LATEST NEWS
ప్రధాని మోడీ ప్రారంభించిన వ్యాక్సినేషన్ ప్రోగ్రాం రెండు తెలుగు రాష్ట్రాలలో కొనసాగుతోంది. అయితే వ్యాక్సినేషన్ తో సైడ్ ఎఫెక్ట్ లు త‌ప్ప‌వని అందరు భావించినప్పటికీ అది అబ‌ద్ధ‌మ‌ని రుజువు అయ్యింది. ఇప్పటి వరకు వ్యాక్సిన్ తీసుకున్న వారంతా క్షేమంగానే ఉన్నారు. ఏపీలోని విజ‌య‌వాడ‌లో వ్యాక్సిన్ తీసుకున్న రాధ అనే హెల్త్ వ‌ర్క‌ర్ స్వల్ప అస్వ‌స్థ‌కు గురైన‌ప్ప‌టికీ.. ఆమె ఈరోజు ఉద‌యం నుండి ఏమీ తిన‌క‌పోవ‌టంతో పాటు వ్యాక్సిన్ అంటే ఉన్న భ‌యంతోనే ఆమెకు క‌ళ్లు తిరిగిన‌ట్లు వైద్యులు తేల్చారు. ఆమె ప్రస్తుతం సుర‌క్షితంగా ఉన్నారు.   మరోపక్క తెలంగాణాలో వ్యాక్సినేషన్ ప్రోగ్రాం సజావుగా సాగుతోంది. అయితే సంగారెడ్డి జిల్లాలోని ఇందిరానగర్ అర్బన్ హెల్త్ సెంటర్‌లో వ్యాక్సిన్ వేయించుకున్న హెల్త్ వర్కర్‌ అస్వస్థతకు గురయ్యారు. వ్యాక్సిన్‌ తీసుకున్న ఏఎన్‌ఎం సంగీతకు స్వల్ప అస్వస్థత కలిగింది. కరోనా వ్యాక్సిన్ తీసుకున్న వెంటనే తనకు తల తిప్పుతుందని ఆమె వైద్యులకు తెలిపింది. ఆ తర్వాత ఆమె వాంతులు చేసుకోవడంతో వైద్య సిబ్బంది చికిత్స అందిస్తున్నారు. అయితే, కొన్ని ల‌క్ష‌ల్లో ఒక‌రికి ఇలాంటి సైడ్ ఎఫెక్ట్ లు కనపడతాయని… భ‌య‌ప‌డాల్సిన ప‌నిలేదంటున్నారు వైద్యులు. ప్రస్తుతం ఆమెకు చికిత్స అందిస్తున్నామ‌ని వైద్యులు తెలిపారు.
కర్నూలు జిల్లా నందికొట్కూరు అసెంబ్లీ నియోజకవర్గంలో వైసీపీ నేతల ఆధిపత్య పోరు గురించి ప్రత్యేకంగా చెప్పాల్సిన అవసరంలేదు. ఎమ్మెల్యే ఆర్థర్‌ కు, వైసీపీ యువనేత బైరెడ్డి సిద్ధార్థరెడ్డికి మధ్య అస్సలు పడదనేది బహిరంగ రహస్యం. తనపై పెత్తనం చేయాలని చూస్తున్నారని సిద్ధార్థరెడ్డిపై ఆర్థర్‌ ఎప్పుడూ అసంతృప్తి వ్యక్తం చేస్తుంటారు. తాజాగా ఇలాంటి ఘటనే నియోజకవర్గంలో ఒకటి చోటుచేసుకుంది. రేషన్‌ షాపుల నుంచి ఇంటింటికీ బియ్యం పంపిణీ చేసేందుకు ప్రభుత్వం వాహనాలు సమకూర్చిన సంగతి తెలిసిందే. అయితే, లబ్ధిదారుల ఎంపిక విషయంలో సిద్ధార్థరెడ్డి కలుగజేసుకోవడంతో ఎమ్మెల్యే ఆర్థర్‌ తీవ్ర అసంతృప్తికి గురయ్యారని, చివరికి అధికారులే కల్పించుకొని వివాదానికి తెరదించారని తెలుస్తోంది.   నందికొట్కూరు నియోజకవర్గానికి అధికారులు 61 వాహనాలు కేటాయించారు. లబ్ధిదారుల ఎంపిక కూడా పూర్తయింది. అయితే, తుది నిర్ణయం తీసుకునే సమయంలో పాములపాడు మినహా మిగిలిన మండలాల్లో సిద్ధార్థరెడ్డి సూచించిన జాబితానే ఫైనల్‌ చేయాలని అధికారులపై ఒత్తిడి వచ్చిందట. దీంతో ఎమ్మెల్యే ఆర్థర్‌.. పార్టీ జిల్లా ఇంఛార్జ్‌, ఎంపీ వేమిరెడ్డి ప్రభాకర్‌ రెడ్డికి ఫిర్యాదు చేశారట. ఎమ్మెల్యే అయిన తనను ఒక్క మండలానికే పరిమితం చేయడంపై తీవ్ర అసంతృప్తి వ్యక్తం చేసినట్టు సమాచారం. అంతేకాదు, అప్పటికే ఫైనల్‌ అయిన జాబితాను పక్కన పెడితే ప్రత్యక్ష ఆందోళనకు దిగుతానని అధికారులకు ఫోన్‌ చేసి హెచ్చరించారట. దీంతో లబ్ధిదారుల ఎంపిక నిలిచిపోయింది. ఇక చేసేదేమీ లేక అధికారులు 'ఫిఫ్టీ ఫిఫ్టీ ఫార్ములా'ను తెరపైకి తీసుకొచ్చారట. పాములపాడు మండలం ఎమ్మెల్యేకు, పగిడ్యాల మండలం సిద్ధార్థరెడ్డికి ఇచ్చే విధంగా ఒప్పించారట. మిగిలిన మండలాలలతోపాటు నందికొట్కూరు అర్బన్‌, రూరల్‌ పరిధిలో ఇద్దరికీ ఫిఫ్టీ ఫిఫ్టీ ఇస్తామని అధికారులు ప్రతిపాదన సిద్ధం చేశారట. అంటే సగం మంది లబ్ధిదారులను ఎమ్మెల్యే ఎంపిక చేస్తే.. మిగిలిన సగం మందిని సిద్ధార్థరెడ్డి ఎంపిక చేసేలా డీల్ కుదిర్చారన్నమాట. ఈ డీల్ కి ఇరువురు నేతలు ఒప్పుకోవడంతో వివాదానికి తెరపడిందని సమాచారం.
ప్రైవసీ పాలసీపై వాట్సాప్ వెనక్కి తగ్గింది. ఇటీవల తీసుకొచ్చిన ఈ పాలసీపై ప్రపంచవ్యాప్తంగా విమర్శలు వ్యక్తం కావడం.. సిగ్నల్, టెలిగ్రామ్‌ వంటి యాప్స్ కు ఆదరణ పెరుగుతుండడంతో వాట్సాప్ వెనక్కి తగ్గింది. ప్రైవసీ పాలసీ ఆప్‌డేట్‌ ను వాయిదా వేస్తున్నట్టు ప్రకటించింది. నిజానికి వచ్చే ఫిబ్రవరి 8 నుంచే ఈ కొత్త విధానం అమల్లోకి రావాల్సి ఉండగా, తాజా నిర్ణయంతో ఇది మూడు నెలలు వెనక్కి జరిగింది. కొత్త పాలసీపై ప్రజల్లోకి తప్పుడు సమాచారం వెళ్లడం వల్లే ఈ నిర్ణయం తీసుకున్నట్టు వాట్సాప్ తెలిపింది. పాలసీపై ప్రజల్లో ఉన్న అపోహలను తొలగించేందుకు ఈ మూడు నెలలను ఉపయోగించుకుంటామని తెలిపింది. కొత్త విధానాన్ని యూజర్లు అర్థం చేసుకున్న తర్వాతే దానిని అమల్లోకి తీసుకొస్తామని స్పష్టం చేసింది.   ప్రైవసీ పాలసీలో భాగంగా యూజర్ల వ్యక్తిగత సమాచారం, ఐపీ అడ్రస్‌ లను ఫేస్‌బుక్‌‌ తో పంచుకుంటామని, ఇందుకు అంగీకరిస్తేనే అకౌంట్ కొనసాగుతుందని ఇటీవల వాట్సాప్ ప్రకటించింది. అయితే, వ్యక్తిగత గోపత్యకు భంగం కలగనుందన్న ఉద్దేశంతో చాలా మంది యూజర్లు వాట్సాప్‌ ను డిలీట్‌ చేసి టెలిగ్రాం, సిగ్నల్‌ యాప్స్‌కి మారారు. దీంతో కాస్త వెనక్కి తగ్గిన వాట్సాప్.. కేవలం బిజినెస్ అకౌంట్స్ కు మాత్రమే ఇది వర్తిస్తుందని వివరణ ఇచ్చింది. అయినప్పటికీ విమర్శలు తగ్గకపోవడంతో ఈ విధానాన్ని వాయిదా వేస్తున్నట్టు తాజాగా ప్రకటించింది. ఈ మేరకు వాట్సాప్‌ తన బ్లాగ్‌లో "మీరు.. మీ కుటంబ సభ్యులు, స్నేహితులతో పంచుకునే సమాచారం ఏదైనా రహస్యంగానే ఉంటుంది. మీ వ్యక్తిగత సంభాషణని వాట్సాప్‌, ఫేస్‌బుక్‌ చదవదు. మీరు పంపే లోకేషన్‌లని చూడదు. మీరు ఎవరికి కాల్‌ చేశారు, ఎవరికి మెసేజ్‌ చేస్తున్నారనే విషయాలను కూడా మేం గమనించం. ఈ అప్‌డేట్‌ వల్ల ఏదీ మారడం లేదు. బిజినెస్‌ ఫీచర్స్‌ని మరింత మెరుగ్గా అందించడం కోసం మాత్రమే ఈ అప్‌డేట్‌ ని తీసుకొచ్చాం." అని తెలిపింది.
దేశవ్యాప్తంగా కరోనా వ్యాక్సినేషన్ ప్రారంభమైంది. తెలంగాణలోనూ కరోనా వ్యాక్సినేషన్ మొదలైంది. ఫ్రంట్ లైన్ వారియర్స్ కు తొలి విడత వ్యాక్సిన్లు ఇస్తున్నారు. హైదరాబాద్‌ లోని తిలక్ నగర్ ప్రభుత్వ ఆరోగ్య కేంద్రంలో వ్యాక్సినేషన్‌ ను రాష్ట్ర పురపాలక శాఖ మంత్రి కేటీఆర్ ప్రారంభించారు. ఈ సందర్భంగా ఆయన మాట్లాడుతూ.. కరోనా వ్యాక్సిన్‌ విషయంలో ప్రధాని నరేంద్ర మోడీ సూచనలతోనే.. మొదటి విడత వ్యాక్సినేషన్ లో ప్రజాప్రతినిధులు టీకాలు వేయించుకోవడంలేదని తెలిపారు.    టీకా తీసుకునేందుకు తెలంగాణ ప్రజాప్రతినిధులు సిద్ధంగా ఉన్నా, ప్రధాని సూచనలు పాటించాలని నిర్ణయించామని మంత్రి కేటీఆర్ వెల్లడించారు. ముందుగా ప్రజా ప్రతినిధులు వాక్సిన్ తీసుకుని ప్రజల్లో నమ్మకం కలిగించాలి అనుకున్నామని తెలిపారు. అయితే, కరోనాపై ముందుండి పోరాడిన వారియర్స్‌కే ముందుగా వ్యాక్సిన్‌ వేయాలన్న ప్రధాని మోడీ సూచనతో తాము ఇప్పుడు వ్యాక్సిన్‌ తీసుకోవడం లేదన్నారు. త్వరలోనే తాము కూడా కరోనా వ్యాక్సిన్ తీసుకుంటామని పేర్కొన్నారు. కరోనా వ్యాక్సిన్‌ సురక్షితమని, ప్రజలకు ఎలాంటి అనుమానాలు అవసరం లేదని కేటీఆర్ భరోసా ఇచ్చారు.
దేశవ్యాప్తంగా కరోనా వ్యాక్సిన్ పంపిణీ ప్రక్రియను ప్రధాని మోదీ శనివారం ప్రారంభించిన విషయం తెలిసిందే.  ఆంధ్రప్రదేశ్‌లోనూ వ్యాక్సినేషన్‌ ప్రారంభించారు. అయితే, విజయవాడ జీజీహెచ్‌ లో వ్యాక్సిన్ వేయించుకున్న రాధ అనే హెల్త్ వర్కర్‌ అస్వస్థతకు గురయ్యారు. వ్యాక్సిన్ వేయించుకున్న వెంటనే రాధ కళ్లు తిరిగి అస్వస్థతకు గురయ్యారు. వెంటనే డాక్టర్లు ఆమెకు చికిత్స అందించారు. ప్రస్తుతం ఆమె పరిస్థితి సాధారణంగా ఉన్నట్టు సమాచారం. వ్యాక్సిన్ తీసుకున్న కొద్దిసేపటికే కళ్లు తిరిగినట్టు అనిపించిందని రాధ తెలిపారు. వెంటనే డాక్టర్లు పరీక్షించారని, ప్రస్తుతం కొద్దిగా చలిగా ఉన్నా.. ఇబ్బందేమీలేదని రాధ చెప్పారు.
ALSO ON TELUGUONE N E W S
  విజ‌య్ టైటిల్ రోల్ చేసిన 'మాస్ట‌ర్' మూవీలో విల‌న్ భ‌వానీ పాత్ర‌లో గొప్ప‌గా రాణించి, అంద‌రి ప్ర‌శంస‌లూ అందుకుంటున్న విజ‌య్ సేతుప‌తి తాజాగా అంద‌రికీ క్ష‌మాప‌ణ‌లు చెప్పాడు. కార‌ణ‌మేంటో తెలుసా?  బ‌ర్త్‌డే వేడుక‌లో కేక్‌ను పెద్ద త‌ల్వార్‌తో క‌ట్ చేసినందుకు! జ‌న‌వ‌రి 16 ఆయ‌న పుట్టిన‌రోజు జ‌రుపుకుంటున్నారు. త‌న సోష‌ల్ మీడియా హ్యాండిల్స్ ద్వారా త‌మిళంలో షేర్ చేసిన ఒక సుదీర్ఘ‌మైన లేఖ‌లో, తానొక బ్యాడ్ ఎగ్జాంపుల్‌ను సెట్ చేశాన‌నీ, కానీ ఫ్యూచ‌ర్‌లో జాగ్ర‌త్త‌గా ఉంటాన‌నీ ప్రామిస్ చేశాడు.  పొన్‌రామ్ డైరెక్ష‌న్‌లో చేస్తున్న సినిమా సెట్స్‌పై మూడు రోజుల ముందుగానే అత‌ను త‌న బ‌ర్త్‌డే వేడుక‌ను జ‌రుపుకున్నాడు. యూనిట్ మెంబ‌ర్స్ అత‌ని కోసం ఓ బ‌ర్త్‌డే కేక్‌ను తీసుకొచ్చారు. దానికి ఓ పెద్ద క‌త్తితో క‌ట్ చేశాడు. దీనికి సంబంధించిన ఫొటో సోష‌ల్ మీడియాలో హ‌ల్‌చ‌ల్ చేసింది. దాంతో పాటు కాంట్ర‌వ‌ర్సీని కూడా సృష్టించింది. పెద్ద త‌ల్వార్‌తో కేక్ క‌ట్ చేసి, యువ‌త‌కు, అభిమానుల‌కు ఏం సందేశ‌మిస్తున్నారంటూ ప‌లువురు ప్ర‌శ్నించారు. దీంతో త‌న పొర‌పాటు గ్ర‌హించిన విజ‌య్ సేతుప‌తి త‌న చ‌ర్య‌కు క్ష‌మించ‌మ‌ని కోరాడు.  "నా బ‌ర్త్‌డే సంద‌ర్భంగా విష్ చేసిన సినిమా వ్య‌క్తుల‌కూ, అభిమానుల‌కు మ‌నస్ఫూర్తిగా థాంక్స్ చెప్పుకుంటున్నా. మూడు రోజుల క్రితం నా బ‌ర్త్‌డే సెల‌బ్రేష‌న్ సంద‌ర్భంగా తీసిన ఫొటో ఇప్పుడు కాంట్ర‌వ‌ర్సీ అయ్యింది. ఆ ఫొటోలో ఓ పెద్ద‌క‌త్తితో నా బ‌ర్త్‌డే కేక్‌ను  కట్ చేస్తున్నాను. నేను డైరెక్ట‌ర్‌ పొన్‌రామ్ సినిమాలో న‌టిస్తున్నా. ఆ మూవీలో ఆ క‌త్తి చాలా ఇంపార్టెంట్ రోల్ పోషిస్తోంది. పొన్‌రామ్‌, ఆయ‌న టీమ్‌తో నా బ‌ర్త్‌డేని సెల‌బ్రేట్ చేసుకోవ‌డం వ‌ల్ల‌, నా కేక్‌ను క‌ట్ చేయ‌డానికి ఆ క‌త్తిని ఉప‌యోగించాను. ఇది ఒక చెడు ఉదాహ‌ర‌ణ‌గా చాలామంది ఆక్షేపించారు. ఇప్ప‌ట్నుంచీ, నేను జాగ్ర‌త్త‌గా ఉంటాను. ఎవ‌రినైనా నేను హ‌ర్ట్ చేసిన‌ట్ల‌యితే, వారికి క్ష‌మాప‌ణ‌లు చెప్తున్నా, నా చ‌ర్య‌కు చింతిస్తున్నాను." అని ఆ లేఖ‌లో తెలియ‌జేశాడు విజ‌య్ సేతుప‌తి. ఈమ‌ధ్యే శ్రీ‌లంక దిగ్గ‌జ స్పిన్న‌ర్ ముత్త‌య్య ముర‌ళీధ‌ర‌న్ బ‌యోపిక్‌లో న‌టించేందుకు సిద్ధ‌ప‌డి, త‌మిళుల నుంచి వ‌చ్చిన నిర‌స‌న‌ల‌తో వెన‌క్కి త‌గ్గిన విజ‌య్ సేతుప‌తి, అప్పుడు కూడా త‌న‌ను క్ష‌మించ‌మ‌ని కోరిన విష‌యం తెలిసిందే.
  పూరి జ‌గ‌న్నాథ్ డిస్క‌వ‌రీగా ఫిల్మ్ ఇండ‌స్ట్రీలో అడుగుపెట్టింది ఓ తార‌. మొద‌ట క‌న్న‌డంలో పునీత్ రాజ్‌కుమార్ స‌ర‌స‌న 'అప్పు' మూవీలో, త‌ర్వాత అదే సినిమా తెలుగు రీమేక్ 'ఇడియ‌ట్‌'లో హీరోయిన్‌గా న‌టించి, రెండు భాష‌ల్లోనూ తెరంగేట్రం సినిమాతో సెన్సేష‌న‌ల్ హీరోయిన్‌గా మారిందామె. ఆమె.. ర‌క్షిత‌. 'ఇడియ‌ట్' త‌ర్వాత మ‌హేశ్ స‌ర‌స‌న 'నిజం', వేణు జోడీగా 'పెళ్లాం ఊరెళితే', జూనియ‌ర్ ఎన్టీఆర్‌తో 'ఆంధ్రావాలా' సినిమాల్లో న‌టించిన ఆమె 2007లో క‌న్న‌డ డైరెక్ట‌ర్ ప్రేమ్‌ను వివాహం చేసుకొని, సినిమాల‌కు దూర‌మైంది. హీరోయిన్‌గా త‌న అంద‌చందాలు, హుషారైన న‌ట‌న‌తో ల‌క్ష‌లాది మంది అభిమానుల‌ను సంపాదించుకున్న ర‌క్షిత‌, వివాహ‌మైన నాలుగేళ్ల‌కు ప్రొడ్యూస‌ర్‌గా మారి ఇప్ప‌టికే మూడు సినిమాలు నిర్మించి, ప్ర‌స్తుతం నాలుగో సినిమాని నిర్మిస్తోంది. న‌టిగా ఉన్నంత కాలం త‌న రూప లావ‌ణ్యాల‌ను చ‌క్క‌గా మెయిన్‌టైన్ చేస్తూ వ‌చ్చిన ఆమె, ప్ర‌స్తుతం బాగా బ‌రువు పెరిగిపోయింది. ముఖం కూడా చాలా మారిపోయింది. అప్ప‌టి 'ఇడియ‌ట్' హీరోయిన్ ఈమేనంటే తెలుగు ప్రేక్ష‌కులు గుర్తుప‌ట్ట‌లేనంత‌గా మారిపోయింద‌నేది నిజం. ఈ ఏడాది సంక్రాంతిని ఆమె త‌న కుటుంబంతో త‌మ ఫామ్‌హౌస్‌లో గ‌డిపింది. అక్క‌డి గోవులు, వాటి పిల్ల‌ల‌తో ఆడుతూ గ‌డిపింది. దీనికి సంబంధించిన ప‌లు పిక్చ‌ర్స్‌ను త‌న ఇన్‌స్టాగ్రామ్ హ్యాండిల్ ద్వారా షేర్ చేసింది ర‌క్షిత‌. "Namma Sankranthi habba ..... this was the most fun I have had in ages ..... hope u guys have had a super day too .... happy happy Sankranthi to everyone." అంటూ వాటికి క్యాప్ష‌న్ జోడించింది. ఆవు దూడ‌ల‌తో ఆమె ఆడుతున్న ఫొటోలు ఇప్పుడు ఆన్‌లైన్‌లో వైర‌ల్‌గా మారాయి.
  మంచు విష్ణు భార్య విరానికా బ‌ర్త్‌డే జ‌న‌వ‌రి 15. ఈ సంద‌ర్భంగా విష్ణు ఇచ్చిన పార్టీకి మ‌హేశ్, న‌మ్ర‌త దంప‌తులు హాజ‌ర‌య్యారు. దీంతో ఆ పార్టీకి స్పెష‌ల్ ఎట్రాక్ష‌న్ వ‌చ్చిన‌ట్ల‌యింది. వారితో పాటు హీరో గోపీచంద్ కూడా ఈ పార్టీకి వ‌చ్చాడు. విష్ణు, గోపి మంచి ఫ్రెండ్స్‌. త‌న భార్య బ‌ర్త్‌డేని పుర‌స్క‌రించుకొని శుక్ర‌వారం రాత్రి విష్ణు పార్టీ ఇచ్చాడు. దీనికి మ‌హేశ్ దంప‌తుల‌తో పాటు, గోపీచంద్‌నూ ఆహ్వానించాడు. విష్ణు ఆహ్వానం మేర‌కు భార్య న‌మ్ర‌త‌తో క‌లిసి ఆ బ‌ర్త్‌డే పార్టీకి అటెంట‌య్యాడు మ‌హేశ్‌. ఆ దంప‌తుల రాక‌తో విష్ణు దంప‌తులు ఖుషీ అయ్యారు. విష్ణు ఎంత సంబ‌ర‌ప‌డ్డాడంటే.. మ‌హేశ్ క‌పుల్‌తో త‌మ క‌పుల్ తీయించుకున్న ఫొటోను త‌న సోష‌ల్ మీడియా హ్యాండిల్స్ ద్వారా షేర్ చేశాడు. దాంతో పాటు, "ఈ ఫొటోలోని ఒక వ్య‌క్తి రోజు రోజుకీ యువ‌కుడిగా ఎదుగుతూ, మ‌రింత ఆందంగా క‌నిపిస్తున్నాడు. ఇది అత‌ని మంచి గుణం‌, ద‌యార్ద్ర హృద‌యంతోనే అని నేను బ‌లంగా న‌మ్ముతున్నాను." అని రాసుకొచ్చాడు. ఈ పోస్ట్‌కు వేల సంఖ్య‌లో లైక్స్ వ‌చ్చాయి. ఆ ఫొటో ఇప్పుడు సోష‌ల్ మీడియాలో వైర‌ల్‌గా మారింది. ఇటు మ‌హేశ్ ఫ్యాన్స్‌, అటు విష్ణు ఫ్యాన్స్ ఈ పోస్ట్‌కు ఖుషీ అవుతున్నారు. ఈ ఫొటోలో మ‌హేశ్‌, న‌మ్ర‌త ఇద్ద‌రూ క్యాజువ‌ల్ లుక్స్‌లో ఆక‌ట్టుకుంటున్నారు. మ‌హేశ్ బ్లాక్ క‌ల‌ర్ నెక్ టీ షర్ట్‌, లైట్ బ్యూ జీన్స్ ధ‌రించ‌గా, విష్ణు బ్లాక్ క‌ల‌ర్ టీ ష‌ర్ట్‌, ప్యాంట్ ధ‌రించాడు.
  త‌క్కువ సినిమాల‌తోనే ఎక్కువ పేరు తెచ్చుకొనే తార‌లు కొద్దిమందే ఉంటారు. వారిని ప్రేక్ష‌కులు అంత త్వ‌ర‌గా మ‌ర‌చిపోరు. అలాంటి తార‌ల్లో న‌మిత ఒక‌రు. ఆమె వేళ్ల‌మీద లెక్కించ‌ద‌గ్గ సినిమాల్లోనే న‌టించింది. ప్రస్తుతం ఆమెకు తెలుగులో అవ‌కాశాలు కూడా లేవు. అయినా న‌మిత వార్త‌ల్లో నిలుస్తూనే ఉన్నారు. ఇటీవ‌ల ప్ర‌భాస్‌తో ఆమె పేరు క‌లిసి సోష‌ల్ మీడియాలో విరివిగా క‌నిపించింది. 'బిల్లా' సినిమాలో చేసే టైమ్‌లో ఆ ఇద్దరి మ‌ధ్యా బంధం పెన‌వేసుకుందంటూ వ‌దంతులు షికార్లు చేశాయి. అయితే వాటిని న‌మిత ఖండించారు.  త‌న ఫిగ‌ర్‌తోటే న‌మిత చాలామంది అభిమానుల‌ను సంపాదించుకున్నారు. మ‌ధ్య‌లో బాగా బ‌రువు పెర‌గ‌డం వ‌ల్ల హీరోయిన్ చాన్సులు త‌గ్గిపోయాయి. ఆ త‌ర్వాత త‌మిళ్ బిగ్ బాస్ షోలో ఎంట్రీ ఇచ్చి అంద‌ర్నీ ఆశ్చ‌ర్య‌ప‌ర‌చారు. ఆ షో నుంచి బ‌య‌ట‌కు వ‌చ్చాక‌ త‌న బాయ్‌ఫ్రెండ్ వీరేంద్ర‌ను 2017లో ఆమె పెళ్లాడారు. రాజ‌కీయాల్లోకి ప్ర‌వేశించిన ఆమె, ప్ర‌స్తుతం త‌మిళ‌నాడు బీజేపీ రాష్ట్ర కార్య‌వ‌ర్గ స‌భ్యురాలిగా వ్య‌వ‌హ‌రిస్తున్నారు. వ‌చ్చే అసెంబ్లీ ఎన్నిక‌ల్లో బీజేపీకి ఆమె స్టార్ కాంపైన‌ర్‌.  కాగా సంక్రాంతి పండుగ‌ను ఆమె త‌న కుటుంబంతో జాలీగా జ‌రుపుకున్నారు. త‌మ ఇంటి ముందు స్వ‌యంగా ముగ్గులు వేసి, వాటికి రంగుల‌ద్దారు. దీనికి సంబంధించిన వీడియో క్లిప్స్ ఇప్పుడు సోష‌ల్ మీడియాలో హ‌ల్‌చ‌ల్ చేస్తున్నాయి. ఏమైనా న‌మిత గ్లామ‌రే వేరు!
  ఇవాళ ఇండియ‌న్ క్రికెట్‌లో హార్దిక్ పాండ్యా, క్రునాల్ పాండ్యా సోద‌రులు త‌మ‌దైన ముద్ర‌వేస్తూ ముందుకు పోతున్నారు. ముఖ్యంగా ఐపీఎల్‌లో ముంబై ఇండియ‌న్స్ త‌ర‌పున బ‌రిలోకి దిగుతున్న ఈ బ్ర‌ద‌ర్స్ ఆ జ‌ట్టు నాలుగు సార్లు చాంపియ‌న్ కావ‌డంలో త‌మ వంతు పాత్ర‌ను స‌మ‌ర్థంగా పోషిస్తున్నారు. కాగా, వారి తండ్రి హిమాన్షు పాండే గుండె పోటుతో నేడు (జ‌న‌వ‌రి 16) మృతి చెందారు. దాంతో వారి కుటుంబం తీవ్ర విషాదంలో మునిగిపోయింది. కొడుకుల కోసం హిమాన్షు త‌న వ్యాపారాన్ని సైతం త్యాగం చేశారు. ఈ రోజు హార్దిక్‌, క్రునాల్ క్రికెట్‌లో కెరీర్‌ను ఆస్వాదిస్తున్నారంటే అది తండ్రి ప‌డిన క‌ష్టం ఫ‌లిత‌మే. ఈ విష‌యం ఆ బ్ర‌ద‌ర్స్ ప‌లు సంద‌ర్భాల్లో తెలియ‌జేశారు కూడా. సూర‌త్‌లో ఓ చిన్నపాటి కార్ ఫైనాన్స్ బిజినెస్ న‌డుపుతుండే హిమాన్షు, కొడుకుల కెరీర్ కోసం దాన్ని మూసేసి, అక్క‌డి కంటే మంచి క్రికెట్ ట్రైనింగ్ సౌక‌ర్యాలు ఉన్న వ‌డోద‌ర‌కు మ‌కాం మార్చారు. అక్క‌డి కిర‌ణ్ మోరే క్రికెట్ అకాడ‌మీలో క్రునాల్‌, హార్దిక్‌ల‌ను చేర్చారు. అక్క‌డే ఆ సోద‌రులు క్రికెట్‌లో శిక్ష‌ణ పొంది భార‌త క్రికెట్ జ‌ట్టుకు ప్రాతినిధ్యం వ‌హించే స్థాయికి ఎదిగారు. త‌మకు మంచి కెరీర్ ఇవ్వ‌డానికి ఎన్నో క‌ష్టాలు ప‌డిన తండ్రిని కోల్పోవ‌డంతో పాండ్యా బ్ర‌ద‌ర్స్ క‌న్నీరు మున్నీర‌వుతున్నారు. హిమాన్షు పాండే మృతి వార్త తెలిసిన వెంట‌నే త‌న ట్విట్ట‌ర్ హ్యాండిల్ ద్వారా సంతాపం తెలియ‌జేశాడు బార‌త క్రికెట్ జ‌ట్టు కెప్టెన్ విరాట్ కోహ్లీ. "హార్దిక్‌, క్రునాల్ వాళ్ల నాన్న మృతి చెందార‌నే వార్త విన‌గానే గుండె బ‌ద్ద‌లైంది. ఆయ‌న‌తో రెండు మూడు సార్లు మాట్లాడాను. జీవితాన్ని ఎంత‌గానో ఆస్వాదించే వ్య‌క్తిగా ఆయ‌న క‌నిపించారు. ఆయ‌న ఆత్మ‌కు శాంతి క‌లుగుగాక‌. హార్దిక్‌, క్రునాల్ గుండె నిబ్బ‌రం చేసుకోండి." అంటూ ట్వీట్ చేశాడు.
ఐదేళ్ళ కెరీర్.. మూడు భాష‌లు.. 11 సినిమాలు.. ఇదీ నాయిక అను ఇమ్మాన్యుయేల్ సినీ చ‌రిత్ర‌. ఈ జ‌ర్నీలో చెప్పుకోద‌గ్గ ప్ర‌య‌త్నాలే ఉన్నా.. న‌టిగా అనుకి స‌రైన గుర్తింపైతే ద‌క్క‌లేదు. తెలుగులో ఆమె ఫ‌స్ట్ రిలీజ్ మ‌జ్ను ఓకే అనిపించినా.. ఆపై ఒక్క హిట్ కూడా అమ్మ‌డిని విష్ చేయ‌లేక‌పోయింది. మ‌రీ ముఖ్యంగా.. అజ్ఞాత‌వాసి, నా పేరు సూర్య వంటి బిగ్ టికెట్ ఫిల్మ్స్  అనుకి  హై వోల్టేజ్ షాక్ నిచ్చాయి. శైల‌జారెడ్డి అల్లుడు త‌రువాత గ్యాప్ తీసుకుని మ‌రీ అల్లుడు అదుర్స్ అంటూ జ‌నం ముందుకు వ‌స్తే.. ఈ అల్లుడు కూడా నిరాశ‌ప‌రిచాడు. దీంతో.. తెలుగులో అను ఇమ్మాన్యుయేల్ అంటే ఫ్లాప్ హీరోయిన్ అనే బ్రాండ్ ప‌డిపోయింది. ఈ నేప‌థ్యంలో.. త‌న ఆశ‌ల‌న్నీ ఆన్ గోయింగ్ ప్రాజెక్ట్ మ‌హాస‌ముద్రంపైనే పెట్టుకుంది. ఇందులో యువ క‌థానాయ‌కుడు శ‌ర్వానంద్ కి జోడీగా న‌టిస్తోంది మిస్ ఇమ్మాన్యుయేల్. ఆర్ ఎక్స్ 100 వంటి సెన్సేష‌నల్ హిట్ త‌రువాత అజ‌య్ భూప‌తి డైరెక్ట్ చేస్తున్న మూవీ కావ‌డంతో.. ఇక త‌న ఆశ‌ల భారాన్ని అత‌గాడిపైనే మోపింది.  మ‌రి.. అనుకి అజ‌య్ అయినా స‌క్సెస్ ఇస్తాడా?  వేచిచూడాలి.
తెలుగు, త‌మిళ‌, హిందీ.. ఇలా నాయిక‌గా త్రిభాషా సూత్రాన్ని పాటిస్తుంటుంది శ్రుతి హాస‌న్. అయితే స‌క్సెస్ రేట్ ప‌రంగా మాత్రం.. టాలీవుడ్ లోనే అగ్రతాంబూలం ద‌క్కింది. తెలుగులో శ్రుతి ఇప్ప‌టివ‌ర‌కు 11 సినిమాల్లో హీరోయిన్ వేషాలేయ‌గా.. వాటిలో 7 హిట్స్. చిత్ర‌మేమిటంటే.. శ్రుతి హిట్స్ కొట్టిన ఏడు సంద‌ర్భాల్లో కూడా ఆయా చిత్రాల హీరోలు అప్ప‌టికే ఫ్లాపుల్లో ఉన్నారు. శ్రుతి ఫ్యాక్ట‌ర్ తో భ‌లేగా హిట్ బాట ప‌ట్టారు. ఆ వివ‌రాల్లోకి వెళితే.. 1. గ‌బ్బ‌ర్ సింగ్:  తెలుగులో శ్రుతి తొలి విజ‌యం. ఈ చిత్ర క‌థానాయ‌కుడు ప‌వ‌ర్ స్టార్ ప‌వ‌న్ క‌ళ్యాణ్ కి జ‌ల్సా త‌రువాత సాలిడ్ హిట్ లేదు. ఈ సినిమాతో అటు శ్రుతి కెరీర్ లోనే ఫ‌స్ట్ హిట్ కొట్ట‌గా.. ఇటు ప‌వ‌న్ బౌన్స్ బ్యాక్ బాట ప‌ట్టారు. 2. బ‌లుపు:   శ్రుతికి తెలుగునాట సెకండ్ హిట్. గ‌బ్బ‌ర్ సింగ్ త‌రువాత వెంట‌నే వ‌చ్చిన విజ‌యం.. బలుపు. చిత్ర‌మేమిటంటే.. మిర‌ప‌కాయ్ త‌రువాత సరైన విజ‌యం లేని మాస్ మ‌హారాజా ర‌వితేజ‌.. బ‌లుపుతోనే మళ్ళీ స‌క్సెస్ ట్రాక్ లోకి వ‌చ్చేశారు. 3. ఎవ‌డు:   ఈ సినిమాలో మెగాప‌వ‌ర్ స్టార్ రామ్ చ‌ర‌ణ్ మెయిన్ లీడ్. స్టైలిష్ స్టార్ అల్లు అర్జున్ గెస్ట్ రోల్. ఇద్ద‌రికీ ప్రీవియ‌స్ మూవీస్ ఫ్లాప్స్. జంజీర్ (తెలుగులో తుఫాన్)తో చ‌ర‌ణ్ షాక్ తింటే.. ఇద్ద‌ర‌మ్మాయిల‌తో  రిజ‌ల్ట్ తో బ‌న్నీ షేక్ అయ్యాడు. అలా ఇద్ద‌రికీ శ్రుతి ఫ్యాక్ట‌ర్ క‌లిసొచ్చింది. 4. రేసు గుర్రం: శ‌్రుతికి తెలుగులో నాలుగో విజ‌యం. బ‌న్నీకి అతిథిగా ఎవ‌డు హిట్ ఇస్తే.. క‌థానాయ‌కుడిగా రేసుగుర్రం బ్లాక్ బ‌స్ట‌ర్ ఇచ్చింది. ఇద్ద‌ర‌మ్మాయిల‌తో షాక్ లో బ‌న్నీకి.. అలా శ్రుతి ఫ్యాక్ట‌ర్ వ‌ర్క‌వుట్ అయింది. 5. శ్రీ‌మంతుడు:  టాలీవుడ్ లో శ్రుతి ఐదో హిట్. 1 నేనొక్క‌డినే, ఆగ‌డుతో బ్యాక్ టు బ్యాక్ డిజాస్ట‌ర్స్ చూసిన సూప‌ర్ స్టార్ మ‌హేష్ బాబుకి శ్రీ‌మంతుడు రూపంలో సెన్సేష‌నల్ హిట్ ద‌క్కింది. శ్రుతి ఫ్యాక్ట‌ర్ ఫ్లాపుల్లో ఉన్న మ‌రో స్టార్ కి భ‌లేగా వ‌ర్క‌వుట్ అయింది. 6. ప్రేమ‌మ్:  మ‌నం త‌రువాత ఆటోన‌గ‌ర్ సూర్య‌, ఒక లైలా కోసం, దోచేయ్.. అంటూ హ్యాట్రిక్ ఫ్లాపుల్లో ఉన్న యువ సామ్రాట్ నాగ‌చైతన్య‌కి ప్రేమ‌మ్ సూప‌ర్ రిలీఫ్. ఇందులో శ్రుతి హాస‌న్ మెయిన్ లీడ్. రిజ‌ల్ట్.. హిట్. 7. క్రాక్:  శ్రుతికి తెలుగులో ఏడో సక్సెస్ ఫుల్ వెంచ‌ర్. తన‌కిది రి-ఎంట్రీ మూవీ కాగా.. రాజా ది గ్రేట్ త‌రువాత స‌రైన హిట్ లేని ర‌వితేజ‌కి రెట్టింపు ఉత్సాహాన్నిచ్చిన ఫ్లిక్ ఇది. అటు శ్రుతి, ఇటు ర‌వితేజ‌.. ఇలా ఇద్ద‌రు కూడా క్రాక్ తో ట్రాక్ లో ప‌డ్డారు. సినిమాలో పాడుకున్న‌ట్లే.. భ‌లేగా త‌గిలావే బంగారం అంటూ మాస్ మ‌హారాజా శ్రుతితో రాగాలు తీసే ఫ‌లితం ద‌క్కింది. ఈ నేప‌థ్యంలో.. అజ్ఞాత‌వాసి వంటి డిజాస్ట‌ర్ త‌రువాత వ‌కీల్ సాబ్ తో రి-ఎంట్రీ ఇస్తున్న‌ ప‌వ‌న్ క‌ళ్యాణ్ కి శ్రుతి ఫ్యాక్ట‌ర్ తోడై గ్రాండ్ స‌క్సెస్ ద‌క్కుతుందేమో చూడాలి.
రాధేశ్యామ్.. ద‌శాబ్ద‌కాలం త‌రువాత యంగ్ రెబ‌ల్ స్టార్ ప్ర‌భాస్ చేస్తున్న అవుట్ అండ్ అవుట్ రొమాంటిక్ ఎంట‌ర్ టైన‌ర్. పాన్ ఇండియా స్టార్ హోదాలో అయితే త‌న‌కిదే ఫ‌స్ట్ ల‌వ్ స్టోరీ. బుట్ట‌బొమ్మ పూజా హెగ్డే నాయిక‌గా న‌టిస్తున్న ఈ పిరియ‌డ్ ల‌వ్ సాగాని జిల్ ఫేమ్ రాధాకృష్ణ డైరెక్ట్ చేస్తున్నాడు. జ‌య‌రామ్, భాగ్య‌శ్రీ వంటి ప్ర‌ముఖ తారాగ‌ణం ఈ పాన్ ఇండియా ప్రాజెక్ట్ లో సంద‌డి చేయ‌నుంది. అలాగే చిత్ర స‌మ‌ర్ప‌కుడు, రెబ‌ల్ స్టార్ కృష్ణంరాజు అతిథి పాత్ర‌లో ద‌ర్శ‌న‌మివ్వ‌నున్నారు. ఇదిలా ఉంటే.. సంక్రాంతికి రాధేశ్యామ్ టీజ‌ర్ రాబోతుందంటూ జోరుగా ప్ర‌చారం సాగినా.. టీజ‌ర్ అయితే లేదు. ఈ నేప‌థ్యంలో.. కొత్త క‌బురు వినిపిస్తోంది. అదేమిటంటే ప్ర‌భాస్ పెద‌నాన్న కృష్ణంరాజు పుట్టిన‌రోజు సంద‌ర్భంగా జ‌న‌వ‌రి 20న రాధేశ్యామ్ టీజ‌ర్ ని రిలీజ్ చేసేందుకు యూనిట్ స‌న్నాహాలు చేస్తోంద‌ట‌. ప్ర‌భాస్ పుట్టిన‌రోజు(అక్టోబ‌ర్ 23)న బీట్స్ ఆఫ్ రాధేశ్యామ్ పేరుతో విజువ‌ల్ ట్రీట్ ఇచ్చిన యూనిట్.. కృష్ణంరాజు బ‌ర్త్ డే స్పెష‌ల్ గా టీజ‌ర్ రిలీజ్ చేయ‌బోతున్నార‌న్న‌మాట‌. త్వ‌ర‌లోనే రాధేశ్యామ్ టీజ‌ర్ రిలీజ్ డేట్ పై క్లారిటీ వ‌చ్చే అవ‌కాశ‌ముంది.   కాగా, ఈ వేస‌విలోనే రాధేశ్యామ్ వెండితెర‌పై వెలుగులు పంచ‌నుంది.
ఇస్మార్ట్ శంక‌ర్ తో తెలుగునాట తొలి బ్లాక్ బ‌స్ట‌ర్ చూసిన నిధి అగ‌ర్వాల్.. ఈ సంక్రాంతికి కోలీవుడ్ లో డ‌బుల్ ఎంట్రీ ఇచ్చింది. ఒకే రోజు ఆమె న‌టించిన రెండు సినిమాలు విడుద‌ల కాగా.. రెండు కూడా అమ్మ‌డికి షాకింగ్ రిజ‌ల్ట్స్ ఇచ్చాయి. ఆ వివ‌రాల్లోకి వెళితే.. నిధి తొలి, మ‌లి త‌మిళ చిత్రాలు భూమి, ఈశ్వ‌ర‌న్ ఈ పొంగ‌ల్ సీజ‌న్ లో ఒకే రోజు (జ‌న‌వ‌రి 14) జ‌నం ముందుకు వ‌చ్చాయి. జ‌యం ర‌వికి జంట‌గా నిధి అగ‌ర్వాల్ న‌టించిన భూమి.. డిస్నీ ప్ల‌స్ హాట్ స్టార్ విఐపి(ఓటీటీ)లో రిలీజ్ అయి పేల‌వ‌మైన వ్యూస్, రివ్యూస్ మూట‌గ‌ట్టుకుంది. రైతు స‌మ‌స్య‌లపై పోరాటం చేసే ఓ నాసా ఆస్ట్రోనాట్ క‌థ‌గా తెర‌కెక్కిన భూమి.. లాక్ ల‌స్ట‌ర్ ఎగ్జిక్యూష‌న్ తో తేలిపోయింది. ఇందులో నిధి పాత్ర చాలా ప‌రిమితంగానే ఉంది. మ‌రోవైపు థియేట‌ర్స్ లో అదే రోజు రిలీజైన శింబు ఈశ్వ‌ర‌న్ కూడా ఔట్ డేటేడ్ సబ్జెక్ట్ తో బాక్సాఫీస్ వ‌ద్ద భంగ‌పాటుకు గురైంది. ఇందులోనూ నిధి స్క్రీన్ టైమ్ త‌క్కువే. మొత్త‌మ్మీద‌.. ఒకే రోజు కోలీవుడ్ లో డ‌బుల్ ఎంట్రీ ఇచ్చిన ఈ ఇస్మార్ట్ బ్యూటీకి.. డ‌బుల్ స్ట్రోక్స్ త‌గిలాయ‌న్న‌మాట‌. మ‌రి.. రాబోయే కాలంలోనైనా త‌మిళ‌నాట నిధి విజ‌య‌కేత‌నం ఎగుర‌వేస్తుందేమో చూడాలి.
  నైజాంలో 'క్రాక్' సినిమా బాగా ఆడుతున్న థియేట‌ర్ల‌లో 80 శాతం థియేట‌ర్ల‌ను డ‌బ్బింగ్ సినిమా 'మాస్ట‌ర్'‌కు దిల్ రాజు ఇచ్చారంటూ 'క్రాక్' నైజాం డిస్ట్రిబ్యూట‌ర్ వ‌రంగ‌ల్ శ్రీ‌నివాస్ ఆరోపించిన విష‌యం తెలిసిందే. దిల్ రాజు కార‌ణంగా తాను సంక్రాంతి పండ‌గ‌ను జ‌ర‌పుకోలేక‌పోతున్నానంటూ కూడా ఆయ‌న ఆవేద‌న వ్య‌క్తం చేశారు. అయితే వ‌రంగ‌ల్ శ్రీ‌నివాస్ ఆరోప‌ణ‌ల‌పై దిల్ రాజు స్పందించ‌లేదు కానీ, 'మాస్ట‌ర్‌'ను తెలుగు రాష్ట్రాల్లో రిలీజ్ చేసిన ఈస్ట్ కోస్ట్ ప్రొడ‌క్ష‌న్స్ అధినేత మ‌హేశ్ కోనేరు స్పందించారు. శుక్ర‌వారం నిర్వ‌హించిన ఓ ప్రెస్‌మీట్‌లో ఆయ‌న సంక్రాంతికి తెలుగు రాష్ట్రాల్లో రిలీజైన సినిమాల్లో 'మాస్ట‌ర్'‌కే త‌క్కువ థియేట‌ర్లు ఉన్నాయ‌ని ఆయ‌న స్ప‌ష్టం చేశారు. వ‌రంగ‌ల్ శ్రీ‌నివాస్ అలా ఆరోప‌ణ‌లు చేయ‌డం స‌రికాద‌న్నారు. "జ‌న‌వ‌రి 9న 'క్రాక్' మూవీ నైజాంలో సుమారు 300 నుంచి 325 థియేట‌ర్ల‌లో రిలీజైంది. నాలుగు రోజులు బ్ర‌హ్మాండంగా ఆడింది. సినిమా ఆడింద‌ని అంద‌రూ చాలా సంతోషించారు. 'మాస్ట‌ర్' సినిమా గ‌త ఏడాది విడుద‌ల‌వ్వాల్సింది. క‌రోనా మ‌హమ్మారి కార‌ణంగా పోస్ట్‌పోన్ అయ్యింది. అది పాన్ ఇండియా ఫిల్మ్ కాబ‌ట్టి అన్ని చోట్లా ఒకే డేట్‌కు రావాలి. త‌మిళ‌నాడులో ఒక డేట్‌, మ‌న‌కో డేట్‌, హిందీలో ఓ డేట్ రాదు. అది జ‌న‌వ‌రి 13 రిలీజ్ అని అనౌన్స్ చేసి, డిస్ట్రిబ్యూట‌ర్స్ అంద‌రితోనూ మాట్లాడుకున్నాం. దాని ప్ర‌కారంగానే ప్రిపేర్ అయ్యాం. ఎప్పుడైతే మూడు తెలుగు సినిమాలు వ‌స్తున్నాయ‌ని మ‌న‌కు చెప్పారో, అప్పుడే డిస్ట్రిబ్యూట‌ర్స్ ఓపెనింగ్ డేకి వీలైన‌న్ని థియేట‌ర్లు పెడ‌దామ‌నీ, మిగ‌తా సినిమాలు ఉండ‌టం వ‌ల్ల క‌చ్చితంగా థియేట‌ర్స్ త‌గ్గుతాయ‌నీ చెప్పారు." అని ఆయ‌న వెల్ల‌డించారు. 'మాస్ట‌ర్‌'కు నైజాంలో ఫ‌స్ట్ డే 150 నుంచి 160 థియేట‌ర్లు వ‌చ్చాయనీ, రెండో రోజు 75 నుంచి 80 థియేట‌ర్ల‌కు ప‌డిపోయిందనీ ఆయ‌న తెలిపారు. "అలా జ‌రుగుతుంద‌ని నాకు ముందుగానే తెలుసు. అయినా ఒప్పుకున్నాను. ఎందుకంటే పండ‌గ సీజ‌న్‌లో ఎవ‌రి రెవెన్యూ వారికి ఉంటుంది. నాకు మొద‌టి రోజు అసాధార‌ణ రెవెన్యూ వ‌చ్చింది. రెండో రోజు థియేట‌ర్స్ త‌గ్గినా స‌రే, అలాంటి రెవెన్యూనే ఉంది. 'క్రాక్‌'కు వంద థియేట‌ర్ల కంటే ఎక్కువ‌గానే మెయిన్‌టెన్ చేశారు. 'అల్లుడు అదుర్స్'‌, 'రెడ్' సినిమాలు వ‌చ్చాక కూడా 'క్రాక్'‌కు 120 థియేట‌ర్ల దాకా ఉన్నాయి. రామ్ సినిమాకీ, బెల్లంకొండ శ్రీ‌నివాస్ సినిమాకీ ఎక్కువ స్క్రీన్స్ ఇచ్చారు." అని మ‌హేశ్ కోనేరు చెప్పారు. పండ‌గ సీజ‌న్‌లో అంద‌రికీ రెవెన్యూ కావాల‌నుకున్న‌ప్పుడు స్క్రీన్స్ పంచుకోక త‌ప్ప‌దని ఆయ‌న అన్నారు. "మ‌న‌ది డ‌బ్బింగ్ సినిమానో లేక త‌మిళ సినిమానో అన‌డం క‌రెక్ట్ కాదు. 'బాహుబ‌లి' కానీ, 'ఆర్ఆర్ఆర్' కానీ, 'కేజీఎఫ్' కానీ.. పాన్ ఇండియా సినిమాలు వ‌చ్చిన‌ప్పుడు, రూ. 200 కోట్ల విలువ క‌లిగిన సినిమాలు వ‌చ్చిన‌ప్పుడు అన్ని రాష్ట్రాల డిస్ట్రిబ్యూట‌ర్స్‌, ఎగ్జిబిట‌ర్స్ స‌హ‌క‌రిస్తారు. విజ‌య్ 'మాస్ట‌ర్' సినిమా ఇక్క‌డ వ‌స్తే డ‌బ్బులు చూస్తోంది.. నేను, ఇక్క‌డి తెలుగు డిస్ట్రిబ్యూట‌ర్స్‌, ఎగ్జిబిట‌ర్స్‌, తెలుగు క్యాంటిన్ ఓన‌ర్స్‌.. అంద‌రూ." అని ఆయ‌న తెలిపారు. చితికిపోయిన సినీ ఇండ‌స్ట్రీలో సంక్రాంతి వేళ డ‌బ్బులు చూస్తున్నామ‌నీ, ఇది మ‌న ఫిల్మ్ ఇండ‌స్ట్రీ రిక‌వ‌రీకి, మ‌నుగ‌డ‌కు చాలా ముఖ్యమ‌నీ మ‌హేశ్ చెప్పారు. "ఇలా అన్ని సినిమాలు ఆడుతున్న స‌మ‌యంలో కాంట్ర‌వ‌ర్సీ చేయ‌డం మంచిది కాదు. అన్నిటి కంటే 'మాస్ట‌ర్' సినిమాకే ఇవాళ త‌క్కువ థియేట‌ర్లు ఉన్నాయి. అయినా నేను హ్యాపీగా ఉన్నా." అని ఆయ‌న వెల్ల‌డించారు.
స్థానిక సంస్థల ఎన్నిక అంశం ఆంధ్రప్రదేశ్ లో తీవ్ర దుమారం రేపుతోంది. పంచాయతీ ఎన్నికలకు షెడ్యూల్ ప్రకటించిన ఎన్నికల సంఘం.. తన పని తాను చేసుకుపోతోంది. ఎట్టి పరిస్థితుల్లోనూ ఏ స్థానిక సంస్థల ఎన్నికలకూ సహకరించేది లేదని చెబుతోంది వైసీపీ ప్రభుత్వం. రాజ్యాంగ బద్ద ఎన్నికల సంఘానికి రాష్ట్ర సర్కార్ సహకరించకపోతే  తీవ్ర పరిణామాలు తలెత్తే అవకాశం ఉందని చెబుతున్నారు. దీంతో ఎన్నికల కమిషనర్, ఏపీ సర్కార్ వివాదం ఎటు వైపు దారి తీస్తుందోనన్న ఆందోళన వ్యక్తమవుతోంది.  షెడ్యూల్‌ విడుదలయ్యాక ఎన్నికలను వాయిదా వేసిన సందర్భా లు మన రాష్ట్రంలో తప్ప దేశంగా ఇంతవరకు ఎక్కడా జరగలేదని చెబుతున్నారు. కరోనా కారణంగా ఎంపీటీసీ, జడ్పీటీసీ ఎన్నికలను కమిషనర్ నిమ్మగడ్డ రమేశ్ కుమార్ గత మార్చిలో వాయిదా వేశారు. ఈ నిర్ణయాన్ని వ్యతిరేకిస్తూ  జగన్ రెడ్డి సర్కార్ కోర్టుకెళ్లినా.. ఎస్‌ఈసీ నిర్ణయాన్నే సుప్రీంకోర్టు సమర్థించింది. షెడ్యూల్‌ విడుదల చేసిన తర్వాత ప్రభుత్వ యంత్రాంగమంతా ఎన్నికల సంఘం పరిధిలోకి వస్తుంది. ఎన్నికలు వాయిదా వేయాలన్నా, నిలిపివేయాలన్నా.. ఎస్‌ఈసీ చేతిలోనే ఉంది. రెండేళ్ల కింద పశ్చిమ బెంగాల్లో స్థానిక ఎన్నికలు నిర్వహించలేమని ఎస్‌ఈసీకి వ్యతిరేకంగా ఆ రాష్ట్రప్రభుత్వం సుప్రీంకోర్టు కు వెళ్లింది. అయితే రాజ్యాంగంలోని 73, 74 రాజ్యాంగ సవరణల ప్రకారం స్థానిక ఎన్నికలు సకాలంలో జరగాల్సిందేనని న్యాయస్థానం తీర్పు ఇచ్చింది. ఇటీవల కేరళ స్థానిక ఎన్నికల విషయంలోనూ జోక్యం చేసుకునేందుకు సుప్రీంకోర్టు నిరాకరించింది.    ఏపీలో పంచాయతీ ఎన్నికలకు ఎస్‌ఈసీ  షెడ్యూల్‌ విడుదల చేయడంతో  ఈ నెల 9వ తేదీ నుంచే ఎన్నికల కోడ్‌ అమల్లోకి వచ్చింది. దీంతో రాష్ట్రప్రభుత్వ యంత్రాంగమంతా ఎన్నికల సంఘం పరిధిలోకి వచ్చినట్లయింది. షెడ్యూల్‌ ప్రకారం ఈ నెల 23న పంచాయతీ ఎన్నికలకు నోటిఫికేషన్‌ విడుదల చేసిన వెంటనే ప్రభుత్వ యంత్రాంగం ఎన్నికల ప్రక్రియ ప్రారంభించాల్సి ఉంది. అయితే జగన్ ప్రభుత్వం  ఇందుకు సహకరించే పరిస్థితి  కనిపించడం లేదు. ఎన్నికల విధుల్లో పాల్గొనవద్దని అధికార యంత్రాంగాన్ని కూడా వారు ఆదేశించే అవకాశాలున్నాయని భావిస్తున్నారు. అదే జరిగితే రాష్ట్రంలో ఎప్పుడూ లేని విధంగా రాజ్యాంగ సంక్షోభ పరిస్థితి తలెత్తే అవకాశం ఉంది. రాష్ట్ర ఎన్నికల సంఘం రాజ్యాంగబద్ధ సంస్థ. కేంద్ర ఎన్నికల కమిషన్‌తో సమాన అధికారాలు కలిగి ఉంది. ప్రభుత్వ పెద్దల ఒత్తిడితో ఎన్నికల ప్రక్రియకు సహకరించని ఉద్యోగులు, అధికారులపై రాష్ట్ర ఎన్నికల కమిషనర్‌ చర్యలు తీసుకోవచ్చని రాజ్యాంగ  నిపుణులు చెబుతున్నారు.  ఏపీ సర్కార్ తీరుతో  రాష్ట్ర ఎన్నికల సంఘం కూడా దూకుడుగా వెళ్లే అవకాశాలే కన్పిస్తున్నాయి. గత ఏడాది ఎంపీటీసీ, జడ్పీటీసీ ఎన్నికల నిర్వహణలో విఫలమయ్యారంటూ  గుంటూరు, చిత్తూరు జిల్లా కలెక్టర్లు, ఎస్పీలను బదిలీ చేయాలని, ఓ సీఐను సస్పెండ్‌ చేయాలని అప్పట్లో ప్రభుత్వాన్ని ఎస్‌ఈసీ ఆదేశించింది. అయితే రాష్ట్రప్రభుత్వం పట్టించుకోలేదు. గుంటూరు రూరల్‌ ఎస్సీని మాత్రం  ఇటీవల బదిలీ చేశారు. దీంతో  కమిషనర్‌ నిమ్మగడ్డ శనివారం ప్రభుత్వ ప్రధాన కార్యదర్శి ఆదిత్యనాథ్‌ దాస్‌కు తాజాగా లేఖ రాశారు. ఎస్‌ఈసీ ఆదేశాలను అమలు చేయాలని, ఆ అధికారులను బదిలీ చేయాలని మరోసారి గుర్తుచేశారు. దీనిపై ప్రభుత్వం స్పందించే తీరును బట్టి రాష్ట్ర ఎన్నికల సంఘం చర్యలు ఉంటాయని అంటున్నారు. పంచాయతీ ఎన్నికల షెడ్యూల్‌ను విడుదల చేసిన తర్వాత ఉద్యోగ సంఘాల నేతలు కొందరు ఎస్‌ఈసీపై విమర్శలు చేశారు. . ఎన్నికలకు సహకరించబోమని కొంత మంది ఉద్యోగ నేతలు  ప్రకటించారు. రాజ్యాంగబద్ధ సంస్థ అయిన ఎస్‌ఈసీ వారిపై చర్యలు తీసుకునే అవకాశముందంటున్నారు. ఎన్నికల ప్రక్రియ ప్రారంభమైన తర్వాత ఉద్యోగులంతా తన పరిధిలోకి వచ్చినందున.. గీత దాటిన ఉద్యోగ సంఘాల నేతలపై ఎలాంటి చర్యలు తీసుకోవాలో ఎస్‌ఈసీ పరిశీలిస్తోందని తెలుస్తోంది.   స్థానిక సంస్థల ఎన్నికల నిర్వహణలో ఎస్ఈసీకి  రాష్ట్ర యంత్రాంగం సహకరించకపోతే ఏం జరగబోతుందన్న చర్చ ఏపీలో  జోరుగా జరుగుతోంది. ఎస్‌ఈసీ తనకున్న అధికారాలను వినియోగించి అధికారులపై చర్యలు తీసుకోవాలని ప్రభుత్వాన్ని ఆదేశిస్తుందని.. ఈ ఆదేశాలను అమలు చేయకుంటే గవర్నర్‌కు, రాష్ట్రపతికి ఎన్నికల సంఘం ఫిర్యాదు చేసే అవకాశముందని నిపుణులు పేర్కొంటున్నారు. అదే జరిగితే రాజ్యాంగ బద్ధ విధుల నిర్వహణలో ప్రభుత్వం విఫలమైనట్లు అవుతుందని.. రాజ్యాంగ సంక్షోభం తలెత్తుతుందని చెబుతున్నారు.
తెలంగాణా ముఖ్యమంత్రి కేసీఆర్ ఇంట్లో కోల్డ్ వార్ నడుస్తుందా ? పదవుల విషయంలో కేటీఆర్, కవిత ఢీ అంటే ఢీ అంటున్నారా? పాలనలో మార్పులకు సిద్దమైన కేసీఆర్ వెనక్కి తగ్గడానికి కారణం ఏంటీ? ఇవే ఇప్పుడు తెలంగాణతో పాటు టీఆర్ఎస్ పార్టీలో చర్చనీయాంశంగా మారాయి. పదవుల విషయంలో కేటీఆర్, కవిత మధ్య విభేదాలు తీవ్రమయ్యాయని చెబుతున్నారు. ఇద్దరిలో ఎవరూ వెనక్కి తగ్గే పరిస్థితి లేకపోవడంతో కేసీఆర్ కూడా ఏమి చేయలేకపోతున్నారని చెబుతున్నారు. అందుకే పాలనలో ప్రక్షాళనకు సిద్దమైన గులాబీ బాస్.. ఇప్పుడా ప్రయత్నాలను విరమించుకున్నారని సమాచారం. టీఆర్ఎస్ వర్కింగ్ ప్రెసిడెంట్ గా ఉన్న కేటీఆర్.. కేసీఆర్ కేబినెట్ లో మంత్రిగా కూడా ఉన్నారు. కీలకమైన మున్సిపల్, కమర్షియల్, ఐటీ శాఖల మంత్రిగా ఉన్న కేటీఆర్.. పాలనలో అంతా తానే వ్యవహరిస్తున్నారనే చర్చ ఎప్పటి నుంచో ఉంది. విదేశీ రాయబారులు, పెట్టుబడిదారులు, ఇతరత్రా ప్రముఖులు కూడా ప్రగతి భవన్ లో కేటీఆర్ తోనే సమావేశమై చర్చిస్తున్నారు. బదిలీలు, ప్రమోషన్లు, పోస్టింగులన్ని కేటీఆర్ చెప్పినట్లే సాగుతుండటంతో ఉన్నతాధికారులంతా కేసీఆర్ కంటే కేటీఆర్ కే ఎక్కువ సన్నిహితంగా ఉంటున్నారు. షాడో ముఖ్యమంత్రిగా విమర్శలు ఎదుర్కొంటున్న కేటీఆర్ ను ముఖ్యమంత్రిగా పట్టాభిషేకం చేయాలని కేసీఆర్ భావించారట. అయితే తన పదవిపై క్లారిటీ ఇవ్వాలని కవిత కోరుతుండటంతో ఇంట్లో గొడవ జరుగుతుందని తెలుస్తోంది.   2014లో నిజామాబాద్ నుంచి ఎంపీగా గెలిచారు కల్వకుంట్ల కవిత. ఆ సమయంలోనే మోడీ ప్రభుత్వంలో టీఆర్ఎస్ చేరుతుందని, కవితకు కేంద్ర మంత్రి పదవి వస్తుందని  ప్రచారం జరిగింది. కాని ఎందుకో అది జరగలేదు. 2019  ఎన్నికల తర్వాత కేంద్రంలో ఎవరొచ్చినా కవితకు కేబినెట్ బెర్త్ ఖాయమనుకున్నారు. కాని అనూహ్యాంగా ఆమె ఎంపీగా ఓడిపోయారు. దీంతో షాకైన కవిత.. దాదాపు ఏడాది పాటు రాజకీయాలకు దూరంగానే ఉన్నారు. పార్టీ కార్యక్రమాల్లోనూ పాల్గొనలేదు. దీంతో కవితను రాజ్యసభకు పంపించి మళ్లీ యాక్టివ్ చేస్తారని, అవసరమైతే కేంద్ర కేబినెట్ లో చేరుస్తారని  చర్చ జరిగినా.. అది కూడా జరగలేదు. కేటీఆర్ వ్యతిరేకించడం వల్లే కవితను రాజ్యసభకు పంపలేదని టీఆర్ఎస్ లోనే చర్చ జరిగింది. కవిత కేంద్ర మంత్రి అయితే .. తర్వాత సీఎం రేసులో ఆమె తనకు పోటీగా వస్తారని భావించడం వల్లే కేటీఆర్ ఆమెకు మద్దతు ఇవ్వలేదనే ప్రచారం జరిగింది. అప్పటి నుంచి కేటీఆర్ ,కవిత మధ్య గ్యాప్ వచ్చిందంటున్నారు.               ఇటీవలే నిజామాబాద్ స్థానిక సంస్థల కోటా ఎమ్మెల్సీ ఎన్నికల బరిలోకి దిగి విజయం సాధించింది కవిత. ఆమె ఎమ్మెల్సీగా గెలిచినప్పటి నుంచి  రాష్ట్ర మంత్రివర్గంలో చోటు ఖాయమన్న చర్చ మొదలైంది. ఇక్కడే కేసీఆర్ కుటుంబలో అసలు సమస్య వచ్చిందంటున్నారు. ఇప్పటికే కేసీఆర్ కుటుంబానికి పదవులన్ని ఇచ్చారని విపక్షాలు ఆరోపిస్తున్నాయి. జనాల్లోనూ అలాంటి చర్చే జరుగుతోంది. ఈ సమయంలో కవితను కేబినెట్ లోకి తీసుకుంటే మరిన్ని ఇబ్బందులు వస్తాయని కేసీఆర్ తో కేటీఆర్ వాదిస్తున్నారని చెబుతున్నారు. దీంతో కవితకు మంత్రివర్గంలో చోటుపై ఎటూ తేల్చుకోలేకపోతున్న కేసీఆర్.. కేబినెట్ ప్రక్షాళనకు వెనుకంజ వేస్తున్నారని భావిస్తున్నారు. ఇద్దరు, ముగ్గురు మంత్రులను తొలగించి కొత్త వారిని తీసుకోవాలని దాదాపుగా నిర్ణయించినా.. కవిత విషయం తేలకపోవడం వల్లే మంత్రివర్గ ప్రక్షాళన విషయాన్ని కేసీఆర్ పక్కన పెట్టారని టీఆర్ఎస్ నేతలే చెబుతున్నారు. తనకు మంత్రిపదవి రాకుండా కేటీఆరే అడ్డుకుంటున్నారన్న భావనలో ఉన్న కవిత.. ఇప్పుడు ముఖ్యమంత్రి సీటుపైనా పేచీ పెడుతున్నారని చెబుతున్నారు. కేటీఆర్ కు పాలనా పగ్గాలు ఇవ్వడానికి ఆమె అంగీకరించడం లేదని తెలుస్తోంది. అందుకే మార్చిలోపు కేటీఆర్ ముఖ్యమంత్రి అవుతారని టీఆర్ఎస్ ఎమ్మెల్యేలే చెబుతున్నా.. అలాంటిదేమి ఉండకపోవచ్చని తెలుస్తోంది. నిఘా సంస్థలు, సర్వేల పేర్లతో కొంత కాలం కేసీఆర్ సాగదీస్తారని చెబుతున్నారు. ఈ విషయాలన్నీ తెలుసు కాబట్టే తెలంగాణ బీజేపీ అధ్యక్షుడు బండి సంజయ్ సహా కమలం కీలక నేతలు.. కేటీఆర్ కు ఇప్పట్లో ముఖ్యమంత్రి అయ్యే అవకాశం ఎంత మాత్రం లేదని బల్లగుద్ది మరీ చెబుతున్నారని రాజకీయ వర్గాల్లోనూ చర్చ జరుగుతోంది. మొత్తంగా పదవుల విషయంలో కేసీఆర్ ఫ్యామిలీలో పెద్ద పంచాయతీ జరుగుతున్నట్లు కనిపిస్తోంది. మరీ ఎలాంటి పరిణామాలకు దారి తీస్తుందో చూడాలి మరీ.. 
8 దశాబ్దాలు... 12 హత్యలు.. 80 సర్వే నెంబర్ .. 867  ఎకరాల ల్యాండ్ .. 50,000 కోట్ల రూపాయలు. హైదరాబాద్ లో సంచలనం బోయినపల్లి కిడ్నాప్ కేసుకు కారణమైన న్యూహఫీజ్‌పేట భూ వివాదం చరిత్ర ఇది. హఫీజ్‌పేట్‌ సర్వే నంబర్‌ 80లోని భూమి  దశాబ్దాలుగా  వివాదాల్లో ఉంది. కోర్టు కేసులతో  కొనసాగుతూనే ఉంది.  హత్యలు-ప్రతి హత్యలతో దాదాపు డజను మందిని ఈ భూమి బలిగొన్నది. దశాబ్దాల క్రితం రూ. వేలల్లో విలువ ఉన్నప్పుడు ప్రారంభమైన వివాదం.. ఇప్పుడు ఆస్తి విలువ వేల కోట్లకు చేరుకున్నా కొలిక్కి రాలేదు.  శేరిలింగంపల్లి మండలం న్యూహఫీజ్‌పేట సర్వే నంబర్‌ 80లోని భూములపై ప్రభుత్వానికి, ప్రైవేట్‌ వ్యక్తులకు మధ్య  మొదట  వివాదం కొనసాగింది. మార్తాండ్‌నగర్‌ వెనుకవైపు, కొండాపూర్‌ అంతర్గత రహదారి మధ్యలో ఉన్న ఓ 40 నుంచి 50 ఎకరాల  భూమి తమదేనంటూ దివంగత మాజీ మంత్రి భూమా నాగిరెడ్డి, ఏవీ సుబ్బారెడ్డి గతంలో చుట్టూ ప్రహరీ నిర్మించి రేకులతో ఫెన్సింగ్‌ వేశారు. భూముల చుట్టూ వేసిన ఫెన్సింగ్‌ రేకులపై తొలుత ఏవీ ఎస్టేట్స్‌ అని బోర్డులు పెట్టారు. ఆ తరువాత కొన్నేళ్లకు ఆ బోర్డులు తొలగించి కేపీ ఎస్టేట్స్‌ అని పేరు మార్చారు. ఈ బోర్డుల ప్రకారం ప్రస్తుతం కిడ్నాపునకు గురైన కె.ప్రవీణ్‌రావు పొజిషన్‌లో ఉన్నట్లు తెలుస్తోంది. భూమా నాగిరెడ్డి బతికి ఉన్నప్పుడు ఏవీ ఎస్టేట్స్‌గా ఉన్న పేరు ఆయన చనిపోయాక కేపీ ఎస్టేట్స్‌గా మారిందని స్థానికులు అంటున్నారు.  హఫీజ్‌పేట్‌లోని 50 ఎకరాల భూమి తమదేనని మాజీ మంత్రి భూమా కుటుంబ సభ్యులు చెబుతున్నారు. భూమా కుటుంబాన్ని ఆర్థికంగా, రాజకీయంగా దెబ్బకొట్టే ప్రయత్నం చేస్తున్నారని ఆరోపిస్తున్నారు. తమపై ఏపీ, తెలంగాణలో అక్రమ కేసులు పెట్టి వేధిస్తున్నారని చెబుతున్నారు. తమ భూమిని కబ్జా చేసి మైహోమ్స్‌కు లీజ్‌కు ఇచ్చారని భూమా కుటుంబ సభ్యులు ఆరోపిస్తున్నారు. ప్రస్తుతం వివాదం జరుగుతున్న హఫీజ్‌పేట స్థలంలో తనకు 40 శాతం వాటా ఉన్నట్లు పోలీసుల విచారణలో భూమా అఖిలప్రియ  చెప్పినట్లు తెలిసింది. మిగతా భూమిలో 30 శాతం సుబ్బారెడ్డికి, మిగతా 30 శాతం ప్రవీణ్‌కు చెందుతుందని ఆమె వివరించినట్లు సమాచారం.  నిజాం రాష్ట్ర రైల్వే నిర్మాణ సమయంలో ఇబ్రహీంపట్నం, పటాన్‌చెరు ప్రాంతాల్లో ఖుర్షీద్‌ జాహీ పాయ్‌గా, చావూస్‌, నవాబ్‌ వంశీయులకు చెందిన భూములను నిజాం ప్రభుత్వం సేకరించింది. ఆ ఆస్తులకు ప్రత్యామ్నాయంగా.. హఫీజ్‌పేట్‌ సర్వేనంబర్‌ 80, హైదర్‌నగర్‌లో  భూములను కేటాయిస్తూ.. 1929లో ఏడో నిజాం మీర్‌-ఉస్మాన్‌ అలీఖాన్‌ ఫర్మాన్‌ జారీ చేశారు. జాగీర్దారీ వ్యవస్థ రద్దయ్యాక ఈ భూములను ప్రభుత్వం స్వాధీనం చేసుకుంది. దీనిపై 1958లో పాయ్‌గా వారసుల్లో కొందరు న్యాయస్థానాన్ని ఆశ్రయించారు. ఇంకొందరు తమ వాటా భూములను గ్రేటర్‌ గోల్కొండ వారసులకు అగ్రిమెంట్‌ చేశారు. ఆ సమయంలో నిజాం ప్రభువే ఈ భూమిని కొనుగోలు చేసినట్లు ఉన్న లింక్‌ డాక్యుమెంట్‌ను జత చేశారు. అప్పటినుంచే  ఈ భూమిపై సీఎస్‌-14/1958 కేసు న్యాయస్థానంలో మొదలైంది. 1968 జూన్‌ 28న హైకోర్టు ఈ భూములపై ప్రిలిమినరీ డిక్రీని ఇచ్చింది.  అయితే ప్రిలిమినరీ డిక్రీ వచ్చాక.. హక్కుదారులెవరూ భూములను స్వాధీనం చేసుకోవడానికి ముందుకు రాలేదు. కొండలు, గుట్టలు, అడవి మాదిరిగా ఉన్న ఈ భూముల్లో అసైన్‌మెంట్‌ డీడ్‌ చేసుకునేందుకూ ఆసక్తి చూపలేదు. దాంతో. ఆ సర్వే నంబర్‌-80లోని భూములన్నీ సర్కారువేనని ప్రభుత్వం వాదిస్తూ వచ్చింది. ఈ మేరకు పలు కోర్టుల్లో అఫిడవిట్లు దాఖలు చేసింది. ప్రభుత్వం ఇటీవల తీసుకొచ్చిన ధరణి పోర్టల్‌లో కూడా ఈ భూములన్నీ సర్కారువేనని పేర్కొంటూ వాటిని నిషేధిత జాబితాలో పెట్టింది.  పాత ముంబై జాతీయ రహదారి, కొత్త ముంబై జాతీయ రహదారికి మధ్య ఈ ప్రాంతం వారధిగా ఉండడం.. కొండాపూర్‌లో 8వ బెటాలియన్‌ ప్రత్యేక పోలీసు బెటాలియన్‌ ఏర్పాటవడంతో పాయ్‌గా, చావూస్‌ వారసులు సర్వే నంబర్‌-80లోని భూముల్లో ఎవరికి వారుగా కాలనీలు, ప్లాట్లు ఏర్పాటు చేసి, విక్రయాలు సాగించారు. అలా 1983-84లో సుభాష్‌ చంద్రబోస్‌ నగర్‌ పేరుతో వెంచర్‌ను అభివృద్ధి చేసిన కబీరుద్దీన్‌ ఖాన్‌  రూ. 15లకు గజం చొప్పున భూములను విక్రయించారు. అదే సమయంలో.. ప్రేమ్‌నగర్‌, మార్తాండనగర్‌ పేరుతో ఇస్మాయిల్‌, పాయ్‌గా కాలనీ పేరుతో పాయ్‌గా వారసులు, మరికొన్ని పేర్లతో చావూస్‌ వారసులు ప్లాట్లను విక్రయించారు. 30.31 ఎకరాలను ఓ 30 మంది వ్యక్తులు  క్లెయిమ్‌ చేస్తూ రాగా.. 116 ఎకరాలను బి.శివరామకృష్ణ, సి.కల్యాణ్‌, మరో వ్యక్తి, ముంబైకి చెందిన సైరస్‌ ఇన్వె్‌స్టమెంట్స్‌ క్లెయిమ్‌ చేస్తూ వచ్చింది. కొన్ని భూములు చేతులు మారుతూ వచ్చాయి.  కొండాపూర్‌ ప్రాంతంలో 1990 తొలినాళ్లలో శిల్పారామం రావడం.. ఆ తర్వాత హైటెక్‌సిటీ నిర్మాణానికి శంకుస్థాపన జరగడంతో ఇక్కడి భూములకు డిమాండ్‌ పెరిగింది. దీంతో కోర్టుల్లో వివాదాలకు పరిమితమైన ఈ భూమి.. హత్యలు-ప్రతి హత్యలకు వేదికగా మారింది. ఆ పార్టీ.. ఈ పార్టీ అని కాకుండా.. అధికార, ప్రతిపక్షాల నేతలు కబ్జాలకు పాల్పడ్డారు. 1989లో సాబేర్‌ చావూ్‌సను అతడి ప్రత్యర్థులు దారుణంగా హతమార్చారు. సాబేర్‌ తండ్రి.. తన ప్రత్యర్థులపై బేగంబజార్‌లో బాంబుతో దాడి చేయించాడు. తుపాకీతో ఫైర్‌ చేయించారు. 1997లో రియల్టర్‌ హరిబాబు హత్యకు గురయ్యాడు. ఆ తర్వాత మాదాపూర్‌లో అబూబకా్‌సను ప్రత్యర్థులు దారుణంగా చంపారు. ఇప్పుడు భూమా అఖిలప్రియ-ప్రవీణ్‌కుమార్‌ మధ్య వివాదంలో ఉన్న భూమిలో.. శేఖర్‌నాయుడు అనే రియల్టర్‌ను ప్రభాకర్‌రాయుడు అనే వ్యక్తి 2005లో హత్య చేయించాడు. ఆ తర్వాత ప్రభాకర్‌ రాయుడు పంజాగుట్టలో హత్యకు గురయ్యాడు. తాజాగా ప్రవీణ్‌కుమార్‌, అతడి సోదరుల కిడ్నా‌పయ్యారు. కొందరు రియల్టర్లల ఈ భూములను క్లెయిమ్‌ చేసుకోవడానికి ప్రభుత్వాన్ని తప్పుదోవ పట్టించారు. తప్పుడు కేసులతో.. సెటిల్మెంట్‌ డిక్రీలు పొంది.. వాటి ఆధారంగా మ్యుటేషన్లు చేయించుకున్నారనే ఆరోపణలు ఉన్నాయి. ఈ భూమి ప్రైవేట్‌ వ్యక్తులకు చెందినదని 2003లో సుప్రీంకోర్టు తేల్చిచెప్పడంతో వివాదం రాజుకుందంటున్నారు.   ప్రవీణ్ రావు కిడ్నాప్ తో హఫీజ్ పేట భూములు మళ్లీ తెరపైకి రావడంతో కొత్త కొత్త విషయాలు వెలుగులోనికి వస్తున్నాయి. తెలంగాణ ఉద్యమకారుడు గాదె ఇన్నయ్య సంచలన ఆరోపణలు చేశారు. మియాపూర్, హఫీజ్ పేటలోని వేల కోట్ల రూపాయల విలువైన భూములు రాజకీయ నేతల కబ్జాల్లో ఉన్నాయన్నారు. గోల్డ్ స్టోన్ ప్రసాద్. సినీ నిర్మాత సీ కల్యాణ్, ఐ సుదర్శన్ రావులు ఈ భూముల కబ్జా వెనక ఉన్న పెద్దలని ఆరోపించారు. తెలంగాణ ప్రభుత్వంలోని ఓ కీలక మంత్రికి భూకబ్జాల్లో పాత్ర ఉందని గాదె ఇన్నయ్య ఆరోపించారు. మెదక్, మహబూబ్ నగర్ , రంగారెడ్డి జిల్లాలకు చెందిన 30 మంది వెలమ దొరలు.. 50 వేల కోట్ల విలువైన భూములను తమ చేతుల్లో ఉంచుకున్నారని గాదె ఇన్నయ్య సంచలన ఆరోపణలు చేశారు. 
పాలకులు హుందాగా ఉండాలి. శత్రుభావన లేకుండా ప్రేమపూర్వక, స్నేహపూర్వక రాజకీయాలుండాలి. పాలకపక్షం ప్రతిపక్షం పట్ల ప్రేమగా ఉండాలి. గతంలో మన  నాయకులు అలాంటి ఆదర్శ రాజకీయాలు చేసేవారు. హుందాతనంతో చట్టసభ్యలకు గౌరవం తెచ్చేవారు.  ప్రజా సమస్యలపై చక్కగా చర్చించేవారు. ముఖ్యమైన అంశాల్లో ఏకాభిప్రాయంతో నిర్ణయాలు తీసుకునేవారు. రాజకీయ భేదాభిప్రాయాలు ఉన్నా  గౌరవ మర్యాదలు పాటించేవారు. విపక్ష నేతల వ్యక్తిగత విషయాల జోలికి వెళ్లే వారు కారు. పొరపాటున ఎవరినైనా ఏకవచనంతో సంబోంధించినా వెంటనే క్షమాపణలు కోరేవారు. మరోసారి అలాంటి తప్పు జరగకుండా చూసుకునేవారు మన పాత తరం నాయకులు. కాని ఇప్పుడు బూతు పదాలే పదవులకు సోపానంగా మారినట్లుగా కనిపిస్తున్నాయి. పాలకులే ''వాడు-వీడు'' అంటూ రెచ్చగొట్టేలా  మాట్లాడుతున్నారు. ప్రజల మధ్య శతృత్వం పెంచేలా అసహ్య రాజకీయాలు చేస్తున్నారు. సంస్కార హీనంతో చిల్లర మాటలు మాట్లాడుతూ రాజకీయాలంటేనే  రోత పుట్టిస్తున్నారు.     ప్రస్తుతం రాజకీయ విలువలు పూర్తిగా పతనమయ్యాయి. ఆంధ్రప్రదేశ్ లో అయితే మరీ దిగజారిపోయాయి. వాడు.. వీడు అనే పదం లేకుండా మాట్లాడటం లేదు కొందరు నాయకులు. ముఖ్యంగా అధికార వైఎస్సార్ కాంగ్రెస్ పార్టీ నేతలు  బరి తెగిస్తున్నారు. ఎక్కడైనా అధికారంలో ఉన్నవారు కొంత సంయమనంతో ఉంటారు. ప్రజా సమస్యలపై పోరాడుతారు కాబట్టి విపక్ష సభ్యులు కొంత ఆవేశంగా మాట్లాడుతుంటారు. కాని ఏపీలో మాత్రం అధికార వైసీపీ నేతలే దిగజారి ప్రవర్తిస్తున్నారు. నరుకుతా.. చంపుతా.. అమ్మ మెగుడు , వెధవ లాంటి పదాలే మంత్రులు కొడాలి నాని, అనిల్ కుమార్ , వెల్లంపల్లి శ్రీనివాస్ లాంటి వారికి ఊతపదాలయ్యాయి. మంత్రులు మాట్లాడగా తమకేంటని అనుకుంటున్నారో ఏమో రోజారెడ్డి, అంబటి రాంబాబు, జోగి రమేష్ వంటి వారు మరింతగా  రెచ్చిపోతున్నారు. మాజీ ముఖ్యమంత్రులు. మంత్రులతో  సీనియర్ నేతలను కూడా ఏకవచనంతో సంభోదిస్తూ వ్యక్తిగత దూషణలకు దిగుతున్నారు. నీచంగా మాట్లాడే నేతలకు పదవులు, పార్టీ పెద్దల నుంచి ప్రశంసలు వస్తుండటంతో మరింతగా బూతు సాహిత్యం వినిపిస్తున్నారు ఫ్యాన్ పార్టీ ప్రజా ప్రతినిధులు.  ఏపీ వైసీపీ నేతలను చూసి తామేమి తక్కువ కాదనుకున్నారో ఏమో తెలంగాణ ప్రజా ప్రతినిధులు కూడా తమ నోటికి పని చెబుతున్నారు. వ్యక్తిగత దూషణలకు దిగుతూ కుటుంబ సభ్యులను గొడవలోకి లాగుతున్నారు. తెలంగాణ బీజేపీ చీఫ్ గా బండి సంజయ్ పగ్గాలు చేపట్టాకా తెలంగాణ రాజకీయాల్లో మాటల తీవ్రత పెరిగింది. కేసీఆర్ కుటుంబ సభ్యులపై బండి సంజయ్ తీవ్ర వ్యాఖ్యలు చేస్తుండగా.. టీఆర్ఎస్ నేతలు కూడా అదే స్థాయిలో కౌంటరిస్తున్నారు. దీంతో తాగుబోతు, బడా చోర్, దగుల్బాజీ, చిప్పకూడు, బట్టలూడదీసి కొడతా, నాలుక చీరేస్తా , నరికేస్తా వంటి పదాలు కామన్ గా మారిపోయాయి.  తెలుగు రాష్ట్రాల్లోని కొందరు నేతల ప్రకటనలు వింటుంటే..  వీరు ప్రజలు ఎన్నుకొన్న వారేనా? అన్న అనుమానం వస్తోంది.  ఇంత సంస్కారహీనంగా మాట్లాడే వారిని ప్రజలు ఎలా ఎన్నుకోగలిగారు?  అన్న ఆందోళన వస్తోంది. రాజకీయ వ్యవస్థ  ఇంతగా దిగజారిపోయిందా అన్న ఆవేదన కూడా కల్గుతోంది.   గతంలో  దేశ రాజకీయాలు, మన చట్టసభలు ప్రజాస్వామ్య స్పూర్తికి సాక్ష్యంగా నిలిచేవి. రాజీవ్ గాంధీ హయాంలో 1988లో  దేశాన్ని కుదిపేసిన బోఫోర్స్ కుంభకోణంలో సంయుక్త పార్లమెంటరీ కమిటీ నియమించాలని ప్రతిపక్షాలు డిమాండ్ చేసినప్పుడు బీజేపీ బలం లోక్ సభలో కేవలం ఇద్దరు సభ్యులే. అందులో ఒకరు తెలుగుదేశం మద్దతుతో హన్మకొండ నుండి గెలిచిన చందుపట్ల జంగారెడ్డి. అయినా విపక్షాన్ని గౌరవించింది అప్పటి పాలకపక్షం. రాజ్యసభలో వాజపేయి ప్రధాని రాజీవ్ గాంధీని బోఫోర్స్ అవినీతిపై తూర్పారపట్టేవారు. అలాంటి వాజపేయి కిడ్నీ చెడిపోయిందని తెలుసుకొన్న రాజీవ్ గాంధీ..  అమెరికాలో జరిగే ఐక్యరాజ్య సమితి సర్వసభ్య సమావేశంలో పాల్గొనే భారతీయ బృందంతో పాటు తన వెంట వాజపేయిని కూడా తీసుకు వెళ్ళి అక్కడ ప్రభుత్వ ఖర్చులతో చికిత్స చేయించారు.  తాను జీవించి ఉన్నానంటే దానికి రాజీవ్ గాంధీయే కారణమని వాజపేయి బహిరంగంగానే వెల్లడించారు. అయినా వాజపేయి రాజకీయంగా చివరి క్షణం వరకూ రాజీవ్‌తో విభేదించారు. ఇవన్ని పాత తరం రాజకీయ నాయకుల హుందాతనానికి, గొప్పతనానికి ప్రతీకలు.  ఉమ్మడి అంధ్రప్రదేశ్ లోనూ ఎంతో మంది ఆదర్శ రాజకీయ నాయకులు చట్టసభలకు ఎన్నికయ్యారు. నిరాండబర జీవితంతో ప్రజా సంక్షేమం కోసం పాటు పడ్డారు. పుచ్చలపల్లి సుందరయ్య, గౌతు లచ్చన్న, ఆచార్య, ఎన్జీ రంగా, గరిమెల్ల నాగిరెడ్డి, చెన్నమనేని రాజేశ్వరరావు, వెంకయ్య నాయుడు, ఓంకార్, నర్రా రాఘవరెడ్డి  లాంటి నాయకుడు చట్టసభలకు మరింత వన్నె తెచ్చారు. తమ అద్బుత ప్రసంగాలతో ప్రజల్లో అభిమానం చూరగొన్నారు. దివంగత ముఖ్యమంత్రి ఎన్టీఆర్‌ హయాంలో చట్ట సభ ఎంతో హుందాగా సాగేది.  ప్రతిపక్షాలు తీవ్ర విమర్శలు చేసినా ఎన్టీఆర్ శ్రద్దగా వినేవారు. అంతేకాదు మద్దికాయల ఓంకార్, నర్రా రాఘవరెడ్డి, సిహెచ్ విద్యాసాగర్ రావు చేసే అభ్యర్థనలను ఎన్టీఆర్‌ కాదనకుండా మన్నించేవారు. అందుకే ఎన్టీఆర్ హయాం వరకు రాజకీయాలంటే ఓ గౌరవం ఉండేది. ప్రజలు ప్రజాప్రతినిధులను ఆదరించేవారు. చంద్రబాబు పాలనలో కొంత రాజకీయ వేడి పెరిగినా.. మరీ దిగజారి పోలేదు. తెలంగాణ ఉద్యమం నుంచి తిట్లు రాజకీయాల్లో భాగంగా కాగా.. ఇప్పుడు పీక్ స్టేజీకి చేరాయి.   బహిరంగంగా ''వాడు'' ''వీడు'' అనటం... ''నరుకుతాను'' ''చంపుతాను'' అనటం రాజకీయ సంస్కారానికి నిదర్శనమా? పతనమౌతున్న విలువలకు నిదర్శనమా? ఏమి మాట్లాడుతున్నారో, ఎంతగా తెగిస్తున్నారో ఇప్పటి నేతలు. వాళ్ల మాటల పర్యవసానాలేమిటో, సమాజం తమ మాటలను ఎలా స్వీకరిస్తుందో ఒక్కసారైనా వీరు ఆలోచిస్తున్నారా? సమాజానికి  మార్గదర్శకులుగా ఉండాల్సిన ప్రజా ప్రతినిధులు  ప్రజల దారిలో తమ మాటల ద్వారా ముళ్లు.. రాళ్లు పరుస్తున్నారు. సంస్కార హీన మాటలన్నీ భయానికి నిదర్శనంగా చెబుతారు.  వీరుడు ఎప్పుడూ విమర్శలకు అసహనానికి గురికాడు. నవ్వుతూ స్వీకరిస్తాడు. పదవి పోతుందనే భయంతో.. మాట్లాడటం. అసహనానికి గురికావటం, అసహనం నియంతృత్వానికి దారితీస్తాయి. నియంతృత్వం వ్యక్తి పతనానికి దారితీస్తుంది. విమర్శలను నవ్వుతూ... సహృదయతతో స్వీకరించినవాడే రాజకీయాలలో ఓటమి ఎరుగనివాడు.    
పంజాబ్ లో ఎవరైనా  సెలూన్ షాపులు పెడతారా? థార్ ఏడారి పరిసరాల్లో విత్తనాలు విక్రయించే సాహసం చేస్తారా?  ఆంధ్రప్రదేశ్ సర్కార్ మాత్రం నలుగురు నవ్విపోదురు గాక నాకేటి సిగ్గు అన్నట్లుగా.. అలాంటి  అక్కరకు రాని పనులు కూడా చేసేలా కన్పిస్తోంది. ఏడాదిన్నరగా అస్తవ్యస్థ విధానాలు, అనాలోచిత నిర్ణయాలతో రాష్ట్రం పరువు తీస్తున్నారనే విమర్శలు జగన్ సర్కార్ పై ఉన్నాయి. తాజాగా కృష్ణా రివర్ బోర్డు కార్యాలయాన్ని విశాఖపట్నంలో ఏర్పాటు చేయాలన్న నిర్ణయంతో అది మరోసారి రుజవైందంటున్నారు. కృష్ణా బేసిన్‌కు సంబంధం లేని ప్రాంతంలో  బోర్డు ఏర్పాటు చేయడమేంటని అంతా ముక్కున వేలేసుకుంటున్నారు. ఇది కదా పాలన అంటూ నవ్వుకుంటున్నారు. తన నిర్ణయాలతో  పాలనలో  జగన్ రెడ్డి పిచ్చి తుగ్లక్ ను మించిపోయారని కొందరు సెటైర్లు వేస్తున్నారు. నదీ జలాల పంపకాల బోర్డు ఎక్కడైనా ఆ నది బేసిన్‌లో ఉంటుంది. ఉమ్మడి రాష్ట్రంలో  కృష్ణా రివర్ బోర్డు ఆ బేసిన్ పరిధిలోనే ఉన్న హైదరాబాదులో  ఉండేది.  రాష్ట్ర విభజన తర్వాత ఈ బోర్డును ఆంధ్రప్రదేశ్‌లో ఏర్పాటు చేయాలని పునర్విభజన చట్టంలో  పెట్టారు. అయితే రాష్ట్ర విభజన తర్వాత కూడా హైదరాబాదులోనే కృష్ణానది నీటి యజమాన్య బోర్డును ఉంచడానికి తెలంగాణ  సర్కార్ ప్రయత్నించింది. ఇందుకు అంగీకరించని కేంద్రం.. ఏపీలోనే బోర్డును ఏర్పాటు చేయాలని ఆదేశించింది. దీంతో కర్నూలులో కేఆర్ఎంబీని ఏర్పాటు చేయాలనే డిమాండ్‌ ముందుకు వచ్చింది. ఇక్కడి అనుకూలతల గురించి నీటి పారుదల నిపుణులు, రైతు సంఘాల ప్రతినిధులు, ప్రజా సంఘాల నాయకులు, రాయలసీమ ఉద్యమకారులు పూర్తి వివరాలతో నివేదిక అందజేశారు. కృష్ణా బోర్డు కర్నూలులో ఏర్పాటు చేయాలని రాయలసీమ ఉద్యమకారులు ఎప్పటి నుంచో డిమాండ్‌ చేస్తున్నారు. కృష్ణా నది పరివాహక ప్రాంతాలకు కర్నూలు అందుబాటులో ఉంటుంది. గతంలో దీన్ని విజయవాడలో పెట్టాలనే ఆలోచన చేసినప్పుడే తీవ్రస్థాయిలో విమర్శలు వచ్చాయి. కృష్ణానది సముద్రంలో కలిసే చోట యాజమాన్య బోర్డు పెట్టడం అర్థరహితం అన్నారు. కృష్ణా బోర్డును కర్నూలులో ఏర్పాటు చేస్తే నీటి వినియోగంలో, కేటాయింపుల్లో తరచూ వచ్చే వివాదాలను పరిష్కరించుకోడానికి అనుకూలంగా ఉంటుందని మూడు రాష్ట్రాల నీటి పారుదల శాఖ నిపుణుల అభిప్రాయం.  కర్నూలు సరిహద్దుల్లోనే తెలంగాణ, కర్ణాటక రాష్ట్రాలు ఉండడం వల్ల త్వరలోనే తుంగభద్ర బోర్డును రద్దు చేసి కృష్ణా నది నీటి యాజమాన్య బోర్డులో కలిపేలా కేంద్ర ప్రభుత్వం నిర్ణయం తీసుకోవచ్చన్న వాదన కూడా ఉంది.   కృష్ణా జలాల పంపిణీలో రాయలసీమకు అన్యాయం జరుగుతోందనే విమర్శలు వస్తున్న నేపథ్యంలో యాజమాన్య బోర్డు కర్నూలులో ఏర్పాటు చేయడం న్యాయమనే అభిప్రాయం కూడా ఉంది. ప్రాంతీయ సమానత్వానికి కృషి చేయాలనే సదుద్దేశానికి ఊతం ఇస్తుందని అనేక మంది అభిప్రాయపడుతూ వచ్చారు. దీంతో రాయలసీమ ప్రాంతానికి చెందిన వైఎస్‌ జగన్‌ సీఎంగా ఉండటం, ఎన్నికలకు ముందు వైసీపీ నాయకులు కూడా దీన్ని బలపరచడంతో..  కర్నూల్ లో కృష్ణా రివర్ బోర్డు ఏర్పాటుకు ఎలాంటి ఆటంకాలు ఉండవని అంతా భావించారు. కాని అందుకు భిన్నంగా ఇప్పుడు ఏకంగా కృష్ణా బేసిన్‌కు సంబంధం లేని విశాఖపట్టణంలో పెట్టాలని ప్రభుత్వం నిర్ణయం తీసుకుంది జగన్ సర్కార్. ఇది కేవలం వైజాగ్‌లో రాజధాని ఏర్పాటు చేయాలనే వ్యూహానికి అనుకూలంగానే  జగన్‌ ఈ నిర్ణయం తీసుకున్నారనే ఆరోపణలు వస్తున్నాయి.          ప్రస్తుతం గ్రేటర్ రాయలసీమ  డిమాండ్ మళ్లీ తెరపైకి వచ్చింది. కర్నూల్ ను రాజధాని చేయాలనే డిమాండ్ అలాగే ఉంది. ఇలాంటి తరుణంలో  అన్ని అనుకూలంగా ఉన్న కర్నూల్ కాకుండా.. కృష్ణా బేసిన్ కు ఏమాత్రం సంబంధం లేని విశాఖలో కృష్ణా రివర్ యాజమాన్య బోర్డు ఏర్పాటు చేయలని నిర్ణయం తీసుకోవడం అందరిని విస్మయ పరుస్తోంది. కొత్త వివాదాన్ని రగిలించేందుకే జగన్ సర్కార్ ఇలాంటి ప్రయత్నాలు చేస్తుందా అన్న ఆరోపణలు కూడా వస్తున్నాయి. కృష్ణా బోర్డును తన రాజకీయ ప్రయోజనాల కోసం సీఎం జగన్ వైజాగ్‌ తీసికెళ్లాలని చూస్తున్నారని రాయలసీమ వాసులు మండిపడుతున్నారు. కృష్ణానది పరివాహక ప్రాంతానికి సంబంధం లేని విశాఖ పట్టణంలో ఈ బోర్డును ఎలా ఏర్పాటు చేస్తారని ప్రశ్నిస్తున్నారు.  కృష్ణానది యాజమాన్యం బోర్డును రాయలసీమలో ఏర్పాటు చేయాలని ఆర్‌వీఎస్‌, ఆర్‌వైపీఎస్‌, ఆర్‌వీపీఎస్‌ నాయకులు డిమాండ్‌ చేస్తున్నారు. లేదంటే ఉద్యమం ఉధృతం చేస్తామని హెచ్చరిస్తున్నారు.
రాజకీయాల్లో గెలుపోటములు శాశ్వతం కాదు. 'ఓడలు బండ్లు అవుతాయి.. బండ్లు ఓడలు అవుతాయి' అనే ఫార్ములా రాజకీయాలకు కరెక్ట్ గా సెట్ అవుతుంది. బంపర్ మెజారిటీతో అధికారంలోకి వచ్చిన పార్టీ తదుపరి ఎన్నికల్లో బొక్కబోర్లా పడొచ్చు.. అబ్బే ఈ పార్టీ పనైపోయిందనుకున్న పార్టీ అనూహ్యంగా పుంజుకొని గెలుపు జెండా ఎగరవేయొచ్చు. అందుకే అంటారు.. రాజకీయాల్లో వాపులు ఉంటాయి కానీ బలుపులు ఉండవు. ఇక్కడ గెలుపు.. వాపు లాంటిది. ఆ వాపు ఎప్పుడైనా కరిగిపోవచ్చు. గత ఎన్నికల్లో 151 అసెంబ్లీ, 22 లోక్ సభ సీట్లతో తిరుగులేని విజయాన్ని అందుకున్న వైసీపీకి.. గెలుపు వాపు కరిగిపోయే పునాది తిరుపతిలో పడుతుందా అంటే? పరిస్థితులు చూస్తుంటే అవుననే అనిపిస్తుంది.   వైసీపీ ఎంపీ బల్లి దుర్గాప్రసాద రావు మరణంతో ఖాళీ అయిన తిరుపతి లోక్ సభకు త్వరలో ఉప ఎన్నిక జరగబోతోంది. రాష్ట్రంలో అధికారంలో ఉన్న వైసీపీ..తన సిట్టింగ్ సీటును నిలబెట్టుకుంటామనే ధీమా వ్యక్తం చేస్తోంది. కేంద్రంలో అధికారంలో ఉన్న బీజేపీ.. తెలంగాణలో జరిగినట్లే సంచలనం చేయబోతున్నామని, దుబ్బాక ఫలితం తిరుపతిలో రిపీట్ కాబోతుందని ప్రకటిస్తోంది. కాని క్షేత్రస్థాయిలో మాత్రం సీన్ వేరేలా ఉంది. తిరుపతిలో టీడీపీ విజయం ఖాయమని తెలుస్తోంది. వైసీపీ ఓడిపోవడానికి 10 బలమైన కారణాలు కనిపిస్తున్నాయి.   తిరుపతి ఎస్సీ రిజర్వ్ లోక్ సభ నియోజకవర్గం 2019 లెక్కల ప్రకారం తిరుపతిలో మొత్తం ఓటర్లు 15 లక్షల 74 వేల 161 2019 ఎన్నికల్లో 79.76 శాతం ఓటింగ్ తో 13,16,473 ఓట్లు పోల్ 55.3 శాతం ఓట్లతో వైసీపీకి 7 లక్షల 22 వేల 877 ఓట్లు 37.65 శాతంతో టీడీపీకి 4 లక్షల 94 వేల 501 ఓట్లు అనూహ్యంగా 1.96 శాతం ఓట్లతో నోటాకు మూడో స్థానం నాలుగో స్థానంలో నిలిచిన కాంగ్రెస్ కు 1.83 శాతం ఓట్లు జనసేన మద్దతుతో బరిలో ఉన్న బీఎస్పీకి 1.6 శాతం పోల్ కేవలం 1.2 శాతం ఓట్లతో బీజేపీకి ఆరో స్థానం   2019 ఎన్నికల్లో వైసీపీ అభ్యర్థి బల్లి దుర్గాప్రసాద రావు 2 లక్షల 40 వేల పై చిలుకు ఓట్ల మెజార్టీతో టీడీపీ అభ్యర్థి పనబాక లక్ష్మిపై విజయం సాధించారు. టీడీపీ కంటే వైసీపీకి దాదాపు 17 శాతం ఓట్లు ఎక్కువగా పోలయ్యాయి. తిరుపతిలో 2019లో ఘనవిజయం సాధించిన వైసీపీకి రెండేళ్లు కూడా తిరగకుండానే సీన్ రివర్స్ అయింది. తిరుపతి ఉపఎన్నికలో వైసీపీ ఓడిపోయే పరిస్థితి కనిపిస్తుంది. ఇందుకు 10 బలమైన కారణాలు ఉన్నాయి.   కారణం1.. డ్వాక్రా మహిళలు... ఏపీ ఓటర్లలో 95 లక్షల మంది అంటే దాదాపు 27 శాతం మంది డ్వాక్రా మహిళలు ఉన్నారు. తిరుపతి వరకే చూస్తే 3 లక్షల 55 వేల 428 మంది మహిళలు 2019 ఎన్నికల్లో ఓటేశారు. గతంలో చంద్రబాబు పసుపు కుంకుమ పథకం కింద 95 లక్షల మంది మహిళలకు ఒక్కొక్కరికి 10 వేల రూపాయల నగదు సాయం అందించారు. ఇందుకోసం 9 వేల 5 వందల కోట్లు ఖర్చు చేసింది టీడీపీ ప్రభుత్వం. అయితే మహిళలను లక్షాధికారిని చేస్తానని ఎన్నికల సమయంలో హామీ ఇచ్చిన జగన్.. అధికారంలోకి వచ్చాకా కేవలం 6 వేల 7 వందల కోట్లు ఇచ్చారు. దాదాపు 13 లక్షల మందికి రూపాయి కూడా సాయం అందలేదని జగన్ సర్కార్ లెక్కలే చెబుతున్నాయి. మరో 22 లక్షల మంది డ్వాక్రా మహిళలకు కేవలం రెండు నుంచి ఐదు వేల సాయమే అందిందట. కొందరికి మాత్రం 15 వేలు రూపాయలు ఇచ్చారు. ఇదే ఇప్పుడు వైసీపీకి గండంగా మారిందంటున్నారు.  తక్కువ సాయం అందిన మహిళలంతా "ఆ దొంగముండకి అన్ని డబ్బులు ఇచ్చారు. మాకు ఇవ్వలేదని కొందరు, తక్కువ ఇచ్చారని కొందరు" అసూయతో  రగిలిపోతున్నారట. వీళ్లంతా ఎట్టి పరిస్థితుల్లోనూ ఉప ఎన్నికలో వైసీపీకి ఓటు వేసే అవకాశం లేదు. ఇటీవల జరిగిన గ్రేటర్ హైదరాబాద్ ఎన్నికల్లో ఇదే జరిగింది. ప్రభుత్వం వరద సాయంగా కొందరికి 10 వేల రూపాయలు ఇచ్చింది. అయితే సాయం అందని వారంతా కసిగా టీఆర్ఎస్ కు వ్యతిరేకంగా ఓటేశారు. తిరుపతిలోనూ డ్వాక్రా మహిళల విషయంలో ఇదే సీన్ రిపీట్ కాబోతుందని తెలుస్తోంది. తిరుపతి లోక్ సభ పరిధిలో 3 లక్షల 55 వేల డ్వాక్రా మహిళల్లో దాదాపు లక్ష 15 వేల మందికి సాయం అందలేదు, వీరిలో కొందరికి తక్కువ సాయం అందింది. వీరంతా వైసీపీపై గుర్రుగా ఉన్నారు. వీరంతా ఉపఎన్నికలో వైసీపీకి వ్యతిరేకంగా ఓటేస్తే.. గత ఎన్నికల్లో వైసీపీకి వచ్చిన 2 లక్షల 40 వేల మెజారిటీలో లక్షా 15 వేల ఓట్లు తగ్గనున్నాయి. ఆ లక్ష 15 వేల మందిలో.. లక్షమంది టీడీపీకి, 15 వేల మంది బీజేపీకి ఓటేసే అవకాశాలున్నాయి. అలా డ్వాక్రా అక్కచెల్లెమ్మలా పుణ్యమా అని.. వైసీపీ మెజారిటీలో లక్షా 15 వేల ఓట్లు కోత పడనుంది అన్నమాట.   కారణం 2.. మందుబాబులు ఏపీలో సగటున 17 శాతం మంది డ్రింకర్లు ఓటర్లుగా ఉన్నారు. ఆరోగ్యాన్ని పాడుచేసుకొని మరీ ప్రభుత్వ ఆదాయాన్ని పెంచుతున్న మందుబాబులు.. తిరుపతి ఉప ఎన్నికలో కీ రోల్ పోషించబోతున్నారు. బ్రాండెడ్ మద్యాన్ని కాకుండా.. వింత వింత పేర్లున్న నాసిరకం మద్యాన్ని.. భారీ రేట్లకు అమ్ముతుండటం పట్ల జగన్ సర్కార్ పై మందుబాబులు తీవ్ర ఆగ్రహంగా ఉన్నారు. మొత్తం 17 శాతం ఉన్న మందుబాబుల్లో మూడు శాతం రిచ్ డ్రింకర్లు. వీరు ఓటింగ్ కు వస్తారన్నది డౌటే. ఒకవేళ ఎంతో కొంతమంది వచ్చినా వైసీపీకి వ్యతిరేకంగా ఓటేస్తారు. ఎందుకంటే వీరు పేరుకి రిచ్ అయినా.. నచ్చిన బ్రాండ్ తాగలేని పూర్ డ్రింకర్స్ అయిపోయారు. ఇక ఐదు శాతం మందుబాబులు పార్టీ వర్కర్లు ఉంటారు. వీరికి మద్యం క్వాలిటీ, రేట్లతో సంబంధం ఉండదు. ఎన్నికలు వస్తే చాలు.. వీళ్లు ఎవరి పార్టీకి వాళ్లే వేసుకుంటారు. వీళ్లలో వైసీపీకి 3 శాతం, టీడీపీకి రెండు శాతం ఓటింగ్ జరిగే అవకాశం ఉంది. ఇక, మిగతా 9 శాతం మందుబాబులు జగన్ సర్కార్ పై ఆగ్రహంగా ఉన్నవారే. నాసిరకం మద్యం.. ధరల భారంతో.. వీరంతా వైసీపీపై గుర్రుగా ఉన్నారు. గతంలో తిరుపతిలో వైసీపీకి ఓటేసిన మందుబాబుల్లో దాదాపు 20 వేల మంది.. ఇప్పుడు వైసీపీకి వ్యతిరేకంగా టీడీపీ, బీజేపీలకు ఓటేసే అవకాశముంది.   కారణం 3.. బీజేపీ దెబ్బ 2019లో తిరుపతిలో బీజేపీ కేవలం 1.2 శాతం ఓట్లు మాత్రమే సాధించింది. కాని ఏపీలో బీజేపీకి దాదాపుగా 6 శాతం ఓటింగ్ ఉందన్నది ఆ పార్టీ నేతల లెక్క. ఈ లెక్కన తిరుపతిలో బీజేపీకి సంబంధించిన నాలుగు శాతానికి పైగా ఓటు ఇతర పార్టీలకు వెళ్లింది. 2019 ఎన్నికల సమయంలో ప్రధాని మోడీ, ఎన్డీఏకు వ్యతిరేకంగా దేశ వ్యాప్తంగా పర్యటించారు టీడీపీ అధినేత చంద్రబాబు. మోడీ, అమిత్ షాలపై తీవ్ర స్థాయిలో ఆరోపణలు చేశారు. దీంతో చంద్రబాబును ఓడించాలన్న కసితో బీజేపీ కార్యకర్తలంతా వైసీపీకి ఓట్లు వేశారు. ఇప్పుడు తిరుపతిలో బీజేపీ గట్టిగా పోరాడుతుంది కాబట్టి.. వాళ్ల ఓట్లన్ని వాళ్లకే పడతాయి. అంటే గతంలో వచ్చిన ఓట్లలో వైసీపీకి దాదాపు నాలుగు శాతం ఓటింగ్ తగ్గనుంది. ఈ లెక్కన వైసీపీ ఓటింగ్ లో 40-50 వేల ఓట్లు తగ్గనున్నాయి.   కారణం 4 .. జనసేన దెబ్బ బీఎస్పీ, జనసేన కూటమికి తిరుపతిలో 2019లో 1.6 శాతం పోలింగ్ జరిగింది. అయితే తిరుపతి లోక్ సభ పరిధిలో పవన్ కల్యాణ్ సామాజిక వర్గం ఓట్లు భారీగానే ఉన్నాయి. గబ్బర్ సింగ్ ఫ్యాన్స్  కూడా ఎక్కువే. తిరుపతి లోక్ సభ పరిధిలో జనసేనకు 4 శాతం ఓటింగ్ ఉందన్నది ఆ పార్టీ నేతల అంచనా. ఈ లెక్కన జనసేనకు సంబంధించిన రెండున్నర శాతం ఓటింగ్ కూడా క్రాస్ అయింది. ఇందులో కూడా ఎక్కువగా ఫ్యాన్ కే పడ్డాయని భావిస్తున్నారు. ఇప్పుడు జనసేన, బీజేపీ అలయన్స్ కాబట్టి.. ఈ ఓట్లన్ని వాళ్ల కూటమి అభ్యర్థికే పడతాయి. సో... 2019లో పడిన ఓట్లలో వైసీపీ దాదాపు 20 వేల ఓట్లు కోల్పోయే అవకాశముంది.   కారణం 5 .. టీడీపీ దెబ్బ 2019 ఎన్నికల సమయంలో అభ్యర్థుల ఎంపికలో టీడీపీ తప్పులు చేసిందనే ఆరోపణలున్నాయి. ప్రజల నుంచి వ్యతిరేకత ఉన్న కొందరు సిట్టింగులకు టికెట్లు ఇచ్చారు చంద్రబాబు. పార్టీలోకి కొత్తగా వచ్చినవారికి టికెట్లు ఇవ్వడాన్ని తమ్ముళ్లు జీర్ణించుకోలేకపోయారు. దీంతో కొందరు టీడీపీ కార్యకర్తలు, సానుభూతిపరులు కూడా వైసీపీకి ఓట్లేశారని.. ఫలితాల తర్వాత చంద్రబాబు చేసిన పోస్ట్ మార్టమ్ లో తేలింది. ఇలా దాదాపు 2-3 శాతం టీడీపీ ఓటింగ్ పోయిందని అంచనా వేశారు. వీళ్లంతా ఇప్పుడు తిరిగి టీడీపీకి మద్దతుగా ఉంటారు. అంటే వైసీపీకి మరో 20-30 వేల ఓట్లు తగ్గనున్నాయి.   కారణం 6.. ఉద్యోగులు... వైసీపీ ప్రభుత్వంపై ఉద్యోగులు అసంతృప్తిగా ఉన్నారు. ఉద్యోగుల ప్రమోషన్లు, బదిలీల విషయంలో వైసీపీ నేతల తీరు వివాదాస్పదమైంది. ఉద్యోగుల పెండింగ్ సమస్యలు తీరలేదు. ఉద్యోగ సంఘం నేత చంద్రశేఖర్ రెడ్డి ఓవరాక్షన్ ఎక్కువైందనే ఆరోపణలు ఉన్నాయి. ఎన్జీవో సంఘాన్ని అధికార పార్టీకి తాకట్టు పెట్టారనే చర్చ ఉద్యోగుల్లో జరుగుతోంది. దీంతో ఉద్యోగులు కూడా తిరుపతి ఉప ఎన్నికలో వైసీపీకి వ్యతిరేకంగానే ఓటు వేస్తారని భావిస్తున్నారు. తిరుపతి పరిధిలో మూడు శాతం ఉద్యోగులు ఉండనుండగా.. మూడు పార్టీలకు ఒక్కో శాతం ఓట్లు రావచ్చని అంచనా. ఈ లెక్కన 2019 పోలింగ్ తో పోల్చితే వైసీపీకి దాదాపు 10 వేల ఓట్లు తగ్గనున్నాయి.   కారణం7.. నిరుద్యోగ యువత , విద్యావంతులు వైసీపీ సర్కార్ పాలనా తీరుపై నిరుద్యోగ యువత , విద్యావంతులు అసంతృప్తిగా ఉన్నారని తెలుస్తోంది. వాలంటీర్ గా చేస్తే పాకెట్ మనీ వస్తుంది కానీ.. ఫ్యామిలీని పోషించే అంత మనీ రాదు. యువతకు సరైన ఉపాధి, ఉద్యోగాలు చూపడంలో జగన్ సర్కార్ విఫలమైంది. సర్కార్ అస్తవ్యస్థ విధానాలు, కోర్టుల్లో వరుసగా జరుగుతున్న ఎదురు దెబ్బలు.. ఇలా అన్ని అంశాల్లోనూ జగన్ పాలనపై విద్యావంతుల్లో అసంతృప్తి వ్యక్తమవుతోంది. తిరుపతిలో పరిధిలో యువత, విద్యావంతుల ఓట్లు 10 శాతం ఉంటే.. గతంలో వైసీపీకి ఓటేసిన వారిలో.. ఈసారి 5 శాతం మంది వ్యతిరేకంగా ఓటేసే అవకాశముంది. అంటే వైసీపీ 5 నుంచి పదివేల ఓట్లు కోల్పోనుంది.   కారణం8.. దళితుల్లో వ్యతిరేకత తిరుపతిలో ఎస్సీ ఓటర్లు ఎక్కువ. గతంలో ఈ వర్గ ఓట్లలో మెజార్టీ వైసీపీకే పడ్డాయి. జగన్ రెడ్డి పాలనలో దళితులపై దాడులు పెరిగిపోయాయి. దళితులకు వైసీపీ నేతలు శిరోముండనం వేయించిన ఘటనలు వెలుగుచూశాయి. చిత్తూరు జిల్లాలో దళిత సామాజిక వర్గానికి చెందిన జడ్జీ రామకృష్ణ కుటుంబ సభ్యులపై దాడి జరిగింది. విశాఖలో దళిత డాక్టర్ సుధాకర్ పై జరిగిన దాడి ఘటన కలకలం రేపింది. దివంగత ఎంపీ బల్లి దుర్గాప్రసాద్ కుటుంబాన్నిఇంతవరకు సీఎం జగన్ మోహన్ రెడ్డి పరామర్శించలేదు. ఇది కూడా తిరుపతిలో తీవ్ర చర్చనీయాంశంగా మారింది. ఒక ఎంపీ చనిపోతే.. ఆయన పార్టీ అధ్యక్షుడు, సీఎం హోదాలో ఉన్న జగన్ వారితో కనీసం మాట్లాడకపోవడంపై అన్ని వర్గాల నుంచి విమర్శలు వస్తున్నాయి. వరుసగా జరుగుతున్న ఘటనలతో ఆ సామాజిక వర్గం వైసీసీపైనా, సీఎం జగన్ పైనా కోపంగా ఉన్నారని తెలుస్తోంది. దీంతో ఎస్సీ సామాజిక వర్గంలో వైసీపీకి గతంలో వచ్చిన ఓట్ల కంటే రెండు శాతం ఓట్లు తగ్గవచ్చంటున్నారు.   కారణం 9.. అన్నదాతల అసహనం ఇటీవల కురిసిన భారీ వర్షాలకు వేల ఎకరాల్లో పంటలు ధ్వంసమయ్యాయి. తిరుపతి పరిధిలోనూ వందలాది మంది రైతులు తీవ్రంగా నష్టపోయారు. వరదలతో నష్టపోయిన అన్నదాతలను ఆదుకోవడంతో జగన్ సర్కార్ పూర్తిగా విఫలమైందనే ఆరోపణలు వచ్చాయి. వరద బాధితులకు ఎలాంటి పరిహారం ఇవ్వలేదు. కష్టాల్లో ఉన్న తమను కనీసం పరామర్శించడానికి కూడా వైసీపీ నేతలు రాలేదని ఆరోపిస్తున్నారు రైతులు. దీంతో రైతుల ఓటింగ్ లోనూ వైసీపీకి ఓటింగ్ మైనస్ కానుందని తెలుస్తోంది.   కారణం 10.. రెండేళ్ల జగన్ పాలన మూడు రాజధానుల ప్రతిపాదనతో గందరగోళం.. ఏపీకి ఇప్పుడు రాజధాని ఏంటో తెలియని అయోయమం. పెట్టుబడులు రావట్లేదు,.. ఆదాయం లేదు.. అప్పులు పెరిగిపోతున్నాయి.. రాష్ట్ర ఆర్ధిక పరిస్థితి దారుణంగా ఉంది. సర్కార్ అనాలోచిత నిర్ణయాలు, అస్తవ్యస్థ విధానాలు, కోర్టుల్లో వరుసగా జరుగుతున్న ఎదురు దెబ్బలు.. ఇలా జగన్ పాలనపై తటస్థుల్లో కూడా అసంతృప్తి వ్యక్తమవుతోంది. గతంలో వైసీపీకి ఓటేసిన తటస్థుల్లో ఇప్పుడు రెండు మూడు శాతం మంది వ్యతిరేకంగా ఓటేసే అవకాశముంది. దీంతో వైసీపీ దాదాపు 20 వేల ఓట్లు కోల్పోనుంది.   కర్ణుడి చావుకి 100 కారణాలు అన్నట్టు.. తిరుపతి ఉపఎన్నికలో వైసీపీ ఓడిపోతుందని చెప్పడానికి ఈ పది కారణాలు కనిపిస్తున్నాయి. 2019 ఎన్నికల్లో 2 లక్షల 40 వేల ఓట్ల మెజార్టీతో గెలిచిన వైసీపీ.. ఉపఎన్నికలో మాత్రం దాదాపు 3 లక్షల ఓట్లు కోల్పోయి.. సుమారు 50 వేల ఓట్ల తేడాతో తిరుపతి సిట్టింగ్ స్థానాన్ని కోల్పోయే అవకాశముంది.
తొమ్మిది నెలలుగా సైలెంట్ గా ఉన్న చంద్రబాబుకు అంత దూకుడెందుకు? కరోనా  భయపెడుతున్నా కదనరంగంలోకి ఎందుకు దూకారు ? ఇదే ఇప్పుడు ఆంధ్రప్రదేశ్ లో చర్చనీయాంశంగా మారింది.  కరోనా  కారణంగా  జనంలోకి రావడానికి జంకిన చంద్రబాబు.. ఇప్పుడు కొత్త కరోనా భయపెడుతున్నా వందలాది మంది కార్యకర్తలతో కలిసి ఆందోళన చేయడం అందరిని  అశ్చర్యపరుస్తోంది.  వైద్యుల సూచనలు పక్కనపెట్టి మరీ చంద్రబాబు ప్రజల్లోకి రావడంపై  రాజకీయ వర్గాల్లో చర్చ జరుగుతోంది. ఆంధ్రప్రదేశ్ లో టీడీపీని ఖతం చేసేందుకు జరుగుతున్న కుట్రలను చేధించేందుకే  ఆరోగ్యాన్ని కూడా లెక్క చేయకుండా చంద్రబాబు కార్యరంగంలోకి దిగారంటున్నారు.  ఆంధ్రప్రదేశ్ మాజీ ముఖ్యమంత్రి చంద్రబాబు నాయుడు కరోనా వైరస్ ఎంట్రీ తర్వాత జనంలోకి వెళ్లలేదు. ఎక్కువగా హైదరాబాద్ లోనే ఉంటున్నారు. చంద్రబాబు వయసు ప్రస్తుతం 76 ఏండ్లు. అందుకే కరోనా వైరస్ భారీన పడకుండా ఉండేందుకు ఆయన్ను బయట  తిరగవద్దని వైద్యులు చెప్పారని తెలుస్తోంది. అందుకే పార్టీ కార్యక్రమాలు కూడా దాదాపుగా వీడియో కాన్ఫరెన్స్ ద్వారానే నిర్వహిస్తున్నారు. గత మార్చి తర్వాత ఆయన పార్టీ కార్యక్రమాల్లో నేరుగా పాల్గొన్నవి రెండు. మూడే. మహానాడు సందర్భంగా కొందరు నేతలతో సమావేశమయ్యారు. అచ్చెన్నాయుడు అరెస్ట్ సమయంలో గుంటూరు హాస్పిటల్ కు వెళ్లి ఆయన్ను పరామర్శించారు. అప్పుడు కూడా ఆయన పూర్తి స్థాయిలో కోవిడ్ జాగ్రత్తలు తీసుకున్నారు. తొమ్మిది నెలలుగా జనంలోకి రాని చంద్రబాబు... ఇప్పుడు మాత్రం ఒక్కసారిగా స్పీడ్ పెంచారు. విజయనగరం జిల్లా  రామతీర్థంలో  విగ్రహం ధ్వంసమైన ప్రదేశాన్ని పరిశీలించారు. అక్కడే ఆయన ఆందోళన నిర్వహించారు.  ఏపీలో కొన్ని రోజులుగా హిందూ ఆలయాలపై వరుసగా దాడులు జరుగుతున్నాయి. పలు ఆలయాల్లో దేవుళ్ల విగ్రహాలను దుండగులు ధ్వంసం చేశారు. తాజాగా విజయనగరం జిల్లా రామతీర్థం ఆలయంలో రాముడి విగ్రహం ధ్వంసం చేశారు. ఇన్నేళ్ల ఏపీ చరిత్రలో ఇలా హిందూ ఆలయాలపై వరుసగా దాడులు జరిగిన దాఖలాలు ఎప్పుడూ లేవు. దీంతో దీనివెనుక రాజకీయ కోణం ఉందన్న అనుమానాలు వ్యక్తమవుతున్నాయి. హిందుత్వ నినాదంతో బీజేపీ ఆంధ్రప్రదేశ్ లో బలపడాలని చూస్తోందనే ప్రచారం జరుగుతోంది. ఆలయాలపై దాడులు జరుగుతుండటంతో హిందువుల్లో వైసీపీ ప్రభుత్వంపై తీవ్ర వ్యతిరేకత వ్యక్తమవుతోంది. ఇదే అదనుగా  హిందుత్వ పార్టీగా ముద్రపడిన బీజేపీ.. హిందువుల తరఫున స్వరం వినిపిస్తూ.. హిందువులకు దగ్గరయ్యే ప్రయత్నం చేస్తోందనే చర్చ  జరుగుతోంది. ఏపీలో జరుగుతున్న పరిణామాలను గమనిస్తోన్న రాజకీయ విశ్లేషకులు కూడా  మతాలుగా ఓట్లను చీల్చి, వాటిని రెండు పార్టీలు పంచుకొని  ఏపీలో టీడీపీని నిర్వీర్యం చేసే ప్రయత్నం జరుగుతుందని అంటున్నారు.  తెలంగాణలోని గ్రేటర్ హైదరాబాద్ కు ఇటీవల జరిగిన ఎన్నికల్లో మత రాజకీయాలే రాజ్యమేలాయి. బీజేపీ, ఎంఐఎం పార్టీలు హిందూ, ముస్లిం అంటూ మతపరమైన వ్యాఖ్యలు చేస్తూ రాజకీయ వేడి పుట్టించాయి. ఎంఐఎం నేత అక్బరుద్దీన్ ఒవైసీ ముస్లిం మతానికి గానీ, పాతబస్తీ ప్రాంతానికి గానీ ఏమాత్రం సంబంధం లేని ఎన్టీఆర్, పీవీ ఘాట్ లపై వివాదాస్పద వ్యాఖ్యలు చేశారు. ఆయనలా మాట్లాడిన నిమిషాల్లోనే పాతబస్తీపై సర్జికల్ స్ట్రైక్ చేస్తామంటూ తెలంగాణ బీజేపీ చీఫ్ బండి సంజయ్ స్పందించారు. ఇలా మత పరమైన విమర్శలతో గ్రేటర్ ఎన్నికల్లో రెండు పార్టీలు లబ్దిపొందాయి. ఎప్పటిలానే మెజారిటీ ముస్లిం ఓట్లు ఎంఐఎంకు పడగా.. గతంలో గ్రేటర్ లో 10-12 శాతం ఓట్లు సాధించిన బీజేపీ ఈసారి 35 శాతానికి పైగా ఓట్లు సాధించింది. మత పరమైన వ్యాఖ్యలతో ఇతర పార్టీలకు వెళ్లాల్సిన హిందూ ఓట్లను రాబట్టడంలో బీజేపీ సక్సెస్ అయింది. అదే సమయంలో గ్రేటర్ లో గతంలో బలంగా ఉన్న కాంగ్రెస్, టీడీపీ లు పూర్తిగా వెనకబడి పోయాయి. ఓటర్లు మత పరంగా చీలడం వల్లే కాంగ్రెస్, టీడీపీకి భారీగా నష్టం జరిగిందని ఫలితాల తర్వాత తేలింది.    గ్రేటర్ హైదరాబాద్ ఎన్నికల వ్యూహాన్నే ఏపీలో వైసీపీతో కలిసి బీజేపీ అమలు చేస్తుందని అంటున్నారు. గ్రేటర్ లో ఎలాగైతే మెజారిటీ ముస్లిం ఓటర్లు ఎంఐఎం వైపు ఉంటారో.. అలాగే ఏపీలో మెజారిటీ క్రిస్టియన్, ముస్లిం ఓటర్లు వైసీపీ వైపు ఉంటారు. ఇక్కడ కూడా బీజేపీ బలపడాలంటే హిందూ ఓట్లను తన వైపు తిప్పుకోవాలి. ఆ ప్రయత్నమే ఇప్పుడు ఏపీలో జరుగుతుందని అంటున్నారు.  కొంతకాలంగా హిందూ ఆలయాలపై జరుగుతున్న దాడులను ఖండిస్తున్న బీజేపీ.. జగన్ ను క్రిస్టియన్ సీఎం అంటూ విమర్శిస్తోంది. వైసీపీ నేతలేమో బీజేపీ హిందుత్వ పార్టీ అంటున్నారు. ఈ రకంగా హిందువులు అంటే బీజేపీకి ఓటెయ్యాలనే అభిప్రాయాన్ని తీసుకొచ్చే ప్రయత్నం జరుగుతోంది. క్రిస్టియన్, ముస్లిం ఓటర్లు ఎలాగూ ఎక్కువశాతం వైసీపీ వైపు ఉంటారు. ఇక మెజారిటీ హిందూ ఓట్లను రాబట్టి బీజేపీ బలపడాలని చూస్తోంది. అదే జరిగితే ఏపీలో టీడీపీ భవిష్యత్ ప్రశ్నార్థం అయ్యే పరిస్థితి ఉంది.   ఏపీలో వైసీపీ, బీజేపీ కుట్రలను గ్రహించడం వల్లే చంద్రబాబు కరోనాను కూడా లెక్క చేయకుండా జూలు విదిల్చారని చెబుతున్నారు. బీజేపీ, వైసీపీ పార్టీల కుట్రలో భాగంగానే ఆలయాలపై దాడులు జరుగుతున్నాయని టీడీపీ నేతలు ఆరోపిస్తున్నారు. టీడీపీని బలహీనం చేస్తే ఏపీలో తమకు అధికారం ఖాయమనే ఆలోచనలో బీజేపీ ఉందని చెబుతున్నారు. జగన్ కూడా తన ప్రధాన శత్రువు చంద్రబాబు కాబట్టి.. ముందు టీడీపీని పినిష్ చేయాలనే కుట్రతో కమలంతో కలిసి  ఈ స్కెచ్ వేశారనే చర్చ జరుగుతోంది. టీడీపీని బలహీనం  చేసిన తర్వాత బీజేపీ బలపడినా తనకు పెద్దగా నష్టం ఉండదనే భావనలో జగన్ ఉన్నారంటున్నారు. ఈ రెండు పార్టీల కుట్రలను గమనించడం వల్లే ఆరోగ్యం సహకరించకున్నా, కరోనా ఇంకా భయపెడుతున్నా.. టీడీపీని నిలబెట్టుకునేందుకు చంద్రబాబు రంగంలోకి దిగారనే చర్చ రాజకీయ వర్గాల్లో జరుగుతోంది. అందుకే ఓట్ల కోసం బీజేపీ, వైసీపీలు నీచానికి దిగజారి మత రాజకీయాలు చేస్తున్నాయనే విషయాన్ని జనంలోకి తీసుకెళ్లేందుకు చంద్రబాబు ప్రయత్నిస్తున్నారని ఏపీ తమ్ముళ్లు చెబుతున్నారు.   ఏపీలో జరుగుతున్న పరిణామాలపై జనాలు కూడా ఆగ్రహంగా ఉన్నారు. ఓట్ల కోసం మత రాజకీయాలు , ఆలయాలపై దాడులు జరుగుతున్నాయన్న ప్రచారంతో వారంతా ఆందోళనకు గురవుతన్నారు. స్వార్ధ రాజకీయాల కోసం ప్రశాంతంగా ఉన్న ఆంధ్రప్రదేశ్ ను రావణాకాష్టంలా మారుస్తున్నారని జనాలు మండిపడుతున్నారు. చంద్రబాబు పాలనలో రాష్ట్రం ఎంతో సేఫ్ గా ఉండేదని, జగన్ రెడ్డి పాలనతో రాష్ట్రం అల్లకల్లోలం అవుతుందని ఆవేదన వ్యక్తం చేస్తున్నారు. బీజేపీ, వైసీపీ కుట్రలను తిప్పికొట్టేందుకు టీడీపీకి మద్దతు ఇవ్వాలనే ఆలోచన కూడా ఏపీ జనాల్లో వ్యక్తమవుతోందని రాజకీయ అనలిస్టులు చెబుతున్నారు.   
'విభజించు.. ఓట్లు పట్టు' అనే సిద్ధాంతంతో జాతీయ పార్టీ బీజేపీ ఆంధ్రప్రదేశ్ లో బలపడాలని చూస్తోందా?.. హిందుత్వ కార్డునే పెట్టుబడిగా భావిస్తోందా?.. గత కొంతకాలంగా ఆంధ్రప్రదేశ్ లో జరుగుతున్న పరిణామాలు చూస్తుంటే అవుననే అనిపిస్తోంది. ఏపీలో వైసీపీ అధికారంలోకి వచ్చిన తరువాత ఇటీవల కాలంలో హిందూ ఆలయాలపై వరుసగా దాడులు జరుగుతున్నాయి. పలు ఆలయాల్లో దేవుళ్ల విగ్రహాలను దుండగులు ధ్వంసం చేశారు. అంతర్వేది రథం దగ్ధం, కనకదుర్గ అమ్మవారి వెండి రథం సింహాలు మాయం వంటి ఘటనలు జరిగాయి. తాజాగా విజయనగరం జిల్లా రామతీర్థం ఆలయంలో రాముడి విగ్రహం ధ్వంసం ఘటన వెలుగు చూసింది. ఇలా నిత్యం రాష్ట్రంలో ఏదోక ప్రాంతంలో హిందూ ఆలయాలపై దాడులు జరుగుతూనే ఉన్నాయి. దీంతో హిందువుల్లో వైసీపీ ప్రభుత్వంపై తీవ్ర వ్యతిరేకత వ్యక్తమవుతోంది. మరోవైపు, హిందుత్వ పార్టీగా ముద్రపడిన బీజేపీ.. హిందువుల తరఫున స్వరం వినిపిస్తూ.. హిందువులకు దగ్గరయ్యే ప్రయత్నం చేస్తోంది. ఇదంతా గమనిస్తోన్న రాజకీయ విశ్లేషకులు దీని వెనుక ఓ రాజకీయ ఎత్తుగడ ఉందని అభిప్రాయపడుతున్నారు. మతాలుగా ఓట్లను చీల్చి, వాటిని రెండు పార్టీలు పంచుకొని.. ఏపీలో టీడీపీని నిర్వీర్యం చేసే ప్రయత్నం జరుగుతుందని అంటున్నారు.   తెలంగాణలో గ్రేటర్ హైదరాబాద్ ఎన్నికల్లో అనుసరించిన వ్యూహాన్నే బీజేపీ ఏపీలో అమలు చేస్తున్నట్టు కనిపిస్తోంది. ఇటీవల జరిగిన గ్రేటర్ ఎన్నికల్లో మత రాజకీయాలు రాజ్యమేలాయి. మతపరమైన విమర్శలతో ఒకానొక సమయంలో బీజేపీ, ఎంఐఎం పార్టీల మధ్యనే అసలు పోటీ అన్న అభిప్రాయం వ్యక్తమైంది. బీజేపీ, ఎంఐఎం పార్టీలు హిందూ, ముస్లిం అంటూ మతపరమైన వ్యాఖ్యలు చేస్తూ రాజకీయ వేడి పుట్టించాయి. ఎంఐఎం నేత అక్బరుద్దీన్ ఒవైసీ అసందర్భంగా ఎన్టీఆర్, పీవీ ఘాట్ లపై వివాదాస్పద వ్యాఖ్యలు చేశారు. ముస్లిం మతానికి గానీ, పాతబస్తీ ప్రాంతానికి గానీ ఏమాత్రం సంబంధం లేని అంశాన్ని ఆయన తెరపైకి తీసుకొచ్చారు. ఆయనలా మాట్లాడిన నిమిషాల్లోనే పాతబస్తీపై సర్జికల్ స్ట్రైక్ చేస్తామంటూ తెలంగాణ బీజేపీ చీఫ్ బండి సంజయ్ స్పందించారు. ఇలా మత పరమైన విమర్శలతో గ్రేటర్ ఎన్నికల్లో రెండు పార్టీలు లబ్దిపొందాయి. ఎప్పటిలానే మెజారిటీ ముస్లిం ఓట్లు ఎంఐఎంకు పడగా.. గతంలో గ్రేటర్ లో 10-12 శాతం ఓట్లు సాధించిన బీజేపీ ఈసారి 35 శాతానికి పైగా ఓట్లు సాధించింది. దీన్నిబట్టే అర్థంచేసుకోవచ్చు హిందుత్వ కార్డు ఎంతలా పనిచేసిందో!. ఇతర పార్టీలకు వెళ్లాల్సిన హిందూ ఓట్లను రాబట్టడంలో బీజేపీ సక్సెస్ అయింది. ఇలా బీజేపీ- ఎంఐఎం పార్టీలు 'పైకి శతృత్వం- లోపల మితృత్వం' అనే సినిమా చూపించి గ్రేటర్ లో కాంగ్రెస్, టీడీపీ లను నిర్వీర్యం చేశాయనే అభిప్రాయం వ్యక్తమవుతోంది. బీహార్ అసెంబ్లీ ఎన్నికల్లో పోటీ చేసి పరోక్షంగా బీజేపీ కూటమి విజయానికి కారణమైన ఎంఐఎం.. గ్రేటర్ ఎన్నికల్లో మత పరమైన వ్యాఖ్యలతో బీజేపీకి లబ్ది చేకూర్చిందని అంటున్నారు.   గ్రేటర్ హైదరాబాద్ ఎన్నికల వ్యూహాన్నే ఏపీలో వైసీపీతో కలిసి బీజేపీ అమలు చేస్తుందని అంటున్నారు. గ్రేటర్ లో ఎలాగైతే మెజారిటీ ముస్లిం ఓటర్లు ఎంఐఎం వైపు ఉంటారో.. అలాగే ఏపీలో మెజారిటీ క్రిస్టియన్, ముస్లిం ఓటర్లు వైసీపీ వైపు ఉంటారు. ఇక్కడ కూడా బీజేపీ బలపడాలంటే హిందూ ఓట్లను తన వైపు తిప్పుకోవాలి. ఆ ప్రయత్నమే ఇప్పుడు ఏపీలో జరుగుందని అంటున్నారు. ఇన్నేళ్ల ఏపీ చరిత్రలో ఇలా హిందూ ఆలయాలపై వరుసగా దాడులు జరిగిన దాఖలాలు ఎప్పుడూ లేవు. కేవలం కొద్ది నెలలుగానే ఏపీలో ఆలయాలపై వరుసగా దాడులు జరుగున్నాయి. దీంతో దీనివెనుక రాజకీయ కోణం ఉందన్న అనుమానాన్ని రాజకీయ విశ్లేషకులు వ్యక్తం చేస్తున్నారు. కొంతకాలంగా హిందూ ఆలయాలపై జరుగుతున్న దాడులను ఖండిస్తున్న బీజేపీ.. జగన్ ను క్రిస్టియన్ సీఎం అంటూ విమర్శిస్తోంది. వైసీపీ నేతలేమో బీజేపీ హిందుత్వ పార్టీ అంటున్నారు. ఓ రకంగా హిందువులు అంటే బీజేపీకి ఓటెయ్యాలనే అభిప్రాయాన్ని తీసుకొచ్చే ప్రయత్నం జరుగుతోంది. తద్వారా గ్రేటర్ లో బీజేపీ, ఎంఐఎం ఎలాగైతే హిందూ, ముస్లిం అంటూ లబ్దిపొందాయో.. అలాగే ఏపీలో బీజేపీ, వైసీపీ లబ్దిపొందే ప్రయత్నం చేస్తున్నాయన్న అభిప్రాయం వినిపిస్తోంది. క్రిస్టియన్, ముస్లిం ఓటర్లు ఎలాగూ ఎక్కువశాతం వైసీపీ వైపు ఉంటారు. ఇక మెజారిటీ హిందూ ఓట్లను రాబట్టి బీజేపీ బలపడాలని చూస్తోంది. అదే జరిగితే ఏపీలో టీడీపీ భవిష్యత్ ప్రశ్నార్థం అయ్యే పరిస్థితి ఉంది. బీజేపీ, ఎంఐఎం పార్టీల 'మితృత్వం లాంటి శతృత్వంతో' గ్రేటర్ లో కాంగ్రెస్ ఎలా బలి అయిందో.. బీజేపీ, వైసీపీల మితృత్వం లాంటి శతృత్వంతో ఏపీలో టీడీపీ బలైపోయినా ఆశ్చర్యం లేదని విశ్లేషకులు అంటున్నారు.
రాత్రికి రాత్రే కోటీశ్వరులు కావొచ్చా? కొన్ని గంటల్లోనే వందల కోట్ల రూపాయలు సంపాదించడం సాధ్యమా?. మాములుగా అయితే ఎవరికి ఇది సాధ్యం కాదు. కాని రాజకీయ నేతలకైతే అది చిన్న పనిగానే ఉంటుందట. అధికారంలో ఉన్న నేతకు సన్నిహితంగా ఉంటే ఇంకా ఈజీనట. పాలించే నేతకు దగ్గరి బంధువైతే ఇక తిరుగేలేదట. రాత్రికి రాత్రే వందల కోట్ల రూపాయలు ఇట్టే స్వాహా చేయవచ్చట. ఇందుకు పెద్దగా కష్టపడాల్సిన పని కూడా లేదట. మాయా మశ్చీంద్రలు చేయాల్సిన అవసరం రాదట. అలా పలకగానే ఇలా  డబ్బులు వచ్చిపడటానికి అల్లావుద్దీన్ అద్బుత దీపం ఉండాల్సిన అవసరం కూడా లేదట. కేవలం అధికారాన్ని ఉపయోగించి అక్రమ మార్గంలో నిమిషాల్లో  వందల కోట్ల రూపాయలు కొట్టేయవచ్చని తెలుస్తోంది.    తెలంగాణ రాజధాని హైదరాబాద్ ఇలాంటి దందాలకు అడ్డాగా మారిపోయిందని తెలుస్తోంది. హైదరాబాద్ కు మణిహారంగా ఉన్న అవుటర్ రింగ్ రోడ్డు చుట్టూ ఉన్న భూములపై కన్నేసిన బడాబాబులు.. అడ్డదారుల్లో వాటిని రాత్రికి రాత్రే సొంతం చేసుకుంటున్నారట. ఖరీదైన ఏరియాలో భూములున్న వ్యక్తులను గుర్తించి.. తమకున్న అధికారంతో వారిని భయపెట్టి, బెదిరింది లొంగదీసుకుంటున్నారట. అయినా వినకపోతే అ భూములపై వివాదం స్పష్టించి.. పోలీసుల కేసులతో వేధించి తమ దారికి తెచ్చుకుంటున్నారట. అత్యంత ఖరీదైన భూములను కారు చౌకగా వారి దగ్గర కొట్టేసి.. కొన్ని గంటల్లోనే అంతకు పదుల రెట్లకు అమ్ముకుంటూ వందల కోట్ల రూపాయలు సొమ్ము చేసుకుంటున్నారట. వినడానికి ఆశ్చర్యంగా ఉన్న ఇలాంటి ఘటన ఇటీవలే జరిగిందని తెలుస్తోంది. 2018 అసెంబ్లీ ఎన్నికల్లో ఓ ప్రముఖ పార్టీ నుంచి పోటీ చేసిన ఓ బడా వ్యాపారి కమ్ రాజకీయ నేతకే మైండ్ బ్లాక్ అయ్యిందట.    మేడ్చల్ జిల్లా పరిధిలో హైదరాబాద్ శివారు అవుటర్ రింగ్ రోడ్డుకు ఆనుకుని ఆ  బడా వ్యాపారవేత్తకు 3 వందల ఎకరాల భూమి ఉందట. ఆ భూములపై  అధికార పార్టీలోని ముఖ్య నేత బంధువు కన్ను పడిందట. ప్రజాప్రతినిధిగానూ ఉన్న ఆ బడా నేత.. అ వ్యాపారి భూముల కోసం కతర్నాక్ స్కెచ్ వేశారట. పోలీస్ పెద్దలతో కలిసి ఈ తతంగం నడిపించాడట ఆ దొరగారు. దీంతో  రాత్రికి రాత్రే కొత్త సీన్ క్రియేట్ అయిందట.  భూములపై వివాదం ఉందంటూ సదరు బిజినెస్ మెన్ కొడుకును తీసుకెళ్లి పోలీస్ స్టేషన్ లో కూర్చోబెట్టారట. తన కొడుకును పోలీసులు తీసుకెళ్లడంతో ఆ వ్యాపారి తనకున్న రాజకీయ పరిచయాలతో అన్ని ప్రయత్నాలు చేశారట. ఖమ్మం జిల్లాకు చెందిన అధికార పార్టీ ముఖ్య నేతలతోనూ చెప్పించారట. ప్రస్తుత ఎంపీ, మాజీ మంత్రి పోలీసుల పెద్దలతో మాట్లాడినా పని కాలేదట.  వ్యాపారి కొడుకును విడిపించేందుకు ఫోన్ చేసిన ప్రజా ప్రతినిధులకు పోలీసు బాస్ ల  నుంచి వచ్చిన ఒకే ఒక్క సమాధానం.. పై నుంచి ఆర్డర్స్ .. మేం ఏం చేయలేం. విషయం గ్రహించిన బాధిత వ్యాపారి.. చివరికి చేసేది లేక బడానేతతో డీల్ కు ఓకే చెప్పాడట.  వాళ్లు చెప్పినట్లే చేసి తన కొడుకును పోలీస్ స్టేషన్ నుంచి అర్దరాత్రి ఇంటికి తీసుకెళ్లాడట.     అర్ధరాత్రి ఆ  బడా రాజకీయ నేత జరిపిన ఈ  డీల్ ఎంతో తెలుసా. అక్షరాల రెండు వందల కోట్ల రూపాయలు. మీరు వింటున్నది నిజమే.. ఆక్కడ రాత్రికి రాత్రే జరిగిన డీల్ తో  200,00,00,000 రూపాయలు ఆ ముఖ్య నేతకు అప్పనంగా వచ్చేశాయట.  బాడా నేత కన్నుబడిన వ్యాపారికి సంబంధించిన భూమి విలువ ప్రస్తుత మార్కెట్ రేటు ప్రకారం ఎకరాకు మూడు కోట్ల రూపాయలు ఉందట. అయితే భూములను కాజేయాలనే స్కెచ్ వేసిన సదరు దొరగారు మాత్రం ఎకరాకి 70 లక్షల రూపాయలు మాత్రమే ఇస్తానని మొదట బేరం పెట్టాడట. పోలీసు పెద్దలు, వ్యాపారికి మద్దతుగా నిలిచిన ప్రజా ప్రతినిధుల చొరవతో చివరికి కోటి రూపాయల చొప్పున.. ఈ వ్యాపారికి 3 వందల కోట్లు విదిల్చాడట. కొడుకును విడిపించుకునేందుకు చేసేది లేక 9 వందల  కోట్ల రూపాయల విలువైన భూములను... కేవలం మూడు వందల కోట్లకు ఆ బడా నేతకు అప్పగించి బతుకు జీవుడా అంటూ ఆ వ్యాపారి తన కొడుకును తీసుకుని పోలీస్ చెర నుంచి , ఆ బడా నేత కబంద హస్తాల నుంచి బయటపడ్డాడట.     అత్యంత ఖరీదైన భూములను వ్యాపారి నుంచి అక్రమంగా సొంతం చేసుకున్న ఆ ముఖ్య నేత..  కొన్ని గంటల్లోనే మరో వ్యాపారికి ఆ భూమిని  అమ్మేశాడట. వ్యాపారికి ఎకరాకు కోటి రూపాయలు ముట్టచెప్పిన సదరు నేత..  ఐదు వందల కోట్ల రూపాయలకు ఆ భూమిని విక్రయించాడట.  అంటే సదరు నేత కేవలం కొన్ని గంటల్లోనే అక్షరాల రెండు వందల కోట్ల రూపాయలు నొక్కేశాడటన్న మాట. హైదరాబాద్ లో జరిగిన ఈ భూ దందా బాగోతం కేంద్రం పెద్దలకు కూడా చేరిందని తెలుస్తోంది. ఇటీవల ఢిల్లీ వెళ్లి కేంద్ర పెద్దలను కలిసిన రాష్ట్ర పెద్దకు ... ఈ డీల్ వివరాలు చూపించి చుక్కలు చూపించారట కేంద్రం పెద్దలు. ఇంతటి అరాచకాలు జరుగుతుంటో ఏం చేస్తున్నారని క్లాస్ పీకారట. అసలు రాష్ట్రంలో ఏం జరుగుతుందని కూడా  ప్రశ్నించినట్లు తెలుస్తోంది. ఈ డీల్ కు సంబంధించిన వివరాలను కేంద్రం పెద్దలు టేబుల్ పై ఉంచి ప్రశ్నించడంతో.. ఆ రాష్ట్ర పెద్ద నేత సమాధానం చెప్పుకోలేక దిక్కులు చూశారని తెలుస్తోంది.    వినడానికే వింతగా, ఏదో మాయ జరిగినట్లుగా అనిపిస్తున్నఈ ఘటన..  హైదరాబాద్ శివారులో  జరుగుతున్న అక్రమ భూదందాకి  సాక్ష్యంగా నిలుస్తోంది. మాములుగా సినిమాల్లో మనం ఇలాంటి సీన్లు చూస్తుంటాం. తనకు నచ్చిన భూమి కనిపిస్తే చాలు విలన్లు కబ్జా చేసేస్తుంటారు. బలవంతంగా తమకు నచ్చిన రేటుకే కొనుగోలు చేస్తుంటారు. భూ యజమానులు వినకపోతే .. అతన్నో, అతని కుటుంబ సభ్యులనే కిడ్నాప్ చేసి ల్యాండ్ డాక్యుమెంట్లపై బలవంతంగా సంతకాలు చేయించుకుంటూ ఉంటారు. పోలీసులతో కుమ్మక్కై సెటిల్ మెంట్లు చేసుకుంటారు.  అయితే అలా జరగడం సినిమాల్లోనే  సాధ్యమనే భావనే జనాల్లో ఉంటుంది. సినిమాల్లోనే కాదు రియల్ లైఫ్ లోనూ  ఇలాంటి షాకింగ్ ఘటనలు జరుగుతాయని తాజా ఘటనతో  తెలుస్తోంది.  రాజకీయాలతో మంచి సంబంధాలు ఉన్న , ఎన్నికల్లోనూ పోటీ చేసిన వ్యాపారికే దిక్కు లేకుండా ఉంటే ..  మిగితావాళ్ల  పరిస్థితి ఎంత భయంకరంగా ఉందో ఊహించవచ్చు. గ్రేటర్ హైదరాబాద్ శివారులో జరిగిన ఈ భూ మాయాజాలం  ఘటన ఇప్పుడు తెలంగాణ ప్రభుత్వంలో కలవరం రేపుతుందని తెలుస్తోంది.
తెలంగాణ రాజకీయాలను హీటెక్కించిన గ్రేటర్ హైదరాబాద్ మున్సిపల్ కార్పొరేషన్ ఎన్నికల సమరం ముగిసింది. ఫలితం కూడా వచ్చేసింది. కాని ఇంకా కొత్త బల్దియా కొత్త పాలక మండలి కొలువు దీర లేదు. ప్రస్తుత పాలక మండి గడువు వచ్చే ఫిబ్రవరి వరకూ ఉంది. దీంతో గ్రేటర్ లో అనుకున్న ఫలితాలు సాధించని అధికార పార్టీ.. కొత్త పాలక మండలి ఏర్పాటుపై ఆచితూచి స్పందిస్తోంది. ఫిబ్రవరి వరకూ పాత టీమ్ నే కొనసాగించే ప్రయత్నం చేస్తోంది. ఇదే ఇప్పుడు జీహెచ్ఎంసీలో పెద్ద సమస్యగా మారింది. తాజా ఎన్నికల్లో ఓడిపోయిన సిట్టింగ్ కార్పొరేటర్లు అక్రమ దందాలకు తెర తీశారని తెలుస్తోంది. ఎన్నికల్లో ఓడిపోయామనే కసితో ఉన్న పాత కార్పొరేటర్లు.. తమకు మరో రెండు నెలలు అధికారం ఉండటంతో రెచ్చిపోతున్నారట. అందినకాడికి దోచుకుంటున్నారట. ఎన్నికల్లో తమకు వ్యతిరేకంగా పని చేశారనే అనుమానం ఉన్న వ్యక్తులను కావాలనే టార్గెట్ చేస్తున్నారని తెలుస్తోంది. తమకు సహకరించే అధికారులతో కలిసి తమ ప్రత్యర్థులను ఇబ్బంది పెట్టాలని పాత కార్పొరేటర్లు ప్రయత్నాలు చేస్తున్నారనే ఆరోపణలు వస్తున్నాయి.    డివిజన్లలో పాత కార్పొరేటర్లు, కొత్తగా గెలిచిన కార్పొరేటర్ల మధ్య పంచాయితిలు జరుగుతున్నాయి. టీఆర్ఎస్ అభ్యర్థులు గెలిచిన చోట ఈ సమస్య లేదు. పాతబస్తిలో తన స్థానాలను ఎంఐఎం నిలుపుకుంది కాబట్టి అక్కడ కూడా పెద్ద ఇబ్బంది లేదు. కాని బీజేపీ, కాంగ్రెస్ అభ్యర్థులు గెలిచిన డివిజన్లలో మాత్రం ఇలాంటి గొడవలు ముదురుతున్నాయి. ఫిబ్రవరి వరకూ తమదే అధికారమని టీఆర్ఎస్ పాత కార్పొరేటర్లు చెబుతుండగా.. ఎన్నికల్లో గెలిచిన తమకే ఆ అధికారం ఉంటుందని విపక్ష నేతలు వాదిస్తున్నారు. పాత, కొత్త కార్పొరేటర్ల మధ్య గొడవలతో బల్దియా అధికారులు నలిగిపోతున్నారని తెలుస్తోంది. బీజేపీ కార్పొరేటర్లు ఎక్కువగా గెలిచిన ఎల్బీన‌గ‌ర్, గోషామ‌హ‌ల్, ముషీరాబాద్ , సనత్ నగర్, అంబర్ పేట, రాజేంద్రనగర్ నియోజకవర్గాల్లో ఈ సమస్య తీవ్రంగా ఉంది.    ఎల్బీన‌గ‌ర్ నియోజ‌క‌వ‌ర్గంలో మొత్తం11 డివిజ‌న్లు ఉండ‌గా .. అన్ని డివిజ‌న్లను బీజేపీ గెలుచుకుంది . 2016 ఎన్నిక‌ల్లో ఇక్కడ టీఆర్ఎస్ క్లీన్ స్విప్ చేసింది. ఇక్కడ టీఆర్ఎస్‌కు ఎమ్మెల్యే సుధీర్ రెడ్డి ఉండటంతో ఆయన పాత కార్పొరేటర్లకు మద్దతుగా ఉంటున్నారు. దీంతో బీజేపీ నుంచి గెలిచిన కార్పొరేట‌ర్లు ఆగ్రహం వ్యక్తం చేస్తున్నారు. ప్రజలు ఓడించిన కార్పొరేటర్లు ఇంకా డివిజన్ లో పెత్తనం చేయడమేంటని వారు ప్రశ్నిస్తున్నారు. ముషిరాబాద్ నియోజ‌క‌వ‌ర్గంలోనూ ఇదే ప‌రిస్థితి ఉంది. 2016 లో నియోజ‌క‌వ‌ర్గంలోని 6 డివిజ‌న్లకు 5 డివిజ‌న్లను టీఆర్ఎస్, ఒక డివిజ‌న్ ను ఎంఐఎం కైవ‌సం చేసుకున్నాయి. ఇటీవ‌ల జ‌రిగిన ఎన్నిక‌ల్లో 5 డివిజ‌న్లను బీజేపీ గెలుచుకోగా ఒక డివిజ‌న్ ను ఎంఐఎం నిల‌బెట్టుకుంది. ఇక్కడ కూడా అధికార పార్టీకి చెందిన ఎమ్మెల్యే ఉన్నారు. దీంతో డివిజన్లలో పెత్తనం కోసం పాత కార్పొరేట‌ర్లకు, కొత్త కార్పొరేట‌ర్లకు అధికారం కోసం ఆదిప‌త్య పోరు జరుగుతోంది. ఎమ్మెల్యే అండతో అధికార పార్టీ పాత కార్పొరేటర్లే అభివృద్ది కార్యక్రమాలు నిర్వహిస్తున్నారు.    గోషామ‌హ‌ల్ నియోజ‌క‌వ‌ర్గంలో ఈ గొడవ తారా స్థాయికి చేరింది. గోషా మహల్ నియోజకవర్గంలో ఆరు డివిజ‌న్లు ఉండ‌గా తాజా ఎన్నిక‌ల్లో బీజేపీ ఐదు డివిజ‌న్లను కైవ‌సం చేసుకుంది. ఇక్కడ ఎమ్మెల్యే బీజేపీ పార్టీకి చెందిన రాజాసింగ్ ఉన్నారు. 2016 లో జ‌రిగిన ఎన్నిక‌ల్లో ఇక్కడి నుంచి ముగ్గురు టీఆర్ఎస్ కార్పొరేట‌ర్లు ఉన్నారు. దీంతో రెండు పార్టీల మ‌ధ్య యుద్ధం జ‌రుగుతోంది. పాత కార్పొరేట‌ర్లు బ‌స్తీల్లో పెండింగ్ లో ఉన్న ప‌నులు చేయించ‌డం, ఓడిపోయినా ప్రజల్లో తిరుగుతుండటాన్ని కొత్త కార్పొరేట‌ర్లు జీర్ణించుకోలేకపోతున్నారు. ఎమ్మెల్యే రాజా సింగ్... సర్కిల్ పరిధిలోని జీహెచ్ఎంసీ అధికారులతో సమావేశమై కొత్తగా గెలిచిన కార్పొరేటర్లకే సహకరించాలని ఆదేశించారనే ప్రచారం జరుగుతోంది. అంబర్ పేట, సనత్ నగర్, రాజేంద్రనగర్ నియోజకవర్గాల్లోనూ మెజార్టీ డివిజన్లు బీజేపీ గెలుచుకుంది. ఇక్కడ కూడా ఇదే సమస్య ఉందంటున్నారు.     ఈసారి అధికార పార్టీ దాదాపు 25 మంది సిట్టింగులను మార్చి కొత్త వారికి అవకాశం ఇచ్చింది. వారిలో కొందరు విజయం సాధించారు. ఇక్కడ కూడా కొత్త, పాత కార్పొరేటర్ల మధ్య రగడ జరుగుతుందట. టికెట్ రాని కొందరు వేరే పార్టీలోకి పోగా.. ఇంకొందరు అధికార పార్టీలో ఉన్నారు. అయితే పాత కార్పొరేటర్ అధికార పార్టీలోనే ఉన్నా.. కొత్తగా గెలిచిన తన పార్టీ నేతలకు వారు సహకరించడం లేదటా. ఈ గొడవతో ప్రజలు కూడా ఇబ్బందులు పడుతున్నారని తెలుస్తోంది. తమ సమస్యలు చెప్పుకోవడానికి పాత కార్పొరేటర్ దగ్గరికి వెళ్లాకా లేక కొత్తగా గెలిచిన నేత దగ్గరకు వెళ్లాలో తెలియక ఇబ్బందులు పడుతున్నారట. కొత్త పాలక మండలి ఏర్పడే వరకు ఈ సమస్యలు తప్పవని భావిస్తున్నారు. ప్రభుత్వమే దీనిపై క్లారిటీ ఇస్తే బెటరని ప్రజలు కోరుకుంటున్నారు.
తెలంగాణలో ఖాళీగా ఉన్న దాదాపు 50 వేల ఉద్యోగాలను భర్తీ చేస్తామని ప్రకటించారు ముఖ్యమంత్రి కేసీఆర్. వివిధ శాఖల్లో ఉన్న ఖాళీల నియమాకాలకు వెంటనే నోటిఫికేషన్లు ఇవ్వాలని ఉన్నతాధికారులను ఆదేశించారు. ఎక్కడైన ఉద్యోగ ప్రకటన వస్తే నిరుద్యోగులు సంతోషపడతారు. ఖాళీలు భర్తీ చేస్తామన్న సర్కార్ కు కృతజ్ఞతలు చెబుతారు. కాని తెలంగాణ రాష్ట్రంలో మాత్రం సీన్ రివర్స్ గా ఉంది. ముఖ్యమంత్రే స్వయంగా ఉద్యోగ ప్రకటన చేసినా నిరుద్యోగులు మండిపడుతున్నారు. విద్యావేత్తలు అనుమానాలు వ్యక్తం చేస్తున్నారు. సీఎం ప్రకటనను జనాలు కూడా నమ్మడం లేదు. తమను సీఎం మోసం చేస్తున్నారంటూ ఆగ్రహం వ్యకం చేస్తున్నారు ఉద్యోగాల కోసం ప్రీపేరవుతున్న అభ్యర్థులు. ఓట్ల కోసం మరోసారి కుట్రలు చేస్తున్నారని ఆరోపిస్తున్నారు.    ఉద్యోగ నియామకాలపై సీఎం కేసీఆర్ చెప్పినా నిరుద్యోగుల నుంచి వ్యతిరేకత రావడానికి బలమైన కారణాలే ఉన్నాయి. ఉద్యోగ ఖాళీల భర్తీపై ముఖ్యమంత్రే ప్రకటన పలు అనుమానాలకు తావిస్తోంది. ముఖ్యంగా జోనల్ కేడర్ తేల్చకుండా పోస్టులను ఎలా నియమిస్తారన్న ప్రశ్న అన్ని వర్గాల నుంచి వస్తోంది. రాష్ట్రంలో జోన్ల సమస్య ఇంకా పరిష్కారం కాలేదు. ఉమ్మడి రాష్ట్రంలో ఉన్న జోన్లను పునర్ వ్యవస్థికరిస్తూ కేసీఆర్ సర్కార్ తీసుకున్న విధాన పరమైన నిర్ణయం ఇంకా కొలిక్కి రాలేదు. దీంతో రాష్ట్రంలో మల్జీ జోనలో పోస్టులేంటీ, జోనల్ పోస్టులేంటీ, డిస్ట్రిక్ లెవల్ కేడర్ ఏంటో తేలలేదు. ప్రెసిడెన్షియల్ రూల్ ప్రకారం ఉండాల్సిన పోస్టుల సంగతి తేలలేదు. జోనల్ సిస్టమ్ లో క్లారిటీ లేకనే.. కేసీఆర్ సర్కార్ ఇంతవరకు గ్రూప్ వన్ నోటిఫికేషన్ ఇవ్వలేదు. గ్రూప్ 2 ఇచ్చి కొన్ని పోస్టులకు నియామక ప్రక్రియను చేపట్టినా.. వారికి ఇంకా పోస్టింగ్ ఇవ్వలేదు. జోనల్ , మల్జీ జోనల్ కేడర్ విషయంలో క్లారిటీ లేకపోవడంతో ఉద్యోగం వచ్చి  ఏండ్లు గడుస్తున్నా కొలువులో చేరలేకపోతున్నారు గ్రూప్ 2 విజేతలు.     జోన్ల ఇష్యూ పరిష్కరించకుండా జేఎల్,డీఎల్ వాంటి ఉద్యోగాల భర్తీ అసాధ్యం. అందుకే ముఖ్యమంత్రి కేసీఆర్ ఉద్యోగ ప్రకటనపై విద్యా వేత్తలు, నిరుద్యోగ అభ్యర్థులు మండిపడుతున్నారు. జోన్లపై సర్కార్ క్లారిటీ ఇవ్వకుండా ఉద్యోగాలు భర్తీ చేస్తామని ముఖ్యమంత్రి ప్రకటించిడం మోసపూరితమేనని వారంతా ఆరోపిస్తున్నారు. ఇవేవి తేల్చకుండా సర్కార్ ముందుకు పోయినా.. ఎవరో ఒకరు కోర్టుకు వెళితే నియామక ప్రక్రియ ఆగిపోవడం ఖాయమంటున్నారు.  తెలంగాణ వచ్చాకా కేసీఆర్ సర్కార్ నిర్వహించిన పరీక్షల్లో చాలా వరకు కోర్టు కేసులతోనే నిలిచిపోయిన విషయాన్ని నిరుద్యోగులు గుర్తు చేస్తున్నారు. ఇదే విషయాన్నిప్రస్తావిస్తూ ప్రభుత్వంపై నిరుద్యోగ అభ్యర్థులు ఫైరవుతున్నారు. పోలీసు నియామకాల్లోనూ జోనల్ సిస్టమ్ పెద్ద సమస్యగా మారింది. డీఎస్పీ, సీఐ పోస్టులపై స్పష్టత రాక ఉన్నతాధికారులు తలలు పట్టుకుంటున్నారు, ఈ సమస్య వల్లే పోలీస్ శాఖలో చాలా కాలంగా ప్రమోషన్లు నిలిచిపోయాయని చెబుతున్నారు. 2018 అసెంబ్లీ ఎన్నికలకు ముందు నిర్వహించిన ఎస్ఐ, కానిస్టేబుల్ నియామకాల్లో అర్హులుగా ఎంపికై ట్రైనింగ్ పూర్తి చేసుకున్నవారికి కూడా ఇంకా పోస్టింగులు ఇవ్వడం లేదు.    ఇక కేసీఆర్ ప్రకటించిన ఉపాద్యాయ పోస్టుల నియామకంలో పెద్ద గందరగోళమే ఉంది.  టీచర్ పోస్టుకు కనీస అర్హత అయిన టెట్  ఎగ్జామ్ నిర్వహించకుండా ఉపాధ్యాయ ఉద్యోగాల భర్తీ ఎట్లా అన్న చర్చ వస్తోంది.  తెలంగాణ రాష్ట్రం ఏర్పడిన ఆరేండ్లలో కేవలం రెండుసార్లే .. 2016 మే 22న, 2017 జులై 23న టెట్ నిర్వహించారు. ఒకసారి టెట్‌లో అర్హత సాధించిన అభ్యర్థికి ఏడేండ్ల వరకు కాల పరిమితి ఉంటుంది. ఆ గడువు దాటితే మళ్లీ టెట్‌ పరీక్ష రాయాలి. ఎన్‌సీటీఈ నిబంధనల ప్రకారం ఏటా రెండుసార్లు నిర్వహించాలి. కాని తెలంగాణ విద్యాశాఖ మాత్రం తాము ఏడాదికి ఒక్కసారే నిర్వహించేలా 2015లో ఉత్తర్వులు జారీ చేసింది. ఆ ప్రకారమైనా 2018, 2019, 2020లో మూడు సార్లు నిర్వహించాల్సి ఉన్నా పరీక్ష జరపలేదు.  ఇప్పటికే గడువు తీరిన ఐదు లక్షల మంది అభ్యర్థులు టెట్ కోసం ఎదురు చూస్తున్నారు. టెట్ నిర్వహించని కారణంగా 2018, 2019, 2020లో బీఈడీ, టీటీసీ పూర్తి చేసిన అభ్యర్థులు టెట్ రాయలేదు. మొత్తంగా ఆరేడు లక్షల మంది బీఈడీ పూర్తి చేసిన నిరుద్యోగులు.. సర్కార్ ఎగ్జామ్ పెట్టకపోవడం వల్ల టెట్ కు దూరమయ్యారు. ఇప్పుడు ప్రభుత్వం టీఆర్టీ నిర్వహిస్తే..  వీరంతా ఆ పరీక్ష రాసే అవకాశం కోల్పోతారు. ఇలాంటి పరిస్థితుల్లో వెంటనే టీచర్ల పోస్టుల నియామకం జరగడమన్నది జరిగే పని కాదంటున్నారు విద్యా రంగ నిపుణులు, నిరుద్యోగ అభ్యర్థులు.    తెలంగాణ ఏర్పాటు తర్వాత డీఎస్సీని ప్రభుత్వం టీచర్ రిక్రూట్ మెంట్ గా మార్చేసింది. టీఎస్ పీఎస్సీ ద్వారా ఒక్కసారే టీచర్ పోస్టులను భర్తీ చేసింది. రాష్ట్ర వ్యాప్తంగా 8,792 టీచర్ పోస్టుల భర్తీకి 2017, అక్టోబర్‌ 21న టీఆర్టీ నోటిఫికేషన్‌ ఇవ్వగా కోర్టు కేసులు, ఇతరత్రా కారణాలతో నియామక ప్రక్రియలో  జాప్యం జరిగింది. అనేక ఆందోళనల అనంతరం పోస్టులను ప్రభుత్వం భర్తీ చేసింది. గత ఆరేండ్ల లో వేలాది మంది టీచర్లు రిటైర్డ్ అయినప్పటికీ మళ్లీ టీఆర్టీ నోటిఫికేషన్ ఇవ్వలేదు. జాతీయ ఉపాధ్యాయ విద్యామండలి టెట్‌ స్కోర్‌ కాలపరిమితిని ఏడేళ్లకు బదులు జీవితకాలం ఉండేలా ఇటీవలే నిర్ణయించింది. అయితే ఇక నుంచి టెట్‌ రాసి, ఉత్తీర్ణులయ్యే అభ్యర్థులకే ఇది వర్తిస్తుంది. ఇప్పటికే ఉత్తీర్ణులైన వారికి న్యాయనిపుణుల సలహా తీసుకొని దాన్ని పాటిస్తామని ఎన్‌సీటీ ప్రకటించింది. కాని దానిపై ఇంకా తుది నిర్ణయం రాలేదు. అది వస్తే గాని తెలంగాణలో డీఎస్సీ నిర్వహించడం కుదరదు. టీఆర్టీ పెట్టే ఉద్దేశం లేకనే ప్రభుత్వం అంతకాలం టెట్ ను నిర్వహించడం లేదనే విమర్శలు వినిపిస్తున్నాయి. టెట్ లేకుండానే  సర్కార్ టీఆర్టీ నోటిఫికేషన్ వేస్తే..  ఎవరో ఒకరు కోర్టుకు వెళ్లడం ఖాయం. అదే జరిగితే టీచర్ పోస్టుల నియామక ప్రక్రియ ఆగిపోతుందని నిరుద్యోగులు చెబుతున్నారు.    ఉద్యోగ నియామకాలకు సంబంధించిన ఇన్ని జటిలమైన అంశాలు ఉన్నా కేసీఆర్ మాత్రం.. త్వరలోనే నోటిఫికేషన్లంటూ మోసం చేస్తున్నారని నిరుద్యోగులు ఆగ్రహం వ్యక్తం చేస్తున్నారు. త్వరలో జరగనున్న రెండు ఎమ్మెల్సీ ఎన్నికలను దృష్టిలో పెట్టుకొని నిరుద్యోగుల ఓట్ల కోసమే తాజా ప్రకటన వచ్చిందనే ఆరోపణలు వస్తున్నాయి. నిరుద్యోగులు, యువత టీఆర్ఎస్ సర్కార్ పై తీవ్ర ఆగ్రహంగా ఉన్నారనే ప్రచారం ఉంది. ఈ నేపథ్యంలో పట్టభద్రుల ఎమ్మెల్సీ ఎన్నికల్లో వారంతా అధికార పార్టీకి వ్యతిరేకంగా ఉండనున్నారని తెలుస్తోంది. అందుకే కేసీఆర్  ఉద్యోగ ప్రకటనల పేరుతో నిరుద్యోగులను, జనాలను మభ్య పెట్టే ప్రయత్నం చేస్తుందనే ఆరోపణలే ఎక్కువగా వస్తున్నాయి. ఓట్ల కోసం కుట్రలు చేస్తూ నిరుద్యోగులతో ఆటలాడవద్దని సీఎం కేసీఆర్ కు కొందరు హెచ్చరిస్తున్నారు.
రోమ్ నగరం తగలబడుతుంటే నీరో చక్రవర్తి ఫిడేల్ వాయించాడట. తెలంగాణలో కాంగ్రెస్ నాయకుల పరిస్థితి కూడా అచ్చం అలానే ఉంది. వరుస పరాజయాలతో పార్టీ భవిష్యతే ఆగమ్యగోచరంగా తయారైనా.. హస్తం నేతల తీరు మాత్రం మారడం లేదు. ఉత్తమ్ కుమార్ రెడ్డి రాజీనామాతో ఖాళీ అయిన పీసీసీ చీఫ్ పదవి కోసం వర్గ పోరుకు తెర తీశారు. పార్టీ ప్రస్తుతం ఉన్న గడ్డు పరిస్థితుల్లో ఏకాభిప్రాయంతో పీసీసీ చీఫ్ ను ఎన్నుకోవాల్సింది పోయి.. బల ప్రదర్శనకు దిగారనే చర్చ కాంగ్రెస్ కేడర్ లో జరుగుతోంది. తనకు రాకపోయినా ఫర్వాలేదు గానీ ఫలానా వ్యక్తికి రావద్దని అడ్డుకునే ప్రయత్నాలు కొందరు చేస్తుంటే.. తనకు ఇవ్వకుంటే పార్టీకి రాజీనామా చేస్తానని మరికొందరు బ్లాక్ మెయిల్ రాజకీయాలు చేస్తున్నారట.   కాంగ్రెస్ నేతల తీరుతో పార్టీ రాష్ట్ర వ్యవహారాల ఇంచార్జ్ మాణిక్కం ఠాగూర్ నాలుగు రోజుల పాటు గాంధీభవన్ లో కూర్చుని కసరత్తు చేసినా పీసీసీ అధ్యక్ష ఎంపిక కొలిక్కి రావడం లేదని తెలుస్తోంది. ఈ నెల 9న టీపీసీసీ కోర్‌ కమిటీ సభ్యులతో ప్రారంభమైన అభిప్రాయ సేకరణ శనివారం వరకు జరిగింది. పార్టీ నుంచి పోటీచేసిన ఎమ్మెల్యే అభ్యర్థుల నుంచీ టీపీసీసీ ప్రధాన కార్యదర్శులు, అనుబంధ సంఘాలు, డీసీసీ అధ్యక్షులు, కంటెస్టెడ్‌ ఎంపీ అభ్యర్థుల నుంచి ఠాగూర్‌ విడివిడిగా అభిప్రాయాలను తీసుకున్నారు. టీపీసీసీ రేసులో ముందు చాలా మంది నేతల పేర్లు వినిపించినా.. చివరకు మాత్రం ఎంపీలు కోమటిరెడ్డి వెంకట్ రెడ్డి, రేవంత్ రెడ్డి మధ్యే నువ్వానేనా అన్నట్లుగా పోటీ ఉందని చెబుతున్నారు. పార్టీ నేతలు కూడా రెండు వర్గాలుగా విడిపోయారంటున్నారు. ఎవరూ పట్టు వీడకపోవడంతో ఏకాభిప్రాయం సాధించడంలో మాణిక్కం ఠాగూర్ కూడా చేతులెత్తేశారనే చర్చ గాంధీభవన్ లో జరుగుతోంది. ఎటూ తేలకపోవడంతో ఆయన కూడా ఢిల్లీకి వెళ్లిపోయారు. ఏఐసీసీ నివేదిక ఇచ్చి తప్పించుకునే ఆలోచనలో మాణిక్కం ఠాగూర్ ఉన్నట్లు చెబుతున్నారు.    యథా లీడర్ తథా కేడర్ అన్నట్లుగా కాంగ్రెస్ కార్యకర్తలు కూడా అలానే తయారయ్యారు. తమ నేతకే పీసీసీ పగ్గాలివ్వాలంటూ సోషల్ మీడియాలో ఊదరగొడుతున్నారు. తమ నేతకు పీసీసీ పగ్గాలు ఇవ్వాలని కోరుకోవడంలో తప్పు లేదు కాని.. పీసీసీ రేసులో ఉన్న ఇతర కాంగ్రెస్ నేతలను వారు టార్గెట్ చేస్తున్నారు. గత నాలుగు రోజులుగా సోషల్ మీడియాలో ఇదే రచ్చ జరుగుతోంది. కాంగ్రెస్ కార్యకర్తలు కోమటిరెడ్డి, రేవంత్ రెడ్డి వర్గాలుగా విడిపోయి పోటాపోటీ పోస్టులు పెట్టుకుంటున్నారు. ఒకరికొకరు వాదనకు దిగుతూ తమ పార్టీ లోపాలను వారే బయట పెట్టుకుంటున్నారు. 33 డీసీసీల్లో 20 జిల్లా అధ్యక్షులు రేవంత్ రెడ్డికి మద్దతు ఇచ్చారని రేవంత్ గ్రూప్ ప్రచారం చేస్తే.. 23 జిల్లా అధ్యక్షులు వెంకట్ రెడ్డికి సపోర్ట్ చేశారని కోమటిరెడ్డి గ్రూప్ కౌంటర్ పోస్టులు పెడుతోంది. సీనియర్ నేతల మాదిరిగానే కార్యకర్తలు కూడా గ్రూపులుగా విడిపోవడంతో కాంగ్రెస్ నేతల్లో ఆందోళన వ్యక్తమవుతోంది.     పీసీసీ చీఫ్ మార్పు అంశం ప్రస్తావనకు వచ్చినప్పుడల్లా  కాంగ్రెస్ పార్టీలో నేతల మధ్య ఆధిపత్య పోరు బయటికి వస్తుంది. నేతల మధ్య మాటల యుద్ధం, గ్రూపు తగాదాలు, లుకలుకలు షరా మామూలే. సీనియర్ నేతలంతా పీసీసీ రేసులో నేనున్నాంటూ దరఖాస్తు చేసుకోవడం, లాబీయింగ్ చేసుకోవడం ఎప్పటి నుంచో చూస్తూనే ఉన్నాం. ఎవరికి ఇచ్చినా ఇంకొరికి కోపం. సహాయ నిరాకరణ, గ్రూపుల తగాదాలు. ఈ పరిస్థితుల్లో ఎవరికి ఇస్తే పార్టీ ఏమవుతుందోనని ఏఐసీసీకి భయం. సీనియారిటీ, సొంత పార్టీ వారికే అవకాశం ఇవ్వాలనే వాదన, రెడ్డి సామాజిక వర్గానికి బదులుగా బీసీలకు ఇవ్వాలనే డిమాండ్.. ఇలా అనేకం ఆ పార్టీ అధిష్ఠానానికి రాష్ట్ర పీసీసీ చీఫ్ మార్పు నెత్తిమీద కుంపటిలా తయారైందని చెబుతున్నారు. పార్టీ బలోపేతం, అధికారంలోకి రావడం వంటి విషయాలు కాంగ్రెస్ సీనియర్లకు పట్టడం లేదని, పదవుల కోసమే కీచులాడుతూ కార్యకర్తలను అయోమయానికి గురి చేస్తున్నారని కొందరు నేతలు అసహనం వ్యక్తం చేస్తున్నారు.    పార్టీ హైకమాండ్ కూడా త్వరగా పీసీసీ చీఫ్ ఎవరో తేల్చాలని, లేదంటే పార్టీ పరిస్థితి మరింత దిగజారుతుందనే ఆందోళన కొందరు కాంగ్రెస్ నేతల్లో వ్యక్తమవుతోంది. ఇప్పటికే చాలా మంది నాయకులు వెళ్లిపోయారని, మరికొందరు అదే బాటలో ఉన్నారంటున్నారు. ఇతర పార్టీలు నేతలను తన్నుకుపోవడానికి కాచుకుని ఉంటే.. పదవుల కోసం సీనియర్లు తగాదా పడటం ఎంత వరకు కరెక్ట్ అన్న అభిప్రాయం పార్టీ కార్యకర్తల నుంచి వస్తోంది. సీనియర్ నేతల తీరు మారకుంటే తెలంగాణలో కాంగ్రెస్ పార్టీ పరిస్థితి ఆంధ్రప్రదేశ్ లా మారిపోతుందని చెబుతున్నారు. తెలంగాణ ఇచ్చిన పార్టీగా ప్రజల్లో గుర్తింపు ఉన్నా నాయకుల అసమర్దత వల్లే పార్టీ అధికారంలోకి రాకపోయిందనే అభిప్రాయం కాంగ్రెస్ కార్యకర్తల నుంచి వస్తోంది.
మనిషి సాధించే విజయాలలో ఆత్మవిశ్వాసానిదే ముఖ్య పాత్ర. ఆ ఆత్మవిశ్వాసమే లేకపోతే, ఎంత ప్రతిభ ఉన్న ఫలితం గుండుసున్నాగా మిగిలిపోయే ప్రమాదం ఉంది. అందుకే ఈ పోటీ ప్రపంచంలో నిలదొక్కుకోవాలన్నా, తోటివారిని దాటుకుని దూసుకుపోవాలన్నా ఆత్మవిశ్వాసమే కీలకమంటూ వ్యక్తిత్వ వికాస నిపుణులంతా తెగ ఊదరగొట్టేస్తుంటారు. అయితే అతి సులభంగా ఆత్మవిశ్వాసాన్ని మెరుగుపరిచే చిట్కా ఒకదాన్ని పరిశోధకులు రూపొందించారు.   ఆత్మవిశ్వాసాన్ని కొలిచారు జపానులోని క్యోటో నగరానికి చెందిన పరిశోధకులు ఓ ప్రయోగాన్ని చేపట్టారు. ఇందులో భాగంగా వారు ఓ 17 మంది అభ్యర్ధులను ఎన్నుకొన్నారు. వీరితో చిన్నా చితకా పనులు చేయిస్తూ, ఆ సమయంలో వారి మెదడు పనితీరుని పరీక్షించారు. Decoded Neurofeedback అనే ఈ పరీక్ష ద్వారా వారు అభ్యర్థి మెదడులో ఆత్మవిశ్వాసపు స్థాయి ఏ తీరున ఉందో గమనించారు.   బహుమతులు అందించారు అభ్యర్థులు కొన్ని పనులు చేసేటప్పుడు వారిలో ఆత్మవిశ్వాసం మెండుగా ఉన్నట్లు గమనించారు. అలాంటి సమయంలో వారికి కొన్ని బహుమతులు అందించారు. పరిశోధకులు తమకు బహుమతులు ఎందుకు ఇస్తున్నారో అభ్యర్థులకు తెలియలేదు. కానీ వారి మెదడు మాత్రం ఆ ప్రతిఫలం పట్ల మంచి ఉత్తేజాన్ని పొందింది. అలా అభ్యర్ధికి తెలియకుండానే అతనిలో ఆత్మవిశ్వాసపు స్థాయిని పెంచే ప్రయత్నం చేశారన్నమాట. ఆత్మవిశ్వాసపు స్థాయి హెచ్చుగా ఉన్నప్పుడల్లా వారికి ఏవో ఒక పారితోషికాన్ని అందచేయడం వల్ల... ఆత్మవిశ్వాసం బలపడినట్లు గ్రహించారు.   పెంచాలన్నా – తగ్గించాలన్నా ఇదే పద్ధతిని వ్యతిరేక దిశలో చేస్తే కనుక ఆత్మవిశ్వాసాన్ని తగ్గించవచ్చునని అంటున్నారు పరిశోధకులు. అంటే మన మెదడులో ఆత్మవిశ్వాసం ఉండే స్థాయిని బట్టి, మనకి అందే ప్రతిఫలాలు దీర్ఘకాలిక ప్రభావాన్ని చూపుతాయన్నమాట. ఈ పద్ధతిని ఉపయోగించి మున్ముందు మానసిక శాస్త్రవేత్తలు ఆత్మన్యూనతతో బాధపడేవారికి కొత్త జీవితాన్ని అందించవచ్చునని అంటున్నారు. డిప్రెషన్, అల్జీమర్స్ వంటి తీవ్రమైన సమస్యలతో బాధపడేవారికి కనుక ఈ తరహా చికిత్సని అందిస్తే... వారి జీవన విధానం మెరుగవుతుందని ఆశిస్తున్నారు.   ఈ పరిశోధన కేవలం నిపుణులకే పరిమితం అయినా, దీని నుంచి మనం నేర్చుకోవాల్సిన విషయాలు లేకపోలేదు. ఆత్మన్యూనతతో బాధపడే వ్యక్తులకు వారి చిన్నచిన్న విజయాలలో తోడుగా నిలబడి ప్రోత్సాహాన్ని అందించడం వల్ల వారిలో ఆత్మవిశ్వాసం పాదుకునే అవకాశం ఉంది. అలాగే బెరుకుగా, భయంగా ఉండే చిన్నపిల్లలకి ఏవో ఒక ప్రోత్సాహకాలు అందిస్తూ వారు ఏ లక్ష్యాన్నైనా సాధించగలరనే నమ్మకాన్ని కలిగించగలిగితే...  వారి జీవితానికి ఓ భరోసాని అందించినవారమవుతాం.  - నిర్జర.
  ప్రపంచంలో ఎవరికైనా రోజుకి 24 గంటలే ఉంటాయి. కానీ ఆ 24 గంటలని ఎవరు ఎలా ఉపయోగించుకుంటారు అనేదాని మీద వారి జీవితాలు ఆధారపడి ఉంటాయి. అందుకే 20వ శతాబ్దంలో ‘Time Management’కి చాలా ప్రాధాన్యతని ఇస్తున్నారు. వాటికోసం రకరకాల వ్యూహాలూ ప్రచారంలో ఉన్నాయి. అలాంటి ఒక పద్ధతే ‘POSEC Method’.   1943లో Maslow అనే ఆయన Hierarchy of needs అనే సిద్ధాంతాన్ని రూపొందించారు. ఒక మనిషి సంతోషంగా ఉండేందుకు ఎలాంటి అవసరాలు తీరాలో ఇందులో పేర్కొన్నారు. దీని ఆధారంగానే ‘POSEC Method’ని రూపొందించారు. మన అవసరాలు, లక్ష్యాలకు అనుగుణంగా సమయాన్ని ఎలా ఉపయోగించుకోవాలో ఈ పద్ధతిలో సూచించే ప్రయత్నం చేశారు.    అవేమిటంటే... Prioritize – మీ జీవితంలో అతిముఖ్యమైన లక్ష్యాలు ఏమిటి. వాటిని సాధించేందుకు ఏం చేయాలి. వాటి కోసం ఎంత సమయం కేటాయించాలి అన్న విషయాలన్నీ ఈ Prioritize కోవలోకి వస్తాయి.   Organize – జీవితం స్థిరంగా ఉండేందుకు ఎలాంటి పరిస్థితులు అవసరం అన్న అంశాలు ఈ విభాగంలోకి వస్తాయి. ఉదాహరణకు కుటుంబం, ఉద్యోగం, ఆరోగ్యం... లాంటి అంశాలన్నమాట.   Streamline – చేసే ప్రతి పనీ మనకి ఇష్టం లేకపోవచ్చు. కానీ జీవితం సాఫీగా సాగిపోవాలంటే వాటిని నిర్లక్ష్యం చేయడానికి వీల్లేదు. సమయానికి బండిని సర్వీస్‌ చేయించుకోవడం దగ్గర నుంచీ, బీమా ప్రీమియం చెల్లించడం వరకు మన చుట్టూ ఉంటే పరిస్థితులను సక్రమంగా ఉంచుకోవడం వల్ల సమయం, శ్రమా రెండూ ఆదా అవుతాయి.   Economize – కొన్ని పనుల వల్ల ఉపయోగం ఉండదు. అవి అత్యవసరమూ కాదు. కానీ ఇవి లేకపోతే జీవితం మరీ బోర్‌ కొట్టేయవచ్చు. స్నేహితులతో పార్టీ చేసుకోవడం, బంధువులు ఇంటికి వెళ్లడం, సినిమా చూడటం... లాంటివన్నీ ఈ కోవలోకే వస్తాయి.   Contribute – పక్కవారికి ఏదో సాయం కావాలి! తోటి మనిషిగా ఆ బాధ్యతలో పాలు పంచుకోవడం మన కర్తవ్యం. వీధిలో జనం అంతా కలిసి రోడ్డుని శుభ్రం చేసుకుంటున్నారు! పౌరుడిగా పాల్గోవడం మన ధర్మం. ఎన్నికలు జరుగుతున్నాయి. పౌరుడిగా ఓటు వేసేందుకు లైనులో నిలబడటం మన బాధ్యత. ఇవన్నీ చేయాలని ఎవరూ అనరు. ఇలాంటి పనులు చేయడం వల్ల మనకి సమయం, శ్రమ వృధాగానే తోచవచ్చు. కానీ వీటి ఫలితం భవిష్యత్తులో కనిపించి తీరుతుంది. సమాజాన్ని ముందుకు నడిపించడంలో, మనం అశ్రద్ధ చేయలేదన్న తృప్తిని అందిస్తుంది. ఇలాంటి పనులన్నీ Contribute విభాగంలోకి వస్తాయి.   ఇవండీ ‘POSEC Method’ లక్షణాలు. మన జీవితంలో పనులన్నింటినీ ఈ దృక్పథంతో చూస్తే... వేటికి ఎంత ప్రాధాన్యత ఇవ్వాలి, ఎంత సమయం కేటాయించాలి అన్న స్పష్టత ఏర్పడుతుంది.  - నిర్జర.
సంక్రాంతి తెలుగువారికి ముఖ్యమైన పండుగ అన్న విషయం తెలిసిందే! మన పక్కనే ఉన్న తమిళనాడులో కూడా పొంగల్‌ పేరుతో దీనిని ఘనంగా జరుపుకుంటారనే విషయమూ చాలామందికి తెలుసు. కానీ దేశంలోని అనేక రాష్ట్రాలలో దీనిని వేర్వేరు పేర్లతో ఘనంగా చేసుకుంటారు. వాటిలో కొన్ని...   పౌష్‌ సంక్రాంతి (పశ్చిమబెంగాల్) - పుష్య మాసంలో వస్తుంది కాబట్టి బెంగాలీయులు ఈ పండుగను పౌష్‌ సంక్రాంతి అని పిలుచుకుంటారు. వీరి పంటలు కూడా ఇప్పుడే ఇళ్లకు చేరుకుంటాయి. అలా ఇంటికి చేరిన కొత్త బియ్యానికి, ఖర్జూరపు బెల్లాన్ని కలిపి రకరకాల పిండివంటలు చేసుకుంటారు. మూడురోజులపాటు జరుపుకొనే ఈ పండుగ రోజుల్లో వీరు లక్ష్మీదేవిని ఆరాధిస్తారు. ఇక మకరసంక్రాంతి రోజునే గంగావతరణ జరిగిందని ఓ నమ్మకం. అది జరిగింది కోల్‌కతాకు సమీపంలో ఉన్న గంగాసాగర్ అనే ప్రాంతంలో కాబట్టి, అక్కడ ఉన్న గంగానదిలో స్నానామాచరించేందుకు లక్షలమంది తరలివెళ్తారు.   పంజాబ్‌ (మాఘి) – తెలుగువారు భోగి జరుపుకొనే రోజునే పంజాబీయులు లోరి అనే పండుగ చేసుకుంటారు. ఈ రోజున విశాలమైన మైదానాలలో మంటలు వేసుకుని దాని చుట్టూ లయబద్ధంగా తిరుగుతూ భాంగ్రా అనే సంప్రదాయ నృత్యం చేస్తారు. దీనికి అనుగుణమైన భాంగ్రా పాటలు పాడుతూ, డోలు వాయిస్తూ సాగే కోలాహలం చూసి తీరాల్సిందే! ఇక లోరి మర్నాడు ‘మాఘి’ పేరుతో పండుగ చేసుకుంటారు. పంజాబీల కాలమానం ప్రకారం మాఘి, మాఘమాసంలోని తొలిరోజు. మాఘినాడు పాలు, చెరుకురసంతో ఖీర్‌ చేసుకుంటారు.   ఘుఘుటి (ఉత్తరాఖండ్‌) – ఉత్తరాఖండ్‌లోని కుమావ్‌ వంటి ప్రాంతాలలో సంక్రాంతిని భలే చిత్రంగా జరుపుకొంటారు. ఈ రోజుని వారు ఉత్తరాయణంలో మొదటి రోజుగా భావిస్తారు. చలికాలంలో వలస వెళ్లిపోయిన పక్షులన్నీ ఈ రోజు తిరిగివస్తాయని నమ్ముతారు. బహుశా పూర్వీకుల ఆత్మలకు ప్రతిరూపాలన్న నమ్మకం అనో ఏమో నల్లకాకులను కూడా ఈ రోజు స్వాగతిస్తారు. వాటి కోసం వెతికి మరీ రకరకాల తీపిపదార్థాలను అందిస్తారు. అందుకనే ఈ పండుగకు ‘కాలా కవ్వా’ (నల్లకాకి) అన్న పేరు కూడా ఉంది.   సుగ్గి (కర్ణాటక) – కన్నడ భాషలో సుగ్గి అంటే పంట లేదా విందు అన్న అర్థం వస్తుంది. ఈ రోజున కన్నడిగులు కొత్తబట్టలు, పూజాపునస్కారాలతో పండుగన ఘనంగా చేసుకుంటారు. దీనికి తోడుగా అక్కడ ఓ చిత్రమైన సంప్రదాయం కూడా కొనసాగుతూ వస్తోంది. ఎల్లు బిరోదు పేరుతో నువ్వుల ఉండలను ఇచ్చిపుచ్చుకుంటారు. కర్ణాటకలోని స్త్రీలు ఈ నువ్వుల ఉండలతో పాటుగా, అరటిపళ్లు, చెరుకుగడలు, పసుపుకుంకుమలను ముత్తయిదువలకు పంచుతారు.   మాఘ బిహు (అసోం) – అసోంలో సంక్రాంతి కూడా చాలా చిత్రంగా సాగుతుంది. సంక్రాంతి ముందురోజున వెదురు, ఎండుగడ్డి వంటివాటితో గుడిసెలను నిర్మించుకుంటారు. ఆ రోజంతా ఈ పాకలలో ఆడుతూపాడుతూ గడిపేస్తారు. మర్నాడు ఉదయం వీటిని తగలబెట్టేస్తారు. మన గోదావరి జిల్లాలలో కనిపించే కోడిపందాలు, ఎడ్లపందాల వంటి ఆటలు అసోంలో కూడా జరుగుతాయి. కొబ్బరి, నువ్వులతో రకరకాల పిండిపదార్థాలను చేసుకుంటారు.   పైన చెప్పుకొన్న రాష్ట్రాలే కాదు! బీహార్‌, హర్యానా, గుజరాత్‌, హిమాచల్ ప్రదేశ్‌... ఇలా ప్రతి రాష్ట్రంలోనూ సంక్రాంతి ఏదో ఒక పేరున విభిన్నంగా జరుగుతూనే ఉంటుంది. దేశం ఒక్కటే అయినా అందులోని ప్రతి ప్రాంతానికీ తనదైన సంప్రదాయం ఉందన్న విషయాన్ని రుజువు చేస్తుంటుంది.   - నిర్జర.
  మానవ శరీరం లో ఉన్న ప్రతీ అవయవం చాల గొప్పది.. ఏది సరిగా పని చేయకపోయినా దాని ప్రభావం పూర్తిగా శరీరం పై పడుతుంది. కానీ ఒక్క అవయవం తో  మనం మానసిక స్థితిని, భౌతిక స్థితిని , ఆధ్యాత్మిక స్థితిని కూడా పొందవచ్చని మీకు తెలుసా..  అది ఎలా అంటారా మనం చేతులతో ఎన్నో పనులు చేస్తుంటాం కానీ వాటితో మన ఆరోగ్యాన్ని ఎలా కాపాడుకోవాలో, మనకు తెలియదు. చేతి వేళ్ళని కొన్ని భంగిమలలో పెట్టె ప్రక్రియని ముద్ర అంటారు. మరి ఆ ముద్రలలో రకాలు వాటి వాళ్ళ మనకి కలిగే ప్రయోజనాలు అవి ఎలా వేయాలో చూద్దాం.. 1.జ్ఞాన ముద్ర: ఈ జ్ఞాన ముద్ర వేయడం వల్ల మనలో ఉన్న క్రియేటివిటీ పెరుగుతుంది , నాలెడ్జి కూడా ఇంప్రూవ్ అవుతుంది ,ఇంకా మన జ్యపకశక్తిని కూడా పెంచుతుంది. ఇంకా ఈరోజుల్లో చాల మంది నిద్రలేమి తో బాధపడుతున్నారు. ఈ ముద్ర వేయడం వల్ల నిద్ర కూడా బాగా పడుతుంది. మరి ఈ ముద్ర వేయడం ఎలా అంటారా చాల సులభం. మనం బొటన వేలుని చూపుడు వేలుతో కలిపి ఉంచి మిగిలిన మూడు వెళ్ళాను నిటారుగా నిలపడమే ఈ జ్ఞాన ముద్ర. ఇది మనం ఎపుడైనా వేయవచ్చు నిల్చున్నపుడు , కూర్చున్నపుడు , నిద్రపోయేటప్పుడు ఇలా ఎప్పుడైనా వేయవచ్చు 2.సూన్య ముద్ర: ఈ ముద్ర ని ఎలా వేయాలంటే మన మధ్య వేలుని బొటన వేలు తో ఒత్తి ఉంచి మిగిలిన వేళ్ళను నిటారుగా నిలబెట్టాలి ,ఇలా రోజుకి కనీసం నలభై నిమిషాలైనా చేస్తే మన శరీరంలో ఉన్న dullness అనేది లేకుండా పోతుంది ,చెవి నొప్పి లాంటి సమస్యలేమైనా ఉన్న కూడా వెంటనే ఉపశమనం పొందవచ్చు ఇంకా మానసిక సమస్యలతో బాధపడే వాళ్ళకి ఈ ముద్ర  బాగా  ఉపయోగపడుతుంది 3.ప్రాణ ముద్ర: ఈ ముద్ర ఎలా వేయాలంటే మన ఉంగరపు వేలుని ,చిటికెన వేలుని బొటనవేలికి టచ్ చేసి మిగిలిన రెండు వేళ్ళను నిటారుగా నిలబెట్టి ఉంచడమే ఈ ప్రాణ ముద్ర ,ఇది ఎప్పుడు ఐన వేయవచ్చు. ఇది వేయడం వల్ల మనలో ఉన్న రోగ నిరోధక శక్తి పెరుగుతుంది , ఇంకా బద్దకాన్ని నివారిస్తుంది, ఇంకా మానసికంగా , శారీరకంగా దృఢం గ ఉండేలా చేస్తుంది ,ఇంకా మన కంటిచూపు మందగించడాన్ని మెరుగుపరుస్తుంది ,ఈ ముద్ర వేయడం వల్ల మనిషి చాల ఆక్టివ్ గ ఉంచేలా చేస్తుంది 4.ధ్యాన ముద్ర: ఇది ఎలా చేయాలంటే మన రెండు చేతుల్ని అరచేతులు పైకి వచ్చేలా మన ఒడిలో పెట్టుకుని రెండు బొటన వేళ్ళు మాత్రమే టచ్ అయేలా ఉంచాలి. దీన్ని కదలకుండా నిటారుగా కూర్చుని శ్వాస మీద ధ్యాస ఉంచి ఎంతసేపైనా చేయొచ్చు. ఇలా చేయడం వల్ల మనసు ప్రశాంతంగా ఉంటుంది చిరాకు,డిప్రెషన్, స్ట్రెస్ లాంటి వాటినుండి చాల రిలీఫ్ ఉంటుంది. ఇది చాల పవర్ఫుల్ ముద్ర 5.బుద్ది ముద్ర: ఇది కూడా చాల ముఖ్యమైన ముద్ర మన చేతి బొటన వేలుని చిటికెన వేలితో కలిపి ఉంచి మిగిలిన మూడు వేళ్ళను నిటారుగా ఉంచడమే ఈ  బుద్ధి ముద్ర ఈ ముద్ర వేయడం వల్ల మనసు ప్రశాంతంగా ఉండడమే కాకుండా , మన కమ్యూనికేషన్ స్కిల్స్ ఇంప్రూవ్ అవడానికి ఇది  బాగా ఉపయోగపడుతుంది. మానసిక ప్రశాంతతని కోరుకునే ప్రతి ఒక్కరు  ఈ ముద్ర లు తప్పక  కంటిన్యూ చేయండి. 6.సూర్య ముద్ర: మన చేతి ఉంగరం వేలు ని బొటన వేలు కింద మడిచి పెట్టి మిగిలిన వేళ్ళను నిటారుగా నిలబెట్టి ఉంచడమే ఈ సూర్య ముద్ర ఈ సూర్య ముద్ర వల్ల చాల ప్రయోజనాలు ఉన్నాయి. బరువు తగ్గాలి అనుకున్నవాళ్ళు ఈ ముద్ర చేయడం వల్ల మంచి ఫలితాలు పొందవచ్చు. 7.ఆపాన ముద్ర: మన చేతి మధ్య వేలుని , ఉంగరం వేలుని బొటన వేలుతో కలిపి ఉంచి మిగిలిన వేళ్ళను నిటారుగా ఉంచడమే ఈ ఆపాన ముద్ర ఈ ముద్ర వేయడం వల్ల మానసిక ప్రశాంతత దొరుకుతుంది. ఇంకా మన శరీరంలోని  వ్యర్ధ పదార్ధాలను బయటికి పంపిస్తుంది. 8.గణేష్ ముద్ర: మన రెండు చేతులను సగం పిడికిలి బిగించి ,రెండు చేతులను కలిపి బిగించి , మన ఛాతి భాగానికి పెట్టి నిటారుగా కూర్చుని ఈ ముద్ర వేయాలి. ఈ ముద్ర వేయడం వల్ల మన శరీర దారుఢ్యం చక్కగా ఉంచడానికి , మన కండరాల తీరు పని చేయడానికి ఇది బాగా ఉపయోగపడుతుంది. 9.వాయు ముద్ర: మన చేతిలో చూపుడు వేలుని మధ్యకి మడిచి బొటనవేలితో అదిమిపెట్టి మిగిలిన మూడు వేళ్ళను నిటారుగా ఉంచడమే వాయు ముద్ర ఈ ముద్ర ని వేయడం వల్ల మన శరీరం లో ఉన్న చేదు గాలి బయటికి వచ్చి మన కి ఉన్న నొప్పులను తగ్గిస్తుంది. అంతేకాదు విపరీతమైన కీళ్ల, కండరాల నొప్పులను రాకుండా చేస్తుంది, ఇంకా మనం చిరాగ్గా అనిపించినపుడు కూడా ఈ ముద్ర వేస్తె ప్రశాంతంగా ఉంటాం.. https://www.youtube.com/watch?v=BFMHOO_XUE8  
ముక్క లేనిదే ముద్ద దిగదు.. కొందరికి రోజూ ఉంటే, కొందరికి  వారానికి  ఒక్కసారైనా నాన్ వెజ్ లేనిదే ఆ వారం గడవదు. సండే వచ్చిందా పిల్లలకి పెద్దలకి పండగే. సండే వస్తే నాన్ వెజ్ ఉండాలి. పుట్టినరోజు పార్టీకి నాన్ వెజ్ ఉండాలి. పండగ వచ్చిందా నాన్ వెజ్ ఉండాల్సిందే. ఇంకొన్ని చోట్ల ఆయా సంప్రదాయాలు అలవాట్లని బట్టి నాన్ వెజ్ తప్పనిసరిగా వండుకుంటారు. ఇలా ప్రతి సారీ అవకాశం దొరికినప్పుడల్లా ఈదేవి, ఎగిరేవి, పాకేవి అనే తేడా లేకుండా.. పిట్ట మాంసం, జింక మాంసం, పంది మాంసం, కుందేలు మాంసం ఇలా దొరికిందల్లా మీ పొట్టలోకి తోసేస్తే కొవ్వుపెరిగి గుండెలో కొలెస్ట్రాల్ చేరి, రక్తనాళాలు మూసుకు పోయి స్టెంట్లు వేసుకోడం ఒకబాధ. అసలు గుండె నొప్పి వచ్చినట్టు కూడా తెలియకుండా మనిషిని తీసుకుపోయే హృద్రోగ సమస్యలకు దారితీస్తుందని వైద్యులు హెచ్చరిస్తున్నారు. ముక్కకోసం కాస్త కక్కుర్తి పడ్డారో గుండె లో సమస్యలు ఖాయమని నిపుణులు హెచ్చ్రరిస్తున్నారు.   మాంసాహారము తినే వారిలో కార్డియో వాస్క్యులర్ సమస్యలు వచ్చే అవకాశం ఉందని నిపుణులు హెచ్చరిస్తున్నారు. కార్డియో వాస్క్యులర్  సమస్యలతోపాటు చనిపోయే అవకాశం ఉందని కార్డియో సర్జన్లు హెచ్చరిస్తున్నారు. అయితే చేపలు కొంత ప్రమాదం తక్కువే అని పేర్కొన్నారు .  మాంసాహారము తింటున్న వారిపై ఇటీవల జరిపిన పరిశోధనలో చికెన్ ఇతర మాంస పదార్ధాల వల్ల కార్డియో వాస్క్యులర్ వ్యాధులు వచ్చే అవకావం ఉందని సాచురేటెడ్ ఫాట్స్  ఉంటాయని కార్డియో సమస్యకు దారితీస్తాయని హృద్రోగనిపుణులు తెలిపారు. న్యూయార్క్ కు చెందిన కర్నాల్  విశ్వవిద్యాలయం జరిపిన పరిశోధనలో ఈ విషయం బయట పడిందని తెలిపారు.
ఎన్ని మందులు వాడినా, చికిత్స తీసుకున్నా గురక మిమ్మల్ని వదలడం లేదా? గుర్రు గుర్రు అంటూ చేసే చిత్ర విచిత్ర విన్యాసాలు ఎందరినో  కుటుంబ సభ్యుసభ్యులకు సైతం దూరం చేసిన సందర్భాలు, గురకవల్ల విడిపోయిన కుటుంబాలు ఉన్నాయంటే ఆశ్చర్యం లేదు. అంతే కాదు సుదీర్ఘ ప్రయాణంలో సైతం మనలని ఇబ్బంది పెట్టే గురకకు పలు అనారోగ్య కారణాలు ఉన్నాయి. ఒకటి ఊబకాయం, హృద్రోగ సమస్య, ఇతర అనారోగ్య సమస్యలు ఉన్నవారిని గురక పెద్ద సమస్యని వైద్యులు పేర్కొన్నారు. అయితే ఒక చిన్న డివైజ్ తో గురకకు నియంత్రించవచ్చని దాంతో మీరు మీ కుటుంబసభ్యులు, జీవిత భాగస్వామి సైతం ప్రశాంతంగ నిద్రపోవచ్చని నిపుణులు అంటున్నారు. దీర్ఘ కాలంగా ఎదుర్కొంటున్న గురక సమస్యతో బాధ పడుతున్న మిలియన్ల ప్రజలకు ఎట్టకేలకు ముక్తి ప్రసాదించినట్లు అయింది. ముక్కులోని గాలిమార్గం బ్లాక్ కాకుండా నియంత్రిస్తుంది. దీనివల్ల శ్వాస సులభంగా తీసుకోవచ్చు.  స్లీప్ క్వైట్ వల్ల  శ్వాస తీస్కోడమే కాదు గురక చాలా తక్కువగా వస్తుంది నిద్రలోకి జారుకోవచ్చు అంటున్నారు నిపుణులు. ఇక దీనిని ఉపయోగించడం సులభమని అంటున్నారు. దీనిని సైలెన్స్ రింగ్ అని  కూడా అంటారు. రింగ్ చాలా సులభం ప్రభావవంతమైనదని అంటున్నారు. ముక్కులో దీనిని సులభంగా అమర్చవచ్చు. దీని ద్వారా వచ్చే  మాగ్నెటిక్ టిప్స్  వాటిని యధా స్థానంలో ఉంచుతుంది. అనేక పరిశోధనలు చేసిన తరువాతే దీనిని  మార్కెట్లోకి తెచ్చినట్లు ఉత్పత్తి దారులు తెలిపారు. స్లీప్ క్వైట్  ఏ వయస్సుల వారైనావాడచ్చు. వాడిన కొద్దిసేపటికే మీముక్కుకు ఏమైందో గమనిస్తారు. స్లీప్ క్వైట్ వల్ల శరీరం, మెదడు ప్రశాంతంగా నిద్రపోతుంది. అనారోగ్యం తగ్గినట్లు కనిపిస్తుంది. ఊపిరితిత్తులలోకి ఆక్సిజన్ ఎక్కువగా తీసుకోడం వల్ల  ఎక్కువసేపు నిద్రపోగలరు. 100% శాతం రక్షణకల్పిస్తుంది. ఇందులో ఎటువంటి మత్తుమందు లేదు. స్లీప్ క్వైట్ వల్ల ఎటువంటి బ్యాక్టీరియా రాదు. నీటిలో ముంచడం తోనే పరిశుభ్రం చేసుకుని మరలావాడచ్చు. అయితే దీనిని స్టెరిలైజ్ చేసిన ప్లాస్టిక్ కేసులో భద్రంగా ఉంచితే చాలని ఉత్పత్తిదారులు సూచించారు.