న్యాచురల్ స్టార్ నాని హీరోగా వివేక్ ఆత్రేయ దర్శకత్వంలో రూపొందిన సినిమా 'సరిపోదా శనివారం' (Saripodhaa Sanivaaram). డి.వి.వి. ఎంటర్టైన్మెంట్స్ నిర్మించిన ఈ యాక్షన్ డ్రామా గురువారం(ఆగస్టు 29) ప్రేక్షకుల ముందుకు వచ్చింది. ప్రేక్షకుల నుంచి పరవాలేదు అనే టాక్ తెచ్చుకుంది. ఆ టాక్ కి తగ్గట్టుగానే ఫస్ట్ డే కలెక్షన్స్ కూడా పరవాలేదు అనేలా ఉన్నాయి.

నైజాంలో రూ.2.75 కోట్ల షేర్, సీడెడ్ లో రూ.74 లక్షల షేర్, ఆంధ్రాలో రూ.2.39 కోట్ల షేర్ రాబట్టిన 'సరిపోదా శనివారం' మూవీ.. తెలంగాణ, ఆంధ్రప్రదేశ్ లో కలిపి మొదటిరోజు రూ.5.88 కోట్ల షేర్ రాబట్టింది. తెలుగు రాష్ట్రాల ఫస్ట్ డే కలెక్షన్ల పరంగా నాని కెరీర్ లో మూడో స్థానంలో నిలిచింది. రూ.14.22 కోట్ల షేర్ తో దసరా, రూ.7.57 కోట్ల షేర్ తో MCA టాప్-2 లో ఉన్నాయి.

ఇక కర్ణాటక+రెస్టాఫ్ ఇండియా రూ.1.10 కోట్లు, ఓవర్సీస్ రూ.4.40 కోట్లు కలిపి.. మొదటిరోజు వరల్డ్ వైడ్ గా రూ.11.38 కోట్ల షేర్ రాబట్టింది 'సరిపోదా శనివారం'. రూ.41 కోట్ల థియేట్రికల్ బిజినెస్ చేసిన ఈ మూవీ.. బ్రేక్ ఈవెన్ సాధించాలంటే ఇంకా రూ.30 కోట్లకు పైగా షేర్ రాబట్టాల్సి ఉంది.