సూర్యయోగం గురించి తెలుసా.. సూర్యుడు ఇందుకే చర్మ సమస్యలు నయం చేస్తాడు..!

సూర్యుడు ప్రత్యక్ష దైవం అని పిలవబడతాడు. అయితే చాలామంది సూర్యుడిని ఒక నక్షత్రంగా పరిగణిస్తారు. సైన్స్ పరంగా సూర్యుడిని అంతరిక్షంలో ఒక అంశంగా చూస్తారు. కానీ ఆధ్యాత్మికంగా, ఆయుర్వేద పరంగా చూస్తే సూర్యుడు దైవమే.. ఈ విషయాన్ని శాస్త్రీయంగా కూడా నిరూపించవచ్చు. అలాగే చర్మ సమస్యలు నయం కావడంలో సూర్యుడి అనుగ్రహం ఉండాలని కూడా అంటారు. ఇందుకోసం సూర్య యోగం కూడా పాటిస్తారు. దీని గురించి తెలుసుకుంటే..

ఆధ్యాత్మిక విశ్వాసం ప్రకారం..

సూర్యుడు ఆరోగ్యదాయకుడిగా, జీవ శక్తిని ప్రసాదించే దేవుడిగా భావించబడతాడు. వేదాల్లో "ఆరోగ్యానికి సూర్యనారాయణుడే మూలం" అని చెబుతారు. సూర్య నమస్కారాలు చేయడం వల్ల శరీర శక్తి పెరిగి, చర్మ సౌందర్యం మెరుగవుతుందని విశ్వసిస్తారు.

ఆయుర్వేదం ప్రకారం..

సూర్యుడి కిరణాలు శరీరంలోని దోషాలను (వాత, పిత్త, కఫ) సరిచేయడంలో సహాయపడతాయని చెప్పబడుతుంది. ఉదయం సూర్యకిరణాల వల్ల శరీరంలోని రక్త ప్రసరణ మెరుగవుతుంది, తద్వారా చర్మానికి ప్రకాశం, ఆరోగ్యం కలుగుతుంది. చర్మ వ్యాధులకే కాకుండా, హార్మోన్ సమతుల్యతను నిలుపుకోవడానికీ ఇది సహాయపడుతుంది.

శాస్త్రీయ (Scientific) దృష్టికోణం..

Vitamin D ఉత్పత్తి:
మన శరీరానికి సూర్య కాంతి అవసరం. ముఖ్యంగా ఉదయం 6 నుంచి 9 మధ్య సూర్యకాంతి శరీరంలో Vitamin D ఉత్పత్తిని ప్రేరేపిస్తుంది. ఇది చర్మ ఆరోగ్యానికి, ఎముకల బలానికి ఎంతో ముఖ్యం.

చర్మ వ్యాధులకు సహాయం..

కొన్ని చర్మ రుగ్మతలు .. ఉదా: సోరియాసిస్ (Psoriasis), ఈక్జిమా (Eczema), విటిలిగో (Vitiligo) — లకు నిర్దిష్టంగా సూర్య కాంతి ఆధారిత చికిత్స (Phototherapy) ఉపయోగిస్తారు.

బాక్టీరియా, ఫంగస్ నాశనం..

సూర్యకాంతిలో ఉండే అల్ట్రావయలెట్ (UV) కిరణాలు కొంతమేర బాక్టీరియా, ఫంగస్‌ను నిర్మూలించగలవు.

అయితే ఎక్కువ సేపు సూర్యకాంతిలో ఉండటం వల్ల టాన్, బ్లిస్టర్, స్కిన్ క్యాన్సర్ వంటి సమస్యలు వచ్చే అవకాశాలు కూడా ఉన్నాయి.

సూర్యయోగం..

సమయం:

ఉదయం 6:00 AM నుంచి 8:00 AM మధ్య సూర్యకాంతి మృదువుగా ఉంటుంది. ఇది చర్మానికి హానికరం కాకుండా ఉపయోగకరంగా ఉంటుంది.

ఏం చేయాలి..

సూర్య నమస్కారాలు చేయాలి. ఇది 12 భంగిమలు, ఆసనాలతో కలిగి ఉంటుంది. ఇది శరీరానికి వ్యాయామం + మానసికంగా శాంతి ఇవ్వడంలో సహాయపడుతుంది. రక్త ప్రసరణ మెరుగై చర్మ కాంతి పెరుగుతుంది.

సూర్యబేథనం (Sun Bath)..

రోజూ 10–15 నిమిషాలు సూర్యకాంతిలో కూర్చోవడం లేదా నిలబడటం వల్ల ఫేస్, చేతులు, కాళ్లు .. వీటిపై నేరుగా కాంతి పడుతుంది. ఎటూ వేడి ఎక్కువ అనిపిస్తే, శరీరానికి కొంచెం కొబ్బరినూనె రాసుకోవచ్చు

ప్రాణాయామం (శ్వాస వ్యాయామం)..

సూర్యుని ఎదుట గాలి తీసుకుని విడిచే శ్వాస వ్యాయామాలు శరీర శుద్ధిని, చర్మ శుద్ధిని ప్రేరేపిస్తాయి.

ఉదా: అనులోమ-విలోమం, కపాలభాతి..

*రూపశ్రీ.