మన హీరోలందరూ ప్రస్తుతం రీమేక్ సినిమాలపై ఎక్కువ శ్రద్ధ చూపిస్తున్నారు. ప్రస్తుతం మలయాళం సినిమా "ప్రేమమ్" రీమేక్ లో నటిస్తున్న నాగచైతన్య మరో రీమేక్ సినిమాలో నటించేందుకు సన్నద్ధమవుతున్నాడు. గత శుక్రవారం తమిళనాట విడుదలైన "మెట్రో" అనే సినిమా ఓ మోస్తరు హిట్ సాధించింది. ఈ సినిమాను తెలుగులో రీమేక్ చేసే ఆలోచనలో ఉన్నాడట నాగచైతన్య.

చైన్ స్నాఛింగ్ నేపధ్యంలో సాగే ఈ సినిమాలో హింసపాళ్ళు ఎక్కువగా ఉన్నాయని సెన్సార్ వారు మొదట్లో సర్టిఫికేట్ ఇవ్వడానికి నిరాకరించారు. అలాంటి సినిమాను నాగచైతన్య ఎందుకు రీమేక్ చేయాలనుకొంటున్నాడో అర్ధం కావడం లేదు. అసలే నాగచైతన్యకి ఈ తరహా త్రిల్లర్స్, యాక్షన్ సినిమాలు అచ్చోచ్చిన దాఖలాలు లేవు. ఈ విషయాన్ని దృష్టిలో ఉంచుకొని ఈ రీమేక్ ఆలోచనను చైతూ వెనక్కి తీసుకొంటాడేమో చూడాలి!