తెలుగు సినిమాపై కాజల్ అగర్వాల్(Kajal Aggarwal)ముద్ర చాలా ప్రత్యేకమైనది. గ్లామర్ క్యారెక్టర్స్ పోషించడానికే హీరోయిన్ ఉందనే మాటని చెరిపి వేసిన, అతి తక్కువ మంది హీరోయిన్స్ లో  కాజల్ ఒకరు. తెలుగుతో పాటు ఇతర భాషలకి  చెందిన ఎన్నోచిత్రాల్లో అత్యద్భుతంగా నటించి తనకంటు ఫ్యాన్ బేస్ ని ఏర్పాటు చేసుకుంది. చందమామ, మగధీర, బృందావనం, ఆర్య 2 ,గణేష్, నాయక్, డార్లింగ్, మిస్టర్ పర్ఫెక్ట్, వివేగం, ఖైదీ నెంబర్ 150 , బిజినెస్ మాన్, మెర్సిల్, ఇలా చెప్పుకుంటే పోతే ఎన్నో చిత్రాల ద్వారా స్టార్ హీరోయిన్ స్టేటస్ ని పొందింది.  

కాజల్ యాక్సిడెంట్ కి గురయ్యినట్టుగా సోషల్ మీడియాలో కొన్ని వార్తలు వినిపిస్తున్నాయి. దీంతో సోషల్ మీడియా వేదికగా ఆమె  అభిమానులు ఆందోళన చెందుతున్నారు. ఈ వార్తలపై కాజల్ స్పందిస్తు నాకు ప్రమాదం జరిగిందనే వార్తలు నా దృష్టికి వచ్చాయి. నిజం చెప్పాలంటే ఆ వార్త విని నవ్వుకున్నాను. ఎందుకంటే ఇంత కంటే 'ఫన్నీ న్యూస్' మరొకటి ఉండదు. దేవుడి దయ వల్ల నేను క్షేమంగా ఉన్నాను.ఎవరైతే ఈ రూమర్స్ సృషించారో వాళ్లందరికీ నాదొక విన్నపం.  ఇలాంటి  రూమర్స్ ని ప్రచారం చెయ్యకుండా, నిజమైన వార్తలని నలుగురితో పంచుకోండని  ఎక్స్ వేదికగా తెలిపింది.

2020 లో  'గౌతమ్ కిచ్లు' అనే వ్యాపార వేత్తని కాజల్ పెళ్లి  చేసుకోగా ఆ ఇద్దరికి ఒక బాబు ఉన్నాడు. వివాహ బంధంలో ఎంతో సంతోషంగా ఉన్న కాజల్ తన సెకండ్ ఇన్నింగ్స్ లో గాడ్ ఆఫ్ మాసెస్ 'బాలకృష్ణ'(Balakrishna)తో భగవంత్ కేసరి లో చేసి తన సత్తా చాటింది. ఆ తర్వాత ప్రధాన పాత్రలో 'సత్యభామ' ద్వారా ప్రేక్షకుల ముందుకు వచ్చి, ఇటీవల కన్నప్ప(Kannappa)లో 'పార్వతి దేవి' గా నటించి అభిమానుల, ప్రేక్షకుల నీరాజనాల్ని అందుకుంది.