జూన్ 10న నందమూరి బాలకృష్ణ (Nandamuri Balakrishna) పుట్టినరోజు. స్టార్స్ బర్త్ డే సందర్భంగా కొత్త సినిమాల అప్డేట్లు రావడం సహజం. బాలయ్య పుట్టినరోజు కానుకగా అభిమానులకు ముందుగానే సర్ ప్రైజ్ లు వచ్చాయి. అఖండ-2 టీజర్ అప్డేట్ తో పాటు, కొత్త సినిమా ప్రకటన వచ్చింది.

 

బాలకృష్ణ, బోయపాటి శ్రీను కాంబినేషన్ లో రూపొందుతోన్న మూవీ 'అఖండ-2'. అసలే బాలయ్య-బోయపాటి కాంబో, దానికితోడు అఖండ సీక్వెల్ కావడంతో అంచనాలు తారాస్థాయిలో ఉన్నాయి. ఈ మూవీ టీజర్ కోసం అభిమానులు ఎంతగానో ఎదురుచూస్తున్నారు. తాజాగా మేకర్స్ టీజర్ అప్డేట్ ఇచ్చారు. రేపు(జూన్ 9) సాయంత్రం 6:03 కి టీజర్ ను రిలీజ్ చేయనున్నట్లు తెలిపారు. (Akhanda 2 Teaser)

 

 

ఇక బాలయ్య నెక్స్ట్ మూవీ ప్రకటన కూడా వచ్చింది. 'వీరసింహారెడ్డి' వంటి సూపర్ హిట్ తర్వాత బాలకృష్ణ, దర్శకుడు గోపీచంద్ మలినేని మరోసారి చేతులు కలిపారు. బాలయ్య కెరీర్ లో 111వ సినిమాగా తెరకెక్కనున్న ఈ చిత్రాన్ని వృద్ధి సినిమాస్ నిర్మిస్తోంది. చారిత్రక నేపథ్యంలో ఈ చిత్రం రూపొందనుందని సమాచారం. (NBK 111)