బిగ్ బాస్ తెలుగు సీజన్ 10లో ఈ వారం ఓటింగ్‌లో టాప్ ప్లేస్ కోసం ముఖేష్, త్రిగుణ్ మధ్య హోరాహోరీ పోరు నడిచింది. ముఖేష్ 29.76% ఓట్లతో (57,256 ఓట్లు) మొదటి స్థానంలో ఉండగా, త్రిగుణ్ 29.68% ఓట్లతో (57,099 ఓట్లు) కేవలం 157 ఓట్ల తేడాతో రెండో స్థానంలో ఉన్నాడు. ఫ్యామిలీ వీక్‌లో ఇద్దరికీ వచ్చిన సపోర్ట్, కెప్టెన్సీ టాస్క్‌లో వారి గేమ్ వీరిని టాప్‌లో నిలబెట్టింది.

మూడో స్థానంలో దేబ్‌జానీ 7.36% ఓట్లతో (14,163 ఓట్లు) చాలా వెనుకబడి ఉంది. కానీ టాప్-2 తర్వాత ఆమెదే బెస్ట్ పొజిషన్ అని చెప్పాలి. ఆ తర్వాత వర్షిణి 4.83% (9,286), శ్వేత 4.23% (8,134), అమన్ 4.14% (7,955) ఓట్లతో వరుసగా 4,5,6 స్థానాల్లో ఉన్నారు. వీరిలో ఎవరికీ పెద్ద తేడా లేకపోవడంతో సేఫ్ జోన్‌లో ఉన్నారు. ఇక డేంజర్ జోన్‌లో నరేష్ 3.82% (7,349), సుధీర్ 3.82% (7,343), నీతూ 3.53% (6,789), రామ్ ప్రసాద్ 3.39% (6,528), రామకృష్ణ 3.12% (6,007) ఉన్నారు. అందరికంటే చివర్లో శివకుమార్ 2.32% (4,454 ఓట్లు) మాత్రమే పొంది బాటమ్‌లో ఉన్నాడు. నరేష్, సుధీర్ మధ్య కేవలం 6 ఓట్ల తేడా మాత్రమే ఉండటం ఈ వారం ఓటింగ్ ఎంత టైట్‌గా ఉందో చెప్తోంది. నీతూకి నటరాజ్ మాస్టర్ ఎంట్రీతో కొంత సపోర్ట్ పెరిగినా ఓటింగ్‌లో అది ఇంకా కనిపించడం లేదు.

మొత్తంగా చూస్తే ఈ వారం ఎలిమినేషన్ రేస్‌లో శివకుమార్, రామకృష్ణ, రామ్ ప్రసాద్‌లలో ఒకరు ఇంటి నుంచి బయటకు వెళ్లే అవకాశం ఎక్కువగా కనిపిస్తోంది. ముఖేష్, త్రిగుణ్ టాప్‌లో సేఫ్‌గా ఉండగా, మధ్యలో ఉన్న వారికి కూడా పెద్ద ప్రమాదం లేదు. అయితే ఇది అనధికారిక ఆన్‌లైన్ ఓటింగ్ మాత్రమే. అసలు జియో హాట్‌స్టార్ ఓటింగ్‌కి దీనికి తేడా ఉంటుంది. కాబట్టి ఫైనల్ రిజల్ట్ కోసం ఆదివారం నాటి ఎలిమినేషన్ వరకు ఆగాల్సిందే.