`సింహా`, `లెజెండ్` వంటి సెన్సేష‌న‌ల్ హిట్స్ త‌రువాత న‌ట‌సింహ నంద‌మూరి బాల‌కృష్ణ - మాస్ ఎంట‌ర్టైన‌ర్స్ స్పెష‌లిస్ట్ బోయ‌పాటి శ్రీ‌ను కాంబినేష‌న్ లో వ‌స్తున్న చిత్రం `అఖండ‌`.  `సింహా`, `లెజెండ్` త‌ర‌హాలోనే ఇందులోనూ బాల‌య్య రెండు విభిన్న పాత్ర‌ల్లో సంద‌డి చేయ‌నున్నారు. ఇప్ప‌టికే ఈ రెండు పాత్ర‌ల‌కి సంబంధించి వేర్వేరు వీడియోల‌ను రిలీజ్ చేసింది యూనిట్.  గ‌త ఏడాది బాల‌య్య పుట్టిన‌రోజు స్పెష‌ల్ గా `#BB3 First Roar ` పేరుతో  ఓ వీడియోని విడుద‌ల చేయ‌గా.. ఈ ఏడాది ఉగాది సంద‌ర్భంగా `#BB3 Title Roar` పేరుతో మ‌రో వీడియోని రిలీజ్ చేశారు. ఈ రెండు వీడియోల‌కి కూడా యూట్యూబ్ లో మంచి స్పంద‌న వ‌చ్చింది.

క‌ట్ చేస్తే.. ఈ జూన్ 10న బాల‌య్య బ‌ర్త్ డే సంద‌ర్భంగా `అఖండ‌` టీజ‌ర్ ని రిలీజ్ చేయ‌డానికి చిత్ర బృందం స‌న్నాహాలు చేస్తోంద‌ట‌. అంతేకాదు.. ఈ టీజ‌ర్ లో బాల‌య్య రెండు పాత్ర‌ల‌కు సంబంధించిన `డ‌బుల్ ధ‌మాకా` విజువ‌ల్స్ ఉండేలా ప్లాన్ చేస్తున్నార‌ట‌. అలాగే హీరోయిన్స్ ప్ర‌గ్యా జైశ్వాల్, పూర్ణ‌కి సంబంధించిన విజువ‌ల్స్ కూడా ఇందులో పొందుప‌రిచిన‌ట్లు స‌మాచారం. త్వ‌ర‌లోనే `అఖండ‌` టీజ‌ర్ కి సంబంధించి క్లారిటీ వ‌చ్చే అవ‌కాశ‌ముంది.

మ‌రి.. `అఖండ‌`తో బాల‌య్య‌, బోయ‌పాటి కాంబినేష‌న్ హ్యాట్రిక్ కొడుతుందేమో చూడాలి.