మెగా పవర్ స్టార్ రామ్ చరణ్ ఇండియన్ సినిమాలో అత్యంత సంపన్న నటులలో ఒకరు. ఆయన నికర ఆస్తుల విలువ సుమారు రూ. 1,370 కోట్లుగా ఉంది. కేవలం నటనపైనే కాకుండా, కొణిదెల ప్రొడక్షన్ కంపెనీ, బ్రాండ్ ఎండార్స్‌మెంట్‌లు, స్టార్టప్‌లలో పెట్టుబడులు, హైదరాబాద్ పోలో & రైడింగ్ క్లబ్‌తో పాటు అనేక వ్యాపార సంస్థలలో వాటాల ద్వారా ఆయన తన వ్యాపార సామ్రాజ్యాన్ని పటిష్టం చేసుకున్నారు. సాధారణంగా సెలబ్రిటీల జీవనశైలి, వారి ఆస్తుల గురించి తెలుసుకోవాలనే కుతూహలం అభిమానుల్లో ఎప్పుడూ ఉంటుంది. హైదరాబాద్‌లోని జూబ్లీహిల్స్‌లో ఇప్పటికే రామ్ చరణ్‌కు ఒక విలాసవంతమైన బంగ్లా ఉంది, అయితే ఇప్పుడు ఆయన ప్రకృతి ఒడిలో ప్రశాంతమైన సమయాన్ని గడిపేందుకు ఒక సరికొత్త ఫామ్‌హౌస్‌ను నిర్మించుకున్నారు.

రామ్ చరణ్, ఆయన సతీమణి ఉపాసన కొణిదెల కలిసి హైదరాబాద్ శివార్లలోని చేవెళ్ల, మొకిల ప్రాంతాల మధ్యలో సుమారు 5 ఎకరాల భారీ భూమిని కొనుగోలు చేశారు. ఈ ప్రదేశం నగరానికి సుమారు 30 కిలోమీటర్ల దూరంలో ఉంది. కుటుంబంతో కలిసి క్వాలిటీ టైమ్ గడపడానికి, స్నేహితులతో ఆనందంగా సమయం గడపడానికి ఈ ఫామ్‌హౌస్ ఒక చక్కని వేదిక కానుంది. అంతేకాకుండా, రామ్ చరణ్‌కు ఆర్గానిక్ ఫార్మింగ్ పై కూడా ఆసక్తి ఉండటంతో, భవిష్యత్తులో ఆ దిశగా కూడా అడుగులు వేసే అవకాశం ఉందని తెలుస్తోంది.

ఈ ఫామ్‌హౌస్ నిర్మాణం ఇటీవల పూర్తయింది. త్వరలోనే గృహప్రవేశం జరగనుంది. ఈ ఇంటి ఇంటీరియర్స్ అత్యంత ప్రత్యేకంగా ఉండాలని భావించిన చరణ్ దంపతులు, ప్రముఖ ఇంటీరియర్ డిజైనర్లు అయిన ఆమిర్, హమీదా శర్మకి ఈ బాధ్యతను అప్పగించారు. నిర్మాణానికి, లోపలి అలంకరణకు వీరు చాలా భారీగా ఖర్చు చేసినట్లు సమాచారం. సినిమాల షూటింగ్‌లు, బిజీ షెడ్యూల్స్ తర్వాత రామ్ చరణ్ తన భార్య ఉపాసన, పిల్లలతో కలిసి ప్రశాంతంగా గడపడానికి ఈ లగ్జరీ ఫామ్‌హౌస్ ఎంతో ఉపయోగపడనుంది. 

Ram Charan, Upasana, Farmhouse, Hyderabad