకురాకపోయి ఉంటే కళని నమ్ముకొని హైదరాబాద్ వచ్చిన ఎంతో మంది మంది కళాకారులు హైదరాబాద్ వదిలి వెళ్లిపోయేవాళ్ళని నిత్యం సినీ సర్కిల్స్ లో వినిపించే మాట. అలాంటి రామోజీరావు గారు తన సినీ ప్రస్థానంలో లభించిన అపురూప విజయం తాలూకు న్యూస్ ఒకదాన్ని అభిమానులు గుర్తు చేసుకుంటున్నారు.   తెలుగు సినిమా  చరిత్రలో ఉషాకిరణ్ మూవీస్ సంస్థది ఒక ప్రత్యేక అధ్యాయం. 1983లో రామోజీరావు గారు స్థాపించిన ఈ నిర్మాణ సంస్థ, కేవలం వినోదాన్ని మాత్రమే కాకుండా సమాజాన్ని ఆలోచింపజేసే ఎన్నో కంటెంట్ ఆధారిత చిత్రాలని  అందించింది. 1984లో 'శ్రీవారికి ప్రేమలేఖ'తో మొదలైన ఈ ప్రస్థానంలో దాదాపు 80కి పైగా సినిమాలు తెరకెక్కాయి. అయితే, ఉషాకిరణ్ మూవీస్ చరిత్రలో ఒకే ఒక్క సినిమా సృష్టించిన సంచలనం, కురిపించిన కాసుల వర్షం ఆ సంస్థకి హైదరాబాద్ నడిబొడ్డున ఒక శాశ్వత చిరునామాని తెచ్చిపెట్టింది. 1989లో రామోజీరావు నిర్మాణంలో, ఎ. మోహన గాంధీ దర్శకత్వంలో విడుదలైన 'మౌన పోరాటం' అప్పట్లో బాక్సాఫీస్ వద్ద పెను సంచలనం సృష్టించింది. ఒడిశాకు చెందిన సబిత అనే ఒక గిరిజన మహిళ నిజ జీవిత పోరాటం ఆధారంగా ఈ సినిమాని  రూపొందించారు. అప్పట్లో దేశవ్యాప్తంగా సంచలనం రేపిన ఈ యథార్థ గాథని  తెరకెక్కించడానికి రామోజీరావు ఎంతో ధైర్యం చేశారు. ఎలాంటి కమర్షియల్ హంగులు, స్టార్ హీరోలు లేకుండా కేవలం బలమైన కథనే నమ్ముకుని సెట్స్ పైకి తీసుకెళ్లారు. మౌన పోరాటం ద్వారానే నటి యమున, హీరో వినోద్ కుమార్ తెలుగు తెరకి  పరిచయమయ్యారు. అంతేకాదు, ప్రముఖ నేపథ్య గాయని ఎస్. జానకి సంగీత దర్శకురాలిగా పనిచేసిన ఏకైక చిత్రం కూడా ఇదే కావడం విశేషం. దుర్గ అనే ఆదివాసి యువతి తన బిడ్డకి  తండ్రి పేరును, న్యాయాన్ని సాధించడం కోసం చేసిన అలుపెరగని పోరాటం ప్రేక్షకుల హృదయాలను కదిలించింది. జనం బ్రహ్మరథం పట్టారు. తక్కువ బడ్జెట్‌తో నిర్మితమైన ఈ చిత్రం ఊహించని స్థాయిలో వసూళ్లను రాబట్టి నిర్మాత రామోజీరావుకు భారీ లాభాలను తెచ్చిపెట్టింది.   ఇది కూడా చదవండి:సినిమా హిట్ అవ్వాలంటే ఆ కలల రాకుమారి కంపల్సరీ అంట: తాజాగా వెలుగులోకి వచ్చిన నిజం! ఆ కాలంలో 'మౌన పోరాటం' సినిమా సాధించిన అద్భుతమైన లాభాలతోనే రామోజీరావు హైదరాబాద్‌లోని అత్యంత కీలకమైన బేగంపేట మెయిన్ రోడ్డు (గ్రీన్ ల్యాండ్స్ సమీపంలో) ఉన్న ఉషాకిరణ్ మూవీస్ కార్యాలయ భవనాన్ని కొనుగోలు చేశారని సినీ ప్రముఖులు, విశ్లేషకులు చెబుతుంటారు. ఇండస్ట్రీలో "ఒక్క సినిమాతో ఆఫీస్ బిల్డింగ్ కొన్న నిర్మాత" అనే మాట వినిపించినప్పుడల్లా రామోజీరావు దూరదృష్టి, 'మౌన పోరాటం' సాధించిన ఘనవిజయం గురించి ప్రత్యేకంగా చర్చించుకుంటారు.కేవలం ఆర్థికంగానే కాకుండా ప్రతిష్టాత్మక పురస్కారాల పరంగానూ 'మౌన పోరాటం' ఉషాకిరణ్ మూవీస్ కీర్తి కిరీటంలో కలికితురాయిగా నిలిచింది. 1989వ సంవత్సరానికి గాను ఉత్తమ ద్వితీయ చిత్రంగా రాష్ట్ర ప్రభుత్వ నంది అవార్డుతో పాటు, ఉత్తమ కాస్ట్యూమ్ డిజైనర్ విభాగంలో మరో నంది అవార్డుని  కైవసం చేసుకుంది. సామాజిక స్పృహతో తీసిన ఒక మంచి సినిమా బాక్సాఫీస్ వద్ద కాసుల వర్షం కురిపించడమే కాకుండా, దశాబ్దాల పాటు ఒక దిగ్గజ నిర్మాణ సంస్థకు ప్రధాన కార్యాలయంగా నిలిచే ఆస్తిని సమకూర్చడం తెలుగు సినీ చరిత్రలో ఒక అరుదైన రికార్డుగా నిలిచిపోయింది. రామోజీ గారి సినీ ప్రస్థానం చూసుకుంటే ఆయన తెరకెక్కించిన చిత్రాలన్నీ సమాజానికి ఉపయోగపడే విలువలతో పాటు చైతన్యవంతుల్ని చేసే సినిమాలు.కమర్షియల్ జోనర్ అనే వర్డ్ ని తన కాంపౌండ్ గేట్ దగ్గరకి కూడా రానివ్వలేదు.   మీకు నచ్చవచ్చు:సాయి పల్లవి తల్లి వ్యాఖ్యలు వైరల్! మీకు నచ్చవచ్చు:సోనియా గాంధీ బయోపిక్ రెడీ: ఈ హీరోయినేనా!   [Ramoji Rao, Mounaporatam, Ushakiran Movies, Yamuna, vinod Kumar]
రష్మిక మందన్న అప్ కమింగ్ మూవీ ‘మైసా’. ఈ సినిమా నుంచి విడుదలైన గ్లింప్స్, టీజర్‌లో ఆమెను మునుపెన్నడూ చూడని రఫ్ అండ్ పవర్‌ఫుల్ అవతార్‌లో చూపించారు. ఫస్ట్ సింగిల్ ‘ఓ మైసా రే’ కూడా అదే మాస్ ఇమేజ్‌ను మరింత పెంచింది. కానీ ఇప్పుడు విడుదలైన రెండో పాట మాత్రం పూర్తిగా భిన్నంగా ఉంది. ‘ఏనాటి వరమో నువ్వు’ అంటూ తండ్రీకూతుళ్ల మధ్య ఉండే అందమైన అనుబంధాన్ని ఆవిష్కరించింది. జేక్స్ బిజోయ్ స్వరపరిచిన ఈ పాటకు రెహమాన్ సాహిత్యం అందించగా, కృష్ణ తేజస్వి ఆలపించారు. మెలోడీ ట్యూన్‌తో పాటు భావోద్వేగాలను కలగలిపిన ఈ పాటలో తండ్రీకూతుళ్ల అనుబంధం ప్రధాన ఆకర్షణగా నిలిచింది. ముఖ్యంగా పాటలోని విజువల్స్ చూస్తుంటే మైసా పాత్ర వెనుక ఉన్న ఎమోషనల్ కథను మేకర్స్ పరిచయం చేసినట్లు అనిపిస్తోంది. ఈ పాటలో రష్మిక చిన్నప్పటి నుంచి పెద్దయ్యే వరకు ఆమె జీవితంలోని కొన్ని మధురమైన క్షణాలను చూపించారు. తండ్రితో కలిసి వ్యవసాయ పనుల్లో సాయం చేయడం, అల్లరి చేయడం వంటి సన్నివేశాలతో చిన్ననాటి మైసాను పరిచయం చేశారు. తండ్రి అంటే ఆమెకు ఎంత ఇష్టమో, ఆయనతో ఆమెకు ఉన్న అనుబంధం ఎంత బలమైనదో ప్రతి సన్నివేశంలో కనిపిస్తుంది. ముఖ్యంగా తండ్రిపై ప్రేమకు గుర్తుగా ఆయన పేరుతో టాటూ వేయించుకోవాలని మైసా నిర్ణయించుకునే సన్నివేశం భావోద్వేగంగా ఉంది. సముద్రఖని తండ్రి పాత్రలో కనిపించగా, ఈశ్వరీ రావు తల్లిగా నటించారు. మొదటి పాటలో కనిపించిన రష్మిక ఉగ్రరూపానికి పూర్తి భిన్నంగా ఈ పాటలో ఆమె పాత్రలోని సున్నితమైన కోణాన్ని చూపించారు. ఇది కూడా చదవండి: 15 ఏళ్ల ‘కొలవెరి డి’.. ఆరు నిమిషాల్లో రాసిన పాట ప్రపంచాన్ని ఊపేసింది.! ‘మైసా’ ప్రచార చిత్రాలను గమనిస్తే రష్మిక ఈసారి ఒక పవర్‌ఫుల్ యాక్షన్ పాత్రలో కనిపించబోతున్నట్లు స్పష్టమవుతోంది. అయితే కేవలం ఫైట్లు, యాక్షన్ సన్నివేశాలకే పరిమితం కాకుండా ఆమె పాత్రకు బలమైన ఎమోషనల్ బ్యాక్‌డ్రాప్ కూడా ఉందని ఈ రెండో పాటతో అర్థమవుతోంది. ఒకవైపు తండ్రి ప్రేమలో పెరిగిన అమ్మాయి.. మరోవైపు పరిస్థితుల కారణంగా ఎంతటి పోరాటానికైనా సిద్ధపడే మహిళ. ఈ రెండు కోణాల మధ్య మైసా పాత్ర ఎలా మారుతుంది? ఆమె జీవితంలో ఎలాంటి సంఘటనలు చోటుచేసుకుంటాయి? అనే ఆసక్తిని ఈ పాట పెంచుతోంది. నూతన దర్శకుడు రవీంద్ర పుల్లె తెరకెక్కిస్తున్న ఈ చిత్రాన్ని అన్‌ఫార్ములా ఫిల్మ్స్ నిర్మిస్తోంది. తెలుగు, హిందీ, తమిళం, కన్నడ, మలయాళ భాషల్లో నవంబర్ 27న ఈ సినిమా విడుదల కానుంది. మీకు నచ్చవచ్చు:  ‘కాకా’లో స్పెషల్ సాంగ్.. మెగాస్టార్‌తో రితికా సింగ్ మాస్ స్టెప్పులు.! శ్రీలీల ఓపెన్ కామెంట్స్.. చిన్న వయసులో తప్పులు చేశా.!       [Mysaa Second Single, Yenati Varamo Nuvvu Song, Rashmika Mandanna, Jakes Bejoy, Samuthirakani]  
సినిమా.. నిర్మాణ దశలో ఉన్నప్పుడే ప్రత్యక్షంగా, పరోక్షంగా ఎంతో మంది బతుకుతున్నారు.  ఈ మాట అక్షర సత్యమని లైవ్ లో తెలుసుకోవాలంటే తెల్లవారుజామున హైదరాబాద్ లో కృష్ణ నగర్ ని అనుకోని ఉండే ఇంద్రనగర్ గడ్డ దగ్గరకి వస్తే చాలు. మరి సినిమా రిలీజైన తర్వాత  హిట్ టాక్ తెచ్చుకుంటే పాన్ ఇండియా, ఓవర్సీస్ వ్యాప్తంగా ఎంత మంది బతుకుతారో అనే ఫిగర్ కి లెక్కే లేదు. కానీ వాళ్లందరికీ అన్యాయం చేస్తూ హిట్ శాతం చాలా లో డిగ్రీస్ లో ఉంది. అందుకు గల కారణం ఇదే అని ఫిలిం సర్కిల్ తో పాటు సినీ అభిమానులు, ప్రేక్షకుల సినీ హార్ట్ లో నిత్యం ఒక విషయం స్ఫురణకి వస్తు ఉంటుంది. మరి వారి హార్ట్ బీట్ లో దాగి ఉన్న భావాలేంటో చూద్దాం. తెలుగు సినిమా చరిత్రలో ఒక చిత్రం ఘనవిజయం సాధించాలంటే కేవలం హీరో ఇమేజ్, భారీ యాక్షన్ సీన్లు మాత్రమే ఉంటే సరిపోదు. కథలో హీరోయిన్ క్యారక్టర్ కి  కూడా సమానమైన ప్రాధాన్యత ఉన్నప్పుడే ఆ సినిమా ప్రేక్షకుల హృదయాలకి  హత్తుకుంటుంది. ఒకప్పుడు తెలుగు వెండితెరపై కథానాయికల రోల్స్  కథను మలుపు తిప్పే శక్తివంతమైన పిల్లర్లుగా ఉండేవి. సావిత్రి, జమున, భానుమతి, శ్రీదేవి, విజయశాంతి వంటి మహానటీమణులు నటించిన చిత్రాల్లో హీరోలకు దీటుగా వారి పాత్రలు తీర్చిదిద్దబడ్డాయి. 'మాయాబజార్', 'మిస్సమ్మ', 'గుండమ్మ కథ', 'ప్రతిఘటన', 'కర్తవ్యం' వంటి చిత్రాలు కేవలం హీరోల వల్లే కాకుండా, హీరోయిన్ల అద్భుతమైన పాత్రల బలం వల్లే కల్ట్ క్లాసిక్స్‌గా నిలిచాయి. ఆ కాలంలో సినిమా విజయంలో కథానాయికల పాత్ర 50 శాతానికి పైగా ప్రభావం చూపేదని సినీ విశ్లేషకులు చెబుతుంటారు. అయితే కాలక్రమేణా కమర్షియల్ సినిమాల మోజు పెరిగిపోవడంతో హీరోయిన్ పాత్రల ప్రాధాన్యత తగ్గుతూ వచ్చింది. గత దశాబ్ద కాలంలో వచ్చిన చాలా పెద్ద సినిమాల్లో హీరోయిన్లు కేవలం మూడు పాటలు, నాలుగు రొమాంటిక్ సన్నివేశాలకు మాత్రమే పరిమితమయ్యారు. కథలో వారి క్యారక్టర్ కి ఎలాంటి బలం లేకపోవడం, హీరో ఎలివేషన్ల మధ్య వారు తేలిపోవడం ఒక సాధారణ విషయంగా మారిపోయింది.   హీరో చుట్టూ తిరిగే కథల్లో హీరోయిన్ కేవలం ఒక గ్లామర్ డాల్‌గా మిగిలిపోవడంతో ప్రేక్షకులకు ఆ పాత్రలతో ఎమోషనల్ కనెక్ట్ తగ్గిపోయింది. కేవలం హీరో ఇమేజ్‌ను నమ్ముకుని, బలమైన మహిళా పాత్రలు లేకుండా తీసిన ఎన్నో భారీ బడ్జెట్ చిత్రాలు బాక్సాఫీస్ వద్ద బోల్తా కొట్టిన సందర్భాలు కూడా ఉన్నాయి.  ఇది కూడా చదవండి:కోలీవుడ్ కి DNK కానీ ఇటీవలి కాలంలో తెలుగు సినిమా తీరు మళ్ళీ మారుతోంది. ప్రేక్షకుల అభిరుచిలో వచ్చిన మార్పుని  గుర్తించిన దర్శకులు మళ్ళీ హీరోయిన్ లకి కథలో కీలక స్థానం కల్పిస్తున్నారు. దీనికి నిదర్శనంగా గత కొంతకాలంగా విడుదలై బాక్సాఫీస్ వద్ద రికార్డులు సృష్టించిన కొన్ని సినిమాలని చెప్పుకోవచ్చు. ఉదాహరణకి 'సీతారామం' సినిమాలో సీతామహాలక్ష్మి క్యారక్టర్  లేకపోతే ఆ కథకు ఆత్మ ఉండేది కాదు. 100 కోట్లకు పైగా వసూళ్లు సాధించడంలో మృణాల్ ఠాకూర్ ది ప్రధాన భూమిక. అలాగే 'హాయ్ నాన్న' చిత్రంలో యష్న పాత్ర చుట్టూనే కథ మొత్తం నడుస్తుంది. ఆ పాత్రలోని ఎమోషన్ ప్రేక్షకులను కట్టిపడేసి సినిమాని బ్లాక్‌బస్టర్ చేసింది. అంతేకాకుండా 'మహానటి', 'అరుంధతి', 'భాగమతి', 'సైరా నరసింహారెడ్డి', 'పుష్ప' వంటి చిత్రాల్లోనూ హీరోయిన్ పాత్రలకు ఇచ్చిన ప్రాధాన్యత ఆ సినిమాల విజయానికి ఎంతో దోహదపడింది. 'పుష్ప' సినిమాలో శ్రీవల్లి పాత్రకు మాస్ ఆడియన్స్‌లో వచ్చిన క్రేజ్ ఆ సినిమా పాన్ ఇండియా స్థాయిలో 350 కోట్లకు పైగా కలెక్షన్లు రాబట్టడానికి ఒక కారణమైంది. ఇటీవల వచ్చిన 'కల్కి 2898 AD' చిత్రంలో కూడా సుమతి పాత్ర చుట్టూనే అసలు కథ తిరుగుతుంది. 1000 కోట్లకు పైగా వసూలు చేసిన ఈ చిత్రంలో ఆ పాత్రకున్న ప్రాధాన్యత ఏంటో అందరికీ తెలిసిందే.   దీన్ని బట్టి అర్థమయ్యే అసలు సత్యం ఏంటంటే, సినిమాలో హీరోయిన్ క్యారక్టర్ కి   కేవలం అలంకారప్రాయంగా కాకుండా, కథని ముందుకు నడిపించే బలమైన శక్తిగా తీర్చిదిద్దితే ప్రేక్షకులు ఖచ్చితంగా  ఆదరిస్తారు.ఈ సూత్రాన్ని కొంత మంది దర్శకులు నమ్మి ఆ దిశగా దూసుకెళ్తున్నారు. కాబట్టి మిగతా దర్శకులు, రచయితలు కూడా తల్లి లేనిదే సృష్టికి జననం ఎలా అయితే లేదో, ఏ జోనర్ కథ అయినా సరే  హీరోయిన్ క్యారక్టర్ ని బేస్ చేసుకొని కథకి లింక్ చేస్తేనే  సినీ పుట్టకకి అర్ధం, పరమార్ధం. దాంతో సినిమా ముసి ముసి నవ్వులతో  పరవళ్లు తొక్కుతుంది. అదే జరిగితే మేకర్స్ కి సినిమా ఏం ఇస్తుందో ప్రత్యేకంగా చెప్పాల్సిన పని లేదు.   మీకు నచ్చవచ్చు:హిందుస్థాన్ వాళ్ళ సొంతమా: సింగర్ వ్యాఖ్యలు వైరల్! మీకు నచ్చవచ్చు:త్రిష పెంపుడు కుక్క సంచలనం     [Importance of heroine roles, sai Pallavi,Mrunal Thakur, Telugu Cinema]
వరుస సినిమాలతో బిజీగా ఉండే యంగ్ హీరోయిన్స్ లో శ్రీలీల ఒకరు. కెరీర్ ఆరంభంలోనే వరుస అవకాశాలు అందుకుని టాలీవుడ్‌లో మంచి క్రేజ్ సంపాదించుకున్నారు. అయితే వచ్చిన ప్రతి అవకాశాన్ని అంగీకరిస్తూ సినిమాలు చేసి కొన్ని షాకులు తిన్న శ్రీలీల.. ఇప్పుడు తన ఆలోచనా విధానాన్ని మార్చుకున్నారట. కథల ఎంపిక విషయంలో గతంలో కొన్ని తప్పులు చేశానని, ఇకపై ఆచితూచి సినిమాలు చేయాలని నిర్ణయించుకున్నట్లు తాజాగా ఆమె చేసిన వ్యాఖ్యలు ఆసక్తికరంగా మారాయి. ధనుష్, మమ్ముట్టి, సాయిపల్లవి, శ్రీలీల ప్రధాన పాత్రల్లో నటించిన ‘ఓం’ సినిమా ప్రీ రిలీజ్ ఈవెంట్ హైదరాబాద్‌లో జరిగింది. ఈ వేడుకలో తన కెరీర్ గురించి శ్రీలీల మనసు విప్పి మాట్లాడారు. చిన్న వయసులోనే ఇండస్ట్రీలోకి రావడంతో అప్పట్లో కథలను ఎంచుకునే స్థాయిలో తాను లేనని, వచ్చిన అవకాశాలను అంగీకరిస్తూ ముందుకు వెళ్లానని తెలిపారు. ప్రేక్షకులు తనపై ఎంతో ప్రేమ చూపించారని, అయితే కొంతకాలం తర్వాత తన నిర్ణయాలను తానే సమీక్షించుకోవాల్సిన అవసరం ఉందని గుర్తించినట్లు చెప్పారు. మనకు నచ్చిన కథలను ఎంచుకోవడం మొదలుపెట్టినప్పుడే జీవితంలో మార్పు వస్తుందని ఎవరో చెప్పిన మాట తనపై ప్రభావం చూపిందని వెల్లడించారు. అప్పటివరకు వచ్చిన సినిమాలు చేసుకుంటూ వెళ్లానని, కానీ తన కెరీర్‌లో ఎక్కడ తప్పులు జరుగుతున్నాయి? ఇంకా ఏం నేర్చుకోవాలి? అని ఆలోచించుకున్నానని తెలిపారు. సరిగ్గా అదే సమయంలో దర్శకుడు రాజ్‌కుమార్ పెరియసామి ‘ఓం’ కథ చెప్పారని, ఇందులో పాటలు ఉండవని ఆయన ముందే చెప్పడంతో తనకు చాలా కొత్తగా అనిపించిందని వివరించారు. తనను ఇప్పటివరకు చూడని కొత్త కోణంలో చూపించే పాత్రను ఇచ్చినందుకు దర్శకుడికి శ్రీలీల కృతజ్ఞతలు తెలిపారు. ఈ వ్యాఖ్యలను బట్టి ఇకపై కేవలం కమర్షియల్ అవకాశాలకే పరిమితం కాకుండా, తన నటనకు ప్రాధాన్యం ఉన్న పాత్రలను ఎంచుకోవాలని శ్రీలీల  భావిస్తున్నట్లు అర్థమవుతోంది. ఇది కూడా చదవండి: 15 ఏళ్ల ‘కొలవెరి డి’.. ఆరు నిమిషాల్లో రాసిన పాట ప్రపంచాన్ని ఊపేసింది.! ఇదే ఈవెంట్‌లో సాయిపల్లవి గురించి శ్రీలీల చెప్పిన మాటలు కూడా ప్రత్యేకంగా నిలిచాయి. తాను మెడిసిన్ ఎంట్రన్స్ పరీక్ష రాస్తున్న సమయంలోనే ‘ఫిదా’ సినిమా విడుదలైందని గుర్తుచేసుకున్నారు. అప్పట్లో ఒక డాక్టర్ అమ్మాయి హీరోయిన్‌గా నటించడం తమ ఇంట్లో అందరికీ ఎంతో స్ఫూర్తినిచ్చిందని చెప్పారు. ఇప్పుడు తాను కూడా మెడిసిన్ పూర్తి చేసి, సాయిపల్లవితో కలిసి నటించడం చాలా ఆనందంగా ఉందని తెలిపారు.  దర్శకుడు రాజ్‌కుమార్ పెరియసామి తెరకెక్కించిన ఈ యాక్షన్ థ్రిల్లర్‌లో ధనుష్, మమ్ముట్టి, సాయిపల్లవి, శ్రీలీలతో పాటు రేణు దేశాయ్ కీలక పాత్రలో నటించారు. సాయి అభ్యంకర్ సంగీతం అందించారు. నవంబర్ 20న ఈ సినిమా విడుదల కానుంది. మీకు నచ్చవచ్చు: ఆకాశంలో ఒక తార vs డియర్ ఆస్ట్రోనాట్.. ఒకే రోజు ఒకే కథతో రెండు సినిమాలు.! ‘కాకా’లో స్పెషల్ సాంగ్.. మెగాస్టార్‌తో రితికా సింగ్ మాస్ స్టెప్పులు.!       [OM Movie, Sreeleela, Dhanush, Sai Pallavi, Renu Desai]  
సినిమా ఇండస్ట్రీకి ఎప్పుడు ఏ సమస్య వచ్చినా ముందుండి స్పందించే మెగాస్టార్ చిరంజీవి మరోసారి చిత్ర పరిశ్రమ తరఫున కీలకమైన అంశాన్ని కేంద్ర ప్రభుత్వం దృష్టికి తీసుకెళ్లారు. ప్రస్తుతం ప్రపంచవ్యాప్తంగా ఆర్టిఫిషియల్ ఇంటెలిజెన్స్ (AI) వినియోగం పెరుగుతున్న నేపథ్యంలో.. దాని ద్వారా సెలబ్రిటీల ముఖాలు, గొంతులను అనుమతి లేకుండా ఉపయోగించడం, డీప్‌ఫేక్ వీడియోలు రూపొందించడం వంటి ఘటనలు ఆందోళన కలిగిస్తున్నాయి. ఈ నేపథ్యంలో కళాకారుల వ్యక్తిగత గుర్తింపు, గౌరవం, సృజనాత్మక హక్కులకు రక్షణ కల్పించాలని కోరుతూ చిరంజీవి కేంద్ర ప్రభుత్వానికి వినతిపత్రం అందజేశారు. కేంద్ర మంత్రి కిషన్ రెడ్డిని కలిసి ఈ వినతిపత్రాన్ని అందించారు. కేంద్ర హోంమంత్రి అమిత్ షాతో పాటు కేంద్ర హోం, సమాచార ప్రసార మంత్రిత్వ శాఖలకు ఉద్దేశించి దీనిని సమర్పించారు. ఇటీవల అమిత్ షాతో జరిగిన సమావేశంలో AI దుర్వినియోగం వల్ల సినీ, టెలివిజన్ కళాకారులకు ఎదురవుతున్న సమస్యలను చిరంజీవి వివరించారు. ఈ అంశంపై లిఖితపూర్వకంగా వినతిపత్రం ఇవ్వాలని అమిత్ షా సూచించడంతో తాజాగా కిషన్ రెడ్డికి అందజేశారు. ఇందులోని అంశాలను సంబంధిత మంత్రిత్వ శాఖల దృష్టికి తీసుకెళ్లి సమన్వయం చేస్తానని కిషన్ రెడ్డి హామీ ఇచ్చారు. ఈ వినతిపత్రంలో పలు కీలకమైన అంశాలను చిరంజీవి ప్రస్తావించారు. కళాకారుల ముఖం, గొంతు, వ్యక్తిగత గుర్తింపును వారి అనుమతి లేకుండా డిజిటల్ రూపంలో ఉపయోగించకుండా చట్టపరమైన రక్షణ కల్పించాలని కోరారు. AI ద్వారా ఒక వ్యక్తి రూపాన్ని, గొంతును తిరిగి సృష్టించే ముందు వారి అనుమతి తప్పనిసరి చేయాలని సూచించారు. అలాగే దురుద్దేశంతో రూపొందించే డీప్‌ఫేక్ వీడియోలపై తగిన శిక్షలు విధించడం, చట్టవిరుద్ధమైన కంటెంట్‌ను నిర్ణీత సమయంలో తొలగించే వ్యవస్థను ఏర్పాటు చేయడం వంటి ప్రతిపాదనలు చేశారు. ఇలాంటి ఘటనలపై ఫిర్యాదులు స్వీకరించేందుకు ప్రత్యేక వ్యవస్థ ఉండాలని కూడా కోరారు. కేవలం సినీ ప్రముఖులే కాకుండా సాధారణ ప్రజలు, మహిళలు, చిన్నారులు కూడా AI దుర్వినియోగం వల్ల ఇబ్బందులు ఎదుర్కొనే ప్రమాదం ఉందని చిరంజీవి పేర్కొన్నారు. ఎన్నో ఏళ్ల కష్టంతో సంపాదించుకున్న పేరు ప్రతిష్ఠలు, వ్యక్తిగత గౌరవం క్షణాల్లో దెబ్బతినే పరిస్థితులు వస్తున్నాయని వివరించారు. కరోనా సమయంలో సినీ కార్మికులకు అండగా నిలవడం, హెల్త్ కార్డులు, వైద్య సహాయం అందించడం వంటి కార్యక్రమాల్లో చురుగ్గా పాల్గొన్న చిరంజీవి.. ఇప్పుడు డిజిటల్ ప్రపంచంలో కళాకారుల హక్కుల పరిరక్షణ కోసం ముందుకొచ్చారు. "సాంకేతికత సృజనాత్మకతను పెంపొందించాలి.. మనిషి గౌరవాన్ని దెబ్బతీయకూడదు" అనే సందేశంతో ఈ అంశంపై ప్రభుత్వ దృష్టిని ఆకర్షించారు. Chiranjeevi, Chiranjeevi Latest News, AI Deepfake Misuse, Chiranjeevi Kishan Reddy Meeting, Kishan Reddy, Amit Shah, AI Protection for Actors, Celebrity Digital Rights, Deepfake Videos, Telugu Film Industry News
విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో వచ్చిన సినిమా 'ఆదర్శ కుటుంబం.. హౌస్ నంబర్ ఏకే 47'. ఎన్నో అంచనాల మధ్య అక్టోబర్ 30న థియేటర్లలో విడుదలైన ఈ ఫ్యామిలీ యాక్షన్ ఎంటర్‌టైనర్ ప్రేక్షకులను ఆకట్టుకుంది. వెంకటేష్ తనదైన కామెడీ టైమింగ్‌తో అలరించగా.. త్రివిక్రమ్ మార్క్ మాటలు, కుటుంబ నేపథ్యంలోని కథ ప్రేక్షకులకు నచ్చాయి. థియేటర్లలో ఈ సినిమాను మిస్ అయిన వారు ఇప్పుడు ఓటీటీ విడుదల కోసం ఎదురుచూస్తున్నారు. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్‌ఫ్లిక్స్ సొంతం చేసుకుంది. ఇందుకోసం భారీ మొత్తాన్ని వెచ్చించినట్లు సమాచారం. థియేటర్లలో విడుదలైన నాలుగు వారాల తర్వాతే ఓటీటీలోకి తీసుకురావాలనే ఒప్పందం చేసుకున్నట్లు తెలుస్తోంది. ఈ లెక్కన నవంబర్ చివరి వారంలోనే 'ఆదర్శ కుటుంబం' నెట్‌ఫ్లిక్స్‌లోకి వచ్చే అవకాశం ఉందని టీవీ9 కథనం పేర్కొంది. అయితే ఇప్పటివరకు స్ట్రీమింగ్ తేదీపై నెట్‌ఫ్లిక్స్ నుంచి అధికారిక ప్రకటన రాలేదు.  ఇక ఈ సినిమాలో వెంకటేష్ చిట్టిబాబు అనే మధ్యతరగతి వ్యక్తి పాత్రలో కనిపించారు. చిన్న ఉద్యోగం చేస్తూ కుటుంబాన్ని పోషించే ఆయన భార్య స్వర్ణ పాత్రలో శ్రీనిధి శెట్టి నటించారు. భార్య కోరికల కారణంగా అప్పులపాలైన చిట్టిబాబు కుటుంబం అనూహ్యంగా ఓ లగ్జరీ విల్లాలోకి వెళ్లాల్సి వస్తుంది. అక్కడ వారికి ఎదురయ్యే పరిణామాలు, ఓ గ్యాంగ్‌స్టర్‌తో చిట్టిబాబుకు ఉన్న సంబంధం ఏమిటన్నది కథలో ఆసక్తికరమైన అంశాలు. నారా రోహిత్ కూడా ఇందులో కీలక పాత్రలో కనిపించారు. హారికా అండ్ హాసిని క్రియేషన్స్ బ్యానర్‌పై ఎస్. రాధాకృష్ణ ఈ సినిమాను నిర్మించారు. త్రివిక్రమ్ దర్శకత్వం వహించగా.. థమన్ సంగీతం అందించారు. రవి కె. చంద్రన్ సినిమాటోగ్రఫీ, నవీన్ నూలి ఎడిటింగ్ బాధ్యతలు నిర్వహించారు. నారా రోహిత్, శ్రీనిధి శెట్టితో పాటు నివేదా పేతురాజ్, రావు రమేష్, సత్య, బ్రహ్మాజీ, వెన్నెల కిషోర్, రఘుబాబు తదితరులు నటించారు. థియేటర్లలో చూడలేకపోయిన వెంకటేష్ అభిమానులు ఈ సినిమా ఓటీటీ విడుదల కోసం ఆసక్తిగా ఎదురుచూస్తున్నారు.       [Venkatesh, AadarshaKutumbamOTT, Netflix, TrivikramSrinivas, SrinidhiShetty]
సినిమా ఇండస్ట్రీలో ఒకే రోజు రెండు పెద్ద సినిమాలు విడుదల కావడం సాధారణమే. కానీ ఒకే కుటుంబానికి చెందిన తండ్రీకొడుకుల సినిమాలు ఒకేరోజు థియేటర్లలోకి రావడం మాత్రం అరుదుగా జరుగుతుంది. ఇప్పుడు మలయాళ చిత్ర పరిశ్రమలో అలాంటి ఆసక్తికరమైన పరిణామం చోటుచేసుకోబోతోంది. మలయాళ మెగాస్టార్ మమ్ముట్టి, ఆయన తనయుడు దుల్కర్ సల్మాన్ నటించిన సినిమాలు నవంబర్ 20న ప్రేక్షకుల ముందుకు రాబోతున్నాయి. దీంతో ఈ తండ్రీకొడుకుల బాక్సాఫీస్ పోటీపై ఆసక్తి నెలకొంది. మమ్ముట్టి కీలక పాత్రలో నటించిన చిత్రం 'ఓం' (O.M). తమిళ స్టార్ హీరో ధనుష్ ప్రధాన పాత్రలో నటిస్తున్న ఈ యాక్షన్ చిత్రానికి రాజ్‌కుమార్ పెరియసామి దర్శకత్వం వహిస్తున్నారు. ఇందులో మమ్ముట్టి కీలక పాత్రలో కనిపించనుండగా.. సాయిపల్లవి పోలీస్ అధికారిగా నటిస్తున్నారు. శ్రీలీల, నసీరుద్దీన్ షా, ఇంద్రన్స్ తదితరులు ముఖ్యమైన పాత్రలు పోషిస్తున్నారు. సాయి అభ్యంకర్ సంగీతం అందిస్తున్న ఈ సినిమాను వండర్ బార్ ఫిల్మ్స్, ఆర్ టేక్ స్టూడియోస్ సంస్థలు సంయుక్తంగా నిర్మిస్తున్నాయి. ఈ చిత్రాన్ని తమిళంతో పాటు తెలుగు, హిందీ, మలయాళం, కన్నడ భాషల్లో విడుదల చేయనున్నారు. ఇక మరోవైపు దుల్కర్ సల్మాన్ హీరోగా నటిస్తున్న సినిమా 'ఆకాశంలో ఒక తార'. సాత్విక వీరవల్లి ఇందులో కథానాయికగా నటిస్తున్నారు. పవన్ సాధినేని దర్శకత్వం వహిస్తున్న ఈ చిత్రాన్ని గీతా ఆర్ట్స్, స్వప్న సినిమా, లైట్‌బాక్స్ మీడియా సంస్థలపై సందీప్ గున్నం, రమ్య గున్నం నిర్మిస్తున్నారు. ఇప్పటికే ఈ సినిమా షూటింగ్ పూర్తయింది. ఇటీవల విడుదలైన ట్రైలర్ ప్రేక్షకుల్లో ఆసక్తిని పెంచుతోంది. ఇందులో శ్రుతి హాసన్ కూడా కీలక పాత్రలో కనిపించనున్నారు. నవంబర్ 20న ఈ సినిమా థియేటర్లలోకి రానుంది. ఇలా ఒకే రోజు మమ్ముట్టి, దుల్కర్ సల్మాన్ సినిమాలు విడుదల కానుండటంతో అభిమానుల్లో ఆసక్తి నెలకొంది. అయితే ఈ రెండు సినిమాలు వేర్వేరు భాషల్లో, విభిన్నమైన కథాంశాలతో ప్రేక్షకుల ముందుకు వస్తున్నాయి. ఒకవైపు ధనుష్, మమ్ముట్టి కాంబినేషన్‌లో వస్తున్న 'ఓం'పై అంచనాలు ఉండగా.. మరోవైపు తెలుగులో మంచి మార్కెట్ సంపాదించుకున్న దుల్కర్ 'ఆకాశంలో ఒక తార'తో వస్తున్నారు. మరి నవంబర్ 20న తండ్రి సినిమా ఎక్కువగా ఆకట్టుకుంటుందా? కొడుకు సినిమా పైచేయి సాధిస్తుందా? అన్నది ఆసక్తికరంగా మారింది.     Mammootty, Dulquer Salmaan, Mammootty vs Dulquer, OM Movie 2026, Aakasamlo Oka Tara, Dhanush OM Movie, Mammootty New Movie, Dulquer Salmaan Telugu Movie, November 20 Movie Releases, Father Son Box Office Clash
థియేటర్లలో విడుదలైన సినిమాలు ఓటీటీలోకి ఎప్పుడు వస్తాయా అని ఎదురుచూసే ప్రేక్షకులకు ఈ వారం మంచి వినోదం అందబోతోంది. నవంబర్ 16 నుంచి 22 వరకు పలు కొత్త సినిమాలు, వెబ్‌సిరీస్‌లు వివిధ ఓటీటీ ప్లాట్‌ఫామ్స్‌లో స్ట్రీమింగ్‌కు సిద్ధమయ్యాయి. తెలుగు సినిమాలతో పాటు ఇతర భాషలకు చెందిన ఆసక్తికరమైన చిత్రాలు కూడా ఈ వారం డిజిటల్ ప్రేక్షకులను అలరించనున్నాయి. ముఖ్యంగా నవంబర్ 20న ఒకేసారి పలు సినిమాలు ఓటీటీలోకి రాబోతుండటం విశేషం.  ముందుగా తెలుగు సినిమాల విషయానికి వస్తే.. అనుపమ పరమేశ్వరన్, తరుణ్ భాస్కర్ ప్రధాన పాత్రల్లో నటించిన 'క్రేజీ కల్యాణం' నవంబర్ 20 నుంచి ఆహా ఓటీటీలో స్ట్రీమింగ్ కానుంది. ఇక రాగ్ మయూర్, మెరిన్ ఫిలిప్ ప్రధాన పాత్రల్లో విమల్ కృష్ణ దర్శకత్వం వహించిన 'అనుమాన పక్షి' కూడా అదే రోజు సన్ నెక్స్ట్‌లో అందుబాటులోకి రానుంది. మరోవైపు చైత్ర ఆచార్ ప్రధాన పాత్రలో నటించిన హారర్ థ్రిల్లర్ '418' నవంబర్ 20 నుంచి నెట్‌ఫ్లిక్స్‌లో తెలుగు సహా పలు భాషల్లో స్ట్రీమింగ్ కానుంది.  ఇక ఇతర భాషల సినిమాలు, వెబ్‌సిరీస్‌ల విషయానికి వస్తే.. నవంబర్ 18న జియో హాట్‌స్టార్‌లో 'మిస్టర్ అండ్ మిసెస్ ఆఫీస్' అనే తమిళ వెబ్‌సిరీస్ స్ట్రీమింగ్ కానుంది. నవంబర్ 20న సోనీ లివ్‌లో అశోక్ సెల్వన్, ప్రీతి ముఖుందన్ నటించిన తమిళ చిత్రం 'అన్బిల్ అవన్' రానుంది. నెట్‌ఫ్లిక్స్‌లో నవంబర్ 20 నుంచి తమిళ చిత్రం 'హైకూ', హిందీ వెబ్‌సిరీస్ 'ఢిండోరా సీజన్ 2' స్ట్రీమింగ్ కానున్నాయి. జీ5లో 'టీన్ తిగాడా' కూడా అదే రోజు అందుబాటులోకి రానుంది.  ఇక నవంబర్ 16న జియో హాట్‌స్టార్‌లో 'క్వీన్' అనే హిందీ సిరీస్ స్ట్రీమింగ్‌కు వచ్చింది. నవంబర్ 18న అమెజాన్ ప్రైమ్ వీడియోలో 'క్యాంపస్ డైరీస్ సీజన్ 2' ప్రేక్షకుల ముందుకు రానుంది. అంతేకాకుండా నవంబర్ 18న 'ది ఒడిస్సీ' ఇంగ్లీష్ సినిమా తెలుగు డబ్బింగ్ వెర్షన్ రెంటల్ పద్ధతిలో అందుబాటులోకి రానుంది. ఇలా ఈ వారం అన్ని ఓటీటీ ప్లాట్‌ఫామ్స్‌లో కలిపి సినిమాలు, వెబ్‌సిరీస్‌లతో ప్రేక్షకులకు మంచి వినోదం లభించనుంది.       [OTTReleases, CrazyKalyanam, AnumanaPakshi, 418, Haiku]
15 ఏళ్ళ క్రితం ఎక్కడ చూసినా ఒకటే పాట వినిపించేది. చిన్న పిల్లల నుంచి పెద్దవాళ్ల వరకు.. వయసుతో, భాషతో సంబంధం లేకుండా అందరూ ఆ పాటను పాడుకునేవారు. అదే ‘వై దిస్ కొలవెరి డి’. ధనుష్ సింగింగ్, అనిరుధ్ మ్యూజిక్, సులభంగా పాడుకునే లిరిక్స్ తో.. ఈ పాట ఓ సంచలనంగా మారింది. ఇప్పుడు ఈ పాట విడుదలై 15 ఏళ్లు పూర్తయ్యాయి. 2011 నవంబర్ 16న యూట్యూబ్‌లో విడుదలైన ఈ పాట అప్పట్లో ఇంటర్నెట్‌ను ఒక ఊపు ఊపేసింది. ఇప్పుడు ఉన్నంతగా సోషల్ మీడియా విస్తరించని రోజుల్లోనే ప్రపంచవ్యాప్తంగా వైరల్ కావడం విశేషం. మరి అసలు ఈ పాట ఎలా పుట్టింది? అనిరుధ్, ధనుష్ కలిసి అనుకోకుండా చేసిన ప్రయోగం ఎలా ఓ సంచలనంగా మారింది? ‘కొలవెరి డి’ పాట తమిళ సినిమా ‘3’ కోసం రూపొందింది. ఐశ్వర్య రజినీకాంత్ దర్శకత్వం వహించిన ఈ సినిమాలో ధనుష్, శ్రుతి హాసన్ జంటగా నటించారు. ప్రేమలో విఫలమైన ఓ యువకుడి భావోద్వేగాలను సరదాగా వ్యక్తం చేసే పాట కావాలని ఐశ్వర్య సూచించడంతో అనిరుధ్ ట్యూన్ సిద్ధం చేశారు. అప్పటికి అనిరుధ్ వయసు కేవలం 21 ఏళ్లు. సంగీత దర్శకుడిగా ఆయనకు ఇదే తొలి సినిమా. ఈ పాట ట్యూన్‌ను కొద్ది నిమిషాల్లోనే కంపోజ్ చేశారట. అనిరుధ్ వేసిన ట్యూన్ విన్న ధనుష్ సరదాగా కొన్ని పదాలు పాడటం మొదలుపెట్టారు. అలా వచ్చిన ‘వై దిస్ కొలవెరి డి’ అనే లైన్ పాటకు ప్రధాన ఆకర్షణగా మారింది. ఇది కూడా చదవండి: ‘కాకా’లో స్పెషల్ సాంగ్.. మెగాస్టార్‌తో రితికా సింగ్ మాస్ స్టెప్పులు.! ఇక లిరిక్స్ విషయానికి వస్తే.. ధనుష్ ఓ ఇంటర్వ్యూలో ఈ పాటను కేవలం ఆరు నిమిషాల్లో రాసినట్లు వెల్లడించారు. రోజువారీ జీవితంలో మనం ఉపయోగించే సాధారణ ఇంగ్లిష్ పదాలనే పాటలో పెట్టానని చెప్పారు. ఇంగ్లిష్ పదాలు ఉన్నప్పటికీ వాటిని తమిళ యాసలో పాడటం వల్లే పాటకు ప్రత్యేకమైన ఫ్లేవర్ వచ్చిందని వివరించారు. ఈ పాటను మొదట్లో ప్రత్యేకంగా సింగిల్‌గా విడుదల చేయాలనే ఆలోచన లేదట. సినిమా ఆల్బమ్‌లో భాగంగా మాత్రమే ఉంచాలనుకున్నారు. అయితే పాటకు సంబంధించిన రఫ్ వెర్షన్ అనుకోకుండా ఇంటర్నెట్‌లోకి వెళ్లి వైరల్ కావడం మొదలైంది. దీంతో స్పందనను గమనించిన ధనుష్, అనిరుధ్.. వెంటనే పాటను పూర్తి చేసి అధికారికంగా విడుదల చేయాలని నిర్ణయించుకున్నారని ధనుష్ గతంలో వెల్లడించారు. అలా 2011 నవంబర్ 16న ఈ పాటను యూట్యూబ్‌లో విడుదల చేశారు. ఇక అక్కడి నుంచి మొదలైంది అసలు హంగామా. కొన్ని రోజుల్లోనే లక్షలాది వ్యూస్.. ఆ తర్వాత మిలియన్ల కొద్దీ వ్యూస్ వచ్చాయి. ఫేస్‌బుక్, యూట్యూబ్‌లలో ఎక్కడ చూసినా ఈ పాటే కనిపించేది. అప్పట్లో వైరల్ అనే పదానికి నిజమైన అర్థం చూపించిన పాటల్లో ఇదొకటిగా నిలిచింది. ‘కొలవెరి డి’ క్రేజ్ తమిళనాడుకే పరిమితం కాలేదు. దేశవ్యాప్తంగా పలువురు ప్రముఖులు ఈ పాటను ప్రశంసించారు. ఇక్కడ మరో ఆసక్తికరమైన విషయం ఉంది. ‘కొలవెరి డి’ పాట సృష్టించిన సంచలనం ‘3’ సినిమాకు కూడా భారీ హైప్ తీసుకొచ్చింది. కానీ సినిమా మాత్రం ప్రేక్షకుల నుంచి మిశ్రమ స్పందన అందుకుంది. అయితే ఈ పాట అనిరుధ్‌కు సంగీత దర్శకుడిగా అద్భుతమైన ఆరంభాన్ని ఇచ్చింది. ధనుష్‌కు గాయకుడిగా, గేయ రచయితగా దేశవ్యాప్తంగా గుర్తింపు తీసుకొచ్చింది. అప్పట్లో ఓ చిన్న స్టూడియో సెషన్‌లో సరదాగా పుట్టిన పాట.. తర్వాత ప్రపంచవ్యాప్తంగా మారుమోగడం నిజంగా అరుదైన విషయం. మీకు నచ్చవచ్చు: ‘వారణాసి’ నుంచి అఫీషియల్ అప్డేట్.. మహేష్ బాబు ఫ్యాన్స్కి బ్లాస్టింగ్ న్యూస్.! ఆకాశంలో ఒక తార vs డియర్ ఆస్ట్రోనాట్.. ఒకే రోజు ఒకే కథతో రెండు సినిమాలు.!       [Why This Kolaveri Di, 15 Years, Dhanush, Anirudh Ravichander]
  '90s  ఏ మిడిల్ క్లాస్ బయోపిక్' వెబ్ సిరీస్‌తో తెలుగు ప్రేక్షకుల గుండెల్లో ప్రత్యేక స్థానం సంపాదించుకున్న యంగ్ హీరో మౌళి ప్రస్తుతం 'DNK' (దొంగ నా కొడుకు) తో థియేటర్స్ లో ఉన్న విషయం తెలిసిందే. మౌళి  ఇప్పుడు ఏకంగా కోలీవుడ్ బాక్సాఫీస్‌పై కన్నేశాడనే వార్త ఫిలిం నగర్ సర్కిల్స్‌లో హాట్ టాపిక్‌గా మారింది.    తమిళంలో 'గుడ్ నైట్', 'లవర్', 'టూరిస్ట్ ఫ్యామిలీ' వంటి వరుస సూపర్ హిట్ చిత్రాలను నిర్మిస్తూ, కేవలం కంటెంట్ ఓరియెంటెడ్ సినిమాలకు మాత్రమే కాకుండా వైవిధ్యమైన ప్రయోగాత్మక చిత్రాలకు కేరాఫ్ అడ్రస్‌గా నిలిచిన ప్రముఖ నిర్మాణ సంస్థ 'మిలియన్ డాలర్ స్టూడియోస్' బ్యానర్‌లో మౌళి తన మూడో సినిమా చేయబోతున్నట్లు జోరుగా ప్రచారం జరుగుతోంది. అచ్చమైన మధ్యతరగతి భావోద్వేగాలను, నేచురల్ హ్యూమర్‌ను ఏ మాత్రం కృత్రిమత్వం లేకుండా తెరకెక్కించడంలో ఈ నిర్మాణ సంస్థకి  ప్రత్యేకమైన ట్రాక్ రికార్డ్ ఉంది. అలాంటి క్రేజీ నిర్మాణ సంస్థతో మౌళి చేతులు కలపడం ఆయన కెరీర్‌లో ఓ సరికొత్త మైలురాయిగా నిలవనుందని సినీ విశ్లేషకులు భావిస్తున్నారు.   ఇది కూడా చదవండి: హిందుస్థాన్ ఎవరి సొంతం కాదు: లెజండ్రీ సింగర్ కీలక వ్యాఖ్యలు!    ఇప్పటివరకు డిజిటల్ ప్లాట్‌ఫారమ్‌లు మరియు టాలీవుడ్ సినిమాలతో ప్రేక్షకులను అలరించిన మౌళి, ఈ కోలీవుడ్ ప్రాజెక్ట్‌తో నేరుగా తమిళ ప్రేక్షకులను కూడా పలకరించేందుకు సిద్ధమవుతున్నారు. ఈ చిత్రానికి సంబంధించిన అధికారిక ప్రకటన త్వరలోనే వెలువడే అవకాశం ఉందని సమాచారం. కేవలం నటనపరంగానే కాకుండా తనకంటూ ప్రత్యేకమైన యూత్ ఫాలోయింగ్ సంపాదించుకున్న మౌళి, ఈ తమిళ ప్రవేశంతో తన మార్కెట్‌ను మరింత విస్తరించుకునేందుకు రంగం సిద్ధం చేసుకున్నారు. అయితే ఈ న్యూస్ ప్రస్తుతం రూమర్ హోదాతోనే సరిపెట్టుకుంటూ ఉంది సుమి.   మీకు నచ్చవచ్చు:ఎంత పని చేసింది సాయిపల్లవి తల్లి.. ఫ్యాన్స్ షాక్! మీకు నచ్చవచ్చు:ఫ్యాన్స్ కి సర్ప్రైజ్ ఇచ్చిన ప్రీతి ముకుందన్: డేట్ లాక్ చేసుకోండి!    [Mouli, Dnk movie, Million Dollar Studios, Kollywood entry, Tollywood]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు. టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు  కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత  కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.  జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి. చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.  వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు.  2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.  
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది. "ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు. సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు. గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.                                      *నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్  రెండో ప్ర‌పంచ యుద్ధ స‌మ‌యంలో దూర‌మ‌యింది.  80 ఏళ్లు దాని కోసం ఎదురు చూడ‌గ‌లి గింది. అదంటే మ‌రి ఆమెకు ప్రాణ స‌మానం. చాలా కాలం దొరుకుతుంద‌ని, త‌ర్వాత  ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది.   ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విష‌యానికి వ‌స్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్‌. రెండో ప్ర‌పంచ యుద్ధ స‌మ‌యంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయ‌న ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం త‌న న‌గ‌రంలోని ఒక బ్యాంక్‌లో భ‌ద్ర‌ ప‌ర‌చ‌మ‌ని ఇచ్చార‌ట‌. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన త‌ర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట త‌ర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి త‌న ద‌గ్గ‌ర పెట్టుకున్నాడు.    ఆ త‌ర్వాత 2021లో అది చార్లెటీని చేరింది.  మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి త‌న వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే క‌దా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు!  అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆస‌క్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వ‌చ్చిన సొమ్మును పిల్ల‌ల‌కు పంచుదామ‌నుకుంటోందిట‌!  చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్ల‌లు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం త‌ర్వాత ఇల్లు చేరిన క‌ళాఖండం మా కుటుంబానిది అన్న‌ది చార్లెటీ!
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు. చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి  సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్  విషయంగా చర్చలు జరుపుతున్నట్లు సమాచారం. అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు.  మహారాష్ట్ర సంకీర్ణ ప్రభుత్వ మనుగడ గురించ్బి  పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా  రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో  కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి  అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా  విపక్ష శిబిరం నుంచి వినవస్తోంది. ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది. గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర  ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో  ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి  చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.   అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి  15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్  పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి  పథకాలను ఈ బడ్జెట్ ద్వారా అమలు చేస్తామని చెప్పారు. అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో,  ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది. మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో  ప్రకటన చేస్తారా లేదా అనే ఆసక్తి నెలకొంది. అలాగే, సామాన్య  ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున  సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే  గ్యాస్ బండపై వంద రూపాయల సబ్సిడీ ఇస్తామని చేసిన  వాగ్దానాన్ని  గుర్తు చేస్తున్నారు. ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక  శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్‌ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.  అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు  ఒకే సారి ఆయన మీద  విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి  తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన   కూడా ఎమ్మెల్సీ ఎన్నికల ప్రచారంలో భాగమైంది.   రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు.  గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి  తమకే ప్రయోజనం జరుగుతుందని అధికార పార్టీ ఆశపడుతోంది .  దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్‌ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్‌, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్‌.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్‌, ఎంపీ అరవింద్‌ తదితరులు ప్రచారాన్ని వేడెక్కించారు.  ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్‌ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు.  వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్‌, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు  ఎవరికి  పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .  
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది. ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత  కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ..  2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ  మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్  కావడమే ప్రధాన కారణం.  ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో  చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా  తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.  నిజానికి ఇలా నేనూ హిందువునే  అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే  కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ  లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు. ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది. కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది. అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.        
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.  జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి  బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.  నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన  ఆమె అందుకు విరుద్ధంగా  రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి  పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.    శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.   నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో  తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.  సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు.  ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే  ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని  పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.  గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు.  కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా  మళ్ళీ  చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.   జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా  ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.  ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా  ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ  శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే  ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు. ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో  వేదిక పంచుకున్నారు.అంతకు ముందే వామ పక్ష కూటమితో  పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో  పీసీసీ చీఫ్ వేదిక  పంచుకోవడం పై అసమ్మతి నేతలు మండి పడుతున్నారు. ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.   శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శ‌ర్మ జీ” అంటూ ఆయ‌న వ‌రుస ట్వీట్లు చేశారు. వ్య‌క్తిగ‌త ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయ‌న ఓ ట్వీట్లో అన్నారు. ఆనంద్ శ‌ర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయ‌న ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్‌లో సీపీఐ(ఎం) కూట‌మికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ‌, విభ‌జ‌న రాజ‌కీయాలు చేస్తున్న బీజేపీకి చెక్ పెట్ట‌డానికే ఈ కూట‌మి అని మ‌రో ట్వీట్‌లో అధిర్ రంజ‌న్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు. అసమ్మతిలో అసమ్మతి. ఇదలా ఉంటే, కాంగ్రెస్ పార్టీ  సమూల పక్షాళన కోరుతూ సోనియా గాంధీకి,గత సంవత్సరం  జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన  నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు  ఒక పరిమిత లక్ష్యంతో  సోనియా గాంధీకి లేఖ రాయడం జరిగిందని, ఆ పేరున జరుగతున్న  కార్యక్రమాలు లేఖ సంకల్పానికి  విరుద్ధమని అన్నారు. జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం  ఇక ముందు ఏమవుతుందో .. ఇంకెన్ని  మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే  అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం. ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది. ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి  91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్  ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల  పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా  బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.    
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’  సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది.  నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి  మాత్రం పశ్చిమ బెంగాల్ పైనే వుంది.  పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక  కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.  పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.  ఇప్పటికే తెలంగాణ  బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా  గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు.  అలాగే,  దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
భారతదేశంలో నవంబర్ నుండి ఫిబ్రవరి వరకు కొనసాగే శీతాకాలంలో అత్యంత చల్లని వాతావరణం ఉంటుంది. ఈ సీజన్‌లో ఉదయం నిద్రలేచి వ్యాయామశాలకు వెళ్లడం కొందరికి చాలా కష్టంగా అనిపిస్తుంది. ఇప్పటికే అధిక బరువు ఉన్నవారికి బద్ధకంతో వ్యాయామాలు వాయిదా పడటం సర్వసాధారణం. అయితే ఎలాంటి కష్టతరమైన జిమ్ వర్కౌట్లు లేకుండానే, కేవలం చిన్నపాటి జీవనశైలి మార్పులతో ఈ చలికాలంలోనూ సులభంగా బరువు తగ్గవచ్చని నిపుణులు సూచిస్తున్నారు. శీతాకాలంలో హైడ్రేషన్ అనేది చాలా కీలకమైన అంశం. చలికాలంలో సాధారణంగా దాహం తక్కువగా అనిపిస్తుంది కాబట్టి, నీరు తాగడం తగ్గిపోతుంది. అయితే శరీరానికి తగినంత నీరు అందకపోతే డీహైడ్రేషన్ ఏర్పడి తరచుగా ఆకలిగా అనిపిస్తుంది. ఇది అనవసరమైన ఆహారాన్ని తీసుకోవడానికి దారితీసి బెల్లీ ఫ్యాట్ పెరగడానికి కారణమవుతుంది. కాబట్టి చలికాలంలో ఖచ్చితంగా తగినన్ని నీళ్లు తాగాలి. చల్లటి నీరు తాగడం కష్టంగా అనిపిస్తే గోరువెచ్చని నీటిని అలవాటు చేసుకోవడం మంచిది. గోరువెచ్చని నీరు తాగడం వల్ల శరీర ఉష్ణోగ్రత నియంత్రించబడి రక్త ప్రసరణ పెరుగుతుంది. ఇది కొవ్వు కరగడానికి సహాయపడి బరువు తగ్గడానికి తోడ్పడుతుంది. అధ్యయనాల ప్రకారం, మీ శరీర ఉష్ణోగ్రత కంటే చల్లని నీరు తాగితే, శరీరం దానిని వేడి చేయడానికి సమయం తీసుకుంటుంది. ఈ ప్రక్రియలో అవసరమైన క్యాలరీలు బర్న్ అవుతాయి. కాబట్టి వీలైతే గది ఉష్ణోగ్రత వద్ద ఉన్న నీటిని తాగడం చాలా ఉత్తమం. నీటితో పాటు కొన్ని ఆరోగ్యకరమైన పానీయాలు శీతాకాలంలో బరువు తగ్గడానికి అద్భుతంగా సహాయపడతాయి. కొబ్బరి నీళ్లలో నీటితో పాటు పొటాషియం వంటి ఎలక్ట్రోలైట్లు ఉంటాయి. వ్యాయామానికి ముందు తేలికపాటి పానీయం కావాలనుకునే వారికి ఇది చక్కటి ఎంపిక. అలాగే ఒక చిన్న బీట్‌రూట్‌తో తయారు చేసుకున్న రసంలో కొద్దిగా నిమ్మరసం కలుపుకుని తాగితే ఎంతో మంచిది. ఇవి శరీరానికి శక్తిని ఇవ్వడంతో పాటు జీవక్రియను వేగవంతం చేస్తాయి. ఇది కూడా చదవండి:ముఖంపై, మచ్చలు పోవాలంటే పచ్చి ,పాలను ఇలా రాయండి! చల్లని వాతావరణంలో చాలామంది కాఫీ, టీ ఎక్కువగా తాగుతుంటారు. అయితే చక్కెర, పాలు కలిపిన పానీయాలు బరువును పెంచే ప్రమాదం ఉంది. దీనికి బదులుగా బ్లాక్ టీ, మందార టీ, ఊలాంగు టీ వంటి హెర్బల్ టీలను ఎంచుకోండి. కాఫీలో కూడా యాంటీ ఇన్‌ఫ్లమేటరీ గుణాలు, యాంటీఆక్సిడెంట్లు ఎక్కువగా ఉంటాయి. వీటిని క్రమం తప్పకుండా తీసుకోవడం వల్ల జీవక్రియ పెరిగి బరువు తగ్గడం చాలా సులభమవుతుంది. చలికాలంలో వాతావరణం చల్లగా ఉండటం వల్ల ఆకలి పెరుగుతుందని అధ్యయనాలు చెబుతున్నాయి. దీంతో ఎక్కువగా వేయించిన, నూనెతో కూడిన ఆహారాన్ని తీసుకుంటాం. అలా కాకుండా ఫైబర్ అధికంగా ఉండే పండ్లు, కూరగాయలు, తృణధాన్యాలు వంటి ఆరోగ్యకరమైన ఆహారాన్ని తీసుకోవాలి. చిన్నపాటి శారీరక శ్రమను చేస్తూ ఈ చిట్కాలను పాటిస్తే శీతాకాలంలో ఎదురయ్యే సవాళ్లను సులభంగా అధిగమించి ఆరోగ్యంగా, ఫిట్‌గా ఉండవచ్చు. మీకు నచ్చవచ్చు:ఫీవర్ తగ్గాక కూడా గుండె దడ, కాళ్ల వాపులు ఉంటున్నాయా? ఇవి ప్రమాదకర గుండె ముప్పుకు సంకేతాలు!                              ఆంధ్రుల ప్రత్యేక సాత్విక రుచి: అల్లం పచ్చి కారంతో, వంకాయ కూర!       Winter Weight Loss, Control Weight In Winter, Winter Health Secrets, Fitness Tips For Cold Weather, Healthy Lifestyle Habits, Doctor Health Advice, Health Tips In Telugu.
ప్రతి ఒక్కరూ ఎల్లప్పుడూ కాంతివంతమైన, మచ్చలేని అందమైన చర్మాన్ని కోరుకుంటారు. కానీ ప్రస్తుత కాలుష్యభరిత వాతావరణం మరియు ఎండల కారణంగా చర్మం తన నిగారింపును కోల్పోయి నిర్జీవంగా మారుతుంది. రసాయనాలతో కూడిన ఖరీదైన క్రీమ్‌లకు బదులుగా సహజసిద్ధమైన పదార్థాలను ఉపయోగించడం ద్వారా చర్మానికి ఎలాంటి దుష్ప్రభావాలు లేకుండా సంరక్షించుకోవచ్చు. అలాంటి అద్భుతమైన నేచురల్ క్లెన్సర్‌లలో పచ్చి పాలు ముందు వరుసలో ఉంటాయి. చర్మ సౌందర్యానికి పచ్చి పాలు ఏ విధంగా సహాయపడతాయో తెలుసుకోవడం ద్వారా సహజమైన అందాన్ని సొంతం చేసుకోవచ్చు. చర్మ సంరక్షణలో పాలు ఒక అద్భుతమైన సహజ క్లెన్సర్‌లా పనిచేస్తాయి. ప్రతిరోజూ పాలతో ముఖాన్ని మర్దనా చేసుకోవడం వల్ల చర్మ రంధ్రాల్లో పేరుకున్న ధూళి, మలినాలు పూర్తిగా తొలగిపోతాయి. ఈ సాధారణ పద్ధతి వల్ల చర్మం ఎప్పుడూ తాజాగా మరియు ఆరోగ్యంగా కనిపించేలా చేయడానికి సహాయపడుతుంది. రసాయన ఉత్పత్తుల వల్ల కలిగే నష్టాలను నివారిస్తూ చర్మాన్ని లోతుగా శుభ్రపరచడంలో పచ్చి పాలు ఎంతగానో ఉపయోగపడతాయి. పచ్చి పాలను రోజూ ముఖానికి రాసుకోవడం వల్ల చర్మం లోతుగా పోషణ పొంది ప్రకాశవంతంగా మారుతుంది. అంతేకాకుండా, ఇది చర్మంపై ముడతలు, సన్నని గీతలు ఏర్పడకుండా నివారించడంలో ఎంతో సహాయపడుతుంది. క్రమం తప్పకుండా పాలను ముఖానికి పట్టించడం ద్వారా చర్మ ఛాయ మెరుగుపడుతుంది మరియు సహజమైన మెరుపు సొంతమవుతుంది. ముఖంపై మొటిమల వల్ల ఏర్పడే నల్లటి మచ్చలు, దద్దుర్లు తగ్గించడంలో పాలు సమర్థవంతంగా పనిచేస్తాయి. ముఖ్యంగా వేసవిలో ఎండ కారణంగా చర్మం కందిపోయి నల్లబడటాన్ని తగ్గించడంలో ఇది చక్కటి పరిష్కారం. ఎండ వల్ల వచ్చే ట్యాన్‌ను తొలగించి, చర్మానికి పాత కాంతిని తీసుకురావడానికి పచ్చి పాలు అద్భుతంగా పనిచేస్తాయి. ఇది కూడా చదవండి:కాళ్లలో రక్తం, గడ్డలు ఊపిరితిత్తులకు చేరితే ఎంత ప్రమాదం? పల్మనరీ ఎంబాలిజం పూర్తి వివరాలు పచ్చి పాలలో ఉండే సహజ కొవ్వు పదార్థాలు చర్మానికి అవసరమైన తేమను నిరంతరం అందిస్తాయి. దీనివల్ల చర్మం ఎప్పుడూ మృదువుగా, సున్నితంగా ఉంటుంది. క్రమం తప్పకుండా పాలను వాడటం ద్వారా వృద్ధాప్య ఛాయలను కూడా సమర్థవంతంగా తగ్గించవచ్చు, తద్వారా చర్మం యవ్వనంగా కనిపిస్తుంది. పచ్చి పాలను ముఖానికి రాసుకునే సరైన పద్ధతి చాలా సులభం. ఒక చిన్న గిన్నెలో కొద్దిగా పచ్చి పాలు, దూది తీసుకోవాలి. దూది ఉండను పాలలో ముంచి, ముఖం అంతటా సమానంగా రాయాలి. పాలు సహజంగా ఆరిన తర్వాత, అదే దూదిని ఉపయోగించి మరోసారి పాలను రాయాలి. ఇలా 3 నుంచి 4 సార్లు అప్లై చేయాలి. సుమారు 20 నుండి 30 నిమిషాల పాటు అలాగే ఉంచి, ఆ తర్వాత సాధారణ నీటితో ముఖాన్ని శుభ్రం చేసుకోవాలి. ఖరీదైన బ్యూటీ ప్రొడక్ట్స్‌కు స్వస్తి పలికి, ఇంట్లోనే దొరికే పచ్చి పాలను మీ చర్మ సంరక్షణ దినచర్యలో భాగం చేసుకోండి. కొద్ది రోజుల్లోనే మీ చర్మంలో స్పష్టమైన తేడాను గమనించవచ్చు. మీకు నచ్చవచ్చు:చలికాలం స్పెషల్: ఆరోగ్యకరమైన, క్యాప్సికం బజ్జీ తయారీ విధానం!                           పచ్చి బొప్పాయితో ,చర్మ సౌందర్యం మరియు, అసాధారణ ఆరోగ్య లాభాలు!       Raw Milk Skincare, Glowing Skin Remedies, Blemish Free Face, Kacha Dudh Benefits, Natural Beauty Tips, Skin Care Routine, Health Tips In Telugu.  
వాతావరణం మారినప్పుడు వచ్చే సీజనల్ ఫ్లూ, కోవిడ్ 19 లేదా మరేదైనా తీవ్రమైన వైరల్ ఇన్‌ఫెక్షన్ సోకినప్పుడు చాలా మందిలో జ్వరం, ఒళ్లు నొప్పులు, తీవ్రమైన నీరసం రావడం సర్వసాధారణం. కొద్ది రోజులు విశ్రాంతి తీసుకుంటే ఇవి వాటంతట అవే తగ్గిపోతాయని అందరూ భావిస్తారు. కానీ, కొన్నిసార్లు వైరస్‌లు కేవలం శ్వాసకోశ వ్యవస్థకే పరిమితం కాకుండా, గుండెపై చాలా ప్రమాదకరమైన ప్రభావం చూపుతాయని వైద్య నిపుణులు తీవ్రంగా హెచ్చరిస్తున్నారు.   ఓపెన్ హార్ట్ జర్నల్  మరియు  కరెంట్ ప్రాబ్లమ్స్ ఇన్ కార్డియాలజీ జర్నల్ ల తాజా అధ్యయనాల ప్రకారం, కోవిడ్ 19 లేదా ఇతర తీవ్రమైన వైరల్ ఇన్‌ఫెక్షన్ల తర్వాత గుండె సమస్యలు తలెత్తే ముప్పు గణనీయంగా పెరుగుతుందని తేలింది. వైరస్‌ను ఎదుర్కొనేందుకు మన శరీరం సృష్టించే తీవ్రమైన వాపు ప్రక్రియ ఒక్కోసారి గుండె కండరాలను లేదా గుండె బయటి పొరను తీవ్రంగా దెబ్బతీస్తుంది. వైరల్ ఇన్‌ఫెక్షన్‌ల తర్వాత తలెత్తే ఈ గుండె సమస్యలను వైద్య పరిభాషలో మయోకార్డిటిస్ లేదా పెరికార్డిటిస్ అని పిలుస్తారు. ఇలాంటి ప్రమాదకర పరిస్థితులు తలెత్తినప్పుడు మన శరీరం కొన్ని ప్రత్యేకమైన హెచ్చరిక సంకేతాలను ఇస్తుంది. వీటిని మామూలు ఫ్లూ లక్షణాలుగా లేదా సాధారణ నీరసంగా భావించి పొరపాటున కూడా నిర్లక్ష్యం చేయకూడదు. ముఖ్యంగా గమనించాల్సిన మొదటి లక్షణం భంగిమను బట్టి పూర్తిగా మారిపోయే విచిత్రమైన ఛాతీ నొప్పి. వెల్లకిలా పడుకున్నప్పుడు ఛాతీలో నొప్పి మరింత పెరిగి, కొద్దిగా ముందుకు వంగినప్పుడు కొద్దిగా తగ్గుతున్నట్లు అనిపిస్తే అది వైరల్ ఇన్‌ఫెక్షన్ వల్ల గుండె పొర వాపునకు గురైందని అర్థం చేసుకోవాలి. ఈ స్పష్టమైన సంకేతం కనిపిస్తే వెంటనే అప్రమత్తమై కార్డియాలజిస్ట్‌ను సంప్రదించడం ఎంతో ముఖ్యం. రెండవ అత్యంత కీలకమైన లక్షణం ఎటువంటి శారీరక శ్రమ లేకుండానే వచ్చే తీవ్రమైన ఆయాసం. ప్రశాంతంగా కూర్చున్న చోట కూడా శ్వాస తీసుకోవడానికి తీవ్రంగా ఇబ్బంది పడటం లేదా అర్ధరాత్రి హఠాత్తుగా ఊపిరాడక ఉక్కిరిబిక్కిరై మెలకువ రావడం గుండె రక్తాన్ని సమర్థవంతంగా పంప్ చేయలేకపోతోందని సూచిస్తుంది. మూడవదిగా అస్థిరమైన హృదయ స్పందన లేదా గుండె దడ. ఒకవేళ జ్వరం పూర్తిగా తగ్గిన తర్వాత కూడా మీ గుండె దడదడలాడుతున్నా లేదా విపరీతమైన వేగంతో కొట్టుకుంటున్నా అది తీవ్రమైన అరిథ్మియా సమస్యకు దారితీసే ప్రమాదం ఉంది. ఇలాంటి సమయాల్లో గుండె పనితీరు అస్తవ్యస్తంగా మారే అవకాశం ఉంది. ఇది కూడా చదవండి:కంటి చూపును, సహజంగా పెంచే సూపర్ ఫుడ్.. మునగాకు రహస్యాలు! నాల్గవ ముఖ్యమైన లక్షణం శరీరంలో నీరు చేరడం వల్ల వచ్చే వాపులు మరియు అకస్మాత్తుగా పెరిగే బరువు. గుండె బలహీనపడినప్పుడు శరీరంలో ద్రవాలు సరిగ్గా ప్రసరించక పేరుకుపోతాయి. దీనివల్ల చీలమండలు, పాదాలలో అకస్మాత్తుగా వాపులు రావడం, కేవలం 24 నుంచి 48 గంటల వ్యవధిలో హఠాత్తుగా బరువు పెరగడం జరుగుతుంది. ఇది గుండె వైఫల్యానికి స్పష్టమైన సంకేతం కావచ్చని వైద్యులు హెచ్చరిస్తున్నారు. ఐదవది విపరీతమైన నీరసం మరియు కళ్లు తిరగడం. ఇన్‌ఫెక్షన్ తగ్గాక కూడా తీవ్రమైన నీరసం వేధించడం, నిలబడినప్పుడు కళ్లు తిరగడం లేదా స్పృహ తప్పడం వంటివి జరిగితే అది రక్తపోటు పడిపోవడానికి సూచన. ఈ 5 కీలక హెచ్చరిక సంకేతాలను ఏ దశలోనూ తేలికగా తీసుకోకూడదు. ఛాతీ నొప్పి, తీవ్రమైన ఆయాసం, గుండె దడ, కాళ్ల వాపులు, విపరీతమైన నీరసం వంటి లక్షణాలు కనిపిస్తే వెంటనే వైద్యులను సంప్రదించడం అత్యంతావశ్యకం. సరైన సమయంలో స్పందించి తగిన వైద్య పరీక్షలు చేయించుకోవడం ద్వారా గుండెకు జరిగే శాశ్వత నష్టాన్ని పూర్తిగా నివారించవచ్చు. ఈ జాగ్రత్తలు పాటిస్తూ, ఆరోగ్యం విషయంలో కొద్దిగా అప్రమత్తంగా ఉంటే వైరల్ ఇన్‌ఫెక్షన్ల తదనంతరం ఎదురయ్యే ప్రాణాంతక గుండె ముప్పుల నుంచి సులభంగా రక్షణ పొందవచ్చు. మీకు నచ్చవచ్చు:రోగనిరోధక శక్తిని పెంచే, క్యాప్సికమ్ గురించిన, ఆసక్తికర విషయాలు!                  కేలరీల ఖజానా, నల్ల శెనగలు.. చలికాలంలో ఇవి తింటే మీ శరీరానికి అసలైన శక్తి!       Heart Palpitations After Fever, Leg Swelling Symptoms, Post Viral Complications, Heart Risk Warnings, Cardiovascular Health News, Doctor Health Advice, Health Tips In Telugu.
మనం చేసే ప్రతి చిన్న పనీ మన భవిష్యత్తును నిర్ణయించినట్లే, మనం రోజూ ఆచరించే ప్రతీ అలవాటు మన ఆరోగ్యాన్ని ప్రభావితం చేస్తుంది. ఒక్కోసారి జబ్బుల కంటే మన చెడ్డ అలవాట్లే మనల్ని నెమ్మదిగా బలహీనపరుస్తాయి. ఆరోగ్యమే మహాభాగ్యమని పెద్దలు ఊరికే అనలేదు. ధనం పోతే మళ్లీ సంపాదించుకోవచ్చు కానీ ఆరోగ్యం కోల్పోతే అదే అసలైన దరిద్రం. శరీరాన్ని, మనసును ఆరోగ్యంగా ఉంచుకోవడానికి మన పూర్వీకులు కొన్ని సులువైన జీవన సూత్రాలను చెప్పారు. వాటిని సరిగ్గా పాటిస్తే జీవితం ప్రశాంతంగా, ఆనందంగా మారుతుంది. ఆ ముఖ్యమైన ఐదు ఆరోగ్య సూత్రాలు ఏమిటో  వివరంగా తెలుసుకుంటే..  సరైన ఆహార నియమం.. మన శరీరం జీర్ణవ్యవస్థపైనే మన ఆయుర్దాయం ఆధారపడి ఉంటుంది. కడుపులో ఉన్న ఆహారం పూర్తిగా జీర్ణం కాకముందే మళ్లీ మళ్లీ తినడం విషం తినడంతో సమానమని పెద్దలు చెబుతారు. ఆకలి లేకపోయినా కేవలం సమయం అయిపోయిందన్న ఒకే ఒక్క కారణంతో బలవంతంగా తినడం మనం చేసే అతి పెద్ద తప్పు. శరీరం చెప్పే ఆకలి సంకేతాలను వినడం నేర్చుకోవాలి కానీ గడియారపు ముళ్లను చూస్తూ తినకూడదు. ఆకలి ఉంటేనే, శరీరం కోరితేనే మితంగా, రుచిగా కాక ఆరోగ్యాన్నిచ్చే ఆహారాన్ని తీసుకోవాలి.  నిద్ర.. ఈ కాలంలో చాలామంది రాత్రంతా మేలుకోవడం, తెల్లవారితే అతిగా నిద్రపోవడం అలవాటు చేసుకున్నారు. అయితే అతిగా నిద్రపోవడం లేదా అసలు నిద్రపోకపోవడం రెండు పద్ధతులూ శరీర నాశనానికి దారితీస్తాయి. తెల్లవారుజామునే నిద్రలేవడం వల్ల మనసు ఎప్పుడూ ప్రశాంతంగా ఉంటుంది, బద్ధకం దరిచేరదు. సూర్యుడితో పాటు నిద్రలేచి ప్రకృతితో మమేకమైతే రోజంతా ఉత్సాహంగా ఉండవచ్చు. క్రమబద్ధమైన నిద్ర శారీరక శక్తిని పునరుద్ధరిస్తుంది. శారీరక శ్రమ.. నేటి ఆధునిక కాలంలో టెక్నాలజీ పెరిగిన తర్వాత శారీరక కదలికలు పూర్తిగా తగ్గిపోయాయి. శరీరాన్ని కదిలించకుండా కేవలం ఒకే చోట కూర్చుని పనిచేయడం అనారోగ్యాన్ని కొనితెచ్చుకోవడమే అవుతుంది. వ్యాయామం, యోగ, చిన్నపాటి నడక, ఇంటి పనులు వంటి సహజ కదలికలు శరీరాన్ని దృఢంగా ఉంచుతాయి. జిమ్‌లకు వెళ్లి విపరీతంగా కష్టపడాల్సిన అవసరం లేదు కానీ రోజూ శరీరానికి తగిన శ్రమ ఇచ్చేలా చూసుకోవడం చాలా అవసరం. ఇది కూడా చదవండి    వాకింగ్ ఎలా చేయాలి? చాలామందికి తెలియని సీక్రెట్ ఇదే..! మానసిక ప్రశాంతత.. శారీరక ఆరోగ్యం ఎంత ముఖ్యమో మానసిక ఆరోగ్యం కూడా అంతే ముఖ్యం. అతిగా కోపగించుకోవడం వల్ల శరీరంలోని ప్రాణశక్తి లోపలి నుంచే క్షీణించిపోతుంది. కోపం మన ఆరోగ్యాన్ని నాశనం చేసే అతిపెద్ద శత్రువు. మనసుపై నిగ్రహం లేకపోతే ఏ పనీ సరిగ్గా చేయలేము. డబ్బు కంటే మనసు నిండుగా, సంతోషంగా ఉండటమే అసలైన ఐశ్వర్యం. యోగ, ధ్యానం ద్వారా మనసును ప్రశాంతంగా ఉంచుకోవడానికి ప్రయత్నించాలి. శుచి , పరిశుభ్రత.. కేవలం మన ఇల్లు మాత్రమే కాకుండా మన శరీరం, పరిసరాలు కూడా శుభ్రంగా ఉంచుకోవడం ఆరోగ్యానికి మూలస్తంభం. శరీరం, చుట్టూ ఉన్న పరిసరాలు శుభ్రంగా ఉండటం మనలో ఆత్మవిశ్వాసాన్ని, ఆత్మగౌరవాన్ని పెంచుతుంది. అలాగే మన ఆలోచనలు, మాటలు కూడా స్వచ్ఛంగా ఉండాలి. ఈ ఐదు సూత్రాలు ఏవీ కొత్తవి కావు, మన దైనందిన జీవితంలో ఎంతో సులభంగా పాటించదగినవే. వీటిని రోజువారీ జీవితంలో అలవాటు చేసుకుంటే ఏ అనారోగ్య సమస్యలూ దరిచేరవు. జీవనశైలిలో చిన్న మార్పుతోనే పెద్ద మార్పును సాధించవచ్చు. ఆరోగ్యకరమైన జీవితాన్ని సొంతం చేసుకొని ఆనందంగా జీవించవచ్చు.                                                                                                                                                 *రూపశ్రీ.   మీకు నచ్చవచ్చు   జీర్ణక్రియ నుంచి రోగనిరోధక శక్తి వరకు.. ఈ 5 పండ్లతో ఎన్నో లాభాలు!  
ఆరోగ్యమే మహాభాగ్యం అని పెద్దలు అంటుంటారు. శరీరాన్ని ఫిట్‌గా ఉంచుకోవడానికి, గుండెను పదిలంగా కాపాడుకోవడానికి చాలామంది వాకింగ్ ను ఎంచుకుంటారు. అయితే, వాకింగ్ చేయాలనే ఉత్సాహం ఉన్నప్పటికీ, దానిని నిలకడగా కొనసాగించడంలో చాలామంది విఫలమవుతుంటారు. వర్షం వచ్చిందని, చలికాలం అని, లేదా ఆ రోజు మూడ్ బాలేదని, బిజీగా ఉన్నామని రకరకాల కారణాలతో నడకను మధ్యలోనే ఆపేస్తుంటారు. అసలు వాకింగ్ ఎలా చేయాలి? చాలామందికి తెలియని ఆ ముఖ్యమైన రహస్యం ఏమిటో  వివరంగా తెలుసుకుంటే.. ఉత్సాహం కాదు.. సరైన ప్లానింగ్ ముఖ్యం.. చాలామంది ఫిట్‌నెస్ విషయంలో ఒక పెద్ద పొరపాటు చేస్తుంటారు. మొదటి రోజే ఉత్సాహంతో నలభై ఐదు నిమిషాలు లేదా గంటపాటు నడవాలని నిర్ణయించుకుంటారు. అలా మొదటి రోజు కష్టపడి నడిచాక, రెండో రోజు కాళ్ల నొప్పితో బాధపడతారు. మూడో రోజు పని ఒత్తిడి, నాలుగో రోజు వాతావరణం బాగోలేకపోవడంతో వాకింగ్ కు స్వస్తి చెబుతారు. ఇక్కడే అసలు సమస్య మొదలవుతుంది. ఫిట్‌నెస్ సాధించడంలో ఎక్కువ మోటివేషన్ ఉన్నవారు కాదు, మంచి అలవాట్లు ఏర్పరచుకున్నవారే విజయం సాధిస్తారని నిపుణులు చెబుతున్నారు. వేగం కాదు.. ఈ లాజిక్ ముఖ్యం.. గుండె ఆరోగ్యం కోసం వేగంగా నడవాలని,  హార్ట్ పాయింట్లు అని ఈ మధ్య చాలామంది వేగంగా నడుస్తూ ఉంటారు. కానీ ఎంత వేగంగా నడిచాం లేదా ఎంతసేపు నడిచాం అనేది ముఖ్యం కాదు, ప్రతీరోజూ నడకను కొనసాగించామా లేదా అనేదే చాలా కీలకం. ఈ క్రమంలోనే వాకింగ్ ప్రారంభించాలనుకునేవారి కోసం ఒక సులభమైన , అద్భుతమైన మార్గం ఉంది. అదేంటంటే.. ఈజీగా.. హుషారుగా.. మొదటగా మొదటి మూడు వారాలు కేవలం ఐదు నిమిషాలు మాత్రమే నడవాలి. కేవలం ఐదు నిమిషాలు నడవడం వల్ల గుండెకు పెద్దగా ప్రయోజనం చేకూరకపోవచ్చు, కానీ మన మెదడుకు ఒక కొత్త అలవాటును నేర్పించడానికి ఇది సరిగ్గా సరిపోతుంది. మొదటి మూడు వారాలు ఐదు నిమిషాలు నడిచిన తర్వాత, ఆ సమయాన్ని మరో ఐదు నిమిషాలు పెంచి పది నిమిషాలు చేయాలి. ఆ తరువాత మరో మూడు వారాలకు పదిహేను నిమిషాలు, ఇలా క్రమంగా ఇరవై నుంచి ముప్పై నిమిషాలకు పెంచుకుంటూ పోవాలి. ఇది కూడా చదవండి   మోకాళ్ల నొప్పులతో ఇబ్బందా..ఈ 5 వ్యాయామాలు మిస్ అవ్వకండి .! ​ ఇక్కడ ప్రధాన లక్ష్యం మొదట్లోనే శరీరాన్ని అలసటకి గురి చేయడం కాదు, నడకను ఒక మంచి అలవాటుగా మార్చుకోవడం. అలవాటు ఏర్పడిన తర్వాత ఫిట్‌నెస్ అనేది దానంతట అదే మన సొంతం అవుతుంది. చిన్న చిన్న చిట్కాలు.. వాకింగ్ కు మార్గాలు.. నడకను ఎటువంటి ఆటంకాలు లేకుండా క్రమం తప్పకుండా సాగించడానికి కొన్ని చిన్నచిన్న చిట్కాలు ఎంతో సహాయపడతాయి. రాత్రి పడుకునే ముందే మరుసటి రోజు ఉదయం వాకింగ్ కి వేసుకునే దుస్తులను సిద్ధంగా ఉంచుకోవాలి. వీలైతే వాటిని పక్కనే ఉంచుకోవడం మంచిది. అలాగే షూస్‌ను మంచం పక్కనే ఉంచాలి. ఉదయం లేచిన వెంటనే ఏం చేయాలనే నిర్ణయం తీసుకోవాల్సిన అవసరం లేకుండా ముందుగానే ఏర్పాట్లు చేసుకోవాలి. దీనివల్ల మనం అలసత్వాన్ని గెలవడం కంటే అసలు అలసత్వానికి అవకాశం ఇవ్వకుండా ఉండవచ్చు. హ్యాబిట్ స్టాకింగ్.. హ్యాబిట్ స్టాకింగ్ అనే ఒక అద్భుతమైన పద్ధతిని పాటించవచ్చు. ఉదయం నిద్రలేచి బ్రష్ చేసిన వెంటనే ఎలాంటి ఆలస్యం చేయకుండా నేరుగా వాకింగ్ కి వెళ్ళిపోవాలి. వాకింగ్ పూర్తయిన తర్వాతే స్నానం చేసేలా దినచర్యను మలచుకోవాలి. ఒక పాత అలవాటుకు మరో కొత్త అలవాటును ఇలా జోడించడం వల్ల పనులు మర్చిపోయే అవకాశం ఉండదు. ఒకవేళ వర్షం కారణంగా బయటికి వెళ్లలేని పరిస్థితి ఏర్పడితే, ఇంట్లోనే ఐదు నిమిషాల పాటు నడవాలి కానీ వాకింగ్ అలవాటు మాత్రం ఎట్టి పరిస్థితుల్లోనూ విరమించకూడదు. మొదలు పెట్టిన రోజే పది కిలోమీటర్లు నడవడం కంటే, ఏడాది పొడవునా ప్రతీరోజూ పది నిమిషాల చొప్పున నడవడం గుండెకు ఎంతో మేలు చేస్తుంది. మన గుండెకు కావాల్సింది ఏదో ఒక్కరోజే చేసే  ప్లానింగ్ కాదు.. ప్రతీరోజూ కొనసాగించే ప్లానింగ్ కావాలి. ఈ చిన్నపాటి నియమాలను పాటిస్తూ, వాకింగ్ ను జీవితంలో ఒక భాగం చేసుకుంటే ఎలాంటి అనారోగ్య సమస్యలకైనా దూరంగా ఉండవచ్చు. ఆరోగ్యకరమైన జీవితం మీ సొంతమవుతుంది.                                                                                                                              *రూపశ్రీ.   మీకు నచ్చవచ్చు  మీ దగ్గర డబ్బు నిలవడం లేదా..అసలు కారణాలు ఇవే..!                                 మీకు తెలుసా ..ఈ విటమిన్లు లోపిస్తే లివర్ దెబ్బతింటుంది..!
మన ఆరోగ్యం బాగుండాలంటే రోజువారీ ఆహారంలో పోషకాలు సమృద్ధిగా ఉండే పండ్లను తప్పనిసరిగా చేర్చుకోవాలి. పండ్లు శరీరానికి అవసరమైన విటమిన్లు, ఖనిజాలు, పీచు పదార్థాలు (Fiber), యాంటీఆక్సిడెంట్లను అందిస్తాయి. ఇవి జీర్ణక్రియ మెరుగుపడటానికి, రోగనిరోధక శక్తి పెరగడానికి, శరీరం ఆరోగ్యంగా ఉండటానికి ఎంతగానో తోడ్పడతాయి. ముఖ్యంగా కొన్ని పండ్లను క్రమం తప్పకుండా తీసుకోవడం వల్ల మలబద్ధకం వంటి జీర్ణ సంబంధిత సమస్యలను తగ్గించుకోవడానికి కూడా సహాయపడుతుంది. మరి మన ఆరోగ్యానికి మేలు చేసే ఆ ఐదు పండ్లు ఏమిటి? జామ, బొప్పాయి, దానిమ్మ, పైనాపిల్, మామిడి పండ్లలో ఎలాంటి పోషకాలు ఉంటాయి? వీటిని తీసుకోవడం వల్ల శరీరానికి కలిగే ప్రయోజనాలు ఏమిటి? మలబద్ధకం సమస్యతో బాధపడేవారికి ఈ పండ్లు ఎలా ఉపయోగపడతాయి? ఈ ప్రత్యేక వీడియోలో ఆయుర్వేద డైటీషియన్ శ్రవంతి రఘు గారు ఈ ఐదు పండ్లలోని పోషక విలువలు, వాటి ఆరోగ్య ప్రయోజనాలను వివరించారు. జామపండులో ఉండే పీచు పదార్థాలు జీర్ణక్రియకు ఎలా సహాయపడతాయి? బొప్పాయిలోని పోషకాలు మహిళల ఆరోగ్యానికి ఎలా తోడ్పడతాయి? దానిమ్మ శరీరానికి అందించే ప్రయోజనాలు ఏమిటి? పైనాపిల్ పేగుల ఆరోగ్యానికి ఎలా ఉపయోగపడుతుంది? మామిడి పండులోని విటమిన్లు, పోషకాలు మన శరీరానికి ఎలా మేలు చేస్తాయి? అనే విషయాలను వివరంగా తెలుసుకోవచ్చు. అంతేకాకుండా, ఈ పండ్లను తీసుకోవడం వల్ల జీర్ణవ్యవస్థకు కలిగే ప్రయోజనాలు, పేగుల ఆరోగ్యాన్ని కాపాడుకోవడంలో వీటి పాత్ర, రోగనిరోధక శక్తికి అవసరమైన పోషకాలు వంటి అనేక విషయాలను ఈ వీడియోలో తెలుసుకోవచ్చు. మలబద్ధకం సమస్యను తగ్గించుకోవడానికి పీచు పదార్థాలు అధికంగా ఉండే పండ్లను ఆహారంలో ఎలా చేర్చుకోవాలి? వాటిని ఏ విధంగా తీసుకుంటే మంచిది? అనే విషయాలను కూడా శ్రవంతి రఘు గారు వివరించారు. ఆరోగ్యకరమైన జీవనశైలి కోసం ఖరీదైన ఆహారాలే అవసరం లేదు. మనకు సులభంగా లభించే పండ్లను సరైన మోతాదులో, సరైన పద్ధతిలో తీసుకోవడం కూడా ఎంతో ముఖ్యం. ఈ ఐదు పండ్లలోని పోషకాలు, ఆరోగ్య ప్రయోజనాలు, మలబద్ధకం సమస్యకు అవి ఎలా తోడ్పడతాయో తెలుసుకోవాలంటే ఈ వీడియోను పూర్తిగా చూడండి. మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)