LATEST NEWS
ఆంధ్రప్రదేశ్‌కు తుపాను ముప్పు పొంచి ఉందన్న హెచ్చరికల నేపథ్యంలో రాష్ట్ర ప్రభుత్వం అప్రమత్తమైంది. తుపాను ప్రభావంతో భారీ వర్షాలు, బలమైన ఈదురుగాలులు వీచే అవకాశం ఉండటంతో ముందస్తు చర్యలను ముమ్మరం చేసింది. ముఖ్యంగా విద్యుత్ సరఫరాకు అంతరాయం కలగకుండా విద్యుత్ శాఖ అధికారులకు కీలక ఆదేశాలు జారీ చేసింది. చీఫ్ ఇంజనీర్లు (CE), సూపరింటెండింగ్ ఇంజనీర్లు (SE), ఎగ్జిక్యూటివ్ ఇంజనీర్లు (EE) సహా కీలక అధికారులు, సిబ్బంది సెలవులను రద్దు చేసినట్లు సమాచారం. అత్యవసర పరిస్థితుల్లో వెంటనే స్పందించేలా క్షేత్రస్థాయిలో అందుబాటులో ఉండాలని ప్రభుత్వం సూచించింది.
తుపానుపై సీఎం చంద్రబాబు సమీక్ష.!
తుపాను ముప్పు నేపథ్యంలో ముఖ్యమంత్రి చంద్రబాబు నాయుడు ఉన్నతాధికారులు, ప్రభావిత జిల్లాల కలెక్టర్లతో సమీక్ష నిర్వహించారు. వాతావరణ పరిస్థితులను ఎప్పటికప్పుడు పర్యవేక్షిస్తూ, ప్రాణనష్టం జరగకుండా అన్ని శాఖలు సమన్వయంతో పనిచేయాలని ఆదేశించారు. తుపాను ప్రభావిత ప్రాంతాల్లో ముందస్తు జాగ్రత్తలు తీసుకోవాలని, అవసరమైన సహాయక చర్యలకు యంత్రాంగాన్ని సిద్ధంగా ఉంచాలని సూచించారు.
భారీ వర్షాలు కురిసే అవకాశం ఉన్న ప్రాంతాల్లో ప్రజలను అప్రమత్తం చేయాలని, వాతావరణ శాఖ హెచ్చరికలను ఎప్పటికప్పుడు ప్రజలకు చేరవేయాలని అధికారులకు స్పష్టం చేశారు. రాష్ట్రంలో చేపడుతున్న ముందస్తు చర్యల వివరాలను కేంద్ర ప్రభుత్వానికి తెలియజేయాలని కూడా సూచించారు.
విద్యుత్ శాఖ సిబ్బంది అప్రమత్తం.!
తుపాను ప్రభావంతో చెట్లు కూలిపోవడం, విద్యుత్ స్తంభాలు దెబ్బతినడం, విద్యుత్ తీగలు తెగిపడటం వంటి సమస్యలు తలెత్తే ప్రమాదం ఉంది. వీటిని దృష్టిలో ఉంచుకుని విద్యుత్ శాఖ సిబ్బంది అప్రమత్తంగా ఉండాలని ప్రభుత్వం ఆదేశించింది.
అధికారులు తమ హెడ్‌క్వార్టర్స్‌లోనే అందుబాటులో ఉండాలని, అత్యవసర పరిస్థితుల్లో వెంటనే స్పందించాలని సూచించింది. విద్యుత్ సరఫరాలో అంతరాయం ఏర్పడితే తక్షణమే పునరుద్ధరించేలా అవసరమైన సిబ్బంది, పరికరాలు, వాహనాలను సిద్ధంగా ఉంచాలని ఆదేశించింది. ప్రజలకు ఇబ్బందులు కలగకుండా విద్యుత్ సరఫరా వ్యవస్థను నిరంతరం పర్యవేక్షించాలని స్పష్టం చేసింది.
లోతట్టు ప్రాంతాల ప్రజల తరలింపునకు ఆదేశాలు.!
తుపాను ప్రభావంతో ముంపునకు గురయ్యే అవకాశం ఉన్న ప్రాంతాలను గుర్తించి, అక్కడి ప్రజలను సురక్షిత ప్రాంతాలకు తరలించాలని సీఎం చంద్రబాబు అధికారులను ఆదేశించారు. పునరావాస కేంద్రాల్లో అవసరమైన సదుపాయాలు కల్పించాలని సూచించారు.
ముఖ్యంగా వృద్ధులు, గర్భిణీలు, బాలింతలు, చిన్నారులు, దివ్యాంగులను తరలించడంలో ప్రాధాన్యం ఇవ్వాలని స్పష్టం చేశారు. రాష్ట్రవ్యాప్తంగా గుర్తించిన 4,711 మంది గర్భిణీలను సమీపంలోని ప్రభుత్వ ఆసుపత్రులు, ఆరోగ్య కేంద్రాలకు తరలించే ప్రక్రియ కొనసాగుతోందని అధికారులు వివరించినట్లు సమాచారం.
ప్రభావిత ప్రాంతాల్లో వైద్య బృందాలు, అంబులెన్సులను సిద్ధంగా ఉంచాలని ఆదేశించారు. అత్యవసర పరిస్థితుల్లో సహాయక చర్యలు చేపట్టేందుకు ఎన్‌డీఆర్‌ఎఫ్‌ (NDRF), ఎస్‌డీఆర్‌ఎఫ్‌ (SDRF) బృందాలను అందుబాటులో ఉంచాలని సూచించారు. మెరైన్ పోలీసులు, నౌకాదళం, కోస్ట్‌గార్డ్ సేవలను అవసరాన్ని బట్టి వినియోగించుకోవాలని దిశానిర్దేశం చేశారు.
పలు జిల్లాలకు భారీ వర్ష సూచన.!
వాతావరణ శాఖ అంచనాల ప్రకారం తుపాను ప్రభావంతో ఉత్తర కోస్తాంధ్రతో పాటు కోనసీమ, ఉభయ గోదావరి జిల్లాలు, ఏలూరు, కృష్ణా, ఎన్టీఆర్, గుంటూరు, పల్నాడు, బాపట్ల, ప్రకాశం, నెల్లూరు జిల్లాల్లో వర్షాలు కురిసే అవకాశం ఉంది. కొన్ని ప్రాంతాల్లో భారీ నుంచి అతి భారీ వర్షాలు నమోదయ్యే ప్రమాదం ఉందని అంచనా వేస్తున్నారు. తీర ప్రాంతాల్లో బలమైన ఈదురుగాలులు వీచే అవకాశం ఉండటంతో మత్స్యకారులు సముద్రంలోకి వెళ్లవద్దని హెచ్చరికలు జారీ చేయాలని అధికారులు సూచించారు. ప్రజలు అత్యవసరమైతే తప్ప బయటకు రావద్దని, అధికార యంత్రాంగం జారీ చేసే సూచనలను పాటించాలని విజ్ఞప్తి చేస్తున్నారు.
పంటలు, నిత్యావసరాలపై ప్రత్యేక దృష్టి.!
తుపాను కారణంగా వ్యవసాయ రంగానికి నష్టం వాటిల్లకుండా ముందస్తు చర్యలు తీసుకోవాలని సీఎం చంద్రబాబు అధికారులను ఆదేశించారు. కోత కోసిన ధాన్యాన్ని సురక్షిత ప్రాంతాలకు తరలించేందుకు రైతులకు సహకరించాలని సూచించారు. రాష్ట్రంలో సుమారు 1.82 లక్షల హెక్టార్లలో ఉన్న ఉద్యాన పంటలను రక్షించేందుకు అవసరమైన చర్యలు చేపట్టాలని వ్యవసాయ శాఖకు దిశానిర్దేశం చేశారు. అదేవిధంగా ప్రభావిత ప్రాంతాల్లో నిత్యావసర సరుకులు, రేషన్ సరుకులు అందుబాటులో ఉండేలా చూడాలని సూచించారు. అవసరమైన మందులు, తాగునీరు, ఆహార పదార్థాలను ముందుగానే సిద్ధం చేసుకోవాలని అధికారులకు తెలిపారు.
ప్రతి నాలుగు గంటలకు హెచ్చరికల బులెటిన్.!
తుపాను గమనాన్ని బట్టి ప్రతి నాలుగు గంటలకు ఒకసారి హెచ్చరికలతో కూడిన బులెటిన్ విడుదల చేయాలని సీఎం ఆదేశించారు. గత తుపానుల అనుభవాలను దృష్టిలో ఉంచుకుని ఈసారి మరింత పకడ్బందీగా వ్యవహరించాలని సూచించారు. సామాజిక మాధ్యమాల్లో తప్పుడు సమాచారం, వదంతులు వ్యాప్తి చేసే వారిపై నిబంధనల ప్రకారం చర్యలు తీసుకోవాలని అధికారులకు తెలిపారు.
తుపాను తీవ్రతను బట్టి ప్రభావిత ప్రాంతాల్లో విద్యాసంస్థలకు సెలవులు ప్రకటించే అంశంపై నిర్ణయం తీసుకునే అధికారాన్ని సంబంధిత జిల్లా కలెక్టర్లకు అప్పగించారు.మొత్తంగా, తుపాను ముప్పు నేపథ్యంలో ఆంధ్రప్రదేశ్ ప్రభుత్వం అప్రమత్తమై ముందస్తు చర్యలను వేగవంతం చేసింది. ప్రజల ప్రాణాలను కాపాడటం, విద్యుత్ సరఫరాను సాధ్యమైనంతవరకు నిరంతరాయంగా కొనసాగించడం, అత్యవసర పరిస్థితుల్లో వెంటనే సహాయక చర్యలు చేపట్టడంపై అధికార యంత్రాంగం దృష్టి సారించింది. వాతావరణ శాఖ సూచనలను పాటిస్తూ ప్రజలు అప్రమత్తంగా ఉండటం అత్యంత కీలకం.
[ Cyclone Arnab, AP Cyclone Alert, Arnab Storm landfall, Andhra Pradesh weather news, IMD cyclone warning, AP electricity staff leave canceled, Andhra Pradesh rains, IMD weather alert, Disaster management AP ]
భాగ్యనగర ప్రయాణ ముఖచిత్రం మారనుందా? నగరంలో మెట్రో రైలు సేవలను శివారు ప్రాంతాలకు విస్తరించడంతో పాటు విమానాశ్రయానికి మెట్రో కనెక్టివిటీని కల్పించే దిశగా హైదరాబాద్ మెట్రో ఫేజ్–2 ప్రాజెక్టు కీలక దశకు చేరుకుంది. మొత్తం 76 కిలోమీటర్ల మేర ఐదు కారిడార్లతో ఈ ప్రాజెక్టును ప్రతిపాదించారు. ఇందుకోసం రూ.24,269 కోట్ల వ్యయాన్ని అంచనా వేశారు. ఈ విస్తరణ అందుబాటులోకి వస్తే నగరంలోని పలు ప్రాంతాల ప్రజలకు ప్రయాణం మరింత సులభం కానుంది.
ఐదు కారిడార్లు.. నగరం నలుమూలలకు మెట్రో కనెక్టివిటీ.!
1. నాగోల్ – శంషాబాద్ విమానాశ్రయం (36.8 కి.మీ)
ఫేజ్–2లో అత్యంత పొడవైన కారిడార్‌గా నాగోల్–శంషాబాద్ విమానాశ్రయ మార్గాన్ని ప్రతిపాదించారు. ఎల్బీనగర్, చాంద్రాయణగుట్ట పరిసర ప్రాంతాల నుంచి విమానాశ్రయానికి మెట్రో సౌకర్యం అందుబాటులోకి వస్తే ప్రయాణికులకు ఎంతో వెసులుబాటు కలగనుంది. ముఖ్యంగా విమాన ప్రయాణికులు, ఉద్యోగులు రోడ్డు మార్గంలో ఎదురయ్యే ట్రాఫిక్ ఇబ్బందులను అధిగమించే అవకాశం ఉంటుంది.
2. రాయదుర్గం – కోకాపేట నియోపోలిస్ (11.6 కి.మీ)
పశ్చిమ హైదరాబాద్‌లో వేగంగా అభివృద్ధి చెందుతున్న ఐటీ, ఫైనాన్షియల్ డిస్ట్రిక్ట్, కోకాపేట ప్రాంతాలకు ఈ కారిడార్ కీలకం కానుంది. ఇక్కడ నివసించే వారు, వివిధ సంస్థల్లో పనిచేసే ఉద్యోగులకు మెరుగైన ప్రజా రవాణా సౌకర్యం అందుబాటులోకి వచ్చే అవకాశం ఉంది. మెట్రో సేవలతో ప్రయాణ సమయం తగ్గడంతో పాటు రోడ్లపై వాహనాల రద్దీ కూడా తగ్గవచ్చు.
3. ఎంజీబీఎస్ – చాంద్రాయణగుట్ట (7.5 కి.మీ)
పాతబస్తీ ప్రాంతాలకు మెట్రో కనెక్టివిటీని విస్తరించే దిశగా ఈ కారిడార్‌ను ప్రతిపాదించారు. ఎంజీబీఎస్ నుంచి చాంద్రాయణగుట్ట వరకు మెట్రో సేవలు అందుబాటులోకి వస్తే పాత నగరంలోని ప్రజలకు ఇతర ప్రాంతాలకు చేరుకోవడం మరింత సులభమవుతుంది. రోజువారీ ప్రయాణికులకు రవాణా సౌకర్యాలు మెరుగుపడటంతో పాటు రహదారులపై రద్దీ తగ్గే అవకాశం ఉంది.
4. మియాపూర్ – పటాన్‌చెరువు (13.4 కి.మీ)
పశ్చిమ హైదరాబాద్‌లో వేగంగా విస్తరిస్తున్న నివాస ప్రాంతాలు, పారిశ్రామిక ప్రాంతాలకు మెరుగైన రవాణా సౌకర్యం కల్పించడమే ఈ కారిడార్ ప్రధాన ఉద్దేశం. మియాపూర్, పటాన్‌చెరువు మధ్య రాకపోకలు సాగించే ఉద్యోగులు, విద్యార్థులు, ఇతర ప్రయాణికులకు మెట్రో సేవలు అందుబాటులోకి వస్తే ప్రయాణం మరింత సౌకర్యవంతంగా మారే అవకాశం ఉంది.
5. ఎల్బీనగర్ – హయత్నగర్ (7.1 కి.మీ)
తూర్పు హైదరాబాద్ శివారు ప్రాంతాలకు మెట్రో సేవలను విస్తరించేందుకు ఈ కారిడార్‌ను ప్రతిపాదించారు. ఎల్బీనగర్ నుంచి హయత్నగర్ వరకు మెట్రో కనెక్టివిటీ ఏర్పడితే ఈ ప్రాంతాల ప్రజలు నగరంలోని ఇతర ప్రాంతాలకు చేరుకోవడం సులభమవుతుంది. ఉద్యోగులు, విద్యార్థులు, రోజువారీ ప్రయాణికులకు ఇది ప్రయోజనకరంగా మారవచ్చు.
ప్రయాణికులకు ఏమిటి లాభం.?
హైదరాబాద్ మెట్రో ఫేజ్–2 ప్రాజెక్టులోని ఐదు కారిడార్లు పూర్తిస్థాయిలో అందుబాటులోకి వస్తే నగర ప్రజా రవాణా వ్యవస్థ మరింత విస్తరించే అవకాశం ఉంది. ముఖ్యంగా విమానాశ్రయానికి వెళ్లే ప్రయాణికులు, ఐటీ ఉద్యోగులు, పాతబస్తీ ప్రజలు, శివారు ప్రాంతాల్లో నివసించే వారికి ప్రయాణ సౌకర్యాలు మెరుగుపడవచ్చు. మెట్రో సేవల పరిధి పెరగడంతో వ్యక్తిగత వాహనాల వినియోగం తగ్గి, రహదారులపై ట్రాఫిక్ ఒత్తిడి తగ్గే అవకాశముంది. ప్రయాణ సమయం, ఇంధన ఖర్చులు ఆదా కావడంతో పాటు ప్రజా రవాణా వినియోగం పెరిగే అవకాశం కూడా ఉంది.
ఎప్పటిలోగా పూర్తవుతుంది.?
ఈ ప్రాజెక్టును 2029 నాటికి పూర్తి చేయాలనే లక్ష్యం ఉన్నట్లు సమాచారం. అయితే కారిడార్ల నిర్మాణం ఎప్పుడు ప్రారంభమవుతుంది? ఏ మార్గానికి ముందుగా ప్రాధాన్యం ఇస్తారు? ప్రాజెక్టు పనులు ఎప్పటిలోగా పూర్తవుతాయి? అనే అంశాలపై అధికారిక అమలు ప్రణాళిక కీలకం కానుంది. మొత్తంగా, హైదరాబాద్ మెట్రో ఫేజ్–2 ప్రతిపాదిత కారిడార్లు కార్యరూపం దాలిస్తే నగర ప్రజా రవాణా వ్యవస్థలో కీలక మార్పులు చోటుచేసుకునే అవకాశం ఉంది. అయితే ప్రాజెక్టు ఆమోదం, నిధుల కేటాయింపు, నిర్మాణ షెడ్యూల్‌పై అధికారిక వివరాలే తుది స్పష్టతనిస్తాయి.
[ Hyderabad Metro Phase 2, Hyderabad Metro Expansion, Central Government Approval, Hyderabad Metro Project, ₹24,269 Crore Metro Project, 76 KM Metro Expansion, Five Metro Corridors, Nagole to Shamshabad Airport Metro, Rayadurg to Kokapet Metro, MGBS to Chandrayangutta Metro, Miyapur to Patancheru Metro, LB Nagar to Hayathnagar Metro ]
తమిళనాడు రాజకీయాల్లో తీవ్ర సంచలనం రేపిన వంద కోట్ల రూపాయల ప్రైవేట్ పాఠశాలల అనుమతుల కుంభకోణంలో డీఎంకే సీనియర్ నేత, మాజీ విద్యాశాఖ మంత్రి అన్బిల్ మహేష్ పొయ్యమొళిని పోలీసులు అదుపులోకి తీసుకున్నారు. ప్రైవేట్ పాఠశాలల నుంచి భారీ ఎత్తున నిధులు వసూలు చేశారనే ఆరోపణలు ఎదుర్కొంటున్న ఆయనను చెన్నై పోలీసులు సోమవారం అరెస్ట్ చేయడం రాష్ట్రంలో రాజకీయ ప్రకంపనలు సృష్టిస్తోంది.
ఈ కుంభకోణానికి సంబంధించి చెన్నైలోని అమింజికరై ప్రాంతంలో ఉన్న ఓ అపార్ట్‌మెంట్‌లో ఆయన్ని పోలీసులు అదుపులోకి తీసుకున్నారు. అనంతరం తదుపరి విచారణ నిమిత్తం ఆయనను నేరుగా పోలీస్ కమిషనర్ కార్యాలయానికి తరలించారు. గత కొంతకాలంగా ఈ కేసులో విచారణ ఎదుర్కొంటున్న అన్బిల్ మహేష్ అరెస్ట్ రాష్ట్ర రాజకీయాల్లో ఒక్కసారిగా హాట్ టాపిక్‌గా మారింది.
ఈ కేసుకు సంబంధించి అన్బిల్ మహేష్ దాఖలు చేసిన ముందస్తు బెయిల్ పిటిషన్‌ను మద్రాస్ హైకోర్టు కొట్టివేయడంతోనే ఈ అరెస్ట్ వేగవంతమైంది. హైకోర్టు న్యాయమూర్తి జస్టిస్ వి. లక్ష్మీనారాయణన్ ఈ ముందస్తు బెయిల్ అర్జీని సోమవారం తోసిపుచ్చారు. ప్రభుత్వ అనుమతులు, శాశ్వత గుర్తింపుల పేరుతో ఈ భారీ అక్రమ వసూళ్లు జరిగాయని, ఇది ఆర్థిక ఉగ్రవాదంతో సమానమని రాష్ట్ర ప్రభుత్వం తరఫు న్యాయవాదులు కోర్టులో గట్టిగా వాదించారు.
గత డీఎంకే ప్రభుత్వ హయాంలో అన్బిల్ మహేష్ విద్యాశాఖ మంత్రిగా బాధ్యతలు నిర్వర్తించిన కాలంలో ఈ అవినీతి జరిగినట్లు ప్రధాన ఆరోపణ ఉంది. రాష్ట్రంలోని సుమారు వెయ్యికి పైగా ప్రైవేట్ పాఠశాలల యాజమాన్యాల నుంచి పార్టీ నిధుల పేరుతో భారీ మొత్తంలో వసూళ్లకు పాల్పడ్డారని సెంట్రల్ క్రైమ్ బ్రాంచ్ (CCB) పోలీసులు నమోదు చేసిన ఎఫ్‌ఐఆర్‌లో పేర్కొన్నారు.
స్కూళ్లకు శాశ్వత గుర్తింపు, అప్‌గ్రేడేషన్, టౌన్ అండ్ కంట్రీ ప్లానింగ్ (DTCP) క్లియరెన్స్‌లు ఇప్పిస్తామని నమ్మబలికి ఈ వసూళ్లు చేశారని ప్రైవేట్ స్కూళ్ల అసోసియేషన్ వర్గాలు ఫిర్యాదు చేశాయి. ఈ కేసుకు సంబంధించి ఇప్పటికే పలువురు మధ్యవర్తులను, అనుమానితులను పోలీసులు అరెస్ట్ చేయగా, తాజాగా మాజీ మంత్రి స్వయంగా అరెస్ట్ కావడం విచారణను కీలక మలుపు తిప్పింది.
మరోవైపు ఈ పరిణామాలపై డీఎంకే పార్టీ తీవ్రంగా స్పందించింది. రాజకీయ కక్షసాధింపు చర్యల్లో భాగంగానే ప్రత్యర్థి పార్టీల నేతలను లక్ష్యంగా చేసుకుని దర్యాప్తు సంస్థలను ఉసిగొల్పుతున్నారని డీఎంకే వర్గాలు ఆరోపిస్తున్నాయి. అవినీతి నిరోధక చట్టంతో పాటు మనీలాండరింగ్ నిరోధక చట్టం కింద కూడా దర్యాప్తు ముమ్మరం కావడంతో ఈ కేసు విచారణ మరింత విస్తరించే అవకాశం ఉంది.
ఈ పరిణామాలు రాబోయే రోజుల్లో తమిళనాడు రాజకీయాల్లో ఎలాంటి అధికారిక మలుపులకు దారితీస్తాయనే దానిపై సర్వత్రా ఉత్కంఠ నెలకొంది. పాఠశాల విద్యా వ్యవస్థలో అవినీతి కోణాలపై వస్తున్న ఈ ఆరోపణలు విద్యావర్గాల్లో కూడా తీవ్ర చర్చనీయాంశంగా మారాయి.
[ Anbil Mahesh arrest, DMK former minister arrested, Tamil Nadu school scam, Rs 100 crore scam, Chennai police CCB, Telugu One, Telugu News ]
హత్య కేసు నుంచి తప్పించుకునేందుకు మేక శవంతో డెత్ డ్రామా.!
న్యాయస్థానం నుంచి శిక్ష తప్పించుకోవడానికి నేరస్థులు రకరకాల వ్యూహాలు పన్నుతుంటారు. కానీ ఉత్తరప్రదేశ్‌లో వెలుగు చూసిన ఒక ఉదంతం మాత్రం అందరినీ విస్మయానికి గురిచేస్తోంది. ఓ హత్య కేసులో విచారణ ఎదుర్కొంటున్న నిందితుడు, తాను చనిపోయినట్లు నమ్మించేందుకు ఏకంగా ఆర్టిఫిషియల్ ఇంటెలిజెన్స్‌ను, ఒక మేకను ఉపయోగించి పక్కాగా డెత్ డ్రామా నడిపాడు.
పోలీసుల వివరాల ప్రకారం.. ఉత్తరప్రదేశ్‌లోని మౌ ప్రాంతానికి చెందిన రాజ్‌కుమార్ రాజ్‌భర్ అనే వ్యక్తి 2016 నాటి ఒక హత్య కేసులో ప్రధాన నిందితుడిగా ఉన్నాడు. ఈ కేసు విచారణ కోర్టులో కొనసాగుతున్న తరుణంలో, చట్టం నుంచి శాశ్వతంగా తప్పించుకోవడానికి అతడు ఒక ప్లాన్ వేశాడు. ఇందులో భాగంగా గత ఏడాది మే 30న ఘాజీపూర్ ప్రాంతంలో తన మరణాన్ని నాటకీయంగా సృష్టించాలని నిర్ణయించుకున్నాడు.
తన మరణాన్ని అందరూ నమ్మేలా చేయడానికి నిందితుడు వినూత్న మార్గాన్ని ఎంచుకున్నాడు. శ్మశానవాటికలో చితిపై శవం ఉన్నట్లుగా ఏఐ (ఆర్టిఫిషియల్ ఇంటెలిజెన్స్) సాయంతో కొన్ని ఫోటోలను మార్ఫింగ్ చేయించాడు. అంతేకాకుండా, సరిగ్గా అదే సమయంలో ఒక మేక కళాకళేబరాన్ని చితిపై ఉంచి దహన సంస్కారాలు నిర్వహించినట్లు నమ్మబలికారు. అంత్యక్రియలకు సంబంధించిన ఊరేగింపు దృశ్యాలను కూడా సృష్టించి స్థానిక అధికారులను తప్పుదోవ పట్టించారు.
ఈ నకిలీ ఆధారాలను అడ్డుపెట్టుకుని రాజ్‌భర్ మున్సిపల్ అధికారుల నుంచి అధికారిక మరణ ధృవీకరణ పత్రాన్ని (డెత్ సర్టిఫికేట్) పొందాడని పోలీసులు వెల్లడించారు. ఆ సర్టిఫికేట్‌ను కోర్టులో సమర్పించి తాను చనిపోయానని, ఇక విచారణకు రాలేనని నమ్మించే ప్రయత్నం చేశాడు. ఆ తర్వాత కొద్దికాలం పాటు అజ్ఞాతంలోకి వెళ్లి ఎవరికీ దొరకకుండా తిరుగుతూ వచ్చాడు.
అయితే నిందితుడి కదలికలపై నిఘా ఉంచిన ప్రత్యేక పోలీసు బృందాలు (SOG), సర్వైలెన్స్ టీమ్ సహాయంతో లోతుగా దర్యాప్తు చేపట్టాయి. ఈ విచారణలో అసలు నిజాలు బయటపడటంతో అధికారులు అవాక్కయ్యారు. మరణ ధృవీకరణ పత్రం జారీ అయిన విధానంపై అనుమానం వ్యక్తం చేసిన పోలీసులు, సాంకేతిక పరిజ్ఞానాన్ని దుర్వినియోగం చేసిన తీరును గుర్తించారు.
ఈ క్రమంలోనే ఖ్వాజాజహాన్‌పూర్ ప్రాంతంలో తలదాచుకున్న రాజ్‌కుమార్‌ను పోలీసులు ఆదివారం విజయవంతంగా అరెస్టు చేశారు. నకిలీ పత్రాలను సృష్టించి న్యాయస్థానాన్ని మోసగించినందుకు గాను అతనిపై భారతీయ న్యాయ సంహిత (BNS)లోని వివిధ సెక్షన్ల కింద కఠిన కేసులు నమోదు చేసినట్లు అధికారులు తెలిపారు. ఆధునిక సాంకేతికతను నేరాలకు ఎలా వాడుకుంటున్నారనేదానికి ఈ ఘటన అద్దం పడుతుండగా, కోర్టులను తప్పుదోవ పట్టించే ఇలాంటి అసాధారణ నేరస్థులపై కఠిన చర్యలు తీసుకోవాలని ప్రజలు కోరుకుంటున్నారు.
[ Rajkumar Rajbhar, Uttar Pradesh Police, AI Faked Death Case, Mau Murder Accused Arrested,
Artificial Intelligence Crime, Fake Death Certificate Fraud, Telugu One, Telugu News ]
.webp)
దేశ రాజధాని దిల్లీలో ఎన్నికల సంఘం పనితీరును నిరసిస్తూ కొనసాగుతున్న ఆందోళనల నేపథ్యంలో కాంగ్రెస్ అగ్రనేత, లోక్‌సభలో ప్రతిపక్ష నాయకుడు రాహుల్ గాంధీ కేంద్ర ప్రభుత్వంపై తీవ్ర స్థాయిలో మండిపడ్డారు. ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌ను తక్షణమే పదవి నుంచి బర్తరఫ్ చేయాలని ఆయన ప్రధాని నరేంద్ర మోదీని డిమాండ్ చేశారు. ఒకవేళ ప్రభుత్వం ఈ డిమాండ్‌కు తలవంచి ఆయనను తొలగిస్తే, దేశ రాజధానిలో ప్రస్తుతం జరుగుతున్న నిరసన ప్రదర్శనలు కేవలం ముప్పై సెకన్ల వ్యవధిలోనే పూర్తిగా నిలిచిపోతాయని ఆయన స్పష్టం చేశారు.
ఈ నిరసనల సెగ దిల్లీలోని స్థానిక వ్యాపార వర్గాలకు, సామాన్య ప్రజలకు తీవ్ర అంతరాయం కలిగిస్తోందని రాహుల్ గాంధీ ఆవేదన వ్యక్తం చేశారు. ఆందోళనల కారణంగా నగరంలో మెట్రో స్టేషన్ల మూసివేత, కఠినమైన ట్రాఫిక్ నిబంధనలు, రోడ్లపై ఆంక్షలు విధించడంతో ప్రజలు పడుతున్న ఇబ్బందులపై ఆయన స్పందించారు. దిల్లీలోని ప్రతి వర్తకుడి బాధ తమకు తెలుసని, వారి సమస్యలను కూలంకషంగా అర్థం చేసుకుంటున్నామని ఆయన పేర్కొన్నారు.
ఓట్ల తొలగింపు ఎన్నికల ప్రక్రియలో జరుగుతున్న అవకతవకలపై విపక్షాలు చేస్తున్న ఆందోళనలను అణచివేయాలని కేంద్రం చూస్తోందని కాంగ్రెస్ నేతలు ఆరోపిస్తున్నారు. అయితే, ఈ ఆందోళనలకు ప్రధాన కారణం ఎన్నికల సంఘం అనుసరిస్తున్న ఏకపక్ష విధానాలేనని విపక్ష నేతలు గట్టిగా వాదిస్తున్నారు. ప్రజాస్వామ్య పరిరక్షణ కోసమే తాము రోడ్డెక్కి పోరాడుతున్నామని, ప్రభుత్వ కనుసన్నల్లోనే ఈసీ వ్యవహరిస్తోందని ప్రతిపక్ష కూటమి నాయకులు దుయ్యబట్టారు. దేశంలో ఎన్నికల నిష్పాక్షికత ప్రశ్నార్థకంగా మారిందని, దీనికి బాధ్యులైన వారు ఎంతటివారైనా తగిన మూల్యం చెల్లించుకోక తప్పదని హెచ్చరించారు.
రాహుల్ గాంధీ చేసిన ఈ తాజా ప్రకటన రాజకీయ వర్గాల్లో తీవ్ర చర్చనీయాంశంగా మారింది. అధికార, ప్రతిపక్షాల మధ్య మాటల యుద్ధం తారస్థాయికి చేరడంతో రానున్న రోజుల్లో ఈ ఆందోళనలు మరింత ఉద్రిక్త రూపుదాల్చే అవకాశాలు కనిపిస్తున్నాయి. ఈ పరిణామాలు కేంద్ర ప్రభుత్వంపై తీవ్ర రాజకీయ ఒత్తిడిని పెంచుతుండగా, ఎన్నికల సంఘం వివాదంపై దేశవ్యాప్తంగా సర్వత్రా ఉత్కంఠ నెలకొంది.
[ Rahul Gandhi, Gyanesh Kumar, PM Narendra Modi, Election Commission, Delhi Protests, Congress, India Bloc, Telugu News, Telugu One ]
ALSO ON TELUGUONE N E W S
The team representing Vijay Deverakonda and Rashmika Mandanna, popularly known as Virosh, has lodged a formal complaint with Hyderabad Cyber Crime authorities over allegedly false and misleading content targeting the couple online.
The complaint seeks an impartial investigation into fabricated narratives, manipulated screenshots, impersonation and targeted harassment circulating across social media platforms. The team has submitted relevant links and supporting evidence to the authorities, urging them to investigate the alleged misuse of digital platforms.
In its statement, the team drew a distinction between genuine criticism and the deliberate presentation of fabricated or misleading claims as facts. It also called for an investigation into any coordinated or paid campaigns, if supported by evidence. The complaint comes amid online backlash following Vijay and Rashmika’s appearance on Koffee With Karan, where their conversation about their relationship and marriage triggered criticism and speculation.
The team clarified that its action was not intended to curb freedom of speech or genuine opinions, but to seek accountability for potentially unlawful content. It added that appropriate legal remedies would be pursued wherever warranted and urged social media users to avoid spreading unverified claims.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Naga Chaitanya’s epic thriller Vrushakarma, directed by Karthik Dandu, has secured a major distribution boost with Dil Raju’s SVC acquiring the film’s theatrical distribution rights for Andhra Pradesh, Telangana and Karnataka. Apparently, the producer paid a huge price for this big budget film - highest ever in Chay's career.
The association comes amid growing anticipation for the film, with the recent press visit to its meticulously designed cave set offering a glimpse into the scale and detailing behind the ambitious project. Even non-theatrical rights have fetched high amounts recovering major amounts for the producers, say reports.
Naga Chaitanya has expressed strong confidence in Karthik Dandu’s script and execution, with the film being mounted on an epic scale by BVSN Prasad and Sukumar Writings. Dil Raju’s association adds further weight to the film’s theatrical prospects, given SVC’s established presence in the Telugu market.
Vrushakarma stars Meenakshi Chaudhary as the leading lady, with Sparsh Srivastav in a prominent role. The film is scheduled for a worldwide theatrical release on December 4. Naga Chaitanya is super confident about the film and releasing on Pushpa 2 date, makers are also expecting the same magic at box office.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
వెంకటేష్, త్రివిక్రమ్ శ్రీనివాస్ కాంబినేషన్‌లో వస్తున్న ‘ఆదర్శ కుటుంబం – హౌస్ నెం.47’ సినిమాకు ఆంధ్రప్రదేశ్ ప్రభుత్వం గుడ్‌న్యూస్ చెప్పింది. ఈ సినిమా టికెట్ ధరలు పెంచుకునేందుకు అనుమతి ఇచ్చింది. అంతేకాదు.. రోజుకు ఐదు షోలు ప్రదర్శించుకునే వెసులుబాటు కూడా కల్పించింది. అక్టోబర్ 30న విడుదల కానున్న ఈ సినిమాకు సంబంధించి ప్రభుత్వం సోమవారం ఉత్తర్వులు జారీ చేసింది.
ప్రభుత్వం జారీ చేసిన ఉత్తర్వుల ప్రకారం.. మల్టీప్లెక్స్‌లలో ఒక్కో టికెట్‌పై రూ.75, సింగిల్ స్క్రీన్ థియేటర్లలో రూ.50 పెంచుకునేందుకు అనుమతి లభించింది. ఈ మొత్తాల్లో జీఎస్టీ కూడా కలిపి ఉంటుంది. పెంచిన ధరలు సినిమా విడుదలైన రోజు నుంచి 10 రోజుల పాటు అమల్లో ఉండనున్నాయి.
అలాగే రోజుకు ఐదు షోలు ప్రదర్శించుకునేందుకు కూడా ప్రభుత్వం అవకాశం కల్పించింది. దీంతో విడుదలైన తొలి పది రోజులు పెంచిన టికెట్ ధరలతో పాటు అదనపు షోల ద్వారా సినిమా భారీ వసూళ్లకు అవకాశం ఏర్పడింది.
వెంకటేష్ హీరోగా, త్రివిక్రమ్ దర్శకత్వంలో రూపొందిన ఈ ఫ్యామిలీ యాక్షన్ ఎంటర్‌టైనర్‌లో శ్రీనిధి శెట్టి హీరోయిన్ గా నటిస్తోంది. హారికా అండ్ హాసిని క్రియేషన్స్ బ్యానర్‌పై ఎస్. రాధాకృష్ణ నిర్మిస్తున్న ఈ చిత్రానికి తమన్ సంగీతం అందిస్తున్నారు.
ఇది కూడా చదవండి: షాకిచ్చిన పవన్ కళ్యాణ్ సతీమణి.. ఇన్‌స్టాగ్రామ్ డీయాక్టివేట్ అసలు కారణం ఇదేనా.?
[Aadarsha Kutumbam AP Ticket Price Hike, Aadarsha Kutumbam Ticket Prices, Aadarsha Kutumbam Movie, Aadarsha Kutumbam Release Date, Venkatesh, Trivikram Srinivas, Srinidhi Shetty, Telugu Film News]
పవర్‌స్టార్ పవన్ కళ్యాణ్ భార్య అన్నా కొణిదెల సోషల్ మీడియాకు దూరమయ్యారు. కొన్ని నెలల క్రితమే ఇన్‌స్టాగ్రామ్‌లోకి అడుగుపెట్టి, తన వ్యక్తిగత జీవితానికి సంబంధించిన ఫొటోలు, విశేషాలను అభిమానులతో పంచుకున్న ఆమె.. ఇప్పుడు అకస్మాత్తుగా తన ఖాతాను డీయాక్టివేట్ చేయడం చర్చనీయాంశంగా మారింది. అసలు అన్నా ఈ నిర్ణయం ఎందుకు తీసుకున్నారు? సోషల్ మీడియాలో వస్తున్న విమర్శలే కారణమా? అన్న ప్రశ్నలు వినిపిస్తున్నాయి.
పవన్ చాలాకాలంగా సోషల్ మీడియాలో యాక్టివ్‌గా ఉంటున్నప్పటికీ.. అన్నా కొణిదెల మాత్రం వ్యక్తిగత జీవితాన్ని ఎక్కువగా ప్రైవేట్‌గానే ఉంచేవారు. అయితే 2026 మార్చిలో ఆమె ఇన్‌స్టాగ్రామ్‌లోకి అడుగుపెట్టారు. ఈ సందర్భంగా పవన్ తో కలిసి ఉన్న ఫొటోను షేర్ చేస్తూ తన కొత్త ప్రయాణాన్ని ప్రారంభించారు. అన్నా సోషల్ మీడియాలోకి రావడంపై మెగా అభిమానులు కూడా సంతోషం వ్యక్తం చేశారు.
ఆ తర్వాత కుటుంబానికి సంబంధించిన ఫొటోలు, వ్యక్తిగత విశేషాలను ఆమె పంచుకున్నారు. అభిమానులు అడిగిన ప్రశ్నలకు సమాధానాలు కూడా ఇచ్చారు. దీంతో ఆమె ఇన్‌స్టాగ్రామ్ ఖాతాపై ఆసక్తి పెరిగింది. కానీ ఇప్పుడు అకౌంట్ డీయాక్టివేట్ కావడంతో అభిమానులు ఆశ్చర్యపోతున్నారు.
అన్నా కొణిదెల ఇన్‌స్టాగ్రామ్ నుంచి తప్పుకోవడానికి సోషల్ మీడియాలో వస్తున్న నెగిటివ్ కామెంట్లు కారణమై ఉండొచ్చనే ప్రచారం జరుగుతోంది. పవన్ రాజకీయాల్లో కీలకంగా వ్యవహరిస్తున్న నేపథ్యంలో.. ఆయనపై జరిగే రాజకీయ విమర్శలు కొన్నిసార్లు కుటుంబ సభ్యుల వరకు కూడా వెళ్తుంటాయి. ఈ క్రమంలో అన్నా కూడా ఆన్‌లైన్‌లో విమర్శలను ఎదుర్కొన్నారనే కథనాలు వస్తున్నాయి.
అయితే ఆమె ఖాతాను ఎందుకు డీయాక్టివేట్ చేశారనే విషయంపై ఇప్పటివరకు అధికారికంగా ఎలాంటి వివరణ రాలేదు. కాబట్టి నెగిటివ్ కామెంట్ల వల్లే ఈ నిర్ణయం తీసుకున్నారని నిర్ధారించలేం. వ్యక్తిగత కారణాలతోనైనా ఆమె సోషల్ మీడియాకు విరామం ఇచ్చి ఉండొచ్చనే అభిప్రాయాలు కూడా ఉన్నాయి.
అయితే ఇది తాత్కాలిక విరామమా? లేక అన్నా కొణిదెల ఇకపై సోషల్ మీడియాకు దూరంగా ఉండాలని నిర్ణయించుకున్నారా? అన్నది తెలియాల్సి ఉంది.
ఇది కూడా చదవండి: కొమ్మూరి సాంబశివరావు శత జయంతి.. ఇందిరా గాంధీ హత్యను ముందే ఊహించిన రచయిత.!
[Pawan Kalyan Wife Instagram Deactivated, Anna Konidela Instagram Deactivated, Anna Konidela Instagram, Pawan Kalyan, Anna Konidela, Instagram, Telugu Film News]
సాయి పల్లవి సీతమ్మ వారుగా రామాయణతో అలరిస్తున్న విషయం తెలిసిందే. అదే టైంలో ధనుష్ తో చేస్తున్న ఓం సినిమాలో లేడీ ఐపిఎస్ ఆఫీసర్ గా కనిపిస్తుంది. రీసెంట్ గా ఓం కి సంబంధించి మేకర్స్ సాయి పల్లవి లుక్ రిలీజ్ చేసారు.
'నిత్యారెడ్డి' అనే అత్యంత శక్తివంతమైన, విభిన్నమైన క్యారక్టర్ లో కనిపించబోతుంది. ఆమె కెరీర్‌లో ఇప్పటివరకు ఎప్పుడూ చూడని సరికొత్త కోణంలో ఈ క్యారక్టర్ సాగనుందని సమాచారం. కేవలం సాధారణ రోల్ కే పరిమితం కాకుండా, కథలో అత్యంత ప్రాధాన్యత ఉన్న ఇంటెన్స్ రోల్‌లో తన అద్భుతమైన నటనతో మెప్పించనున్నారు. ఎర్ర చందనం అక్రమ రవాణాని అడ్డుకునేందుకు పోలీస్ ఆఫీసర్ నిత్య రెడ్డి ఏం చేసిందో తెలియాలంటే నవంబర్ 20 వరకు ఆగాల్సిందే. ఎందుకంటే ఓం రిలీజ్ డేట్ నవంబర్ 24.
ఇది కూడా చదవండి: నా కెరీర్ నిలబెట్టింది ఆయనే: జయప్రద వ్యాఖ్యలు వైరల్!
నిజ జీవిత సంఘటనల స్ఫూర్తితో ఈ కల్పిత కథను దర్శకుడు తెరకెక్కిస్తున్నట్లు తెలుస్తోంది. ఈ భారీ చిత్రంలో సాయిపల్లవితో పాటు ట్రెండింగ్ హీరోయిన్ శ్రీలీల కూడా మరో కీలక నాయికగా చేస్తున్న విషయం తెలిసిందే. 'అమరన్' తో విజయాన్ని అందుకున్న రాజ్ కుమార్ పెరియసామి దర్శకుడు.
[Sai Pallavi Om Movie Update, Sai Pallavi, Om Movie, Dhanush, Nithya Reddy, Rajkumar Periasamy, Tollywood News, Telugu Movie News,Telugu Cinema, Tollywood, Telugu News, Tollywood News]
తెలుగు సినిమా గురించి ఇప్పుడు ఎన్నో వెబ్‌సైట్లు, యూట్యూబ్ ఛానళ్లు, సోషల్ మీడియా వేదికలు ఉన్నాయి. కానీ దశాబ్దాల క్రితమే సినిమా రంగంలో కొత్త ఒరవడికి నాంది పలికిన పత్రికలు ఉన్నాయి. అలాంటి సమయంలోనే సినిమా జర్నలిజంలో తనదైన ముద్ర వేసి, ఆ తర్వాత తెలుగు డిటెక్టివ్ నవలా ప్రపంచంలో ప్రత్యేక స్థానాన్ని సంపాదించుకున్న వ్యక్తి కొమ్మూరి సాంబశివరావు. ఆయన జన్మించి వందేళ్లు పూర్తయిన సందర్భంగా.. రచయితగా, సంపాదకుడిగా, ప్రచురణకర్తగా, నిర్మాతగా సాగించిన ఆయన ప్రయాణం మరోసారి చర్చకు వస్తోంది.
1926 అక్టోబర్ 26న తెనాలిలో జన్మించిన కొమ్మూరి సాంబశివరావుకు చిన్నప్పటి నుంచే సాహిత్య వాతావరణంతో అనుబంధం ఉంది. ఆయన తండ్రి వెంకట్రామయ్య ప్రింటింగ్ ప్రెస్ నిర్వహించేవారు. ఆ కుటుంబానికి రచయితలతో, సాహిత్యంతో సన్నిహిత సంబంధాలు ఉండేవి. ప్రముఖ రచయిత చలం ఆయనకు పెదనాన్న కాగా, కొడవటిగంటి కుటుంబరావు బావ.
సాంబశివరావు కొంతకాలం ‘ఆంధ్రప్రభ’లో పొలిటికల్ కరస్పాండెంట్‌గా పనిచేశారు. అదే సమయంలో తండ్రి నిర్వహిస్తున్న ‘తెలుగు సినిమా’ మాసపత్రికకు వ్యాసాలు రాసేవారు. 1947లో పత్రిక బాధ్యతలను పూర్తిగా స్వీకరించిన ఆయన.. సినిమా జర్నలిజంలో కొత్త పద్ధతులను పరిచయం చేశారు. రంగుల ముఖచిత్రాలు, స్టూడియో విశేషాలు, నటీనటుల ప్రత్యేక ఇంటర్వ్యూలు, అరుదైన ఛాయాచిత్రాలతో పత్రికను పాఠకులకు మరింత చేరువ చేశారు.
అప్పట్లో సినిమా సమాచారాన్ని అందించే పత్రికగా ‘తెలుగు సినిమా’ మంచి ఆదరణ పొందింది. అయితే కొత్త సినిమా పత్రికలు రావడంతో 1953 ప్రాంతంలో దాన్ని మూసివేశారు. ఆ తర్వాత సాంబశివరావు తన దృష్టిని నవలా రచనపై కేంద్రీకరించారు.
కొమ్మూరి సాంబశివరావు పేరు చెప్పగానే ముందుగా గుర్తుకొచ్చేది డిటెక్టివ్ నవలలు, యుగంధర్ పాత్ర. నేర పరిశోధన, రహస్యాలు, ఊహించని మలుపులతో పాఠకులను చివరి పేజీ వరకు ఉత్కంఠకు గురిచేసే కథన శైలి ఆయన రచనలకు ప్రత్యేక గుర్తింపు తెచ్చింది.
1956లో వెలువడిన ‘లక్షాధికారి హత్య’ ఆయన డిటెక్టివ్ రచనా ప్రయాణంలో కీలకమైన నవలగా నిలిచింది. ఆ తర్వాత డిటెక్టివ్, హారర్, సాంఘిక కథాంశాలతో దాదాపు వంద నవలలు రాశారు. ‘అర్ధరాత్రి పిలుపు’, ‘నెం.888’, ‘చీకటికి వెయ్యి కళ్లు’, ‘దొంగలున్నారు జాగ్రత్త’, ‘ప్రాక్టికల్ జోకర్’ వంటి రచనలు పాఠకుల్లో విశేష ఆదరణ పొందాయి.
ముఖ్యంగా 1984 ప్రాంతంలో పంజాబ్ తీవ్రవాదం నేపథ్యంలో అర్ధరాత్రి పిలుపు అనే నవల రాశారు. ఇందులో భారత ప్రధాన మంత్రిని అతని అంగరక్షకుడే(బాడీగార్డ్) చంపబోతే డిటెక్టివ్ యుగంధర్ అడ్డుపడి రక్షిస్తాడు. ఇది రాసిన కొద్ది నెలలకే అప్పటి ప్రధాని ఇందిరా గాంధీని ఆమె సొంత అంగరక్షకులే కాల్చి చంపడం కాకతాళీయం.
1960లో వచ్చిన ‘చావు తప్పితే చాలు’ తెలుగు తొలి హారర్ నవలల్లో విశేష గుర్తింపు సంపాదించింది. కథలో ఉత్కంఠను పెంచడం మాత్రమే కాదు.. పుస్తకం ముఖచిత్రం నుంచి ప్రచురణ, మార్కెటింగ్ వరకు ప్రతి అంశంపైనా ఆయన ప్రత్యేక శ్రద్ధ చూపేవారు. తన రచనలను సొంత ప్రచురణ సంస్థ ద్వారా పాఠకులకు అందించడం కూడా ఆయన ప్రత్యేకత.
కొమ్మూరి సాంబశివరావు రచనలు పుస్తకాలకే పరిమితం కాలేదు. ఆయన నవలలు వెండితెరపైనా చోటు సంపాదించుకున్నాయి. ‘పట్టుకుంటే లక్ష’ నవల అదే పేరుతో సినిమాగా తెరకెక్కింది. ఈ చిత్రంలో కృష్ణ నటించగా, డిటెక్టివ్ యుగంధర్ పాత్రను నాగభూషణం పోషించారు.
అలాగే ఆయన రాసిన ‘నేను చావను’ నవల ఆధారంగా చిరంజీవి ప్రధాన పాత్రలో ‘నకిలీ మనిషి’ సినిమా రూపొందింది. ‘ఒక చల్లని రాత్రి’ అనే ఆయన సాంఘిక నవల అదే పేరుతో సినిమాగా తెరకెక్కగా, చంద్రమోహన్ నటించారు.
అయితే నిర్మాతగా ఆయన చేపట్టిన ప్రయత్నం మాత్రం ఆశించిన ఫలితాన్ని అందుకోలేకపోయింది. 1975లో జయంతి ప్రధాన పాత్రలో తెలుగు, తమిళ భాషల్లో ‘మళ్లీ ఎప్పుడో ఎక్కడో’ చిత్రాన్ని నిర్మించేందుకు ముందుకొచ్చారు. పెండ్యాల సంగీతం, శ్రీశ్రీ సాహిత్యం అందించిన ఈ సినిమా పూర్తయినా థియేటర్లలో విడుదల కాలేదు. అలా ఆయన సినీ ప్రయాణంలో విడుదల కాని చిత్రంగా అది మిగిలిపోయింది.
1994 మే 17న కొమ్మూరి సాంబశివరావు కన్నుమూశారు. కానీ ఆయన సృష్టించిన యుగంధర్ వంటి పాత్రలు, ఉత్కంఠతో సాగిపోయే నవలలు, తెలుగు సినిమా పత్రికా రంగానికి చేసిన సేవలు ఇప్పటికీ ఆయనను గుర్తుచేస్తూనే ఉన్నాయి. ఒక రచయితకు నిజమైన గుర్తింపు ఆయన జీవించిన కాలంతో ముగిసిపోదు.. ఆయన సృష్టించిన పాత్రలు, కథలు తరతరాల పాఠకులను చేరినప్పుడే ఆ గుర్తింపు మరింత బలపడుతుంది. కొమ్మూరి సాంబశివరావు సాహితీ ప్రయాణం అందుకు ఓ నిదర్శనం.
ఇది కూడా చదవండి: 175 డేస్ రికార్డు.. టాలీవుడ్‌లో చరిత్ర సృష్టించిన టాప్10 సినిమాలు ఇవే.!
[Kommuri Sambasiva Rao Birth Centenary, Kommuri Sambasiva Rao Novels, Artha Raatri Pilupu Novel, Indira Gandhi Death, Kommuri Sambasiva Rao Books, Telugu Detective Novels, Detective Yugandhar, Lakshadhikari Hatya, Telugu Books]
Sai Pallavi has become one of the most sought after actresses in Indian Cinema as she is playing Maa Sita, in upcoming Ramayana. She delivered one of her career best performances in Amaran film, directed by Rajkumar Periasamy. Now, in the director's next film, she is playing IPS Nithya Reddy, who heads operation OM.
She will be seen as IPS officer from Andhra Pradesh cadre, specially, appointed to stop the smuggling of Red Gold, that Red Sandalwood, from Seshachalam forests. She plans the mission and puts the name, OM. Her actions have consequences which she could be regretting post the successful elimination of perpetrators.
Sai Pallavi for the first time is seen in such a powerful police officer role and she fits it perfectly. Her character designed with great care and we can see how heartfully she performed in it. Dhanush and Mammootty are starring in male leading roles of the film with Sai Abhyankkar scoring music.
Already, Ala Kalova song became a chartbuster with Mammootty's Siya glimpse also raising anticipation. With Sai Pallavi glimpse, the makers have confirmed that they are delivering a very compact and highly entertaining take on Red Sandalwood smuggling and incident happened in Seshachalam forest, few years ago. Om is releasing on 20th November.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
జయప్రద లాంటి అందగత్తెని చూడలేదని చెప్పిన వాళ్ళల్లో అభిమానులే కాదు, సినీ మేధావులు, ఉద్దండులు సైతం ఎంతో మంది ఉన్నారు. అలాంటి జయప్రద మన తెలుగు వారవ్వడం మనకెంతో గర్వకారణం. తన సమకాలీనులైన బడా హీరోయిన్స్ సైతం తట్టుకొని జయప్రద సృష్టించిన 'ఆరా' అమోఘం. ఆ చరిత్ర గురించి చెప్పుకుందామంటే అభిమానులు, ప్రేక్షకులే ఆ చరిత్ర చెప్పేస్తారు. కాబట్టి లేటు చెయ్యకుండా జయప్రద రీసెంట్ గా ఒక కార్యక్రమంలో చేసిన వ్యాఖ్యలని చూసేద్దాం.
ఆమె మాట్లాడుతు 'కృష్ణ గారితో 45 చిత్రాలలో కలిసి నటించడం నా జీవితంలో ఒక అద్భుతమైన ఘట్టం. చెప్పక్కర్లేదు ఇంకా.. ఆయన ఆల్మోస్ట్ నా లైఫ్ లో నాకు సపోర్ట్ చేసింది కృష్ణ గారే. యాక్టర్ గా డైరెక్టర్ గా ఒక మంచి మనిషిగా చూశాను నేను" ఆయన ఇచ్చిన ప్రోత్సాహానికి ధన్యవాదాలు. మహేష్ బాబు, నాగార్జున, జూనియర్ ఎన్టీఆర్ వంటి వారితో కూడా నాకు మంచి అనుబంధం ఉందని, శోభన్ బాబు గారు తనను అత్త అని పిలిచే వాళ్ళు. కెరీర్ ప్రారంభంలో అడవి రాముడు సినిమాతో రాఘవేంద్ర రావు గారి దర్శకత్వంలో నటించే అవకాశం రావడం, తొలి షాట్ సమయంలో కలిగిన భయాన్ని, ఆ తర్వాత ఆయన ఇచ్చిన ప్రశంసలను ప్రస్తావించారు.
దర్శకుడు దాసరి నారాయణ రావు గారితో తన అనుబంధం గురించి చెబుతూ, మేఘసందేశం సినిమా షూటింగ్‌లో బికినీ ధరించడానికి నిరాకరించిన సంఘటనను గుర్తుచేసుకున్నారు. దాసరి గారు తనకు గురువులాంటివారని, ఆయన మాట వినలేక ఏడ్చానని, అయితే ఆ తర్వాత ఆయన తనకు నచ్చజెప్పి టైరులో కూర్చోబెట్టి ఆ సన్నివేశాన్ని చిత్రీకరించారని తెలిపారు. ఆ సంఘటన తర్వాత తాను ఎప్పుడూ బికినీ ధరించకూడదని నిర్ణయించుకున్నానని, దాదాపు 30 ఏళ్లుగా ఆ నియమాన్ని పాటిస్తున్నానని ఆమె పేర్కొన్నారు.
ఇది కూడా చదవండి: ఆసిన్ కూతురు సంచలనం: ఇది మాములు రికార్డు కాదు!
కెరీర్‌లోని ఐకానిక్ పాటలైన ఆరేసుకోబోయి పారేసుకున్నాను, చిలక కొట్టుడు కొడితే యమగోల వంటివాటి గురించి జయప్రద మాట్లాడారు. ఆరేసుకోబోయి పారేసుకున్నాను పాట చిత్రీకరణ సమయంలో ఒక చెవిటి ఏనుగు కారణంగా ఎదురైన ఆలస్యాన్ని,ఎన్టీఆర్ గారు సహనంతో ఎదుర్కొన్న తీరు వివరించారు. ఈ పాట అప్పట్లో కోటి రూపాయలు వసూలు చేసిందని, ఇప్పటికీ ఎక్కడికి వెళ్లినా ఆ పాటని గుర్తుచేసుకుంటారని ఆమె తెలిపారు. చిలక కొట్టుడు పాట చిత్రీకరణలో ఎన్టీఆర్ గారి ఉత్సాహం, బాలు, సుశీల గార్ల గానం గురించి ప్రస్తావించారు. ఇప్పటి సినిమాల గురించి మాట్లాడుతూ ఆచార్య, అఖండ వంటి చిత్రాలని చూశానని, ఓటీటీలలో వస్తున్న కంటెంట్‌ను కూడా గమనిస్తున్నానని జయప్రద తెలిపారు. నటిగా తాను ఇప్పటికీ ప్రతి షాట్ విషయంలో టెన్షన్ పడతానని, అది ఒక మంచి క్వాలిటీ అని చెప్పారు. భవిష్యత్తులో ఎలాంటి పాత్రలు చేయాలనే దానిపై ఆమె స్పష్టతను వ్యక్తం చేశారు. గతంలో సాగర సంగమం వంటి పాత్రలు చేయాలని ఉన్నప్పటికీ, ఇప్పుడు సమాజానికి ఉపయోగపడే సవాలుతో కూడిన పాత్రలు చేయాలనుకుంటున్నానని తెలిపారు. కాశ్మీర్ ఫైల్స్ వంటి చిత్రాల స్ఫూర్తితో, "వెరీ వైగరస్, వెరీ వయలెంట్ అండ్ వెరీ కరేజియస్" అయిన క్యారెక్టర్స్ చేయాలని తన కోరికని వెల్లడించారు.
[Jayaprada About Super Star Krishna, Jayaprada latest interview, jayaprada latest comments, jayaprada hit movies, jayaprada, Telugu Cinema, Tollywood, Telugu News, Tollywood News]
Suriya is producing Scene with his wife, Jyothika, in the direction of Jithu Madhavan. The movie has huge expectations and anticipation as Nazriya Nazim and Naslen are part of the cast. As Jithu's previous movie, Avesham, became such a big blockbuster Pan-India that this movie has become highly anticipated from the announcement.
The title glimpse, Naslen glimpse have taken the expectations to next level. As Naslen is playing a dark character, social media is going crazy for his character glimpse. Now, the makers unveiled DSP Inbaraj, Suriya's character glimpse and it introduces his fun and cool side.
We see him as a person being super friendly and extremely unpredictable at the same time. He loves to close the cases fast and has been bit by social media reels fever too. Suriya in this fun role is super cool and the smoking shot is being talked about as the glimpse became viral from Dubai launch event last night.
Naslen and Nazriya stated that they are super confident about the film and it will be laughter riot. Naslen cracked a joke asking people to decide if he can continue in Tamil films or he should stick to Malayalam post this one. Jithu Madhavan is promising a comical thriller for this Diwali and Scene is releasing on 6th November.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
నాగార్జున, బాలకృష్ణ, సూర్య, రవితేజ వంటి స్టార్ హీరోలతో జత కట్టి తెలుగు ప్రేక్షకుల మనసు దోచుకున్న హీరోయిన్ ఆసిన్. ప్రస్తుతం తను సినిమాలు చేస్తుండకపోయినా తన సినిమాల్లోని పాటలు నిత్యం మారుమోగిపోతూనే ఉంటాయి.
తాజాగా ఆమె భర్త రాహుల్ శర్మ ఒక ఇంటర్వ్యూలో పంచుకున్న విషయాలు ప్రస్తుతం సోషల్ మీడియాలో హాట్ టాపిక్‌గా మారాయి. ఆసిన్, రాహుల్ శర్మ దంపతులకు ఒక కుమార్తె ఉంది. ఆమె పేరు అరిన్ రేన్ శర్మ. ప్రస్తుతం అరిన్ వయసు 7 సంవత్సరాలు . అయితే ఈ చిన్నారి చూపించే ప్రతిభ చూస్తే ఎవరైనా సరే ఆశ్చర్యపోవాల్సిందే. సాధారణంగా ఈ వయసులో పిల్లలు సరిగ్గా రెండు భాషలు మాట్లాడటానికే తికమకపడుతుంటారు. కానీ అరిన్ మాత్రం ఏకంగా 12 భాషల్లో అనర్గళంగా మాట్లాడగలగడం విశేషం. ఇందులో కేవలం సాధారణ భాషలే కాకుండా కొరియన్, జపనీస్, థాయ్, చైనీస్ వంటి కష్టమైన విదేశీ భాషలు కూడా ఉండటం అందరినీ విస్మయానికి గురిచేస్తోంది. తన కూతురి ఈ అద్భుతమైన టాలెంట్ గురించి రాహుల్ శర్మ మురిసిపోతూ పలు ఆసక్తికర విశేషాలను పంచుకున్నారు. తమ ఇంట్లో రెండు భాషలైన ఇంగ్లీష్, హిందీ మినహా వేరే భాషలు మాకే సరిగ్గా రావు అని, కానీ తమ ఏడేళ్ల కూతురు మాత్రం ఏకంగా 12 భాషల్లో ప్రావీణ్యం సంపాదించిందని గర్వంగా వెల్లడించారు.
మరి ఇంత చిన్న వయసులోనే అరిన్‌కు ఈ స్థాయి ప్రతిభ ఎలా సాధ్యమైంది అనే దానిపై రాహుల్ శర్మ చాలా ముఖ్యమైన విషయాలు వెల్లడించారు. నేటి ఆధునిక కాలంలో చాలామంది తల్లిదండ్రులు చిన్న పిల్లల చేతిలో స్మార్ట్‌ఫోన్‌లు పెట్టి, గంటల తరబడి టీవీల ముందు కూర్చోబెడుతున్నారు. కానీ ఆసిన్ మాత్రం ఇందుకు పూర్తిగా భిన్నమైన మార్గాన్ని ఎంచుకున్నారు. అరిన్‌కు ఇప్పటివరకు ఎలాంటి మొబైల్ ఫోన్ స్క్రీన్ టైమ్ ఇవ్వలేదని, అసలు తమ ఇంట్లో టీవీ కూడా లేదని రాహుల్ శర్మ స్పష్టం చేశారు. డిజిటల్ స్క్రీన్లకు, సోషల్ మీడియాకు పూర్తిగా దూరంగా పెంచడమే తమ పెంపకంలోని అసలైన విజయ రహస్యం అని ఆయన తెలిపారు. టీవీలు, ఫోన్లకు బదులుగా ఆసిన్ తన కుమార్తె చుట్టూ పుస్తకాల ప్రపంచాన్ని సృష్టించారు. అరిన్ చదివే రెగ్యులర్ స్కూల్‌లో ఉండే లైబ్రరీ పుస్తకాల కంటే కూడా ఎక్కువ పుస్తకాలు తమ ఇంట్లోనే ఉన్నాయని రాహుల్ శర్మ తెలిపారు.
ఇది కూడా చదవండి: అలీ భార్య జుబేదాకి హార్ట్ సర్జరీ: కన్నీళ్లతో అలీ!
చిన్నారి అరిన్ ప్రస్తుతం రెండవ తరగతి (క్లాస్ 2) చదువుతుండగా, ఆమె వయసుకు మించి ఏకంగా 8 మరియు 9వ తరగతికి సంబంధించిన సైన్స్, హిస్టరీ, సాహిత్య పుస్తకాలు కూడా ఇంట్లో అందుబాటులో ఉంచారు. "నేను అప్పుడప్పుడు సరదాగా అంటుంటాను, మా అమ్మాయిని నేరుగా పదవ తరగతి బోర్డు పరీక్షలకు కూర్చోబెట్టేసినా పెద్ద తేడా ఏముంటుంది?" అంటూ రాహుల్ శర్మ నవ్వుతూ వ్యాఖ్యానించారు. ఈ అద్భుతమైన పెంపకం వెనుక పూర్తిగా ఆసిన్ శ్రమ, ఆమె పడిన తపన మాత్రమే ఉందని రాహుల్ బహిరంగంగానే ప్రశంసించారు. తన జీవితంలో తాను తీసుకున్న అత్యుత్తమ నిర్ణయం ఆసిన్‌ను పెళ్లి చేసుకోవడమేనని, క్లిష్టమైన పరిస్థితుల్లో తన వెన్నంటి నిలిచి ముందుకు నడిపించే శక్తి ఆసిన్ అని ఆయన కొనియాడారు. మొత్తానికి డిజిటల్ యుగంలో పిల్లలకు టెక్నాలజీని దూరం పెట్టి, పుస్తకాలతో అద్భుతమైన భవిష్యత్తును తీర్చిదిద్దుతున్న ఆసిన్ పెంపకం నేటి తరానికి నిజంగానే ఆదర్శంగా నిలుస్తోంది. 2016 జనవరిలో ప్రముఖ మైక్రోమాక్స్ కో-ఫౌండర్ రాహుల్ శర్మతో ఆసిన్ వివాహం జరిగింది.
[Asin Daughter Arin Speaks 12 languages, Asin daughter Arin, Rahul Sharma interview, Asin 7 year old daughter 12 languages, Asin parenting style, Arin Rayn Sharma, Asin news today, Telugu Cinema, Tollywood, Telugu News, Tollywood News]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్కడో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన నగరంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవరికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్లలకు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అనవసరంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
ఎంత దగ్గరి వ్యక్తులకైనా సరే.. ఈ విషయాలు అస్సలు చెప్పకండి..
మనిషి జీవితం సక్సెస్ గా ఉండటానికి, కష్టాలను ఎదుర్కొని ముందుకు సాగడానికి ఆచార్య చాణక్య చెప్పిన విషయాలు ఎంతో ప్రాముఖ్యతను సంతరించుకున్నాయి. ఆయన చెప్పిన విషయాలు చాణక్య నీతి పేరుతో ఎంతో ప్రాచుర్యం పొందాయి. కాలం ఎంత మారినా చాణక్య నీతిలో చెప్పిన సూత్రాలు నేటి ఆధునిక కాలంలో కూడా అందరికీ వర్తించేలాగా, అందరూ ఆచరించదగినవిగా ఉంటాయి. ఇంకా చెప్పాలంటే.. మనిషి స్వభావాన్ని ఆయన వేల ఏళ్ల కిందటే ఖచ్చితంగా అంచనా వేసి ఈ విషయాలన్నీ చెప్పగలిగారు.
సాధారణంగా మనకు ఏ కష్టం వచ్చినా, ఏ సంతోషం కలిగినా ముందుగా కుటుంబ సభ్యులతో పంచుకోవాలని అనుకుంటాం. రక్తం పంచుకుని పుట్టిన వాళ్ళు లేదా చాలా సన్నిహితులు అయినప్పటికీ కొన్ని విషయాలను ఎవరితోనూ పంచుకోకూడదని ఆచార్య చాణక్య హెచ్చరిస్తున్నారు. కొన్ని విషయాలను ఎంత దగ్గరి వ్యక్తులకు కూడా చెప్పకుండా రహస్యంగా ఉంచితేనే జీవితంలో ఎలాంటి ఇబ్బందులు రాకుండా సంతోషంగా ఉండగలమని ఆయన స్పష్టం చేశారు. ఆ విషయాలు ఏంటో వివరంగా తెలుసుకుంటే..
ఆర్థిక ఇబ్బందులు..
వ్యాపారంలో నష్టం వచ్చినా లేక ఎవరి వద్దనైనా అప్పులపాలైనా ఆ విషయాలను కుటుంబ సభ్యులకు చెప్పకుండా ఉండటమే మంచిదని చాణక్యుడు అభిప్రాయపడ్డారు. ఈ రకమైన ఆర్థిక సమస్యల గురించి ముందే చెబితే వారు అనవసరంగా ఆందోళన చెందుతారు. దీనివల్ల ఇంటి వాతావరణం కూడా నిరాశానిస్పృహలతో నిండిపోతుంది. ఒకవేళ నిజంగా ఇంట్లో వారి ఆర్థిక సహాయం లేదా సలహా అవసరమైతే తప్ప మిగతా సమయాల్లో ఆర్థిక సమస్యలను ఎవరికీ చెప్పకుండా ఉండటమే చాలా మంచిది.
భార్యాభర్తల వ్యక్తిగత గొడవలు..
వైవాహిక జీవితంలో భార్యాభర్తల మధ్య చిన్నపాటి మనస్పర్ధలు లేదా గొడవలు రావడం సర్వసాధారణం. అయితే ఈ వ్యక్తిగత విషయాలను ఎట్టి పరిస్థితుల్లోనూ కుటుంబంలోని ఇతర సభ్యులకూ లేదా బయటి వ్యక్తులకూ చెప్పకూడదు. ఇలాంటి విషయాలను అందరి ముందు చర్చించడం వల్ల మీపై ఇతరులకు ఉండే గౌరవం తగ్గిపోతుంది. అంతేకాకుండా ఇతరులు మీ సమస్యలను చూసి పైకి సానుభూతి చూపినప్పటికీ, వెనుక నుంచి మీ గురించి చులకనగా మాట్లాడే అవకాశం ఉంది. కాబట్టి మీ సమస్యలను మీరే ప్రశాంతంగా కూర్చుని పరిష్కరించుకోవడం మంచిది.
ఆఫీస్ లో అవమానాలు లేదా ఉద్యోగ సమస్యలు..
వృత్తి జీవితంలో ఎవరికైనా కొన్నిసార్లు పై అధికారుల నుంచి తిట్లు లేదా సహోద్యోగుల నుంచి అవమానాలు ఎదురుకావచ్చు. ఇలాంటి విషయాలను ఇంట్లో వాళ్లతో పంచుకుంటే వారు మీ గురించి అనవసరంగా బాధపడతారు. అంతేకాకుండా ఇంట్లో వాళ్ళ దృష్టిలో మీ విలువ క్రమేపీ తగ్గిపోతుంది. మిమ్మల్ని బలహీనుడిగా భావించే అవకాశం ఉంటుంది కాబట్టి వృత్తిపరమైన విషయాలను ఆఫీస్ లోనే వదిలేయడం మంచిది.
మనసులోని బలహీనతలు , భయాలు..
ప్రతి మనిషిలోనూ ఏదో ఒక బలహీనత లేదా భయం ఉంటుంది. అయితే మనకున్న ఆ బలహీనతలను ఎవరికీ, కనీసం దగ్గరి కుటుంబ సభ్యులకు కూడా చెప్పకూడదని చాణక్య నీతి చెబుతోంది. ఎందుకంటే భవిష్యత్తులో ఎప్పుడైనా గొడవలు లేదా వాదనలు జరిగితే కొందరు వ్యక్తులు మన బలహీనతనే మనకు వ్యతిరేకంగా వాడుకుని మనల్ని మరింత మానసికంగా ఇబ్బంది పెట్టవచ్చు.
చేయబోయే పనులు లేదా లక్ష్యాలు..
ఏదైనా కొత్త వ్యాపారం ప్రారంభించాలనుకున్నా, పెద్ద లక్ష్యాన్ని సాధించాలనుకున్నా ఆ పని పూర్తి అయ్యే వరకు ఎవరికీ చెప్పకూడదు. పని పూర్తి కాకముందే అందరికీ ఆ విషయం చెబితే ఇతరుల అనవసరమైన సలహాలు, సందేహాలు మీ ఆత్మవిశ్వాసాన్ని దెబ్బతీస్తాయి. అందుకే మీ విజయాన్ని ముందుగా సాధించి చూపించిన తర్వాతే పదిమందితో పంచుకోవడం ఎప్పుడూ మంచి ఫలితాలను ఇస్తుంది.
*రూపశ్రీ.
ప్రస్తుత కాలంలో రసాయనాలతో కూడిన ఖరీదైన బ్యూటీ ప్రొడక్ట్స్‌ను ముఖానికి ఉపయోగించడం కంటే, పూర్తిగా సహజమైన పద్ధతులతో చర్మాన్ని సంరక్షించుకోవడానికి చాలామంది ప్రాధాన్యత ఇస్తున్నారు. ఆ కోవలోకి వచ్చే అత్యంత ఆకర్షణీయమైన, పోషకాలు నిండిన ఉష్ణమండల పండ్లలో డ్రాగన్ ఫ్రూట్ ముందుంటుంది. కేవలం ఆరోగ్యానికే కాకుండా, మీ చర్మానికి సహజమైన కాంతిని, నిగనిగలాడే మెరుపును అందించడంలో డ్రాగన్ ఫ్రూట్ ఒక అద్భుతమైన ఔషధంలా పనిచేస్తుంది. అందమైన, ఆరోగ్యకరమైన చర్మాన్ని పొందడానికి ఈ పండు ఎంతగానో సహాయపడుతుంది. విటమిన్ సి, విటమిన్ బి3, విటమిన్ ఇ, పాలీఫెనాల్స్, బీటాలైన్స్ వంటి శక్తివంతమైన పోషకాలు దీనిలో పుష్కలంగా ఉంటాయి. ఇవి చర్మాన్ని ఫ్రీ రాడికల్స్ నుండి రక్షించి, ఆక్సీకరణ ఒత్తిడిని సమర్థవంతంగా తగ్గిస్తాయి. ఫలితంగా చర్మం ఎప్పుడూ యవ్వనంగా, కాంతివంతంగా మారుతుంది. అంతేకాకుండా, దీనిలో ఉండే అద్భుతమైన యాంటీ బ్యాక్టీరియల్, యాంటీ ఇన్‌ఫ్లమేటరీ గుణాలు మొటిమలను నివారించడంలో, చర్మంపై ఏర్పడే ఎరుపుదనాన్ని తగ్గించడంలో ఎంతగానో సహాయపడతాయి.
ఈ పండులో యాంటీ ఆక్సిడెంట్లు పుష్కలంగా ఉండటం వల్ల ముడతలు, నల్లటి మచ్చలు తగ్గి వృద్ధాప్య ఛాయలు దరిచేరకుండా ఉంటాయి. చర్మానికి హాని చేసే హానికరమైన బ్యాక్టీరియాతో పోరాడి మొటిమలు, చర్మపు చికాకును ఇది తగ్గిస్తుంది. ముఖ్యంగా విటమిన్ సి సమృద్ధిగా ఉండటం వల్ల చర్మం యొక్క స్థితిస్థాపకత మెరుగై, చర్మం మృదువుగా మారుతుంది. నీటి శాతం ఎక్కువగా ఉండే ఈ అద్భుతమైన పండు చర్మాన్ని పొడిబారకుండా కాపాడుతుంది. విటమిన్ బి3 మరియు విటమిన్ ఇ కణాల పునరుద్ధరణకు ఎంతగానో తోడ్పడి, సూర్యరశ్మి వల్ల చర్మానికి కలిగే నష్టాన్ని తగ్గిస్తాయి. ఇంట్లోనే సహజసిద్ధంగా ఫేస్ మాస్క్‌లు తయారు చేసుకోవడానికి ఇది సరైన ఎంపిక. ఉదాహరణకు, 2 టేబుల్ స్పూన్ల డ్రాగన్ ఫ్రూట్ గుజ్జులో 1 టీస్పూన్ తేనె కలిపి ముఖానికి రాసుకుని 20 నిమిషాల పాటు ఆరనిచ్చి ఆ తర్వాత కడిగితే చర్మం ఎంతో మృదువుగా మారుతుంది. లేదంటే, ఈ పండు గుజ్జుకు కొద్దిగా తాజా పెరుగు కలిపి ముఖానికి రాస్తే చర్మం మరింత కాంతివంతంగా ప్రకాశిస్తుంది. అలాగే ఎండ వల్ల కాలిపోయిన లేదా మంటగా ఉన్న చర్మానికి అలోవెరా జెల్, డ్రాగన్ ఫ్రూట్ గుజ్జు మిశ్రమం ఎంతో మంచి ఉపశమనాన్ని ఇస్తుంది. సహజసిద్ధమైన ఈ పద్ధతులను మీ దైనందిన సౌందర్య దినచర్యలో భాగం చేసుకోవడం ద్వారా ఎటువంటి సైడ్ ఎఫెక్ట్స్ లేకుండా చక్కటి నిగనిగలాడే చర్మాన్ని సులభంగా సొంతం చేసుకోవచ్చు.
Dragon Fruit For Skin, DIY Face Masks For Glowing Skin, Pitaya Skincare Benefits, Natural Anti Aging Remedies, Homemade Fruit Packs, Clear Skin Tips, Healthy Skin Routine.
ప్రతిరోజూ తలస్నానం చేయడం వల్ల ఆరోగ్యానికి హాని కలుగుతుందనే అపోహ చాలా కాలంగా సమాజంలో వేళ్లూనుకుపోయింది. ముఖ్యంగా చల్లటి నీటితో స్నానం చేయడం, తడి జుట్టుతో ఎక్కువసేపు ఉండటం వల్ల నేరుగా జలుబు వస్తుందని చాలా మంది నమ్ముతుంటారు. అయితే వైద్య శాస్త్రం మరియు నిపుణుల అభిప్రాయం ప్రకారం, ప్రతిరోజూ తలస్నానం చేయడం వల్ల నేరుగా జలుబు వస్తుందనే వాదనకు ఎటువంటి శాస్త్రీయ ఆధారాలు లేవు. జలుబు అనేది ప్రధానంగా రైనోవైరస్ వంటి వైరస్‌ల వల్ల మాత్రమే వ్యాపిస్తుంది తప్ప, తలస్నానం చేసే విధానం వల్ల రాదు. చలికాలంలో లేదా వాతావరణం చల్లగా ఉన్నప్పుడు చల్లటి నీటితో తలస్నానం చేయడం వల్ల కొంతమందికి వణుకు లేదా అసౌకర్యం కలగవచ్చు, కానీ దీనివల్ల వైరల్ ఇన్ఫెక్షన్ సోకదు. మీ శరీరానికి అనుకూలమైన ఉష్ణోగ్రతలో ఉన్న నీటిని ఉపయోగించడం ఎప్పుడూ మంచిది.
తలస్నానం చేసిన తర్వాత జుట్టును వీలైనంతవరకు ఆరబెట్టుకోవడం ఆరోగ్యరీత్యా మంచి అలవాటు. తడి జుట్టుతో ఎక్కువసేపు ఉండటం వల్ల ముఖ్యంగా చల్లని వాతావరణంలో చలిగా అనిపించవచ్చు, కానీ దీనివల్ల నేరుగా జలుబు వస్తుందని నిరూపించబడలేదు. అవసరమైతే టవల్‌తో జుట్టును మెల్లగా తుడిచి, సహజంగా ఆరబెట్టుకోవచ్చు. ఇకపోతే, ప్రతిరోజూ షాంపూ ఉపయోగించడం గురించిన చర్చ కూడా జోరుగా సాగుతుంటుంది. ప్రతిరోజూ షాంపూ ఉపయోగించాలా వద్దా అనేది పూర్తిగా మీ జుట్టు స్వభావం, తల చర్మం పరిస్థితిపై ఆధారపడి ఉంటుంది. ఎక్కువగా చెమట పట్టేవారు, జిడ్డు తల చర్మం ఉన్నవారు లేదా దుమ్ము, ధూళి ఎక్కువగా ఉండే ప్రదేశాల్లో పనిచేసేవారు తరచుగా షాంపూ ఉపయోగించాల్సి రావచ్చు. అయితే, కొన్ని రకాల జుట్టు ఉన్నవారిలో రోజూ షాంపూ చేయడం వల్ల జుట్టు పొడిబారడం, తల చర్మం చికాకు వంటి సమస్యలు ఎదురయ్యే అవకాశం ఉంది. కాబట్టి మీ జుట్టు తత్వానికి సరిపోయే మైల్డ్ షాంపూను ఎంచుకుని, మీ అవసరాన్ని బట్టి ఉపయోగించడం ఉత్తమం.
తలస్నానం చేసేటప్పుడు కొన్ని జాగ్రత్తలు పాటించడం ద్వారా జుట్టు ఆరోగ్యాన్ని కాపాడుకోవచ్చు. స్నానం చేసేటప్పుడు ఎప్పుడూ శుభ్రమైన నీటిని ఉపయోగించాలి మరియు మీకు అనుకూలమైన ఉష్ణోగ్రతలో ఉండే నీటిని ఎంచుకోవాలి. జుట్టును బలంగా రుద్దకుండా, మృదువుగా ఆరబెట్టుకోవాలి. అలాగే జలుబుకు కారణమయ్యే వైరస్‌ల వ్యాప్తిని తగ్గించడానికి చేతులను సబ్బుతో శుభ్రంగా కడుక్కోవడం, అనారోగ్యంతో ఉన్నవారికి దూరంగా ఉండటం ముఖ్యం. ప్రతిరోజూ తలస్నానం చేయడం ప్రతి ఒక్కరికీ తప్పనిసరి కాదు; మీ జుట్టు మరియు తల చర్మం యొక్క వ్యక్తిగత అవసరాలను బట్టి తలస్నానం చేసే విధానాన్ని ఎంచుకోవాలి. ఒకవేళ జలుబుతో పాటు అధిక జ్వరం, శ్వాస తీసుకోవడంలో ఇబ్బంది లేదా దీర్ఘకాలిక లక్షణాలు ఏవైనా కనిపిస్తే వెంటనే వైద్యుడిని సంప్రదించి తగిన చికిత్స తీసుకోవడం చాలా ముఖ్యం.
Daily Hair Wash Cold Myth, Does Wet Hair Cause Cold, Head Bath Every Day Side Effects, Hair Care Myths And Facts, Health Facts About Hair Washing, Sinus And Daily Hair Bath, Proper Hair Washing Routine.
.webp)
మన శరీరానికి ఎముకలు ఎంత బలంగా ఉంటే అంత ఆరోగ్యంగా ఉంటాము. ముఖ్యంగా ఎముకలు , దంతాలు పటిష్టంగా ఉండటంలో కాల్షియం చాలా అవసరం. ఇది కేవలం ఎముకలను గట్టిపరచడమే కాకుండా, కండరాలను ఆరోగ్యంగా ఉంచడంలో, నరాల ద్వారా మెదడుకు సంకేతాలు అందడంలో , రక్తం గడ్డకట్టే ప్రక్రియలోనూ కీలకపాత్ర పోషిస్తుంది. అయితే చాలా మంది రోజూ పాలు, పెరుగు లాంటివి తీసుకుంటున్నప్పటికీ, వారి శరీరానికి తగినంత కాల్షియం అందడం లేదని ఆందోళన చెందుతుంటారు. మనం తీసుకునే ఆహారంలో కొన్ని పొరపాట్లు ఉండటం వల్ల, అది శరీరంలో కలిసిపోవడానికి బదులుగా నీటిలా కరిగిపోయి వృథాగా బయటకు వెళ్లిపోతుంటుంది. అలా జరగడానికి కారణాలు ఏంటో.. ఆ ఆహారపు పొరపాట్లు ఏమిటో వివరంగా తెలుసుకుంటే..
విటమిన్-డి లేకపోవడం..
శరీరంలో కాల్షియం లోపించడానికి ప్రధాన కారణాలలో విటమిన్ డి లేకపోవడం ఒకటి. మనం ఎంత కాల్షియం తీసుకున్నప్పటికీ, అది ఎముకలకు చేరాలంటే శరీరంలో తగినంత విటమిన్ డి ఉండటం చాలా అవసరం. ఒకవేళ విటమిన్ డి లోపిస్తే మాత్రం మనం తీసుకునే పోషకాలు పూర్తిగా శోషించబడవు. ఉదయం పూట ఎండలో కాసేపు గడపడం లేదా అవసరమైన పౌష్టికాహారం తీసుకోవడం ద్వారా ఈ లోపాన్ని అధిగమించవచ్చు. విటమిన్ డి లేకపోతే క్యాల్షియం శరీరంలో పూర్తిగా వృథా అయిపోతుంది.
ఉప్పు..
మనం రోజూ తినే ఆహారంలో ఉప్పు మోతాదు ఎక్కువైతే అది ఎముకల ఆరోగ్యానికి పెద్ద ముప్పుగా మారుతుంది. ఉప్పులో ఉండే సోడియం మూత్రపిండాల ద్వారా బయటకు వెళ్లేటప్పుడు, దానితో పాటు శరీరంలోని ముఖ్యమైన కాల్షియం కూడా కరిగిపోయి బయటకు వెళ్లిపోతుంది. చిప్స్, ప్యాకేజ్డ్ ఫుడ్స్, నిల్వ ఉంచిన పచ్చళ్ళు , అతిగా ఉప్పు ఉండే పదార్థాలను రోజూ తీసుకోవడం వల్ల ఎముకలు క్రమంగా గుల్లబారే ప్రమాదం ఉంది. దీనితో పాటు అతిగా టీ లేదా కాఫీలు తాగే అలవాటు ఉన్నవారిలో కూడా కాల్షియం శోషణ మందగిస్తుంది.
కాల్షియం ఆహారాలు తీసుకోకపోవడం..
డైట్ లో కాల్షియం సమృద్ధిగా ఉండే పదార్థాలను పూర్తిగా విస్మరించడం కూడా సమస్యను కలిగిస్తుంది. కేవలం ఏదో ఒకటి తింటున్నాము అనుకోకుండా పాలు, పెరుగు, పన్నీర్, ఆకుకూరలు, వివిధ రకాల గింజలను రోజువారీ ఆహారంలో భాగం చేసుకోవాలి. శరీరానికి అవసరమైన విభిన్న రకాల పోషకాలు అందాలంటే ఆహారంలో వెరైటీగా ఉండాలి. అవసరమైతే ఆహార నిపుణులను సంప్రదించి సరైన సప్లిమెంట్లను కూడా వాడుకోవచ్చు.
ఆహారాలతో పాటు ధూమపానం , మద్యం సేవించే అలవాట్లు కూడా ఎముకల బలాన్ని దెబ్బతీస్తాయి. ఇటువంటి వ్యసనాలు శరీరంలో కొత్త ఎముకల తయారీని మందగించి, ఉన్న ఎముకలు వేగంగా బలహీనపడేలా చేస్తాయి. దీనివల్ల శరీరానికి అందే కాల్షియం పూర్తిగా ప్రయోజనం లేకుండా పోతుంది. ఈ సమస్యలన్నింటి నుంచి దూరంగా ఉండాలంటే వ్యసనాలకు దూరంగా ఉంటూ, రోజూ కాసేపు నడక వంటి వ్యాయామాలు చేస్తూ, సరైన పౌష్టికాహారాన్ని తీసుకోవడం ద్వారా ఎముకల ఆరోగ్యాన్ని పదిలంగా కాపాడుకోవచ్చు.
*రూపశ్రీ.
శాకాహారం మంచిదా లేక మాంసాహారం మంచిదా అనే చర్చ చాలా సందర్భాలలో వస్తుంది. ముఖ్యంగా మాంసాహారాన్ని ఇష్టపడేవారు, శాకాహారాన్ని ఇష్టపడేవారు ఒకే దగ్గర చేరినప్పుడు ఈ రెండింటి మధ్య గల తేడా గురించి చాలా వాదించుకుంటూ ఉంటారు. దీర్ఘాయువుకు శాకాహారమే కీలకం అని కొందరు నమ్మితే.. మాంసంలో లభించే ప్రోటీన్ మరియు పోషకాలు మరింత ప్రయోజనకరమని మరికొందరు వాదిస్తారు. అయితే ఆరోగ్యం , దీర్ఘాయువు కోసం ఏ ఆహారం నిజంగా మంచిది? ఆరోగ్య నిపుణులు, పరిశోధకులు దీని గురించి ఏం చెప్తున్నారు? వివరంగా తెలుసుకుంటే..
శాకాహారం వల్ల కలిగే ప్రయోజనాలు..
శాకాహారులకు గుండె జబ్బులు, అధిక రక్తపోటు, టైప్ 2 మధుమేహం , క్యాన్సర్ వంటి దీర్ఘకాలిక వ్యాధుల ప్రమాదం తక్కువగా ఉంటుందని ఎన్నో పరిశోధనలు చెబుతున్నాయి. శాకాహారుల ఆహారంలో పీచుపదార్థం , యాంటీఆక్సిడెంట్లు సమృద్ధిగా , వల్ల, వారు సాధారణంగా తక్కువ బరువు మరియు తక్కువ బాడీ మాస్ ఇండెక్స్‌ను కలిగి ఉంటారు. కూరగాయలు , పండ్ల నుండి లభించే విటమిన్లు E, C , కెరోటిన్ శరీరాన్ని అంతర్గతంగా బలోపేతం చేయడానికి సహాయపడతాయి, తక్కువ సంతృప్త కొవ్వులు గుండెపై ఒత్తిడిని తగ్గిస్తాయి.
మాంసాహారం..
శాకాహారులు ఎక్కువ కాలం జీవిస్తారని చాలా కాలంగా నమ్మేవారు, కానీ చైనాలోని వృద్ధులపై ఇటీవల జరిగిన ఒక అధ్యయనం ఈ భావనను సవాలు చేసింది. ఈ పరిశోధన ప్రకారం, మాంసాహారం తినేవారితో పోలిస్తే, కఠినమైన శాకాహారాన్ని పాటించేవారికి 100 ఏళ్ల వయస్సును చేరుకునే అవకాశం తక్కువగా ఉన్నట్లు కనుగొనబడిందట. దీని అర్థం, వృద్ధాప్యంలో శరీరానికి అవసరమైన పోషకాలను కేవలం మొక్కల ఆధారిత ఆహారంతో మాత్రమే పొందలేము.
మధ్యేమార్గం..
మాంసాహారం తినేవారితో పోలిస్తే, చేపలు , పాల ఉత్పత్తులను తినేవారు లేదా చేపలు, పాల ఉత్పత్తులతో కూడిన శాకాహారాన్ని తీసుకునేవారికి ఆరోగ్యపరంగా బాగుంటుందట. దీనిని బట్టి దీర్ఘకాలం ఆరోగ్యకరమైన జీవితాన్ని గడపడంలో, పూర్తిగా శాకాహారిగా లేదా పూర్తిగా మాంసాహారిగా ఉండటం కంటే, సమతుల్య ఆహారం తీసుకోవడమే ఎక్కువ ముఖ్యమైన పాత్ర పోషిస్తుందని చెబుతున్నారు.
ఇతర కారకాలు..
దీర్ఘాయువు కేవలం ఆహారపు అలవాట్లపై మాత్రమే ఆధారపడి ఉండదని పరిశోధకులు అంటున్నారు. జన్యుపరంగా, జీవనశైలి, శారీరక శ్రమ, మొత్తం ఆరోగ్యం వంటి అనేక అంశాలు కూడా సమాన పాత్ర పోషిస్తాయి. అందువల్ల, కేవలం శాకాహారిగా లేదా మాంసాహారిగా ఉండటం అనేది దీర్ఘాయువు నిర్ణయించబడదు అంటున్నారు.
*రూపశ్రీ
కాఫీ, టీ తాగడానికి ముందు మంచి నీరు తాగడం మంచిదేనా ? ఈ నిజాలు తెలుసుకోండి..!
ఉదయాన్నే వేడివేడిగా ఒక కప్పు కాఫీ లేదా టీ తాగితే వచ్చే ఉత్సాహమే వేరు. రోజువారి అలసటను పారద్రోలి, మనసును తేలికపరచడంలో కాఫీ, టీలు ఎంతగానో సహాయపడతాయి. అయితే, మనలో చాలామందికి కాఫీ లేదా టీ తాగడానికి కొద్ది నిమిషాల ముందు కాస్త మంచినీరు తాగే అలవాటు ఉంటుంది. కానీ ఇలా తాగడం మంచిదేనా లేదా అనే సందేహం చాలామందిలో ఉంటూ ఉంటుంది. కొందరైతే కాఫీ, టీ తాగడానికి ముందు నీరు తాగితే కడుపులో యాసిడ్లు పల్చబడిపోతాయని, దానివల్ల ఎసిడిటీ సమస్య పెరుగుతుందని చెబుతుంటారు. మరి ఈ మాటల్లో ఎంతవరకు నిజం ఉందో, అసలు సైన్స్ ఏం చెబుతుందో వివరంగా తెలుసుకుంటే..
ఎసిడిటీ పెరుగుతుందా?
కాఫీ , టీ తాగడానికి ముందు మంచి నీరు తాగితే కడుపులో ఎసిడిటీ పెరుగుతుందని అనుకోవడం కేవలం ఒక పొరపాటు లేదా అపోహ మాత్రమే. దీనికి ఎలాంటి శాస్త్రీయ ఆధారాలు లేవని ఆహార నిపుణులు చెబుతున్నారు. నిజానికి, టీ లేదా కాఫీ తాగడానికి ముందు ఒక గ్లాసు నీరు తాగడం వల్ల శరీరానికి , జీర్ణవ్యవస్థకు అనేక రకాల ప్రయోజనాలను పొందుతాయి.
కెఫీన్ ప్రభావం తగ్గిస్తుంది..
కాఫీ , తేయాకులలో సహజంగానే కెఫిన్ తో పాటు కొంతవరకు యాసిడ్ స్వభావం ఉంటుంది. పరగడుపున లేదా ఖాళీ కడుపుతో వీటిని నేరుగా తాగినప్పుడు, కడుపులోని పొరలు చికాకుకు గురై ఎసిడిటీ, గుండెల్లో మంట, లేదా కడుపులో అసౌకర్యం కలిగే అవకాశం ఉంది. అయితే, కాఫీ లేదా టీ తాగడానికి ఐదు నుండి పది నిమిషాల ముందు సాధారణ నీటిని తాగడం వల్ల, ఆ నీరు పొట్టలోని యాసిడ్ స్థాయిలను సమతుల్యం చేస్తుంది. ఇది ఒక రక్షణ పొరలా పనిచేసి, కెఫిన్ పొట్ట గోడలపై నేరుగా చూపించే తీవ్ర ప్రభావాన్ని తగ్గిస్తుంది.
నీరు తాగడం వల్ల కడుపులోని రసాలు పల్చబడి జీర్ణక్రియ పాడవుతుందని అనుకుంటారు. మనం తాగే ఒక గ్లాసు నీరు పొట్టలో చాలా వేగంగా శోషించబడుతుంది. అంతేకాకుండా, నీరు పొట్టను జీర్ణక్రియకు సిద్ధం చేస్తుంది. టీ, కాఫీలలో ఉండే టానిన్లు, కెఫిన్ వల్ల కడుపులో కలిగే మంటను నివారించడంలో ఈ నీరు ఎంతగానో తోడ్పడుతుంది.
నోటి ఆరోగ్యం..
టీ, కాఫీలు తాగడం వల్ల వాటిలోని రసాయనాలు దంతాలపై పసుపు రంగు మరకలను ఏర్పరుస్తాయి. అంతేకాకుండా దంతాల ఎనామిల్ ను బలహీనపరుస్తాయి. కాఫీ లేదా టీ తాగడానికి ముందు నీరు తాగడం వల్ల నోటిలోని పిహెచ్ స్థాయిలు సమతుల్యంగా మారి దంతాల ఎనామిల్ దెబ్బతినకుండా ఉంటుంది. అలాగే, కాఫీ, టీలు శరీరంలోని నీటి శాతాన్ని తగ్గించే గుణాన్ని కలిగి ఉంటాయి. ఇవి ఎక్కువగా తాగడం వల్ల శరీరం డీహేడ్రేషన్ కు గురయ్యే ప్రమాదం ఉంది. అందుకే, ముందుగానే నీరు తాగడం వల్ల శరీరం హైడ్రేటెడ్ గా ఉంటుంది.
చివరిగా..
కాఫీ లేదా టీ తాగడానికి ముందు కొద్దిగా సాధారణ నీటిని తాగడం చాలా మంచి అలవాటు. ఇది ఎసిడిటీని పెంచకపోగా, మరింత తగ్గించి జీర్ణవ్యవస్థను సురక్షితంగా ఉంచుతుంది. కాబట్టి టీ లేదా కాఫీకి కొద్ది నిమిషాల ముందు కొద్దిగా నీరు తాగడం ఆరోగ్యానికి మంచిదే..
*రూపశ్రీ.