'రాజావారు రాణిగారు', 'ఎస్ఆర్ కళ్యాణమండపం' సినిమాలతో మంచి గుర్తింపు కిరణ్ అబ్బవరం ఇటీవల 'సెబాస్టియన్' సినిమాతో ప్రేక్షకులను పలకరించాడు. వరుస అవకాశాలు అందుకుంటున్న కిరణ్ ఏకంగా గీత ఆర్ట్స్-2 లో నటించే అవకాశం దక్కించుకున్న సంగతి తెలిసిందే. తాజాగా ఈ సినిమా రెగ్యులర్ షూటింగ్ తిరుపతిలో మొదలైంది.

మెగా ప్రొడ్యూస‌ర్ అల్లు అరవింద్ స‌మ‌ర్ప‌ణ‌లో జీఏ2 పిక్చ‌ర్స్ బ్యాన‌ర్ పై బ‌న్నీ వాసు నిర్మిస్తున్న సినిమా 'వినరో భాగ్యము విష్ణు కథ'. ఈ సినిమాతో ముర‌ళి కిషోర్ అబ్బురూ ద‌ర్శ‌కుడిగా ప‌రిచయం అవుతున్నారు. తాజాగా ఈ సినిమా రెగ్యులర్ షూటింగ్ పూజా కార్యక్రమాలతో తిరుపతిలో మొదలైంది. 35 రోజుల పాటు సాగే ఈ షెడ్యూల్ లో 80 శాతం షూటింగ్ పూర్తి చేయనున్నారు. ఇందులోనే పాటలు, ఫైట్ సీక్వెన్స్ లు కూడా ఉండబోతున్నాయి.

'విన‌రో భాగ్య‌ము విష్ణు క‌థ' అనే టైటిల్ కు ఇప్పటికే అద్భుతమైన పాజిటివ్ రెస్పాన్స్ వచ్చింది. చైత‌న్ భరద్వాజ్ సంగీతం అందిస్తున్న ఈ మూవీలో క‌శ్మీర ప‌ర్ధేశీ హీరోయిన్ గా నటిస్తోంది. విశ్వాస్ సినిమాటోగ్రఫీ అందిస్తున్న ఈ సినిమాకు మార్తాండ్ కె వెంకటేష్ ఎడిటర్ గా పనిచేస్తున్నారు. బాబు ఈ చిత్రానికి స‌హ నిర్మాత‌గా వ్య‌వ‌హ‌రిస్తున్నారు.