"బెజవాడరౌడీలు" లో స్టూడెంట్‍ గా నాగచైతన్య నటిస్తున్నారని విశ్వసనీయ వర్గాల ద్వారా అందిన సమాచారం. వివరాల్లోకి వెళితే శ్రేయ ప్రొడక్షన్స్ పతాకంపై, యువ హీరో నాగచైతన్య హీరోగా, వివేక్ కృష్ణ అనే కొత్త కుర్రాణ్ణి దర్శకుడిగా పరిచయం చేస్తూ, రామ్ గోపాల వర్మ, కోనేరు కిరణ్ కుమార్ సంయుక్తంగా నిర్మిస్తున్న విభిన్న కథా చిత్రం " బెజవాడ రౌడీలు". ఈ సినిమా షూటింగ్ విజయవాడ పరిసరప్రాంతాల్లో శరవేగంగా జరుగుతోంది. బెంజిసర్కిల్, రామవరప్పాడు, నున్న, గుంటూరు ఆ పరిసర ప్రాంతాల్లో "బెజవాడ రౌడీలు" సినిమా షుటింగ్ జరుగుతుంది.

ఈ " బెజవాడ రౌడీలు" సినిమాలో హీరో నాగచైతన్య ఒక పవర్ ఫూల్ విద్యార్థిగా నటిస్తున్నారని తెలిసింది. గతంలో రామ్ గోపాల వర్మ తొలి చిత్రం "శివ" సినిమాలో యువసామ్రాట్ అక్కినేని నాగార్జున ఇలాగే ఒక పవర్ ఫుల్ స్టూడెంట్ గా నటించారు. ఆ సినిమా అప్పట్లో ఒక ట్రెండ్ సెట్టర్ గా నిలిచింది. అలాగే "దడ' సినిమాలో కూడా నాగచైతన్య యు.యస్.లో చదివే స్టూడెంట్ గా నటిస్తున్నారు. ఈ " బెజవాడ రౌడీలు" సినిమా పేరే వివాదాస్పదంగా నిలిచింది. ఈ సినిమా పేరు మార్చాలని దీని మీద ఇంకా గొడవలు జరుగుతున్నాయి.