గాడ్ ఆఫ్ మాసెస్ బాలకృష్ణ(Balakrishna),పవర్ స్టార్ పవన్ కళ్యాణ్(Pawan Kalyan)మధ్య సినిమాల పరంగానే కాకుండా వ్యక్తిగతంగాను మంచి అనుబంధం ఉంది. ఇద్దరు ఒకరికొకరు సోదర భావంతో మెలుగుతు ఉంటారు  పవన్ కెరీర్ తొలి నాళ్ళల్లో చేసిన 'సుస్వాగతం' బాలకృష్ణ చేతుల మీదుగానే ప్రారంభమయ్యింది. . ఇద్దరు  తమ అప్ కమింగ్ సినిమాలు 'అఖండ పార్ట్ 2 '(Akhanda 2), ఓజి'(Og)తో బిజీగా ఉన్నారు. వీటిల్లో 'ఓజి' రేపు వరల్డ్ వైడ్ గా విడుదల కానుంది.   

ప్రస్తుతం ఆంధ్రప్రదేశ్ లో అసెంబ్లీ సమావేశాలు జరుగుతున్న విషయం తెలిసిందే. ఈ సమావేశాలకి హిందూపురం అసెంబ్లీ సభ్యుడి హోదాలో 'బాలకృష్ణ' హాజరయ్యాడు. ఈ సందర్భంగా అసెంబ్లీ లాబీలో కొంత మంది ఎంఎల్ఏ, మంత్రులు బాలకృష్ణతో, అఖండ 2 విడుదల ఎప్పుడని అడిగారు. అందుకు బాలకృష్ణ మాట్లాడుతు 'ఎల్లుండి తమ్ముడు పవన్‌ సినిమా విడుదలవుతోంది. అఖండ-2 డిసెంబర్‌ 5న విడుదలవుతోంది. పాన్‌ ఇండియా సినిమాగా వివిధ భాషల్లో తీసుకొస్తున్నాం. హిందీ డబ్బింగ్‌ కూడా చాలా వచ్చిందని చెప్పుకొచ్చాడు.

2021 లో వచ్చిన 'అఖండ' సాధించిన ఘన విజయం అందరకి తెలిసిందే. ఈ నేపథ్యంలో అఖండ సీ క్వెల్ గా తెరకెక్కుతున్న  అఖండ 2 పై అభిమానులతో పాటు ప్రేక్షకుల్లో భారీ అంచనాలు ఉన్నాయి.సంయుక్త మీనన్, ప్రగ్య జైస్వాల్ హీరోయిన్స్ గా చేస్తుండగా, బాలకృష్ణ చిన్నకూతురు తేజస్విని తో కలిసి 14 రీల్స్ ఆచంట గోపినాధ్, రామ్ నిర్మిస్తున్నారు.