English | Telugu
సినిమా పేరు:వినాయకుడు
బ్యానర్:ప్రీం మూవీస్
Rating:3.00
విడుదలయిన తేది:Nov 22, 2008
బ్యానర్:ప్రీం మూవీస్
Rating:3.00
విడుదలయిన తేది:Nov 22, 2008
ఇది రొటీన్ కథ మాత్రం కాదు. రాజోలు నుండి హైదరాబాద్లో ఉన్న తన అక్కయ్య ఇంటికి వచ్చిన కార్తీక్ (కృష్ణుడు)కి అల్తాఫ్ (సూర్యతేజ్) అనే ఒక ఫ్రెండ్ వల్ల యాడ్ ఏజన్నీలో ఉద్యోగం వస్తుంది. కార్తీక్ చిన్నప్పుడు అందరిలా ఉన్నా, యుక్తవయస్సు రాగానే వారసత్వం కారణంగా చాలా లావుగా ఉంటారు. అదే కంపెనీలో కల్పన (సోనియా) అనే అమ్మాయి కూడా పనిచేస్తుంటుంది. ఆమె చాలా స్లిమ్గా, అందంగా, డాషింగ్గా ఉంటుంది. ఆమె తన పేరెంట్స్ అమెరికా వెళ్ళటం వల్ల తన ఫ్రెండ్ శాండ (పూనమ్ సింగ్) ఫ్లాట్లో ఉంటుంది. అదే అపార్ట్మెంట్లో కార్తీక్ కూడా తన అక్కతో ఉంటారు. కార్తీక్ తన వెంట వస్తూ వుంటే అపార్థం అపార్థం చేసుకున్న కల్పన అతన్ని తిడుతుంది. ఆ తర్వాత నిజం తెలుసుకుంటుంది. కానీ ఆమెను కార్తీక్ ప్రేమిస్తుం టాడు. ఆమెకు రాజీవ్ అనే కుర్రాడిని చూడమని తన తండ్రి చెప్పడంతో అతన్ని కలుస్తుంది కల్పన. రాజీవ్ ఆరడుగుల అందగాడు, నెలకు లక్షరూపాయల సంపాదన. దాంతో కల్పన తరచూ రాజీవ్ని కలుస్తూ వుంటుంది. ఓ సారి రాత్రి బయటకు వెళ్ళిన రాజీవ్, కల్పన కూర్చుని మాట్లాడుకుంటుంటే పోలీసులొచ్చి నీచంగా మాట్లాడితే రాజీవ్ వాళ్ళకి డబ్బిచ్చి పంపేస్తాడు. దానికి బాధపడిన కల్పన, రాజీవ్కి దూరమవుతుంది. దాంతో కార్తీక్కి ప్రేమ మీద ఆశలు చిగురిస్తాయి. కల్పన కూడా కార్తీక్ అంటే స్నేహంగానే వుంటుంది. కల్పన ఫ్రెండ్ శాండని అల్తాఫ్ ప్రేమిస్తుంటాడు. ఇలా వారి వారి ప్రేమ కథలు సాగుతూ సఫలమవటం మిగిలిన కథ.