LATEST NEWS
వ్యవసాయ రంగంలో సరైన ఆలోచన, పట్టుదల ఉంటే ఏ విధంగా అద్భుతాలు సృష్టించవచ్చో ఒడిశాకు చెందిన ఓ యువ రైతు ఆచరణలో నిరూపించి చూపించారు. కేవలం నూట రూపాయల నామమాత్రపు పెట్టుబడితో ప్రారంభమైన ఒక చిన్న ప్రయోగం.. నేడు ఏడాదికి కోటికి పైగా టర్నోవర్ సాధించే స్థాయికి ఎదిగింది.
ఒడిశా రాష్ట్రం అంగుల్ జిల్లాలోని ఓగి గ్రామానికి చెందిన కార్తీక సాహు కుటుంబం ఎప్పటి నుంచో వ్యవసాయంపైనే ఆధారపడి జీవిస్తోంది. అయితే ఆ ప్రాంతంలో ఏనుగులు, కోతుల బెడద ఎక్కువగా ఉండటం వల్ల రైతులు సాగు చేసే ధాన్యం, వేరుశనగ వంటి సాంప్రదాయ పంటలు తీవ్రంగా దెబ్బతినేవి. దీనివల్ల అన్నదాతలు నిత్యం నష్టాలను చవిచూడాల్సి వచ్చేది.
ఈ వన్యప్రాణుల సమస్యకు శాశ్వత పరిష్కారం కనుగొనే క్రమంలో కార్తీక సాహు ఉద్యానవన శాఖ నుంచి ఒక్కో మొక్క రూ.2 చొప్పున 50 కాగ్జీ నిమ్మ మొక్కలను కొనుగోలు చేశారు. అలా కేవలం వంద రూపాయల ప్రారంభ పెట్టుబడితో ఆయన తన పొలంలో నిమ్మ సాగుకు శ్రీకారం చుట్టారు. అప్పట్లో ఎవరూ ఊహించని ఈ ప్రయోగం ఆయన కుటుంబానికి మంచి ఫలితాలను అందించింది.
కాలక్రమేణా తండ్రి అడుగుజాడల్లో నడుస్తూ సంతోష్ సాహు ఆ వ్యవసాయ బాధ్యతలను తన భుజాన వేసుకున్నారు. గ్రామంలో నిమ్మ సాగు విస్తరించినప్పటికీ, సరైన మార్కెట్ సౌకర్యాలు లేకపోవడంతో రైతులు పంటను తక్కువ ధరకు అమ్ముకోవాల్సి వస్తోందని ఆయన గుర్తించారు. దీంతో కేవలం తన పొలానికే పరిమితం కాకుండా, చుట్టుపక్కల రైతుల నుంచి కూడా నిమ్మకాయలను సేకరించి పెద్ద మార్కెట్లకు తరలించే సరికొత్త వ్యాపార వ్యూహానికి తెరతీశారు.
ఇది కూడా చదవండి: జాతీయ స్థాయి స్వచ్ఛ సర్వేక్షణ్ ర్యాంకులు: ఏపీ నగరాలకు చోటు.. విశాఖకు టాప్ ప్లేస్.!
ప్రస్తుతం సంతోష్ సాహు తన స్వంత ఎకరంలో వందకు పైగా చెట్లను సాగు చేయడంతో పాటు, గ్రామంలోని సుమారు 200 మందికి పైగా రైతుల నుంచి పెద్ద ఎత్తున నిమ్మకాయలను సేకరిస్తున్నారు. భువనేశ్వర్, కటక్, అంగుల్, ధెంకనాల్ వంటి స్థానిక మార్కెట్లతో పాటు జార్ఖండ్‌లోని జంషెడ్‌పూర్ ప్రాంతాలకు కూడా ఈ పంటను సరఫరా చేస్తున్నారు. అంతేకాకుండా, నాణ్యమైన ఈ కాగ్జీ నిమ్మకాయలు సముద్రాలు దాటి అమెరికా, బ్రిటన్ దేశాలకు సైతం ఎగుమతి అవుతుండటం విశేషం.
ఈ విజయవంతమైన బిజినెస్ మోడల్ ద్వారా వచ్చే టర్నోవర్‌లో దాదాపు 60 శాతం మొత్తాన్ని సంతోష్ సాహు నేరుగా రైతులకు చెల్లింపుల రూపంలోనే అందజేస్తున్నారు. దీనివల్ల ఓగి గ్రామం మరియు పరిసర ప్రాంతాల్లోని దాదాపు 500 కుటుంబాలకు పైగా నిమ్మ సాగు ఆధారంగా స్థిరమైన ఉపాధి లభిస్తోంది. రెండు ప్రధాన కోత సీజన్లలో కలిపి ఈ వ్యాపారం ద్వారా ఏడాదికి కోటి రూపాయలకు పైగా టర్నోవర్ నమోదవుతోంది.
ఒకప్పుడు అడవి జంతువుల దాడితో అతలాకుతలమైన ఆ ప్రాంతం, నేడు రాష్ట్రంలోనే ఒక ప్రముఖ నిమ్మ సాగు కేంద్రంగా రూపాంతరం చెందింది. సాంప్రదాయ పంటల నష్టాలతో సతమతమయ్యే యువ రైతలకు ఈ సాహు కుటుంబం అవలంబించిన సామూహిక మార్కెటింగ్ విధానం ఒక దిక్సూచిలా మారింది.
ప్రభుత్వాలు ఉద్యానవన శాఖలు ఇలాంటి వినూత్న ప్రయోగాలకు తగిన ప్రోత్సాహం అందిస్తే, గ్రామీణ భారతదేశంలో ఆర్థిక విప్లవం తథ్యమని నిపుణులు అభిప్రాయపడుతున్నారు. భవిష్యత్తులో ఈ ఎగుమతుల పరిధిని మరింత విస్తరించి, మరిన్ని వందల మంది స్థానిక రైతులకు ఉపాధి కల్పించడమే లక్ష్యంగా సంతోష్ సాహు తన ప్రయాణాన్ని ముందుకు సాగిస్తున్నారు.
మీకు నచ్చవచ్చు: ఐసీసీ సదస్సు వేదికగా పవన్ తో లోకేష్ భేటీ: రాష్ట్ర పారిశ్రామిక పురోగతిపై చర్చ.!
[ Santosh Sahu Success Story, Odisha Lemon Farmer Business, Kagzi Lemon Farming Profit,
Rs 100 to 1 Crore Business, TeluguOne News, Agriculture Success ]
తమ్మిడికుంట చెరువు పునరుద్ధరణ, అభివృద్ధి పనుల ప్రారంభోత్సవ కార్యక్రమంలో ముఖ్యమంత్రి రేవంత్ రెడ్డి పాల్గొన్నారు. ఈ సందర్భంగా చెరువుల పరిరక్షణ, మూసీ నది పునరుజ్జీవనం, హైదరాబాద్ అభివృద్ధిపై కీలక వ్యాఖ్యలు చేశారు.కొంతమందికి నష్టం జరిగినా.. భవిష్యత్ తరాలకు మంచి భవిష్యత్తు అందించాలనే లక్ష్యంతో తమ్మిడికుంటను అభివృద్ధి చేశామని సీఎం తెలిపారు.
ఒకప్పుడు 14 ఎకరాలకు కుంచించుకుపోయిన చెరువును 30 ఎకరాలకు విస్తరించామన్నారు. ఈ అభివృద్ధి కోసం అక్కినేని నాగార్జున మంచి మనసుతో ముందుకొచ్చి రెండు ఎకరాల భూమిని ప్రభుత్వానికి అందించారని ప్రశంసించారు. సినిమాల్లోనే కాదు.. నిజ జీవితంలోనూ నాగార్జున హీరోగా నిలిచారని కొనియాడారు.
హైదరాబాద్ అంటేనే రాక్స్ అండ్ లేక్స్ సిటీ అని సీఎం గుర్తుచేశారు. ఒకప్పుడు నగరంలో 1,372 చెరువులు ఉండేవని, వివిధ కారణాలతో వాటిలో 50 శాతం మాయమయ్యాయని ఆవేదన వ్యక్తం చేశారు. చెరువుల ఆక్రమణల కారణంగా వర్షాలు పడితే రోడ్లపై నీళ్లు నిలుస్తున్నాయని, కాలనీలు జలమయమవుతున్నాయని అన్నారు. ఈ పరిస్థితిపై ప్రతి ఒక్కరూ ఆలోచించాల్సిన అవసరం ఉందన్నారు.
గతంలో మూసీ వరదల నుంచి హైదరాబాద్‌ను రక్షించేందుకు నిజాం ఉస్మాన్ సాగర్, హిమాయత్ సాగర్‌లను నిర్మించారని రేవంత్ రెడ్డి గుర్తుచేశారు. వికారాబాద్ ప్రాంతంలో ప్రారంభమయ్యే ముచుకుందా నది, మూసా, ఈసా నదులు కలిసే ప్రాంతంలో మూసీగా మారుతుందని వివరించారు. ప్రపంచవ్యాప్తంగా అనేక నాగరికతలు నదుల ఆధారంగానే అభివృద్ధి చెందాయని, వందేళ్ల క్రితమే నిజాం మూసీ నదీ పరివాహక ప్రాంత అభివృద్ధికి చర్యలు చేపట్టారని తెలిపారు.
అయితే ప్రస్తుతం మూసీ తీవ్ర కాలుష్యానికి గురైందని, దాని ప్రభావంతో నల్లగొండ జిల్లా ప్రజలు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. గత ప్రభుత్వాల నిర్లక్ష్యానికి నల్లగొండ ప్రజలు శిక్ష అనుభవిస్తున్నారని వ్యాఖ్యానించారు. ఈ పరిస్థితిని మార్చేందుకే మూసీ పునరుజ్జీవన కార్యక్రమాన్ని చేపట్టాలని నిర్ణయించామని స్పష్టం చేశారు.
ప్రకృతిని పరిరక్షించడమే తన లక్ష్యమని, హైదరాబాద్‌ను విశ్వనగరంగా నిలబెట్టేందుకు ప్రభుత్వం కృషి చేస్తోందని సీఎం చెప్పారు. అందులో భాగంగానే చెరువుల పునరుద్ధరణ చేపడుతున్నామని తెలిపారు. మూసీ నదిని ప్రక్షాళన చేయాల్సిందేనని, ఈ ప్రక్రియలో ఏ ఒక్కరికీ నష్టం జరగకుండా చూసే బాధ్యత ప్రభుత్వమే తీసుకుంటుందని హామీ ఇచ్చారు. రాజకీయాలకు అతీతంగా అందరూ ఈ కార్యక్రమానికి సహకరించాలని కోరారు.
ఇది కూడా చదవండి: సోనియా గాంధీతో వైఎస్ షర్మిల భేటీ..ఆసక్తికరంగా మారిన పుస్తకం బహూకరణ.!
త్వరలోనే మూసీ పునరుజ్జీవనం తొలి దశ పనులు ప్రారంభించబోతున్నామని వెల్లడించారు. నగర ప్రజల జీవితాలు మూసీ నదితో ముడిపడి ఉన్నాయని, నదుల పేర్లను ఆడబిడ్డలకు పెట్టుకునే సంస్కృతి మనదని గుర్తుచేశారు. మూసీ సుందరీకరణ మాత్రమే తమ లక్ష్యం కాదని, నదికి పునరుజ్జీవం కల్పించడమే అసలు ఉద్దేశమని స్పష్టం చేశారు. మూసీని ప్రక్షాళన చేయడంతో పాటు చెరువులను ఆక్రమణల చెర నుంచి విడిపించాల్సిందేనని అన్నారు.
ఎన్నికల సమయంలోనే రాజకీయాలని, అభివృద్ధి విషయంలో అందరూ కలిసిరావాలని సీఎం విజ్ఞప్తి చేశారు. నిన్నటి వరకు శిల్పారామం గురించి మాట్లాడుకున్నారని, ఇకపై తమ్మిడికుంట గురించి మాట్లాడుకుంటారని అన్నారు. ఇక నుంచి వర్క్ ఫ్రమ్ హోమ్ కాదు.. వర్క్ ఫ్రమ్ తమ్మిడికుంట అనేలా ఈ ప్రాంతాన్ని అభివృద్ధి చేస్తామని చమత్కరించారు. చెరువు పరిసరాల్లో భద్రత కల్పించాలని పోలీసు అధికారులను ఆదేశించారు.
తమ్మిడికుంట పరిసరాల్లో లేక్ ఎకానమీని అభివృద్ధి చేసుకోవాలని సూచించారు. చెరువు ఆవరణలో జమ్మి చెట్టును నాటాలని హైడ్రా కమిషనర్ రంగనాథ్‌కు సూచించారు. అలా చేస్తే దసరా వేడుకలకు చెరువులు వేదికలుగా మారుతాయని, మన సంస్కృతి, సంప్రదాయాలను కాపాడుకునేందుకు అవి దోహదపడతాయని సీఎం రేవంత్ రెడ్డి పేర్కొన్నారు.
మీకు నచ్చవచ్చు: అర్ష్‌దీప్ సింగ్ ఎంగేజ్‌మెంట్..కాబోయే భార్య ఎవరో తెలుసా.?
[ Thammidikunta Lake, CM Revanth Reddy Musi River Rejuvenation, HYDRA, Akkineni Nagarjuna ]
కాంగ్రెస్ పార్టీ అగ్రనేత, పార్లమెంటు సభ్యురాలు సోనియా గాంధీ రాసిన సంచలన ఆత్మకథ 'బిలాంగింగ్: ఎ జర్నీ ఆఫ్ లవ్' (Belonging: A Journey of Love) పుస్తకం ఆధారంగా తెలుగులో అద్భుతమైన చిత్రాన్ని తెరకెక్కిస్తానని తెలంగాణ పీసీసీ వర్కింగ్ ప్రెసిడెంట్ టి. జగ్గారెడ్డి ప్రకటించారు. సంగారెడ్డిలో నిర్వహించిన పార్టీ కార్యకర్తల సమావేశంలో ఆయన ఈ విషయాన్ని వెల్లడించారు.
సోనియా గాంధీ జీవిత చరిత్రను ప్రజల ముందుకు తీసుకొచ్చేందుకు ఈ సినిమాను భారీ స్థాయిలో రూపొందించనున్నట్లు స్పష్టం చేస్తూ, పార్టీ నాయకులు కార్యకర్తలు ఇందుకు అవసరమైన ఆర్థిక వనరులను సిద్ధం చేసుకోవాలని పిలుపునిచ్చారు. ఇందిరా గాంధీ కోడలిగా, రాజీవ్ గాంధీ అర్ధాంగిగా, రాహుల్ గాంధీ, ప్రియాంక గాంధీలకు తల్లిగా ఆమె పడిన కష్టాలు, ఎదుర్కొన్న సవాళ్లు, దేశం కోసం ఆ కుటుంబం అందించిన త్యాగాలను ఈ సినిమా ద్వారా కళ్లకు కట్టినట్లు చూపిస్తామని జగ్గారెడ్డి తెలిపారు.
ఇది కూడా చదవండి: ఏపీ పెట్టుబడులకు యూఏఈ ఆసక్తి..12 సంస్థలతో ఫుడ్ ప్రాసెసింగ్ క్లస్టర్.!
కాంగ్రెస్ పార్టీ వ్యవస్థ ఎంతటి లోతైనదో వివరిస్తూ, సముద్రం ఎంత లోతుగా ఉంటుందో కాంగ్రెస్ రాజకీయ వ్యవస్థ కూడా అంతటి విశాలమైనదని ఆయన అభివర్ణించారు. సోనియా గాంధీ రాజకీయ జీవితం అత్యంత విజయవంతమైనదని, ఆమెకు ప్రధానమంత్రి పదవిపై ఎలాంటి వ్యామోహం లేదని కొనియాడారు.
భర్త రాజీవ్ గాంధీ అకాల మరణం తర్వాత ప్రధాని అయ్యే అవకాశం పూర్తిస్థాయిలో ఉన్నప్పటికీ, ఆ పదవిని వ్యక్తిగతంగా ఆశించకుండా పి.వి. నరసింహారావును దేశ ప్రధాని పదవికి ఎంపిక చేసిన చారిత్రక రాజనీతిజ్ఞత సోనియా గాంధీ సొంతమని గుర్తుచేశారు. అలాగే, యూపీఏ ప్రభుత్వం అధికారంలోకి వచ్చిన తర్వాత అందరూ ఆమెనే ప్రధాని కావాలని కోరినప్పటికీ, ఆ పదవిని సునాయాసంగా త్యాగం చేసి డాక్టర్ మన్మోహన్ సింగ్‌ను ప్రధానమంత్రిగా కూర్చోబెట్టిన మహోజ్వల ఘట్టం ఓ చరిత్ర అని ఆయన కొనియాడారు.
రాహుల్ గాంధీని దేశ ప్రధానిగా చూడాలనేదే సోనియా గాంధీ ప్రధాన కోరిక అని జగ్గారెడ్డి ఈ సందర్భంగా స్పష్టం చేశారు. ఈ ప్రత్యేక చిత్రానికి సంబంధించి త్వరలోనే ఒక ప్రత్యేక కమిటీని ఏర్పాటు చేసి సినిమా నిర్మాణ పనులను లాంఛనంగా ప్రారంభిస్తామని తెలిపారు. తెలంగాణ ముఖ్యమంత్రి రేవంత్ రెడ్డి, పీసీసీ చీఫ్ మహేష్ కుమార్ గౌడ్ చేతుల మీదుగా ఈ సినిమా షూటింగ్‌ను ప్రారంభించనున్నట్లు ఆయన వెల్లడించారు.
విశేషం ఏమిటంటే, ఈ సినిమాకి కమర్షియల్ నిర్మాతల ప్రమేయం లేకుండా సంగారెడ్డి నియోజకవర్గ కాంగ్రెస్ నాయకులు, కార్యకర్తలే పూర్తిస్థాయి నిర్మాతలుగా వ్యవహరిస్తారని జగ్గారెడ్డి ప్రకటించారు. దేశ రాజకీయాల్లో చెరగని ముద్ర వేసిన సోనియా గాంధీ జీవితంలోని అరుదైన కోణాలను, త్యాగపూరిత ప్రయాణాన్ని తెలుగు ప్రేక్షకులకు పరిచయం చేసే ఈ సినిమాపై రాజకీయ వర్గాల్లోనూ, సినీ సర్కిళ్లలోనూ ప్రస్తుతం తీవ్ర చర్చ జరుగుతోంది.
మీకు నచ్చవచ్చు: సోనియా గాంధీతో వైఎస్ షర్మిల భేటీ..ఆసక్తికరంగా మారిన పుస్తకం బహూకరణ.!
[ Sonia Gandhi autobiography, Jagga Reddy film, Sonia Gandhi biopic, Belonging A Journey of Love, Congress party ]
కాంగ్రెస్ అగ్రనేత సోనియా గాంధీతో ఏపీ కాంగ్రెస్ అధ్యక్షురాలు వైఎస్ షర్మిల ప్రత్యేకంగా భేటీ అయ్యారు. దేశ రాజధాని ఢిల్లీలో జరిగిన ఈ సమావేశంలో షర్మిల తన భర్త అనిల్ కుమార్‌తో కలిసి పాల్గొన్నారు. ఈ సందర్భంగా తన కుమార్తె అంజలి వివాహానికి హాజరుకావాలని కోరుతూ సోనియా గాంధీకి వివాహ ఆహ్వాన పత్రికను అందజేశారు.
షర్మిల దంపతులను ఆప్యాయంగా పలకరించిన సోనియా గాంధీ.. ఈ సందర్భంగా తాను ఇటీవల రచించిన 'బిలాంగింగ్: ఎ జర్నీ ఆఫ్ లవ్' (Belonging: A Journey of Love) పుస్తకాన్ని వారికి బహూకరించారు. అంతేకాదు, పుస్తకంపై స్వయంగా ఆటోగ్రాఫ్ చేసి అందించడం విశేషం.
ఇది కూడా చదవండి: విదేశీ మహిళ దేశాధినేత ఎలా అయ్యారు.. సోనియాపై కంగనా సంచలన వ్యాఖ్యలు.!
సోనియా గాంధీ జీవిత ప్రయాణం, వ్యక్తిగత అనుభవాలు, కుటుంబ బంధాలు, భారత రాజకీయాల్లో ఆమె ఎదుర్కొన్న సవాళ్లను ఈ పుస్తకం ఆవిష్కరిస్తోంది. ముఖ్యంగా గాంధీ కుటుంబంలోని అనుబంధాలు, విభేదాలకు సంబంధించిన ఆసక్తికర అంశాలు ఇందులో ప్రస్తావనకు వచ్చాయి.
ముఖ్యంగా మేనకా గాంధీతో తనకు ఉన్న సంబంధాలు, కుటుంబంలో చోటుచేసుకున్న పరిణామాల గురించి సోనియా వెల్లడించిన విషయాలు రాజకీయ వర్గాల్లో చర్చనీయాంశంగా మారాయి. ఈ నేపథ్యంలో 'బిలాంగింగ్: ఎ జర్నీ ఆఫ్ లవ్' పుస్తకంపై ఆసక్తి పెరుగుతోంది.
మరోవైపు, సోనియా గాంధీతో షర్మిల భేటీ రాజకీయంగానూ ప్రాధాన్యత సంతరించుకుంది. కుమార్తె వివాహ ఆహ్వానం కోసం జరిగిన ఈ సమావేశంలో రాజకీయ అంశాలు కూడా చర్చకు వచ్చాయా? అన్న ఆసక్తి నెలకొంది. అయితే, ఈ భేటీలో రాజకీయ చర్చలు జరిగినట్లు అధికారిక సమాచారం లేదు. మొత్తానికి, ఒకవైపు కుమార్తె వివాహ ఆహ్వానం.. మరోవైపు సోనియా గాంధీ స్వయంగా ఆటోగ్రాఫ్ చేసి అందించిన పుస్తకం.. ఈ భేటీకి ప్రత్యేక ఆకర్షణగా నిలిచాయి.
మీకు నచ్చవచ్చు: మాజీ ఉపరాష్ట్రపతి జగదీప్ ధన్‌ఖడ్‌కు తీవ్ర అస్వస్థత.. ఎయిమ్స్‌లో అత్యవసర చికిత్స.!
[ Sonia Gandhi, YS Sharmila, Anil Kumar, Anjali Wedding, Belonging A Journey of Love, Maneka Gandhi ]
మాజీ ఉపరాష్ట్రపతి జగదీప్ ధన్‌ఖడ్ తీవ్ర అస్వస్థతకు గురయ్యారు. బుధవారం ఉదయం ఎప్పటిలాగే మార్నింగ్ వాక్‌కు వెళ్లిన ఆయన.. అకస్మాత్తుగా అనారోగ్యానికి గురై కుప్పకూలిపోయారు. కొద్దిసేపు స్పృహ కోల్పోయి పడిపోయినట్లు విశ్వసనీయ వర్గాల సమాచారం. ఈ అనూహ్య పరిణామంతో అప్రమత్తమైన భద్రతా సిబ్బంది వెంటనే సహాయక చర్యలు చేపట్టారు.
ధన్‌ఖడ్‌ను తక్షణమే పోలీసు కంట్రోల్ రూమ్ (PCR) వాహనంలో ఆయన నివాసానికి తరలించారు. సమాచారం అందుకున్న ఇన్‌స్టిట్యూట్ ఆఫ్ లివర్ అండ్ బిలియరీ సైన్సెస్ (ILBS) వైద్య బృందంతో పాటు ఎయిమ్స్ వైద్యులు డాక్టర్ సందీప్ సేథ్ అక్కడికి చేరుకుని ప్రాథమిక వైద్యం అందించారు. అనంతరం మెరుగైన చికిత్స కోసం అంబులెన్స్‌లో ఢిల్లీలోని ఆలిండియా ఇన్‌స్టిట్యూట్ ఆఫ్ మెడికల్ సైన్సెస్ (AIIMS) ఆసుపత్రికి తరలించారు.
ప్రస్తుతం 75 ఏళ్ల జగదీప్ ధన్‌ఖడ్‌ను ఎయిమ్స్‌లోని కార్డియో-న్యూరో సెంటర్‌లో చేర్చి వైద్యుల పర్యవేక్షణలో ఉంచారు. కార్డియాలజీ విభాగానికి చెందిన సీనియర్ వైద్యులు ఆయన ఆరోగ్య పరిస్థితిని నిశితంగా పరిశీలిస్తున్నారు. అవసరమైన వైద్య పరీక్షలు నిర్వహిస్తూ చికిత్స అందిస్తున్నారు.
కాగా, ధన్‌ఖడ్‌కు గతంలోనూ పలు ఆరోగ్య సమస్యలు ఎదురయ్యాయి. 2025 మార్చిలో ఛాతిలో నొప్పి రావడంతో ఎయిమ్స్ క్రిటికల్ కేర్ యూనిట్‌లో చేరారు. ఆ సమయంలో ఆయనకు యాంజియోప్లాస్టీ చికిత్స నిర్వహించారు. అదే ఏడాది జూన్‌లో నైనిటాల్ పర్యటన సందర్భంగా, ఈ ఏడాది జనవరిలో ఇంట్లో ఉన్న సమయంలోనూ ఆయన స్పృహ కోల్పోయినట్లు వార్తలు వచ్చాయి.
ఇది కూడా చదవండి: 9వ తరగతిలో మంచి మార్కులు.. కొడుక్కి రూ.2 కోట్ల బీఎండబ్ల్యూ గిఫ్ట్..!
2022 ఆగస్టులో భారత ఉపరాష్ట్రపతిగా బాధ్యతలు చేపట్టిన జగదీప్ ధన్‌ఖడ్.. వ్యక్తిగత కారణాలతో 2025 జూలై 21న తన పదవికి రాజీనామా చేశారు. తాజాగా ఆయన అస్వస్థతకు గురయ్యారన్న వార్తతో రాజకీయ వర్గాల్లో ఆందోళన వ్యక్తమవుతోంది. ఆయన త్వరగా కోలుకోవాలని పలువురు ప్రముఖులు ఆకాంక్షిస్తున్నారు
మీకు నచ్చవచ్చు: ఓ రైడ్ కొడదాం గురూ.. నగరాల్లో బైక్ ట్యాక్సీల జోరు.. యువతకు చేతినిండా పని.!
[ Jagdeep Dhankhar, former vice president, AIIMS Delhi, health update, morning walk collapse, cardiology department ]
ALSO ON TELUGUONE N E W S
పెళ్లి అంటే నూరేళ్ల పంట అంటారు. కానీ పెళ్లైన కొన్నాళ్లకే భార్యాభర్తల మధ్య గొడవలు మొదలైతే? ఒకరిపై ఒకరికి ప్రేమ ఉన్నా.. కలిసి ఉండలేని పరిస్థితి వస్తే? చివరకు విడాకుల వరకు వెళ్లాల్సి వస్తే? ఇలాంటి ఆసక్తికరమైన పాయింట్‌తో ప్రేక్షకుల ముందుకు వస్తున్న సినిమా ‘ఇడుపు కాయితం’. ప్రియదర్శి, నాగదుర్గ జంటగా నటిస్తున్న ఈ సినిమా టీజర్ తాజాగా విడుదలైంది. మరి ఈ టీజర్ ఎలా ఉంది? సినిమా కథపై ఎలాంటి ఆసక్తిని పెంచుతోంది?
‘రామాయణం ఎక్కడ ఆగిపోతుంది అనుకుంటామో.. అక్కడ ఒక స్త్రీ ప్రవేశిస్తుంది. అక్కడి నుంచి రామాయణం ముందుకు వెళుతుంది’ అంటూ ప్రముఖ ప్రవచనకర్త చాగంటి కోటేశ్వరరావు మాటలతో టీజర్ ప్రారంభమవుతుంది. ఈ డైలాగ్‌తోనే కథలో శ్రీలత పాత్రకు ఎంత ప్రాధాన్యత ఉండబోతోందో చెప్పే ప్రయత్నం చేశారు.
ఆ తర్వాత శ్రీను (ప్రియదర్శి), శ్రీలత (నాగదుర్గ) పరిచయం, పెళ్లిచూపులు, ప్రేమ, పెళ్లి.. ఇలా వీరి జీవితంలోని అందమైన క్షణాలను చూపించారు. కొత్తగా పెళ్లైన జంట మధ్య ఉండే చిన్న చిన్న సరదాలు, అలకలు, ప్రేమతో కూడిన సంభాషణలు ఆకట్టుకుంటున్నాయి.
అయితే టీజర్ చివర్లో అసలు ట్విస్ట్ బయటపడుతుంది. ఎంతో ఇష్టపడి పెళ్లి చేసుకున్న శ్రీను, శ్రీలత చివరకు విడాకుల పత్రం రాసుకునే పరిస్థితి ఎందుకు వచ్చింది? అసలు వీరి మధ్య ఏం జరిగింది? అనే ప్రశ్నలను టీజర్ లేవనెత్తుతుంది.
ఇది కూడా చదవండి: శేఖర్ మాస్టర్‌కు యాక్సిడెంట్.. 'కాకా' షూటింగ్ నుంచి వస్తుండగా కారుని ఢీ కొట్టిన ట్రక్.!
భార్యాభర్తల మధ్య గొడవలు, కుటుంబ సభ్యుల జోక్యం, అపార్థాలు.. ఇలా మన చుట్టూ కనిపించే జీవితాలనే కథాంశంగా తీసుకున్నట్లు అనిపిస్తోంది. ముఖ్యంగా తెలంగాణ గ్రామీణ నేపథ్యంలో ఈ కథను చూపించడం మరో ఆకర్షణ. కామెడీ, ప్రేమ, కుటుంబ భావోద్వేగాలు కలగలిపిన ఫ్యామిలీ ఎంటర్‌టైనర్‌గా సినిమా ఉండబోతున్నట్లు టీజర్ చూస్తే అర్థమవుతోంది.
ప్రియదర్శి ఇప్పటికే విభిన్నమైన పాత్రలతో తనకంటూ ప్రత్యేక గుర్తింపు తెచ్చుకున్నారు. ముఖ్యంగా ‘బలగం’ సినిమాతో నటుడిగా మరో మెట్టు ఎక్కారు. ఆ తర్వాత కూడా కంటెంట్ ఉన్న కథలను ఎంచుకుంటూ ముందుకు వెళ్తున్నారు. ఇందులో శ్రీను పాత్రలో ఆయన మరోసారి ఆకట్టుకునేలా కనిపిస్తున్నారు.
ఇక నాగదుర్గకు ఇది హీరోయిన్ గా తొలి సినిమా. తెలంగాణ ఫోక్ సాంగ్స్, డ్యాన్స్‌లతో సోషల్ మీడియాలో గుర్తింపు తెచ్చుకున్న ఆమె.. ఇప్పటికే విడుదలైన ‘బారాత్ బీట్’ పాటలో తన డ్యాన్స్‌తో ఆకట్టుకున్నారు. టీజర్‌లో శ్రీలతగా ఆమె సహజంగా కనిపిస్తున్నారు. వీరిద్దరి మధ్య కెమిస్ట్రీ కూడా బాగానే కుదిరినట్లు అనిపిస్తోంది.
సుకుమార్ రైటింగ్స్, బన్నీ వాస్ వర్క్స్ సంయుక్తంగా ఈ చిత్రాన్ని నిర్మిస్తున్నాయి. సుకుమార్, తబితా సుకుమార్, బన్నీ వాస్ నిర్మాతలుగా వ్యవహరిస్తున్నారు. వంశీ రెడ్డి దొండపాటి దర్శకత్వం వహించగా.. సురేష్ బొబ్బిలి సంగీతం అందిస్తున్నారు.
డిసెంబర్ 11న ఈ సినిమా థియేటర్లలో విడుదల కానుంది. మరి విడాకుల కథతో వస్తున్న ప్రియదర్శి ప్రేక్షకులను ఎంతవరకు నవ్విస్తారో.. ఎంతవరకు ఎమోషనల్ చేస్తారో చూడాలి.
మీకు నచ్చవచ్చు:
శోభన్ బాబుకు స్టార్‌డమ్ తెచ్చిన మూవీ.. 'తాసిల్దార్ గారి అమ్మాయి' వెనుక ఇన్ని విశేషాలా.?
షకీలా బయోపిక్.. ఇది టాలీవుడ్ ‘డర్టీ పిక్చర్’.!
[Idupu Kayitham Teaser, Priyadarshi, Naga Durga, Sukumar Writings, Bunny Vas]
మలయాళ చిత్ర పరిశ్రమలో అగ్ర కథానాయకులుగా కొనసాగుతున్న మమ్ముట్టి, మోహన్‌లాల్‌కు సినిమాలతో పాటు లగ్జరీ కార్లంటే కూడా ఎంతో ఇష్టం. ఇప్పటికే వీరిద్దరి గ్యారేజీల్లో ఎన్నో ఖరీదైన కార్లు ఉన్నాయి. తాజాగా ఈ ఇద్దరు స్టార్ హీరోలు జపాన్‌కు చెందిన లెక్సస్ కంపెనీ కార్లను కొనుగోలు చేశారు. అయితే ఇద్దరూ ఒకే కంపెనీకి చెందిన కార్లను ఎంచుకున్నప్పటికీ, వాటి మోడల్స్ మాత్రం వేర్వేరుగా ఉండటం విశేషం.
మమ్ముట్టి లెక్సస్ ఈఎస్ 350హెచ్ (Lexus ES 350h) హైబ్రిడ్ సెడాన్‌ను కొనుగోలు చేశారు. ఈ కారు లగ్జరీ వేరియంట్ ఎక్స్‌షోరూమ్ ధర సుమారు రూ.71.80 లక్షలు. ఇందులో 2.5 లీటర్ల పెట్రోల్ ఇంజిన్‌తో పాటు ఎలక్ట్రిక్ మోటార్ ఉంటుంది. సెల్ఫ్ ఛార్జింగ్ స్ట్రాంగ్ హైబ్రిడ్ టెక్నాలజీతో ఈ కారు పనిచేస్తుంది.
ఈ సెడాన్‌లో 14 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 12.3 అంగుళాల డిజిటల్ ఇన్‌స్ట్రుమెంట్ క్లస్టర్, 17 స్పీకర్ల మార్క్ లెవిన్సన్ ఆడియో సిస్టమ్ వంటి ప్రత్యేకతలు ఉన్నాయి. ప్రయాణికుల సౌకర్యం కోసం వెంటిలేటెడ్, హీటెడ్ సీట్లు కూడా అందించారు. భద్రత విషయంలోనూ లెక్సస్ ప్రత్యేక శ్రద్ధ తీసుకుంది. ఎనిమిది ఎయిర్‌బ్యాగ్స్‌తో పాటు అడాప్టివ్ క్రూయిజ్ కంట్రోల్, లేన్ కీప్ అసిస్ట్ వంటి అధునాతన ఫీచర్లు ఇందులో ఉన్నాయి.
ఇది కూడా చదవండి: ‘మనసిలాయో’ పాటకు రజనీకాంత్ స్టెప్పులు.. అనిరుధ్ పెళ్లిలో తలైవా సందడి!
మరోవైపు మోహన్‌లాల్ లెక్సస్ ఎల్ఎం 350హెచ్ (Lexus LM 350h) లగ్జరీ ఎంపీవీని కొనుగోలు చేశారు. ఇది టయోటా వెల్‌ఫైర్ ప్లాట్‌ఫామ్‌పై రూపొందిన అత్యంత విలాసవంతమైన వాహనం. ఈ కారు 7 సీటర్ వీఐపీ వేరియంట్ ధర రూ.2.27 కోట్లు కాగా, 4 సీటర్ అల్ట్రా లగ్జరీ వేరియంట్ ధర రూ.2.84 కోట్లు. అయితే మోహన్‌లాల్ ఏ వేరియంట్‌ను కొనుగోలు చేశారనే విషయం స్పష్టంగా వెల్లడికాలేదు.
లెక్సస్ ఎల్ఎం 350హెచ్‌లో ప్రయాణికుల సౌకర్యానికి పెద్దపీట వేశారు. విమానాల్లోని ఫస్ట్ క్లాస్ సీట్ల తరహాలో రిక్లైనర్ సీట్లు, 48 అంగుళాల అల్ట్రా వైడ్ స్క్రీన్, ఫోల్డ్ అవుట్ టేబుల్స్, ఎలక్ట్రిక్ స్లైడింగ్ డోర్స్ వంటి సదుపాయాలు ఉన్నాయి. 2.5 లీటర్ల పెట్రోల్ హైబ్రిడ్ ఇంజిన్‌తో పనిచేసే ఈ ఎంపీవీ 250 పీఎస్ పవర్‌ను ఉత్పత్తి చేస్తుంది. ఇలా మమ్ముట్టి, మోహన్‌లాల్ ఇద్దరూ తమ కార్ల కలెక్షన్‌లో మరో లెక్సస్ వాహనాన్ని చేర్చుకున్నారు.
మీకు నచ్చవచ్చు:
విజయ్ సేతుపతి, సాయి పల్లవితో మణిరత్నం సినిమా.. ‘ఇంజి వెల్లం’ రిలీజ్ డేట్ ఫిక్స్!
శేఖర్ మాస్టర్‌కు యాక్సిడెంట్: ‘కాకా’ షూటింగ్ నుండి వస్తుండగా కారును ఢీ కొట్టిన ట్రక్.!
[Mammootty, Mohanlal, Lexus ES 350h, CarCollection, MalayalamActors]
సూపర్‌స్టార్ రజనీకాంత్ మరోసారి తన స్టైల్‌తో అభిమానులను ఆకట్టుకున్నారు. ప్రముఖ సంగీత దర్శకుడు అనిరుధ్ రవిచందర్, కావ్య మారన్ వివాహ వేడుకలో ఆయన ఉత్సాహంగా డ్యాన్స్ చేశారు. గ్రీస్‌లో జరిగిన ఈ పెళ్లి వేడుకకు సంబంధించిన వీడియోలు ప్రస్తుతం సోషల్ మీడియాలో చక్కర్లు కొడుతున్నాయి. ముఖ్యంగా 75 ఏళ్ల వయసులోనూ రజనీకాంత్ ఎంతో ఉత్సాహంగా స్టెప్పులేయడం అభిమానులను ఆకట్టుకుంటోంది.
అనిరుధ్, కావ్య మారన్ నవంబర్ 11న గ్రీస్‌లో కుటుంబ సభ్యులు, అత్యంత సన్నిహితుల సమక్షంలో వివాహ బంధంలోకి అడుగుపెట్టారు. ఈ వేడుకకు రజనీకాంత్ తన భార్య లతతో కలిసి హాజరయ్యారు. అనిరుధ్‌కు రజనీకాంత్ మేనమామ కావడంతో ఈ వివాహ వేడుక ఆయన కుటుంబానికి మరింత ప్రత్యేకంగా మారింది.
ఈ వేడుకలో రజనీకాంత్ తన సినిమా ‘వేట్టయన్’లోని ‘మనసిలాయో’ పాటకు డ్యాన్స్ చేశారు. ఈ పాటకు సంగీతం అందించింది కూడా అనిరుధే కావడం విశేషం. కొత్త దంపతులు అనిరుధ్, కావ్య మారన్ పక్కనే ఉండగా రజనీకాంత్ ఉత్సాహంగా స్టెప్పులేశారు. ‘పేట్టా’ సినిమాలోని పాటలకు కూడా ఆయన డ్యాన్స్ చేసినట్లు వీడియోలు బయటకు వచ్చాయి.
రజనీకాంత్ డ్యాన్స్ చేస్తున్న సమయంలో కుటుంబ సభ్యులు, అతిథులు ఆయనను ఉత్సాహపరిచారు. కొత్త దంపతులు కూడా ఆయనతో కలిసి ఆ క్షణాలను ఆస్వాదించారు. సాధారణంగా సినిమాల్లో తనదైన స్టైల్‌తో ప్రేక్షకులను అలరించే తలైవా, కుటుంబ వేడుకలో ఇలా సరదాగా డ్యాన్స్ చేయడం అభిమానులకు ప్రత్యేకమైన దృశ్యంగా మారింది.
ఇది కూడా చదవండి: విజయ్ సేతుపతి, సాయిపల్లవితో మణిరత్నం సినిమా: ‘ఇంజి వెల్లం’ రిలీజ్ డేట్ ఫిక్స్.!
ఈ వివాహ వేడుకకు తమిళనాడు మాజీ ముఖ్యమంత్రి ఎం.కె. స్టాలిన్, ఆయన కుమారుడు, ఉప ముఖ్యమంత్రి ఉదయనిధి స్టాలిన్‌తో పాటు సన్ గ్రూప్ అధినేత కళానిధి మారన్ కుటుంబ సభ్యులు కూడా హాజరైనట్లు వార్తలు వచ్చాయి. అనిరుధ్ తన పెళ్లి ఫొటోలను సోషల్ మీడియాలో పంచుకుంటూ ‘My once in a lifetime, for a lifetime. 11.11’ అంటూ ప్రత్యేకమైన క్యాప్షన్ ఇచ్చారు.
గ్రీస్‌లో కుటుంబ సభ్యుల సమక్షంలో జరిగిన వివాహ వేడుక అనంతరం చెన్నైలో భారీ రిసెప్షన్ నిర్వహించేందుకు ఏర్పాట్లు చేస్తున్నారు. నవంబర్ 21న ఈ రిసెప్షన్ జరగనుంది. సినీ, రాజకీయ, వ్యాపార రంగాలకు చెందిన ప్రముఖులు ఈ వేడుకకు హాజరయ్యే అవకాశం ఉంది. అయితే ప్రస్తుతం మాత్రం అనిరుధ్ పెళ్లిలో రజనీకాంత్ వేసిన స్టెప్పులే సోషల్ మీడియాలో ప్రత్యేక ఆకర్షణగా నిలుస్తున్నాయి.
మీకు నచ్చవచ్చు:
శేఖర్ మాస్టర్‌కు యాక్సిడెంట్: ‘కాకా’ షూటింగ్ నుంచి వస్తుండగా ఢీ కొట్టిన ట్రక్.!
షకీలా బయోపిక్: ఇది టాలీవుడ్ ‘డర్టీ పిక్చర్’.!
[Rajinikanth, AnirudhRavichanderWedding, KavyaMaranWedding, KavyaMaran, AnirudhKavyaWedding]
ప్రముఖ దర్శకుడు మణిరత్నం తెరకెక్కిస్తున్న కొత్త సినిమా ‘ఇంజి వెల్లం’ విడుదల తేదీ ఖరారైంది. విజయ్ సేతుపతి, సాయి పల్లవి ప్రధాన పాత్రల్లో నటిస్తున్న ఈ చిత్రాన్ని వచ్చే ఏడాది జనవరి 29న ప్రపంచవ్యాప్తంగా విడుదల చేయనున్నట్లు చిత్రబృందం అధికారికంగా ప్రకటించింది. ఈ విషయాన్ని మద్రాస్ టాకీస్ సోషల్ మీడియా వేదికగా వెల్లడించింది.
మద్రాస్ టాకీస్, లైకా ప్రొడక్షన్స్ సంయుక్తంగా ఈ సినిమాను నిర్మిస్తున్నాయి. మణిరత్నం, సుభాస్కరన్ నిర్మాతలుగా వ్యవహరిస్తున్నారు. లైకా ప్రొడక్షన్స్ అధినేత సుభాస్కరన్ ఈ చిత్రాన్ని సమర్పిస్తున్నారు. విడుదల తేదీని ప్రకటిస్తూ చిత్రబృందం కొత్త మోషన్ పోస్టర్‌ను కూడా విడుదల చేసింది.
ఈ సినిమా టైటిల్‌ను గత సెప్టెంబర్‌లో ఒక ప్రత్యేకమైన వాయిస్ ఓవర్ క్లిప్ ద్వారా ప్రకటించారు. అందులో ‘ఇంజి’ అంటే అల్లం ఎవరు? ‘వెల్లం’ అంటే బెల్లం ఎవరు? అంటూ విజయ్ సేతుపతి, సాయి పల్లవి మధ్య సరదాగా సాగే సంభాషణ ఆసక్తిని కలిగించింది. అప్పటి నుంచే ఈ టైటిల్‌పై ప్రేక్షకుల్లో చర్చ మొదలైంది.
‘ఇంజి వెల్లం’తో విజయ్ సేతుపతి, సాయి పల్లవి తొలిసారి కలిసి నటిస్తున్నారు. అలాగే ‘చెక్క చివంత వానమ్’ (తెలుగులో ‘నవాబ్’) తర్వాత విజయ్ సేతుపతి మణిరత్నం దర్శకత్వంలో నటిస్తున్న రెండో సినిమా ఇది. మరోవైపు సాయి పల్లవికి మణిరత్నం దర్శకత్వంలో ఇదే తొలి చిత్రం కావడం విశేషం.
ఇది కూడా చదవండి: శేఖర్ మాస్టర్‌కు యాక్సిడెంట్: ‘కాకా’ షూటింగ్ నుంచి వస్తుండగా కారును ఢీ కొట్టిన ట్రక్.!
ఈ సినిమాకు ఆస్కార్ అవార్డు విజేత ఏఆర్ రెహమాన్ సంగీతం అందిస్తున్నారు. మణిరత్నం, రెహమాన్ కలయికలో ఇప్పటికే ఎన్నో గుర్తుండిపోయే పాటలు వచ్చాయి. ఇప్పుడు ‘ఇంజి వెల్లం’ కోసం వీరిద్దరూ మరోసారి కలిసి పనిచేస్తుండటంతో సంగీతంపై కూడా ఆసక్తి నెలకొంది.
అవిక్ ముఖోపాధ్యాయ్ సినిమాటోగ్రాఫర్‌గా, శ్రీకర్ ప్రసాద్ ఎడిటర్‌గా వ్యవహరిస్తున్నారు. మణిరత్నం దర్శకత్వంలో విజయ్ సేతుపతి, సాయి పల్లవి తొలిసారి జంటగా కనిపించనుండటంతో ఈ సినిమాపై ప్రేక్షకుల్లో ఆసక్తి పెరుగుతోంది. జనవరి 29న ఈ చిత్రం ప్రేక్షకుల ముందుకు రానుంది.
మీకు నచ్చవచ్చు:
200 కోట్ల క్లబ్‌లో ‘సీన్’: సూర్య అరుదైన రికార్డ్!
షకీలా బయోపిక్: ఇది టాలీవుడ్ ‘డర్టీ పిక్చర్’!
[ManiRatnam, InjiVellam, VijaySethupathi, SaiPallavi, ARRahman]
ఒకప్పుడు దక్షిణాది సినీ పరిశ్రమలో తనకంటూ ప్రత్యేక గుర్తింపు తెచ్చుకున్న నటి షకీలా జీవితం ఇప్పుడు వెండితెరపైకి రాబోతోందా? టాలీవుడ్‌లో ఆమె బయోపిక్ తెరకెక్కించేందుకు ప్రయత్నాలు జరుగుతున్నట్లు ఫిల్మ్‌నగర్‌లో ఆసక్తికరమైన టాక్ వినిపిస్తోంది.
చిన్న సినిమాతోనే పెద్ద విజయాన్ని అందుకున్న ఓ దర్శకుడు.. షకీలా జీవిత కథను సినిమాగా తెరకెక్కించాలని ప్రయత్నిస్తున్నారట. ఆమె సినీ ప్రయాణం, ఎదుర్కొన్న ఒడిదుడుకులు, వ్యక్తిగత జీవితంలోని ఆసక్తికరమైన మలుపులను తెరపై చూపించాలనేది ఆ దర్శకుడి ఆలోచనగా తెలుస్తోంది.
ఈ సినిమాను సాధారణ బయోపిక్‌లా కాకుండా.. బాలీవుడ్ లో విద్యాబాలన్ నటించిన ‘ది డర్టీ పిక్చర్’ స్థాయిలో తెరకెక్కించాలని ప్లాన్ చేస్తున్నారట. అందుకోసం బడ్జెట్ కూడా భారీగానే కేటాయించాలనే ఆలోచనలో ఉన్నట్లు సమాచారం.
ప్రస్తుతం ఈ కథకు సరిపోయే హీరోయిన్ కోసం అన్వేషణ మొదలైందట. షకీలా పాత్రలో ఎవరు నటిస్తే బాగుంటుందనే దానిపై చర్చలు జరుగుతున్నట్లు తెలుస్తోంది.
ఇది కూడా చదవండి: శేఖర్ మాస్టర్‌కు యాక్సిడెంట్.. 'కాకా' షూటింగ్ నుంచి వస్తుండగా కారుని ఢీ కొట్టిన ట్రక్.!
సిల్క్ స్మిత జీవితం ఆధారంగా తెరకెక్కిన ‘ది డర్టీ పిక్చర్’లో విద్యాబాలన్ నటించి మెప్పించారు. ఉత్తమ నటిగా నేషనల్ అవార్డు కూడా అందుకున్నారు. మరి ఇప్పుడు షకీలా బయోపిక్ లో నటించే నటి కూడా అలాంటి మ్యాజిక్ చేస్తారా అనేది ఆసక్తికరంగా మారింది.
గ్లామర్ ప్రపంచంలో ఒకప్పుడు సంచలనం సృష్టించిన షకీలా జీవితంలో ఎన్నో ఆసక్తికరమైన సంఘటనలు ఉన్నాయి. మరి ఆ కథను తెరపైకి తీసుకొచ్చే బాధ్యత ఎవరు తీసుకుంటున్నారు? షకీలా పాత్రలో కనిపించబోయే నటి ఎవరు? అన్నది తెలియాలంటే మరికొంతకాలం వేచి చూడాల్సిందే. పూర్తి వివరాలు త్వరలో వెల్లడయ్యే అవకాశం ఉంది.
మీకు నచ్చవచ్చు:
చచ్చిపోకముందే వెళ్లిపోండి.. ‘పైర్’ కథ వింటే కన్నీళ్లు ఆగవు.!
200 కోట్ల క్లబ్‌లో సీన్.. సూర్య అరుదైన రికార్డ్.!
[Shakeela Biopic, Glamour World, Tollywood Biopic, Shakeela Movie, The Dirty Picture]
Choreographer Sekhar Master reportedly met with a road accident while returning from Ramoji Film City after completing the shooting of the song Kaaka. A truck carrying a load of fruits allegedly rammed into his car from behind.
The accident caused concern among those who came to know about the incident, especially as Sekhar Master was travelling in the car at the time of the collision.
However, in a major relief, the choreographer escaped without even a minor injury. The accident involving his car is confirmed, but he is said to be completely safe.
Those who spoke to Sekhar Master shortly after the incident also confirmed that he was doing fine. While the exact circumstances and extent of damage to the vehicle are yet to be known, there is relief that nobody was hurt.
Also Read: Aniesh says Itllu Arjuna will be grounded and realistic
Interestingly, Sekhar Master is currently observing the Ayyappa Deeksha and wearing the Ayyappa Mala. His well-wishers believe that Lord Ayyappa's blessings helped him escape the accident unharmed.
The incident has come as a frightening experience for the choreographer, but the news of his safety has brought relief to his friends, colleagues and fans.
Check Out: Did Anirudh Quit Arasan movie?
January 12 Vidudala team plan a huge US campaign
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Aniesh and Anaswara Rajan starrer Itllu Arjuna, presented by King Nagarjuna, is gearing up for its theatrical release on November 13. With Jr. NTR unveiling the trailer and Ram Charan attending the pre-release event, the film has generated good buzz ahead of its release. Paid premieres are scheduled for November 12.
Speaking to the media, Aniesh revealed that he instantly connected with the story when director Mahesh Uppala narrated it. The idea of a mute person expressing love through emotions and gestures particularly interested him. He spent nearly a year in workshops and preparation to get the character's nuances right.
Aniesh said that the team wanted every emotion and action sequence to feel organic and realistic rather than exaggerated like commercial action films. He performed the stunts himself and worked on gestures and sign language to make his character's expressions easily accessible to audiences. He also dubbed for the film to retain the authenticity of his low-voice screams.
The actor revealed that Nagarjuna loved the film and decided to present it, while Jr. NTR appreciated his performance. He also thanked Ram Charan, producer Venky Kudumula and Nagarjuna for their encouragement and guidance.
Also Read: January 12 Vidudala team plan a huge US campaign
Aniesh praised Anaswara Rajan for her friendly nature and S Thaman for delivering chartbuster music, adding that music plays an important role in the film. Meanwhile, the censor formalities have reportedly been completed, with the film receiving positive reports. The makers have locked the runtime at 2 hours and 23 minutes.
Itllu Arjuna is expected to be a big blockbuster beginning for the actor, director and producer, by the industry insiders. Reports further suggest that the movie has come out well and S Thaman's music is a big highlight. Aniesh and Anaswara chemistry is brilliant and the makers are promising an entertainer that will make audiences feel the pain, love and triumph of the main characters.
Check Out: Did Anirudh opt out of Arasan?
Anirudh marries Kavya Maran in Greece
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
టాలీవుడ్ ప్రముఖ కొరియోగ్రాఫర్ శేఖర్ మాస్టర్ రోడ్డు ప్రమాదానికి గురయ్యారు. మెగాస్టార్ చిరంజీవి నటిస్తున్న ‘కాకా’ సినిమా పాట చిత్రీకరణ ముగించుకుని తిరిగి వస్తుండగా ఆయన ప్రయాణిస్తున్న కారు ప్రమాదానికి గురైంది. శంషాబాద్ సమీపంలో జరిగిన ఈ ఘటనలో కారు వెనుక భాగం తీవ్రంగా దెబ్బతింది. అయితే అదృష్టవశాత్తూ శేఖర్ మాస్టర్ స్వల్ప గాయాలతో బయటపడ్డారు.
వివరాల్లోకి వెళితే.. పండ్ల లోడ్‌తో వేగంగా వెళ్తున్న ట్రక్, శేఖర్ మాస్టర్ ప్రయాణిస్తున్న కారును వెనుక నుంచి బలంగా ఢీకొట్టింది. ఈ ప్రమాదం ధాటికి ఆయన కారు వెనుక భాగం పూర్తిగా దెబ్బతింది.
అయితే ప్రమాద సమయంలో కారులో ఉన్న శేఖర్ మాస్టర్‌కు స్వల్ప గాయాలయ్యాయి. మిగతా వారికి ఎలాంటి గాయాలు కాలేదని తెలుస్తోంది. ప్రమాద తీవ్రతను చూస్తే పెను ప్రమాదమే తప్పినట్లు కనిపిస్తోంది. సురక్షితంగా బయటపడటంతో కుటుంబ సభ్యులు, సినీ పరిశ్రమ వర్గాలు, అభిమానులు ఊపిరి పీల్చుకున్నారు.
[Sekhar Master Accident, Shamshabad Accident, Hyderabad, Chiranjeevi, Kaaka Movie]
The team of January 12 Vidudala is planning an extensive promotional campaign in the United States ahead of its Sankranti release. Starring Victory Venkatesh and Nandamuri Kalyan Ram, the film brings the two actors together for the first time under the direction of Anil Ravipudi. The makers are now taking the promotions to another level with a multi-city tour that is expected to be one of the biggest overseas campaigns for a Telugu film.
The promotional tour will begin in Chicago, where the team will spend December 26 and 27 interacting with fans. From there, Venkatesh, Kalyan Ram and Anil Ravipudi will travel to Austin and Dallas for events scheduled on December 29, 30 and 31. The five-day campaign is designed to build momentum among the sizeable Telugu audience in the US.
On the production front, the team is currently shooting in Kazakhstan, where a major action episode featuring both Venkatesh and Kalyan Ram is being planned. A song will also be filmed during this schedule. Anil Ravipudi is mounting the action sequence on a grand scale, making it one of the major highlights of the film.
Keerthy Suresh and Krithi Shetty play the female leads, adding to the film's ensemble. Anil Ravipudi, who has built a reputation for festival entertainers blending comedy, family emotions and commercial elements, is once again aiming to deliver a complete Sankranti package.
Also Read: Anirudh Marries Kaviya Maran in Greece
GV Prakash Kumar is composing the music for the film and has already expressed confidence in its entertainment value, describing it as a memorable theatrical experience. The combination of Venkatesh's comic timing and Kalyan Ram's presence, under Anil Ravipudi's direction, is among the major attractions.
Produced by Sahu Garapati on a grand scale, the film is presented by Archana, Suresh Productions and Zee Studios. With an ambitious US promotional tour and the Kazakhstan schedule progressing, the makers are gearing up for a major Sankranti release on January 12.
Check Out: Mani Ratnam's Inji Vellam release locked
Priya Bhavani Shankar gets married to her beau
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Popular music composer Anirudh Ravichander and Sunrisers Hyderabad owner Kavya Maran have tied the knot in an intimate destination wedding in Greece. The wedding marks the beginning of a new chapter for the couple, whose relationship has been the subject of considerable speculation for months.
Anirudh, known for chartbusters across Tamil and Telugu cinema, and Kavya, daughter of Sun Group chairman Kalanithi Maran, reportedly celebrated their wedding in the presence of close family members and select guests. The first pictures from the ceremony show the couple in coordinated ivory traditional outfits.
Superstar Rajinikanth, Anirudh's parents, Kalanidhi Maran's family, Dayanidhi family, MK Stalin and his family with Udayanidhi Stalin attended this private ceremony. The wedding follows a traditional Tamil engagement ceremony, reportedly held in Greece on November 10. The celebrations have been kept intimate, with the Maran family overseeing the arrangements.
Kavya Maran is widely recognised as the face of Sunrisers Hyderabad during IPL seasons and serves as an executive director at Sun TV Network. Anirudh, meanwhile, has emerged as one of India's busiest composers, delivering hits for major films across multiple industries.
Also Read: Did Anirudh walk out of Simbu's Arasan?
Several prominent personalities from cinema and politics have reportedly travelled to Greece for the celebrations. The couple are also hosting a grand wedding reception in Chennai on November 21.
The wedding brings together two prominent names from the worlds of Indian entertainment, business and cricket, making it one of the most talked-about celebrity weddings of the year.
Check Out: Priya Bhavani Shankar marries her beau Rajvel Raj
Mani Ratnam's Inji Vellam locks January release
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్టపడి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జరిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన ద‌గ్గ‌ర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వరలో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
మన శరీరంలో ఎముకలు దృఢంగా ఉంటేనే మనం ఎలాంటి పనైనా చురుగ్గా చేసుకోగలుగుతాము. కానీ మారుతున్న జీవనశైలి, సరైన పోషకాహారం తీసుకోకపోవడం వల్ల చాలామంది చిన్న వయసులోనే కీళ్ల నొప్పులు, ఎముకల బలహీనత బారిన పడుతున్నారు. ముఖ్యంగా ఎముకలు విరిగినప్పుడు లేదా పగుళ్లు ఏర్పడినప్పుడు, వాటిని తిరిగి పూర్వ స్థితికి తీసుకురావడానికి వైద్యులు సరైన విశ్రాంతి మరియు కాల్షియం అధికంగా ఉండే ఆహారాన్ని సూచిస్తారు. అయితే, వారం కేవలం రెండు సార్లు కొన్ని ప్రత్యేకమైన ఆహార పదార్థాలను మన ఆహారంలో భాగంగా చేసుకుంటే, విరిగిన ఎముకలు సైతం ఉక్కులా మారతాయని ఆరోగ్య నిపుణులు నిరూపిస్తున్నారు. ఇందులో ప్రధానంగా నిపుణులు సూచించేది సహజ సిద్ధమైన నువ్వులు మరియు బెల్లం కలయిక.
ప్రతి వారం రెండుసార్లు నువ్వుల ఉండలు లేదా నువ్వులతో చేసిన పదార్థాలు తీసుకోవడం వల్ల శరీరానికి కావలసిన కాల్షియం, మెగ్నీషియం, మరియు ఫాస్పరస్ పుష్కలంగా అందుతాయి. కేవలం నువ్వులే కాకుండా, మన సాంప్రదాయ వంటకాల్లో వాడే రాగులు కూడా ఎముకల బలానికి ఒక దివ్యౌషధంలా పనిచేస్తాయి. రాగులలో పాలలో కంటే దాదాపు 3 రెట్లు అధికంగా కాల్షియం లభిస్తుంది. వారంల రెండుసార్లు రాగి జావ లేదా రాగి సంగటిని ఆహారంలో చేర్చుకోవడం ద్వారా ఎముకల సాంద్రత అద్భుతంగా పెరుగుతుంది.
అలాగే, ఎముకలు వేగంగా అతుక్కోవడానికి మరియు దృఢంగా మారడానికి విటమిన్ డి మరియు ప్రొటీన్లు అత్యంత కీలకం. దీనికోసం రోజూ లేదా కనీసం వారానికి రెండు నుంచి మూడుసార్లు కోడిగుడ్డు తెల్లసొన, చేపలు వంటి ఆహారాలను తీసుకోవడం చాలా మంచిది. చేపలలో లభించే ఒమేగా-3 ఫ్యాటీ ఆమ్లాలు ఎముకలలో వాపులను తగ్గించి, కణజాలం వేగంగా పునరుత్పత్తి అయ్యేలా సహాయపడతాయి. మరోవైపు, పాల ఉత్పత్తులైన పాలు, పెరుగు, మరియు మజ్జిగను క్రమం తప్పకుండా తీసుకోవడం వల్ల శరీరంలో కాల్షియం లోపం రాకుండా కాపాడుకోవచ్చు. చాలా మంది పాలు తాగడానికి ఇష్టపడరు, అలాంటి వారు పాలకు బదులుగా రోజువారీ ఆహారంలో పెరుగు లేదా పన్నీర్‌ను చేర్చుకోవచ్చు. అలాగే, మొలకెత్తిన ధాన్యాలు మరియు నానబెట్టిన బాదం పప్పులను తినడం ద్వారా ఎముకలకు అవసరమైన సూక్ష్మపోషకాలు లభిస్తాయి. బాదంలో ఉండే విటమిన్ ఇ మరియు ఆరోగ్యకరమైన కొవ్వులు ఎముకల బలాన్ని పెంపొందించడంలో అద్భుతంగా పనిచేస్తాయి.
వీటితో పాటు, ఆకుకూరలు ముఖ్యంగా బచ్చలికూర మరియు మునగాకు ఎముకల ఆరోగ్యానికి ఎంతో మేలు చేస్తాయి. మునగాకులో సాధారణ పాల కంటే 4 రెట్లు అధికంగా కాల్షియం మరియు క్యారెట్ల కంటే 7 రెట్లు అధికంగా విటమిన్ ఎ లభిస్తాయని అనేక శాస్త్రీయ అధ్యయనాలు స్పష్టం చేస్తున్నాయి. వారంల కనీసం రెండు సార్లు మునగాకు కూర లేదా మునగాకు పప్పును తీసుకోవడం వల్ల ఎముకలు ఉక్కులా మారడమే కాకుండా రోగనిరోధక శక్తి కూడా విపరీతంగా పెరుగుతుంది. ఆకుకూరలలో ఉండే విటమిన్ కె ఎముకల ఖనిజీకరణను మెరుగుపరిచి, పగుళ్లను త్వరగా మాన్పడానికి సహాయపడుతుంది. అలాగే పసుపు మరియు అల్లం వంటి సహజ సిద్ధమైన యాంటీ ఇన్‌ఫ్లమేటరీ పదార్థాలు కీళ్ల నొప్పులను తగ్గించి ఎముకల కణాలను రక్షిస్తాయి.
ఇది కూడా చదవండి:లూజ్ మోషన్స్ తగ్గడానికి, టీ ఆకులు మింగుతున్నారా? ఈ షాకింగ్ నిజం తెలుసుకోండి!
శరీరంలో కాల్షియం ఎంత ఉన్నప్పటికీ, అది ఎముకలకు సరిగ్గా అందాలంటే విటమిన్ డి చాలా ముఖ్యం. ఉదయపు ఎండలో కనీసం 15 నుండి 20 నిమిషాలు గడపడం ద్వారా శరీరానికి కావలసిన సహజమైన విటమిన్ డి లభిస్తుంది. ఈ విటమిన్ డి సహాయంతోనే ఆహారం ద్వారా మనం తీసుకునే కాల్షియం పూర్తిగా రక్తనాళాల ద్వారా ఎముకలకు చేరుకుంటుంది. ఎండలో తిరగడం వల్ల కేవలం విటమిన్ డి మాత్రమే కాకుండా మానసిక ఉల్లాసం కూడా కలుగుతుంది. ఎముకల దారుఢ్యాన్ని కోల్పోతున్న వృద్ధులు మరియు మహిళలు ఈ చిన్న జీవనశైలి మార్పులను పాటించడం ద్వారా ఆస్టియోపోరోసిస్ వంటి ప్రమాదకరమైన వ్యాధుల బారిన పడకుండా తమను తాము కాపాడుకోవచ్చు.
ఆహారపు అలవాట్లతో పాటు, తగినంత నీరు త్రాగడం మరియు నిద్రపోవడం కూడా ఎముకల పునరుద్ధరణ ప్రక్రియలో కీలక పాత్ర పోషిస్తాయి. రోజుకు కనీసం 8 నుంచి 10 గ్లాసుల నీరు త్రాగడం వల్ల శరీరం లోని మలినాలు బయటకు పోయి కణాల పనితీరు మెరుగుపడుతుంది. అలాగే ధూమపానం మరియు మద్యపానం వంటి చెడు అలవాట్లకు దూరంగా ఉండటం ఎముకల ఆరోగ్యాన్ని కాపాడుకోవడానికి అత్యంత ముఖ్యం. ఇటువంటి హానికరమైన అలవాట్లు శరీరంలో కాల్షియం శోషణను అడ్డుకుని ఎముకలను బోలుగా మారుస్తాయి. కాబట్టి, ఆరోగ్యకరమైన అలవాట్లను అలవర్చుకుంటూ, ఈ పోషకాహార నియమాలను క్రమం తప్పకుండా పాటిస్తే వృద్ధాప్యంలో కూడా ఎలాంటి కీళ్ల నొప్పులు లేకుండా ఉక్కులాంటి బలమైన ఎముకలను సొంతం చేసుకోవచ్చు.
మీకు నచ్చవచ్చు:సింక్‌లో, ఇవి వేస్తే ముప్పు తప్పదు.. నిపుణుల హెచ్చరిక!
దీపావళి స్పెషల్: నో ఆయిల్ స్ప్రౌట్స్ కెనాప్స్ చాట్, తయారు చేసే విధానం!
Bone Healing Foods, Fracture Recovery Diet, How To Heal Broken Bones, Bone Strengthening Foods, Calcium Rich Diet Tips, Doctor Health Advice, Health Tips In Telugu.
ప్రస్తుత ఆధునిక ఉరుకులు పరుగుల జీవితంలో మహిళలు ఇంటి బాధ్యతలతో పాటు ఆఫీస్ టెన్షన్స్, ఉద్యోగ బాధ్యతలను సైతం ఎంతో సమర్థవంతంగా నిర్వహిస్తున్నారు. అయితే ఈ బిజీ లైఫ్‌స్టైల్, నిత్య ఒత్తిడి కారణంగా చాలా మంది వర్కింగ్ ఉమెన్స్ తీవ్రమైన మానసిక ఆందోళన, అలసటను ఎదుర్కొంటున్నారు. ఈ సమస్యల నుంచి బయటపడటానికి మన పూర్వీకులు అనుసరించిన ఆరోగ్యకరమైన ఆహారపు అలవాట్లను మళ్లీ దరిచేర్చుకోవడం చాలా ముఖ్యం. పాతకాలంలో బాగా నీరసంగా, నిస్సత్తువగా ఉన్నప్పుడు మన పెద్దలు గిన్నెడు బార్లీతో చేసే అద్భుతమైన వంటకాన్ని తినేవాళ్లు. ఇది కేవలం రుచికరమైన స్వీట్ మాత్రమే కాకుండా మానసిక ఒత్తిడిని, టెన్షన్‌ను ఇట్టే తగ్గించే ఒక దివ్యౌషధంలా పనిచేస్తుంది.
ఈ పోషకభరితమైన బార్లీ పాయసం తయారీ కోసం ప్రధానంగా 1 కప్పు బార్లీ గింజలు, 2 కప్పుల నీరు, 1 కప్పు బెల్లం పొడి, అర లీటర్ కొబ్బరి పాలు, 6 నుండి 8 పచ్చి యాలకులతో తయారు చేసిన అర టేబుల్ స్పూన్ యాలకుల పొడి అవసరమవుతాయి. వీటితో పాటు రెండు టేబుల్ స్పూన్ల స్వచ్ఛమైన నెయ్యి, గుప్పెడు జీడిపప్పు, ఎండుద్రాక్షలను కూడా సిద్ధం చేసుకోవాలి. ఈ పదార్థాలన్నీ మన శరీరానికి తక్షణ శక్తిని అందించడంతో పాటు జీర్ణవ్యవస్థను మెరుగుపరచడంలో అద్భుతంగా సహకరిస్తాయి.
ఈ పాయసం తయారు చేయడానికి ముందుగా బార్లీని తీసుకుని శుభ్రంగా కడిగి నీటిని వడకట్టాలి. ఆ తర్వాత ప్రెషర్ కుక్కర్‌లో 2 కప్పుల నీరు పోసి, బార్లీ బాగా మెత్తగా ఉడికే వరకు సుమారు 4 నుండి 5 విజిల్స్ వచ్చేంత వరకు ఉడికించాలి. కుక్కర్‌లో ప్రెషర్ మొత్తం పూర్తిగా పోయే వరకు దానిని అలాగే ఉంచాలి. ఇలా చేయడం వల్ల బార్లీ గింజలు మెత్తగా ఉడికి పాయసానికి అద్భుతమైన ఆకృతిని ఇస్తాయి.
ఇప్పుడు ఉడికించిన బార్లీ మిశ్రమంలో తగినంత బెల్లం పొడిని వేసి మంచిగా కలుపుకోవాలి. ఆ తర్వాత బెల్లం మొత్తం పూర్తిగా కరిగే వరకు మీడియం మంట మీద బాగా కలుపుతూ ఉండాలి. ఆపై సన్నని మంట మీద ఈ బార్లీని మరో 2 నిమిషాల పాటు ఉడికించి, మంటను కొద్దిగా తగ్గించాలి. బెల్లం వల్ల శరీరానికి అవసరమైన ఐరన్ అందడంతో పాటు రిఫైండ్ షుగర్‌తో వచ్చే ఆరోగ్య సమస్యలు కూడా దూరమవుతాయి.
ఇది కూడా చదవండి:నిమ్మ, నారింజ తొక్కల వెనుక ఉన్న అసలు నిజాలు మరియు ఆరోగ్య హెచ్చరికలు
ఆ తరువాత దీనిలో అర లీటర్ కొబ్బరి పాలు, పచ్చి యాలకుల పొడి వేసి బాగా కలుపుకోవాలి. మీడియం మంట మీద సుమారు 10 నిమిషాల పాటు దీనిని మెల్లమెల్లగా బాగా ఉడకనివ్వాలి. కొబ్బరి పాలు చేర్చడం వల్ల పాయసం ఎంతో కమ్మటి వాసనతో పాటు క్రీమీ టెక్చర్‌ను సంతరించుకుంటుంది. ఇది మన మనసును, శరీరాన్ని ప్రశాంతపరుస్తుంది.
చివరగా ఒక చిన్న పాన్ తీసుకుని ఒక టేబుల్ స్పూన్ నెయ్యి వేడి చేసి, అందులో నాలుగు జీడిపప్పులు, ఎండుద్రాక్షలను వేసి దోరగా వేయించాలి. ఈ పోపును పాయసంలో కలుపుకుంటే గుమగుమలాడే కమ్మనైన బార్లీ పాయసం సిద్ధమవుతుంది. దీనిని వేడివేడిగా తిన్నా లేదా ఫ్రిజ్‌లో చల్లబరచుకుని తిన్నా రుచి అదిరిపోతుంది. ఉద్యోగ ఒత్తిడిని తరిమికొట్టి రోజంతా ఉత్సాహంగా ఉండటానికి ఈ ఆరోగ్యకరమైన బార్లీ పాయసాన్ని తప్పకుండా ప్రయత్నించండి.
మీకు నచ్చవచ్చు:పక్షవాతం, ప్రాణాంతకం కాకుండా ఉండాలంటే. వెంటనే ఈ పని చేయండి!
పిల్లల కోసం విటమిన్లు, ఐరన్‌తో నిండిన ఈజీ ఏబీసీ గమ్మీస్ రెసిపీ!
Barley Kheer Recipe, Stress Relief Foods, Healthy Payasam Ideas, Working Women Health Tips, Energy Boosting Sweet Recipes, Doctor Health Advice, Health Tips In Telugu.
(3).webp)
శరీరానికి ఏ చిన్న ఇబ్బంది వచ్చినా మందులతో ఇంకా చికిత్సలతో ఈజీగా తగ్గించుకోవచ్చు. కానీ కొన్ని మొండి వ్యాధులు మాత్రం ఎన్ని మందులు వాడినా అస్సలు తగ్గవు. అటువంటి వాటిలో తామర కూడా ఒకటి. ఇది ఒకసారి శరీరానికి సోకిందంటే అంత తొందరగా వదిలిపెట్టదు. నిర్లక్ష్యం చేస్తే, అది శరీరంలోని అనేక భాగాలకు వ్యాపించడమే కాకుండా, అంటువ్యాధి కాబట్టి ఇతరులకు కూడా సోకే ప్రమాదం ఉంటుంది. ఈ మొండి తామర సమస్యకు రకరకాల మందులు వాడి విసిగిపోయిన వారికి ఒక అద్భుతమైన హోం రెమిడీ అందుబాటులో ఉంది. దీనికి ఎటువంటి సైడ్ ఎఫెక్టులు లేవు, పైసా ఖర్చు లేకుండా ఇంట్లోనే ఈజీగా నయం చేసుకోవచ్చు.
తామర అనేది ఒక చర్మ సంబంధిత అంటు వ్యాధి, ఇది వివిధ రూపాల్లో వస్తుంది. ఒక వ్యక్తి నుండి మరొక వ్యక్తికి ఇది నేరుగా తాకడం వలన ఇంకా వారి వస్తువులు, దుస్తులు వాడటం వలన వేగంగా వ్యాపిస్తుంది. తామర వల్ల చర్మం పొడిబారి, పొలుసులు ఏర్పడి, మచ్చలు పడటం, తీవ్రమైన దురద రావడం వంటి బాధాకరమైన లక్షణాలు కనిపిస్తాయి. ఇది ఏ వయసు వారికైనా రావచ్చు, కానీ చిన్న పిల్లలలో ఎక్కువగా కనిపిస్తుంది. ముఖ్యంగా గజ్జలు, చంకలు వంటి తడిగా ఉండే ప్రదేశాలలో ఇది ఎక్కువగా వస్తుంది. వాతావరణం చల్లగా ఉన్నప్పుడు ఈ సమస్య మరింత ఎక్కువ అవుతుంది.
తామరలో ప్రధానంగా అటాపిక్ డెర్మటైటిస్ అనేది ఒక రకమైన అలెర్జీ. చిన్న పిల్లలలో, ముఖ్యంగా 5 సంవత్సరాల లోపు వారికి ఇది ఎక్కువగా వస్తుంది. ఆహార పదార్థాలు, పర్యావరణ మార్పులు, జన్యుపరమైన కారణాల వల్ల ఇది వచ్చే అవకాశం ఉంది. మరొకటి కాంటాక్ట్ డెర్మటైటిస్. తామర ఉన్న వ్యక్తిని తాకినప్పుడు లేదా కొన్ని వాతావరణ మార్పుల వల్ల ఇది రావచ్చు. దీనివల్ల చర్మం ఎర్రగా మారి తీవ్రంగా దురద పెడుతుంది. సాధారణంగా ఇది చేతులు మరియు కాళ్ళపై ఎక్కువగా కనిపిస్తుంది.
ఈ ఫంగల్ ఇన్ఫెక్షన్ల నుండి చర్మాన్ని రక్షించుకోవడానికి ప్రకృతి మనకు అద్భుతమైన వస్తువులను ప్రసాదించింది. వేపాకులలో యాంటీ బ్యాక్టీరియల్, యాంటీ ఫంగల్ గుణాలు పుష్కలంగా ఉంటాయి. ఇవి చర్మాన్ని శుద్ధి చేస్తాయి, మంటలను తగ్గిస్తాయి. అలాగే, పసుపులోని కర్కుమిన్ శక్తివంతమైన యాంటీ ఇన్‌ఫ్లమేటరీ, యాంటీ మైక్రోబియల్, యాంటీ ఆక్సిడెంట్ లక్షణాలను కలిగి ఉంటుంది. ఇది శరీరంలో వాపు, మంట వంటి సమస్యలను తగ్గించి, చర్మానికి మంచి రక్షణ ఇస్తుంది. మరోవైపు, కొబ్బరి నూనె యాంటీ ఇన్‌ఫ్లమేటరీ, లినోలిక్ యాసిడ్, విటమిన్ F, యాంటీ బ్యాక్టీరియల్ లక్షణాలను కలిగి ఉండి, చర్మానికి సహజ మాయిశ్చరైజర్‌గా పనిచేస్తుంది.
ఇది కూడా చదవండి:గుడ్లు పగిలిపోకుండా, పర్ఫెక్ట్ బాయిల్డ్ ఎగ్స్ తయారీకి అద్భుతమైన చిట్కాలు!
ఈ అద్భుతమైన ఇంటి నివారణ పద్ధతిని తయారు చేసుకోవడం చాలా సులభం. ముందుగా, వేపాకులను శుభ్రంగా కడిగి, నీడలో, గాలి బాగా తగిలే చోట ఆరబెట్టాలి. పూర్తిగా ఆరిపోయిన తర్వాత, 10 నిమిషాల పాటు ఎండలో ఉంచి, ఆపై వాటిని మిక్సీలో వేసి మెత్తని పొడిలా చేసుకోవాలి. ఈ పొడిని ఒక డబ్బాలో నిల్వ చేసుకోవచ్చు.
ఒక బౌల్ తీసుకుని, మీరు ఎంత వేప పొడి వేసుకుంటారో అంత పసుపు పొడిని కూడా సమానంగా వేయాలి. ఈ రెండింటినీ బాగా కలిపి, కొద్దికొద్దిగా కొబ్బరి నూనె కలుపుతూ, పేస్ట్‌లా తయారు చేసుకోవాలి. ఈ మిశ్రమం మరీ చిక్కగా గానీ, పల్చగా గానీ ఉండకుండా చూసుకోవాలి. వీలైతే, ఇందులో రెండు చుక్కలు టీ ట్రీ ఆయిల్ కలుపుకోవచ్చు. ఇది చర్మ అలెర్జీలకు చాలా ప్రభావవంతంగా పనిచేసి మొండి తామరను శాశ్వతంగా తరిమికొడుతుంది.
మీకు నచ్చవచ్చు:ప్రెగ్నెన్సీ ఫస్ట్ మంత్స్ డైట్: నిపుణులు చెబుతున్న ముఖ్యమైన సూచనలు
శరీరానికి, ఉక్కులాంటి బలాన్నిచ్చే, మేక తలకాయ కూర రహస్యం!
Ringworm Home Remedies, Skin Fungus Treatment, Itching And Rash Relief, Natural Skin Care Tips, Herbal Remedies For Fungus, Doctor Health Advice, Health Tips In Telugu.
.webp)
ప్రస్తుత రోజుల్లో చిన్న వయసులోనే చాలామంది కీళ్ల నొప్పులు, మోకాళ్ల నొప్పులతో బాధపడుతున్నారు. వయసు పెరిగిన తర్వాత మాత్రమే వచ్చే సమస్యగా భావించే ఆర్థరైటిస్ ఇప్పుడు యువతలో కూడా కనిపిస్తోంది. అసలు చిన్న వయసులోనే కీళ్ల నొప్పులు రావడానికి కారణాలేంటి? రుమటాయిడ్ ఆర్థరైటిస్ (Rheumatoid Arthritis) అంటే ఏమిటి? ఈ సమస్యకు వ్యాయామానికి ఉన్న సంబంధం ఏమిటి? కీళ్ల ఆరోగ్యాన్ని కాపాడుకోవడానికి ఎలాంటి జాగ్రత్తలు తీసుకోవాలి?
కీళ్లు మన శరీర కదలికలకు ఎంతో కీలకం. నడవడం, మెట్లు ఎక్కడం, కూర్చోవడం, నిలబడటం వంటి రోజువారీ పనులన్నీ కీళ్ల సహకారంతోనే సాధ్యమవుతాయి. అయితే శారీరక శ్రమ తగ్గడం, ఎక్కువసేపు ఒకే చోట కూర్చోవడం, సరైన వ్యాయామం లేకపోవడం వంటి కారణాలు కీళ్ల ఆరోగ్యంపై ప్రభావం చూపవచ్చు. ముఖ్యంగా మోకాళ్లపై ఒత్తిడి పెరిగినప్పుడు నొప్పి, బిగుతుగా అనిపించడం, కదలికల్లో ఇబ్బంది వంటి సమస్యలు ఎదురవుతాయి.
కీళ్ల నొప్పులు రాకుండా ఉండటానికి, మోకాళ్ల ఆరోగ్యాన్ని మెరుగుపరుచుకోవడానికి రోజువారీ వ్యాయామం ఎంతో ఉపయోగపడుతుంది.
ఈ వీడియోలో Dr. Bhaskarకీళ్ల ఆరోగ్యం, ఆర్థరైటిస్, రుమటాయిడ్ ఆర్థరైటిస్ గురించి ముఖ్యమైన విషయాలను వివరించారు. అలాగే మోకాళ్ల కదలికలు మెరుగుపడటానికి, కండరాలు బలపడటానికి, కీళ్లపై ఒత్తిడిని తగ్గించుకోవడానికి ఉపయోగపడే ఐదు వ్యాయామాల గురించి తెలియజేశారు.
ఈ ఐదు వ్యాయామాలను ఎలా చేయాలి? వాటిని రోజువారీ జీవితంలో ఎలా భాగం చేసుకోవాలి? కీళ్ల నొప్పులతో బాధపడేవారు వ్యాయామం చేసేటప్పుడు ఎలాంటి జాగ్రత్తలు తీసుకోవాలి? ఇప్పటికే ఆర్థరైటిస్ సమస్య ఉన్నవారు ఎలాంటి వ్యాయామాలను ఎంచుకోవాలి? అనే విషయాలను ఈ వీడియోలో తెలుసుకోవచ్చు.
ఇది కూడా చదవండి పిండికూరతో కిడ్నీ రాళ్లు కరుగుతాయా.. డాక్టర్ ఏం చెబుతున్నారు
కీళ్ల నొప్పులు ఉన్న ప్రతి ఒక్కరికీ ఒకే రకమైన వ్యాయామాలు సరిపోవు. ముఖ్యంగా రుమటాయిడ్ ఆర్థరైటిస్ లేదా తీవ్రమైన మోకాళ్ల నొప్పులతో బాధపడేవారు వైద్యుల సలహా తీసుకున్న తర్వాతే తమకు తగిన వ్యాయామాలను ఎంచుకోవాలి. నొప్పి పెరిగేలా బలవంతంగా వ్యాయామాలు చేయకూడదు.
కీళ్ల ఆరోగ్యాన్ని కాపాడుకోవడానికి, మోకాళ్ల నొప్పుల పట్ల అవగాహన పెంచుకోవడానికి డాక్టర్ భాస్కర్ అందిస్తున్న ఈ విలువైన సమాచారాన్ని పూర్తిగా తెలుసుకోండి.
మరిన్ని ఆరోగ్య విషయాలు, నిపుణుల సలహాలు, ఉపయోగకరమైన సమాచార వీడియోల కోసం TeluguOne Healthను ఫాలో అవ్వండి.
మనం రోజూ తినే ఆహారంలో కొన్ని కాంబినేషన్స్ ట్రై చేస్తుంటాం. కానీ ఏ ఆహార పదార్థాన్ని వేటితో కలిపి తింటే మన శరీరానికి ఎక్కువ పోషకాలు అందుతాయనే విషయం మీద చాలామందికి స్పష్టత ఉండదు. మనం తినే వాటిలో కొన్ని కాంబినేషన్ లు ఆరోగ్యానికి అద్భుతమైన ఫలితాలను ఇస్తాయి. అలాంటి కొన్ని అరుదైన , అత్యంత ప్రయోజనకరమైన ఫుడ్ కాంబినేషన్ లు ఏవో.. వాటిని తినడం వల్ల కలిగే ప్రయోజనం ఏమిటో గురించి వివరంగా తెలుసుకుంటే..
పుచ్చకాయ.. ఉప్పు..
మనలో చాలా మందికి పుచ్చకాయ అనగానే గుర్తుకు వచ్చేది కేవలం తియ్యటి రుచి మాత్రమే. అయితే పుచ్చకాయ ముక్కల మీద కొద్దిగా ఉప్పు చల్లుకొని తింటే దాని రుచితో పాటు ఆరోగ్య ప్రయోజనాలు కూడా రెట్టింపు అవుతాయి. పుచ్చకాయలో పొటాషియం సమృద్ధిగా ఉంటుంది. అలాగే ఉప్పులో సోడియం లభిస్తుంది. ఈ రెండు కలిసి శరీరంలో ఎలక్ట్రోలైట్స్ సమతుల్యంగా ఉండేలా చూస్తాయి. ముఖ్యంగా ఎండకాలంలో లేదా వర్కవుట్లు చేసిన తర్వాత ఈ కాంబినేషన్ శరీరాన్ని తక్షణ శక్తితో పాటు హైడ్రేట్ గా ఉంచడానికి చాలా బాగా సహాయపడుతుంది.
బాదం..డార్క్ చాక్లెట్..
బాదం పప్పులను డార్క్ చాక్లెట్ తో కలిపి తీసుకోవడం మరొక మంచి అలవాటు. బాదం పప్పులో శరీరానికి అవసరమైన ఆరోగ్యకరమైన కొవ్వులు , విటమిన్ ఈ లభిస్తాయి. అలాగే డార్క్ చాక్లెట్లో యాంటీ ఆక్సిడెంట్స్ గుణాలు ఎక్కువగా ఉండే ఫ్లావనాయిడ్స్ ఉంటాయి. ఈ రెండింటి కలయిక శరీరంలో యాంటీ ఆక్సిడెంట్స్ శక్తిని గణనీయంగా పెంచుతుంది. ఇది గుండె ఆరోగ్యానికి ఎంతో మేలు చేస్తుంది , గుండె సంబంధిత సమస్యలు రాకుండా రక్షించడంలో కీలక పాత్ర పోషిస్తుంది.
ఓట్స్.. పెరుగు..
ఉదయం పూట బ్రేక్ ఫాస్ట్ లో ఓట్స్ తినడం చాలా మందికి అలవాటు. అయితే ఈ ఓట్స్ ను పెరుగుతో కలిపి తీసుకోవడం ద్వారా జీర్ణ వ్యవస్థకు అద్భుతమైన లాభాలు కలుగుతాయి. ఓట్స్ లో ప్రీబయోటిక్స్ ఉంటాయి. అలాగే పెరుగులో మంచి బ్యాక్టీరియాను అందించే ప్రోబయోటిక్స్ ఉంటాయి. ఈ రెండు కలిసి కడుపులోని జీర్ణక్రియను మెరుగుపరచడంలో , గట్ హెల్త్ ని ఆరోగ్యంగా ఉంచడంలో అద్భుతంగా పనిచేస్తాయి. పొట్టకు సంబంధించిన సమస్యలు ఉన్నవారికి ఈ ఆహార కాంబినేషన్ మంచి ఫలితాన్ని ఇస్తుంది.
ఇది కూడా చదవండి మీకు తెలుసా ..ఈ విటమిన్లు లోపిస్తే లివర్ దెబ్బతింటుంది..!
గ్రీన్ టీ.. నిమ్మరసం..
బరువు తగ్గాలనుకునేవారు లేదా ఆరోగ్యం మీద శ్రద్ధ పెట్టేవారు గ్రీన్ టీ తాగడం సాధారణం. అయితే గ్రీన్ టీ లో కొద్దిగా నిమ్మరసం పిండుకొని తాగితే దాని ప్రయోజనాలు పూర్తిగా శరీరానికి అందుతాయి. నిమ్మకాయలో ఉండే విటమిన్ సి గ్రీన్ టీ లోని యాంటీ ఆక్సిడెంట్లను శరీరం వేగంగా గ్రహించేలా సహాయపడుతుంది. సాధారణంగా గ్రీన్ టీ తాగడం వల్ల అందే పోషకాలు నిమ్మకాయ కలవడం వల్ల మరింత మెరుగ్గా పనిచేస్తాయి.
పసుపు పాలు.. మిరియాల పొడి..
మన ఇంట్లో తరచూ చేసుకునే పాలలో చిటికెడు పసుపు వేసుకొని తాగడం మన సాంప్రదాయం. అయితే ఈ పసుపు పాలలో చిటికెడు మిరియాల పొడి కూడా కలిపితే ఫలితం మరింత ఎక్కువగా ఉంటుంది. మిరియాలలో పైపరిన్ అనే గుణం ఉంటుంది. ఇది పసుపులోని కర్క్యుమిన్ అనే మూలకాన్ని శరీరం త్వరగా , పూర్తిగా గ్రహించడానికి సహాయపడుతుంది. దీనివల్ల శరీరంలో రోగ నిరోధక శక్తి పెరగడంతో పాటు ఎముకల నొప్పులు , ఇతర ఆరోగ్య సమస్యల నుంచి మంచి ఉపశమనం లభిస్తుంది.
ఆరోగ్యకరమైన జీవితాన్ని గడపడానికి మనం తినే ఆహారంలో చిన్న చిన్న మార్పులు చేసుకుంటే సరిపోతుంది. ఏ ఆహారాన్ని ఏ పదార్థంతో కలిపి తినాలో తెలుసుకొని పాటిస్తే శరీరం ఆరోగ్యంగా ఉండటంతో పాటు రోగాల బారిన పడకుండా కాపాడుకోవచ్చు. ఈ అద్భుతమైన ఆహార కాంబినేషన్ లను దైనందిన జీవితంలో భాగం చేసుకొని పూర్తి ఆరోగ్యాన్ని సొంతం చేసుకోండి.
*రూపశ్రీ.
మీకు నచ్చవచ్చు ఇలా చేస్తే చాలు... పిల్లలు ఫోన్ పక్కన పెట్టి పుస్తకాలంటే ఇష్టపడతారు..!
.webp)
ప్రతిరోజూ ఉదయం గొంతుకు హాయిగా ఉండేలా వేడి వేడిగా టీ తాగి రోజును ప్రారంభించడం చాలా మందికి అలవాటు. అయితే ఆ రొటీన్ టీకి బదులుగా అప్పుడప్పుడు కొన్ని సుగంధ ద్రవ్యాలు , మూలికలను జోడించి తయారు చేసుకునే పానీయాలు శరీరానికి ఎంతో మేలు చేస్తాయి. వీటిని హెర్బల్ టీలు అని అంటారు.
మన వంటింట్లో సులభంగా లభించే మసాలా దినుసులతోనే ఈ టీల ను తయారు చేసుకుని తాగవచ్చు. అలా వంటిట్లో ఉండే మసాలా దినుసుల్లో అనాస పువ్వు కూడా ఒకటి. ఈ అనాస పువ్వుతో తయారు చేసే టీ ఆరోగ్యానికి ఎన్నో అద్భుతమైన ప్రయోజనాలను అందిస్తుంది. ఈ చిన్న పువ్వు కేవలం వంటకాలకు రుచిని ఇవ్వడమే కాకుండా, అనేక ఆరోగ్య సమస్యలకు సహజసిద్ధమైన ఔషధంగా పనిచేస్తుంది. ఈ టీ తాగడం వల్ల కలిగే ఆరోగ్య ప్రయోజనాలు ఏమిటో తెలుసుకుంటే..
అనాస పువ్వు టీ..
ప్రస్తుత కాలంలో మారుతున్న వాతావరణ పరిస్థితుల కారణంగా వైరల్ ఫీవర్స్ , ఇతర ఇన్ఫెక్షన్లు త్వరగా వ్యాపిస్తుంటాయి. ఇలాంటి సమయంలో శరీర రోగనిరోధక శక్తిని పెంపొందించుకోవడం చాలా ముఖ్యం. జ్వరం లేదా ఏదైనా వైరస్ లేదా శ్వాసకోశ సమస్యలు తలెత్తినప్పుడు ప్రకృతి మనకు ప్రసాదించిన అనాస పువ్వును ఉపయోగించి సులభంగా హెర్బల్ టీ తయారు చేసుకోవచ్చు. అనాస పువ్వును చిన్న ముక్కలుగా చేసి, నీటిలో మరిగించి టీలా తయారు చేసుకుని తాగడం వల్ల శరీరానికి మంచి ఉపశమనం లభిస్తుంది.
ప్రయోజనాలు..
వైరల్ ఫీవర్.. శ్వాసకోశ సమస్యలు..
వాతావరణం మారినప్పుడు వచ్చే జలుబు, దగ్గు, వైరస్ జ్వరాలు సర్వసాధారణం. అనాస పువ్వులో యాంటీ వైరల్ , యాంటీ మైక్రోబయల్ గుణాలు పుష్కలంగా ఉంటాయి. ఇవి శరీరంలోకి ప్రవేశించే హానికారక వైరస్‌లతో పోరాడటానికి సహాయపడతాయి. శ్వాసనాళాల్లో చేరిన శ్లేష్మాన్ని కరిగించి, గొంతు నొప్పి , ఊపిరితిత్తుల ఇబ్బంది నుంచి త్వరగా ఉపశమనం కలిగిస్తాయి.
జీర్ణక్రియ ..
తిన్న ఆహారం సరిగా అరగకపోవడం, గ్యాస్, కడుపు ఉబ్బరం, అజీర్తి వంటి సమస్యలతో బాధపడేవారికి ఈ టీ చాలా బాగా పనిచేస్తుంది. అనాస పువ్వులోని పోషకాలు జీర్ణవ్యవస్థను ఉత్తేజపరిచి, జీర్ణక్రియ సజావుగా సాగేలా చేస్తాయి. భోజనం తర్వాత లేదా ఉదయం పూట ఈ టీ తాగడం వల్ల పొట్ట తేలికగా ఉంటుంది.
ఇది కూడా చదవండి షుగర్ పేషెంట్లు తప్పక తెలుసుకోవాలి ! ముఖ్యమైన డాక్టర్ సూచనలు
రోగనిరోధక శక్తి పెంపు..
శరీరంలో ఇమ్యూనిటీ తక్కువగా ఉంటే చిన్నచిన్న అనారోగ్యాలు కూడా త్వరగా చుట్టుముడతాయి. అనాస పువ్వు టీలో ఉండే యాంటీ ఆక్సిడెంట్లు శరీర రోగనిరోధక శక్తిని బలోపేతం చేస్తాయి. రోజూ దీన్ని తీసుకోవడం వల్ల శరీరం శక్తివంతంగా మారుతుంది , ఇన్ఫెక్షన్ల బారిన పడకుండా రక్షణ లభిస్తుంది.
కీళ్ల నొప్పులు, వాపులు తగ్గించడం..
శరీరంలో ఎక్కడైనా వాపులు లేదా కీళ్ల నొప్పులు ఉన్నప్పుడు ఈ టీ సహజ నివారణగా పనిచేస్తుంది. దీనిలో ఉండే కొన్ని ప్రత్యేక సమ్మేళనాలు శరీరంలో మంటను, వాపులను తగ్గించడంలో సహాయపడతాయి. వయసు మళ్లిన వాళ్ళలో లేదా కీళ్ల నొప్పులతో ఇబ్బంది పడేవారికి ఇది మంచి ఉపశమనాన్ని ఇస్తుంది.
మానసిక ప్రశాంతత , నిద్రలేమి నివారణ..
రోజంతా పడిన అలసట, ఒత్తిడి కారణంగా రాత్రిపూట సరిగ్గా నిద్ర పట్టకపోవడం జరుగుతుంది. అనాస పువ్వు టీలో ఉండే సువాసన , మృదువైన గుణాలు నాడీ వ్యవస్థను ప్రశాంతపరుస్తాయి. ఇది మనసును రిలాక్స్ చేసి చక్కగా నిద్ర పట్టేలా సహాయపడుతుంది.
చర్మ సౌందర్యం..
శరీరంలో వ్యర్థాలు పేరుకుపోవడం వల్ల మొటిమలు, చర్మ సమస్యలు వస్తుంటాయి. ఈ హెర్బల్ టీ శరీరాన్ని శుభ్రపరిచి, రక్తాన్ని శుద్ధి చేయడంలో సహాయపడుతుంది. దీనివల్ల చర్మం కాంతివంతంగా మారడానికి దోహదపడుతుంది.
*రూపశ్రీ.
మీకు నచ్చవచ్చు థైరాయిడ్ PCOS గట్ హెల్త్.. వీటి మధ్య సంబంధం ఏమిటి.!
మహిళలు అస్సలు నిర్లక్ష్యం చేయకూడని అండాశయ క్యాన్సర్ లక్షణాలివే!
What Happens to Your Body When You Drink Star Anise Tea,Amazing Benefits Revealed,Star Anise Tea,Amazing Benefits for Your Body