వివిధ రాష్ట్రాలకు కొత్త ఇన్ఛార్జీలను ప్రకటించిన కాషాయ పార్టీ..!
రాబోయే అసెంబ్లీ, సార్వత్రిక ఎన్నికల్లో విజయం లక్ష్యంగా బీజేపీ అధినాయకత్వం పార్టీ సంస్థాగత యంత్రాంగంలో భారీ మార్పులు చేపట్టింది. దేశవ్యాప్తంగా 28 రాష్ట్రాలు, 8 కేంద్రపాలిత ప్రాంతాలకు కొత్త ఇన్చార్జ్లు, సహ ఇన్చార్జ్లను నియమించింది. ఈ మేరకు బీజేపీ జాతీయ అధ్యక్షుడు నితిన్ నబీన్ అధికారికంగా జాబితాను ప్రకటించారు. ప్రాంతీయ రాజకీయ పరిస్థితులు, ఎన్నికల సమీకరణాలు, పార్టీ భవిష్యత్ వ్యూహాలను పరిగణనలోకి తీసుకుని కీలక నేతలకు ఆయా రాష్ట్రాల బాధ్యతలను అప్పగించారు. పార్టీ సంస్థాగత బలోపేతం, క్షేత్రస్థాయిలో కార్యకర్తల సమన్వయం, ఎన్నికల వ్యూహాల అమలులో కొత్త ఇన్చార్జ్లు కీలకంగా వ్యవహరించనున్నారు. రాబోయే ఎన్నికలను దృష్టిలో పెట్టుకుని రాష్ట్రాల వారీగా పార్టీ పనితీరును మరింత సమర్థవంతంగా తీర్చిదిద్దేందుకు ఈ మార్పులు చేపట్టినట్లు బీజేపీ వర్గాలు పేర్కొంటున్నాయి. బీజేపీ జాతీయ ప్రధాన కార్యదర్శిగా బాధ్యతలు నిర్వర్తిస్తున్న ప్రముఖ నాయకురాలు స్మృతి ఇరానీకి కీలకమైన బాధ్యతలు అప్పగించారు.
ఆమెకు హర్యానా, ఛత్తీస్గఢ్ రాష్ట్రాల పార్టీ ఇన్ఛార్జి బాధ్యతలను కేటాయించారు. గత కొంతకాలంగా జాతీయ రాజకీయాల్లో క్రియాశీలకంగా వ్యవహరిస్తున్న స్మృతి ఇరానీకి రెండు ముఖ్యమైన రాష్ట్రాల బాధ్యతలు అప్పగించడం ద్వారా పార్టీలో ఆమె ప్రాధాన్యత మరింత పెరిగినట్లయింది. మరోవైపు, పార్టీలో కీలక వ్యూహకర్తగా పేరుగాంచిన సునీల్ బన్సల్కు తెలంగాణ, పశ్చిమ బెంగాల్ రాష్ట్రాల ఇన్ఛార్జి బాధ్యతలు కేటాయించారు. తెలంగాణలో పార్టీని మరింత బలోపేతం చేసే దిశగా జాతీయ నాయకత్వం ఈ నిర్ణయం తీసుకుంది. ఆంధ్రప్రదేశ్: అర్వింద్ భదౌరియా ఇంచార్జ్గా, తమిళనాడు మాజీ ఎమ్మెల్యే వనతి శ్రీనివాసన్ సహ-ఇంచార్జ్గా వ్యవహరిస్తారు.ఒడిశా: దగ్గుబాటి పురందేశ్వరి ఇంచార్జ్గా, డాక్టర్ స్వదేశ్ సింగ్ సహ-ఇంచార్జ్గా నియమితులయ్యారు. తమిళనాడు: రామ్ మాధవ్ ఇంచార్జ్గా ఎంపికవ్వగా, కో-ఇంచార్జ్లుగా డీకే అరుణ, నిర్మల్ కుమార్ సురాణా బాధ్యతలు చేపట్టనున్నారు.
ఇదే క్రమంలో మరికొద్ది మంది సీనియర్ నాయకులకు కూడా ముఖ్యమైన రాష్ట్రాల బాధ్యతలు దక్కాయి. బీజేపీ జాతీయ ఉపాధ్యక్షుడిగా ఉన్న రామ్ మాధవ్కు తమిళనాడు, ఉత్తరాఖండ్ రాష్ట్రాల బాధ్యతలను కేటాయించారు. అలాగే, వినోద్ తావ్డేను ఉత్తరప్రదేశ్ రాష్ట్ర ఇన్ఛార్జిగా, వినయ్ సహస్రబుద్ధేను ఢిల్లీ ఇన్ఛార్జిగా నియమించినట్లు పార్టీ వర్గాలు వెల్లడించాయి. దేశవ్యాప్తంగా మొత్తం 28 రాష్ట్రాలు మరియు 8 కేంద్రపాలిత ప్రాంతాలకు సంబంధించిన ఇన్ఛార్జీలు, సహ-ఇన్ఛార్జీల పూర్తి జాబితాను బీజేపీ జాతీయ నాయకత్వం ప్రకటించింది. క్షేత్రస్థాయిలో పార్టీ సంస్థాగత నిర్మాణాన్ని మరింత పటిష్టం చేసేందుకు, రాబోయే సవాళ్లను సమర్థవంతంగా ఎదుర్కొనేందుకు ఈ తాజా మార్పులు ఎంతగానో ఉపయోగపడతాయని రాజకీయ పరిశీలకులు అంచనా వేస్తున్నారు.
[ BJP state in charges, Smriti Irani, Sunil Bansal, Telangana BJP, Ram Madhav, BJP news updates, Arvind Bhadauria, Daggubati Purandeswari, DK Aruna,Ram Madhav, Nitin Nabeen ]
ఏపీ స్థానిక ఎన్నికలు ఎప్పుడు జరుగుతాయన్న విషయంపై మంత్రి నారా లోకేష్ క్లారిటీ ఇచ్చేశారు. రాష్ట్ర రాజకీయాలలో స్థానిక ఎన్నికలపై చర్చ జోరుగా సాగుతున్న సంగతి తెలిసిందే. అక్టోబరా, నవంబరా, లేదా తరువాతా అన్న ఉత్కంఠకు తెరదించుతూ మంత్రి నారా లోకేష్ వచ్చే నెలలోనే అంటే అక్టోబర్ లోనే స్థానిక సమరం ఉంటుందన్న స్పష్టత ఇచ్చారు. ఎన్నికలు వాయిదా పడతాయంటూ జరుగుతున్న ప్రచారంలో ఇసుమంతైనా వాస్తవం లేదనీ.. ఈ విషయంలో ఎవరికీ ఎలాంటి అపోహలు అక్కర్లేదని తేల్చిచెప్పారు.
మంత్రులు, పార్టీ కీలక నేతల ఉన్నతస్థాయి భేటీలో నారా లోకేశ్ స్థానిక ఎన్నికలలో తెలుగుదేశం కూటమి క్లీన్ స్వీప్ చేయాలని, అందుకు అందరూ సమష్టిగా పనిచేయాలని పిలుపునిచ్చారు. , క్షేత్రస్థాయిలో పార్టీ శ్రేణులను స్థానిక సమరానికి పూర్తి స్థాయిలో సమాయత్తమయ్యేలా చర్యలు తీసుకోవాలన్నారు. గ్రామీణ స్థాయిలో పార్టీని మరింత బలోపేతం చేయడానికి స్థానిక ఎన్నికలు కీలకమన్న నారా లోకేష్.. గత ప్రభుత్వ విధానాలకు భిన్నంగా, పారదర్శకమైన పాలనను అందిస్తూ ప్రజల మధ్యే ఉంటున్న కూటమి శ్రేణులు ఈ ఎన్నికల్లో తిరుగులేని విజయాలను నమోదు చేయాలని స్పష్టం చేశారు.
కేవలం విజయం సాధించడమే కాకుండా, రాష్ట్రవ్యాప్తంగా ప్రతి సర్పంచ్, ఎంపీటీసీ, జెడ్పీటీసీ స్థానాన్ని కైవసం చేసుకుని క్లీన్ స్వీప్ చేయాలని దిశానిర్దేశం చేశారు. క్షేత్రస్థాయిలో కూటమి అభ్యర్థుల విజయం కోసం నాయకులంతా సమన్వయంతో పనిచేయాలన్నారు.
[Nara Lokesh, AP local body elections, Panchayat elections, Andhra Pradesh, TDP alliance clean sweep, AP politics,Telugu One]
దివంగత వైఎస్ వివేకానందరెడ్డి కుమార్తె వైఎస్ సునీత తెలుగుదేశం గూటికి చేరనున్నారా? జగన్ కు పెట్టని కోట లాంటి కడపలో వైసీపీ ఉనికిని ప్రశ్నార్థకం చేసేలా తెలుగుదేశం జాతీయ కార్యనిర్వాహక అధ్యక్షుడు, మంత్రి నారా లోకేష్ వ్యూహాత్మకంగా పావులు కదుపుతున్నారా? అందులో భాగంగానే.. వైఎస్ కుటుంబానికి చెందిన వైఎస్ సునీతను తెలుగుదేశం పార్టీలోకి ఆహ్వానించి.. స్థానిక సంస్థల ఎన్నికల బరిలోకి దింపేందుకు నిర్ణయించుకున్నారా? ఈ మేరకు లోకేష్ చేసిన ప్రతిపాదనకు వైఎస్ సునీత ఓకే చెప్పారా? ఈ ప్రశ్నలకు పొలిటికల్ సర్కిల్స్ నుంచి ఔనన్న సమాధానమే వస్తోంది.
మంత్రి నారా లోకేష్ స్వయంగా ఈ ప్రతిపాదనను తెరపైకి తెచ్చినట్లు తెలుగుదేశం వర్గాలు చెబుతున్నాయి. వైఎస్ జగన్మోహన్ రెడ్డి సొంత నియోజకవర్గమైన పులివెందుల పరిధిలోని లింగాల మండలం నుంచి జెడ్పీటీసీ స్థానానికి పోటీ చేయాల్సిందిగా వైఎస్ సునీతను లోకేష్ కోరినట్లు ప్రచారం జరుగుతోంది. కేవలం పోటీ చేయడమే కాకుండా, ఆ ఎన్నికలో విజయం సాధిస్తే.. జిల్లా పరిషత్ చైర్ పర్సన్ పదవి కట్టబెడతామని స్పష్టమైన హామీ ఇచ్చినట్లు విశ్వసనీయ వర్గాల ద్వారా తెలుస్తోంది. వైఎస్ కుటుంబానికి, వైసీపీకి తిరుగులేని పట్టు, బలం, ప్రాబల్యం ఉన్న ప్రాంతంలోనే ఆ పార్టీని గట్టి దెబ్బకొట్టాలన్న వ్యూహంతోనే లోకేష్ ఈ ప్రతిపాదన చేసినట్లు పరిశీలకులు విశ్లేషిస్తున్నారు.
రాష్ట్రంలో స్థానిక ఎన్నికల వేడి పీక్స్ చేరుతున్న తరుణంలో లోకేష్ చేసినట్లుగా చెబుతున్న ఈ ప్రతిపాదనకు రాజకీయంగా అత్యంత ప్రాధాన్యత ఏర్పడింది. అధికారికంగా ఈ ప్రతిపాదనకు సంబంధించిన సమాచారం ఏదీ బయటకు రాకపోయినా.. పొలిటికల్ సర్కిల్స్ లో మాత్రం వైఎస్ సునీత సైకిలెక్కి జగన్ కు సవాల్ విసరడం దాదాపు ఖాయమైందనే అంటున్నారు.
వైఎస్ వివేకానందరెడ్డి హత్య ఉదంతం తర్వాత వైఎస్ సునీత న్యాయం కోసం పోరాటం చేసిన విషయం తెలిసిందే. తన తండ్రి మరణానికి కారణమైన వారిపై రాజకీయంగా, న్యాయపరంగా ఆమె చేసిన పోరాటం ప్రజల్లోకి బలంగా వెళ్లింది. ఈ నేపథ్యంలో ఆమెకు రాజకీయ ఆశ్రయం కల్పించడం ద్వారా ప్రత్యర్థి పార్టీని ఇరుకున పెట్టవచ్చని నారా లోకేష్, తెలుగుదేశం పార్టీ భావిస్తున్నాయి.
మరోవైపు, వైఎస్ కుటుంబానికి కంచుకోటగా భావించే పులివెందుల ప్రాంతంలో ఇలాంటి పరిణామాలు జరిగితే స్థానిక రాజకీయ సమీకరణాలు పూర్తిగా మారిపోయే అవకాశం ఉంది. సొంత కుటుంబ సభ్యురాలే ప్రత్యర్థి పార్టీ మద్దతుతో బరిలోకి దిగితే అది రాజకీయంగా జగన్ కు పెద్ద ఎదురుదెబ్బ అవుతుందంటున్నారు. ఏది ఏమైనా సునీత తెలుగుదేశం గూటికి చేరతారా అన్న విషయం ఆమె నుంచి అధికారికంగా ప్రకటన వచ్చే వరకూ ఖరారైనట్లు కాదని పరిశీలకులు అంటున్నారు.
[YS Sunitha, Nara Lokesh, Lingala ZPTC, Kadapa politics, TDP offer, Telugu Desham Party, Kadapa, ZP Chair Person, AP Politics, Telugu One]
ALSO ON TELUGUONE N E W S
నాచురల్ స్టార్ నాని, శ్రీకాంత్ ఓదెల తెలుగు నాట తమ మానస పుత్రిక 'ది ప్యారడైజ్' తో పరాజయాపు కౌగిలిలో మునిగిపోయారు. ఇప్పటివరకు ప్రదర్శించిన అన్ని షోస్ ప్రేక్షకులు ఒకటే మాట. ప్యారడైజ్ గట్టెక్కడం కష్టమే అని.
అయితే అమెరికా, ఆస్ట్రేలియా, యూకే వంటి ప్రధాన ఓవర్సీస్ మార్కెట్లలో ప్రీమియర్ షోలు పూర్తి కావడంతో, అక్కడ చూసిన ప్రేక్షకులు, క్రిటిక్స్ నుండి టాక్ ఏంటనే ఆసక్తి అందరిలోనూ మొదలైంది. విదేశీ ప్రీమియర్ల నుంచి వస్తున్న వివరాలు మరియు సెన్సార్ సమాచారం ప్రకారం, అధిక మోతాదులో ఉండే యాక్షన్ ఎపిసోడ్స్ మాస్ ప్రేక్షకులను మరియు నాని డార్క్ యాక్షన్ లుక్ను ఇష్టపడే వారిని థ్రిల్ చేసినప్పటికీ, సెకండాఫ్లో కొన్ని సన్నివేశాలు సుదీర్ఘంగా సాగడం మరియు ఎమోషనల్ కనెక్ట్ కొంత తగ్గిందనే టాక్ ఓవర్సీస్ రివ్యూలలో వినిపిస్తోంది. మరి ఓవర్ సీస్ లో కింగ్ అయిన నాని పూర్తి రన్నింగ్ లో ఎంత మేర సాధిస్తాడో చూడాలి.
ఇది కూడా చదవండి: 400 కోట్ల క్లబ్ వైపు 'హనుమాన్ అంశ్' సంచలన పయనం
వ్యాపార పరంగా చూస్తే, నాని కెరీర్లోనే అత్యధిక ప్రీ-రిలీజ్ బ్యాలెన్స్తో భారీ బడ్జెట్తో నిర్మితమైన ఈ సినిమా ప్రపంచవ్యాప్తంగా రూ. 300 కోట్ల గ్రాస్ కలెక్షన్స్ లక్ష్యంగా బరిలోకి దిగింది. బుక్ మై షోలో విడుదలకు ముందే ప్రతి గంటకూ వేల సంఖ్యలో టికెట్లు అమ్ముడై అరుదైన రికార్డును నమోదు చేసింది. ఓవర్సీస్ బాక్సాఫీస్ వద్ద తొలిరోజు రికార్డు స్థాయి వసూళ్లు సాధిస్తుందని అంచనా వేస్తున్నారు. మొత్తానికి 'ది ప్యారడైజ్' చిత్రం నాని కెరీర్లో ఒక విభిన్నమైన సాహసోపేత ప్రయత్నమని, మాస్ ఆడియన్స్కు ఐ-ఫీస్ట్ ఇస్తూ, నానిని టాలీవుడ్ టైర్-1 హీరోల సరసన చేర్చే దిశగా బలమైన అడుగు అని విశ్లేషకులు భావిస్తున్నారు.
[The Paradise Movie Overseas Talk Analysis, The Paradise, Nani, Kayadu Lohar, Telugu One Cinema News, TeluguOne Cinema News, TeluguOne]
.webp)
వందల వందల కోట్లు ఎందుకు ఖర్చుపెడుతుంటారో తెలియని వాళ్ళకి సినిమా అంటే పెన్ను, పేపర్ సాయంతో, ప్రస్తుతం ప్రేక్షకుల మూడ్ ఎలా ఉందో కనిపెట్టి మంచి కథతో కూడిన కంటెంట్ ని సృషించడమే. లేదంటే ఎన్ని కోట్లు ఖర్చుపెట్టినా సినిమాకి ఎలాంటి ఉపయోగం ఉండదు. అదే కోట్లుని కాకుండా రూపాయి ఎలా ఖర్చుపెట్టాలో తెలిసేలా 'హనుమాన్ అంశ్' లాంటి సినిమాలని ప్రేక్షకులకి అందిస్తే వాళ్ళ జేబుల్లో డబ్బులు మేకర్స్ అకౌంట్ లో ఉంటాయి.
ప్రసిద్ధ ఆధ్యాత్మిక గురువు నీమ్ కరోలీ బాబా జీవిత విశేషాలు, ఆయన మహిమల ఆధారంగా తెరకెక్కిన 'హనుమాన్ అంశ్' 400 కోట్ల అరుదైన మైలురాయి వైపు వేగంగా అడుగులు వేస్తోంది. వ్యాపార వర్గాలు, సినీ విశ్లేషకులు సైతం ఈ కలెక్షన్ల ప్రవాహాన్ని చూసి విస్తుపోతున్నారు. ఈ చిత్రం మొదటి వారం పూర్తయ్యేసరికి వసూళ్లు 1.08 కోట్లకు చేరుకున్నాయి. అయితే రెండో వారంలో కాస్త మందగించి కేవలం. 40 లక్షలు మాత్రమే రాబట్టడంతో, రెండు వారాల మొత్తం వసూళ్లు 1.48 కోట్ల దగ్గరే నిలిచిపోయాయి. చాలామంది ఈ చిత్రం ఇక్కడితో ఆగిపోతుందని భావించిన వేళ, మూడో వారం నుంచి ఊహించని అద్భుతం జరిగింది. ప్రేక్షకుల నుంచి వచ్చిన అద్భుతమైన పాజిటివ్ టాక్, మౌత్ పబ్లిసిటీ ఈ సినిమా రూపురేఖలనే మార్చేసాయి. దేవుడి మహిమలు, ఆధ్యాత్మిక భావనలు ప్రేక్షకుడి హృదయాన్ని తాకడంతో థియేటర్ల దగ్గర జనాలు క్యూ కట్టడం ప్రారంభించారు.
ఇది కూడా చదవండి: మారెమ్మ ఓటిటి డేట్ వచ్చేసింది: అమ్మ తల్లో, మాయమ్మో!
ఈ జోరు ఏమాత్రం తగ్గకుండా ఏకంగా 47వ రోజున కూడా బాక్సాఫీస్ వద్ద రోజుకు దాదాపు 5 కోట్ల భారీ వసూళ్లను రాబట్టి అందరినీ ఆశ్చర్యపరిచింది. ఇప్పటివరకు రూ. 200 కోట్ల భారీ షేర్ సాధించిన ఈ సినిమా ట్రేడ్ వర్గాలకు పండగ వాతావరణాన్ని తీసుకొచ్చింది. మొదట ఈ చిత్ర తెలుగు హక్కులను దర్శకుడు త్రివిక్రమ్ కొనుగోలు చేసినప్పటికీ, కొన్ని సాంకేతిక కారణాల వల్ల ఆయన ప్రాజెక్ట్ నుండి తప్పుకున్నారు. కానీ ఇప్పుడు ఈ చిత్రం సృష్టిస్తున్న ప్రభంజనం చూసి తెలుగు వెర్షన్ థియేట్రికల్ రిలీజ్ కోసం టాలీవుడ్ ప్రేక్షకులు ఎంతో ఆసక్తిగా ఎదురుచూస్తున్నారు.
మరోవైపు సోషల్ మీడియాలో ఈ చిన్న చిత్రం తెచ్చిపెట్టిన లాభాలను, ఇతర భారీ బడ్జెట్ సినిమాల ఫలితాలతో పోలుస్తూ నెటిజన్లు తీవ్రంగా చర్చించుకుంటున్నారు. ఉదాహరణకు. 450 కోట్ల మైండ్ బ్లోయింగ్ బడ్జెట్తో తెరకెక్కిన పాన్-ఇండియా చిత్రం 'టాక్సిక్' ప్రపంచవ్యాప్తంగా 342 కోట్ల గ్రాస్ మాత్రమే సాధించి బాక్సాఫీస్ దగ్గర నిరాశ పరిచింది. 400 కోట్లకు థియేట్రికల్ హక్కులు అమ్ముడైన టాక్సిక్ చివరకు కేవలం రూ. 160 కోట్ల షేర్ మాత్రమే రాబట్టి నిర్మాతలకు భారీ నష్టాలను మిగిల్చింది. కేవలం 2 కోట్ల బడ్జెట్ సినిమా 200 కోట్ల షేర్ తెచ్చిపెడితే, 450 కోట్ల భారీ చిత్రం డిజాస్టర్గా మిగలడంపై బాక్సాఫీస్ విశ్లేషకులు విస్తుపోతున్నారు. గొప్ప కథనం, నిజాయితీ ఉన్న మేకింగ్ ముందు బడ్జెట్లు ఎప్పుడూ ద్వితీయమేనని 'హనుమాన్ అంశ్' బాక్సాఫీస్ వద్ద మరోసారి రుజువు చేసింది.కేవలం . 2 కోట్ల అత్యంత స్వల్ప బడ్జెట్తో రూపుదిద్దుకున్న ఈ విజువల్ వండర్, ఇప్పటివరకు ప్రపంచవ్యాప్తంగా ఏకంగా 366 కోట్ల గ్రాస్ వసూళ్లను సాధించి సినిమా అనేది ఇస్త్రీ చొక్కా నలగకుండా ధర్మ బద్దంగా ఓవర్ నైట్ కరోడ్ పతిని ఎలా చేస్తుందో నిరూపించింది.
[Hanuman Ansh Collections, Hanuman Ansh budget, Toxic, Telugu Cinema, telugu Cinema News, Tollywood, Tollywood News]
నాని, శ్రీకాంత్ ఓదెల కాంబినేషన్లో వచ్చిన ‘దసరా’ సినిమాకు ప్రేక్షకుల్లో మంచి స్పందన వచ్చింది. దీంతో వీరిద్దరి కాంబినేషన్లో తెరకెక్కిన ‘ది ప్యారడైజ్’పై మొదటి నుంచే భారీ అంచనాలు ఏర్పడ్డాయి. అందుకు తగ్గట్టుగానే సినిమా నుంచి వచ్చిన పోస్టర్లు, టీజర్, ట్రైలర్తో పాటు అనిరుధ్ రవిచందర్ అందించిన పాటలు కూడా సినిమాపై హైప్ పెంచాయి.
ముఖ్యంగా ‘ది ప్యారడైజ్’లాంటి రా అండ్ ఇంటెన్స్ యాక్షన్ డ్రామాకు అనిరుధ్ బీజీఎం అదిరిపోతుందని చాలామంది భావించారు. అయితే సినిమా విడుదలైన తర్వాత మాత్రం మ్యూజిక్ విషయంలో భిన్నమైన అభిప్రాయాలు వ్యక్తమవుతున్నాయి. పాటలు కొంతవరకు ఆకట్టుకున్నా.. బ్యాక్గ్రౌండ్ స్కోర్ మాత్రం సన్నివేశాలను ఆశించిన స్థాయిలో ఎలివేట్ చేయలేకపోయిందనే కామెంట్స్ వస్తున్నాయి. కొన్ని రివ్యూల్లో కూడా అనిరుధ్ బీజీఎం సినిమాకు బలంగా నిలవలేకపోయిందని ప్రస్తావించారు.
నిజానికి ‘ది ప్యారడైజ్’కు అనిరుధ్ పేరు కూడా ఒక ప్లస్ పాయింట్గానే మారింది. గతంలో నాని నటించిన ‘గ్యాంగ్ లీడర్’కు అనిరుధ్ సంగీతం అందించారు. ఆ తర్వాత మరోసారి నాని సినిమాకు పనిచేయడంతో ఈ కాంబినేషన్పై ఆసక్తి పెరిగింది. సినిమా విడుదలకు ముందు అనిరుధ్ అమెరికాలో నిర్వహించిన కచేరీలో ‘ది ప్యారడైజ్’ రెండో సింగిల్ను కూడా విడుదల చేశారు.
అయితే సినిమా నేపథ్య సంగీతం విషయానికి వచ్చేసరికి అంచనాలు మరోలా ఉన్నాయి. ‘ది ప్యారడైజ్’ కథ 1980ల నేపథ్యంలో సావరీ కమ్యూనిటీ చుట్టూ తిరుగుతుంది. మోహన్బాబు పోషించిన మాలిక్ ఆధిపత్యం, జడల్గా నాని తిరుగుబాటు, ఆ కమ్యూనిటీ ఎదుర్కొనే పరిస్థితులు కథలో కీలకంగా ఉంటాయి. ఇలాంటి కథకు సన్నివేశాల్లో ఎమోషన్, టెన్షన్, యాక్షన్ను మరింత పెంచే బీజీఎం అవసరం.
కానీ సినిమాలో కొన్ని కీలక సన్నివేశాలకు అనిరుధ్ బ్యాక్గ్రౌండ్ స్కోర్ ఆశించినంత ఇంపాక్ట్ ఇవ్వలేదనే అభిప్రాయాలు వినిపిస్తున్నాయి. ముఖ్యంగా కథనం రెండో భాగంలోకి వెళ్లిన తర్వాత సన్నివేశాలు ఎక్కువగా హింస, యాక్షన్ వైపు వెళ్లడంతో మ్యూజిక్ కూడా వాటిని క్యారీ చేయాల్సి ఉంది. అక్కడే బీజీఎం కొంత తేలిపోయిందని కొందరు రివ్యూలు పేర్కొంటున్నాయి. మరోవైపు నాని పెర్ఫార్మెన్స్, సినిమా ప్రొడక్షన్ డిజైన్, విజువల్స్, కొన్ని యాక్షన్ సన్నివేశాలకు మాత్రం ప్రశంసలు దక్కుతున్నాయి.
ఇదిలా ఉంటే.. అనిరుధ్ సంగీతంపై వస్తున్న ఈ కామెంట్స్ పూర్తిగా ఆయన ప్రతిభకు సంబంధించినవే అని చెప్పలేం. సినిమా చివరి దశ పోస్ట్ ప్రొడక్షన్ పనులు, ఫైనల్ ఎడిట్, రీ-రికార్డింగ్కు దొరికిన సమయం కూడా బీజీఎంపై ప్రభావం చూపి ఉండొచ్చనే అభిప్రాయాలు ఉన్నాయి. రిలీజ్కు ముందు కూడా సినిమాకు సంబంధించిన పోస్ట్ ప్రొడక్షన్ పనులు వేగంగా కొనసాగినట్లు వార్తలు వచ్చాయి.
మొత్తానికి ‘ది ప్యారడైజ్’కు పాటల పరంగా ముందే మంచి క్రేజ్ తీసుకొచ్చిన అనిరుధ్.. బ్యాక్గ్రౌండ్ స్కోర్ విషయంలో మాత్రం ప్రేక్షకుల అంచనాలను పూర్తిగా అందుకోలేకపోయాడనే చర్చ ప్రస్తుతం జరుగుతోంది. అయితే సినిమా చూసిన ప్రతి ఒక్కరి అభిప్రాయం ఒకేలా లేదు. కొందరు అనిరుధ్ మ్యూజిక్ను కూడా ప్రశంసిస్తున్నారు. దీంతో ‘ది ప్యారడైజ్’లో మ్యూజిక్ ఎంతవరకు వర్కౌట్ అయిందన్నది ప్రేక్షకుల అభిరుచికి అనుగుణంగా మారుతోంది.
[The Paradise, Nani The Paradise, Anirudh Ravichander, The Paradise Music, The Paradise BGM, Anirudh BGM, Nani Anirudh Movie, The Paradise Review, Srikanth Odela, The Paradise Movie, Nani Latest Movie, Anirudh Music Review, The Paradise Background Score]
.WEBP)
‘కల్కి 2898 ఏడీ’ సినిమాతో ఇండియన్ సినిమాను మరో స్థాయికి తీసుకెళ్లారు దర్శకుడు నాగ్ అశ్విన్. ప్రభాస్ హీరోగా తెరకెక్కిన ఈ సినిమా భారీ విజయాన్ని అందుకోవడంతో పాటు.. ప్రేక్షకులకు ఒక కొత్త ప్రపంచాన్ని పరిచయం చేసింది. ముఖ్యంగా సినిమా చివర్లో ఇచ్చిన ట్విస్టులతో సీక్వెల్పై భారీ ఆసక్తి ఏర్పడింది. ఇప్పుడు అందరి దృష్టి ‘కల్కి 2’పైనే ఉంది.
‘కల్కి 2’ ఎప్పుడు ప్రేక్షకుల ముందుకు వస్తుందన్నది చాలాకాలంగా చర్చ జరుగుతున్న విషయం. తాజాగా ఈ సినిమాకు సంబంధించి రిలీజ్పై ఓ ఆసక్తికరమైన సమాచారం బయటికి వచ్చింది. 2027 డిసెంబర్లో సినిమాను ప్రేక్షకుల ముందుకు తీసుకురావాలని మూవీ టీమ్ టార్గెట్గా పెట్టుకున్నట్లు తెలుస్తోంది. అయితే ఇది ఇంకా అధికారికంగా ప్రకటించిన రిలీజ్ డేట్ మాత్రం కాదు.
‘కల్కి 2’ రెగ్యులర్ షూటింగ్ అక్టోబర్ 2026 నుంచి ప్రారంభం కానుందని నాగ్ అశ్విన్ ఇప్పటికే వెల్లడించారు. 2027 మధ్య నాటికి షూటింగ్ పూర్తి చేయాలని ఆయన ప్లాన్ చేస్తున్నట్లు తాజా సమాచారం. షూటింగ్ పూర్తయిన తర్వాత విజువల్ ఎఫెక్ట్స్, గ్రాఫిక్స్, పోస్ట్ ప్రొడక్షన్ పనులకు భారీ సమయం కేటాయించాల్సి ఉంటుంది. ‘కల్కి’ ప్రపంచానికి సంబంధించిన విజువల్స్ సినిమాలో చాలా కీలకం కావడంతో ఈ పనుల విషయంలో మేకర్స్ తొందరపడకుండా ముందుకు వెళ్లాలని చూస్తున్నట్లు తెలుస్తోంది.
ఇక మొదటి పార్ట్ ఎక్కడ ముగిసిందో అక్కడి నుంచే ‘కల్కి 2’ కథ మరింత ముందుకు వెళ్లనుంది. ముఖ్యంగా ప్రభాస్ పోషించిన భైరవ పాత్రకు ఉన్న కర్ణుడి లింక్, కమల్ హాసన్ నటించిన సుప్రీమ్ యాస్కిన్ పాత్రకు సంబంధించిన అంశాలు సీక్వెల్లో మరింత కీలకంగా మారే అవకాశం ఉంది. మొదటి పార్ట్లో పరిమితంగా కనిపించిన యాస్కిన్ పాత్రకు రెండో భాగంలో ఎక్కువ ప్రాధాన్యత ఉండనుందని కూడా గతంలో వార్తలు వచ్చాయి.
ఈ సినిమాలో ప్రభాస్తో పాటు అమితాబ్ బచ్చన్, కమల్ హాసన్ కీలక పాత్రల్లో కనిపించనున్నారు. సీక్వెల్లో సాయి పల్లవి కూడా ముఖ్యమైన పాత్రలో కనిపించనున్నట్లు ప్రచారం జరుగుతోంది. అయితే ఆమె పాత్రతో పాటు కొన్ని ఇతర క్యాస్టింగ్ వివరాలపై మేకర్స్ నుంచి పూర్తి అధికారిక ప్రకటన రావాల్సి ఉంది.
‘కల్కి 2’ మొదటి భాగం కంటే మరింత భారీ స్థాయిలో ఉంటుందని ఇప్పటికే దర్శకుడు నాగ్ అశ్విన్ చెబుతూ వస్తున్నారు. భారీ యాక్షన్ సన్నివేశాలు, విజువల్ ఎఫెక్ట్స్తో పాటు కథను కూడా మరింత విస్తరించేలా ప్లాన్ చేస్తున్నట్లు తెలుస్తోంది. అందుకే షూటింగ్ పూర్తయిన తర్వాత పోస్ట్ ప్రొడక్షన్కు ఎక్కువ సమయం తీసుకుంటారని తెలుస్తోంది.
అన్నీ అనుకున్నట్టుగా జరిగితే 2027 డిసెంబర్లో ‘కల్కి 2’ థియేటర్లలోకి వచ్చే అవకాశం ఉంది. అయితే షూటింగ్, పోస్ట్ ప్రొడక్షన్ పనులు పూర్తయిన తర్వాతే రిలీజ్ డేట్పై తుది నిర్ణయం తీసుకునే అవకాశం ఉంది. మరి నాగ్ అశ్విన్ అనుకున్న టైమ్లోనే ‘కల్కి 2’ ప్రేక్షకుల ముందుకు వస్తుందా? లేక రిలీజ్ ఇంకా ఆలస్యం అవుతుందా అనేది చూడాలి.
[Kalki 2, Prabhas Kalki 2, Kalki 2898 AD Part 2, Nag Ashwin, Kalki 2 Release Date, Prabhas Upcoming Movies, Amitabh Bachchan Kalki 2, Kamal Haasan Kalki 2, Kalki 2 December 2027, Kalki 2 Shooting, Kalki 2898 AD Sequel, Vyjayanthi Movies]
Dhanush has planned his next biggie, OM, after Kara disappointment to land well at the box office. Mammootty is playing a prominent role in the film while Sai Abhyankkar's first single, Alaka Lova, has become a huge chartbuster. The hype for the film has been huge but the makers had to postpone from 16th October date.
Rajinikanth's Jailer 2 has been confirmed to release on 15th October and makers have started aggressive promotions, confirming that they are not moving away from the date. Dhanush confirmed that OM will be releasing later to avoid clash with Rajini and also confirmed that he won't clash with Suriya's Scene for Diwali.
He did made a sidenote that first preference should be given those who have locked the release date before by avoiding Diwali clash and pointing that they have confirmed OM date before Jailer 2. Anyways, as things stand now, Dhanush is looking at Decemeber first week or Christmas weekend release, say rumour mills.
Sources state that while he is inclined to accept OTT rules and release the movie with their deadlines, he is not interested to risk investment as it is too high budget. Also, Amaran director Rajkumar Periyasamy, is directing it as his next and hence, both don't want it to miss at the box office.
So, sources suggest that he is eyeing Christmas release and it would also give ample time to the director to fine tune everything as per plans. Sai Pallavi is cast in then film and some reports suggest that while Dhanush did try to blame on hand twisting tactics, he did not want to release his film against Ramayana which also has Pallavi in leading role. Let's wait for official confirmation from Dhanush's Wunderbar.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
మాస్ మహారాజా రవితేజ సోదరుడి కుమారుడు మాధవ్ భూపతిరాజు కథానాయకుడిగా నటించిన నయా రూరల్ యాక్షన్ డ్రామా చిత్రం 'మారెమ్మ'. థియేటర్లలో విడుదలైన కొద్ది రోజులకే ఈ చిత్రం డిజిటల్ వేదికపైకి రాబోతుండటంతో సినీ ప్రియుల్లో ఆసక్తి నెలకొంది.
తెలంగాణ పల్లెటూరి సంస్కృతి, గ్రామ దేవతల ఆచారాలు, అలాగే జానపద నమ్మకాల నేపథ్యంలో దర్శకుడు మంచాల నాగరాజ్ తెరకెక్కించాడు. సెప్టెంబర్ 10న గ్రాండ్ గా ప్రపంచ వ్యాప్తంగా థియేటర్లలోకి రాగా, గ్రామీణ నేపథ్య కథలను ఇష్టపడే వారిని విశేషంగా ఆకట్టుకుంది. అంతర్జాతీయ చలనచిత్ర వేదిక ఐఎమ్డీబీ (IMDb)లో ఈ సినిమా ఏకంగా 8.6 అత్యుత్తమ రేటింగ్ సాధించి సంచలనం సృష్టించింది. తాజాగా ఈ డిజిటల్ ప్లాట్ఫారమ్ హక్కులకు సంబంధించిన బిగ్ అప్డేట్ బయటకు వచ్చింది. ప్రముఖ ఓటీటీ దిగ్గజం అమెజాన్ ప్రైమ్ వీడియో (Amazon Prime Video) ఈ సినిమా డిజిటల్ స్ట్రీమింగ్ హక్కులను భారీ ధరకే సొంతం చేసుకుంది. అక్టోబర్ 9వ తేదీ నుంచి ఈ రూరల్ యాక్షన్ డ్రామా ప్రైమ్ వీడియోలో అందుబాటులోకి రానుందని సమాచారం.
ఇది కూడా చదవండి: గురువుని ఎందుకు ఫాలో అవ్వలేదు: సమయం లేదా మిత్రమా!
మహిషాపురం అనే తెలంగాణ పల్లెటూర్లో సాగే ఈ కథలో ఊరి ఇలవేల్పు మారెమ్మ తల్లి పండుగ, ఆచారం చుట్టూ ఉత్కంఠభరితమైన మలుపులు ఉంటాయి. ఊరి సాంప్రదాయం ప్రకారం మారెమ్మ తల్లికి బలి ఇవ్వడానికి నిర్ణయించిన పవిత్రమైన 'మారి' అనే దున్నపోతును కథానాయకుడు కర్ణి (మాధవ్ భూపతిరాజు) ఎంతో ప్రాణంగా, ప్రేమగా పెంచుకుంటారు. అయితే, సరిగ్గా జాతర బలి సమయానికి ఆ దున్నపోతు ఊరి నుంచి మాయమవ్వడంతో గ్రామంలో తీవ్రమైన కలకలం రేగుతుంది. ఆ మాయమైన దున్నపోతు కోసం హీరో చేసే ఉత్కంఠభరితమైన అన్వేషణ, దానికి తోడు ఊరిలో జరిగే క్షుద్రపూజల వెనుక రహస్యాలు, గ్రామాన్ని ఆ జంతువు ఎలా కాపాడింది అనే విషయాలు ప్రధాన ఆకర్షణగా నిలుస్తాయి. హీరోగా మొదటి సినిమానే అయినా మాధవ్ భూపతిరాజు పల్లెటూరి కుర్రాడిగా తన బాడీ లాంగ్వేజ్, నటనతో ఎంతగానో మెప్పించారు. కథానాయికగా దీపా బాలు కూడా పల్లెటూరి అమ్మాయి పాత్రలో ఎంతో సహజంగా ఒదిగిపోయారు. వికాస్ వాసిష్ఠ, వినోద్ కుమార్, దయానంద్ రెడ్డి వంటి నటులు తమ క్యారెక్టర్స్ తో మూవీకి మరింత బలాన్ని చేకూర్చారు. ప్రశాంత్ విహారి, విప్రదీప్ దత్తా అందించిన సంగీతం, నేపథ్య సంగీతం పల్లెటూరి వాతావరణాన్ని ప్రేక్షకులకు కళ్ళకు కట్టినట్లు చూపించాయి. మోక్ష ఆర్ట్స్ బ్యానర్పై మయూర్ రెడ్డి బండారు నిర్మించిన ఈ వైవిధ్యమైన తెలంగాణ జానపద యాక్షన్ డ్రామాను థియేటర్లలో మిస్ అయినవారు అక్టోబర్ 9 నుంచి అమెజాన్ ప్రైమ్ వీడియోలో వీక్షించవచ్చు.
[Maremma Ott Release Date, Maadhav Bhupathiraju Maremma, Telugu One Cinema News, TeluguOne Cinema News, TeluguOne]
ఆస్కార్కు భారతదేశం నుంచి ఓ సినిమా ఎంపికైంది.. కానీ ఇప్పుడు ఆ సినిమా కంటే దాని ఎంపికపైనే ఎక్కువ చర్చ జరుగుతోంది. మరాఠీ సినిమా ‘గోంధళ్’ 99వ అకాడమీ అవార్డుల్లో బెస్ట్ ఇంటర్నేషనల్ ఫీచర్ ఫిల్మ్ విభాగానికి భారతదేశం తరఫున అధికారిక ఎంట్రీగా ఎంపికైంది. మొత్తం 33 సినిమాల నుంచి ‘గోంధళ్’ను ఎంపిక చేశారు. అయితే ఈ ఎంపికపై ప్రముఖ దర్శకుడు అనురాగ్ కశ్యప్ చేసిన వ్యాఖ్యలు ఇప్పుడు హాట్ టాపిక్గా మారాయి. దీనిపై ‘గోంధళ్’ దర్శకుడు సంతోష్ దావాఖర్ కూడా స్పందించారు.
భారత్ నుంచి ఆస్కార్కు పంపించే సినిమాల ఎంపిక విషయంలో తాము తరచూ తప్పులు చేస్తున్నామని అనురాగ్ కశ్యప్ వ్యాఖ్యానించారు. గతంలో ‘ది లంచ్బాక్స్’, ‘ఆల్ వి ఇమాజిన్ యాజ్ లైట్’ వంటి సినిమాలను ఎంపిక చేసే అవకాశం ఉన్నప్పటికీ అలా జరగలేదని ఆయన అభిప్రాయపడ్డారు. ఆస్కార్ ఎంపిక ప్రక్రియలో రాజకీయాలతో పాటు సరైన అవగాహన లేకపోవడం కూడా ఒక కారణమని పేర్కొన్నారు.
ఇక ప్రస్తుతం ‘గోంధళ్’ భారతదేశం తరఫున ఆస్కార్కు ఎంపికైన నేపథ్యంలో కూడా కశ్యప్ తన అభిప్రాయాన్ని వెల్లడించారు. ఈ సినిమా ఆస్కార్ రేసులో ముందుకు వెళ్లాలంటే ముందుగా అంతర్జాతీయ ఫిల్మ్ ఫెస్టివల్స్లో ప్రదర్శించబడాలని, అంతర్జాతీయ స్థాయిలో ప్రేక్షకులకు చేరువ కావాలని సూచించారు. అమెరికన్ డిస్ట్రిబ్యూషన్ కూడా సినిమాకు ఉపయోగపడుతుందని ఆయన పేర్కొన్నారు.
అయితే ఇక్కడే మరో ఆసక్తికరమైన విషయం ఉంది. తాను ఇప్పటివరకు ‘గోంధళ్’ సినిమాను చూడలేదని అనురాగ్ కశ్యప్ స్వయంగా చెప్పారు. అందువల్ల ఆ సినిమా ఆస్కార్లో ఎంతవరకు ప్రభావం చూపుతుందనే విషయంపై ఇప్పుడే తాను ఎలాంటి తుది అభిప్రాయం చెప్పలేనని స్పష్టం చేశారు.
ఈ వ్యాఖ్యలపై ‘గోంధళ్’ దర్శకుడు సంతోష్ దావాఖర్ సోషల్ మీడియా ద్వారా స్పందించారు. అనురాగ్ కశ్యప్ అంటే తనకు ఎంతో గౌరవం ఉందని చెబుతూనే.. ముందుగా సినిమా చూసి ఆ తర్వాత అభిప్రాయం చెప్పాలని కోరారు. గతంలో బెంగళూరు నుంచి ముంబైకి విమానంలో ప్రయాణిస్తున్న సమయంలో అనురాగ్ కశ్యప్ను కలిశానని, అప్పుడు ‘గోంధళ్’ సినిమా గురించి ఆయనకు చెప్పానని దావాఖర్ వెల్లడించారు. ఆ సమయంలో సినిమా చూస్తానని కశ్యప్ చెప్పారని గుర్తు చేశారు.
అయితే ఇప్పటివరకు ‘గోంధళ్’ ముంబైలో పబ్లిక్గా అందుబాటులోకి రాలేదని దావాఖర్ తెలిపారు. అందుకే సినిమా చూడకుండా ఎలాంటి తీర్పుకు రావద్దని ప్రేక్షకులు, విమర్శకులను కోరారు. మరాఠీ సంస్కృతిని, అంతర్జాతీయ స్థాయి అంశాలను కలిపి రూపొందించిన సైకలాజికల్ థ్రిల్లర్గా ‘గోంధళ్’ను తెరకెక్కించామని ఆయన చెప్పారు. ఓటీటీ కోసం కాకుండా బిగ్ స్క్రీన్ అనుభూతిని దృష్టిలో పెట్టుకుని ఈ సినిమాను రూపొందించినట్టు పేర్కొన్నారు.
ఇక ‘గోంధళ్’ సినిమా విషయానికి వస్తే.. మహారాష్ట్రలో సంప్రదాయంగా జరిగే గోంధళ్ భక్తి నృత్యం, సంగీతం, ఆచారాల నేపథ్యంలో ఈ సినిమా కథ సాగుతుంది. గ్రామీణ మహారాష్ట్ర నేపథ్యంతో రూపొందిన ఈ సైకలాజికల్ థ్రిల్లర్లో ఇషితా దేశ్ముఖ్, కిషోర్ కదమ్, యోగేష్ సోహోని తదితరులు కీలక పాత్రలు పోషించారు. దర్శకుడు సంతోష్ దావాఖర్ స్వయంగా ఈ సినిమాను తెరకెక్కించారు.
ఈ సినిమాకు ఇప్పటికే గుర్తింపు కూడా వచ్చింది. 2025లో జరిగిన 56వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియాలో సంతోష్ దావాఖర్కు బెస్ట్ డైరెక్టర్ విభాగంలో సిల్వర్ పీకాక్ అవార్డు లభించింది. ఇప్పుడు అదే సినిమాకు భారత్ తరఫున ఆస్కార్ ఎంట్రీ దక్కడం ఆసక్తికరంగా మారింది.
అయితే ఆస్కార్కు సినిమా ఎంపిక కావడం ఒక దశ అయితే.. అక్కడి వరకు ప్రయాణించడం మరో దశ. అంతర్జాతీయ స్థాయిలో సినిమాకు ఎంత గుర్తింపు వస్తుంది? ఆస్కార్ ప్రచారం ఎలా సాగుతుంది? ఇతర దేశాల నుంచి వచ్చే సినిమాలతో ‘గోంధళ్’ ఎలాంటి పోటీని ఎదుర్కొంటుంది? అనేది ఇకపై చూడాల్సి ఉంది.
ప్రస్తుతం మాత్రం ‘గోంధళ్’ ఆస్కార్ ఎంట్రీతో పాటు అనురాగ్ కశ్యప్ వ్యాఖ్యలు, వాటిపై దర్శకుడు సంతోష్ దావాఖర్ ఇచ్చిన స్పందనతో వార్తల్లో నిలిచింది. సినిమా చూసిన తర్వాతే దానిపై అభిప్రాయం చెప్పాలన్న దర్శకుడి మాటలతో.. ఈ వివాదం మరింత ఆసక్తికరంగా మారింది.
[Gondhal Movie, Gondhal Oscar Entry, Anurag Kashyap, Santosh Davakhar, Gondhal Director, Gondhal Oscar Controversy, India Oscar Entry 2027, Oscars 2027, Anurag Kashyap Oscar Comments, Marathi Movie Gondhal, Gondhal Movie News, Santosh Davakhar Response, Gondhal Movie Cast, Indian Cinema, Marathi Cinema, Oscar Selection India, Gondhal Psychological Thriller]
సుకుమార్ ఫస్ట్ సినిమా ఆర్య నుంచి మొన్నటి పుష్ప 2 వరకు చూసుకోండి. హీరోయిన్ రోల్ కి చాలా ఇంపార్టెన్స్ ఉంటుంది. అలా అని హీరో ఇమేజ్ కొంచం కూడా డౌన్ లో ఉండదు. అభిమానులు, తెలుగు సినిమా హీరో ప్రేమికులు కోరుకునే మాస్ మసాలా అంశాలన్నీ ఉంటాయి. ఇవన్నీ ఉంటూనే హీరోయిన్ మెప్పించడం విషయంలోనూ డోకా ఉండదు. సుకుమార్ కథలు ఆ విధంగానే పుడతాయి. సుకుమార్ నే కాదు, తెలుగు సినిమా పుట్టిన దగ్గర్నుంచి హీరోయిన్ కి ఇంపార్టెన్స్ ఇవ్వాలసిందే. అలా ఇస్తేనే సినిమా అందరకి నచ్చుతుంది.
ఇక సుకుమార్ స్కూల్ నుండి వచ్చిన నూతన దర్శకులు ఆయన భావజాలాన్ని ముందుకు తీసుకెళ్తారని ప్రేక్షకులు ఆశిస్తారు. అయితే, ఆయన శిష్యులైన బుచ్చిబాబు సానా, శ్రీకాంత్ ఓదెల రూపొందించిన 'పెద్ది', 'ది ప్యారడైజ్' వంటి భారీ చిత్రాలలో హీరోయిన్ ల క్యారెక్టర్స్ రూపకల్పన చూశాక, అభిమానుల్లోనూ మరియు సినీ విశ్లేషకుల్లోనూ ఒక పెద్ద చర్చ మొదలైంది. ఈ నెల జూన్ 4న విడుదలైన 'పెద్ది' పర్వాలేదనే స్థాయిలో మెప్పించింది. కానీ వాస్తవం ఏంటంటే అనుకున్న రేంజ్ లో విజయం సాధించలేదు.ఈ మూవీలో జాన్వీ కపూర్ పోషించిన 'అచియ్యమ్మ' పాత్ర విస్తృత విమర్శలకు గురైంది. సుకుమార్ సినిమాల్లో కథానాయికలకు ఉండే స్వయంప్రతిపత్తి లేదా పటిష్టమైన భావోద్వేగ ప్రభావం అచ్చాయమ్మా రోల్ లో కనిపించలేదని ప్రేక్షకులు భావించారు. ముఖ్యంగా కొన్ని వివాదాస్పద సన్నివేశాల విషయంలో సోషల్ మీడియాలో తీవ్ర వ్యతిరేకత రావడంతో, ఏకంగా 100% వివాదాస్పద శైలిని అంగీకరిస్తూ దర్శకుడు బుచ్చిబాబు స్వయంగా క్షమాపణలు చెప్పి, కొన్ని సన్నివేశాలను తొలగిస్తున్నట్లు ప్రకటించాల్సి వచ్చింది.
ఇప్పుడు నానితో శ్రీకాంత్ ఓదెల చేసిన 'ది ప్యారడైజ్' లో కయాదు లోహర్ కథానాయికగా నటించింది. అంతకుముందు వచ్చిన వీరి 'దసరా' చిత్రంలో కీర్తి సురేష్ పాత్రకు చాలా ప్రాధాన్యం ఉన్నప్పటికీ, 'ది ప్యారడైజ్' కి వచ్చేసరికి కథ మొత్తం కథానాయకుడి చుట్టూ, రా యాక్షన్ మరియు వయోలెన్స్ ఎలిమెంట్స్ చుట్టూనే తిరిగింది. హీరోయిన్ క్యారక్టర్ కి కేవలం కొన్ని విజువల్ షాక్ వాల్యూ ఎపిసోడ్లు తప్ప, కథను నడిపించే పటిష్టమైన ఎమోషనల్ ఆర్క్ లభించలేదు. పైగా క్యారక్టర్ డిజైన్ చేసిన విధానంపై కూడా తీవ్ర విమర్శలు వస్తున్నాయి. ఈ మార్పు వెనుక ఉన్న ప్రధాన కారణాలను పరిశీలిస్తే, గురువు సుకుమార్ నుండి శిష్యులు కథ చెప్పే శైలిని, క్రాఫ్ట్ను నేర్చుకున్నప్పటికీ, ఎంచుకున్న జోనర్లు భిన్నంగా ఉండటమే ప్రధానంగా కనిపిస్తుంది. బుచ్చిబాబు మరియు శ్రీకాంత్ ఇద్దరూ తమ చిత్రాలలో హై-వోల్టేజ్ యాక్షన్, రా అండ్ రస్టిక్ వరల్డ్ బిల్డింగ్, మాస్ ఎలిమెంట్స్కే 80% పైగా ప్రాధాన్యత ఇచ్చారు. రామ్ చరణ్, నాని వంటి పాన్-ఇండియా స్టార్ల మాస్ ఇమేజ్ను ఎలివేట్ చేసే క్రమంలో, కథలోని ఇతర అంశాలపై పెట్టిన శ్రద్ధ హీరోయిన్ల క్యారెక్టరైజేషన్పై చూపించలేకపోయారు.
ఇది కూడా చదవండి: శ్రీకాంత్ ఓదెల సెకండ్ ఫిలిం సెంటిమెంట్: ప్యారడైజ్ మూవీ రిజల్ట్ నిజమేనా?
కేవలం గ్లామర్ లేదా ప్రోటోగానిస్ట్ ప్రయాణానికి ఒక చిన్న సాధనంగా మారారే తప్ప, కథని శాసించే స్థాయికి ఎదగలేకపోయారు. సుకుమార్ చిత్రాల్లో ప్రేమ మరియు భావోద్వేగాలు ఎంత బలంగా ఉంటాయో, యాక్షన్ కూడా అంతే పద్ధతిగా ఉంటుంది. కానీ ఆయన శిష్యులు కేవలం 'రా యాక్షన్' వాతావరణంపైనే ఎక్కువ దృష్టి సారించడం వల్ల, సుకుమార్ బ్రాండ్ మార్క్ అయిన నారీ పాత్రల విశిష్టత ఈ చిత్రాల్లో తగ్గినట్లు స్పష్టమవుతోంది. భవిష్యత్తులో ఈ దర్శకులు కేవలం మాస్ ఎలిమెంట్స్కే కాకుండా, బలమైన స్త్రీ పాత్రలను రూపొందించే దిశగా అడుగులు వేస్తేనే సుకుమార్ వారసత్వానికి సరైన న్యాయం జరుగుతుందని సినీ రంగుల ప్రపంచం అభిప్రాయపడుతోంది.
[Sukumar Disciples Heroine Roles Analysis, Sukumar About Buchi Babu Sana, Sukumar About Srikanth Odela, Heroine Roles Telugu Cinema, Telugu One Cinema News, TeluguOne Cinema News, TeluguOne]
భగవంతునికి, భక్తునికి అనుసంధానమైనది అదేదో సువాసనని ఇచ్చే అగరబత్తి అన్నట్టుగా.. సినిమాకి, సినిమా ప్రేమికుడికి మధ్య అనుసంధానకర్త దర్శకుడు. అంటే సినీ సువాసనని ప్రేక్షకులని అందించడం కేవలం అతని చేతుల్లోనే ఉంది. అలాంటి దర్శకులకి ‘సెకండ్ మూవీ సెంటిమెంట్’ అనేది చాలా కాలంగా ఒక పెద్ద శాపంగా వేధిస్తోంది.
మొదటి సినిమాతో ఇండస్ట్రీని షేక్ చేసి, రికార్డు స్థాయి హిట్ కొట్టిన కొత్త దర్శకులు తమ రెండో చిత్రానికి వచ్చేసరికి తడబడటం టాలీవుడ్లో తరచూ చూస్తూనే ఉన్నాం. వినాయక్, రాజమౌళి, బోయపాటి శ్రీను, కొరటాల, అనిల్ రావిపూడి తప్ప చాలామంది టాలెంట్ ఉన్న దర్శకులు ఈ రెండో సినిమా పరీక్షలో బాక్సాఫీస్ వద్ద విజయం సాధించలేక తీవ్ర నిరాశ పరిచారు. ఇప్పుడు సరిగ్గా ఇదే సెంటిమెంట్ ‘దసరా’ వంటి బ్లాక్బస్టర్ మూవీతో అరంగేట్రం చేసిన దర్శకుడు శ్రీకాంత్ ఓదెల విషయంలోనూ రిపీట్ అవుతోందా అనే చర్చ టాలీవుడ్ వర్గాల్లో ముమ్మరంగా సాగుతోంది. natural star నాని కథానాయకుడిగా, శ్రీకాంత్ ఓదెల దర్శకత్వంలో తెరెకెక్కిన పీరియాడిక్ యాక్షన్ డ్రామా ‘ది పారడైజ్’ సెప్టెంబర్ 24న ప్రపంచవ్యాప్తంగా థియేటర్లలోకి వచ్చి మిశ్రమ స్పందనను మూటగట్టుకుంటోంది.
ఇది కూడా చదవండి: షాకింగ్: ఫరియా అబ్దుల్లా ఇల్లు కాస్ట్ ఎంతో తెలుసా!
విడుదలకి ముందు అడ్వాన్స్ బుకింగ్స్ రూపంలోనే ఏకంగా 55 కోట్ల గ్రాస్ వసూళ్లు రాబట్టి నాని కెరీర్లోనే ఆల్టైమ్ హయ్యెస్ట్ రికార్డును నమోదు చేసింది. అంతేకాక కేవలం డే-1 ప్రీ-సేల్స్ ద్వారానే ఇండియాలో ₹40.86 కోట్ల అడ్వాన్స్ వసూళ్లు సాధించి అంచనాలను ఆకాశానికి తీసుకెళ్లింది. 1980ల నాటి సికింద్రాబాద్లోని పారడైజ్ బ్యాక్డ్రాప్లో, గుర్తింపు లేని అణచివేతకు గురైన ఒక తెగ హక్కుల కోసం పోరాడే 'జడల్' పాత్రలో నాని ఒదిగిపోయిన తీరు ప్రేక్షకులచేత జైజైలు కొట్టిస్తోంది. మొదటి సగం నిండా రక్తపాతం, రా అండ్ రస్టిక్ యాక్షన్ సీన్స్, మరియు అనిరుధ్ అందించిన థ్రిల్లింగ్ బ్యాక్గ్రౌండ్ స్కోర్ థియేటర్లను షేక్ చేశాయి.
అయితే ఇంటర్వెల్ తర్వాతే కథలో అసలైన సవాలు మొదలైంది. సెకండ్ హాఫ్లో బలహీనమైన స్క్రీన్ప్లే, స్లోగా సాగే కథనం, మరియు డెప్త్ లేని మదర్-సన్ ఎమోషన్ వల్ల ప్రేక్షకులు కొంత అసంతృప్తికి లోనవుతున్నారు. శ్రీకాంత్ ఓదెల విజన్ చాలా గ్రాండ్గా ఉన్నప్పటికీ, ఎడిటింగ్ లోపాలు మరియు అతిగా అనిపించే వైలెన్స్ వల్ల సినిమా ఫ్లో దెబ్బతిన్నదని విమర్శలు వస్తున్నాయి.
[Srikanth Odela Second Movie Sentiment In The Paradise, The Paradise Movie Review, Srikanth Odela, Telugu Cinema, telugu Cinema News, Tollywood, Tollywood News]
Upasana Kamineni Konidela has taken on the responsibility as Director – Projects, She will work with Apollo’s leadership, clinical teams and project partners on the planning and delivery of hospital projects across India.
Her priorities will include new facilities, expansions and upgrades to existing hospitals, and consistent design standards across patient spaces. Working with project teams, she will focus on clear signage and wayfinding, easier navigation, efficient clinical spaces and a more comfortable experience for patients and their families. She will also support stronger project processes, reporting and coordination from design through opening.
Apollo’s current expansion plan has an estimated total project cost of approximately ₹8600crore, including approximately ₹1,565 crore of listed brownfield expansion projects at existing facilities. The programme covers a combination of stronger capacity in established markets and new facilities in growing urban centres. Published plans identify projects across Hyderabad, Delhi NCR, Chennai, Mumbai and Bengaluru, alongside Lucknow, Varanasi, Indore, Guwahati and Ranchi, among other locations. The particular projects and budgets within Upasana’s mandate will be confirmed by Apollo.
The work is intended to make advanced care easier to reach and easier to use. In each neighbourhood, a hospital can support patients well beyond a single visit, while creating opportunities for doctors, nurses and other skilled workers and the families who depend on them. Apollo will continue to connect hospital care with prevention and early diagnosis, helping more people take charge of their health. Its ambition is to pair accessible, affordable care with clinical excellence that also makes India a trusted destination for patients from around the world.
Upasana Kamineni Konidela said: “My grandfather, Dr. Prathap C. Reddy, built Apollo on the belief that world-class healthcare should be within reach of people in India. My responsibility is to carry that belief into the hospitals we build and the facilities we improve.
“Good hospital design has a human purpose. Patients should find their way without confusion; families should feel supported; and our doctors and care teams should have spaces that help them deliver excellent care. As Apollo grows, I want every project to serve its neighbourhood, create meaningful opportunities for the people who work with us, and help more people take their health into their own hands. We have an opportunity to show the world what thoughtful design, compassionate care and Indian clinical excellence can achieve together."
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏదయినా ఒక వస్తువు ఇంట్లోంచి పోయిందంటేనే ఎంతో బాధగా వుంటుంది. ఎంతో ఇష్టపడి కొనుక్కున్న వస్తువు చేజారి పడి పగిలిపోయినా, దొంగతనం జరిగినా, ఎక్కడో మర్చిపోయినా చాలా బాధేస్తుంది. దాన్ని తిరిగి పొందలేమని దిగులు పట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్టమయిన పెయింటింగ్ రెండో ప్రపంచ యుద్ధ సమయంలో దూరమయింది. 80 ఏళ్లు దాని కోసం ఎదురు చూడగలి గింది.
అదంటే మరి ఆమెకు ప్రాణ సమానం. చాలా కాలం దొరుకుతుందని, తర్వాత ఇక దొరకదేమో అనీ ఎంతో బాధపడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గతేడాది ఆమెను చేరింది. ఆమెది నెదర్లాండ్స్. ఆమె తండ్రి నెదర్లాండ్స్లోని ఆర్నెహెమ్లో చిన్నపిల్లల ఆస్పత్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్పర్ నెషర్ వేసిన స్టీవెన్ ఓల్టర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాలను చార్లెట్ తండ్రి వ్యతిరేకించారు. ఆయన రహస్య జీవనం సాగించేడు. కానీ ఈ పెయింటింగ్ని మాత్రం తన నగరంలోని ఒక బ్యాంక్లో భద్ర పరచమని ఇచ్చారట. 1940లో నాజీలు నెదర్లాండ్ పై దాడులు చేసినపుడు ఆ బ్యాంక్ మీద పడి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్కడున్నదీ ఎవరికీ తెలియలేదు. చిత్రంగా 1950ల్లో డసల్డార్ష్ ఆర్ట్ గ్యాలరీలో అది ప్రత్యక్షమయింది. 1969లో ఆమ్స్టర్డామ్లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాలరీలో వుందని చూసినవారు చెప్పారు. వేలంపాట తర్వాత మొత్తానికి ఆ పెయింటింగ్ను 1971లో ఒక కళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించని విధంగా ఎంతో కాలం దూరమయిన గొప్ప కళాఖండం తిరిగి తన వద్దకు చేరడంలో చార్లెటీ ఆనందానికి అంతేలేదు. అంతే కదా.. పోయిందనుకున్న గొప్ప వస్తువు తిరిగి చేరితే ఆ ఆనందమే వేరు! అయితే చార్లెటీకి ఇపుడు ఆ పెయిం టింగ్ను భద్రంగా చూసుకునే ఆసక్తి వున్నప్పటికీ శక్తి సామర్ధ్యాలు లేవు. అందుకనే త్వరలో ఎవరికయినా అమ్మేసీ వచ్చిన సొమ్మును పిల్లలకు పంచుదామనుకుంటోందిట! చార్లెటీ కుటుంబంలో అయిదుగురు అన్నదమ్ములు అక్కచెల్లెళ్లు వున్నారు. అలాగే ఇరవై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అందరం ఒకే కుటుంబం, చాలాకాలం తర్వాత ఇల్లు చేరిన కళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్నగర్-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్ఎంసీ ఎన్నికల్లో చేదు ఫలితాలను చవిచూసిన టీఆర్ఎస్ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్లకు మద్దతుగా ఉత్తమ్, భట్టి, రేవంత్రెడ్డి, కోమటిరెడ్డి వెంకట్రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్రావు, ప్రేమేందర్రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్రయోజనాలు పక్కనపెట్టి, ప్రధానిని పొగిడి టైమ్ వేస్ట్ చేయకండంటూ ఆయన ఓ ట్వీట్లో అన్నారు. ఆనంద్ శర్మ అనవసరంగా కాంగ్రెస్ను లక్ష్యంగా చేసుకుంటున్నారని, ఈ అంశాన్ని పెద్దది చేసి చూపిస్తున్నారని విమర్శించారు. ఆయన ఉద్దేశాలు సరైనవే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వహిస్తోంది. అందులో కాంగ్రెస్ ఓ భాగం. మతతత్వ, విభజన రాజకీయాలు చేస్తున్న బీజేపీకి చెక్ పెట్టడానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
.webp)
బంధం నుండి విడిపోయినా సరే జ్ఞాపకాల నుండి బయటపడలేకున్నారా.. ఇలా చేయండి..
ఒక బంధం ముగిసిన తర్వాత ఆ మనిషి మన జీవితం నుండి దూరమవ్వడం పెద్ద విషయం కాదు, కానీ వారితో పెనవేసుకున్న జ్ఞాపకాల నుండి బయటపడటం మాత్రం చాలామందికి ఒక పెద్ద సవాలుగా మారుతుంది. పగటిపూట పనుల్లో మునిగిపోయినా, రాత్రి వేళల్లో ఆ ఆలోచనలు మళ్లీ మళ్లీ దాడి చేస్తూ మనసును తీవ్రంగా బాధిస్తుంటాయి. గతంలో గడిపిన తీపి గుర్తులు, ఎదుర్కొన్న చేదు అనుభవాలు వెంటాడుతూ, వర్తమానం మీద దృష్టి పెట్టనీయకుండా చేస్తాయి. ఈ బాధ నుండి బయటపడటం సాధ్యం కాదేమో అనిపించవచ్చు. కానీ, మన ఆలోచనా విధానంలో కొన్ని మార్పులు చేసుకుంటూ, సరైన పద్ధతులు పాటిస్తే ఎంతటి లోతైన జ్ఞాపకాల నుండి అయినా సులభంగా బయటపడి, జీవితంలో ముందుకు సాగవచ్చు. అందుకు ఉపయోగపడే కొన్ని విలువైన సూచనలు తెలుసుకుంటే..
యాక్సెప్ట్ చేయడం..
భావోద్వేగాలను అణచివేయకుండా స్వీకరించాలి. బంధం ముగిసినప్పుడు బాధపడటం, ఏడవడం లేదా కోపం రావడం చాలా సహజం. మనసులోని భావాలను బలవంతంగా తొక్కిపెట్టడానికి ప్రయత్నించకూడదు. బాధను అణచివేసే కొద్దీ అది జ్ఞాపకాల రూపంలో మరింత ఎక్కువగా వేధిస్తుంది. కాబట్టి భావోద్వేగాలను అంగీకరించాలి. ఏడవాలనిపిస్తే ఏడ్చేయండి. బాధను స్వీకరించడమే దాన్ని జయించడానికి మొదటి అడుగు.
గత జ్ఞాపకాలకు దూరం..
గత జ్ఞాపకాలను గుర్తుచేసే వాటికి దూరంగా ఉండాలి. వారితో ఉన్న పాత ఫోటోలు, చాటింగ్లు, ఇచ్చిన కానుకలు లేదా మీరు కలిసి తిరిగిన ప్రదేశాలు మీ జ్ఞాపకాలను మళ్లీ మళ్లీ మేల్కొలుపుతాయి. కాబట్టి వాటిని మీ కంటికి కనిపించకుండా దాచిపెట్టండి లేదా పూర్తిగా తొలగించండి. సోషల్ మీడియాలో వారి అకౌంట్స్ చూడటం లేదా వారి సమాచారం తెలుసుకోవడానికి ప్రయత్నించడం ఆపేయాలి. ఇది మనసుకు త్వరగా ప్రశాంతతను ఇస్తుంది.
దినచర్యను మార్చుకోవడం ..
ఖాళీగా ఉన్నప్పుడే పాత ఆలోచనలు ఎక్కువగా మనసులోకి వస్తాయి. అందుకే మిమ్మల్ని మీరు ఎప్పుడూ ఏదో ఒక పనిలో నిమగ్నం చేసుకోండి. కొత్త అలవాట్లను ప్రారంభించండి. కొత్త పుస్తకాలు చదవడం, నచ్చిన సంగీతం వినడం, వ్యాయామం చేయడం లేదా ఏదైనా కొత్త స్కిల్స్ నేర్చుకోవడం లాంటివి చేయాలి. దినచర్యలో మార్పులు రావడం వల్ల మీ దృష్టి పాత విషయాల నుండి కొత్త విషయాల వైపు మళ్లుతుంది.
ఆత్మీయులతో సమయాన్ని గడపడం ..
బాధలో ఉన్నప్పుడు ఒంటరిగా ఉండటానికి ఇష్టపడతారు, కానీ అది జ్ఞాపకాలను మరింత పెంచుతుంది. మీకు బాగా దగ్గరైన స్నేహితులు, కుటుంబ సభ్యులతో సమయం గడపాలి. మీ మనసులోని బాధను నమ్మకమైన వారితో పంచుకోవాలి. వారు ఇచ్చే ధైర్యం, చూపించే ప్రేమ మీ మనసుకు పెద్ద ఊరటను ఇస్తాయి. కొత్త వ్యక్తులతో పరిచయాలు పెంచుకోవడం కూడా మంచి ఫలితాన్ని ఇస్తుంది.
స్వీయ సంరక్షణ..
శరీరం, మనస్సు ఆరోగ్యంగా ఉంటేనే భావోద్వేగాలను తట్టుకునే శక్తి వస్తుంది. సరైన వేళకు పౌష్టికాహారం తీసుకోవాలి, తగినంత నిద్రపోవాలి. ప్రతిరోజూ ధ్యానం లేదా యోగా చేయడం ద్వారా మనస్సు ప్రశాంతంగా మారుతుంది.
సెల్ఫ్ లవ్..
మిమ్మల్ని మీరు ప్రేమించుకోవడం ప్రారంభించాలి. జీవితంలో మీ లక్ష్యాలు ఏంటి, మీ భవిష్యత్తును ఎలా మలచుకోవాలి అనే దానిపై దృష్టి పెట్టాలి.
అనుభవాలు, గుణపాఠాలు..
గతాన్ని పాఠంగా భావించి ముందుకు సాగాలి. జరిగిన దాన్ని మార్చడం ఎవరి వల్ల కాదు. ఆ బంధం ఎందుకు తెగిపోయింది, తప్పు ఎవరిది అని నిరంతరం ఆలోచించడం వల్ల సమయం, ప్రశాంతత మాత్రమే వృథా అవుతాయి. జరిగిన ఘటనను ఒక అనుభవంగా, జీవితంలో ఒక పాఠంగా స్వీకరించాలి. ప్రతి ముగింపు ఒక కొత్త ప్రారంభానికి నాంది అని గుర్తుంచుకోవాలి.
సమయం..
బాధ నుండి ఒక్క రోజులోనే బయటపడటం ఎవరికీ సాధ్యం కాదు. దానికి కొంత సమయం పడుతుంది. మీ మనసును నయం చేసుకోవడానికి మీకు మీరు కొంత సమయాన్ని ఇవ్వాలి. రోజులు గడిచే కొద్దీ జ్ఞాపకాల తీవ్రత తగ్గుతుంది. ఓర్పుతో మీ జీవితాన్ని మెరుగుపరుచుకునే దిశగా అడుగులు వేయాలి
*రూపశ్రీ.
మన శరీరంలో ఎముకలు బలంగా ఉండటానికి మరియు శారీరక ఎదుగుదలకు క్యాల్షియం, విటమిన్ డి ఎంతటి కీలక పాత్ర పోషిస్తాయో మనందరికీ తెలిసిందే. ఆధునిక కాలంలో ఆహారపు అలవాట్లలో మార్పులు, ఎండలో తిరగకపోవడం మరియు మారుతున్న జీవనశైలి కారణంగా మెజారిటీ ప్రజలు విటమిన్ డి మరియు క్యాల్షియం లోపంతో బాధపడుతున్నారు. వైద్య ఆరోగ్య నివేదికల ప్రకారం, భారతదేశంలో దాదాపు 70% నుండి 90% మంది ప్రజలు విటమిన్ డి లోపంతో సతమతమవుతుంటే, సుమారు 50% పైగా ప్రజలు రోజువారీ శరీరానికి అవసరమైన క్యాల్షియం మోతాదును పొందలేకపోతున్నారు. ఈ క్రమంలో చాలామంది వైద్యులను సంప్రదించినప్పుడు లేదా సొంతంగా మెడికల్ షాపుల్లో సప్లిమెంట్లు కొనుగోలు చేసినప్పుడు విటమిన్ డి మరియు క్యాల్షియం బిళ్ళలను ఒకేసారి కలిపి వాడుతుంటారు. అయితే, ఈ రెండింటినీ ఎల్లప్పుడూ కలిసే తీసుకోవాలా లేదా విడివిడిగా తీసుకోవడం మంచిదా అనే సందేహం చాలామందిలో ఉంటుంది. ఈ అంశంపై ప్రముఖ ఆరోగ్య నిపుణులు మరియు వైద్యులు విప్లవాత్మకమైన విషయాలను వెల్లడించారు.
మానవ శరీర జీవక్రియలో విటమిన్ డి మరియు క్యాల్షియం మధ్య ఒక అద్భుతమైన భాగస్వామ్యం ఉంది. మనం ఆహారం లేదా సప్లిమెంట్ల ద్వారా తీసుకునే క్యాల్షియాన్ని మన ప్రేగులు సరిగ్గా గ్రహించాలంటే (Absorption) శరీరంలో తగినంత విటమిన్ డి ఖచ్చితంగా ఉండాలి. ఒకవేళ శరీరంలో విటమిన్ డి లోపిస్తే, మనం ఎంత క్యాల్షియం తీసుకున్నప్పటికీ అందులో కేవలం 10% నుండి 15% మాత్రమే శరీరం పీల్చుకోగలుగుతుంది. అదే విటమిన్ డి సరైన మోతాదులో ఉంటే క్యాల్షియం గ్రహణ సామర్థ్యం ఏకంగా 30% నుండి 40% వరకు పెరుగుతుంది. అందుకే ఎముకల సాంద్రతను పెంచడానికి, ఆస్టియోపోరోసిస్ వంటి ఎముకల బలహీనత వ్యాధులను నివారించడానికి వైద్యులు ఈ రెండింటి కాంబినేషన్ను ఎక్కువగా రికమండ్ చేస్తుంటారు.
అయితే ప్రతి ఒక్కరూ ఈ రెండు సప్లిమెంట్లను నిరంతరం కలిపే తీసుకోవాల్సిన అవసరం లేదని వైద్యులు స్పష్టం చేస్తున్నారు. ఉదాహరణకు, ఒక వ్యక్తి శరీరంలో విటమిన్ డి స్థాయిలు తీవ్రంగా తగ్గి (లేబొరేటరీ పరీక్షల్లో 20 ng/mL కంటే తక్కువగా ఉన్నప్పుడు), క్యాల్షియం స్థాయిలు సాధారణంగా ఉంటే, వారికి కేవలం విటమిన్ డి సప్లిమెంట్లు (వారం ఒకసారి ఇచ్చే 60,000 IU డోస్) మాత్రమే సరిపోతాయి. అలాగే, ఆహారం ద్వారా తగినంత క్యాల్షియం పొందుతున్న వారికి ప్రత్యేకంగా క్యాల్షియం టాబ్లెట్లు అవసరం లేదు. మోతాదుకు మించి క్యాల్షియం సప్లిమెంట్లను విచక్షణారహితంగా తీసుకోవడం వల్ల రక్తంలో క్యాల్షియం పెరిగి కిడ్నీలలో రాళ్లు (Kidney Stones) ఏర్పడే ప్రమాదం 20% వరకు పెరుగుతుంది. అంతేకాకుండా, అధిక క్యాల్షియం రక్తనాళాల్లో పేరుకుపోయి గుండె జబ్బుల ముప్పును పెంచుతుందని అధ్యయనాలు చెబుతున్నాయి.
సప్లిమెంట్లు తీసుకునే సమయంలో తగిన జాగ్రత్తలు పాటించడం ఎంతో ఆవశ్యకం. విటమిన్ డి అనేది కొవ్వులో కరిగే (Fat soluble) విటమిన్, కాబట్టి దీనిని కొద్దిగా కొవ్వు పదార్థాలు ఉండే ఆహారంతో (ఉదాహరణకు పాలు లేదా పెరుగు) తీసుకుంటే శరీరం వేగంగా గ్రహిస్తుంది. క్యాల్షియం టాబ్లెట్లను భోజనం చేసిన తర్వాత తీసుకోవడం మంచిది. ముఖ్యంగా, ఒకేసారి 500 మిల్లీగ్రాముల కంటే ఎక్కువ క్యాల్షియాన్ని శరీరం గ్రహించలేదు కాబట్టి, ఎక్కువ డోస్ ఉంటే రోజులో రెండు సార్లుగా విభజించి తీసుకోవాలని డాక్టర్లు సూచిస్తున్నారు. థైరాయిడ్ లేదా ఐరన్ సప్లిమెంట్లు వాడేవారు క్యాల్షియం టాబ్లెట్లకు కనీసం 2 నుండి 4 గంటల సమయం వ్యవధి ఇవ్వాలి. కాబట్టి సొంత వైద్యం మానుకుని, రక్త పరీక్షల ద్వారా మీ శరీరంలో ఏ పోషకం లోపించిందో తెలుసుకుని, డాక్టర్ సలహా మేరకే సరైన డోసేజ్ వాడటం ఆరోగ్యానికి అత్యంత సురక్షితం.
[ Vitamin D, Calcium, Calcium Supplements, Vitamin D Deficiency, Calcium Deficiency, Bone Health, Osteoporosis, Calcium Absorption, Kidney Stones, Nutritional Supplements ]
దక్షిణ భారతదేశపు పేరు చెప్పగానే ప్రతి ఒక్కరికీ ముందుగా గుర్తుకువచ్చే అత్యంత ప్రసిద్ధమైన, ఆరోగ్యకరమైన ఉపాహారం నోరూరించే వేడివేడి ఇడ్లీ. తెల్లగా, మల్లెపూవులా మెత్తగా ఉండే ఇడ్లీలు ప్రపంచవ్యాప్తంగా మిలియన్ల మంది ఆహారప్రియుల హృదయాలను కొల్లగొట్టాయి. అత్యుత్తమమైన, సులభంగా అరిగే పౌష్టికాహారంగా పేరుగాంచిన ఈ ఇడ్లీలకు ఒక ప్రత్యేకమైన రాజధాని నగరం ఉందంటే మీరు నమ్ముతారా? అవును, దక్షిణ భారతదేశంలో ఎన్నో ప్రాంతాలు రకరకాల ఇడ్లీలకు ప్రసిద్ధి చెందినప్పటికీ, తమిళనాడులోని చారిత్రాత్మక మరియు ఆధ్యాత్మిక నగరమైన మధురై (Madurai) నగరానికి వరల్డ్ ఇడ్లీ క్యాపిటల్ లేదా ప్రపంచ ఇడ్లీ రాజధాని అనే ఘనమైన కీర్తి లభించింది. వీధి చివర ఉండే చిన్న చిన్న టిఫిన్ బండ్ల నుండి ఐదు నక్షత్రాల హోటళ్ల వరకు, మధురై నగరం అందించే ఇడ్లీల రుచి అత్యంత ప్రత్యేకమైనది మరియు మరెక్కడా లభించనిది.
మధురై నగరానికి ఇడ్లీలతో ఉన్న అనుబంధం కేవలం ఒక ఆహార అలవాటు మాత్రమే కాదు, అదొక గొప్ప సంస్కృతి మరియు జీవనశైలి. ఈ నగరంలో దాదాపు 24 గంటల పాటు నిరంతరాయంగా వేడివేడి ఇడ్లీలు లభిస్తూనే ఉంటాయి. మధురైలోని ఐకానిక్ ఇడ్లీ బ్రాండ్ మురుగన్ ఇడ్లీ షాప్ (Murugan Idli Shop) ప్రపంచవ్యాప్తంగా గుర్తింపు పొందింది. ఈ నగరంలో ప్రసిద్ధి చెందిన ప్రతి టిఫిన్ సెంటర్ రోజుకు వేలాది సంఖ్యలో ఇడ్లీలను విక్రయిస్తుంది. సాధారణంగా ఒక సగటు మధురై నివాసి తన రోజువారీ ఆహారంలో కనీసం 3 నుండి 4 ఇడ్లీలను భాగం చేసుకుంటారని గణాంకాలు చెబుతున్నాయి. ఇక్కడ లభించే ఇడ్లీ ప్రత్యేకత ఏమిటంటే, వాటి మెత్తదనం మరియు వాటితో పాటు వడ్డించే రకరకాల పచ్చళ్లు. ఒక్కో ప్లేట్ ఇడ్లీతో పాటు కనీసం 4 రకాల విభిన్నమైన చట్నీలు (తేంగై చట్నీ, కార చట్నీ, కొత్తిమీర చట్నీ, పుదీనా చట్నీ) మరియు ఘుమఘుమలాడే సాంబార్ అందించడం మధురై సంప్రదాయం.
ఆహార పరిశోధకులు మరియు నిపుణుల విశ్లేషణ ప్రకారం, మధురై ఇడ్లీలు అంత మెత్తగా ఉండటానికి అక్కడ వాడే నీటిలోని ఖనిజ లవణాలు మరియు బియ్యం, మినపప్పుల కచ్చితమైన నిష్పత్తి ప్రధాన కారణం. సాధారణంగా 4.1 నిష్పత్తిలో బియ్యం, మినపప్పులను నానబెట్టి, పిండిని కనీసం 8 నుండి 12 గంటల పాటు సహజ సిద్ధంగా పులియబెట్టడం (Fermentation) వల్ల ఇడ్లీలు ఎంతో సాఫ్ట్గా వస్తాయి. పోషకాహార నిపుణుల ప్రకారం, ఆవిరిపై ఉడికించే ఒక సాధారణ ఇడ్లీలో కేవలం 39 నుండి 40 క్యాలరీల శక్తి మాత్రమే ఉంటుంది. ఇందులో 0 గ్రాముల సంతృప్త కొవ్వు (Saturated Fat) మరియు 0 గ్రాముల కొలెస్ట్రాల్ ఉండటం వల్ల ఇది గుండె ఆరోగ్యానికి ఎంతో మేలు చేస్తుంది. ప్రతిరోజూ ఉదయం ఇడ్లీలను టిఫిన్గా తీసుకోవడం వల్ల శరీరానికి కావలసిన 2 గ్రాముల ప్రోటీన్, 8 గ్రాముల కార్బోహైడ్రేట్లు మరియు అవసరమైన అమినో యాసిడ్లు అందుతాయి.
మధురైలో ఇడ్లీల హడావుడి ఎంతలా ఉంటుందంటే, ప్రతిరోజూ తెల్లవారుజామున 4.00 గంటలకే హోటళ్లు మరియు టిఫిన్ సెంటర్లు ప్రారంభమై అర్ధరాత్రి 2.00 గంటల వరకు నిరంతరాయంగా సాగుతాయి. కేవలం మధురై నగరంలోనే రోజుకు సుమారు 500 కంటే ఎక్కువ ప్రధాన ఇడ్లీ తయారీ కేంద్రాలు మరియు వేలాది చిన్న వ్యాపారాలు నడుస్తున్నాయి. ఏటా మార్చి 30న జరుపుకునే ప్రపంచ ఇడ్లీ దినోత్సవం (World Idli Day) సందర్భంలో మధురై నగరంలో ప్రత్యేకంగా వందల రకాల ఇడ్లీ ప్రదర్శనలు నిర్వహిస్తారు. ఇక్కడి ప్రసిద్ధ మల్లి పూవు ఇడ్లీ (Malli Poo Idli), కరివేపిలై ఇడ్లీ, మరియు పొడి ఇడ్లీలను రుచి చూడటానికి ప్రతి సంవత్సరం లక్షలాది మంది దేశీ, విదేశీ పర్యాటకులు మధురైకి తరలివస్తుంటారు. నాణ్యత, రుచి, పౌష్టికత మరియు నిరంతర లభ్యత విషయంలో ప్రపంచంలోని ఏ నగరం కూడా మధురైకి సాటిరాదని, అందుకే ఈ నగరం ప్రపంచ ఇడ్లీ రాజధానిగా నిలిచిందని ఆహార ప్రియులు ముక్తకంఠంతో కొనియాడతారు.
[ Madurai, World Idli Capital, Idli, Murugan Idli Shop, South Indian Breakfast, Tamil Nadu, Idli Varieties, Fermented Foods, World Idli Day, South Indian Cuisine ]
ఎండు ద్రాక్షలు ఆరోగ్యానికి ఎంతో మేలు చేస్తాయన్న విషయం అందరికీ తెలిసిందే. అయితే మార్కెట్లో మనకు రకరకాల ఎండు ద్రాక్షలు అందుబాటులో ఉంటాయి. వాటిలో ముఖ్యంగా పచ్చగా లేదా బంగారు రంగులో ఉండే ఎండు ద్రాక్షలు, అలాగే నల్లటి ఎండు ద్రాక్షలు ఎక్కువగా కనిపిస్తుంటాయి. ఈ రెండింటిలో ఏది తినాలి, దేని వల్ల ఎక్కువ ఉపయోగాలు ఉన్నాయి అనే విషయంలో చాలామందికి సందేహాలు వస్తుంటాయి. నిజానికి రెండిట్లోనూ ఎన్నో రకాల పోషకాలు నిండి ఉన్నాయి. కానీ తయారు చేసే విధానం, వాడే ద్రాక్ష రకం ఆధారంగా వీటి రంగుతో పాటు వాటిలోని గుణాలు, అందించే ఆరోగ్య ప్రయోజనాల్లో కొన్ని వ్యత్యాసాలు ఉంటాయి. వాటి గురించి వివరంగా తెలుసుకుంటే..
పచ్చ లేదా బంగారు రంగు ఎండు ద్రాక్ష..
పచ్చటి లేదా బంగారు రంగు ఎండు ద్రాక్షలను సాధారణంగా ఆకుపచ్చ ద్రాక్ష పండ్ల నుంచి తయారు చేస్తారు. వీటిని త్వరగా ఎండబెట్టడానికి, వాటి రంగు మారకుండా ఉండటానికి ప్రత్యేకమైన పద్ధతులను ఉపయోగిస్తారు. వీటిలో విటమిన్ సి, పొటాషియం, ఐరన్ వంటి ముఖ్యమైన పోషకాలు ఉంటాయి. ఇవి శరీరానికి తక్షణ శక్తిని ఇవ్వడంలో చాలా బాగా పనిచేస్తాయి. వీటిలో ఉండే పీచు పదార్థం జీర్ణక్రియను మెరుగుపరచడానికి, మలబద్ధకం సమస్యను నివారించడానికి సహాయపడుతుంది. చర్మాన్ని ఆరోగ్యంగా ఉంచడానికి, రక్తంలో హిమోగ్లోబిన్ శాతాన్ని పెంచడానికి కూడా ఇవి ఉపయోగపడతాయి. తియ్యటి రుచితో ఉండే ఇవి పిల్లలకు, పెద్దలకు ఎంతో మంచి ఆహారం.
నలుపు ఎండు ద్రాక్ష..
నల్లటి ఎండు ద్రాక్షలను నల్లటి ద్రాక్ష పండ్ల నుంచి సహజ సిద్ధంగా ఎండబెట్టడం ద్వారా తయారు చేస్తారు. సహజంగా ఎండడం వల్ల వీటి రంగు నల్లగా మారుతుంది. వీటికి నల్లటి రంగును ఇచ్చే ఆంథోసైనిన్ అనే ప్రత్యేక యాంటీ ఆక్సిడెంట్ వీటిలో సమృద్ధిగా ఉంటుంది. ఈ యాంటీ ఆక్సిడెంట్ గుండె ఆరోగ్యాన్ని పరిరక్షించడంలో ప్రముఖ పాత్ర పోషిస్తుంది. అలాగే రక్తపోటును నియంత్రణలో ఉంచడానికి నల్ల ఎండు ద్రాక్షలు ఎంతగానో దోహదపడతాయి. వీటిలో ఉండే కాల్షియం, బోరాన్ వంటి ఖనిజాలు ఎముకలను బలంగా ఉంచడానికి సహాయపడతాయి. జుట్టు రాలడం తగ్గడం, చర్మం పై ముడతలు త్వరగా రాకుండా చూడటం, రక్తాన్ని శుద్ధి చేయడం వంటి ప్రత్యేక ప్రయోజనాలు నల్లటి ఎండు ద్రాక్షల ద్వారా లభిస్తాయి.
ఈ రెండింటిలో ఏది ఎక్కువ మేలు చేస్తుంది?
రెంటికీ వాటి ప్రత్యేక స్థానం ఉంది. తక్షణ శక్తి కావాలన్నా, మంచి జీర్ణక్రియ, సులువైన ఐరన్ పోషణ కావాలంటే పచ్చటి ఎండు ద్రాక్షలు ఎంతగానో ఉపయోగపడతాయి. కానీ గుండె ఆరోగ్యం, అధిక రక్తపోటు నియంత్రణ, ఎముకల బలం, జుట్టు , చర్మ సంరక్షణ వంటి విషయాల్లో నల్లటి ఎండు ద్రాక్షలు కాస్త ఎక్కువ ప్రయోజనాన్ని అందిస్తాయి. నల్లటి ద్రాక్షల్లో యాంటీ ఆక్సిడెంట్లు కాస్త ఎక్కువగా ఉండటం వల్ల శరీరాన్ని వ్యాధుల బారిన పడకుండా కాపాడటంలో ఇవి ముందంజలో ఉంటాయి.
కాబట్టి రెండింటిలో ఏదో ఒకదాన్నే ఎంచుకోవాల్సిన అవసరం లేదు. శరీర అవసరాలను బట్టి రెండింటినీ రోజువారీ ఆహారంలో భాగం చేసుకోవచ్చు. ఉదయాన్నే నీటిలో నానబెట్టిన ఎండు ద్రాక్షలను తింటే వాటిలోని పోషకాలు శరీరానికి మరింత త్వరగా అందుతాయి. నానబెట్టిన నీటిని తాగడం వల్ల కూడా శరీరానికి ఎంతో శక్తి లభిస్తుంది. పరిమితికి లోబడి ప్రతిరోజూ వీటిని తీసుకోవడం వల్ల పూర్తి ఆరోగ్యం సొంతమవుతుంది.
*రూపశ్రీ.
మెడలో గడ్డ లేదా వాపు కనిపించగానే చాలామందికి క్యాన్సర్ గురించి భయం మొదలవుతుంది. కానీ మెడలో వచ్చే ప్రతి గడ్డ క్యాన్సర్ కావాల్సిన అవసరం లేదు. థైరాయిడ్ సమస్యలు, లింఫ్ నోడ్స్ వాపు, ఇన్ఫెక్షన్లు తదితర కారణాల వల్ల కూడా మెడలో గడ్డలు ఏర్పడవచ్చు.
మెడలో గడ్డలు ఎందుకు వస్తాయి? థైరాయిడ్ వాపు ఎలా ఉంటుంది? లింఫ్ నోడ్స్ ఎందుకు పెరుగుతాయి? మెడలో గడ్డ కనిపిస్తే ఎప్పుడు వైద్యులను సంప్రదించాలి? సమస్యను గుర్తించడానికి ఎలాంటి పరీక్షలు అవసరం? వంటి ముఖ్యమైన విషయాలను
సీనియర్ ENT, హెడ్ & నెక్ సర్జన్ డాక్టర్ అశోక్ పృథ్వీరాజ్ మొగంటి ఈ వీడియోలో సులభంగా వివరిస్తున్నారు.
మెడలో గడ్డను నిర్లక్ష్యం చేయకుండా, దాని కారణాన్ని వైద్యుల సలహాతో తెలుసుకోవడం చాలా ముఖ్యం. ఈ వీడియోలో మెడలో గడ్డలు, థైరాయిడ్ సమస్యలు, లింఫ్ నోడ్స్ వాపు మరియు అవసరమైన వైద్య పరీక్షల గురించి పూర్తి వివరాలు తెలుసుకోండి.
గమనిక:
మెడలో గడ్డ లేదా వాపు ఉంటే స్వయంగా నిర్ధారణ చేసుకోకుండా వైద్య నిపుణులను సంప్రదించండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్స్క్రైబ్ చేయడం మర్చిపోకండి!)
.webp)
వినాయక చవితి పూజలో వెలగపండు ఖచ్చితంగా ఉంటుంది. ఎంతో ప్రత్యేకంగా కనిపించే వెలగపండును కేవలం నైవేద్యానికే పరిమితం చేస్తుంటారు. చాలా ఇళ్లలో వెలగపండు నైవేధ్యంగా పెట్టాక వాటిని వినాయకుడితో పాటు నిమజ్జనం చేయడం లేదా పడేయడం లేదా వాటిని అలాగే వదిలేయడం చేస్తుంటారు. కానీ ప్రాచీన కాలం నుండి ఆయుర్వేదంలో వెలగ పండుకు చాలా ప్రాధాన్యత ఉంది. పైకి గట్టి పెంకుతో సాధారణంగా కనిపించినప్పటికీ, లోపల ఉన్న గుజ్జు అమృతంతో సమానమైన పోషకాలను కలిగి ఉంటుంది. ఆరోగ్యపరంగా ఈ పండు కలిగించే ప్రయోజనాలు తెలిస్తే ఎవరైనా ఆశ్చర్యపోవాల్సిందే. అవేంటో తెలుసుకుంటే..
జీర్ణవ్యవస్థ..
వెలగపండులో ఫైబర్ అధికంగా ఉంటుంది, అలాగే అందులో ఉండే టానిన్లు జీర్ణక్రియను వేగవంతం చేయడమే కాకుండా గ్యాస్, కడుపు ఉబ్బరం, అజీర్తి వంటి సమస్యలను దూరం చేస్తాయి. ముఖ్యంగా మలబద్ధకం లేదా విరేచనాలతో బాధపడేవారికి ఈ పండు సహజమైన ఔషధంగా తోడ్పడుతుంది. కడుపులో ఉన్న చెడు బ్యాక్టీరియాను నశింపజేసి ప్రేగుల ఆరోగ్యాన్ని కాపాడుతుంది.
రోగనిరోధక శక్తి
విటమిన్ సీ, విటమిన్ ఏ , వివిధ రకాల యాంటీఆక్సిడెంట్లు వెలగపండులో పుష్కలంగా ఉంటాయి. ఇవి శరీరంలో చేరే ఫ్రీ రాడికల్స్ తో పోరాడి, కణాల నాశనాన్ని అడ్డుకుంటాయి. రక్తాన్ని శుద్ధి చేయడంలో కూడా వెలగపండు పాత్ర ప్రశంసనీయం. క్రమంతప్పకుండా పరిమితంగా తీసుకోవడం వల్ల రక్తంలోని మలినాలు తొలగిపోతాయి.
కాలేయం, మూత్రపిండాల ఆరోగ్యం..
కాలేయం, మూత్రపిండాల రక్షణకు వెలగపండు ఎంతో మేలు చేస్తుంది. శరీరంలోని టాక్సిన్లను బయటకు పంపడంలో కాలేయానికి సహాయపడి, దాని పనితీరును సమర్థవంతంగా ఉంచుతుంది. అలాగే కిడ్నీల ఆరోగ్యాన్ని కాపాడి మూత్రసంబంధిత సమస్యలు రాకుండా చూస్తుంది.
డయాబెటిస్ ..
డయాబెటిస్ లేదా రక్తంలో చక్కెర స్థాయిలను నియంత్రణలో ఉంచుకోవాలనుకునేవారికి వెలగపండు మంచి ఆహారం. దీని గ్లైసీమిక్ ఇండెక్స్ తక్కువగా ఉండటం వల్ల ఇన్సులిన్ ఉత్పత్తిని క్రమబద్ధీకరించడంలో సాయపడుతుంది. శరీరం శక్తి కోల్పోకుండా, తక్షణ శక్తిని అందించడంలో దీనిలోని పోషకాలు తోడ్పడతాయి.
మహిళల ఆరోగ్యానికి..
మహిళల ఆరోగ్యానికి కూడా వెలగపండు చాలా మేలు చేస్తుంది. హార్మోన్ల సమతుల్యతను కాపాడటంలో, అలాగే పాలిచ్చే తల్లులలో పాల ఉత్పత్తి పెరగడంలో వెలగపండు గుజ్జు సహాయపడుతుంది. చర్మ ఆరోగ్యాన్ని మెరుగుపరిచి, ముడతలు పడకుండా యవ్వనంగా ఉంచడానికి ఇందులోని యాంటీఆక్సిడెంట్లు దోహదపడతాయి.
వెలగపండును గుజ్జు రూపంలో నేరుగా లేదా కొద్దిగా బెల్లం లేదా తేనె కలిపి తీసుకోవచ్చు.
వెలగపండు వల్ల ఆరోగ్య ప్రయోజనాలు పుష్కలంగా ఉన్నప్పటికీ, ఏ ఆహారమైనా పరిమితికి మించి తీసుకుంటే సమస్యలు రావచ్చు. అతిగా తింటే కడుపునొప్పి లేదా జీర్ణసమస్యలు వచ్చే అవకాశం ఉన్నందున, సరైన పరిమాణంలో తింటూ వెలగపండు నుంచి ఆరోగ్య లాభాలను పొందడం మంచిది.
*రూపశ్రీ.