తారాగణం: నారా రోహిత్, శ్రీదేవి, వృతి వాఘాని, నరేష్, సత్య, సునైనా, అభినవ్ గోమఠం, వాసుకి, రూపలక్ష్మి తదితరులు 
సంగీతం: లియోన్ జేమ్స్
డీఓపీ: ప్రదీష్ వర్మ
ఎడిటర్: రోహన్ చిల్లలే
దర్శకత్వం: వెంకటేష్ నిమ్మలపూడి 
నిర్మాత: సంతోష్ చిన్నపొల్ల, గౌతమ్ రెడ్డి, రాకేష్ మహంకాళి
బ్యానర్‌: సందీప్ పిక్చర్ ప్యాలెస్
విడుదల తేదీ: ఆగస్టు 27, 2025  

ఈ ఏడాది మార్చిలో 'భైరవం'తో ప్రేక్షకుల ముందుకు వచ్చిన 'నారా రోహిత్' ఈ రోజు 'సుందర కాండ' తో ప్రేక్షకుల ముందుకు వచ్చాడు. రొమాంటిక్ కామెడీ జోనర్ లో తెరకెక్కిన 'సుందర కాండ' ప్రచార చిత్రాలతో మంచి బజ్ ని ఏర్పాటు చేసుకుంది. మరి మూవీ ఎలా ఉందో చూద్దాం. 

కథ
సిద్దార్ధ్ (నారా రోహిత్) ఉన్నత చదువు చదివిన వ్యక్తి. మూడు పదుల వయసు దాటిపోయినా ఇంకా పెళ్లి చేసుకోలేదు. స్కూల్ చదివే వయసులో తన సీనియర్ 'వైష్ణవి' లోని కొన్ని క్వాలిటీస్ నచ్చడంతో ఆమెని ఇష్టపడతాడు. అలాంటి క్వాలిటీస్ ఉన్న అమ్మాయినే పెళ్లి చేసుకోవాలనే ప్రాసెస్ లో ఇంకా పెళ్లి కాలేదు. వైజాగ్ కి చెందిన 'ఐరా' ( వృతి వాఘాని) లో వైష్ణవి లో ఉన్న లక్షణాలే ఉండటంతో ప్రేమలో పడతాడు. కాలేజీ చదువుతున్న ఐరా కోసం ఉద్యోగాన్ని వదిలి అదే కాలేజీ లో లెక్చరర్ గా చేరతాడు. ఐరా కి తన ప్రేమ విషయం చెప్తే ఇద్దరకీ ఏజ్ గ్యాప్ చాలా ఎక్కువ ఉండటంతో ఐరా మొదట ఒప్పుకోదు. కానీ సిద్దార్ధ్ సిన్సియర్ గా ప్రేమించడంతో ఐరా కూడా ప్రేమిస్తుంది. కానీ ఐరా తల్లి వైష్ణవి(శ్రీదేవి) పెళ్ళికి ఒప్పుకోదు. మరి సిద్దార్ధ్ ప్రేమ గెలిచిందా? లేదా? స్కూల్ చదివే వయసులో ఇష్టపడిన వైష్ణవి ఏమైంది? ఐరా తల్లి వైష్ణవి ఎవరు? ఆమె కథ ఏంటి? ఎందుకు పెళ్లికి ఒప్పుకోలేదు?  చివరకి సుందరకాండ ఎలా ముగిసిందనేదే ఈ చిత్ర కథ.

ఎనాలసిస్ 
ప్రస్తుతం  పాన్ ఇండియా సినిమాల పేరుతో,ఎందుకు ఖర్చు పెడుతున్నామో కూడా తెలియని సినిమాలు వస్తున్నాయి. ఇటువంటి పరిస్థితుల్లో సుందరకాండ లాంటి క్లీన్ ఎంటర్ టైన్ మెంట్  ప్రేక్షకుల ముందుకు వచ్చింది. ఇందుకు  నారా రోహిత్, దర్శకుడు, మేకర్స్ కి హాట్స్ ఆఫ్ చెప్పాలి.    ఫస్ట్ హాఫ్  స్టార్టింగ్ లో వచ్చిన కొన్ని సీన్స్ రొటీన్ గానే ఉన్నాయి. కానీ సిద్దార్ధ్, వైష్ణవి స్కూల్ ఎపిసోడ్,  ఐరా రాకతో వేగం పెరిగింది. సిద్దార్ధ్, ఐరా ల సీన్స్, వాటిని ఎలివేట్ చేసిన విధానం చాలా బాగుంది. సిద్దార్ధ్ కాలేజీ లెక్చరర్ గా రావడంతో పాటు, సత్య కామెడీ సీన్స్  ప్రధాన ప్లస్ గా నిలిచాయి. కాకపోతే వైష్ణవి క్యారక్టర్ ని ఇంటర్వెల్ కంటే ముందే కొన్ని సీన్స్ ద్వారా చూపించి ఉండే బాగుండేది. దీని వల్ల  ఈ కథ మెయిన్ పాయింట్ ఏమై ఉంటుందనే ఆలోచనతో ఉండి ఇంటర్వెల్ సీన్ కి మరింత ఎగ్జైట్మెంట్ ఉండేది. కాకపోతే ఇంటర్వెల్ ట్విస్ట్ బాగుంది. సెకండ్ హాఫ్ లో కథనం లో వేగం పెరిగింది. ఏ క్యారక్టర్ ఏ విధంగా ముగుస్తుందనే క్యూరియాసిటీ కలిగింది. కథలో ముఖ్యమైన పాయింట్ ఐరా తల్లి వైష్ణవి కి చెప్పకుండా, ఎంటర్ టైన్ మెంట్ తో నడిపించి ఐరాని సిద్దార్ధ్  పెళ్లి చేసుకోవచ్చు. కానీ దర్శకుడు ఎంతో డేరింగ్ గా భారతీయుల్లో పెనవేసుకొని ఉన్న సున్నితమైన బంధాలని తెలివిగా డీల్ చేసాడు. అందు కోసమే స్కూల్ ఎపిసోడ్ లో రామాయణం ప్రదర్శించినప్పుడు సిద్దార్ధ్ చేత ఆంజనేయుడు వేషం వేయించి,  సీతమ్మ తల్లి పాత్ర దారైన వైష్ణవి కి ఉంగరం ఇచ్చే షాట్ ని చూపించాడు.ఈ కథ ఔన్నత్యం మొత్తం ఆ షాట్ లో ఉంది. కథలో భాగంగా ఎంటర్ టైన్ మెంట్ రావడం, ప్రీ క్లైమాక్స్, క్లైమాక్స్ అతి పెద్ద ప్లస్ గా నిలిచాయి.  
.

నటీనటులు, సాంకేతిక నిపుణుల పని తీరు

సిద్దార్ధ్ క్యారక్టర్ ద్వారా 'నారా రోహిత్' తన కెరీర్ లో మరో సారి బెస్ట్ పెర్ఫార్మ్ ప్రదర్శించాడు. ఎలాంటి జోనర్ లో అయినా నటించగలిగే సత్తా ఉన్న నటుడుగా కూడా మరోసారి నిరూపించుకున్నాడు. తన కెరీర్ లో సుందరకాండ  మరో బెస్ట్ మూవీగా చెప్పుకోవచ్చు. శ్రీదేవి చాలా రోజుల తర్వాత సిల్వర్ స్క్రీన్ పై కనపడి తన క్యూట్ నటనతో కట్టి పడేసింది. ఐరా క్యారక్టర్ లో  విర్తి వఘాని తన అందంతో, అంత కంటే అందమైన నటనతో కట్టి పడేసింది.తెలుగు సినిమాకి మరో స్టార్ దొరికినట్టే. సత్య ,నరేష్, విటివి గణేష్, అజయ్ తమ పాత్రలతో సుందరకాండకి మరింత  వన్నె తెచ్చారు.నూతన  దర్శకుడు అయినా కూడా వెంకటేష్ నిమ్మలపూడి ఎంతో అనుభవమున్న దర్శకుడిలా ప్రతి ఫ్రేమ్ ని తెరకెక్కించాడు.రచన పరంగా కూడా ఉన్నత స్థాయి ప్రతిభ కనపర్చాడు. నిర్మాణ విలువలు బాగున్నాయి. లియోన్ జేమ్స్ సంగీతం, బ్యాక్ గ్రౌండ్ మ్యూజిక్  సుందరకాండ కి సరికొత్త అందాన్ని తెచ్చాయి. ఫొటోగ్రఫీ కూడా కన్నుల పండుగగా ఉంది. 

ఫైనల్ గా చెప్పాలంటే నటీనటులతో పాటు 24 క్రాఫ్ట్స్ సుందరకాండ ని పోటీపడి గెలిపించాయి. సినిమా మొత్తం ఎంటర్ టైన్ మెంట్ గా చెప్పగలిగినా  ఎంచుకున్న లైన్ కొంచం ఇబ్బంది కరంగా అనిపిస్తుంది. ప్రేక్షకులు ఎంత మేర ఆదరిస్తారో చూడాలి.    

రేటింగ్ 2 .5 / 5                                                                                                             అరుణా చలం