ఒక హిందీ సినిమా తెలుగులో వంద కోట్ల బిజినెస్ చేయడం అనేది మామూలు విషయం కాదు. అయితే జూనియర్ ఎన్టీఆర్ (Jr NTR) భాగం కావడంతో 'వార్-2' (War 2) ఆ ఫీట్ సాధించేలా ఉంది. ఈ మూవీ తెలుగు థియేట్రికల్ బిజినెస్ కి ఫుల్ డిమాండ్ ఏర్పడినట్లు తెలుస్తోంది.

 

ఎన్టీఆర్ నటిస్తున్న మొదటి బాలీవుడ్ ఫిల్మ్ 'వార్-2'. అయాన్ ముఖర్జీ దర్శకత్వం వహిస్తున్న ఈ చిత్రంలో హృతిక్ రోషన్ తో కలిసి ఎన్టీఆర్ స్క్రీన్ షేర్ చేసుకుంటున్నాడు. ఇద్దరు టాప్ స్టార్స్ కలిసి నటిస్తున్న సినిమా కావడంతో 'వార్-2'పై అంచనాలు ఓ రేంజ్ లో ఉన్నాయి. బిజినెస్ పరంగా, కలెక్షన్స్ పరంగా సరికొత్త రికార్డులు సృష్టించడం ఖాయమనే ఎక్స్ పెక్టేషన్స్ ఉన్నాయి. ఆ అంచనాలకు తగ్గట్టుగానే వార్-2 బిజినెస్ కి ఫుల్ డిమాండ్ ఉన్నట్లు సమాచారం.

 

వార్-2 తెలుగు థియేటర్ హక్కులు రూ.100-120 కోట్ల రేంజ్ లో అమ్ముడయ్యే అవకాశముంది అంటున్నారు. ఈ రైట్స్ కోసం పలు తెలుగు నిర్మాణ సంస్థలు పోటీ పడుతుండగా.. సితార, ఏషియన్ సంస్థలు ముందు వరుసలో ఉన్నట్లు వినికిడి. 

 

ఎన్టీఆర్ గత చిత్రం 'దేవర' తెలుగునాట రూ.120 కోట్ల రేంజ్ బిజినెస్ చేసింది. ఈ సినిమా నెగటివ్ టాక్ సొంతం చేసుకున్నప్పటికీ, ఫుల్ రన్ లో తెలుగు రాష్ట్రాల్లో దాదాపు రూ.160 కోట్ల షేర్ రాబట్టి లాభాలను తెచ్చిపెట్టింది. అందుకే ఎన్టీఆర్ స్టార్డంని దృష్టిలో పెట్టుకొని వార్-2 రైట్స్ కి డిమాండ్ ఏర్పడినట్లు టాక్. పైగా హృతిక్-ఎన్టీఆర్ కాంబినేషన్ కావడంతో జనరల్ ఆడియన్స్ లోనూ ఈ సినిమాపై ఆసక్తి నెలకొనే ఛాన్స్ ఉంది. మరి ఫైనల్ గా తెలుగునాట వార్-2 బిజినెస్ ఎంతకి లాక్ అవుతుందో చూడాలి.