తమిళ సినీ పరిశ్రమలో మరో స్టార్ హీరో పొలిటికల్ ఎంట్రీ కన్ ఫర్మ్ అయ్యిందా? అంటే ప్రస్తుతం పొలిటికల్ సర్కిల్స్ లో ఔనన్న సమాధానమే వస్తున్నది. స్టార్ హీరో ధనుష్ రాజకీయ ప్రవేశానికి రంగం సిద్ధమైందన్న వార్త ఇప్పుడు తమిళనాట పెద్ద ఎత్తున ప్రచారంలో ఉంది. ధనుష్ రాజకీయ ప్రవేశంపై గత కొద్ది కాలంగా వార్తలు వినవస్తూనే ఉన్నాయి. తమిళనాడులో కోట్లాది మంది అభిమానులు ఉన్న ధనుష్.. ప్రత్యక్ష రాజకీయాల్లోకి ప్రవేశించేందుకు వేగంగా పావులు కదుపుతున్నారని పరిశీలకులు అంటున్నారు.
ఇప్పటికే తన సేవా కార్యక్రమాల ద్వారా ప్రజలకు చేరువైన ధనుష్.. త్వరలోనే కొత్త రాజకీయ పార్టీని ప్రకటించేందుకు రంగం సిద్ధం చేసుకుంటున్నట్లుతెలుస్తోంది. ధనుష్ తన కొత్త రాజకీయ పార్టీ కోసం తమిళగ ఎళుచ్చి కళగం అనే పేరును ఖరారు చేసినట్లు ప్రచారం జరుగుతోంది. అలాగే.. ఈ పేరుతో ఇప్పటికే కేంద్ర ఎన్నికల సంఘం వద్ద పార్టీ రిజిస్ట్రేషన్ ప్రక్రియ కూడా పూర్తయ్యిందని అంటున్నారు. అయితే, ఇందుకు సంబంధించి ఎటువంటి అధికారిక ధృవీకరణనా లేదు.
గత కొంతకాలంగా ధనుష్ రాజకీయ ప్రవేశంపై పెద్ద ఎత్తున చర్చ జరుగుతోంది. ఇక ఇప్పుడు పార్టీ పేరు తెరపైకి రావడంతో ఈ ప్రచారానికి మరింత బలం చేకూరింది. తన రాజకీయ ప్రయాణానికి సంబంధించిన విధివిధానాలు, పార్టీ జెండా, భవిష్యత్ కార్యాచరణపై ధనుష్ త్వరలోనే ప్రకటన చేసే అవకాశం ఉందని ఆయన సన్నిహిత వర్గాలు చెబుతున్నాయి.
[Tamil Hero Dhanush political entry, Tamilaga Eluchi Kazhagam, Dhanush New Party, Kollywood Actor, Political Entry, Tamil Nadu Politics,Telugu One]
.webp)
ఆంధ్రప్రదేశ్ ఇంటెలిజెన్స్ మాజీ చీఫ్, రిటైర్డ్ ఐపీఎస్ ఏబీ వెంకటేశ్వరరావు చంద్రబాబుపై సంచలన వ్యాఖ్యలు చేశారు. ఇటీవల ఒక ఇంటర్వ్యూలో ఏబీ వెంకటేశ్వరరావు ఏపీ రాజకీయాలపై కీలక వ్యాఖ్యలు చేశారు. మాజీ ముఖ్యమంత్రి వైఎస్ జగన్‌మోహన్‌రెడ్డిపై విమర్శలు గుప్పించారు. ఇక తాను పదవీ విరమణ తర్వాత కూడా ప్రజాజీవితంలో కొనసాగాలని నిర్ణయించుకున్నట్లు చెప్పారు. జగన్‌ను రాజకీయంగా ఎదుర్కోవడం, ఆయన పాలనలో చోటుచేసుకున్నట్లు తాను భావిస్తున్న తప్పులను చట్టపరంగా ప్రశ్నించడం తన లక్ష్యాలన్నారు.
రిటైర్మెంట్ తర్వాత తనకు రాష్ట్ర ప్రభుత్వం పోలీస్ హౌసింగ్ కార్పొరేషన్ చైర్మన్ పదవి ఇచ్చిందనీ, అయితే తనకు పదవులపై కించిత్ కూడా ఆసక్తి లేదని చెప్పారు. తనకు పని ఇవ్వమనీ, నిర్దుష్ట బాధ్యత అప్పగించాలనీ తాను చంద్రబాబును కోరినట్లు చెప్పారు. జగన్ రాజకీయాలకు వ్యతిరేకంగా పని చేయడానికి అవకాశం కల్పించాలని చంద్రబాబును తాను కోరాననీ, అయితే ఆయన తనకు ఎటువంటి పనీ అప్పగించలేదని స్పష్టం చేశారు. జగన్ హయాంలో జరిగినట్లు తాను ఆరోపిస్తున్న అవకతవకలు, తప్పిదాలను చట్టపరంగా ప్రశ్నించే పని అప్పగించాలని చంద్రబాబును కోరాననీ, అయితే ఆయన పట్టించుకోలేదని వివరించారు. ప్రభుత్వం నుంచి తాను ఆశించిన బాధ్యత రాకపోవడంతో బయట ఉండి తనకు సాధ్యమైన మార్గాల్లో అదే అంశాలపై పోరాడుతున్నానన్నారు.
ఒక దశలో తన రిటైర్మెంట్ తరువాత టీడీపీలో చేరేందుకు కూడా తాను సిద్ధపడ్డాననీ, అవసరమైతే ఎన్నికల బరిలో దిగడానికి కూడా రెడీ అయ్యాయనీ చెప్పిన ఏబీ వెంకటేశ్వరరావు, అయితే తన ఎంట్రీ పట్ల తెలుగుదేశం అధినాయత్వం పెద్దగా ఆసక్తి చూపలేదని పేర్కొన్నారు.
[AP Inteligence, Former Chief, AB Venkateswara Rao, CBN, Jagan, Appolitics, Former IPS, Telugu One]
రాజ్యసభ ఎన్నికల నేపథ్యంలో భారతీయ జనతా పార్టీ జాతీయ నాయకత్వం అనూహ్య నిర్ణయం తీసుకుని సొంత పార్టీకి చెందిన కేంద్ర మంత్రులకు షాక్ ఇచ్చింది. ముఖ్యంగా యూపీలో ఒక్కరంటే ఒక్క సట్టింగ్ రాజ్యసభ సభ్యుడికి కూడా టికెట్ ఇవ్వలేదు. పదవీకాలం ముగియనున్న కేంద్ర మంత్రులతో ఏ ఒక్క సిట్టింగ్ ఎంపీకి కూడా తిరిగి అవకాశం కల్పించకుండా, ఎనిమిది మంది కొత్త ముఖాలను బరిలోకి దింపుతున్నట్లు ప్రకటించింది.
యూపీలో త్వరలో జరగనున్న అసెంబ్లీ ఎన్నికల కోసం సమీకరణాలను దృష్టిలో ఉంచుకుని అధిష్ఠానం తీసుకున్న ఈ నిర్ణయం యూపీ రాజకీయాల్లో హాట్ టాపిక్ గా మారింది. ముఖ్యంగా కేంద్ర కేబినెట్‌లో కీలక బాధ్యతలు నిర్వహిస్తున్న ఇద్దరు సీనియర్ మంత్రులకు కూడా రాజ్యసభ టికెట్ నిరాకరించడం సంచలనంా మారింది.
యూపీ నుంచి ఖాళీ అవుతున్న పది రాజ్యసభ స్థానాలకు అక్టోబర్ 16న పోలింగ్ నిర్వహించనున్నట్లు ఎన్నికల సంఘం షెడ్యూల్ విడుదల చేసింది. రాష్ట్ర అసెంబ్లీలోని సంఖ్యాబలం ప్రకారం అధికార బీజేపీ సులభంగా ఎనిమిది స్థానాలను కైవసం చేసుకునే అవకాశం ఉండగా, మిగిలిన రెండు స్థానాలను ప్రధాన ప్రతిపక్షమైన సమాజ్‌వాదీ పార్టీ గెలుచుకునే అవకాశం ఉంది. ఈ నేపథ్యంలో బీజేపీ తన ఎనిమిది మంది అభ్యర్థులతో కూడిన జాబితాను విడుదల చేసింది. ఈ జాబితాలో హర్దీప్ సింగ్ పురి, బీఎల్ వర్మ వంటి కేంద్ర మంత్రులకు చోటు దక్కలేదు. వీరు ఇద్దరూ గతంలో యూపీ కోటాలోనే రాజ్యసభ సభ్యులుగా సేవలందించినప్పటికీ, ఈసారి వారికి పార్టీ అధిష్టానం మొండిచేయి చూపింది.
పార్టీ విడుదల చేసిన కొత్త జాబితాలో ధర్మపాల్ సింగ్, రాధాకాంత్ ఓఝా, ప్రకాశ్ పాల్, విద్యాసాగర్ సోన్‌కర్, గోపీ కృష్ణ పాండే, ప్రియాంక సింగ్ రావత్, రామ్ ప్రతాప్ సింగ్ చౌహాన్, శ్రుతి గంగ్వార్లను అభ్యర్థులుగా ఖరారు చేశారు. 2027లో జరగనున్న ఉత్తరప్రదేశ్ శాసనసభ ఎన్నికలను దృష్టిలో ఉంచుకుని, వ్యూహాత్మకంగా అభ్యర్థుల ఎంపిక ఉ:దని స్పష్టమవుతోంది. సామాజిక సమీకరణాలకు పెద్దపీట వేయడంతో పాటు, క్షేత్రస్థాయిలో పార్టీ కోసం నిరంతరం శ్రమించే సంస్థాగత కార్యకర్తలకు గుర్తింపునిచ్చేలా ఈ జాబితాను రూపొందించినట్లు పరిశీలకులు విశ్లేషిస్తున్నారు.
ప్రకటించిన అభ్యర్థుల జాబితాలో వివిధ వర్గాలకు తగిన ప్రాతినిధ్యం కల్పించారు. ఇందులో ముగ్గురు ఓబీసీ వర్గాలకు చెందిన వారు, ఇద్దరు షెడ్యూల్డ్ కులాల (ఎస్సీ), మరో ముగ్గురు అగ్రవర్ణాలకు చెందిన నాయకులు ఉన్నారు. అంతేకాకుండా, సామాజిక సమతుల్యతను పాటిస్తూ ఇద్దరు మహిళా అభ్యర్థులకు కూడా స్థానం కల్పించడం విశేషం. బారాబంకి మాజీ ఎంపీ ప్రియాంక సింగ్ రావత్ తో పాటు ఝార్ఖండ్ గవర్నర్ సంతోష్ గంగ్వార్ కుమార్తె శ్రుతి గంగ్వార్లను మహిళా కోటాలో బరిలోకి దించారు.
ఇక ఇతర ప్రముఖులలో ఓబీసీ మోర్చా రాష్ట్ర అధ్యక్షుడు ప్రకాశ్ పాల్, ప్రముఖ దళిత నేత, మాజీ ఎంపీ విద్యాసాగర్ సోన్‌కర్, అలాగే అలహాబాద్ హైకోర్టు బార్ అసోసియేషన్ అధ్యక్షుడిగా రెండుసార్లు బాధ్యతలు నిర్వర్తించిన రాధాకాంత్ ఓఝా వంటి వారికి చోటు లభించింది.
కింది స్థాయి నుంచి పార్టీని నమ్ముకుని పనిచేస్తున్న నాయకులను ఎగువసభకు పంపడం ద్వారా, కార్యకర్తల్లో నూతనోత్సాహం నింపాలని బీజేపీ నాయకత్వం భావిస్తోంది. గతంలో ఎంపీలుగా కొనసాగిన ప్రముఖులను పక్కనపెట్టి మరీ కొత్తవారికి అవకాశం కల్పించడం ద్వారా పార్టీలో నాయకత్వ మార్పునకు పెద్దపీట వేస్తున్న సంకేతాలు వెలువడుతున్నాయి.
రాష్ట్రంలో పార్టీ పట్టును మరింత బలోపేతం చేసే దిశగా బీజేపీ అధిష్ఠానం ప్రణాళికాబద్ధంగా అడుగులు వేస్తోంది. రాబోయే అసెంబ్లీ ఎన్నికల నాటికి యువత, అన్ని సామాజిక వర్గాలను కలుపుకొనిపోయేలా నాయకత్వ బృందాన్ని సిద్ధం చేయడంలో ఈ రాజ్యసభ ఎన్నికల ఎంపిక ఒక ముఖ్యమైన మెట్టుగా నిల వనుంది. సిట్టింగ్‌లను కాదని సరికొత్త బృందాన్ని ఎగువసభకు పంపడం ద్వారా పార్టీలో పోటీతత్వాన్ని పెంచడంతో పాటు, సమర్థులైన కొత్త నాయకులను జాతీయ స్థాయికి పరిచయం చేయాలనే ఉద్దేశం కూడా దీని వెనుక ఉన్నట్లు తెలుస్తోంది.
ఈ పరిణామాలు రాబోయే రోజుల్లో యూపీ రాజకీయాలపై తీవ్ర ప్రభావం చూపే అవకాశం ఉందని అంచనా వేస్తున్నారు. సీనియర్ నాయకులను పక్కనపెట్టడంపై కొంతమేర అంతర్గత అసంతృప్తి వ్యక్తమయ్యే ఆస్కారం ఉన్నప్పటికీ, సామాజిక సమీకరణాల కోణంలో ఈ జాబితా పార్టీకి ఎన్నికల సమయంలో లబ్ధి చేకూరుస్తుందని పార్టీ శ్రేణులు గట్టిగా విశ్వసిస్తున్నాయి. అక్టోబర్ 16న జరగనున్న పోలింగ్ అనంతరం ఈ కొత్త అభ్యర్థులందరూ ఏకగ్రీవంగా లేదా సులభంగానే రాజ్యసభకు ఎన్నికవుతారనడంలో ఎలాంటి సందేహం లేదు.
[Rajya Sabha elections, BJP candidates, Uttar Pradesh politics, Union Ministers, UP Assembly elections, Telugu One]
ALSO ON TELUGUONE N E W S
అక్టోబర్ 15 నుంచి జైలర్ 2 ద్వారా రజినీ మానియాతో సౌత్ ఫ్యాన్స్ అండ్ సినీ ప్రేమికులు ఊగిపోనున్నారు. అదే టైంలో కలెక్షన్స్ విషయంపై జోరుగానే వారందరిలో చర్చలు మొదలయ్యాయి. కొంత ముందైతే ఏకంగా వెయ్యి కోట్లు సాధిస్తుందని నమ్మకాన్ని కూడా వ్యక్తం చేస్తున్నారు.
అయితే తాజాగా 'జైలర్ 2' ట్రైలర్ చూసిన తర్వాత మొదటి భాగంలో వర్మని అంతం చేసిన తర్వాత టైగర్ ముత్తువేల్ పాండియన్ మరోసారి అజ్ఞాతంలోకి వెళ్లి సాధారణ జీవితం గడుపుతుంటాడని ట్రైలర్ స్పష్టం చేస్తోంది. అయితే వర్మకు సంబంధించిన భారీ అండర్‌వరల్డ్ నెట్‌వర్క్ ముత్తువేల్‌ను ముప్ప తిప్పలు పెట్టేందుకు వేట మొదలుపెడుతుంది. ఈ క్రమంలో ముత్తువేల్ పాండియన్ తన పాత గతాన్ని మళ్లీ బయటకు తీసి, శత్రువులందరినీ ఒకే వేదికపైకి రప్పించి ఎదురుదాడి చేసే రహస్య ఆపరేషన్ చేపట్టడమే ఈ సీక్వెల్ కథాంశంగా కనిపించనుంది. ఈసారి కూడా మోహన్‌లాల్, శివ రాజ్‌కుమార్‌ల ప్రత్యేక పాత్రలు కథని తిప్పే కీలక మలుపులుగా నిలవనున్నాయి.
అయితే ట్రైలర్‌పై వస్తున్న ప్రధాన విమర్శ ఏమిటంటే, దర్శకుడు నెల్సన్ కథలోని అసలు విషయాలను, హీరో నెట్‌వర్క్ ప్లాన్‌ను ముందుగానే ఎక్కువగానే రివీల్ చేసేశాడని కొందరు అభిప్రాయపడుతున్నారు. దీంతో సినిమాలో ఇంకా కొత్తగా చూపించేది ఏముంటుంది అనే ప్రశ్న ఉత్పన్నమవుతోంది. గతంలో కూడా 'లియో', 'కంగువ', 'కూలీ', మరియు 'జననాయకన్' వంటి తమిళ చిత్రాలకు విడుదలకు ముందు 1000 కోట్లు వసూలు చేస్తుందంటూ భారీ హైప్ వచ్చి, ఆ తర్వాత బాక్సాఫీస్ వద్ద అంచనాలను పూర్తిగా అందుకోలేకపోయిన ఉదాహరణలు ఉన్నాయి. ఇప్పుడు జైలర్ 2 విషయంలోనూ 1000 కోట్ల వసూళ్లపై చర్చ జరుగుతుండగా, వెయ్యి కోట్ల క్లబ్‌లో చేరడం అంత సులభం కాదని సినీ విశ్లేషకులు భావిస్తున్నారు.
ఇది కూడా చదవండి: రెండోసారి తల్లి కాబోతున్న కియారా అద్వానీ.. భర్త సిద్ధార్థ్ మల్హోత్రా పోస్ట్ వైరల్!
విద్యాబాలన్, మిథున్ చక్రవర్తి, ఎస్‌జే సూర్య, సూరజ్ వెంజమూరి వంటి దిగ్గజ తారాగణం నటిస్తుండటంతో సినిమా రేంజ్ పెరిగింది. ఒకవేళ ట్రైలర్‌లో చూపించని రహస్య ట్విస్టులు, ఆశ్చర్యపరిచే సర్ప్రైజ్ ఎలిమెంట్స్ థియేటర్లో ఉంటే మాత్రం పరిస్థితులు మారిపోయి కలెక్షన్ల సునామీ రావడం ఖాయం.
[Jailer 2 Trailer Analysis, Jailer 2, Rajinikanth, Jailer 2 Trailer Review, Nelson Dilipkumar, Muthuvel Pandian, Telugu Cinema News, Telugu Cinema, Tollywood, Tollywood News]
వెంకటేష్–త్రివిక్రమ్ కాంబినేషన్‌లో తెరకెక్కుతున్న సినిమా ‘ఆదర్శకుటుంబం హౌస్ నంబర్ 47’. ఇప్పటికే రెండుసార్లు రిలీజ్ డేట్ మారిన ఈ సినిమా.. అసలు ఎప్పుడు థియేటర్లలోకి వస్తుందనేది సస్పెన్స్‌గా మారింది. అయితే ఇప్పుడు మ్యూజిక్ డైరెక్టర్ తమన్ చేసిన ఓ పోస్ట్.. ఈ సస్పెన్స్‌కు తెరదించేసినట్టే కనిపిస్తోంది.
సినిమా పనులు పూర్తయిన సందర్భంగా తమన్ సోషల్ మీడియాలో ఓ పోస్ట్ పెట్టారు. ఇందులో ‘ఆదర్శకుటుంబం’ అక్టోబర్ 30న విడుదల కానుంది అన్నట్టుగా క్యాప్షన్‌లో పేర్కొన్నారు. దీంతో ఈ సినిమా కొత్త రిలీజ్ డేట్ అక్టోబర్ 30 అంటూ సోషల్ మీడియాలో ప్రచారం మొదలైంది.
అయితే తమన్ కొద్దిసేపటికే ఆ పోస్టును ఎడిట్ చేశారు. అక్టోబర్ 30 అని ఉన్న చోట ఓ ఎమోజీని పెట్టేశారు. కానీ అప్పటికే తమన్ పోస్ట్ స్క్రీన్‌షాట్లు సోషల్ మీడియాలో వైరల్ అయిపోయాయి.
దీంతో ఇప్పుడు అక్టోబర్ 30నే ‘ఆదర్శకుటుంబం’ కొత్త రిలీజ్ డేట్ అంటూ ఫ్యాన్స్ ఫిక్స్ అయిపోయారు. అయితే మేకర్స్ నుంచి మాత్రం ఇప్పటివరకు దీనిపై అధికారిక ప్రకటన రాలేదు.
నిజానికి ఈ సినిమాకు రిలీజ్ డేట్ విషయంలో మొదటి నుంచీ గందరగోళమే కనిపిస్తోంది. తొలుత అక్టోబర్ 2న సినిమాను థియేటర్లలోకి తీసుకురావాలని అనుకున్నారు. ఆ తర్వాత అక్టోబర్ 9కి వాయిదా వేశారు.
అక్టోబర్ 9న అయినా సినిమా వస్తుందా లేదా అనే అనుమానాలు మొదలైనప్పుడు నిర్మాత నాగవంశీ కూడా క్లారిటీ ఇచ్చారు. ఎలాంటి మార్పు ఉండదని, అనుకున్నట్టుగానే అక్టోబర్ 9న సినిమా వస్తుందని చెప్పారు. కానీ చివరకు ఆ డేట్ కూడా క్యాన్సిల్ అయింది.
ఇప్పుడు తమన్ పోస్ట్‌తో అక్టోబర్ 30 డేట్ తెరపైకి వచ్చింది. మరి తమన్ పొరపాటున లీక్ చేసిన అక్టోబర్ 30 డేట్‌నే మేకర్స్ ఫైనల్ చేస్తారా? లేక మరోసారి రిలీజ్ డేట్ విషయంలో ట్విస్ట్ ఇస్తారా? అనేది ఇప్పుడు ఆసక్తికరంగా మారింది.
ఇది కూడా చదవండి: సప్తసాగరాలు సప్తగిరులు.. ఇండస్ట్రీ హిట్ తర్వాత పేరు మార్చుకొని వస్తున్న స్టార్ హీరో.!
https://x.com/MusicThaman/status/2107533911920439576
[Aadarsa Kutumbam New Release Date, Aadarsa Kutumbam On Oct 30th, Aadarsa Kutumbam October 30 Release, Aadarsha Kutumbam House No 47, Victory Venkatesh, Trivikram Srinivas, S Thaman, Telugu Film News]
రీసెంట్ గా టాక్సిక్ తో మెస్మరైజ్ చేసిన భామ కియారా అద్వానీ తన హజ్బండ్ ప్రముఖ హీరో సిద్ధార్థ్ మల్హోత్రా తమ అభిమానులకి మరోసారి శుభవార్త అందించారు. తమ జీవితంలోకి మరో కొత్త ప్రాణి రాబోతోందని, తాము రెండవ సారి తల్లిదండ్రులు కాబోతున్నామని ఈ జంట సోషల్ మీడియా వేదికగా అధికారికంగా ప్రకటించింది. దీంతో అభిమానుల ఆనందం ఇంతా ఇంతా కాదు. సినీ సెలబ్రెటీస్ కూడా ఆ ఇద్దరికి శుభాకాంక్షలు చెప్తున్నారు.
ఇది కూడా చదవండి: భారీ ఆఫర్లు ఇచ్చినా బిగ్ బాస్‌కి నో!.. ఎక్కడ ఉంది అసలు తేడా!
ప్రస్తుతం సిద్ధార్థ్, కియారా తమ వ్యక్తిగత జీవితాన్ని ఆస్వాదిస్తూనే, ప్రొఫెషనల్ లైఫ్‌లో కూడా వరుస సినిమాలతో బిజీగా ఉన్నారు. కియారా గర్భవతిగా ఉన్న సమయంలో కూడా ఎంతో ప్రతిష్టాత్మక ప్రాజెక్టులలో అంకితభావంతో పనిచేసి తన వృత్తిధర్మాన్ని నిలబెట్టుకోవడం విశేషం.
[Kiara Advani And Sidharth Malhotra Second Pregnancy Announcement, Kiara Advani, Sidharth Malhotra, Kiara Advani Pregnant, Kiara Sidharth Second Child]
'బెత్లెహెం కుటుంబ యూనిట్' వంటి ఇండస్ట్రీ హిట్ తర్వాత మలయాళ స్టార్ నివిన్ పౌలీ నటించిన తమిళ్ మూవీ 'ఏళు కడల్ ఏళు మలై'. తమిళ దర్శకుడు రామ్ ఈ చిత్రాన్ని తెరకెక్కించారు. కోలీవుడ్ యాక్టర్ సూరి ఒక కీలక పాత్రలో నటించగా, అంజలి హీరోయిన్‌గా నటించింది.
ఒరిజినల్ వెర్షన్ తమిళ్ తో పాటు అక్టోబర్ 1న తెలుగులో కూడా 'సంచారి' టైటిల్‌తో ఒకేసారి రిలీజ్ చేయాలని ప్లాన్ చేశారు. కానీ, టైటిల్ వివాదం కారణంగా చివరి నిమిషంలో తెలుగు వెర్షన్ రిలీజ్ కి బ్రేక్ పడింది. ఇప్పుడు సరికొత్త టైటిల్‌తో తెలుగు ప్రేక్షకుల ముందుకు వస్తోంది. ఈ తమిళ సినిమాను తెలుగులో 'సప్తసాగరాలు సప్తగిరులు' పేరుతో డబ్ చేసి రిలీజ్ చేయనున్నారు.
'సప్తసాగరాలు సప్తగిరులు' సినిమాను కలర్స్ అండ్ క్లాప్స్ ఎంటర్టైన్మెంట్స్ బ్యానర్ పై ఎం.సుబ్బారెడ్డి తెలుగులో అక్టోబర్ 9న విడుదల చేస్తున్నారు.
ఇటీవల విడుదలైన ఈ సినిమా ట్రైలర్ కు మంచి రెస్పాన్స్ వచ్చింది. ఇటీవల మండాడి సినిమాతో సక్సెస్ సాధించిన సూరి, అలాగే 'బెత్లెహెం కుటుంబ యూనిట్' సినిమాతో సంచలన విజయం సాధించిన నివిన్ పౌలీ కలిసి నటించడంతో ఈ సినిమాపై తెలుగు ప్రేక్షకుల దృష్టి బాగానే పడింది.
రొమాంటిక్ సైకాలాజికల్ థ్రిల్లర్ గా ఈ సినిమా ప్రేక్షకుల ముందుకు రాబోతోంది. ఇప్పటికే తమిళ్ లో విడుదలై అంచనాలను అందుకోలేకపోయిన ఈ మూవీ, తెలుగులో ఎలాంటి రెస్పాన్స్ తెచ్చుకుంటుందో చూడాలి.
ఇది కూడా చదవండి: 'జైలర్ 2'లో మరో బిగ్ స్టార్.. ట్రైలర్‌లో కనిపించింది అతనేనా.?
[Saptha Sagaralu Saptha Girulu, Yezhu Kadal Yezhu Malai, Sanchari Movie, Bethlehem Kudumba Unit, Nivin Pauly, Soori, Anjali, Telugu Film News]
స్మాల్ స్క్రీన్ పై ప్రజాదరణ పొందిన రియాలిటీ షోలలో 'బిగ్ బాస్' ఒకటి. స్టార్ మా ఛానెల్‌లో ప్రసారమయ్యే ఈ షో ప్రారంభ సీజన్ల నుంచి ప్రేక్షకాదరణ పొందుతూ విజయోత్సవాలను సాధించింది. నాగార్జున వ్యాఖ్యాతగా వ్యవహరిస్తున్న ఈ రియాలిటీ షో ప్రతి ఏటా వినోదాన్ని అందిస్తున్నప్పటికీ, ఇటీవల కాలంలో దీనికి ఉన్న గ్లామర్ మరియు క్రేజ్ తగ్గుతోందనే వార్తలు టాలీవుడ్‌తో పాటు సోషల్ మీడియా వర్గాల్లో జోరుగా వినిపిస్తున్నాయి. గత సీజన్ల వలే ఈసారి భారీ స్థాయి స్పందన రాకపోవడం, ప్రేక్షకుల ఆసక్తి కాస్త తగ్గడం నిర్వాహకులకు పెద్ద సవాలుగా మారింది.
ఈ పరిస్థితిని అధిగమించేందుకు బిగ్ బాస్ టీమ్ సరికొత్త వ్యూహాలను సిద్ధం చేస్తోంది. షో రేటింగ్స్‌ను పెంచేందుకు గ్లామరస్ సెలబ్రిటీలు, గుర్తింపు ఉన్న నటీనటులు మరియు ప్రముఖ సోషల్ మీడియా ఇన్ఫ్లుయెన్సర్లను హౌస్‌లోకి తీసుకురావాలని బిగ్ బాస్ ఆర్గనైజర్లు భావిస్తున్నారు. అయితే, ఈసారి అనుకున్న ప్రణాళికలు ఫలించడం లేదని సమాచారం. హౌస్‌లోకి అడుగుపెట్టేందుకు పలువురు ప్రముఖ స్టార్స్, సెలబ్రిటీలు ఆసక్తి చూపించడం లేదని తెలుస్తోంది. షోలోకి రావాల్సిందిగా నిర్వాహకులు ప్రముఖ నటీనటులను సంప్రదించడమే కాకుండా, వారిని ఆకర్షించడానికి సాధారణం కంటే అత్యధిక స్థాయిలో భారీ పారితోషికాలు ఆఫర్ చేశారట. వారం ప్రాతిపదికన లక్షల రూపాయల నుంచి కోటి రూపాయల వరకు ఆఫర్లు ఇచ్చినప్పటికీ, ఆ ప్రతిపాదనలను ప్రముఖులు తిరస్కరిస్తున్నారట.
ఇది కూడా చదవండి: దేవిశ్రీ ప్రసాద్, ఐశ్వర్య రాజేష్ ఎయిర్‌పోర్ట్ పిక్స్ వైరల్!
దీనికి గల ప్రధాన కారణాలను విశ్లేషిస్తే, గత సీజన్లలో పాల్గొన్న కొంతమంది కంటెస్టెంట్ల కెరీర్‌లు మరియు వారిపై వచ్చిన ట్రోలింగ్ తీవ్ర ప్రభావం చూపినట్లు తెలుస్తోంది. బిగ్ బాస్ హౌస్‌లో గడిపే 100 రోజుల వ్యవధిలో అనుకోకుండా జరిగే వివాదాలు, నెగెటివిటీ మరియు మైండ్ గేమ్‌లు సెలబ్రిటీల వ్యక్తిగత, వృత్తిపరమైన ఇమేజ్‌ని దెబ్బతీస్తున్నాయని భావిస్తున్నారు. హౌస్ నుంచి బయటకు వచ్చిన తర్వాత ఆశించిన స్థాయిలో సినిమా లేదా వెబ్ సిరీస్ ఆఫర్లు రాకపోవడం, పైగా సోషల్ మీడియా ట్రోలింగ్ ఎదుర్కోవాల్సి రావడం వారిని వెనక్కి తగ్గేలా చేస్తోంది.ఇప్పటికే ఒప్పుకున్న ప్రాజెక్టులు, షూటింగ్ షెడ్యూల్స్ దెబ్బతింటాయనే ఉద్దేశంతో కూడా కొందరు నటులు ఈ షోకి దూరంగా ఉండాలని నిర్ణయించుకున్నారు. ఎన్ని కోట్లు ఇచ్చినా సరే తమ ఇమేజ్ మరియు కెరీర్ భవిష్యత్తే ముఖ్యమని భావించి ఆఫర్లను నిరాకరిస్తున్నారు. భారీ పారితోషికం ఇస్తామని వెంటపడినా స్టార్స్ నో చెప్పడం వల్ల నిర్వాహకులు ప్రత్యామ్నాయ వైల్డ్ కార్డ్ ఎంట్రీలు మరియు సరికొత్త ప్లాన్ల వైపు మొగ్గు చూపుతున్నారు. రాబోయే రోజుల్లో ఈ షో ఎలాంటి మలుపులు తిరుగుతుందో, కొత్త కంటెస్టెంట్లతో ప్రేక్షకులను ఎలా మెప్పిస్తుందో వేచి చూడాలి.
[Bigg Boss Telugu Stars Refuse Huge Offers, Bigg Boss Telugu, Bigg Boss Telugu Remuneration, Bigg Boss Telugu Contestants, Nagarjuna Bigg Boss, Telugu Cinema News, Telugu Cinema, Tollywood, Tollywood News]
ప్రముఖ సంగీత దర్శకుడు దేవిశ్రీ ప్రసాద్, సంక్రాంతి వస్తున్నాం ఫేమ్ ఐశ్వర్య రాజేష్ ఇటీవల ఎయిర్‌పోర్ట్‌లో కలిసి కనిపించడం సినీ వర్గాల్లో తీవ్ర కలకలం రేపింది. ఇప్పటివరకూ ఎప్పుడూ లేని విధంగా ఈ ఇద్దరూ ఒకే చోట జంటగా ప్రయాణిస్తూ కనిపించడంతో, సోషల్ మీడియాలో రకరకాల ఊహాగానాలు, రూమర్లు ఊపందుకున్నాయి.
అయితే దేవిశ్రీ ప్రసాద్ హీరోగా 'ఎల్లమ్మ' (Yellamma) తో ఎంట్రీ ఇస్తున్న విషయం తెలిసిందే. ఈ సినిమాకి సంబంధించిన హీరోయిన్ ప్రకటన ఇంతవరకు రాలేదు. దీంతో ఐశ్వర్య రాజేష్‌ని ఎంపిక చేశారనే బలమైన వార్తలు ఫిలింనగర్ కారిడార్లలో చక్కర్లు కొడుతున్నాయి. ఈ సినిమా షూటింగ్ లేదా ప్రీ-ప్రొడక్షన్ వర్క్ నిమిత్తం ప్రయాణంలో భాగంగానే వీరు ఎయిర్‌పోర్ట్‌లో కలసి కనిపింటారని, ఇది ఒక వ్యాపారపరమైన లేదా వృత్తిపరమైన ప్రయాణమే తప్ప వ్యక్తిగత వ్యవహారం కాదనేది కూడా టాక్.
ఇది కూడా చదవండి: ఓటీటీ ఫిక్స్: నెట్‌ఫ్లిక్స్‌లో స్ట్రీమింగ్ ఎప్పటినుంచో తెలుసా?..దేశం సాంగ్ యాడ్!
కేవలం ఎయిర్‌పోర్ట్ రాకపోకల ఆధారంగా డేటింగ్ టాక్ వైరల్ కావడం సినిమా ఇండస్ట్రీలో సహజమే అయినప్పటికీ, 'ఎల్లమ్మ' సినిమా అధికారిక ప్రకటన వచ్చేవరకు ఈ ప్రచారాలకి తెరపడేలా కనిపించడం లేదు.
[Devi Sri Prasad And Aishwarya Rajesh Airport Rumours, Devi Sri Prasad, Aishwarya Rajesh, DSP Aishwarya Rajesh airport, Yellamma movie update, Telugu Cinema News, Telugu Cinema, Tollywood, Tollywood News]
సూపర్‌స్టార్ రజినీకాంత్ నటించిన 'జైలర్ 2' ట్రైలర్ వచ్చేసింది. ట్రైలర్‌లో రజినీకాంత్ మాస్ విశ్వరూపం, మోహన్‌లాల్, శివరాజ్‌కుమార్ వంటి స్టార్ క్యామియోలు ఓ రేంజ్‌లో హైలైట్ అయ్యాయి. కానీ వీటన్నింటికంటే ఇప్పుడు సోషల్ మీడియాలో మరో స్టార్ పేరు తెగ వైరల్ అవుతోంది. అతడే బాలీవుడ్ స్టార్ హృతిక్ రోషన్.
'జైలర్ 2' ట్రైలర్‌లో ఒకే ఒక సెకన్ కనిపించే ఓ సిల్హౌట్ షాట్ ఇప్పుడు ఫ్యాన్స్‌ను కన్ఫ్యూజ్ చేస్తోంది. వెనుక నుంచి కనిపించే ఆ వ్యక్తి హృతిక్ రోషన్‌లా ఉన్నాడని నెటిజన్లు అంటున్నారు. ముఖ్యంగా ట్రైలర్‌లో సుమారు 1 నిమిషం 31 సెకన్ల దగ్గర కనిపించే ఆ షాట్‌ను జూమ్ చేసి మరీ సోషల్ మీడియాలో చర్చిస్తున్నారు.
నిజానికి హృతిక్ రోషన్ 'జైలర్ 2'లో స్పెషల్ క్యామియో చేస్తున్నాడనే ప్రచారం ఎప్పటి నుంచో ఉంది. ఈ ఏడాది జూన్‌లోనే ఆయన ఈ సినిమాలో భాగమయ్యారనే వార్తలు వచ్చాయి. రజినీకాంత్‌తో కలిసి హృతిక్ యాక్షన్ సీక్వెన్స్‌లో కనిపించబోతున్నాడని కూడా అప్పట్లో కథనాలు వచ్చాయి.
అయితే మేకర్స్ మాత్రం ఇప్పటివరకు హృతిక్ క్యామియోపై అధికారికంగా ఎలాంటి క్లారిటీ ఇవ్వలేదు. ఇప్పుడు ట్రైలర్‌లో ఈ సిల్హౌట్ కనిపించడంతో.. ఇన్నాళ్లుగా వస్తున్న వార్తలు నిజమేనా? అంటూ ఫ్యాన్స్ మరింత ఆసక్తిగా చర్చిస్తున్నారు.
ఇక్కడ మరో ఇంట్రెస్టింగ్ విషయం ఉంది. రజినీకాంత్, హృతిక్ రోషన్‌కు ఇది నిజంగా చాలా స్పెషల్ రీయూనియన్. వీరిద్దరూ గతంలో ‘భగవాన్ దాదా’ సినిమాలో కలిసి కనిపించారు. అప్పటికి హృతిక్ చిన్నపిల్లాడిగా ఉండగా.. ఇప్పుడు బాలీవుడ్‌లో స్టార్‌గా ఎదిగిన తర్వాత మళ్లీ రజినీకాంత్‌తో స్క్రీన్ షేర్ చేసుకుంటే అది ఫ్యాన్స్‌కు నోస్టాల్జిక్ ట్రీట్ అవుతుంది.
అయితే ట్రైలర్‌లో కనిపించింది నిజంగానే హృతిక్ రోషనేనా? లేక కావాలనే డైరెక్టర్ నెల్సన్ పెట్టిన మరో ట్విస్ట్‌నా? అనేది మాత్రం సినిమా విడుదలయ్యే వరకు సస్పెన్స్‌గానే ఉండొచ్చు. 'జైలర్ 2' అక్టోబర్ 15న థియేటర్లలోకి రానుంది.
ఇది కూడా చదవండి: జిమ్ జిమ్ తార.. సోషల్ మీడియాను షేక్ చేస్తున్న పాట ఈ సినిమాలోదే.!
[Hrithik Roshan in Jailer 2 Trailer, Jailer 2 Movie, Jailer 2 Trailer, Rajinikanth, Hrithik Roshan, Mohanlal, Shiva Rajkumar, Telugu Film News]
అందరి ఊహలని తలకిందుకులు చేస్తూ ది ప్యారడైజ్ 200 కోట్ల క్లబ్ లోకి చేరినట్టు రీసెంట్ గా చిత్ర బృందం ప్రకటించింది. ఇక ప్యారడైజ్’ డిజిటల్ స్ట్రీమింగ్ హక్కులను ప్రముఖ ఓటీటీ దిగ్గజం నెట్‌ఫ్లిక్స్ అత్యంత భారీ ధరకు కైవసం చేసుకుంది. సాధారణంగా థియేట్రికల్ రిలీజ్ అయిన 6 నుంచి 8 వారాల విండో నిబంధన ప్రకారం, ఈ చిత్రాన్ని నవంబర్ మొదటి వారం లేదా అక్టోబర్ చివరి వారంలో డిజిటల్ ప్లాట్‌ఫామ్‌లోకి తీసుకొచ్చేందుకు సన్నాహాలు జరుగుతున్నాయి. తెలుగుతో పాటు తమిళం, మలయాళం, కన్నడ, మరియు హిందీ భాషల్లో ఈ చిత్రం అందుబాటులోకి రానుంది.
ఇది కూడా చదవండి: ఇంకో ఈవీవీ సత్యనారాయణ పుట్టడం సాధ్యమేనా:నవ్వుల సామ్రాజ్యానికి చక్రవర్తి
ఓటీటీ ప్రేమికులకు మరో సర్‌ప్రైజింగ్ న్యూస్ ఏమిటంటే, నిడివి కారణాల వల్ల థియేటర్లలో తొలగించిన పవర్ఫుల్ ‘దేశం’ పాటను డిజిటల్ వెర్షన్‌లో జోడించనున్నట్లు దర్శకుడు శ్రీకాంత్ ఓదెల స్పష్టం చేశారు. వెండితెరపై మిస్ అయిన ఈ గూస్‌బంప్స్ సాంగ్ చేరిక ఓటీటీ వీక్షకులకు సరికొత్త అనుభూతిని ఇస్తుందని భావిస్తున్నారు. థియేటర్లలో చూడలేకపోయిన ప్రేక్షకులు, అలాగే మళ్లీ హోమ్ స్క్రీన్‌పై అనుభవించాలనుకుంటున్న అభిమానులు నవంబర్ మొదటి వారంలో నెట్‌ఫ్లిక్స్‌లో ప్రసారమయ్యే ఈ డిజిటల్ రిలీజ్ కోసం ఎదురుచూస్తున్నారు.
[The Paradise Ott Release Date, Nani The Paradise OTT release, The Paradise Netflix streaming date, Nani Paradise movie OTT update]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన రహస్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే క‌దా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వరలో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్రయోజనాలు పక్కనపెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూట‌మికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
మన భారతీయ సాంప్రదాయ వంటకాల్లో, ప్రాచీన వైద్య విధానాల్లో పెసలకు ఒక ప్రత్యేకమైన విశిష్ట స్థానం ఉంది. పూర్వీకుల కాలం నుండి నేటి ఆధునిక పోషకాహార నిపుణుల వరకు ప్రతీ ఒక్కరూ రోజువారీ ఆహారంలో పెసలను భాగం చేసుకోవాలని బలంగా రికమండ్ చేస్తుంటారు. ఉదయాన్నే ఒక గిన్నెడు నానబెట్టిన లేదా మొలకెత్తిన పెసలను తీసుకోవడం వల్ల శరీరానికి ఏనుగు లాంటి కొండంత బలం లభిస్తుందని, రోజంతా నీరసం అనే మాటే లేకుండా శరీరం ఎంతో చురుగ్గా మారుతుందని ఆరోగ్య నిపుణులు స్పష్టం చేస్తున్నారు. కేవలం రుచిలోనే కాకుండా, అంతర్గత అవయవాల పనితీరును మెరుగుపరచడంలో, సాధారణ రుగ్మతల నుండి దీర్ఘకాలిక వ్యాధుల వరకు సమర్థవంతంగా అడ్డుకోవడంలో పెసలు ఒక శక్తివంతమైన సూపర్ ఫుడ్‌గా నిలుస్తాయి.
ప్రోటీన్లకు అత్యంత అద్భుతమైన మూలంగా నిలిచే పెసలు, శరీర కండరాల నిర్మాణానికి మరియు దెబ్బతిన్న కణజాలాల వేగవంతమైన మరమ్మత్తుకు విశేషంగా తోడ్పడతాయి. పెసలను నీటిలో నానబెట్టి, మొలకెత్తించి లేదా ఉడికించి తీసుకోవడం వల్ల వాటిలోని పోషక విలువలు రెట్టింపు అవుతాయి. ముఖ్యంగా మొలకెత్తిన పెసలలో విటమిన్ A, విటమిన్ B, విటమిన్ C మరియు విటమిన్ E లు అత్యధిక పరిమాణంలో లభిస్తాయి. వీటితో పాటు శరీరానికి నిత్యం అవసరమయ్యే పొటాషియం, ఐరన్, కాల్షియం, మెగ్నీషియం, కాపర్, ఫోలేట్ వంటి ముఖ్యమైన ఖనిజాలు మరియు డైటరీ ఫైబర్ పుష్కలంగా అందుతాయి. ఐరన్ లోపంతో బాధపడేవారు రోజూ పెసలు తినడం వల్ల రక్తహీనత (ఎనీమియా) సమస్య నుండి సులభంగా ఉపశమనం పొందవచ్చు.
బరువు తగ్గాలనుకునే వారికి పెసల ఆహారం ఒక వరప్రసాదం అని చెప్పవచ్చు. వీటిలో కేలరీలు చాలా తక్కువగా ఉండటం వల్ల బరువు పెరుగుతామనే భయం లేకుండా నిర్భయంగా ఆహారంలో చేర్చుకోవచ్చు. పెసల్లో ఉండే అధిక పీచు పదార్థం (ఫైబర్) కడుపు నిండిన అనుభూతిని కలిగించి, తరచూ వేధించే తీవ్రమైన ఆకలిని నియంత్రణలో ఉంచుతుంది. ఒక కప్పు పెసరపప్పును చపాతీలతో కలిపి రాత్రి వేళల్లో తీసుకోవడం ద్వారా లేదా బియ్యంలో కొద్దిగా పెసలు కలిపి పులగం చేసుకుని తినడం ద్వారా క్రమంగా ఊహించని రీతిలో బరువు తగ్గుతారని పలు పరిశోధనలు సూచిస్తున్నాయి. ఇది శరీర మెటబాలిజంను వేగవంతం చేసి, రక్తంలో కొలెస్ట్రాల్ స్థాయిలను తగ్గించడమే కాకుండా శరీరంలో పేరుకుపోయిన మొండి కొవ్వును వేగంగా కరిగిస్తుంది.
అంతేకాకుండా, పెసలను క్రమం తప్పకుండా తీసుకోవడం వల్ల డయాబెటిస్ నియంత్రణలోకి వస్తుంది. రక్తంలో చక్కెర స్థాయిలు అకస్మాత్తుగా పెరగకుండా అడ్డుకోవడంలో ఇవి కీలక పాత్ర పోషిస్తాయి. పెసలు శరీరంలో చెడు కొలెస్ట్రాల్ (LDL) ప్రమాణాలను తగ్గించి, మంచి కొలెస్ట్రాల్ (HDL) స్థాయిలను పెంచడం ద్వారా గుండె సంబంధిత తీవ్రమైన జబ్బులు రాకుండా కాపాడతాయి. పెసల్లో ఉండే సోడియం మరియు పొటాషియం నిష్పత్తి రక్తపోటును (బిపి) నిలకడగా ఉంచుతుంది. పేగుల్లో ఉండే వ్యర్థాలను సులభంగా బయటకు పంపడంలోనూ, ఎసిడిటీ, అజీర్ణం, గ్యాస్ మరియు మలబద్ధకం వంటి జీర్ణ సమస్యలను శాశ్వతంగా దూరం చేయడంలోనూ పెసలు అద్భుతంగా పనిచేస్తాయి. అలాగే స్త్రీ పురుషులిద్దరిలోనూ సంతానోత్పత్తి సామర్థ్యాన్ని మెరుగుపరచడానికి కూడా పెసల పోషకాలు ఎంతో ఉపకరిస్తాయి.
Green Gram Benefits, Eating Moong in the Morning, Health Benefits of Green Gram, Sprouted Moong Benefits, Morning Superfoods, Moong for Weight Loss.
చాలామంది మధుమేహం లేదా టైప్ 2 డయాబెటిస్ అనగానే కేవలం తీపి పదార్థాలు, స్వీట్లు, చక్కెర ఎక్కువగా తినడం వల్ల మాత్రమే వస్తుందని భావిస్తుంటారు. స్వీట్లను దూరంగా పెడితే డయాబెటిస్ రాదని బలంగా నమ్ముతుంటారు. కానీ వైద్య నిపుణులు మరియు ఆరోగ్య పరిశోధనలు చెబుతున్న నిజం ఏమిటంటే.. డయాబెటిస్ బారిన పడటానికి కేవలం ఆహారంలో తీపి మాత్రమే కారణం కాదు. మనకు తెలియకుండానే మనం ప్రతిరోజూ పాటించే కొన్ని చిన్న చిన్న జీవనశైలి అలవాట్లు, శరీర శ్రమ లేకపోవడం, నిద్ర లేమి, మరియు అలవాటైన ప్రతికూల చర్యలు మన జీవక్రియపై తీవ్ర ప్రభావం చూపుతాయి. ఇవి కాలక్రమేణా రక్తంలో గ్లూకోజ్ స్థాయిలను పెంచి, ఇన్సులిన్ నిరోధకతకు దారితీసి టైప్ 2 డయాబెటిస్ ప్రమాదాన్ని ఊహించని స్థాయిలో పెంచుతాయి. మన దైనందిన జీవితంలో టైప్ 2 డయాబెటిస్ ముప్పును పెంచే ఆ ఐదు ప్రధాన అలవాట్ల గురించి మరియు వాటి వెనుక ఉన్న సైంటిఫిక్ నిజాలను ఇప్పుడు వివరంగా తెలుసుకుందాం.
మొదటిది, మనం విరివిగా తినే ప్యాకేజ్డ్ మరియు అల్ట్రా ప్రాసెస్డ్ ఫుడ్స్. బిజీ లైఫ్‌స్టైల్ కారణంగా చాలామంది ప్యాకెట్ స్నాక్స్, తీపి కలిపిన కూల్ డ్రింక్స్, ప్రాసెస్ చేసిన మాంసాహారం, మరియు రెడీ టు ఈట్ ఆహార పదార్థాలపై ఎక్కువగా ఆధారపడుతున్నారు. ఇటీవల వెలువడిన పలు మెటా అనాలిసిస్ అధ్యయనాల ప్రకారం, అల్ట్రా ప్రాసెస్డ్ ఫుడ్స్‌ను ఎక్కువగా తీసుకునే వారిలో టైప్ 2 డయాబెటిస్ వచ్చే ముప్పు గణనీయంగా పెరుగుతోందని తేలింది. వీటిలో ఉండే కృత్రిమ రసాయనాలు, అధిక ప్రిజర్వేటివ్‌లు, ట్రాన్స్ ఫ్యాట్స్ జీర్ణవ్యవస్థపై మరియు మెటబాలిక్ ఆరోగ్యంపై ప్రతికూల ప్రభావం చూపుతాయి. కాబట్టి ప్యాకేజ్డ్ ఆహారాలకు దూరంగా ఉంటూ, రోజువారీ ఆహారంలో తాజా కూరగాయలు, ఆకుకూరలు, మరియు తక్కువ ప్రాసెస్ చేసిన సహజ ఆహార ధాన్యాలకు ప్రాధాన్యం ఇవ్వడం ఎంతైనా అవసరం.
రెండవది, ఉదయాన్నే టిఫిన్ లేదా బ్రేక్‌ఫాస్ట్‌ను స్కిప్ చేయడం. బరువు తగ్గాలనే ఉద్దేశంతోనో లేదా ఆఫీసులకు, కళాశాలలకు వెళ్లే హడావుడిలోనో చాలామంది ఉదయం అల్పారాహారాన్ని మానేస్తుంటారు. కానీ పరిశోధనాధారిత అధ్యయనాల ప్రకారం, క్రమం తప్పకుండా బ్రేక్‌ఫాస్ట్ స్కిప్ చేసే వారిలో టైప్ 2 డయాబెటిస్ ప్రమాదం ఎక్కువగా ఉంటుందని గుర్తించారు. ఉదయం పూట శరీరానికి అందాల్సిన పోషకాలు అందకపోవడం వల్ల రక్తంలో చక్కెర స్థాయిల సమతుల్యత దెబ్బతింటుంది. ఇది ఇన్సులిన్ సరైన రీతిలో పనిచేయకుండా అడ్డంకులు సృష్టిస్తుంది. కాబట్టి ఉదయం పూట పొట్టను ఖాళీగా ఉంచకుండా, శరీరానికి అవసరమైన ప్రోటీన్లు, ఫైబర్ ఉన్న సమతుల్య అల్పాహారం తీసుకోవడం చాలా మంచిది.
మూడవది, గంటల తరబడి కదలకుండా ఒకేచోట కూర్చోవడం. ఆధునిక ఉద్యోగాలు, కంప్యూటర్ స్క్రీన్ల ముందు గంటల తరబడి పనిచేయడం, మరియు నిరంతరం టీవీలు లేదా మొబైల్ ఫోన్లు చూడటం వల్ల శారీరక శ్రమ బాగా తగ్గిపోయింది. గంటల తరబడి కదలకుండా కూర్చోవడం వల్ల శరీరంలోని కండరాలు గ్లూకోజ్‌ను వినియోగించుకునే సామర్థ్యాన్ని కోల్పోతాయి. అంతర్జాతీయ డయాబెటిస్ నిర్వహణ మార్గదర్శకాల ప్రకారం, ప్రతి 30 నిమిషాలకు ఒకసారి కనీసం లేచి నిలబడటం లేదా కొద్దిసేపు అడుగులు వేయడం చాలా అవసరం. ఒకేచోట కూర్చునే సమయాన్ని తగ్గించి, ప్రతిరోజూ క్రమం తప్పకుండా చిన్నపాటి వ్యాయామం, నడకను అలవాటు చేసుకోవడం ద్వారా డయాబెటిస్ ప్రమాదాన్ని చాలావరకు తగ్గించుకోవచ్చు.
నాలుగవది, నిద్ర విషయంలో నిర్లక్ష్యం చేయడం మరియు నిద్ర వేళలు మారడం. రాత్రిళ్లు ఆలస్యంగా పడుకోవడం, సరిపడా నిద్ర లేకపోవడం, మరియు రోజుకో సమయానికి నిద్రపోవడం వల్ల శరీరంలోని హార్మోన్ల సమతుల్యత దెబ్బతింటుంది. నిద్ర నాణ్యత, నిద్రపోయే సమయం టైప్ 2 డయాబెటిస్ ప్రమాదంతో ప్రత్యక్ష సంబంధం కలిగి ఉన్నాయని అధ్యయనాలు స్పష్టం చేస్తున్నాయి. నిద్రలేమి వల్ల ఇన్సులిన్ నిరోధకత పెరిగి, రక్తంలో గ్లూకోజ్ స్థాయిలు అదుపు తప్పుతాయి. అందువల్ల ప్రతిరోజూ క్రమబద్ధమైన వేళల్లో శరీరానికి అవసరమైన తగినంత ప్రశాంతమైన నిద్రను పొందడం మెటబాలిక్ ఆరోగ్యానికి ఎంతో శ్రేయస్కరం.
ఐదవది, స్మోకింగ్ లేదా పొగతాగే అలవాటు ఉండటం. పొగతాగడం కేవలం ఊపిరితిత్తులు లేదా గుండెకు మాత్రమే హానికరం అని చాలామంది అనుకుంటారు. కానీ సిగరెట్ తాగడం వల్ల రక్తంలో చక్కెర నియంత్రణ తీవ్రంగా దెబ్బతింటుంది. ప్రముఖ ఆరోగ్య సంస్థ సిడిసి (CDC) అందించిన గణాంకాల ప్రకారం, పొగతాగని వారితో పోలిస్తే స్మోకింగ్ అలవాటు ఉన్నవారికి టైప్ 2 డయాబెటిస్ వచ్చే ప్రమాదం సుమారు 30 శాతం నుండి 40 శాతం వరకు ఎక్కువగా ఉంటుంది. సిగరెట్ పొగలో ఉండే నికోటిన్ మరియు ఇతర ప్రమాదకర రసాయనాలు శరీరంలో ఇన్సులిన్ పనితీరును అడ్డుకోవడమే కాకుండా, శరీర కణజాలాలలో వాపును పెంచుతాయి. కాబట్టి డయాబెటిస్‌ను నివారించాలంటే స్వీట్లు తగ్గించడంతో పాటు స్మోకింగ్ అలవాటును పూర్తిగా మానడం తక్షణ అవసరం.
Type 2 Diabetes Risk Factors, Habits Causing Diabetes, Diabetes Prevention Tips, Lifestyle Mistakes Diabetes, Blood Sugar Control, Diabetes Awareness.
ఆరోగ్యం, అందం అనేవి వేర్వేరు కావు, ఒకదానితో ఒకటి అత్యంత లోతుగా ముడిపడి ఉన్నాయి. మన శరీరాన్ని లోపలి నుంచి ఎంత బలంగా, ఆరోగ్యంగా ఉంచుకుంటే.. బయటకు మన చర్మం అంత ప్రకాశవంతంగా, మెరుస్తూ కనిపిస్తుంది. కేవలం ఖరీదైన క్రీములు లేదా బ్యూటీ ప్రొడక్ట్స్ వాడితే తాత్కాలిక మెరుపు మాత్రమే వస్తుంది, కానీ నిత్యం మెరిసే సహజ సౌందర్యం పొందాలంటే మనం తినే ఆహారమే అత్యంత కీలకమైన పాత్ర పోషిస్తుంది. రోజువారీ ఆహారంలో సరైన పోషకాలు చేర్చుకోవడం ద్వారా కండరాల బలాన్ని సాధించవచ్చు, అదే సమయంలో కాంతివంతమైన చర్మాన్ని కూడా సొంతం చేసుకోవచ్చు. ఆరోగ్య నిపుణులు సూచిస్తున్న అలాంటి ఐదు అద్భుతమైన సూపర్ ఫుడ్స్ గురించి ఇప్పుడు వివరంగా తెలుసుకుందాం.
మొదటిగా, గుడ్లు మన శరీరానికి అవసరమైన అత్యుత్తమ ప్రోటీన్లు, విటమిన్లు మరియు ఖనిజాలతో నిండిన పరిపూర్ణ ఆహారం. గుడ్లలో ఉండే అధిక ప్రోటీన్ కండరాల నిర్మాణానికి ఎంతో సహాయపడుతుంది. అంతేకాకుండా, దెబ్బతిన్న చర్మ కణాల పునరుద్ధరణలో గుడ్లు కీలక పాత్ర పోషిస్తాయి. నిపుణుల సలహా ప్రకారం గుడ్లను ఆయిల్ ఎక్కువ వేసి ఆమ్లెట్‌గా తినడం కంటే, ఉడికించిన గుడ్ల రూపంలో తీసుకోవడం వల్ల గరిష్ట ఆరోగ్య ప్రయోజనాలు లభిస్తాయి. ఇది శరీరాన్ని ఫిట్‌గా ఉంచుతూనే చర్మానికి సహజమైన బిగుతును, మెరుపును అందిస్తుంది.
రెండవది, తీపి మరియు పులుపు సమ్మేళనంగా ఉండే బ్లూబెర్రీస్ అద్భుతమైన యాంటీఆక్సిడెంట్ నిధి. ప్రతిరోజూ బ్లూబెర్రీస్ తీసుకోవడం వల్ల రక్తపోటు నియంత్రణలో ఉండటమే కాకుండా, గుండె జబ్బుల ప్రమాదం గణనీయంగా తగ్గుతుంది. వీటిలో కాల్షియం, ఫాస్ఫరస్, ఐరన్, మెగ్నీషియం, మాంగనీస్, జింక్ మరియు విటమిన్ కె వంటి అత్యంత శక్తివంతమైన పోషకాలు పుష్కలంగా ఉంటాయి. ఇవన్నీ ఎముకల సాంద్రతను పెంచడంతో పాటు జ్ఞాపకశక్తిని మెరుగుపరచడంలో అద్భుతంగా తోడ్పడతాయి. చర్మాన్ని వృద్ధాప్య ఛాయల నుంచి కాపాడటంలో బ్లూబెర్రీస్ సూపర్ ఫుడ్‌గా పనిచేస్తాయి.
మూడవది, నాన్ వెజ్ ప్రియులకు సాల్మన్ చేప ఒక వరప్రసాదం. సూపర్ ఫుడ్స్ జాబితాలో అగ్రస్థానంలో ఉండే సాల్మన్ చేపలో ఒమేగా 3 ఫ్యాటీ ఆమ్లాలు అత్యధిక పరిమాణంలో ఉంటాయి. నిత్యం సాల్మన్ చేపను ఆహారంలో భాగం చేసుకోవడం వల్ల శరీరంలో రోగనిరోధక శక్తి విపరీతంగా పెరుగుతుంది. ఒమేగా 3 ఫ్యాటీ యాసిడ్లు చర్మంలో తేమను కాపాడి, పొడిబారకుండా చూస్తాయి. అంతేకాకుండా, మెదడు పనితీరును వేగవంతం చేయడానికి మరియు గుండె ఆరోగ్యాన్ని రక్షించడానికి సాల్మన్ అత్యంత ప్రభావవంతంగా పనిచేస్తుంది.
నాన్ వెజ్ తినని వారికి, లేదా విటమిన్ సి అధికంగా కోరుకునే వారికి కివి పండు అద్భుతమైన ప్రత్యామ్నాయం. సాధారణంగా విటమిన్ సి కి నారింజ పండును ఉదాహరణగా చెబుతుంటారు, కానీ కివి పండులో నారింజ కంటే కూడా అత్యధికంగా విటమిన్ సి ఉంటుంది. ఇది శరీరంలో గొప్ప యాంటీఆక్సిడెంట్‌గా పనిచేసి ఉచిత రాడికల్స్ (free radicals) దాడి నుంచి చర్మాన్ని కాపాడుతుంది. కివి పండును క్రమం తప్పకుండా తీసుకోవడం వల్ల రక్తంలో తెల్ల రక్త కణాలు (White Blood Cells) తగినంత సంఖ్యలో పెరుగుతాయి. దీనివల్ల ఇన్ఫెక్షన్లతో పోరాడే సామర్థ్యం పెరిగి, ముఖంపై ముడతలు రాకుండా చర్మం కాంతివంతంగా మారుతుంది.
చివరగా, క్యాబేజీ కుటుంబానికి చెందిన బ్రోకోలీ ఆరోగ్యానికి ఎంతో మేలు చేసే మరో శక్తివంతమైన ఆహారం. బ్రోకోలీని లేతగా ఉడకబెట్టి గానీ లేదా పచ్చిగా గానీ తినవచ్చు. బ్రోకోలీలో ఉండే విటమిన్ కె మరియు కాల్షియం ఎముకలను ఎంతో దృఢంగా మారుస్తాయి. దీనిలోని అధిక ఫైబర్ జీర్ణక్రియను మెరుగుపరచి, అనవసరమైన ఆకలి కోరికలను నియంత్రిస్తుంది. ఇది శరీరంలో కొవ్వు చేరకుండా నిరోధించి బరువు పెరగకుండా చూస్తుంది, తద్వారా పర్ఫెక్ట్ ఫిట్ బాడీని సాధించవచ్చు. ఈ ఐదు సూపర్ ఫుడ్స్‌ను మీ రోజువారీ డైట్‌లో భాగం చేసుకుని, మీ వ్యక్తిగత ఆరోగ్య పరిస్థితికి అనుగుణంగా తగిన పరిమాణంలో తీసుకుంటే ఆరోగ్యకరమైన శరీరం, మెరిసే చర్మం మీ సొంతమవుతాయి.
Beauty Foods for Glowing Skin, Foods for Radiant Skin, Healthy Diet for Skin and Fitness, Superfoods for Natural Glow, Nutrition for Skin and Body, Skin Care Foods.
.webp)
డయాబెటిస్ ఉన్నవారిలో తరచుగా కనిపించే కొన్ని సమస్యలు రోజువారీ జీవితాన్ని తీవ్రంగా ప్రభావితం చేస్తాయి. ముఖ్యంగా కూర్చొని లేవగానే తల తిరగడం, నిలబడినప్పుడు తూలినట్లు అనిపించడం, శరీరంలో బలహీనత, కండరాల బలం తగ్గడం వంటి లక్షణాలు కనిపిస్తే వాటిని నిర్లక్ష్యం చేయకూడదు. తల తిరగడానికి షుగర్ కారణమా? లేక చెవి, మెదడు, మెడకు సంబంధించిన సమస్యల వల్ల Vertigo వస్తుందా? అనే సందేహాలు చాలామందికి ఉంటాయి.
ఈ వీడియోలో డాక్టర్ ప్రవీణ్ కుమార్ డయాబెటిస్ మరియు Vertigo గురించి సులభమైన తెలుగులో ముఖ్యమైన విషయాలను వివరిస్తున్నారు.
షుగర్ పూర్తిగా Zero అవుతుందా? డయాబెటిస్‌ను పూర్తిగా నయం చేయగలమా? Type 1 Diabetes, Type 2 Diabetes మధ్య తేడా ఏమిటి? శరీరంలో Insulin Resistance ఎలా ఏర్పడుతుంది? డయాబెటిస్‌ను అదుపులో ఉంచుకోవడానికి ఎలాంటి జాగ్రత్తలు అవసరం? వంటి సాధారణ సందేహాలకు ఈ వీడియోలో వివరణ లభిస్తుంది.
డయాబెటిస్‌లో షుగర్ లెవల్స్‌ను నియంత్రించడంతో పాటు ఆరోగ్యకరమైన ఆహారం, క్రమం తప్పకుండా పర్యవేక్షణ, శారీరక చురుకుదనం వంటి అంశాల ప్రాధాన్యతను కూడా తెలుసుకోవచ్చు. దీర్ఘకాలంగా షుగర్ నియంత్రణలో లేకపోతే శరీరంపై ఎలాంటి ప్రభావాలు ఉండవచ్చు? కండరాల బలం ఎందుకు తగ్గుతుంది? బలహీనత, లైంగిక సమస్యలు వంటి ఇబ్బందులకు డయాబెటిస్‌తో సంబంధం ఉందా? అనే విషయాలను కూడా డాక్టర్ వివరిస్తారు.
ఇక తల తిరగడం లేదా Vertigo విషయానికి వస్తే ప్రతి తల తిరుగుడూ ఒకే కారణంతో ఉండదు. Vertigoలో వివిధ రకాలు ఉంటాయి. ముఖ్యంగా తల లేదా శరీరాన్ని ఒక పొజిషన్ నుంచి మరో పొజిషన్‌కు మార్చినప్పుడు అకస్మాత్తుగా తల తిరిగినట్లు అనిపించే BPPV (Benign Paroxysmal Positional Vertigo) గురించి ఈ వీడియోలో తెలుసుకోవచ్చు.
అలాగే చెవికి సంబంధించిన సమస్యలు, Aural Vertigo, మెడకు సంబంధించిన Cervical Spondylosis, శరీర స్థితి (Posture) వంటి కారణాల వల్ల కూడా తల తిరగడం లేదా బ్యాలెన్స్ సమస్యలు రావచ్చని వివరిస్తున్నారు. తల తిరుగుతున్నప్పుడు అసలు కారణాన్ని గుర్తించడం ఎందుకు ముఖ్యమో, ఎప్పుడు వైద్యుడిని సంప్రదించాలో కూడా ఈ వీడియో ద్వారా అర్థం చేసుకోవచ్చు.
డయాబెటిస్ ఉన్నవారు ఆహారం విషయంలో ఎలాంటి జాగ్రత్తలు తీసుకోవాలి? షుగర్‌ను క్రమం తప్పకుండా ఎలా మానిటర్ చేయాలి? శరీరంలో బలహీనత, కండరాల నష్టం రాకుండా ఎలాంటి జీవనశైలి పాటించాలి? Vertigo ఉన్నప్పుడు చెవుల ఆరోగ్యం, శరీర భంగిమ, రోజువారీ అలవాట్ల విషయంలో ఎలాంటి జాగ్రత్తలు తీసుకోవాలి? వంటి ఉపయోగకరమైన అంశాలు కూడా ఇందులో ఉన్నాయి.
అదేవిధంగా Homeopathy Approach గురించి కూడా ఈ వీడియోలో ప్రస్తావించారు. అయితే డయాబెటిస్ లేదా Vertigo వంటి సమస్యలకు స్వయంగా మందులు తీసుకోవడం లేదా ఇప్పటికే వాడుతున్న వైద్య చికిత్సను ఆపడం కాకుండా, అర్హత కలిగిన వైద్యుడి సలహాతోనే చికిత్స తీసుకోవడం చాలా ముఖ్యం.
షుగర్ కంట్రోల్, డయాబెటిస్‌లో వచ్చే సమస్యలు, తల తిరగడానికి కారణాలు, Vertigo రకాలు, BPPV, చెవి సమస్యలు, Cervical Spondylosis, ఆహారం మరియు రోజువారీ ఆరోగ్య జాగ్రత్తల గురించి పూర్తి సమాచారం తెలుసుకోవాలంటే ఈ వీడియోను పూర్తిగా చూడండి.
గమనిక: ఈ వీడియోలో అందించిన సమాచారం అవగాహన కోసం మాత్రమే. డయాబెటిస్, Vertigo లేదా ఇతర ఆరోగ్య సమస్యలకు వ్యక్తిగత చికిత్సను వైద్యుల సలహా లేకుండా మార్చకండి లేదా మందులను నిలిపివేయకండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
.webp)
ఉదయాన్నే పరగడుపున టీ లేదా కాఫీ తాగే అలవాటు చాలామందికి ఉంటుంది. రోజును చురుగ్గా ప్రారంభించడానికి కాఫీ, టీ లు తాగుతూ ఉంటారు. అయినప్పటికీ ఇవి శరీరంలో అసిడిటీ, హార్మోన్ల అసమతుల్యత , ఇతర జీర్ణ సమస్యలకు కారణమవుతాయి. వీటి స్థానంలో శరీరాన్ని చురుగ్గా ఉంచుతూనే శరీరంలో ఉన్న అనారోగ్యాలను, జబ్బులను, ఇబ్బందులను తగ్గించగల పానీయం తాగడం చాలా మంచిది. ఈ పానీయాన్ని తాగడం వల్ల శరీరంలోని విషపదార్థాలు తొలగిపోవడమే కాకుండా ఎన్నో ఆరోగ్య సమస్యల నుంచి ఉపశమనం లభిస్తుంది. ఇంతకీ అంత శక్తివంతమైన ఆ పానీయం ఏమిటో? దాన్ని ఎలా తయారుచేసుకుని తాగాలో.. వివరంగా తెలుసుకుంటే..
కావలసిన పదార్థాలు..
ధనియాలు,
జీలకర్ర,
సోంపు ,
వాము
పైన పేర్కొన్న దినుసులలో ఆరోగ్యానికి మేలు చేసే యాంటీఆక్సిడెంట్లు, విటమిన్లు , ఖనిజాలు సమృద్ధిగా ఉంటాయి.
తయారీ విధానం...
ఈ పానీయాన్ని తయారు చేయడం చాలా సులభం. ముందుగా ఒక గిన్నెలో ఒక గ్లాసు నీటిని తీసుకుని మరిగించాలి. అందులో అర టీస్పూన్ ధనియాలు, అర టీస్పూన్ జీలకర్ర, అర టీస్పూన్ సోంపు , పావు టీస్పూన్ వాము వేయాలి. ఈ మిశ్రమాన్ని నీరు సగం అయ్యేంత వరకు చిన్న మంటపై బాగా మరిగించాలి. నీరు బాగా మరిగిన తర్వాత వడకట్టి, గోరువెచ్చగా ఉన్నప్పుడు తాగాలి. రుచి కోసం లేదా అదనపు ఆరోగ్య ప్రయోజనాల కోసం కాస్త నిమ్మరసం లేదా తేనె కూడా కలపవచ్చు.
ఈ పానీయం తాగడం వల్ల శరీరానికి కలిగే ఉపయోగాలు..
హార్మోన్ల సమతుల్యత..
మహిళల్లో ఎదురయ్యే థైరాయిడ్, పిసిఓడి , పీరియడ్స్ సక్రమంగా రాకపోవడం వంటి సమస్యలకు ఈ పానీయం చాలా మేలు చేస్తుంది.
ధనియాలు , సోంపు శరీరంలో హార్మోన్ల ఉత్పత్తిని క్రమబద్ధీకరించడానికి తోడ్పడతాయి.
జీర్ణవ్యవస్థ మెరుగుదల..
జీలకర్ర , వాము జీర్ణక్రియను వేగవంతం చేస్తాయి. కడుపు ఉబ్బరం, గ్యాస్, ఎసిడిటీ , మలబద్ధకం వంటి సమస్యల నుంచి తక్షణ ఉపశమనం లభిస్తుంది.
రక్తంలో చక్కెర స్థాయిల నియంత్రణ..
టైప్-2 డయాబెటిస్‌తో బాధపడేవారికి ఈ పానీయం సహాయపడుతుంది. ఇది ఇన్సులిన్ సున్నితత్వాన్ని పెంచి రక్తంలో గ్లూకోజ్ స్థాయిలను అదుపులో ఉంచుతుంది.
బరువు తగ్గేందుకు సహాయం..
శరీరంలో ఉన్న కొవ్వును కరిగించడంలో జీలకర్ర , వాము కీలక పాత్ర పోషిస్తాయి. క్రమం తప్పకుండా ఈ పానీయం తాగడం ద్వారా శరీర మెటబాలిజం పెరిగి బరువు తగ్గే అవకాశం ఉంటుంది.
చర్మ సౌందర్యం , డిటాక్సిఫికేషన్..
శరీరంలోని టాక్సిన్స్ బయటకు పంపడంలో ఇది అద్భుతంగా పనిచేస్తుంది. ఫలితంగా చర్మంపై మొటిమలు, మచ్చలు తగ్గి చర్మం సహజంగా మెరుస్తుంది.
కీళ్ల నొప్పుల నుంచి ఉపశమనం..
ఈ పదార్థాల్లో ఉన్న యాంటీ ఇన్‌ఫ్లమేటరీ గుణాలు కీళ్ల నొప్పులు , వాపులను తగ్గించడంలో సహాయపడతాయి.
ఈ డిటాక్స్ డ్రింక్‌ను ప్రతిరోజూ ఉదయం పరగడుపున క్రమం తప్పకుండా తాగడం ద్వారా శరీరంలో సహజమైన మార్పులను గమనించవచ్చు. టీ, కాఫీలకు ప్రత్యామ్నాయంగా ఈ నేచురల్ పానీయాన్ని అలవాటు చేసుకోవడం ద్వారా శరీరంలో చాలా మార్పులు గమనించవచ్చు.
*రూపశ్రీ.