ఈశ్వర పరమేశ్వర క్రియేషన్స్ బ్యానర్‌పై  అనసూర్య  నిర్మించిన చిత్రం 'ప్రేమకు జై'. గ్రామీణ నేపథ్యంలో జరిగిన ఒక యదార్థ సంఘటన ఆధారంగా నూతన నటీనటులతో శ్రీనివాస్ మల్లం దర్శకత్వంలో ఈ చిత్రం రూపొందింది. హీరోహీరోయిన్లుగా అనిల్ బురగాని, ఆర్. జ్వలిత, విలన్ గా దుబ్బాక భాస్కర్ నటించారు. పోస్ట్ ప్రోడక్షన్ పూర్తి చేసుకున్న ఈ చిత్రం నూతన సంవత్సరంలో విడుదల కానుంది. తాజాగా ప్రఖ్యాత లిరిక్ రైటర్ శివశక్తి దత్త చేతుల మీదుగా ఈ చిత్ర పోస్టర్, టీజర్ రిలీజ్ చేశారు.

ఈ సందర్భంగా శివశక్తి దత్త మాట్లాడుతూ.. ''యంగ్ టాలెంట్ బాగా చేశారు. నూతన న‌టీనటులు చాలా అద్భుతంగా నటించారు. డైరెక్షన్  చాలా బాగుంది. ఈ టీజర్ చాలా బాగుంది. చిత్ర యూనిట్ కి శుభాకాంక్షలు'' అన్నారు.

చైతు సంగీతం అందిస్తున్న ఈ చిత్రానికి సినిమాటోగ్రాఫర్ గా ఉరుకుందా రెడ్డి, ఎడిటర్ గా సామ్రాట్ వ్యవహరిస్తున్నారు.