రజనీకాంత్ కలైపులి ఎస్ థానూ సమర్పణలో, రంజిత్ దర్శకత్వంలో నటిస్తున్న సినిమా కబాలీ ట్రైలర్ విడుదలైంది. అలా విడుదలైందో లేదో అప్పుడే సోషల్ మీడియాలో ఈ వీడియో హల్ చల్ చేస్తోంది. ఈ సినిమా టీజర్ మే 1న విడుదల చేయనున్నట్లు కొద్దిరోజులు క్రితం సినిమా యూనిట్ చెప్పినట్టే ఈరోజు సినిమా టీజర్ విడుదల చేశారు. అయితే తమిళంలోనే ఈ టీజర్ విడుదలైంది. ‘కబాలి అంటే మెలితిప్పిన మీసం , లుంగీ కట్టకుని వుంటాడనుకున్నావా..?’’ అని టీజర్లో రజనీ పలికే మాటలు.. సెక్యూరిటీ మధ్య రజనీ తనదైన స్టయిల్ లో నడిచి రావడం, ఓ స్వచ్ఛంధ సంస్థ నిర్వహించిన ముఖాముఖిలో "అవును, నువ్వేనా గ్యాంగ్ స్టర్?" అని అడిగిన ప్రశ్నకు తన కళ్లద్దాలను తీస్తూ రజనీ నవ్వడం, రెండు పోరాట దృశ్యాలు ఇందులో ఉన్న ఈ టీజర్ చూసి అభిమానులు పండగ చేసుకుంటున్నారు. కొద్దిసేపటి క్రితమైన విడుదలైన ఈ టీజర్ కు ఇప్పటికే 60 వేల 'లైక్'లతో, షేర్లతో దూసుకెళ్లిపోతోంది. మరి మీరు కూడా ఓ లుక్కేయండి.