కొంత కాలంగా సిరివెన్నెల సీతారామ‌శాస్త్రి క‌లం విరివిగా కాకుండా, కొంచెం త‌క్కువ‌గానే పాట‌ల‌ను అల్లుతోంది. ఆ క‌లం నుంచి కురిసిన ప్ర‌తి పాటా సంగీత ప్రియుల‌ను అల‌రిస్తూనే ఉంది. తాజాగా మ‌రో చ‌క్క‌ని పాట‌ను ఆ క‌లం పండించింది. నాని హీరోగా శివ నిర్వాణ డైరెక్ట్ చేస్తోన్న 'ట‌క్ జ‌గ‌దీష్' కోసం ఆ పాట వ‌చ్చింది.

టాప్ ఫామ్‌లో ఉన్న ఎస్‌. త‌మ‌న్ సినిమాలో సంద‌ర్భానుసారం వ‌చ్చే ఒక పాట‌కు చ‌క్క‌ని మెలోడీ ట్యూన్స్ స‌మ‌కూర్చారు. "కోలో కోల‌న్న కోలో కొమ్మ‌లు కిల‌కిల న‌వ్వాలి.." అంటూ సీతారామ‌శాస్త్రి రాసిన ఈ మోటివేష‌న‌ల్ సాంగ్‌ను అర్మాన్ మాలిక్‌, హ‌రిణి ఇవ్వ‌టూరి, శ్రీ‌కృష్ణ‌, త‌మ‌న్ క‌లిసి ఆల‌పించారు. నాని ఫ్యామిలీపై ఈ పాట‌ను చిత్రీక‌రించారు. కుటుంబ అనుబంధాల‌ను తెలియ‌జేస్తూ, చిన్న‌నాటి కేరింత‌ల్ని గుర్తుచేస్తూ, హీరోను మోటివేట్ చేస్తూ ఆయ‌న ఫ్యామిలీ మెంబ‌ర్స్ ఈ పాట‌ను ఆల‌పిస్తున్నార‌ని అర్థ‌మ‌వుతోంది. 

చ‌క్క‌ని సాహిత్య విలువ‌ల‌తో, సంగీత వాయిద్యాల‌న్నీ చెవుల‌కు ఇంపుగా వినిపిస్తూ మ‌ళ్లీ మ‌ళ్లీ పాడుకొనే రీతిలో ఈ పాట ఉంది. "ఆ న‌లుగు‌రితో చెలిమి పంచుకో చిరున‌గ‌వు సిరులు పెంచుకో.. జ‌డివానే ప‌డుతున్నా జ‌డిసేనా త‌డిసేనా నీ పెద‌వుల‌పై చిరున‌వ్వులు ఎపుడైనా.." లాంటి లైన్లు సీతారామ‌శాస్త్రి గారికి కాకుండా ఎవ‌రికి సాధ్య‌మ‌వుతాయి! ప్ర‌సాద్ మూరెళ్ల సినిమాటోగ్ర‌ఫీతో దృశ్య‌ప‌రంగా ఈ పాట క‌న్నుల‌పంట‌గా ఉంటుంద‌న‌డంలో ఎలాంటి సందేహ‌మూ లేదు.  

ఈ పాట‌లో నానితో పాటు ఆయ‌న‌ తండ్రిగా న‌టిస్తోన్న నాజ‌ర్‌, అన్న‌గా న‌టిస్తోన్న జ‌గ‌ప‌తిబాబు, హీరోయిన్లు రీతు వ‌ర్మ‌, ఐశ్వ‌ర్యా రాజేష్, ఫ్యామిలీ మెంబ‌ర్స్ అయిన రావు ర‌మేష్‌, రోహిణి, దేవ‌ద‌ర్శిని త‌దిత‌రులు క‌నిపిస్తున్నారు.

నాని 26వ చిత్రంగా రూపొందుతోన్న ఈ మూవీని  షైన్ స్క్రీన్స్ బ్యాన‌ర్‌పై సాహు గార‌పాటి, హ‌రీష్ పెద్ది సంయుక్తంగా నిర్మిస్తున్నారు. ఏప్రిల్ 23న 'ట‌క్ జ‌గ‌దీష్' ప్ర‌పంచ‌వ్యాప్తంగా థియేట‌ర్ల‌లో విడుద‌ల కానున్న‌ది.