LATEST NEWS
యాంటీ జెన్ పరీక్షలు.. పిహెచ్ సిలోనూ అందుబాటులో.. ప్రసవానికి పదిరోజుల ముందు.. గ్రేటర్ హైదరాబాద్ పరిధిలో పెరుగుతున్న కరోనా కేసుల తీవ్రతను తగ్గించే ప్రయత్నాలను వైద్యఆరోగ్య శాఖ చేస్తోంది. అరగంటలోనే ఫలితాలిచ్చే యాంటీజెన్ పరీక్షలు నిర్వహిస్తూ పాజిటివ్ రోగులను త్వరగా గుర్తించేందుకు సన్నద్దమైంది. ప్రాథమిక ఆరోగ్యకేంద్రాల్లోనూ యాంటీజెన్ పరీక్షలు నిర్వహిస్తారు. అయితే ఒక్కోక్క సెంటర్ లో 25మందికి మాత్రమే పరీక్షలు చేస్తారు. ఈ సంఖ్యను మరింతగా పెంచాలని ప్రజలు కోరుతున్నారు. ప్రస్తుతం హైదరాబాద్, రంగారెడ్డి, మేడ్చల్ లోని జిహెచ్ఎంసీ పరిధిలోని బస్తీ దవాఖానల్లో ఈ పరీక్షలు చేస్తున్నారు. తర్వలోనే రాష్ట్రవ్యాప్తంగా యాంటీజన్ పరీక్షలు నిర్వహించడానికి సమాయత్తం అవుతున్నారు. అరగంటలోనే.. మామూలుగా కరోనా నిర్ధారణ కోసం రియల్టైం ఆర్టీపీసీఆర్ (రివర్స్ ట్రాన్స్క్రిప్షన్ పాలిమర్స్ చైన్ రియాక్షన్) పరీక్ష చేస్తారు. అదే మాదిరిగా యాంటీ జెన్ పరీక్షల్లోనూ ముక్కు, గొంతు కలిసే చోట (నాసో ఫారింజియల్ రీజియన్) నుంచి స్వాబ్లతో శాంపిళ్లను తీసుకుంటారు. సేకరించిన శాంపిళ్లను అక్కడిక్కడే పరీక్షించి అరగంటలోనే ఫలితం చెప్పారు. అయితే ఆర్టీపీసీఆర్‌లో వైరస్ జీన్ను గుర్తిస్తే.. ఈ యాంటీజెన్ టెస్టులో వైరస్ ప్రొటీన్ను గుర్తిస్తారు. ఈ పరీక్షలో పాజిటీవ్ వస్తే 84 నుంచి 99శాతం వారి శరీరంలో వైరస్ ఉన్నట్లే నిర్ధారిస్తారు. నెగిటివ్ వచ్చిన వ్యక్తిలో కరోనా లక్షణాలు ఉంటే అప్పుడు ఆర్టీపీసీఆర్ పద్దతిలో పరీక్షలు చేస్తారు. శరీరంలో 14 రోజులు యాంటీజెన్ ప్రోటీన్.. కోవిద్ వైరస్ సోకిన తర్వాత పది నుంచి 14 రోజుల పాటు యాంటీజెన్  ప్రొటీన్ ఆ వ్యక్తి శరీరంలో ఉంటుంది. లక్షణాల్లేని పేషెంట్లలో పది రోజుల వరకు, లక్షణాలు కనిపించే వారిలో 14 రోజుల వరకూ యాంటీజెన్ ప్రోటీన్ ఉంటుందని ఐసీఎంఆర్ గైడ్లైన్స్ వివరిస్తున్నాయి. అన్నీ హాస్సిటల్స్ లో.. కరోనా తీవ్రతను అరికట్టాలంటే పరీక్షలు ఎక్కువగా చేస్తూ పాటిజివ్ వ్యక్తులను గుర్తించి వారిని క్వారంటైన్ చేయాలి. వైరస్ వ్యాప్తిని ఈ విధంగా అరికట్టడం సాధ్యమవుతుంది. నేషనల్ బోర్డ్ ఆఫ్ అక్రెడిటేటెడ్ హాస్పిటల్స్(ఎన్ఏబీహెచ్) అన్నింటికీ ఈ టెస్టులు చేసే అవకాశం ఇవ్వాలని ఇండియన్ కౌన్సిల్ ఫర్ మెడికల్ రీసెర్చ్ (ఐసీఎంఆర్) రాష్ట్ర ప్రభుత్వాలకు సూచించింది. ప్రసవానికి పదిరోజుల ముందు.. కరోనా నిర్ధారణ పరీక్షలు అందరికీ అవసరమే. అయితే ముందుగా కంటెయిన్మెంట్ జోన్లలో ఉన్నవారికి, ఇతర అనారోగ్య సమస్యలు ఉన్నవారికి, గర్భిణీలకు ప్రసవానికి పదిరోజుల ముందు ఈ పరీక్ష తప్పనిసరిగా చేయాలి. ఈ పరీక్షతో పాజిటివ్ వ్యక్తులు జాగ్రత్తలు తీసుకోవడం సాధ్యమవుతుంది.
2019 ఎన్నికల్లో ఘన విజయం సాధించి సీఎం పీఠంపై కూర్చున్న వైఎస్ జగన్ కి ఒక్క ఏడాదిలోనే తలనొప్పులు మొదలయ్యాయి. పార్టీ అధినేతగా, సీఎం గా రెండు కీలక బాధ్యతల్లో ఉన్న జగన్ కి సొంత పార్టీ నాయకుల ధిక్కార వ్యాఖ్యలు కొంత తలనొప్పిగా మారాయి. నరసాపురం ఎంపీ రఘురామ కృష్ణంరాజు వ్యవహారం ఇప్పుడు ముదిరి పాకాన పడింది. ఇది ఇలా ఉండగానే కొందరు సీనియర్ ఎమ్మెల్యేలు కూడా జగన్ పై పరోక్షంగా వ్యాఖ్యలు చేస్తూ ధిక్కార స్వరం పెంచుతున్నారు. వీళ్ళను కట్టడి చేయడం జగన్ కి ఇప్పుడు కీలక పనిగా మారింది. వైసీపీలో ధర్మాన ప్రసాదరావు సీనియర్ నాయకుడు. ఆయన రెండున్నర దశాబ్దాల నుండి రాజకీయాల్లో ఉన్నారు. శ్రీకాకుళం జిల్లాతో పాటు ఉత్తరాంధ్రలో కూడా పట్టున్న నేత. వైసీపీ ప్రభుత్వం ఏర్పడిన వెంటనే తనకు మంత్రి పదవి పక్కా అనుకున్నారు. కానీ ఆయన సోదరుడైన కృష్ణదాస్ కి జగన్ ప్రాధాన్యత ఇచ్చారు. దీంతో, జిల్లాలో ప్రసాదరావు మాట సాగడం లేదు. చిన్న చిన్న పనుల నుంచి ఇసుక వ్యవహారం వరకు ఏ విషయంలో కూడా ఈయన మాట నెగ్గడం లేదు. అందుకే ఈ మధ్య ఆయన ధిక్కార స్వరం పెంచారు.  తాజాగా "రాష్ట్రంలో జిల్లాలు విభజించుకుంటే చేసుకోండి. శ్రీకాకుళం జిల్లాను మాత్రం విభజించవద్దు. ఇది మాది, మా ప్రజలు అంగీకరించరు. మా జిల్లా ఇలాగే ఉండాలి, సీఎం జగన్ కి మేము ఇదే చెప్తాము. మిగిలిన 12 జిల్లాలను ఏమైనా చేసుకోండి, కానీ మా జిల్లాని వదిలేయండి" అన్నారు. మా ప్రాంతం, మా ప్రజలు అనే భావన వచ్చేలా ఆయన వ్యాఖ్యలు ఉన్నాయి. అలాగే, గత నెల కూడా ఆయన ప్రభుత్వంలో పాలన అనుకున్నంత సవ్యంగా లేదని చెప్పారు. మంత్రి పదవి ఇవ్వని కారణంగానే ధర్మాన ఇలా మాట్లాడుతున్నారంటూ చర్చలు జరుగుతున్నాయి. అయితే, ధర్మాన ప్రసాదరావు భవిష్యత్తులో ఓ ప్రత్యేక అజెండాతో ముందుకు వెళ్తారని ప్రచారం జరుగుతోంది. మూడు నెలల కిందట శ్రీకాకుళం లో ఉత్తరాంధ్ర సాధన సమితి సమావేశం జరిగింది. దీనిలో ధర్మాన అనుచరగణం అందరూ పాల్గొన్నారు. దీనికి ధర్మాన పరోక్షంగా పూర్తి మద్దతు పలికారు. దీంతో, ధర్మాన 'ప్రత్యేక ఉత్తరాంధ్ర' అనే ఉద్యమానికి ప్రణాళికలు వేశారని, వచ్చే ఎన్నికలకు ఆయన సొంతంగా ఇదే అజెండాతో వెళ్తారని శ్రీకాకుళంలో చర్చ జరుగుతుంది. ఒకవేళ తనకి పార్టీలో అనుకున్న హోదా దక్కకపోతే, జగన్ నుండి ఇదే తరహా ట్రీట్మెంట్ ఎదురైతే మాత్రం.. వచ్చే ఎన్నికల నాటికి ధర్మాన వైసీపీ తరఫున పోటీ విషయంలో పునరాలోచనలో పడతారని, కొన్ని అజెండాల ఆధారంగా వెళ్తారని అనుకుంటున్నారు. వ్యక్తిగతంగా మంచి వాగ్ధాటి, వ్యూహాలు ఉన్న ధర్మాన ఇప్పుడు అన్న కృష్ణదాస్ పెత్తనంతో కొంత ఇబ్బంది పడుతున్నారు. సీనియర్ మంత్రిగా గతంలో ఎన్నో ఏళ్ళు జిల్లాలో చక్రం తిప్పిన ఈయనకు ఇప్పుడు సాధారణ ఎమ్మెల్యేగా ఉండడం ఏమాత్రం నచ్చడం లేదట. అందుకే ఆయన ధిక్కార స్వరం వినిపిస్తున్నారని అంటున్నారు. మరి భవిష్యత్ లో ఆయన ఎలాంటి అడుగులు వేస్తారో చూడాలి.
తెలంగాణ రాష్ట్ర సచివాలయం కూల్చివేతలను సోమవారం వరకు ఆపాలంటూ హైకోర్టు స్టే ఇచ్చింది. కరోనా విజృంభిస్తున్న ప్రస్తుత పరిస్థితుల్లో భారీ కట్టడాన్ని కూల్చడం సరికాదంటూ హైకోర్డులో దాఖలైన పిటిషన్ పై విచారణ జరిపిన న్యాయస్థానం ఈ మేరకు మధ్యంతర ఉత్తర్వులు జారీ చేసింది. సచివాలయం కూల్చివేతపై పూర్తి వివరాలతో కౌంటర్‌ దాఖలు చేయాలని తెలంగాణ రాష్ట్ర ప్రభుత్వాన్ని ఆదేశించింది. భవానాల కూల్చివేత వల్ల వచ్చే కాలుష్యం ప్రజలకు ఇబ్బందికరంగా ఉందంటూ పిటిషనర్లు పేర్కొన్నారు. న్యాయవాది చిక్కడు ప్రభాకర్, ప్రొఫెసర్ పి.ఎల్ విశ్వేశ్వరరావు హైకోర్టులో పిటిషన్ దాఖలు చేశారు. వీరి పిటిష‌న్ పై విచార‌ణ జ‌రిపిన న్యాయ స్థానం సోమ‌వారం వ‌ర‌కు భ‌వ‌నాల కూల్చివేత‌ను ఆపాలంటూ ప్ర‌భుత్వాన్ని ఆదేశించింది. సోమవారం మరోసారి విచారణ జరగనుంది. అయితే సచివాలయం కూల్చివేతపై సుప్రీంకోర్టులో దాఖలు చేసిన కేసు కూడా సోమవారం విచారణకు రానుంది.
తెలంగాణ ప్రస్తుత సెక్రటేరియట్ భవనాలను కూల్చి వేస్తున్న సంగతి తెలిసిందే. అయితే ఈ కూల్చివేత పనుల వల్ల అక్కడ ఉన్న దేవాలయం, మసీదులకు ఇబ్బంది కలిగింది. సెక్రటేరియట్ భవనాలను కూల్చేస్తున్న సందర్భంగా శిథిలాలు పక్కనున్న దేవాలయం, మసీదులపై పడటంతో అవి పాక్షికంగా దెబ్బతిన్నాయి. దీనిపై సీఎం కేసీఆర్ స్పందించారు. ఇలా జరగడం పట్ల చింతిస్తున్నానని చెప్పారు. పాత భవనాల స్థానంలో కొత్త వాటిని నిర్మించడమే ప్రభుత్వ ఉద్దేశమని, ప్రార్థనా స్థలాలను చెడగొట్టడం కాదని తెలిపారు. సచివాలయం ప్రాంతంలో ప్రభుత్వ నిధులతో ఇంతకన్నా పెద్ద దేవాలయం, మసీదులను నిర్మిస్తామని చెప్పారు. దేవాలయం, మసీదు నిర్వాహకులతో తానే స్వయంగా సమావేశమవుతానని వెల్లడించారు. నిర్మాణాల విషయంలో వారి అభిప్రాయాలను పరిగణనలోనికి తీసుకుంటామని స్పష్టం చేశారు. ఈ మేరకు ఓ ప్రకటన విడుదలైంది. ఇదిలా ఉంటే, సచివాలయం కూల్చివేతకు హైకోర్టు తాత్కాలిక బ్రేక్ వేసింది. సచివాలయ భవనాల కూల్చివేత పనులు నిలిపి వేయాలని ప్రొఫెసర్ విశ్వేశర్ రావు హైకోర్టులో పిల్ దాఖ‌లు చేశారు. ప్రస్తుతం కరోనా నిబంధనలు ఉల్లంగిస్తూ భవనాలను కూల్చివేస్తున్నారని, భవనాలు కూల్చివేయడం వలన వాతావరణం కాలుష్యం అవుతుంద‌ని పేర్కొన్నారు. మున్సిపాలిటీ, సాలీడ్ వెస్ట్ మ్యానేజిమెంట్ నిబంధనలను పట్టించుకోకుండా కూల్చివేత చేపడుతున్నారని ఆయన అభ్యంత‌రం వ్య‌క్తం చేశారు. దీంతో సోమ‌వారం వ‌ర‌కు కూల్చివేత ప‌నులు నిలిపివేయాల‌ని హైకోర్టు ఆదేశించింది.
తూర్పు గోదావరి జిల్లా జగ్గంపేట మండలం సీతానగరంలో తెలుగుదేశం పార్టీ వ్యవస్థాపక అధ్యక్షులు, మాజీ ముఖ్యమంత్రి నందమూరి తారక రామారావు విగ్రహాన్ని వైసీపీ కార్యకర్తలు తొలగించారు. 2 సంవత్సరాల క్రితం సీతానగరం గ్రామంలో గ్రామస్తులు అందరూ కలిసి పంచాయతీ తీర్మానంతో ఎన్టీఆర్ విగ్రహాన్ని ఏర్పాటు చేసుకుని, జ్యోతుల నెహ్రూ పౌండేషన్ సౌజన్యంతో షెల్టర్ ఏర్పాటు చేసుకున్నారు. అయితే, తాజాగా సీతానగరం గ్రామ వైయస్సార్ సిపి నాయకులు కొందరు షెల్టర్ తొలగించి ఎన్టీఆర్ విగ్రహాన్ని పక్కనే ఉన్న కళ్యాణ మండపం దగ్గర వదిలివేసారు. ఎన్టీఆర్ విగ్రహాన్ని తొలగించడంపై గ్రామస్తులు ఆవేదన వ్యక్తం చేస్తున్నారు. గ్రామ పంచాయతీ తీర్మానం తో ఏర్పాటు చేసుకున్న విగ్రహాన్ని తొలగించడం పై న్యాయపోరాటం చేస్తామని స్పష్టం చేశారు. కాగా, విగ్రహాన్ని తొలగించిన వైసీపీ కార్యకర్తలపై పోలీసులు, రెవెన్యూ అధికారులకు ఇప్పటికే గ్రామానికి చెందిన టీడీపీ నేతలు ఫిర్యాదు చేశారు. మరోవైపు పార్టీలకు, ప్రాంతాలకు అతీతంగా ఎందరో అభిమానించే, ఆరాధించే మహానాయకుడు ఎన్టీఆర్ విగ్రహాన్ని తొలగించడంపై విమర్శలు వ్యక్తమవుతున్నాయి.
ALSO ON TELUGUONE N E W S
ఉత్తరప్రదేశ్‌కి చెందిన గ్యాంగ్‌స్టర్, కరుడుగట్టిన నేరస్తుడు వికాస్ రూబేను ఈరోజు ఉదయం పోలీసులు ఎన్ కౌంటర్ చేసిన సంగతి తెలిసిందే. ఇందులో పెద్ద ఆశ్చర్యమేమీ లేదు. కొన్ని రోజుల క్రితం అరెస్టు చేయడానికి వెళ్లిన ఎనిమిది మంది పోలీసులు అతి కిరాతకంగా హత్యకు గురి కావడానికి కారణమైన వికాస్ దూబే అనుచరులు ఇద్దరిని ఉత్తరప్రదేశ్ పోలీసులు ఎన్ కౌంటర్ చేశారు. కనిపిస్తే అతడిని కూడా కాల్చేస్తారని ప్రజలూ ఊహించారు. అందుకు తగ్గట్టే మధ్యప్రదేశ్ రాష్ట్రంలోని ఉజ్జయినిలో అరెస్ట్ చేసిన వికాస్ ఉత్తరప్రదేశ్ రాష్ట్రంలోని కాన్పూర్ తీసుకువస్తుండగా ఎన్ కౌంటర్ జరిగింది. దీనిపై హీరోయిన్ తాప్సీ స్పందించారు. "వావ్! మేం ఇది అస్సలు ఊహించలేదు. మళ్లీ వాళ్లు మా బాలీవుడ్ కథలను రియాలిటీకి చాలా దూరంగా ఉన్నాయని చెబుతారు" అని తాప్సీ ట్వీట్ చేశారు. వికాస్ దూబే ఎన్ కౌంటర్ వార్తను ట్వీట్ కి జోడించారు. బాలీవుడ్ పోలీస్ కథలు వాస్తవికతకు దూరంగా ఉంటాయని అన్న వాళ్ళ పై తాప్సీ సెటైర్ వేశారు అన్నమాట. వికాస్ దూబే ఎన్ కౌంటర్ సినీ ఫక్కీలో జరిగిందని పరోక్షంగా తన ట్వీట్ ద్వారా చెప్పారామె.
  క‌రోనా క‌ష్ట కాలంలో థియేట‌ర్లు నాలుగు నెల‌లుగా మూత‌ప‌డిపోయి సినిమా వ్యాపారం దిక్కుతోచ‌ని స్థితిలో ప‌డిపోయింది. ఈ ప‌రిస్థితుల్లో ఓటీటీ ప్లాట్‌ఫామ్ ఒక ప్ర‌త్యామ్నాయంగా ముందుకు వ‌చ్చింది. చిన్న‌, మ‌ధ్య స్థాయి బ‌డ్జెట్‌తో త‌యారైన సినిమాల‌ను ఒక్కొక్క‌టిగా ఓటీటీల‌కు నేరుగా అమ్మేస్తున్నారు నిర్మాత‌లు. ఇటీవ‌లి కాలంలో అమృతా రామ‌మ్‌, పెంగ్విన్‌, కృష్ణ అండ్ హిజ్ లీల‌, 47 డేస్‌, భానుమ‌తి రామ‌కృష్ణ వంటి సినిమాలు నేరుగా ఓటీటీ ప్లాట్‌ఫామ్‌పై విడుద‌ల‌య్యాయి. మ‌రికొన్ని అదే బాట‌లో ప్ర‌యాణించేందుకు సిద్ధ‌మ‌వుతున్నాయి. అయితే వీటిపై తాజాగా ఓ ఇంట‌ర్వ్యూలో నిర్మాత‌గా మారిన న‌టుడు బండ్ల గ‌ణేశ్‌ త‌న అభిప్రాయం వెల్ల‌డించాడు. కొవిడ్‌-19 బారిన‌ప‌డి కోలుకున్న ఆయ‌న తాను ఓటీటీలు, ఏటీటీల్లో సినిమాలు తియ్య‌నని ఖ‌రాఖండిగా చెప్పేశాడు. "నేను తీస్తే థియేట‌ర్ల‌లో ఆడే సినిమాలు తీస్తాను. లేక‌పోతే నా వ్యాపారాలు చేసుకుంటా. థియేట‌ర్ల‌లో రిలీజ‌య్యే రోజే సినిమా తీస్తా. ఈ ఓటీటీలు, ఏటీటీల కోసం నేను సినిమాలు తియ్య‌లేను. రెవెన్యూ కోసం వాటి జోలికి పోను. రెవెన్యూ జ‌న‌రేట్ చేయ‌డానికి నాకు చాలా వ‌న‌రులున్నాయి. నాకు సినిమా అంటే కిక్కు. సినిమానే నా జీవితం. సినిమా నుంచే నేనొచ్చాను. నా ప‌దిహేనో సంవ‌త్స‌రం ఇండ‌స్ట్రీకి వ‌చ్చాను. నాకిప్పుడు 46 సంవ‌త్స‌రాలు. 31 సంవ‌త్స‌రాలు అయ్యింది. నాకైతే ఓటీటీలు, ఏటీటీల మీద ఇంట్రెస్ట్ లేదు" అని తేల్చి చెప్పాడు గ‌ణేశ్‌.
  ప‌వ‌న్ క‌ల్యాణ్ స‌ర‌స‌న న‌టించిన 'బ‌ద్'రి సినిమాతో టాలీవుడ్‌కు ప‌రిచ‌య‌మ‌య్యారు రేణూ దేశాయ్‌. అందులో వెన్నెల క్యారెక్ట‌ర్‌లో రాణించారు. సెకండ్ హీరోయిన్ క్యారెక్ట‌ర్‌లో ఆడియెన్స్ సానుభూతి సంపాదించారు. దాని త‌ర్వాత తిరిగి పీకే స‌ర‌స‌నే 'జాని' మూవీలో న‌టించారు. ఆ త‌ర్వాత ఆమె న‌ట‌న‌కు స్వస్తి చెప్పారు. పీకేతో విడిపోయిన త‌ర్వాత పూనేలో ఉంటూ వ‌స్తున్నారు. సోష‌ల్ మీడియాలో యాక్టివ్‌గా ఉంటూ అప్పుడ‌ప్పుడు గ‌త జ్ఞాప‌కాల‌కు సంబంధించిన ఫొటోల‌ను, వీడియోల‌ను ఆమె షేర్ చేస్తూ వ‌స్తున్నారు. ఈ సంద‌ర్భంలో ప‌వ‌న్ క‌ల్యాణ్ ఫ్యాన్స్ నుంచి ట్రోలింగ్‌ను ఎదుర్కొంటున్నారు. అయిన‌ప్ప‌టికీ త‌న ఇష్టాయిష్టాల‌ను గౌర‌వించాల‌ని ఆమె గ‌ట్టిగా చెబుతూనే వ‌స్తున్నారు. కాగా.. త‌న అస‌లు పేరు రేణూ దేశాయ్ కాద‌ని ఆమె ఒక ఇంట‌ర్వ్యూలో ఆమె వెల్ల‌డించారు. తండ్రి పెట్టిన పేరు హీరావ‌తి అని ఆమె తెలిపారు. ఆయ‌న చ‌నిపోయిన త‌ర్వాత నాన‌మ్మ త‌న‌పేరును రేణుకాదేవి అని మార్చింద‌ని ఆమె చెప్పారు. ఇక సినిమాల్లోకి వ‌చ్చాక రేణుకాదేవి పేరు కాస్తా రేణూ దేశాయ్‌గా మారింద‌ని ఆమె వెల్ల‌డించారు.
  ఓవైపు క‌రోనా కేసులు బ‌య‌ట‌కు వ‌స్తున్నా టీవీ షోల షూటింగ్స్ కొన‌సాగుతూనే ఉన్నాయి. అందుకు అనుగుణంగానే 'బిగ్ బాస్' 4వ సీజ‌న్‌కు సంబంధించిన ప్రి-ప్రొడ‌క్ష‌న్ ప‌నులు జ‌రుగుతున్న‌ట్లు ఫిల్మ్‌న‌గ‌ర్‌లో ప్ర‌చారం జ‌రుగుతోంది. మూడో సీజ‌న్ బ్లాక్‌బ‌స్ట‌ర్ కావ‌డంతో నాలుగో సీజ‌న్‌కు సైతం హోస్ట్‌గా నాగార్జున వ్య‌వ‌హ‌రిస్తార‌ని ఇప్ప‌టి దాకా అనుకుంటూ వ‌చ్చారు. అయితే తాజాగా వినిపిస్తున్న దాని ప్ర‌కారం, ఆయ‌న స్థానంలో సెన్సేష‌న‌ల్ స్టార్ విజ‌య్ దేవ‌ర‌కొండ వ‌చ్చే అవ‌కాశాలున్నాయంట‌. ఈ మేర‌కు అత‌నితో 'బిగ్ బాస్' తెలుగు వెర్ష‌న్ నిర్వాహ‌కులు సంప్ర‌దింపులు జ‌రుపుతున్న‌ట్లు ప్రచారం న‌డుస్తోంది. ఇదివ‌ర‌కు స‌మంత పేరు కూడా వినిపించినా, అందులో నిజం లేద‌ని వెల్ల‌డైంది. మ‌రిప్పుడు విజ‌య్ పేరు కూడా అలా స్పెక్యులేష‌న్‌లో భాగంగా వ‌చ్చిందా, నిజంగానే ఆయ‌నను సంప్ర‌దిస్తున్నారా.. అనే విష‌యం తెలియాల్సి ఉంది. అయితే నాగార్జున‌కు ప్ర‌త్యామ్నాయంగా మరొక‌రిని హోస్ట్‌గా తీసుకోవాల‌నే చ‌ర్చ‌లు జ‌రుగుతున్నాయ‌నీ, అందులో భాగంగానే విజ‌య్ పేరు ప్ర‌స్తావ‌న‌కు వ‌చ్చింద‌నీ అంటున్నారు. ఏదేమైనా ఆగ‌స్ట్‌లో 'బిగ్ బాస్ 4' తెలుగు షో మొద‌ల‌వ‌నున్న‌ది.
  'సాహో' గాళ్ శ్ర‌ద్ధా క‌పూర్ సోష‌ల్ మీడియాలో ఓ అరుదైన మైలురాయిని అందుకుంది. ఇన్‌స్టాగ్రామ్‌లో ఆమెను ఫాలో అవుతున్న వారి సంఖ్య ఏకంగా 50 మిలియ‌న్ దాటింది. బాలీవుడ్‌లో 'ఆషికి 2' మూవీతో వెలుగులోకి వ‌చ్చిన శ్ర‌ద్ధ‌, న‌టిగా త‌నదైన ముద్రవేసింది. అగ్ర తార‌ల్లో ఒక‌రిగా ఎదిగింది. ప‌లు సినిమాల్లో ఆమె అంద‌చందాలు, అభిన‌య సామ‌ర్థ్యంతో కోట్లాది మంది హృద‌యాల‌ను గెలుచుకుంది. ఆమె చ‌క్క‌ని న‌టి మాత్ర‌మే కాదు, ఒక ఫ్యాష‌న్ ఐకాన్ కూడా! సోష‌ల్ మీడియాలో భారీ ఫ్యాన్ ఫాలోయింగ్‌ను ఆమె ఎంజాయ్ చేస్తూ వ‌స్తోంది. ఇవాళ ఇన్‌స్టాగ్రామ్‌లో 50 మిలియ‌న్ ఫాలోయ‌ర్స్ మార్క్‌ను చేరుకోవ‌డం ద్వారా ఒక కొత్త మైలురాయిని అందుకుంది. లాక్‌డౌన్ పీరియ‌డ్‌లో త‌న స‌మ‌యాన్ని ఎలా గ‌డుపుతోందో త‌ర‌చుగా ఫొటోలు, వీడియోల‌ను షేర్ చేయ‌డం ద్వారా తెలియ‌జేస్తూ వ‌స్తోంది శ్ర‌ద్ధ‌. ఎక్కువ‌గా యోగా, వ్యాయామం చేస్తున్న ఫొటోలు, వీడియోలు షేర్ చేసింది. ప‌ని విష‌యానికి వ‌స్తే చివ‌ర‌గా సుశాంత్ సింగ్ రాజ్‌పుత్‌తో క‌లిసి న‌టించిన 'చిచ్చోరే' సినిమాలో క‌నిపించింది. ఆ సినిమాకు ప్రేక్ష‌కుల నుంచి ఆద‌రాభిమానాల‌తో పాటు విమ‌ర్శ‌కుల ప్ర‌శంస‌లూ ల‌భించాయి. ప్ర‌స్తుతం ఆమె ల‌వ్ రంజ‌న్ డైరెక్ట్ చేస్తోన్న టైటిల్ ఖ‌రారుకాని సినిమాలో న‌టిస్తోంది.
  ఎప్పుడెప్పుడా అని అశేష అభిమానులు క‌ళ్లు కాయ‌లు కాచేలా ఎదురుచూస్తోన్న నేటి త‌రం రెబ‌ల్ స్టార్ ప్ర‌భాస్ కొత్త సినిమా టైటిల్‌తో పాటు ఫ‌స్ట్ లుక్ వ‌చ్చేసింది. కొద్ది రోజులుగా ప్ర‌చారంలో ఉన్న‌ట్లే సినిమాకు 'రాధే శ్యామ్' అనే టైటిల్ ఖ‌రారు చేశారు. జూలై 10 ప్ర‌భాస్ కెరీర్ దిశ‌ను మార్చేసిన 'బాహుబ‌లి: ద బిగినింగ్' ప్రేక్ష‌కుల ముందుకు వ‌చ్చిన రోజు. అందుకే అత‌ని కొత్త సినిమా టైటిల్ అండ్ ఫ‌స్ట్ లుక్ ఎనౌన్స్‌మెంట్‌కు అది బెస్ట్ డే అని భావించిన నిర్మాత‌లు 'రాధే శ్యామ్' టైటిల్‌ను ఎనౌన్స్ చేశారు. తెలుగుతో పాటు హిందీ, త‌మిళ‌, మ‌ల‌యాళ భాష‌ల్లో ఇదే టైటిల్‌ను ఖాయం చేశారు. దీంతో పాటు ప్ర‌భాస్‌, పూజా హెగ్డే రొమాంటిక్ స్టిల్‌ను ఫ‌స్ట్ లుక్‌గా రిలీజ్ చేశారు. ఒక‌రి చేతిని మ‌రొక‌రు ప‌ట్టుకొని క‌ళ్లు మూసుకొని, త‌న్మ‌య‌త్వాన్ని అనుభ‌విస్తున్న‌ట్లు ఉన్న ఈ ఇద్ద‌రూ బెస్ట్ పెయిర్‌గా క‌నిపిస్తున్నారు. ఇంటెన్స్ ల‌వ్ స్టోరీగా డైరెక్ట‌ర్ రాధాకృష్ణ కుమార్ రూపొందిస్తోన్న ఈ మూవీలో రాధ‌, శ్యామ్ అనే ప్రేమికులుగా పూజ, ప్ర‌భాస్ న‌టిస్తున్నార‌ని అర్థ‌మ‌వుతోంది. అందుకే ఆ ఇద్ద‌రి పేర్లూ క‌లిసివచ్చేలా 'రాధే శ్యామ్' అనే టైటిల్ నిర్ణ‌యించిన‌ట్లుగా చెప్పుకుంటున్నారు. ఈ టైటిల్‌ను ఫ్యాన్స్ నుంచి సూప‌ర్బ్ రెస్పాన్స్ వ‌స్తోంది. 2021 స‌మ్మ‌ర్ గిఫ్ట్‌గా 'రాధే శ్యామ్' ఆడియెన్స్ ముందుకు వ‌స్తుంద‌ని ఫ్యాన్స్ ఆశిస్తున్నారు. 'బాహుబ‌లి' మూవీతో ప్ర‌భాస్ మార్కెట్ వాల్యూని దేశ‌వ్యాప్తంగా పెంచేశాడు రాజ‌మౌళి. 'సాహో' సినిమా విష‌యంలో అది నిరూపిత‌మైంది. ఏ సౌతిండియ‌న్ స్టార్‌కు లేని విధంగా నార్త్ ఇండియాలో ఆ మూవీని భారీ రేట్ల‌కు బ‌య్య‌ర్లు కొన‌గా, క‌లెక్ష‌న్లు కూడా అదే స్థాయిలో వ‌చ్చి, తెలుగునాట కంటే అక్క‌డే హిట్ట‌య్యింది. అలా ఏకైక పాన్ ఇండియా స్టార్‌గా అవ‌త‌రించాడు ప్ర‌భాస్‌. అయితే తెలుగునాట 'బాహుబ‌లి 2' రికార్డుల‌ను 'సాహో' అధిగ‌మించ‌లేక‌పోయింది. అయితే 'రాధేశ్యామ్' మూవీ ప‌రిస్థితి అలా ఉండ‌ద‌నీ, 'బాహుబ‌లి 2' రికార్డుల‌ను అది బ‌ద్ద‌లుకొడుతుంద‌నీ ప్ర‌భాస్ ఫ్యాన్స్ గ‌ట్టి న‌మ్మ‌కాన్ని క‌న‌ప‌రుస్తున్నారు. 'రాధే శ్యామ్‌' ఫ‌స్ట్ లుక్‌లో ప్ర‌భాస్ అల్ట్రా మోడ‌ర‌న్ లుక్‌లో ఆక‌ట్టుకుంటున్నాడు. సిల్వ‌ర్ క‌ల‌ర్ సూట్‌లో ఉన్న అత‌ను రెడ్ క‌ల‌ర్ గౌన్ ధ‌రించిన పూజా హెగ్డేను పొదివి ప‌ట్టుకున్న తీరు ఒక గొప్ప ల‌వ్ స్టోరీతో ప్ర‌భాస్ మ‌న ముందుకు రానున్నాడ‌నే సంకేతాలు ఇస్తున్నాయి. తెలుగునాట‌ 'సాహో' ఫ‌లితం నిరాశ‌ప‌ర‌చ‌డంతో రాధే శ్యామ్‌ సినిమా కోసం అత‌ను మ‌రింత‌గా శ్ర‌మిస్తున్నాడు. మ‌రోవైపు టాలీవుడ్ టాప్ యాక్ట్రెస్ హోదాను ఎంజాయ్ చేస్తోన్న పూజా లుక్ సైతం అద‌ర‌గొడుతోంది. 'అల‌.. వైకుంఠ‌పుర‌ములో' మూవీలో త‌న రూపంతో, త‌న చూపుల‌తో ఆడియెన్స్‌ను మెస్మ‌రైజ్ చేసిన ఆమె, ప్ర‌భాస్‌కు ప‌ర్ఫెక్ట్ జోడీగా క‌నిపిస్తూ మ‌రోసారి అలాంటి అనుభ‌వాన్నే రాధ పాత్ర‌తో ఇస్తాన‌నే న‌మ్మ‌కాన్ని క‌లిగిస్తోంది. ఈ మూవీలో ప్ర‌భాస్ త‌ల్లిగా ఒక‌ప్ప‌టి సంచ‌ల‌న బాలీవుడ్ తార భాగ్య‌శ్రీ న‌టిస్తుండ‌టం విశేషం. 'మైనే ప్యార్ కియా' అనే బ్లాక్‌బ‌స్ట‌ర్ బాలీవుడ్ మూవీతో సెన్సేష‌న‌ల్ స్టార్‌గా రాత్రికి రాత్రే అవ‌త‌రించిన ఆమె, అదే సినిమా తెలుగు డ‌బ్బింగ్ వెర్ష‌న్ 'ప్రేమ పావురాలు'తో మ‌న ప్రేక్ష‌కుల‌నూ స‌మ్మోహితుల‌ను చేసిన రోజులు ఇంకా మ‌న జ్ఞాప‌కాల్లో ప‌దిలంగానే ఉన్నాయి. చాలా కాలం త‌ర్వాత ఆమె ఈ సినిమాతో మ‌న ముందుకు వ‌స్తుండ‌టం ఆనందాన్ని క‌లిగించే విష‌యం. అలాగే బిల్లా, రెబ‌ల్ సినిమాల్లో ప్ర‌భాస్‌తో న‌టించిన అత‌ని పెద‌నాన్న సీనియ‌ర్ రెబ‌ల్ స్టార్ కృష్ణంరాజు ఈ సినిమాలో ఒక కీల‌క పాత్ర చేస్తున్నారు. అయితే త‌న‌ది ప్ర‌భాస్ ఫాద‌ర్ క్యారెక్ట‌ర్ కాద‌ని ఇదివ‌ర‌కు ఒక ఇంట‌ర్వ్యూలో ఆయ‌న తెలిపారు. గోపీకృష్ణా మూవీస్ బ్యాన‌ర్‌పై ఈ సినిమాని ఆయ‌న ప్రెజెంట్ చేస్తుండ‌టం గ‌మ‌నార్హం. 'సాహో' త‌ర‌హాలోనే భారీ బ‌డ్జెట్ అంచ‌నాతో ఈ సినిమాని స్టార్ట్ చేసిన‌ప్ప‌టికీ, క‌రోనా మ‌హ‌మ్మారి వ్యాప్తి కార‌ణంగా ఏర్ప‌డ్డ ప్ర‌తికూల వాతావ‌ర‌ణంలో బ‌డ్జెట్‌ను కుదించుకోక త‌ప్ప‌ని స్థితి. టి సిరీస్‌, యువి క్రియేష‌న్స్ సంయుక్తంగా నిర్మిస్తోన్న ఈ సినిమాలో స‌చిన్ ఖ‌డేక‌ర్‌, ముర‌ళీశ‌ర్మ‌, ప్రియ‌ద‌ర్శి, సాషా చెత్రి, కునాల్‌రాయ్ క‌పూర్ కీల‌క పాత్ర‌లు చేస్తున్నారు. త‌మిళ క‌మెడియ‌న్ స‌త్య‌న్ ఈ మూవీతో టాలీవుడ్‌కు ప‌రిచ‌య‌మ‌వుతున్నాడు. ఎన్నో విశేషాలతో త‌యార‌వుతున్న 'రాధే శ్యామ్' ఫిల్మ్ బాక్సాఫీస్ ద‌గ్గ‌ర ఎలాంటి సంచ‌ల‌నాలు సృష్టిస్తుందో చూడాల్సిందే.  
'అరెరే చంద్రకళ... జారేనా కిందికిలా' అని 'ముకుంద' సినిమాలో ఒక పాట ఉంది. అందులో వరుణ్ తేజ్, పూజా హెగ్డే స్టెప్పులు వేశారు. పాటలో హీరోయిన్‌ను చంద్రకళగా హీరో వర్ణిస్తాడు. లేటెస్ట్‌గా పూజా హెగ్డే ఇన్‌స్టాగ్రామ్‌లో పోస్ట్ చేసిన ఫొటోలు చూస్తే 'అరెరే నెలవంక... వచ్చిందా నేలకు ఇక' అన్నట్టు ఉన్నాయి.   ఫిట్‌నెస్ అంటే ప్రాణం ఇచ్చే హీరోయిన్లలో పూజా హెగ్డే ఒకరు. సన్నజాజిలా చక్కగా ఉండటానికి కారణం అదే. లాక్‌డౌన్‌లోనూ ఫిట్‌నెస్‌ను పూజా హెగ్డే పక్కన పెట్టలేదు. జిమ్‌కి వెళ్లి వర్కవుట్స్ చేయడం కుదరడం లేదు కనుక ఆన్‌లైన్‌లో కోచ్ నుండి క్లాసులు తీసుకుంటున్నారు. ఇంట్లో వర్కవుట్స్ చేస్తున్నారు. అలాగే, యోగా కూడా. గురువారం ఆమె యోగా చేశారు. ఆ ఫొటోలు ఇన్‌స్టాగ్రామ్‌లో పోస్ట్ చేశారు.      ఒళ్లును విల్లులా వంచుతూ పూజా హెగ్డే వేసిన ధనుర్ ఆసన అయితే ప్రేక్షకులు నోరెళ్ళబెట్టి చూసేలా ఉంది. లాక్‌డౌన్‌లో ఫిట్‌నెస్ విషయంలో ప్రజలకు రకుల్ ప్రీత్ సింగ్, పూజా హెగ్డే వంటి తారలు స్ఫూర్తిగా నిలుస్తున్నారు.  
ఆరడుగుల అందగాడు ప్రభాస్. నయా అతిలోక సుందరి పూజా హెగ్డే. వీళ్లిద్దరూ జంటగా తెరపైకి వస్తే ఎలా ఉంటుంది? అదీ అందమైన యూరప్ నేపథ్యంలో ప్రేమకథా చిత్రంలో నటిస్తే ఎలా ఉంటుంది? ఈ ప్రశ్నలకు జవాబు ఈ రోజు లభించింది. ప్రభాస్, పూజా హెగ్డే జంటగా నటిస్తున్న సినిమా ఫస్ట్ లుక్ శుక్రవారం (జూలై 10) ఉదయం పది గంటలకు విడుదలైంది. 'బాహుబలి 1' విడుదలై ఐదేళ్లు అయిన సందర్భంగా అభిమానులకు ప్రభాస్ 20 టీమ్ ఇచ్చిన కానుక ఇదే అనుకోవాలి.  ఏమాటకు ఆ మాటే చెప్పుకోవాలి. ఓ సుమధుర దృశ్యకావ్యాన్ని ఫస్ట్ లుక్ తలపించింది. ఓ అందమైన పెయింటింగ్ చూసినట్టు ఉంది. హీరో హీరోయిన్ల జోడీ కూడా చాలా బావుంది.      ఫస్ట్ లుక్‌తో పాటు టైటిల్ కూడా ప్రకటించారు. ఈ చిత్రానికి 'రాధే శ్యామ్' టైటిల్ ఖరారు చేశారని కొన్నాళ్ల క్రితమే బయటకొచ్చింది. అది అభిమానులకూ నచ్చింది. అదే టైటిల్ ఈ రోజు కన్ఫర్మ్ చేశారు. ఇంతకు ముందు ఈ సినిమాకు 'జాన్' టైటిల్ అనుకున్నారు. శర్వానంద్, సమంత జంటగా నటించిన తమిళ హిట్ '96'కి రీమేక్ కి నిర్మాత దిల్ రాజు 'జాను' టైటిల్ పెట్టడంతో ప్రభాస్ టీమ్ మరో టైటిల్ చూసింది. ఇప్పుడీ ఫస్ట్ లుక్ చూస్తుంటే 'జాన్' కంటే 'రాధే శ్యామ్' బాగా సూట్ అయినట్టు అనిపిస్తోంది.  'రాధే  శ్యామ్'లో ప్రభాస్ కొత్త హెయిర్ స్టయిల్ ట్రై చేసినట్టు కనిపిస్తోంది. హీరో హీరోయిన్ కింద ఎగసిపడుతున్న అలలు, ఎర్రటి నేపథ్యం సినిమాపై క్యూరియాసిటీ కలిగిస్తున్నాయి. ఈ ఫస్ట్ లుక్ విడుదలతో యంగ్ రెబల్ స్టార్ ప్రభాస్ అభిమానుల సుదీర్ఘ నిరీక్షణకు తెర పడింది. ఎప్పటి నుండో వాళ్లు ఈ లుక్ కోసం కళ్లు కాయలు కాసేలా ఎదురు చూశారు. ఒకానొక దశలో నిర్మాణ సంస్థ యువి క్రియేషన్స్ మీద తీవ్ర ఆగ్రహం వ్యక్తం చేశారు. ఇప్పుడు ప్రభాస్ అభిమానులు హ్యాపీ.
షాహిద్ కపూర్ హీరోగా స్పోర్ట్స్ డ్రామా 'జెర్సీ'ని హిందీలో అల్లు అరవింద్, అమన్ గిల్ తో కలిసి దిల్ రాజు రీమేక్ చేస్తున్న సంగతి తెలిసిందే. నిర్మాతగా హిందీలో ఆయనకు అదే తొలి చిత్రమ్. లేటెస్ట్ ఇన్ఫర్మేషన్ ఏంటంటే... ఆయన హిందీలో మరో సినిమా ప్రొడ్యూస్ చేయాలనుకుంటున్నారట. ఈసారీ రీమేక్ కథతో బాలీవుడ్ సినిమా చేయడానికి ప్లాన్ చేస్తున్నారట. స్టయిలిష్ స్టార్ అల్లు అర్జున్ హీరోగా 'ఆర్య', 'పరుగు' తరవాత దిల్ రాజు ప్రొడ్యూస్ చేసిన సినిమా 'డీజే... దువ్వాడ జగన్నాథమ్'. ఇది హీరో, ప్రొడ్యూసర్ కాంబినేషన్‌లో హ్యాట్రిక్ హిట్. హరీష్ శంకర్ డైరెక్ట్ చేసిన ఈ సినిమాలో కమర్షియల్ ఎలిమెంట్స్ అన్నీ ఉన్నాయి. స్టోరీలో పాన్ ఇండియన్ అప్పీల్ కూడా ఉంది. అందుకని, రీమేక్ చేయడానికి దిల్ రాజు రెడీ అవుతున్నారని సమాచారం. బాలీవుడ్‌లో బీఆర్ చోప్రా ప్రొడక్షన్స్‌తో 'డీజీ' రీమేక్ చేయడానికి ఒప్పందం జరిగిందని టాక్. తెలుగు సినిమాను డైరెక్ట్ చేసిన హరీష్ శంకర్, హిందీ రీమేక్‌కి డైరెక్షన్ చేసే ఛాన్స్ ఉందట. ఒకవేళ హరీష్ శంకర్ అందుబాటులో లేకపోతే మరో డైరెక్టర్ కోసం చూడాలని అనుకుంటున్నారట. ఒకవేళ హరీష్ శంకర్ ఎస్ అంటే వరుణ్ ధావన్ లేదా టైగర్ ష్రాఫ్... ఇద్దరిలో ఎవరో ఒకరు హీరోగా నటించవచ్చు. డిస్కషన్స్ జరుగుతున్నాయట.
  ప్రిన్స్ మ‌హేశ్ హీరోగా 1999లో కె. రాఘ‌వేంద్ర‌రావు డైరెక్ట్ చేసిన 'రాజ‌కుమారుడు' సినిమాతో ప‌రిచ‌య‌మ‌య్యాడు. కాల‌క్ర‌మంలో తండ్రి కృష్ణ‌కు త‌గిన వార‌సుడిగా సూప‌ర్‌స్టార్ అనిపించుకొని అనిల్ రావిపూడి డైరెక్ట్ చేసిన 'స‌రిలేరు నీకెవ్వ‌రు' మూవీతో 21 సంవ‌త్స‌రాల్లో 26 సినిమాలు పూర్తి చేశాడు మ‌హేశ్‌. అత‌ని స‌ర‌స‌న జోడీగా ఇటు సౌత్ బ్యూటీలు, అటు నార్త్ హీరోయిన్లు న‌టించారు. వారిలో ఏడుగురు సుంద‌రాంగులు మ‌హేశ్ సినిమాల‌తోటే టాలీవుడ్‌కు ప‌రిచ‌య‌మ‌వ‌గా, వాళ్లంతా ఉత్త‌రాది భామ‌లే కావ‌డం విశేషం. వాళ్లెవ‌రు, ఇప్పుడు వాళ్ల స్థితి ఎలా ఉందో ఓ చూపు చూసేద్దాం... 1. న‌మ్ర‌తా శిరోద్క‌ర్ (వంశీ) మ‌హేశ్ హీరోగా న‌టించిన మూడో సినిమా 'వంశీ' ద్వారా న‌మ్ర‌తా శిరోద్క‌ర్ తెలుగు చిత్ర‌సీమ‌లో అడుగుపెట్టింది. దాని త‌ర్వాత మ‌రో సినిమా మాత్ర‌మే ఆమె తెలుగులో చేసింది. అది మెగాస్టార్ చిరంజీవి స‌ర‌స‌న చేసిన 'అంజి'. ఆమె న‌టించగా విడుద‌లైన చివ‌రి సినిమా కూడా అదే. తెలుగులో త‌న తొలి సినిమా డిజాస్ట‌ర్ అయిన‌ప్ప‌టికీ, ఆ సినిమా హీరో మ‌హేశ్‌నే న‌మ్ర‌త పెళ్లి చేసుకోవ‌డం, త‌న తొలి టాలీవుడ్ డెబ్యూ హీరోయిన్‌నే మ‌హేశ్ పెళ్లాడ‌టం ఒక విశేషం. ఇద్ద‌రు పిల్ల‌లు.. గౌత‌మ్‌కృష్ణ‌, సితారల‌కు త‌ల్లిదండ్రులుగా ఆ ఇద్ద‌రి వైవాహిక బంధం అత్యంత ఆనంద‌క‌రంగా న‌డుస్తోంది. పెళ్లి త‌ర్వాత న‌ట‌న‌కు పూర్తిగా దూర‌మైంది న‌మ్ర‌త‌. 2. సోనాలీ బెంద్రే (మురారి) కృష్ణ‌వంశీ డైరెక్ట్ చేసిన 'మురారి' మూవీ మ‌హేశ్ కెరీర్‌కు ఊత‌మివ్వ‌డ‌మే కాకుండా, సోనాలీ బెంద్రేతో అత‌డి జోడీ ప్రేక్ష‌కుల్ని అమితంగా ఆక‌ట్టుకుంది. సోనాలీ అంద‌చందాలు, న‌ట‌నా ప్ర‌తిభ‌కు ముగ్ధులైన ప్రేక్ష‌కులు ఆ త‌ర్వాత కూడా ఆమెను ఆద‌రించారు. 'ఇంద్ర', 'ఖ‌డ్గం', 'మ‌న్మ‌థుడు' చిత్రాలు అందుకు ఉదాహ‌ర‌ణ‌. తెలుగులో చిరంజీవితో చేసిన రెండో సినిమా 'శంక‌ర్‌దాదా ఎంబీబీఎస్' సైతం ఆమెకు మంచి పేరు తెచ్చింది. దాని త‌ర్వాత ఆమె సినిమాల‌కు స్వ‌స్తిచెప్పింది. అంత‌కు రెండేళ్ల క్రిత‌మే పెళ్లాడిన బాలీవుడ్ ప్రొడ్యూస‌ర్ గోల్డీ బెహ‌ల్‌తో జీవితంలో స్థిర‌ప‌డింది. స‌రిగ్గా రెండేళ్ల క్రితం త‌న‌కు కేన్సర్ అని వెల్ల‌డించిన ఆమె, ప్ర‌స్తుతం దాని నుంచి రిక‌వ‌ర్ అవుతోంది. 3. లీసా రే (ట‌క్క‌రి దొంగ‌) తండ్రి బాట‌లో కౌబాయ్‌గా మ‌హేశ్ న‌టించిన 'ట‌క్క‌రిదొంగ‌' సినిమాలో మెయిన్ హీరోయిన్‌గా టాలీవుడ్‌కు ప‌రిచ‌య‌మైన తార లీసా రే ఒక ఇండో కెన‌డియ‌న్ యాక్ట‌ర్‌. వ‌య‌సులో మ‌హేశ్ కంటే మూడేళ్లు పెద్ద‌దైన ఆమె తెలుగులో న‌టించిన ఏకైక సినిమా ఇదే. ఆ త‌ర్వాత ఇంగ్లిష్ సినిమాల్లోనే న‌టిస్తూ వ‌చ్చిన ఆమె నాలుగేళ్ల‌గా హిందీ సినిమాలు చేస్తోంది. గ‌తేడాది ఎ.ఆర్‌. రెహ‌మాన్ మ్యూజిక్ స‌మ‌కూర్చిన '99 సాంగ్స్' సినిమా చేసింది. ప్ర‌స్తుతం ప్రైమ్ వీడియోలో స్ట్రీమింగ్ అవుతోన్న 'ఫోర్ మోర్ షాట్స్ ప్లీజ్' వెబ్ సిరీస్‌లో లెస్బియ‌న్ క్యారెక్ట‌ర్‌లో క‌నిపిస్తోంది. 2009లోనే బ్ల‌డ్ కేన్స‌ర్ బారిన ప‌డిన ఆమె.. దాని నుంచి కోలుకొని ఒక‌వైపు న‌టిస్తూనే మ‌రోవైపు కేన్స‌ర్‌పై ప్ర‌జ‌ల‌ను చైత‌న్య‌వంతం చేసే అనేక కార్య‌క్ర‌మాల్లో పాలుపంచుకుంటుండ‌టం విశేషం. 4. బిపాషా బ‌సు (ట‌క్క‌రి దొంగ‌) 'ట‌క్క‌రిదొంగ‌'లో సెకండ్ హీరోయిన్‌గా క‌నిపించిన బాలీవుడ్ బ్యూటీ బిపాషా బ‌సు, ఆ సినిమా త‌ర్వాత లీసా రే త‌ర‌హాలోనే మ‌రే తెలుగు సినిమాలోనూ న‌టించ‌లేదు. ఓవ‌రాల్‌గా ఇది ఆమెకు రెండో సినిమా. దీనికి ముందు బాలీవుడ్‌లో 'అజ్‌న‌బీ' మూవీతో తెరంగేట్రం చేసి, బెస్ట్ ఫిమేల్ డెబ్యూగా ఫిల్మ్‌ఫేర్ అవార్డు అందుకున్న బిపాషా.. రాజ్‌, జిస్మ్‌, ఐత్‌బార్‌, నో ఎంట్రీ, రేస్‌, బ‌చ్‌నా ఏ హ‌సీనో, రాజ్ 3డి వంటి సినిమాల‌తో ప్రేక్ష‌కుల‌ను అల‌రించింది. 2005, 2007 సంవ‌త్స‌రాల‌కు గాను 'సెక్సియెస్ట్ ఉమ‌న్ ఇన్ ఏషియా'గా ఆమెను యుకె మ్యాగ‌జైన్‌ 'ఈస్ట‌ర్న్ ఐ' ఎంపిక చేయ‌డం గ‌మ‌నార్హం. కొన్నాళ్లు బాలీవుడ్ స్టార్ యాక్ట‌ర్ జాన్ అబ్ర‌హాంతో డేటింగ్ చేసిన ఆమె.. అత‌డితో బ్రేక‌ప్ త‌ర్వాత‌ 2016లో న‌టుడు మోడ‌ల్ క‌ర‌ణ్ సింగ్ గ్రోవ‌ర్‌ను పెళ్లాడింది. 5. అమృతా రావ్ (అతిథి) సూర‌జ్ ఆర్‌. బ‌ర్జాత్యా డైరెక్ట్ చేసిన బాలీవుడ్ మూవీ 'వివాహ్‌'లో హీరోయిన్‌గా అమృతా రావ్ న‌ట‌న దేశ‌వ్యాప్తంగా సినీ ప్రియుల‌ను అల‌రించ‌డంతో, 'అతిథి' మూవీలో అమృత పాత్ర‌కు అమృతా రావే క‌రెక్ట‌ని ఫిక్స‌యి ఆమెను టాలీవుడ్‌కు తెచ్చాడు డైరెక్ట‌ర్ సురేంద‌ర్‌రెడ్డి. సినిమా ఫ‌లితం ఎలా ఉండ‌నీ గాక‌, అమృతా రావ్ న‌ట‌న, ఆమె అంద‌చందాలు ప్రేక్ష‌కుల‌కు న‌చ్చాయి. తెలుగులో ఆమె న‌టించిన సినిమా ఇదొక్క‌టే. మై నేమ్ ఈజ్ ఆంథోనీ గాన్‌స్లేవ్స్‌, వెల్‌క‌మ్ టు స‌జ్జ‌న్‌పూర్‌, జాలీ ఎల్ఎల్‌బీ, స‌త్యాగ్ర‌హ లాంటి సినిమాలు చేశాక సినిమాల‌కు దూర‌మైంది. 2016లో బాయ్‌ఫ్రెండ్ అన్‌మోల్‌ను పెళ్లాడిన ఆమె, ఆరేళ్ల గ్యాప్‌తో 2019లో బాల్ థాక‌రే బ‌యోపిక్‌గా వ‌చ్చిన 'థాక‌రే' మూవీలో ఆయ‌న భార్య మీనా థాక‌రే క్యారెక్ట‌ర్ చేసి అంద‌రి ప్ర‌శంస‌లూ పొందింది. 6. కృతి స‌న‌న్ (1.. నేనొక్క‌డినే) మ‌హేశ్ స‌ర‌స‌న స‌మీరా పాత్ర‌కు మొద‌ట త‌మ‌న్నా, త‌ర్వాత కాజ‌ల్ అగ‌ర్వాల్‌ను తీసుకోవాల‌ని అనుకున్న డైరెక్ట‌ర్ సుకుమార్‌.. ఆ ఇద్ద‌రి బిజీ షెడ్యూళ్ల కార‌ణంగా డేట్స్ ప్రాబ్లెమ్ త‌లెత్త‌డంతో కొత్త‌మ్మాయి కోసం అన్వేషించి, మోడ‌ల్ అయిన కృతి స‌న‌న్‌ను ఎంచుకున్నాడు. '1.. నేనొక్క‌డినే'తోటే కృతి తెరంగేట్రం చేసింది. స‌మీర‌గా ఆమె ప‌ర్ఫార్మ‌న్స్‌ను ప్రేక్ష‌కులు, విమ‌ర్శ‌కులు మెచ్చారు. దీని త‌ర్వాత తెలుగులో నాగ‌చైత‌న్య జోడీగా 'దోచెయ్' మూవీ చేసింది కృతి. ఆ త‌ర్వాత పూర్తిగా బాలీవుడ్‌కే అంకిత‌మై అక్కడ స్టార్ యాక్ట్రెస్‌గా రాణిస్తోంది. గ‌తేడాది 'లుకా చుప్పీ', 'హౌస్‌ఫుల్ 4' సినిమాల‌తో అల‌రించింది. ప్ర‌స్తుతం 'మిమి' అనే లేడీ ఓరియెంటెడ్ ఫిల్మ్‌తో పాటు అక్ష‌య్‌కుమార్ సినిమా 'బ‌చ్చ‌న్ పాండే' చేస్తోంది ఈ పొడుగుకాళ్ల సుంద‌రి. 7. కియారా అద్వానీ (భ‌ర‌త్ అనే నేను) హిందీలో తెరంగేట్రం చేసిన నాలుగేళ్ల‌కు టాలీవుడ్‌కు 'భ‌ర‌త్ అనే నేను' మూవీతో ప‌రిచ‌య‌మైంది చ‌క్క‌ని చుక్క లాంటి కియారా అద్వానీ. కొర‌టాల శివ డైరెక్ట్ చేసిన ఈ మూవీలో ముఖ్య‌మంత్రి భ‌ర‌త్‌గా చేసిన మ‌హేశ్ ప్రేమించే ఎంబీఏ గ్రాడ్యుయేట్ వ‌సుమ‌తి పాత్ర‌లో చ‌క్క‌గా రాణించింది. ఆమె అందానికి కుర్ర‌కారు దాసోహ‌మ‌న్నారు. ఆ త‌ర్వాత రామ్‌చ‌ర‌ణ్ జోడీగా 'విన‌య విధేయ రామ‌'లో క‌నిపించిన కియారా.. ఇవాళ బాలీవుడ్‌లో బాగా డిమాండ్ ఉన్న తార‌. 'అర్జున్‌రెడ్డి' హిందీ రీమేక్ 'క‌బీర్ సింగ్‌'లో హీరోయిన్ ప్రీతి సింగ్‌గా న‌టించి దేశ‌వ్యాప్తంగా సినీ ప్రియుల హృద‌యాల‌ను దోచుకుంది. అక్ష‌య్‌కుమార్ స‌ర‌స‌న న‌టించిన 'ల‌క్ష్మీ బాంబ్' మూవీ ఓటీటీలో రిలీజ్‌కు సిద్ధంగా ఉంది. ఇటీవ‌ల వ‌చ్చిన నెట్‌ఫ్లిక్స్ ఫిల్మ్ 'గిల్టీ', అదివ‌ర‌కటి 'ల‌స్ట్ స్టోరీస్' సినిమాల్లో ఆమె న‌ట‌న అంద‌రి ప్ర‌శంస‌లూ పొందింది. - బుద్ధి య‌జ్ఞ‌మూర్తి
ఇప్పుడు ఏదైనా పొరపాటు చేసి క‌రోనా వ్యాప్తికి అవకాశం ఇస్తై భవిష్యత్తులో మనల్ని మనం క్షమించుకోలేం. కరోనా వ్యాప్తి అగిన తర్వతానే లాక్ డౌన్ ఎత్తేయాలి. కరోనా కట్టడికి సామాజిక దూరం ఒక్కటే మార్గం. అభివృద్ది చెందిన దేశాలు సైతం కరోనా మహ్మమారిని ఎదుర్కోలేక కష్టాలు పడుతున్నాయ‌ని మంత్రి కెటి రామారావు ఆందోళ‌న వ్య‌క్తం చేశారు. 130 కోట్ల జనాభా ఉన్న దేశంలో అందరికి టెస్టులన్న అలోచన ఆచరణ సాద్యం కాదు. విచ్చలవిడి టెస్టులకు అనుమతిస్తే ప్రజల భయాందోళనల నేపధ్యంలో టెస్టు సెంటర్ల దోపిడీకి దారి తీస్తుంది. అవసరం అయిన వారీకీ టెస్టులు చేసే వీలుండని పరిస్ధితి ఏర్పడుతుంది. అందుకే విచ్చలవిడి టెస్టులకు ప్రభుత్వం అనుమతి ఇవ్వదని ఆయ‌న స్ప‌ష్టం చేశారు. కరోనా ను ఎదుర్కోనేందుకు ప్రభుత్వం అన్ని విధాలుగా సిద్దంగాఉన్నది. అవసరం అయిన సౌకర్యాలు, వైద్యసామాగ్రిన సిద్దం చేసి ఉంచుతున్నాం. లాక్ డౌన్లో ఒక్క అకలి చావు లేకుండా చూడాలన్న లక్ష్యంతో పనిచేస్తున్నం. మద్యతరగతి, పేదల సమస్యలను పరిగణలోకి తీసుకుని పనిచేస్తున్నాం. పారిశ్రామిక వర్గాలు, కేంద్రంతో సంప్రదింపులు చేస్తున్నామ‌ని మంత్రి కె.తారక రామారావు మీడియాతో మాట్లాడారు.   లాక్ డౌన్ పొడగించేందుకు సిద్దంగా ఉన్నామని ముఖ్యమంత్రి చెప్పారు. అమెరికా, యూరప్ లోని ఇటలీ, స్పెయిన్ లాంటి పరిస్థితులు ఇక్కడ తలెత్తకుండా ఉండాలంటే లాక్ డౌన్, సామాజిక దూరం ఒక్కటే మార్గమని ఆయ‌న అభిప్రాయ‌ప‌డ్డారు. మూడు దశల్లో కరోనా వైరస్ ని ఎదుర్కోవడమే లక్ష్యంగా తెలంగాణ ప్రభుత్వం పనిచేస్తున్నదని కెటిఆర్ అన్నారు. ఇప్పుడు ఏదైనా పొరపాటు చేసి క‌రోనా వ్యాప్తికి అవకాశం ఇస్తై భవిష్యత్తులో మనల్ని మనం క్షమించుకోలేం. కరోనా వ్యాప్తి అగిన తర్వతానే లాక్ డౌన్ ఎత్తేయాలి. కరోనా కట్టడికి సామాజిక దూరం ఒక్కటే మార్గం. అభివృద్ది చెందిన దేశాలు సైతం కరోనా మహ్మమారిని ఎదుర్కోలేక కష్టాలు పడుతున్నాయ‌ని మంత్రి కెటి రామారావు ఆందోళ‌న వ్య‌క్తం చేశారు. 130 కోట్ల జనాభా ఉన్న దేశంలో అందరికి టెస్టులన్న అలోచన ఆచరణ సాద్యం కాదు. విచ్చలవిడి టెస్టులకు అనుమతిస్తే ప్రజల భయాందోళనల నేపధ్యంలో టెస్టు సెంటర్ల దోపిడీకి దారి తీస్తుంది. అవసరం అయిన వారీకీ టెస్టులు చేసే వీలుండని పరిస్ధితి ఏర్పడుతుంది. అందుకే విచ్చలవిడి టెస్టులకు ప్రభుత్వం అనుమతి ఇవ్వదని ఆయ‌న స్ప‌ష్టం చేశారు.     కరోనా ను ఎదుర్కోనేందుకు ప్రభుత్వం అన్ని విధాలుగా సిద్దంగాఉన్నది. అవసరం అయిన సౌకర్యాలు, వైద్యసామాగ్రిన సిద్దం చేసి ఉంచుతున్నాం. లాక్ డౌన్లో ఒక్క అకలి చావు లేకుండా చూడాలన్న లక్ష్యంతో పనిచేస్తున్నం. మద్యతరగతి, పేదల సమస్యలను పరిగణలోకి తీసుకుని పనిచేస్తున్నాం. పారిశ్రామిక వర్గాలు, కేంద్రంతో సంప్రదింపులు చేస్తున్నామ‌ని మంత్రి కె.తారక రామారావు మీడియాతో మాట్లాడారు.     లాక్ డౌన్ పొడగించేందుకు సిద్దంగా ఉన్నామని ముఖ్యమంత్రి చెప్పారు. అమెరికా, యూరప్ లోని ఇటలీ, స్పెయిన్ లాంటి పరిస్థితులు ఇక్కడ తలెత్తకుండా ఉండాలంటే లాక్ డౌన్, సామాజిక దూరం ఒక్కటే మార్గమని ఆయ‌న అభిప్రాయ‌ప‌డ్డారు. మూడు దశల్లో కరోనా వైరస్ ని ఎదుర్కోవడమే లక్ష్యంగా తెలంగాణ ప్రభుత్వం పనిచేస్తున్నదని కెటిఆర్ అన్నారు.
* సఫాయన్న సేవకు చేతులెత్తి నమస్కరిస్తాడు  * బతుకుంటే బలుసాకైనా తినొచ్చంటడు  ఒక రాష్ట్ర ముఖ్యమంత్రి మీద రెండు రోజుల పాటు నిరంతరాయంగా సోషల్ మీడియా లో చర్చ..ఆయన నిరాఘాట, నిరుపమాన శబ్ద ప్రకటన మీద అన్ని సోషల్ మీడియా వేదికలు విస్మయం వ్యక్తం చేయటం... ఈ మధ్య కాలం లో ఎక్కడా చూడలేదు, వినలేదు కూడా.. సోషల్ మీడియా ను మోడీ మ్యానియా కమ్మేసిన వేళ, వాస్తవాల ప్రకటన తో, విస్తుపోయే నిజాలతో ఆయన విసిరిన మాటల మంత్రదండం ముందు చాలా మంది నాయకుల వాక్పటిమ వెలవెలపోయింది. ఎందుకంటే, ఆయన మాటల్లో నిజాయితీ ఉంది కాబట్టి, నిజముంది కాబట్టి. ఉమ్మడి ఆంధ్ర ప్రదేశ్ ముఖ్యమంత్రులలో -టంగుటూరి ప్రకాశం పంతులు, ఎన్ టీ రామారావు ల తర్వాత, సామాన్యుడిని ఆకట్టుకునే నాయకత్వ పటిమను సాంతం సొంతం చేసుకున్న ముఖ్యమంత్రిగా కె సి ఆర్ చరిత్ర సృష్టించారు. ఇది పొగడ్త కాదు, ప్రశంసా కాదు... సోషల్ మీడియా ఎనాలిసిస్.  సిబ్బందిని మోటివేట్ చేయడంలో, ప్రత్యర్థులకు వార్నింగ్ ఇవ్వడంలో, వినేవాళ్ళకి విసుగు రాకుండా మాట్లాడటంలో ఆయనకు పోటీ లేదు.... ఎదురు ఒక్క పేపర్ ఉండదు.., ఒక్క నోట్ ఉండదు.... తడబాటు ఉండదు... చెప్పాల్సింది సూటిగా, సుత్తి లేకుండా....జనానికి అర్థం అయ్యేలా....భరోసా ఇచ్చేలా....ఇంగ్లీష్, హిందీ, తెలుగు అన్ని భాషల్లో.... ఇంకో బైట్ అని అడిగే పని కూడా ఉండదు. అది ఆయన గొప్పతనం.. అది ఆయన దక్షత. ఇదేదో ఆయన్ను పొగిడే ప్రహసనం కాదు. కరోనా లాక్ డౌన్ విషయం లో మరో రెండు వారాలు కొనసాగించాలని కుండబద్దలు కొట్టిన కె సి ఆర్, బతికుంటే బలుసాకు తిందామంటూ చెప్పుకొచ్చిన తీరు, ఈ పదిహేను రోజుల్లో తెలంగాణ 435 కోట్ల రూపాయల ఆదాయం కోల్పోయిందని చెపుతూనే, ప్రజల ప్రాణాల కాన ఆర్ధిక మాంద్యం తనకు లెక్క కాదని తేల్చిపారేశారు. ఈ 15 రోజుల్లో తెలంగాణ కు కేవలం రెండు కోట్ల రూపాయల ఆదాయం వచ్చిందనీ, అయినా కూడా జనాన్ని బతికుంచుకోవటమే తనకు ముఖ్యమని స్పష్టం చేసిన ఆయన నాయకత్వం దేశాన్ని ఆకట్టుకుంది. నరేంద్ర మోడీ వారాంతపు కార్యక్రమాలలో ఒవైసీ కి కనిపించిన ఎంటర్టైన్మెంట్, కె సి ఆర్ అనర్గళ ఉపన్యాసం లో కనిపించకపోవటానికి కారణం ఏమిటంటే, ఈయన జనం బాగు కోరుకుని లాక్ డౌన్ కొనసాగించాలని చెప్పటం. తాను మాట్లాడుతున్న అంశం మీద విపరీతమైన అధారిటీ, కాగితాలు చూసి చదివే అలవాటు ఏ మాత్రం లేని క్షుణ్ణమైన పరిజ్ఞానం, ఎదుటివాడు ప్రశ్నించటానికి ఏ మాత్రం అవకాశం ఇవ్వని కూలంకుష పరిశోధన కె సి ఆర్ కు పెట్టని ఆభరణాలు. ప్రజలను మానసికంగా సిద్ధం చేయటానికి ఆయన వారి మీద ఎలాంటి ఒత్తిడీ చేయలేదు. ఉన్న వాస్తవాలను మాత్రమే అందరిముందూ పరిచారు. సామాన్యుడికి అర్ధమయ్యే భాషలో చెప్పారు.. ఈ సాహసోపేత కార్యక్రమంలో సేవలందిస్తున్న డాక్టర్లందరికీ, నర్సులు, పారిశుధ్య కార్మికులు అందరికీ మొక్కుతున్నానంటూ ముందుకు వచ్చిన ముఖ్యమంత్రి కె సి ఆర్. కష్ట కాలంలో ప్రజలను, ప్రభుత్వ యంత్రాంగాన్ని కె సి ఆర్ మోటివేట్ చేసిన తీరు తో దేశం యావత్తూ చకితమై చూసింది.  సోషల్ మీడియా అనలిటిక్స్ అంతా కూడా కె సి ఆర్ లోని వినూత్న కోణాన్ని తమకర్ధమైన భాషలో అనువదించే పనిలో బిజీ అయిపొయింది. ఒక జగన్మోహన్ రెడ్డి, ఒక నవీన్ పట్నాయక్, ఒక మమతా  బెనర్జీ, ఒక అరవింద్ కేజ్రీ వాల్, ఒక  నితీష్ కుమార్..మీరందరూ కూడా అద్భుతంగా శ్రమిస్తూ ఉండవచ్చు గాక.. కానీ, ఒక కె సి ఆర్ దగ్గరున్న మోటివేషన్ టెక్నాలజీ మాత్రం మీ దగ్గర లేదనేది సోషల్ మీడియా ఎనాలిసిస్. అంతే కాదు, ప్రధాన మంత్రి నరేంద్ర మోడీ మీద సోషల్ మీడియా వేసిన సెటైర్ల పైన కూడా కె సి ఆర్ విరుచుకుపడటాన్ని సోషల్ మీడియా ప్లాట్ ఫార్మ్స్ విస్తారంగా చర్చించాయి. సంక్షోభ సమయం లో దేశ ప్రధాని కి దన్నుగా నిలబడటం ద్వారా కె సి ఆర్, సరైన రాజకీయ స్ఫూర్తిని ప్రదర్శించారని, సఫాయన్న నీకు సలామన్నా అంటూ వినమ్రపూర్వక విజ్ఞప్తి చేయటం ద్వారా జన హృదయాన్ని చూరగొన్నారని కూడా సోషల్ మీడియా వేదికలు ప్రశంసించాయి. భేష్ కె సి ఆర్.. మీ స్ఫూర్తి మా గుండెలకు ఊపిరినిచ్చింది. రేపటి మీద ఆశ చిగురింప చేసింది.
* ఐ సి యు లో ఉన్న టీ డీ పీ కి రోజూ ఆక్సిజన్ ఎక్కిస్తున్న వై ఎస్ ఆర్ సి పీ * నాయుడు అంతర్జాతీయ తీవ్రవాది అని తేల్చిన పేర్ని నాని * ఏజెంట్ పేర్ని నాని పరిశోధనలో బయటపడ్డ నాయుడు అంతర్రాష్ట్ర లింకులు పిచ్చ పీక్ కు వెళిపోతే, ఇలాంటి ఆరోపణలే చేస్తారు మరి. ఒక రాష్ట్ర మాజీ ముఖ్యమంత్రి గురించి మాట్లాడేటప్పుడు, ఉండాల్సిన కనీస మర్యాదను కరకట్ట దారిలో తొక్కేసి మరీ, కసిగా రాష్ట్ర రవాణా,సమాచార పౌరసంబంధాల శాఖమంత్రి పేర్నినాని చేసిన కామెంట్స్ ఇప్పుడు సోషల్ మీడియా లో హాట్ టాపిక్ గా మారాయి. రాష్ట్రం లో నిరుటి ఎన్నికల్లో పరువు కోల్పోయి, 23 సెగ్మెంట్స్ కు పరిమితమైన చంద్రబాబు నాయుడు, పార్టీ ఉనికి కోసం ఏదో తనదైన శైలిలో రోజు వారీ చేసే అనుగ్రహ భాషణాల్లో కూడా కుట్ర కోణాలు వెతికే పేర్ని నాని ని చూసి సోషల్ మీడియా జాలిపడుతోంది. ఐ సి యు లో ఉన్న తెలుగు దేశం పార్టీకి మూడు రాజధానుల ఇష్యూ తో తిరిగి ఆక్సిజన్ ఎక్కించిన పాలక వై ఎస్ ఆర్ సి పీ నాయకులు , తాజాగా కరోనా వ్యాప్తి నేపథ్యంలో చంద్రబాబు నాయుడు పై ఒళ్ళు మరిచి చేస్తున్న విమర్శలూ, ఆరోపణలూ కూడా సోషల్ మీడియా కి కావాల్సినంత ఆహారం ఇస్తున్నాయి. ఈ కోవలోనే పేర్ని నాని సైంటిస్ట్, ఇంకా ఇంటెలిజెన్స్ ఆఫీసర్ అవతారాలు ఎత్తారు. ప్రతిపక్ష నాయకుడు చంద్రబాబు నాయుడు ఎప్పుడు , ఎక్కడ, ఏమి చేస్తున్నారు, ఎలా చేస్తున్నారనే మినిట్ to మినిట్ ప్రోగ్రాం వివరాలు తన దగ్గర ఉన్నాయంటూ విలేకర్ల సమావేశం లో వెల్లడించారు.  చంద్రబాబు పక్కరాష్ట్రం లో బతుకుతున్నారని కనుక్కున్న ఆయన, తన పరిశోధనలో చంద్రబాబుకు, అంతర్జాతీయ తీవ్రవాదులకు పెద్ద  తేడా కనిపించడం లేదనే విషయాన్ని కనుక్కున్నారు. చంద్రబాబు మనస్తత్త్వం చూస్తే అంతర్జాతీయ తీవ్రవాదిలా ఉన్నారన్న పేర్ని నాని, తన పరిశోధన లో వెల్లడైన మరిన్ని సంచలన విషాలను షేర్ చేశారు.  "తీవ్రవాదులు కూడా వేరే దేశంలో ఉంటూ ఇక్కడ బాంబులు పెడుతూ,రకరకాల వైరస్ లు పంపుతుంటారు. నాశనం కోరుకుంటారు. పాజిటివ్ కేసులు వచ్చినచోట్ల కూడా(రెడ్ జోన్లు) వైద్యులు,పారిశుధ్యకార్మికులు,రెవిన్యూ, ఏఎన్ఎంలు, ఆశావర్కర్లు వాలంటీర్లు వీరంతా చిరుద్యోగులు ప్రాణాలకు తెగించి సేవలందిస్తున్నారు.మిలటరీలో దేశాన్ని కాపాడటానికి ఏ విధంగా సైనికులు పోరాడుతున్నారో అదే విధంగా వారందరూ సేవలందిస్తున్నారు.విలేకరులను చూసైనా చంద్రబాబు సిగ్గుతెచ్చుకోవాలి.ఆర్దిక బాధలు దిగమింగి ప్రజలను అప్రమత్తం చేయడం లో, ప్రభుత్వసూచనలు ప్రజలకు చేరవేయడంలో ప్రజలను మేలుకొల్పుతూ వ్యాధిని అరికట్టడంలో విలేకరులు సేవలందిస్తున్నారు. మీడియా వారు సామాజిక బాధ్యతగా పనిచేస్తున్నారు. ఇంకా వ్యాధి ప్రబలుతుందని చంద్రబాబు చెబుతున్నారు.అంటే మీరు ఎవర్ని దెబ్బతీయదలుచుకున్నారు.ఎవరి ఆత్మస్దైర్యం దెబ్బతీస్తున్నారు.ప్రాణాలకు తెగించి సేవలందిస్తున్నవారిని వారి ఆత్మస్ధైర్యాన్ని దెబ్బతీస్తున్నారా. కరోనా వ్యాధి వస్తుందనే ముందువరకు కూడా చాలా డిపార్ట్ మెంట్లను తిట్టుకునే పరిస్దితి నుంచి ఈరోజు ఆ యా డిపార్ట్ మెంట్లను,ఉద్యోగులను ప్రజలు నేడు వారి సేవలు చూసి వేనోళ్ల కొనియాడుతున్నారు. కరోనా లెక్కలు దాచామని చంద్రబాబు దుష్ప్రచారం చేస్తున్నారు.చంద్రబాబు లెక్కలు చెబితే వారికి పరీక్షలు చేయిస్తాం," అని కూడా పేర్ని నాని సవాల్ చేశారు. ఆంధ్ర  రాష్ట్రంలో ఐదుకోట్ల మంది ఉంటే ఐదుకోట్ల మందికి పరీక్షలు చేస్తారా.ఎక్కడైతే వ్యాధిప్రబలుతుంటే అక్కడ పరీక్షలు చేస్తారు.14 ఏళ్లు ముఖ్యమంత్రిగా చేసిన తనకు ఇవి తెలియవా, అంటూ కూడా పేర్ని నాని ప్రశ్నించారు.  దొంగలెక్కలు రాయడం చంద్రబాబుకే అలవాటు.దుర్మార్గమైన ఆలోచనలు చంద్రబాబు మానుకోవాలని సూచించిన పేర్ని నాని పరిశోధన లో తేలిన విషయాలేమిటంటే, చంద్రబాబు కు మానవత్వం లేదు.మానవీయకోణం లేవని. వేల సంఖ్యలో మరణాలు ఉన్నాయి కాని ప్రభుత్వం దాస్తుందనే విధంగా చంద్రబాబు మాట్లాడుతున్నారంటే విలేకరులు వాస్తవాలు దాస్తున్నట్లుగా మాట్లాడుతున్నట్లేకదా అని కొత్త లాజిక్ ని కూడా పేర్ని నాని తీశారు. కరోనా సోకిందనే బాధ కంటే ఇలాంటి దిక్కుమాలిన వ్యక్తి మమ్మల్ని ఇన్నాళ్లు పాలించారా అని ప్రజలు బాధపడుతున్నారని కూడా పేర్ని నాని కనుగొన్నారు.  ఈ యుధ్ద వాతావరణంలోనే కాదు చంద్రబాబు పాలనలో రైతులకు ఇవ్వాల్సిన సబ్సిడీలు ఇవ్వకుండా, ధాన్యం కొని వారికి డబ్బులు చెల్లించకుండా, విత్తనాలు అందించకుండా అన్ని విధాలా బాధ పెట్టిన విషయాన్నీ కూడా పేర్ని నాని కనుగొన్నారు.
* క్వారంటైన్ ను ఎప్పటి నుంచో జీవన విధానంగా మలుచుకున్న యనమల కన్నా, వర్ల రామయ్య, బుద్ధా వెంకన్నలే బెటరని నేతల్లో అభిప్రాయం  * చంద్రబాబు నాయుడు 24X 7 ప్రజా క్షేత్రంలో ఉన్నా, యనమల మాత్రం పత్రికా ప్రకటనలకే  పరిమితం కావటం పై ఆక్షేపణ  ఎసెట్స్, లయబిలిటీస్ అని మనం చదువుకుంటూ ఉంటాం. ఆంధ్ర ప్రదేశ్ లో, ఆ మాట కొస్తే, రెండు తెలుగు రాష్ట్రాల్లో తెలుగుదేశం పార్టీ కి లయబిలిటీ గా మారిన చాలామంది నేతల్లో మాజీ ఆర్ధిక మంత్రి యనమల రామకృష్ణుడు ఒకరు అనే భావన చాల మంది నాయకుల్లో బలంగా ఉంది.  పలుకే బంగారమాయెరా పద్ధతిలో ఆయన తనను తాను  ప్రెస్ నోట్స్ కు మాత్రమే పరిమితం చేసుకుని, సెల్ఫ్ క్వారంటైన్ లోకి వెళ్ళిపోవటం ఆయన ఆర్ధిక మంత్రిగా ఉన్నప్పటి నించీ చూస్తూనే ఉన్నాం. అయితే ఆయన చాలా సీనియర్ మోస్ట్ కావటం వల్లనూ, పార్టీ లో ఆయనకు చంద్రబాబు నాయుడు అత్యంత ప్రయారిటీ ఇవ్వటం కారణం గానూ, ఎన్ఠీఆర్ ను పదవీచ్యుతుని చేసిన సమయం లో ఆయన అద్భుతమైన 'శ్రమదానం' చేసినందువల్లనూ --ఇప్పటికీ తెలుగు దేశం నాయకులు ఆయన్ను అరమోడ్పు కన్నులతో, ఆరాధ్య పూరిత దృక్కులతో చూస్తూ ఉంటారు, వింటూ ఉంటారు. అలా, తనదైన శైలిలో- పార్టీ లో 'సరిలేరు నాకెవ్వరు' టైటిల్ పెట్టుకుని మహరాజులా వెలిగిపోతున్న యనమల రామకృష్ణుడు ఈ రోజు జగన్ మోహన్ రెడ్డి సర్కార్ మీద ప్రెస్ రిలీజ్ లో చెడా మడా నిప్పులు చెరిగేశారు. అలా చెరిగిన నిప్పులలో-కొన్ని నిప్పురవ్వలను మీ కోసం ప్రత్యేకంగా అందచేస్తున్నాం.  రాష్ట్రంలో కరోనా వ్యాప్తి నిరోధక చర్యల్లో వైసిపి ప్రభుత్వ వైఫల్యం మీద ఆగ్రహం వ్యక్తం చేసిన యనమల, ఉపశమన చర్యలు శరవేగంగా చేపట్టాలని, ఒక ప్రకటనలో  డిమాండ్ చేశారు. "విపత్తుల్లో ప్రజలను కాపాడేవాడే పాలకుడు. ఆపదల్లో అండగా ఉండటం నాయకత్వ లక్షణం. అలాంటిది ప్రజలను కష్టాల్లో వదిలేయడం రాజ్యాంగంపై చేసిన ప్రమాణాన్ని ఉల్లంఘించడమే.  రాష్ట్రంలో కరోనా మహమ్మారి రోజురోజుకూ ఉధృతం. పాలకుల ఉదాసీనత వల్లే  రాష్ట్రంలో కరోనా విస్తృతం. వైద్య ఆరోగ్యశాఖకు కేటాయించిన రూ 11,399కోట్లలో ఎంత ఖర్చు పెట్టారు..? రూ 11,399కోట్ల బడ్జెట్ పెట్టి, కరోనా మాస్క్ లకు రూ 30కోట్లే ఇస్తారా," అంటూ ఆవేశంగా జగన్ మోహన్ రెడ్డి సర్కార్ ను నిలదీశారు.  ఇదేనా మీరు చెప్పిన ‘‘నాడు-నేడు’’..? నాడు సీఎంగా చంద్రబాబు ఇలాగే చేశారా..? నేడు సీఎంగా మీరెలా చేస్తున్నారో ప్రజలే చూస్తున్నారంటూ కూడా జగన్ మోహన్ రెడ్డి సర్కార్ ను కడిగి పారేశారు. విపత్తుల్లో చంద్రబాబు పనితీరుకు, మీ పనితీరుకు ప్రజలే బేరీజు వేస్తున్నారంటూ కూడా హెచ్చరించారు. " టిడిపి ప్రభుత్వం మెడ్ టెక్ జోన్ పెట్టకపోతే ఇప్పుడు పరిస్థితి ఏమిటి..? డాక్లర్లు, వైద్య సిబ్బందికి రక్షణ ఉపకరణాలు ఉండేవేనా..? మెడ్ టెక్ జోన్ పై చేసిన ఆరోపణలపై ప్రజలకు క్షమాపణ చెప్పాలి. గత ఏడాది రూ 2,27,975కోట్ల బడ్జెట్ లో ఎంత ఖర్చు పెట్టారు. తొలి 6నెలల్లో 35%కూడా ఖర్చు చేయలేదు. రెవిన్యూ వ్యయమే తప్ప కేపిటల్ వ్యయం శూన్యం. 65% నిధులు మీవద్దే ఉంటే ఉద్యోగుల జీతాల్లో కోతలు ఎందుకు," అంటూ యనమల ఆ పత్రికాప్రకటనలోనే ఆగ్రహం తో ఊగిపోయారు.  కరోనా నిరోధానికి నిధులు ఎందుకివ్వరు..? డాక్టర్లు, సిబ్బందికి మాస్క్ లు, రక్షణ ఉపకరణాలు ఎందుకు కొనరు..?పోలవరం సహా అన్ని ప్రాజెక్టుల పనులు నిలిపేశారు. అమరావతి సహా అభివృద్ది పనులన్నీ నిలిపేశారు.  విపత్తు నిర్వహణకు, నరేగా కు, 14వ ఆర్ధిక సంఘ నిధులు, డివల్యూషన్ నిధులు, కేంద్రం ఇచ్చిన నిధులన్నీ ఏం చేశారు..? 11నెలల్లో అభివృద్ది శూన్యం, పేదల సంక్షేమం నిల్.. కరోనా ఉపశమన చర్యలు కూడా మొక్కుబడిగానే.. డిసెంబర్ లోనే విదేశాల్లో కరోనా ప్రభావం ప్రారంభం. జనవరి 3వ వారంలో మనదేశంపై కరోనా ప్రభావం. నాలుగో క్వార్టర్ పై కరోనా ప్రభావం చూపింది. మరి మొదటి 3క్వార్టర్లలో మీరు చేసిన అభివృద్ది, సంక్షేమం ఏమిటి..? కరోనా రాకముందు ఏం చేయలేదు, కరోనా వచ్చాక చేసిందేమీ లేదని కూడా జగన్ మోహన్ రెడ్డి లెక్క తేల్చేశారు.  కరోనాపై కేంద్ర మార్గదర్శకాలు గాలికొదిలేశారు. లాక్ డౌన్ కు వైసిపి నేతలే తూట్లు పొడుస్తున్నారు. కరోనా వ్యాప్తి చర్యలకు రాష్ట్ర ప్రభుత్వమే ప్రోత్సాహమా..? ఈ విపత్తులోనూ ఇసుక తవ్వకాలకు అనుమతులు ఇస్తారా..?కరోనాలోనూ మీ అవినీతి,అక్రమాలు మానుకోరా, అంటూ నిప్పులు చెరిగారు. లోడింగ్ కార్మికులకు కరోనా సోకితే బాధ్యత ఎవరిది..? లాక్ డౌన్ పీరియడ్ లో వందల లారీల్లో ఇసుక తరలింపులా..? ట్రాక్టర్లలో గ్రావెల్, మట్టి తరలిస్తుంటే ఏం చేస్తున్నారు..? మద్యం అక్రమ విక్రయాలను ప్రోత్సహిస్తారా, అని కూడా తన ప్రెస్ రిలీజ్ లో ఆయన ప్రశ్నించారు.  ఏడాది గడుస్తున్నా పరిపాలనపై సీఎంకు అవగాహన లేదు. సంబంధిత శాఖలపై ఏ ఒక్కమంత్రికి పట్టు దొరకలేదు. స్వప్రయోజనాలే తప్ప ప్రజారోగ్యంపై వైసిపి నేతలకు శ్రద్ద లేదు. టిడిపి హయాంలో ఏ అభివృద్ది పని ఆగలేదు. ఏ సంక్షేమ పథకం రద్దు చేయలేదు. పైగా అనేక కొత్త సంక్షేమ పథకాలు ప్రారంభించాం. అనేక అభివృద్ది ప్రాజెక్టుల నిర్మాణం పూర్తి చేశాం. విపత్తుల్లో బాధిత ప్రజానీకాన్ని ఆదుకున్నాం. హుద్ హుద్ లో, తిత్లి తుపాన్ లో ఎలా ఆదుకున్నామో ప్రజలకు తెలుసునని కూడా యనమల గుర్తు చేశారు.  విపత్తులంటే సీఎం జగన్ కు భయం. ఎప్పుడు విపత్తులు వచ్చినా పత్తా ఉండరు. తిత్లి తుపాన్ లో, మొన్న గోదావరి, కృష్ణా వరదల్లో ఎక్కడ ఉన్నారో ప్రజలు మరిచిపోలేదు. పాలకుల నిర్లక్ష్యం  ప్రజలకు శాపం కారాదు. ఇప్పటికైనా కరోనా కట్టడి చర్యలు ముమ్మరం చేయాలి. ఫ్రంట్ లైన్ వారియర్లకు రక్షణ ఉపకరణాలు అందజేయాలి. వైద్య ఆరోగ్య శాఖకు నిధులు విడుదల చేయాలి. రైతుల వద్ద పంట ఉత్పత్తులు వెంటనే కొనుగోలు చేయాలి. ప్రతి పేద కుటుంబానికి రూ 5వేలు ఆర్ధిక సాయం అందించాలని కూడా ఆయన డిమాండ్ చేశారు. ఇలా ఆయన ప్రెస్ రిలీజ్ సాంతం ఆయన జగన్ మోహన్ రెడ్డి ని కడిగేసి, నిప్పులు చెరిగి చంద్రబాబు నాయకత్వం పట్ల తన విధేయతను ను ఎప్పటిలాగానే-కాగితం రూపేణా తీర్చుకున్నారు. "జగన్ మోహన్ రెడ్డి ఈ ఎనిమిది నెలల నుంచే క్వారంటైన్ లో ఉన్నారు. మా యనమల వారు రాజ్యం చేసినంత కాలం ఎక్కువ సమయం క్వారంటైన్ లో గడిపిన సన్నివేశాలను, సందర్భాలను ఇప్పుడో సరి మేము గుర్తు చేసుకుంటున్నాం, ఎలాగూ కరోనా కారణంగా కాస్తంత వీలు చిక్కింది," అంటూ టీ డీ పీ నాయకులు నిట్టూరుస్తున్నారు.
  * మూడు శతాబ్దాలలో మూడు కరువుల ను ఎదుర్కున్న ఆంధ్ర ప్రదేశ్ * 1791-95, 1832-1833, 1929-39 మధ్య ఎదుర్కున్న కరువుల నుంచి గుణపాఠాలు నేర్చుకోవాలి * రాజా వాసిరెడ్డి వెంకటాద్రి నాయుడు శాసనాల్లో-ఇలాంటి కరువును ఎలా ఎదుర్కోవాలో స్పష్టం గా రాసి ఉంది * వెంకటాద్రి నాయుడు వంటి జనహిత పాలకుల విధానాలే ఇప్పుడు మనకి శ్రీరామ రక్ష మరో రెండు నెలలు కరోనా తన కోరలను, పంజాను ఇలాగే విసిరితే, ఆంద్ర ప్రాంతం లోనే కాదు, దేశం లోనే చాలా ప్రాంతం లో మూడు శతాబ్దాల నాటి డొక్కల కరువు పునరావృతమయ్యే పరిస్థితి కనిపిస్తోందని ఆందోళన వ్యక్తం చేస్తున్నారు శాస్త్రవేత్తలు. ఆంధ్రదేశాన్ని గడగడలాడించిన అతి పెద్ద కరువులలో ఒకటైన పుర్రెల కరువులో (1791-95) ఒకటిన్నర కోటి మంది మరణించారని బ్రిటిష్ రికార్డులు చెప్తాయి. డొక్కల కరువుగా కూడా పేరు గడించిన ఈ కరువులో ఒక్క ఆంధ్ర ప్రాంతంలోనే యాభైలక్షల మంది బలయ్యారు. కరువు వల్ల ప్రాణ నష్టమే కాదు పశువులు, విత్తనాలూ నష్టమయ్యేవి. రైతులు, కూలీలు వలస పోవటం వల్ల గ్రామాలు నిర్మానుష్యమై మరలా కోలుకొనేందుకు చాలాకాలం పట్టేది. ఖననం చేయకుండా వదిలేసిన మనుషుల, జంతువుల కళేబరాల వల్ల కలరా, ప్లేగు వంటి అంటువ్యాధులు ప్రబలడం సర్వసాధారణం. తరచూ కరువు కాటకాల వల్ల మద్రాస్, బెంగాల్ ప్రెసిడెన్సీ ప్రాంతాల నుండి వేల కొలదీ సన్నకారు రైతులు, కూలీలు సుదూరమైన వెస్టిండీస్, సౌతాఫ్రికా, ఆగ్నేయాసియా దేశాలకు వలసపోయారు. 1832-1833లో గుంటూరు జిల్లా పరిసర ప్రాంతాలలో వచ్చిన మహా కరువును డొక్కల కరువు, నందన కరువు లేదా గుంటూరు కరువు అని పిలుస్తారు. 1831లో కురిసిన భారీ వర్షాల కారణంగా, కొత్త పంటలు వేయడానికి రైతులకు విత్తనాల కొరత ఏర్పడింది. దాని తరువాతి సంవత్సరంలో (1832) తుఫాను వచ్చి వేసిన కొద్ది పంటను నాశనం చేసింది. అలా కొనసాగి 1833లో అనావృష్టి పెరిగిపోయింది. ఆ సమయంలో ఒంగోలు-మచిలీపట్నం రహదారి పైనా, గోదావరి జిల్లాల నుండి చెన్నై వెళ్ళే రహదారి పైనా బోలెడన్ని శవాలు పడి ఉండేవి. కంపెనీ వారికి కరువును ఎదుర్కొనే శక్తి, ఆసక్తి లేక లక్షలాది మంది బలయ్యారు. కేవలం గుంటూరు జిల్లా లోనే 5 లక్షల జనాభాలో 2 లక్షల వరకూ చనిపోయారంటే, కరువు తీవ్రతను అర్ధం చేసుకోవచ్చు. దాదాపు 20 ఏళ్ళ వరకు ప్రజలు, పొలాలు కూడా సాధారణ స్థితికి రాలేక పోయాయి. కరువు బీభత్సం గుంటూరు జిల్లాలో మరీ ఎక్కువగా ఉండటం చేత దీనిని గుంటూరు కరువు అని కూడా అన్నారు.     కరువు ఎంత తీవ్రంగా వచ్చిందంటే జనాలకు తినడానికి ఎక్కడా తిండి దొరక్క బాగా సన్నబడి, శరీరంలో కండమొత్తం పోయి డొక్కలు మాత్రమే కనపడేవి. ఇలా అందరికీ డొక్కలు (ఎముకలు) మాత్రమే కనపడటం వలన దీనిని డొక్కల కరువు అని పిలుస్తారు అంతేకాదు ఆ సమయంలో ప్రజలు ఆకలికి తట్టుకోలేక తినడానికి ఏది దొరికితే అది తినేసేవాళ్ళు. ఆఖరుకి విషపూరితమయిన కొన్ని మొక్కల వేర్లను కూడా తినేసేవాళ్ళు. పలువురు మహనీయులు డొక్కల కరువు నుంచి ప్రజలను కాపాడేందుకు తమవంతు కృషి చేసి చరిత్రలో నిలిచిపోయారు. వారిలో కొందరి పేర్లు:   సర్ సి.పి.బ్రౌన్ గా ఆంద్ర ప్రజానీకానికి సుపరిచితుడైన ఆంగ్ల అధికారి, 1832-33లో వచ్చిన గుంటూరు కరువు లేదా డొక్కల కరువు లేదా నందన కరువు సమయంలో ప్రజలకు చేసిన సేవలు, పలువురు ప్రశంసలందుకున్నాయి. ఆ సమయంలో కరువును కరువుగా కాక కొరతగా రాయాలని అధికారులు చెప్పినా, అలానే పేర్కొనడంతో వారి అసంతృప్తిని ఎదుర్కొన్నాడు. అలాగే, ఏనుగుల వీరాస్వామయ్య అనే యాత్రాచరిత్రకారుడు, పుస్తకప్రియుడు కూడా పేదలకు ఆ సమయం లో అండగా నిలిచాడు వృత్తి రీత్యా చెన్నపట్టణం సుప్రీంకోర్టులో ఇంటర్‌ప్రిటర్ అయిన వీరాస్వామయ్య నందన కరువులో చాలామంది పేదలకు అన్నవస్త్రాలిచ్చి ఆదుకున్నారు.     కోమలేశ్వరం శ్రీనివాస పిళ్ళై గా చెన్నై ప్రాంతం లో పేరున్న సంపన్నుడు, విద్యాదాత, సంస్కరణాభిలాషి అయిన తన దాతృత్వంతో ఈ కరువు నుంచి కొందరిని కాపాడి చరిత్రలో నిలిచారు. అయితే ప్రస్తుతమున్న పరిస్థితుల్లో, 1929-39 సంవత్సరాల మధ్య వచ్చిన మరో కరువు ను కూడా ఇక్కడ ప్రస్తావన చేసుకోవాలి. దీనివల్ల, గుంటూరు జిల్లా లోనూ , ఇప్పటి ప్రకాశం జిల్లాలోని కొన్ని ప్రాంతాల్లో వచ్చిన కరువు వల్ల , దాదాపు 50 వేల అధికారిక మరణాలు నమోదైనట్టు ఆ సమయం లో గుంటూరు జిల్లాలో తహసీల్దార్ గా పని చేసిన పత్రి లక్ష్మీ నరసింహారావు రాసుకున్న డైరీ లో లభ్యమైన సమాచారం ద్వారా తెలుస్తోంది. ఆయన అప్పట్లో బ్రిటీష్ యంత్రాంగానికి రాసిన లేఖలు, తర్వాత అప్పటి బ్రిటీష్ అధికారులు తీసుకున్న నష్ట నివారణ చర్యల ప్రస్తావన కూడా ఆయన డైరీ లో ప్రముఖంగా ఉంది. అంటే, గడిచిన మూడు శతాబ్దాల కాలం లో ఆంధ్ర ప్రాంతం మూడు రకాల కరువును ఎదుర్కొని, చరిత్రలో నిలిచిపోయే విషాదాలను నమోదు చేసుకుంది. ఇప్పుడు , కరోనా సన్నద్ధత చర్యల విషయం లో వెనుకంజ వేస్తె, ఎకానమీ రివర్సల్ జరుగుతుందని, దానివల్ల సంభవించే విపరిణామాలు వల్ల ఆర్ధిక వ్యవస్థ చిన్నాభిన్నమై, తిండి గింజలకు వెతుక్కునే పరిస్థితి వస్తుందని కూడా నిపుణులు హెచ్చరిస్తున్నారు.
సుప్రీంకోర్టు లో రాష్ట్ర  ప్రభుత్వానికి చుక్కెదురైంది. ఈసీ నిర్ణయాన్ని సమర్థిస్తూ నిర్ణయం మరియు ఎన్నికల కోడ్ కూడా ఎత్తివేయాలని ఆదేశాలు. ఎన్నికల వాయిదాని కొనసాగించాలని సుప్రీంకోర్టు ఆదేశం. ఆరు వారాల తర్వాత కూడా పరిస్తితిపై సమీక్షించి నిర్ణయం తీసుకునే అవకాశం ఈసి కి అప్పగించిన సుప్రీంకోర్టు. దీంతో పాలక వై ఎస్ ఆర్ సీ పీ నిరాశకు గురైంది.  ఏపీ స్థానిక ఎన్నికల వాయిదాపై రాష్ట్ర ప్రభుత్వం వేసిన పిటిషన్ పై  సుప్రీంకోర్టులో విచారణ విచారణ చేపట్టిన త్రిసభ్య ధర్మాసనం, స్థానిక ఎన్నికల వాయిదాను సవాలు చేస్తూ పిటిషన్ వేసిన ఏపీ ప్రభుత్వం వాదనలు విన్నది. రాష్ట్ర ఎన్నికల కమిషనర్ ఉత్తర్వులను కొట్టివేయాలని రాష్ట్ర ప్రభుత్వం సుప్రీం కోర్టులో పిటిషన్ వేసిన తెలిసిందే. ఎన్నికల కమిషనర్ రాజ్యాంగ విరుద్ధంగా వ్యవహరించారని పిటిషన్లో పేర్కొన్న ప్రభుత్వం. ఏపీ ప్రభుత్వ పిటిషన్ లో ప్రధాన అంశాలు ఇలా ఉన్నాయి . రాష్ట్ర ప్రభుత్వాన్ని సంప్రదించకుండా కమిషనర్ ఎన్నికల వాయిదా నిర్ణయం తీసుకున్నారు.  రాష్ట్ర ప్రభుత్వ యంత్రాంగం తో సమీక్ష సమావేశం నిర్వహించలేదు. ఎన్నికలకు నిర్వహణ కు సంబంధించి ఇది సుప్రీం తీర్పుకు విరుద్దం. కరోనా వైరస్ ను కట్టడి చేసేందుకు స్థానిక ప్రజా ప్రతినిదులు అవసరం. ఎన్నికలు జరిగితే కరోనా వైరస్ కట్టడి చర్యలకు మరింత ఊతం. ఈ వ్యవహారం పై చీఫ్ సెక్రటరీ కి, ఎన్నికల కమిషనర్ కు మధ్య లేఖల యుద్ధం కూడా నడిచింది. హైకోర్ట్ ఆదేశం మేరకు జరుగుతున్న ఎన్నికలను వారి సంప్రదించకుండా ఆపడం తగునా, అని కూడా ఆంధ్ర ప్రదేశ్ ప్రభుత్వం వాదించింది. రాష్ట్ర ఎన్నికల కమిషనర్ ఉత్తర్వులు నిలిపివేయాల నీ కూడా కోరింది. పంతాని కి పోయినందుకు గాను రాష్ట్ర ప్రభుత్వానికి సుప్రంకోర్టు లో చుక్కెదురైంది.
  బంగారు తెలంగాణ భ్రమల్లో జనాన్ని ముంచెత్తి రాష్ట్రాన్ని అప్పుల ఊబిగా మార్చేయడం మినహా రాష్ట్ర ఆర్థిక స్థితిని సరిదిద్దడానికీ, వనరుల సక్రమ వినియోగానికీ, పేదల దీనస్థితిని తొలగించడానికి చేపట్టిన చర్యలేమీ ఈ బ‌డ్జెట్‌లో లేవు. అవధులు లేని హామీలతో ప్రజలను నిరంతరం మభ్యపెట్టే కేసీఆర్‌ సర్కారు ఎత్తుగడలో భాగంగానే అంకెల గారడీ తెలంగాణ రాష్ట్ర బడ్జెట్ ను తీర్చిదిద్దారు. రాష్ట్రం ఏర్పడితే.. అన్ని వర్గాల అభివృద్ధి సాధ్యమవుతుం దనీ, సంపదను పెంచడమే కాదు, పంచడమూ జరుగుతుందనీ ఎంతగానో ఆశించిన ప్రజలకు ఈ బడ్జెట్లన్నీ నిరాశనే మిగిల్చాయి. ప్రణాళికలు, పథకాలు, ప్రకటనలు, నిధులు, వ్యూహాలు.. అన్నీ కాగితాలకూ, అంచనాలకూ, అంకెలకే పరిమితమ వుతున్నాయి తప్ప కార్యాచరణకు నోచుకోవడంలేదు. ప్రజలపై పన్నుపోటు ఎంతగా ఉందో ప్రత్యేకంగా చెప్పాల్సిన పనిలేదు. మనమంతా పరివర్తనా సూత్రాన్ని అంగీకరించా లంటూ ఎడ్మండ్‌ బర్క్‌ను ఆర్థికమంత్రి ఉటంకించారు. నిజమే ఈ పరివర్తన ఏమిటి? రాష్ట్రాన్ని అప్పుల కుప్పగా మార్చడమా? వ్యవసా యాన్ని నీరుగార్చి రైతులను ఆత్మహత్యలకు గురిచేయడమా? గ్రామీణ ఆర్థిక వ్యవస్థను బలోపేతం చేయడం, కుల వృత్తులను పరిరక్షించడం లక్ష్యంగా ఈ బడ్జెట్‌ రూపకల్పన జరిగినట్లు చెప్పిన మాటలు వినసొంపు గానే ఉన్నాయి. పల్లెల పరిపుష్టతకు ప్రాణాధారమైన వ్యవసాయం గాలిలో దీపంగా మారింది. రైతు జీవితం తెగిన గాలిపటమైంది. నేషనల్‌ క్రైమ్‌ బ్యూరో నివేదిక ప్రకారం రైతుల ఆత్మహత్యల్లో తెలంగాణది దేశంలోనే రెండో స్థానం. టీఆర్‌ఎస్‌ అధికారంలోకి వచ్చిన తర్వాత 2750మంది రైతులు ఆత్మహత్య చేసుకొంటే సర్కారు మాత్రం 340 ఆత్మహత్యలే జరిగినట్లు చెబుతూ కేవలం 40మందికే పరిహారం ఇచ్చింది. అసలు రైతుల బతుకులపై ప్రభుత్వ వైఖరి ఏమిటి? ఈ బడ్జెట్‌లో వ్యవసాయానికి రూ.5,942.97కోట్లు కేటాయించినా.. ఖర్చుచేసేది ఎంత అన్న ప్రశ్న తలెత్తుతున్నది. గత బడ్జెట్లలో నీటి ప్రాజెక్టులకు 25వేలకోట్లు కేటాయించి, 10వేలకోట్లు ఖర్చు చేశారు. ప్రాజెక్టుల కన్నా ప్రచారానికే ఎక్కువ నిష్ఫత్తిలో దుర్వినియోగం చేస్తున్న ఘనత ఈ సర్కార్‌ది. అధికారం చేపట్టి మూడేళ్లు కావస్తున్నా ఏ ఒక్క ప్రాజెక్టును నిర్దిష్టంగా పూర్తిచేయలేదు. 2013-14లో 49,23,003 హెక్టార్లలో సాగు ఉండగా, 2015-16లో 41,74,532 హెక్టార్లలోనే సాగైనట్లు ప్రభుత్వ నివేదికలే చెబుతున్నాయి. సాగు ఎందుకు తగ్గింది? ఆర్థిక సర్వే లెక్కల ప్రకారం తెలంగాణలో 2013-14లో వచ్చిన చిన్న మధ్య తరహా పరిశ్రమలు 6,844 కాగా, 2015-16లో కేవలం 3,779 మాత్రమే వచ్చాయి. పెట్టుబడులు రాక కూడా మూడువేల కోట్ల నుంచి పదిహేను వందల కోట్లకు తగ్గింది. పారిశ్రామికాభివృద్ధిరేటు గ్రాఫ్‌ పడిపోయిన విషయం సర్వే స్పష్టంగా వెల్లడించింది. ఈ ఏడాది టీఎస్‌ ఐపాస్‌ కింద 3,325 పరిశ్రమలకు అనుమతులిచ్చారు. కాబట్టి అవన్నీ వచ్చినట్లుగా భావించాలంటున్నారు. రూ.51,358 కోట్ల పెట్టుబడులు వచ్చినట్లుగా ఊహించుకొంటూ రెండు లక్షలకు పైగా ఉద్యోగాలు వచ్చేసినట్లు ప్రకటిస్తున్నారు. ఇవన్నీ అంచనాలు మాత్రమేనని ఆర్థిక సర్వే చెప్పింది. మిషన్‌ భగీరథ, డబుల్‌ బెడ్‌రూమ్‌ ఇండ్లకు అయ్యే ఖర్చును బడ్జెట్‌లో చూపించలేదు. రైతుల ఆత్మహత్యల సమస్యకు పరిష్కారం చూపలేదు. ప్రయివేటు అప్పులు, పెట్టుబడి ఖర్చులు, విత్తన సమస్యలు, మద్దతు ధర వంటి సమస్యలే అన్నదాతల ఆత్మహత్యలకు దారి తీస్తున్నాయి. ఈ అంశాలపై టీఆర్‌ఎస్‌ ప్రభుత్వం దృష్టిపెట్టిన సంకేతాలేవీ ఈ బడ్జెట్‌లో కనిపించడంలేదు. రాష్ట్రంలో అత్యధిక మందికి అత్యవసర మైన ఈ అంశాలను బడ్జెట్‌ పూర్తిగా విస్మరించింది. పారిశ్రామిక సంక్షోభం నేపథ్యంలో ఉపాధి సమస్య వేధిస్తోంది. రెక్కాడితే కాని డొక్కాడని బతుకులు దినదినగండంగా కాలం వెళ్లదీస్తున్నాయి. మద్యం మహమ్మారి పేదల ప్రాణాలను ఆబగా హరిస్తోంది. వీటిని పరిష్కరించే యోచన లేకుండా కలగూరగంపగా తయారుచేసిన ఈ బడ్డెట్‌తో ముందుముందు అప్పులు, పన్నులు, విద్యుత్‌ భారాలు ప్రజల నడ్డి విరిచేస్తాయని చెప్పకతప్పదు.
ఇండియన్ క్రికెట్‌లోనే కాకుండా వరల్డ్ క్రికెట్‌లోనే నంబర్ వన్ క్రికెటర్‌గా నీరాజనాలు అందుకుంటూ వస్తున్న విరాట్ కోహ్లీ తాజా న్యూజిలాండ్ పర్యటనలో బ్యాట్స్‌మన్‌గా దారుణంగా విఫలమవడం ఇండియన్ క్రికెట్ ప్రేమికుల్నే కాకుండా అతని అభిమానుల్నీ తీవ్రంగా నిరాశపరచింది. టెస్టులు, వన్డేలు, టీ20లు అనే తేడా లేకుండా మూడు ఫార్మట్లలోనూ బ్యాట్స్‌మన్‌గా అతను విఫలమవడం విశ్లేషకుల్ని సైతం ఆశ్చర్యపరచింది. మూడు ఫార్మట్లలో కలిపి 11 ఇనింగ్స్ ఆడిన విరాట్ చేసిన మొత్తం పరుగులు కేవలం 218.  న్యూజిలాండ్ సిరీస్‌కు ముందు టెస్ట్ ప్లేయర్‌గా నంబర్ వన్ పొజిషన్‌లో ఉన్న విరాట్, సిరీస్ ముగిసే సరికి రెండో ర్యాంకుకు దిగజారాడు. విరాట్ పూర్ పర్ఫార్మెన్స్ కారణంగా ఆస్ట్రేలియన్ క్రికెటర్ స్టీవ్ స్మిత్ మళ్లీ నంబర్ వన్ ర్యాంకును అందుకున్నాడు. టెస్టుల్లో ఓవరాల్‌గా 53.62 యావరేజ్ కలిగిన విరాట్, న్యూజిలాండ్‌తో జరిగిన రెండు టెస్టుల సిరీస్‌లో నాలుగు ఇన్నింగ్స్ ఆడి సాధించిన యావరేజ్ ఎంతో తెలుసా? కేవలం 9.5.  ఈ నాలుగు ఇన్నింగ్స్‌లో ఒక్క హాఫ్ సెంచరీ సాధించడం మాట అటుంచి ఏ ఇన్నింగ్స్‌లోనూ కనీసం 20 పరుగులు కూడా చేయలేకపోయాడు. ఈ సిరీస్‌లో అత్యని హయ్యెస్ట్ స్కోర్ 19 రన్స్. ఫస్ట్ టెస్ట్ రెండో ఇన్నింగ్స్‌లో అతను ఈ స్కోర్ చేశాడు. అతను ఈ టెస్ట్ సిరీస్‌లో చేసిన పరుగులు వరుసగా.. 2, 19, 3, 14. మొత్తం రన్స్ 38. అతనికంటే ఎక్కువగా 10వ స్థానంలో బ్యాటింగ్‌కు వచ్చే ఫాస్ట్ బౌలర్ మొహమ్మద్ షమి 44 పరుగులు చేయడం గమనార్హం. టెస్టుల్లో 2011లో అరంగేట్రం చేసిన విరాట్ ఇంత ఘోరంగా ఆడటం ఇది రెండోసారి మాత్రమే. ఇదివరకు 2016-17లో ఆస్ట్రేలియాతో జరిగిన బోర్డర్-గవాస్కర్ ట్రోఫీ సిరీస్‌లో ఐదు ఇన్నింగ్స్ ఆడిన విరాట్ 9.2 యావరేజ్‌తో 46 పరుగులు చేశాడు. అతని కెరీర్ మొత్తమ్మీద అదే అతని పూరెస్ట్ పర్ఫార్మెన్స్. ఇప్పుడు న్యూజిలాండ్ సిరీస్‌తో దాని దగ్గరకు వచ్చాడు. ఇక రెండో టెస్ట్ సందర్భంగా మైదానంలో కోహ్లీ ప్రవర్తన అతనికి చెడ్డపేరు తీసుకొచ్చింది. కెప్టెన్‌గానూ అతను టెస్ట్, వన్డే సిరీస్‌లో విఫలమయ్యాడు. మొదట వన్డే సిరీస్‌ను 1-2 తేడాతో కోల్పోయిన అతడు ఇప్పుడు 0-2 తేడాతో టెస్ట్ సిరీస్‌ను న్యూజిలాండ్‌కు సమర్పించుకున్నాడు. గుడ్డిలో మెల్లగా మొదటగా జరిగిన టీ20 సిరీస్‌ను మాత్రం 5-0తో వైట్ వాష్ చేయగలిగాడు. అయితే అందులోనూ బ్యాట్స్‌మన్‌గా అతను వైఫల్యం చెందాడు. అంతర్జాతీయంగా 82 టీ20 మ్యాచ్‌లు ఆడిన విరాట్ యావరేజ్ 50.80. కానీ ఈ సిరీస్‌లో నాలుగు మ్యాచ్‌లు ఆడిన అతని సగటు 26.25 మాత్రమే. అతడి హయ్యెస్ట్ స్కోర్ 45. మిగతా మూడు మ్యాచ్‌లలో వరుసగా 11, 38, 11 స్కోర్లు చేశాడు. రోహిత్ శర్మ, కె.ఎల్. రాహుల్ పరుగుల వర్షం కురిపించడం వల్లే టీ20ల్లో భారత జట్టు విజేతగా నిలవగలిగింది. గాయం కారణంగా వన్డే, టెస్ట్ సిరీస్‌లలో రోహిత్ లేని లోటు సుస్పష్టంగా కనిపించింది. ఫాంలో ఉన్న కె.ఎల్. రాహుల్‌ను టెస్టుల్లోకి తీసుకోకుండా విరాట్ తీవ్ర తప్పిదం చేశాడని విశ్లేషకులంతా ముక్త కంఠంతో విమర్శిస్తున్నారు. ఇక మూడు మ్యాచ్‌ల వన్డే సిరీస్‌లో విరాట్ యావరేజ్ 25 మాత్రమే. టూర్ మొత్తం మీద అతడు హాఫ్ సెంచరీ చేసింది ఈ వన్డే సిరీస్‌లోనే. అది మొదటి వన్డేలో 51 పరుగులు చేశాడు. మూడు రకాల ఫార్మట్లలో ఒక ఇన్నింగ్స్‌లో అతడి హయ్యెస్ట్ స్కోర్ ఇది. ఆ తర్వాత రెండు వన్డేల్లో అతడు చేసిన రన్స్ వరుసగా 15, 9. ఇప్పటివరకూ 248 అంతర్జాతీయ వన్డే మ్యాచ్‌లు ఆడిన విరాట్ టోటల్ యావరేజ్ 59.33 కావడం గమనార్హం. ఈ గణాంకాలే న్యూజిలాండ్ టూర్‌లో అతడు ఏ స్థాయిలో వైఫల్యం చెందాడో తెలియజేస్తున్నాయి. బౌలర్ నుంచి వచ్చే బంతిని అతని కన్ను నిశితంగా గమనిస్తుందనీ, దాని గమనాన్ని కచ్చితంగా అంచనా వేసి, చాలా వేగంగా స్పందించి షాట్ కొడతాడనీ కోహ్లీని విశ్లేషకులతో పాటు సీనియర్ క్రికెటర్లు కూడా ప్రశంసిస్తూ ఉంటారు. ఫ్యాన్స్ అయితే అతని చేతుల్లో ఏదో మ్యాజిక్ ఉందని, అందుకే అలవోకగా ఫోర్లు కొడతాడని అంటుంటారు. ఫ్రంట్ ఫుట్ ఆడటంలో విరాట్‌ని మించిన వాడు లేడని కూడా వాళ్లు కితాబునిస్తుంటారు. అంటే అనేకమంది ఇతర బ్యాట్స్‌మెన్ కంటే అతడు ఎక్కువగా కవర్ డ్రైవ్స్ ఆడతాడు. చాలామంది స్క్వేర్ కట్ కొట్టే బంతుల్ని అతడు కవర్ డ్రైవ్ కొడతాడు. అంతేకాదు, చాలామంది దూరంగా పోతుందని వదిలేసే బంతుల్ని కూడా విరాట్ కవర్ డ్రైవ్స్ ఆడతాడు. అంత లాఘవంగా ఆ షాట్లను ఆడతాడని అతను పేరుపొందాడు. అలాంటివాడు రెండో టెస్ట్ రెండు ఇన్నింగ్స్‌లోనూ అతడు ఎల్బీడబ్ల్యూ అయిన తీరు నిర్ఘాంతపరచింది. అయితే తన బ్యాటింగ్‌లో ఎలాంటి లోపమూ లేదని అతను ఘంటాపథంగా చెబుతున్నాడు. వెల్లింగ్టన్‌లో జరిగిన మొదటి టెస్ట్ రెండు ఇన్నింగ్స్‌లోనూ క్యాచ్ అవుట్ అయ్యాక, న్యూజిలాండ్ టూర్‌లో తన బ్యాటింగ్ పర్ఫార్మెన్స్ గురించి అడిగినప్పుడు "నా బ్యాటింగ్ బాగానే ఉంది" అని జవాబిచ్చాడు విరాట్. కొన్నేసి సార్లు స్కోర్లు బ్యాటింగ్ నైపుణ్యాన్ని ప్రతిబింబించవనీ, బంతిని సరిగా ఎగ్జిక్యూట్ చెయ్యకపోవడం వల్ల అవుటవ్వాల్సి వస్తుందనీ అతను చెప్పాడు. జట్టు గెలిస్తే.. 40 పరుగులు చేసినా గొప్పగానే ఉంటుందనీ, జట్టు ఓడితే.. సెంచరీ చేసినా వేస్టయిపోతుందనీ అతను వాదించాడు. కానీ న్యూజిలాండ్ సిరీస్‌లో విరాట్ బాడీ లాంగ్వేజ్‌లోనే తేడా కనిపించిందనీ, బ్యాటింగ్ చేసేటప్పుడు మునుపటి ఈజ్ అతనిలో లోపించిందనీ క్రికెట్ అనలిస్టులు చెప్తున్న మాట. తదుపరి సిరీస్‌కైనా మనం మునుపటి గ్రేట్ బ్యాటింగ్ పర్ఫార్మర్‌ను విరాట్‌లో చూడగలమా? వెయిట్ చేద్దాం.
తెలంగాణలో ఖాళీ అవుతోన్న రెండు రాజ్యసభ సీట్లపై ఎప్పట్నుంచో రకరకాల ఊహాగానాలు వెలువడుతున్నాయి. టీఆర్ఎస్ ఖాతాలోకి వెళ్లే ఈ రెండు స్థానాలపై పలువురి పేర్లు ప్రచారంలో ఉన్నాయి. అయితే, మొదట్నుంచీ కవిత పేరు ప్రముఖంగా వినిపిస్తోంది. లోక్ సభలో గట్టిగా తెలంగాణ వాణి వినిపించి పేరు తెచ్చుకున్న కవిత... అనూహ్యంగా నిజామాబాద్లో ఓటమిపాలు కావడంతో... రాజ్యసభకు పంపుతారనే ప్రచారం జరిగింది. అంతలోనే రాజ్యసభకు కాదు ఏకంగా రాష్ట్ర కేబినెట్లోకి తీసుకుంటారంటూ కథనాలు వచ్చాయి. అయితే, కవితను రాజ్యసభకు పంపడం ఖాయమైనట్లు తెలుస్తోంది.  టీఆర్ఎస్ కు దక్కనున్న రెండు రాజ్యసభ సీట్లలో ఒక స్థానానికి కవిత పేరు దాదాపు ఫైనల్ అంటున్నారు. ఢిల్లీ స్థాయిలో అన్ని రాజకీయ వర్గాలతో సత్సబంధాలు కలిగివుండటం... వాక్చాతుర్యం, హిందీ, ఇంగ్లీష్ మీద పట్టు ఉండటం.... తెలంగాణ సమస్యలు, అంశాల మీద సమగ్ర అవగాహన కలిగివున్న కవితను, రాజ్యసభకు పంపితే... హస్తినలో టీఆర్ఎస్ పాత్ర మరింత పెరుగుతుందని కేసీఆర్ భావిస్తున్నట్లు తెలుస్తోంది. ఇక, కేసీఆర్ కూతురుగా ఉండే ఇమేజ్ ఎలాగూ ఉండనుంది. ఇలా, అన్నీ కవితకు కలిసొస్తున్నందున రాజ్యసభకు వెళ్లడం ఖాయమంటున్నారు. ఇక, మిగిలిన మరో సీటుపైనే మాజీ మంత్రులు, మాజీ ఎంపీలు, సీనియర్లు గంపెడాశలు పెట్టుకున్నారు. అయితే, ఖమ్మం మాజీ ఎంపీ పొంగులేటి శ్రీనివాస్ రెడ్డికి ఇప్పటికే హమీ లభించినట్టు పార్టీలో చర్చ జరుగుతోంది. ఖమ్మం ఎంపీ టికెట్ నిరాకరించినా..పొంగులేటి పార్టీకి విధేయులుగానే ఉన్నారు. పార్టీ అప్పగించిన బాధ్యతలను నిర్వర్తిస్తూ.. పార్టీ అభ్యర్ధుల విజయం కోసం పనిచేశారు. దీంతో అన్నా నువ్వు రాజ్యసభకు వెళుతున్నావు..రెడీ అవ్వు అని కేటీఆర్..పొంగులేటికి హమీ ఇచ్చినట్లు తెలుస్తోంది. దీంతో పెద్దల సభకు పొంగులేటి అని పార్టీ వర్గాలు చర్చించుకుంటున్నాయి. ఏదైనా, చివరి నిమిషంలో మార్పులు చేస్తే తప్ప, కవిత అండ్ పొంగులేటి రాజ్యసభకు వెళ్లడం ఖాయమంటున్నారు.
ఎంకి పెళ్లి సుబ్బి చావుకొచ్చిందంటే ఇదేనేమో... ఏ.బీ. వెంకటేశ్వర రావు ఇంటెలిజెన్స్ అదనపు డి.జి.పి. గా ఉన్న సమయంలో విశేషంగా సేవలందించిన ముగ్గురు డి.ఎస్.పి. లకు వై ఎస్ ఆర్ సి పీ ప్రభుత్వం వచ్చిన తర్వాత కూడా ఇంకా ఇంటెలిజెన్స్ కే సేవలందించే భాగ్యాన్ని పోలీసు బాస్ లు కల్పించారు. ఇంతకీ, ఆ ముగ్గురూ కూడా ఉన్నది ఉన్నట్టు, లేనిది లేనట్టు గానే నిజాయితీ తో కూడిన నివేదికలను ఏ.బి. కి ఇస్తూ వచ్చే వారు. నాయుడు పార్టీ గల్లంతవుతుందని, 50 కి మించి సీట్లు రావని మరీ ఢంకా బజాయించి సమగ్ర నివేదికలు, నియోజకవర్గాల వారీగా ఇచ్చారు. మిగిలిన డి.ఎస్.పి ల మాదిరి, ఏ.బి. అడుగులకు మడుగులు కొట్టకుండా...ఉన్న వాస్తవాన్ని కళ్ళకు కట్టినట్టు గా వివరించిన ఆ ముగ్గురు డి ఎస్ పి లకు ఆశ్చర్యకరంగా ఇప్పుడు లా ఎండ్ ఆర్డర్ లో కానీ, ఏ సి బీ లో కానీ, విజిలెన్స్ ఎండ్ ఎంఫోర్సుమెంట్ లో కానీ అవకాశం ఇవ్వటానికి పోలీసు బాస్ లు ససేమిరా అంటున్నారు. ఆ ముగ్గురూ కూడా తెలుగు దేశం హయాం లో నిక్కచ్చిగా పనిచేశారు కాబట్టి, ఎలాంటి రాగ ద్వేషాలకు లొంగకుండా పని తీరు ప్రదర్శించారు కాబట్టి వారి సేవలు ఇంటెలిజెన్స్ కె అవసరం పడతాయని పోలీసు బాస్ లు సూత్రీకరించారు. దరిమిలా...వారి ముగ్గురికీ ఇంటెలిజెన్స్ లోనే కొనసాగాల్సిన గతి ఏర్పడింది. వాస్తవానికి లా ఎండ్ ఆర్డర్ లో కానీ, ఏ సి బి లో కానీ వారికి అవకాశం కల్పించటానికి దారులు ఉన్నప్పటికీ, వారిని మినహాయించి వేకెన్సీ రిజర్వ్ (వీ.ఆర్.) లో ఉన్న చాలా మందికి పోస్టింగులు ఇవ్వటానికి కూడా పోలీసు బాస్ లు ప్రయత్నిస్తున్నారు. విషయం తెలిసిన ఆ ముగ్గురు ఇంటెలిజెన్స్ డి ఎస్ పి లు ఇక తమకు కీలకమైన విభాగాల్లో అవకాశం రాదనీ నిర్ధారించుకుని, రాజీనామా ఇవ్వటానికి సింథ్పడినట్టు పోలీస్ హెడ్ క్వార్ట్రర్స్ భోగట్టా. ఈ విషయమై వారు ఇప్పటికే, పలువురు సీనియర్ అధికారుల చుట్టూ కాళ్లరిగేలా తిరుగుతున్నా ఎలాంటి ఫలితమూ కనపడక పోవటం తో , గత్యంతరం లేని పరిస్థితుల్లో ఆ ముగ్గురూ కూడా తమ పోస్టులకు రాజీనామా చేసేద్దామని నిర్ణయానికి వచ్చినట్టు ఒక సీనియర్ మోస్ట్ పోలీస్ బాస్ తన ఆంతరంగికుల దగ్గర సమాచారాన్ని షేర్ చేసుకున్నట్టు వెలగపూడి సెక్రెటేరియట్ లో చెప్పుకుంటున్నారు. ఇదే గనుక జరిగితే, ప్రభుత్వానికి కొంత ఇబ్బందికర మైన పరిస్థితి ఏర్పడుతుందని, హోమ్ మంత్రి నేరుగాఈ వ్యవహారం పై దృష్టిపెట్టి , ముఖ్యమంత్రి దృష్టి లో సమస్యను ఉంచాలని సీనియర్ పోలీస్ అధికారులు అభిప్రాయపడుతున్నారు. డి ఎస్ పీ స్థాయి అధికారులు కూడా నైరాశ్యానికి లోనై, ఇలాంటి కఠిన నిర్ణయాలు తీసుకుంటే, పోలీస్ శాఖపై ప్రజలకు తప్పు సంకేతాలు వెళతాయని ఆందోళనను పోలీసు అధికారులే వ్యక్తం చేస్తున్నారు. అసలు పోలీస్ శాఖపై హోమ్ మంత్రికి సమగ్ర అవగాహనా ఉండేలా ఇంతవరకూ ఒక కార్యాచరణ తో కూడిన ప్లాన్ ను ఏదైనా సీనియర్ అధికారులతో డిస్కస్ చేశారా, లేదా అనేది కూడా తెలియని ఒక అయోమయ స్థితి నెలకొంది.  వాస్తవానికి ఆ ముగ్గురు డి ఎస్ పి లు కూడా వాస్తవాలతో కూడిన నివేదికలు ఇవ్వటం అనేది, ఎన్నికల ముందు వై ఎస్ ఆర్ సి పీ కి కూడా కొంత నైతిక స్థైర్యాన్ని ఇచ్చింది. ఇప్పుడు పాలక పక్షం లో ఉన్న వై ఎస్ ఆర్ సి పీ ప్రస్తుతమ్ ఈ తరహా అన్యాయం పై నోరు మెదపకపోవటం తో ఆ ముగ్గురు డి ఎస్ పి లు అనివార్యంగా తమ రాజీనామా నిర్ణయాన్ని నేరుగా హోమ్ మంత్రి దృష్టి కె తీసుకెళ్లాలని  భావిస్తున్నారు. చిత్రం కాకపొతే, వారి నిక్కచ్చి తనమే ...వారికి ఇపుడు కీలక విభాగాల్లో పోస్టింగులు రాకుండా అడ్డు పడటమేమిటని సెక్రెటేరియేట్ సీనియర్లు ఆశ్చర్య పోతున్నారు. వాస్తవానికి అవినీతీ నిరోధక శాఖ (ఏ సి బీ) కి ఇప్పుడు 14 మంది డి ఎస్ పి ల అవసరం ఉన్నప్పటికీ, ఇటువంటి నిజాయితీ పరులైన అధికారులని ఏ సి బీ కోసం వదులుకోవటానికి ఇంటెలిజెన్స్ శాఖ సిద్ధంగా లేదని ఆ శాఖ లో ఒక పెద్ద ఆఫీసర్ వాక్రుచ్చారు. మరి ఎల్లా కాలమూ, వారు అక్కడే సేవలందించాలా అనే ప్రశ్నకు మాత్రం ఆ పెద్దాయన దగ్గర సమాధానం లేదు. మొత్తానికి, మోరల్ ఆఫ్ ది స్టోరీ ఏమిటంటే--మరీ ముక్కు సూటిగా పొతే, ఒకో సారి అవసరాలకు కూడా వెతుక్కునే పరిస్థితి ఎదురవ్వచ్చు అని...
తెలంగాణ సీఎం కేసీఆర్ నిరంతర శ్రామికుడు. అలుపెరుగని పోరాట యోధుడు. ఎప్పుడూ ప్రజాకాంక్షే ప్రధానంగా ప్రజానురంజకంగా పాలన సాగించే ఓ మేధావి. గొప్ప రాజకీయ వేత్త. అసాధారణ పట్టుదల, అచంచలమైన ఆత్మవిశ్వాసం, సాధించాలనే తపన కలగలసి ప్రజల్లో ఓశక్తిగా ఎదిగాడు కేసీఆర్. ఎన్నింటినో అసాధ్యం అనుకున్న వాటిని చేపట్టి సుసాధ్యం చేసుకొనేలా వ్యూహాలను.. తెగింపుతో కూడిన పోరాట పటిమను ప్రదర్శించి ప్రజలతో హ్యాట్సాప్ అనిపించుకున్నారు. ప్రత్యేక తెలంగాణ రాష్ట్రసాధన కోసం అలుపెరుగని కృషి చేశారుడ. తెలంగాణ ఏర్పాటుతో తిరిగులేని నేతగా ప్రజల హృదయాలను గెలిచాడు. వరుసగా రెండోసారి కూడా ముఖ్యమంత్రి పీఠాన్ని అధిరోహించి ప్రజానురంజకంగా పాలన చేస్తున్నాడు. దేశంలోని ఎన్నో రాష్ట్రాలకు కేసీఆర్ తెలంగాణలో ప్రవేశపెట్టిన పథకాలు ఆదర్శంగా నిలిచాయి. రోల్ మోడల్ సీఎం కేసీఆర్ ను తీసుకొని ఇతర రాష్ట్రాలు పాలన సాగిస్తున్నాయి. సంక్షేమం, అభివృద్ధికి సముచిత ప్రాధాన్యం ఇస్తూ.. కేసీఆర్ పాలన సాగిస్తున్న తీరు అందర్నీ ఎంతో ఆకర్షిస్తుంది. తెలంగాణ చెరువులకు జలకళ తెచ్చాడు. అందుకోసం మిషన్ కాకతీయ.. ఇంటింటికి తాగునీటి కోసం మిషన్ భగీరథ ఎన్నో గొప్ప పథకాలతో దూసుకుపోతున్నారు. ముందు చూపున్న నేతగా కేసీఆర్ చేపట్టిన ఈ పథకాలను నీతి ఆయోగ్ కూడా ప్రశంసించింది. కాళేశ్వరం ప్రాజెక్టు నిర్మాణంతో అపర భగీరథుడుగా మారారు కేసీఆర్. అంతేకాకుండా సంక్షేమం విషయంలో కేసీఆర్ తనదైన శైలిని ఎంచుకున్నారు. కళ్యాణ లక్ష్మీ, కేసీఆర్ కిట్, ఆసరా ఫించన్లు వంటి  పథకాలు పేదలకు భరోసాని కల్పించాయి. కేసీఆర్ తీసుకొచ్చిన రైతు బంధు పథకమైతే.. కేంద్రానికే ఆదర్శప్రాయంగా నిలిచింది. అలాగే.. కేసీఆర్ సంక్షేమానికి ఎంతటి ప్రాధాన్యత ఇస్తారో.. అంతకు మించి అభివృద్ధికి కూడా ప్రాధాన్యత ఇచ్చారు. టీఎస్ ఐపాస్ ద్వారా పరిశ్రమలకు అనుమతులు ఇవ్వడం కీలకంగా చెప్పవచ్చు. గత ఐదేళ్లలో హైదరాబాద్ ఐటీ రంగం భారీగా పుంజుకుంది. మళ్లీ బెంగళూరుకు పోటీ ఇచ్చే స్థాయికి ఎదిగింది. పెద్ద పెద్ద కంపెనీలు హైదరాబాద్ వైపు చూస్తున్నాయి. ఇదంతా కేసీఆర్ సర్కారు అందిస్తోన్న సుస్థిర పాలన వల్లే సాధ్యమైందని చెప్పవచ్చు. కేసీఆర్ అంటే తెలంగాణ ప్రజల గొంతుక. ఎవరికీ కష్టం వచ్చినా.. వారికి తెలిస్తే చాలు.. వెంటనే ఫోన్ చేసి ఆరా తీస్తాడు. పేద ధనిక అన్న తేడా లేకుండా అందరితో కలివిడిగా మాట్లాడతాడు. స్థానిక ప్రజలను నవ్వించాలన్నా.. ఏడిపించాలన్నా అది కేసీఆర్ కే సాధ్యం... కాదు కాదు.. ఆయన స్పీచ్ కు సాధ్యం. ప్రజల్లో ఊరమాస్ లెక్క ఉండే ఆయన స్పీచ్ లకు జనాలు దాసోహమౌతారు.  అక్షరం ముక్క రానోడి కూడా ఆయన మాటలకు పడిపోతాడు. అలాంటి కట్టిపడేసే నైజం కేసీఆర్ మాటకు ఉంది. ఒక్క మాటలో చెప్పాలంటే కేసీఆర్ అంటే తెలంగాణ.. తెలంగాణ అంటే కేసీఆర్. ఆ స్థాయి ఇమేజ్ తెచ్చుకున్న కేసీఆర్ నిజంగా తెలంగాణ బ్రాండ్ అంబాసిడర్. కాగా ఈరోజు కేసీఆర్ జన్మదినం సందర్భంగా కేసీఆర్ గారికి మా తెలుగుఒన్.కామ్ తరఫున జన్మదిన శుభాకాంక్షలు.
ప్రశాంత్‌ కిశోర్ అలియాస్ పీకే. ఎన్నికల వ్యూహకర్తగా దేశంలో పాపులరైన పర్సన్. 2014 సార్వత్రిక ఎన్నికల్లో బీజేపీకి వ్యూహకర్తగా పనిచేసి ఆనాటి కమల విజయంలో కీలక పాత్ర పోషించడంతో మొదలైన పీకే ప్రస్థానం అప్రతిహాతంగా కొనసాగుతోంది. ఆ తర్వాత కాంగ్రెస్ తో కలిసి పనిచేసి పంజాబ్, మధ్యప్రదేశ్, రాజస్థాన్ లో హస్తం పార్టీ విజయంలో ముఖ్య పాత్ర పోషించారు. అలాగే, బీహార్లో జేడీయూ... ఆంధ్రప్రదేశ్ లో వైసీపీ... ఢిల్లీలో ఆప్ కోసం పనిచేసి ఆ పార్టీల ఘన విజయానికి కారణమయ్యాడు. అయితే, జేడీయూ అధినేత, బీహార్ సీఎం నితీష్ తో వచ్చిన విభేదాలతో ఆ పార్టీ నుంచి బహిష్కరణకు గురైన ప్రశాంత్ కిశోర్.... మోడీ అండ్ నితీష్ లక్ష్యంగా కొత్త పార్టీ పెట్టబోతున్నారన్న చర్చ ఢిల్లీ వీధుల్లో ప్రకంపనలు సృష్టిస్తోంది.  ముఖ్యంగా, తన సొంత రాష్ట్రంలో బీహార్ రాజకీయాల్లో కీ రోల్ పోషించేందుకు సిద్దమవుతున్నారన్న చర్చ జరుగుతోంది. జేడీయూ నుంచి బహిష్కృతుడైన పీకే, అటు జేడీయూ, ఇటు బీజేపీ మీద కసితో రగిలిపోతున్నారు. బీహార్‌లో ప్రాంతీయ పార్టీ పెట్టి, అదే వేదికగా, దేశవ్యాప్తంగా ప్రాంతీయ పార్టీలను ఏకంచేసి, మోడీ అండ్ అమిత్‌ షాలకు చెక్‌ పెట్టాలనుకుంటున్నారని, అందులో భాగంగా ప్రాంతీయ పార్టీ, ప్రాంతీయ పార్టీల కూటమి ప్రకటించబోతున్నారన్న ప్రచారం జరుగుతోంది. ఇదే, ఇప్పుడు అత్యంత ఆసక్తి కలిగిస్తోంది.  అయితే, జగన్‌కు పీకే అత్యంత క్లోజ్. దాంతో, ప్రాంతీయ పార్టీల కూటమిలో చేరాల్సిందిగా జగన్‌ను కోరే అవకాశముంది. ఆమ్‌ ఆద్మీ ఎలాగూ ఓకే చెప్పొచ్చు. బెంగాల్‌ సీఎం మమతా బెనర్జీతోనూ పీకేకు మంచి రిలేషన్స్ ఉన్నాయి. ఇక, తమిళనాడులో డీఎంకే అధినేత స్టాలిన్‌తోనూ ప్రశాంత్ పని చేయబోతున్నారు. ఇలా బలమైన ప్రాంతీయ పార్టీలన్నింటితోనూ ప్రశాంత్‌ కిశోర్‌కు మంచి సంబంధాలున్నాయి. దాంతో, ప్రాంతీయ పార్టీల కూటమి ఏర్పాటు చేసి వచ్చే ఎన్నికల్లో మోడీ అండ్ షాకి తడాఖా చూపాలని స్కెచ్ వేస్తున్నారట పీకే. ఇందులో భాగంగానే తనకు అత్యంత సన్నిహితునిగా భావించే జగన్‌ను సైతం, ప్రాంతీయ కూటమిలో చేరాలని కోరాడని, అదే ఇప్పుడు కమలంలో అలజడి కారణమైందని అంటున్నారు. ప్రశాంత్ కిశోర్‌ ఫ‌్రంట్‌లో ఎట్టి పరిస్థితుల్లోనూ చేరొద్దని జగన్‌ పై బీజేపీ అధిష్టానం ఒత్తిడి తెస్తోందని అంటన్నారు. ఇప్పడున్నట్టే ఏ కూటమిలోనూ చేరకుండా, తటస్థంగా ఉండాలని సూచించిందట. అందుకే జగన్‌ను ఢిల్లీ పిలిపించుకుని మాట్లాడుతోందని అంటున్నారు. అటు కేసీఆర్‌ను సైతం పీకే ప్రతిపాదిత ఫ్రంట్‌లో చేరొద్దని సూచించబోతోందట. బీజేపీ బుజ్జగింపులకు జగన్‌ సైతం ఓకే చెప్పారని అంటున్నారు. అంతేకాదు, ఎన్డీఏ నుంచి శివసేన బయటికి వెళ్లిపోయినందున, మరో బలమైన మిత్రపక్షం కోసం చూస్తున్న బీజేపీ, కేంద్ర ప్రభుత్వంలో చేరాలని వైసీపీని ఒత్తిడి చేస్తున్నారట. విజయసాయిరెడ్డితోపాటు మరో కీలక వ్యక్తికి కేంద్రమంత్రి పదవులు ఇస్తామమని ఆఫర్ ఇచ్చినట్లు చెబుతున్నారు. మొత్తంగా వీటన్నింటిపైనా చర్చించేందుకే, జగన్ ఒక్కరోజు గ్యాప్ లో రెండుసార్లు ఢిల్లీ వెళ్లారని అంటున్నారు.
సంసారాన్ని ఓ ప్రయాణంతో పోలుస్తూ ఉంటారు పెద్దలు. ఈ ప్రయాణంలో ఏ ఒక్కరు కాస్త ఆదమరచి ఉన్నా, వెనకబడిపోవాల్సిందే! ఆ పొరపొటు ఒకోసారి భాగస్వామిని చేజార్చుకునేంతవరకూ వెళ్లవచ్చు. లేదా శాశ్వతంగా మన పట్ల ఉన్న నమ్మకాన్ని పోగొట్టవచ్చు. అందుకే తస్మాత్‌ జాగ్రత్త అంటున్నారు అనుభవజ్ఞులు. ఇంతకీ వారి సలహాలు ఏమిటంటే...   కుటుంబంలో ఆఫీసు పెట్టొద్దు కెరీర్‌లో ముందుకు సాగాలంటే కష్టపడి పని చేయాల్సిందే! దానిని ఎవరూ కాదనలేరు. కానీ కుటుంబానికి కూడా కొంత సమయం కేటాయించకపోతే మన పడే కష్టానికి అర్థమే ఉండదు. కనీసం ఇంట్లో ఉండే సమయంలో అయినా టీవీ, ఫేస్‌బుక్‌లాంటి వ్యాపకాలను పక్కనపెట్టి భాగస్వామితో కాస్త మాట్లాడే ప్రయత్నం చేయాల్సిందే. ఆఫీసులో పని ఒత్తిడి గురించి కూడా భాగస్వామికి చెప్పి ఉంచితే... మీరు తనని కావాలనే దూరం ఉంచుతున్నారన్న భావన బలపడకుండా ఉంటుంది.   ఆఫీసరు మీద ఆవేశం ఇంట్లో వద్దు చాలామంది చేసే పొరపాటే ఇది. తోటి ఉద్యోగులతోనో, స్నేహితులతోనో జరిగిన గొడవ తాలూకు కోపాన్ని ఇంట్లో వెళ్లగక్కుతూ ఉంటారు. ఆఖరికి ట్రాఫిక్‌లో ఆలస్యమైనా ఆ ఆవేశం ఇంట్లోనే ప్రదర్శిస్తారు. ఊరంతా తిరిగివచ్చి, ఇంటి బయట చెప్పులు విడవడంతోనే... రోజువారీ చిరాకులన్నీ మర్చిపోయి మనిషిలా మెలగమని సూచిస్తుంటారు పెద్దలు.   అనుమానాస్పదమైన బంధాలు వద్దే వద్దు జీవితంలో ఎంతోమంది తారసపడుతూ ఉంటారు. ఎవరికెంత ప్రాధాన్యత ఇవ్వాలి అన్నది మన విచక్షణ మీద ఆధారపడి ఉంటుంది. కానీ మీ స్నేహం సంసారంలోకి ప్రవేశిస్తోందన్న అనుమానం ఉంటే మాత్రం జాగ్రత్త పడాల్సిందే! మీ స్నేహాన్ని భాగస్వామి అపార్థం చేసుకుంటున్నారనో, మీ బంధం హద్దులు మీరడం లేదనో అనుకుంటే ఉపయోగం లేదు. ఆ పరిస్థితిని దాటుకుని మొండిగా సాగే స్నేహం సంసారం చీలిపోయేందుకు దారితీస్తుంది.   రహస్యాలు దాచవద్దు భార్యాభర్తల మధ్య మిగిలే రహస్యాలు ఎప్పటికైనా అపనమ్మకానికి దారితీస్తాయి. మరీ ముఖ్యంగా ఆరోగ్య సమస్యలు, అప్పులకి సంబంధించిన వ్యవహారాలు వారితో పంచుకుని తీరాల్సిందే!   మనస్పర్థలు సహజమే రోడ్డు మీద ఓ ఇద్దరు మనుషులు ఎదురుపడితేనే గొడవలు మొదలైపోతుంటాయి. అలాంటిది ఇద్దరు మనుషులు ఏళ్లతరబడి కలిసి జీవిస్తే మనస్పర్థలు రాకుండా ఎలా ఉంటాయి. ఆ బేధాలను దాటుకుని ముందుకు సాగడం ఎలా అన్నది ఓ నైపుణ్యం. కోపంలో వాదించకుండా, అహంతో ఆలోచించకుండా, విచక్షణ కోల్పోకుండా పట్టువిడుపులకి సిద్ధపడుతూ సాగితేనే స్పర్థని దాటగలం.                              - నిర్జర.
  ఇది చాలాకాలం క్రితం జరిగిన కథ. అప్పట్లో ఓ కుర్రవాడు ఉండేవాడు. అతనికి జీవితసత్యం ఏమిటో తెలుసుకోవాలని తెగ తపనగా ఉండేది. ఆ తపనతో అతను ఎక్కడెక్కడో వెతికాడు. ఎవరెవరినో కలిశాడు. అతను వెళ్లిన చోట, అతను కలిసినవారు రకరకాల జవాబులు చెప్పారు. కానీ వాటిలో ఏ ఒక్క జవాబు అతనికి తృప్తిగా తోచలేదు. కుర్రవాడు అలా తిరుగుతూ తిరుగతూ ఉండగా అతనికి ఎవరో ఓ సలహా చెప్పారు. ‘చూడు! ఇలా ఎంత తిరిగినా నీకు తగిన సమాధానం దొరకడు. ఈ ఊరి చివర ఉన్న అడవి మధ్యలో ఒక పాత బావి కనిపిస్తుంది. ఆ బావిలోకి తొంగిచూసి ఎవరైనా తమ మనసులోని ప్రశ్నని అడిగితే, తప్పకుండా జవాబు లభిస్తుంది,’ అని అన్నారు.   ఆ సలహా విన్న కుర్రవాడు బావి దగ్గరకు వెళ్లనే వెళ్లాడు. అందులోకి తొంగిచూసి... ’జీవిత సత్యం ఏమిటి?’ అని అడిగాడు. ‘ఈ అడవి దాటిన తర్వాత ఒక చిన్న గ్రామం కనిపిస్తుంది. ఆ గ్రామంలో మూడో కూడలి దగ్గరకి వెళ్లి చూడు. అక్కడ నీకు జీవిత సత్యం ఏమిటో అర్థమవుతుంది,’ అని చెప్పింది బావి. బావి చెప్పినట్లుగానే, కుర్రవాడు అడవి తర్వాత వచ్చే గ్రామానికి వెళ్లాడు. ఆ గ్రామంలోని మూడో కూడలి దగ్గరకు వెళ్లి నిల్చొన్నాడు. అక్కడ అతనికి మూడు దుకాణాలు తప్ప మరేమీ కనిపించలేదు. మొదటి దుకాణంలో ఇనప ముక్కలు అమ్ముతున్నారు, రెండోది కలప దుకాణం, మూడుదాన్లో తీగలు అమ్మకానికి ఉన్నాయి. అంతకుమించి వాటిలో ఎలాంటి ప్రత్యేకతా ఆ కుర్రవాడికి కనిపించలేదు. వాటిలో జీవిత సత్యం ఏమిటో ఆ కుర్రవాడికి ఎంత ఆలోచించినా అర్థం కాలేదు. కుర్రవాడు నిరాశతో మళ్లీ బావి దగ్గరకు వెళ్లాడు. ‘నువ్వు చెప్పినట్లుగానే నేను ఆ కూడలి దగ్గరకు వెళ్లాను. అక్కడ ఓ మూడు దుకాణాలు తప్ప మరేమీ కనిపించలేదు. వాటిలో జీవితసత్యం ఏముందో నాకు అర్థం కాలేదు!’ అని నిష్టూరమాడాడు.   ‘కంగారుపడకు. వాటిలో దాగిన జీవితసత్యం నీకు నిదానంగా బోధపడుతుంది. ఆ పరిపక్వత నీకు వచ్చిన రోజున నేను చెప్పిన జవాబు తప్పు కాదని తెలుస్తుంది,’ అని బదులిచ్చింది బావి. కుర్రవాడు ఉసూరుమంటూ తన గ్రామానికి చేరుకున్నాడు. ఆ తర్వాత తన రోజువారీ పనులలో పడిపోయాడు. ఇలా చాలా సంవత్సరాలు గడిచిపోయాయి. కుర్రవాడికి వయసు, ఆ వయసుతో పాటుగా లోకజ్ఞానం పెరిగింది. జీవితం మీద తనకంటూ కొంత అవగాహన ఏర్పడింది. అలాంటి ఒక రోజున అతను పడుకుని ఉండగా... ఎక్కడి నుంచో ఒక సితార మోగుతున్న సంగీతం వినిపించింది. ఆ మధురమైన సంగీతం అతన్ని ఎంతగానో ఆకర్షించింది. ఆ సంగీతం వింటూ అతను పరివశించిపోయడు. హఠాత్తుగా... ఆ సంగీతంలో అతనికి జీవితసత్యం స్ఫురించింది. లోహం, చెక్క, లోహపు తీగలు... ఈ మూడు విడివిడిగా ఎందుకూ పనికిరాని చెత్తలాగా కనిపిస్తాయి. కానీ ఈ మూడింటి కలియికతో సితార్లాంటి అందమైన వాయిద్యం రూపొందుతుంది. ఆ వాయిద్యాన్ని మీటితే అద్భుతమైన సంగీతం జనిస్తుంది. జీవితం కూడా ఇంతే! జీవితాన్ని సార్థకం చేసుకోవడానికి కావల్సిన ముడిసరుకు అంతా ప్రకృతి మనకు ఇచ్చింది. కానీ మనలో ఉన్న సమార్థ్యాన్ని మర్చిపోయి... ఎందుకూ పనికిరానివారమని మధనపడిపోతాం. విధి మనకి అన్యాయం చేసిందని ఆరోపిస్తాం. నిజంగా సరైన విచక్షణే ఉంటే... కనిపించని విధి మీద నిందలు వేయడం మాని, అందుబాటులో ఉన్న వనరులతో నిలదొక్కుకునే ప్రయత్నం చేస్తాం. ఇదే అన్నింటికీ మించిన జీవితసత్యం! (ప్రచారంలో ఉన్న కథ ఆధారంగా) - నిర్జర.  
కొంతమందికి ఎప్పుడూ ఏదో ఒక దెబ్బ తగులుతూ ఉంటుంది! ఒంటి మీద ఎప్పుడూ ఏదో ఒక గాయం కనిపిస్తూనే ఉంటుంది. వాళ్లని చూసి పాపం దురదృష్టవంతులు అని మిగతావారు జాలిపడుతూ ఉంటారు. కానీ తరచూ ఏదో ఒక ప్రమాదానికి లోనవ్వడానికీ మన వ్యక్తిత్వానికీ సంబంధం ఉండవచ్చని ఊహిస్తున్నారు మనస్తత్వ శాస్త్రవేత్తలు. ఇలాంటి మనస్తత్వాన్ని ‘Accident Prone Psychology’ అంటున్నారు. అదేమిటో తెలుసుకుంటే మనకీ కాస్త ఉపయోగపడుతుందేమో...     ఓ ఆలోచన! తరచూ కొంతమందే ఎందుకు దెబ్బలు తగిలించుకుంటారన్న అనుమానం 19వ శతాబ్ది మొదటిలోనే వచ్చింది. దీని మీద మరిన్ని పరిశోధనలు చేసిన గ్రీన్‌వుడ్ వంటి నిపుణులు మన ఆలోచనా విధానానికీ, ప్రమాదాలకి సంబంధం ఉండే అవకాశం ఉందని తేల్చారు. ఆ తరువాత వచ్చిన ఎన్నో పరిశోధనల్లో ఓ 20 శాతం మంది వ్యక్తులే అధికశాతం ప్రమాదాలకి కారణం అవుతూ ఉంటారనీ... మొత్తంగా మన చుట్టూ జరిగే ప్రమాదాలలో దాదాపు 75 శాతం ప్రమాదాలు మానవ తప్పిదం వల్లే ఏర్పడతాయని చెబుతూ వస్తున్నాయి. ఈ పరిశోధనల శాస్త్రీయతని చాలామంది కొట్టిపారేసినా, వీటిలో స్పృశించిన చాలా అంశాలు చాలా తార్కికమైనవే! అందుకనే కొన్ని భీమా కంపెనీలు ప్రమాదభీమాను చెల్లించేటప్పుడు, ఉత్పాదక సంస్థలు తమ ఉద్యోగులను హెచ్చరించేందుకూ ఈ పరిశోధనలు ఉపయోగపడుతున్నాయి.     ప్రమాదాన్ని ఆశించే వ్యక్తిత్వం ఆత్మవిశ్వాసం మరీ ఎక్కువగా ఉన్నారు, దూకుడుగా ఉండేవారు, నిరంతరం కోపంతో రగిలిపోయేవారు... పోయి పోయి ఏదో ఒక ప్రమాదాన్ని కొని తెచ్చుకుంటారని తేలింది. మానసిక ఒత్తిడిలో ఉన్నవారు కూడా ప్రమాదాలకి త్వరగా లోనవుతారని చాలా పరిశోధనలు వెల్లడించాయి. ఏదన్నా కుటుంబంలో ఒకరి తరువాత ఒకరు ప్రమాదానికి లోనవడం మనం గమనిస్తూ ఉంటాము. ఆ కుటుంబానికి ఏదో శాపం తగిలిందనో, వారి గ్రహస్థితి బాగోలేదనో అనుకుంటాము. నిజానికి ఇలా కుటుంబంలో ఎవరన్నా ఒకరు తీవ్ర ప్రమాదానికి లోనైతే, ఆ ప్రభావం ఇతరుల మనసు మీద కూడా పడుతుందనీ... ఆ ఒత్తిడిలో మిగతా సభ్యులు కూడా ప్రమాదానికి లోనయ్యే అవకాశం 20 శాతం ఉంటుందనీ ఓ పరిశోధన తేల్చింది. ఎవరైతే ఇతరుల సలహాలను, సహాయాన్నీ స్వీకరించేందుకు సిద్ధంగా ఉంటారో... వారు త్వరగా ప్రమాదాలకు లోనుకారని తేలింది. అహంకారం లేకుండా, తొందరపడకుండా ఉండేవారికి ప్రమాదాలు కూడా ఆమడదూరంలో ఉంటాయని 2001లో జరిగిన ఒక పరిశోధన రుజువు చేసింది. అంటే నిదానమే ప్రధానం, నోరు మంచిదైతే ఊరు మంచిది లాంటి సామెతలు యాంత్రిక జీవితానికి కూడా వర్తిస్తాయన్నమాట.     ఎవరు ఒప్పుకున్నా ఒప్పుకోకున్నా తొందరపాటు, దూకుడు, ద్వేషం, అహంకారం... మనిషి విచక్షణను దెబ్బతీస్తాయి. తన మీద తనకి ఉండాల్సిన నియంత్రణను ప్రభావితం చేస్తాయి. దాంతో ఒక అనర్థం జరగడం సహజమే! కానీ ఇలాంటివారు కేవలం తమకి మాత్రమే ప్రమాదాన్ని తెచ్చుకుంటే ఫర్వాలేదు. అలా కాకుండా ఈ ‘Accident Prone Psychology’ ఉన్నవారు ఏ విమానాన్నో నడుపుతుంటే! అందుకే ఈ తరహా వ్యక్తిత్వం గురించి నానాటికీ ప్రచారం పెరుగుతోంది. మీది ప్రమాదాన్ని కొని తెచ్చుకునే వ్యక్తిత్వమేమో గమనించుకోండి అంటూ కొన్ని వెబ్‌సైట్లు పరీక్షలు పెడుతున్నాయి. మున్ముందు ఉద్యోగులకు కూడా ఇలాంటి పరీక్షలను నిర్వహించి విధుల్లోకి తీసుకునే పరిస్థితులు వచ్చినా ఆశ్చర్యపోనవసరం లేదు!   - నిర్జర.
యాంటీ ఆక్సిడెంట్‌గా పనిచేసే దినుసుల్లో కొన్ని వంటింట్లో ఉండే పొపుల డబ్బాను ఔషధాల పెట్టెగా చెప్పవచ్చు. మన పూర్వీకులు ఎంతో అనుభవంతో కొన్ని రకాల గింజలను మన ఆహారంలో భాగంగా చేర్చారు. వాటిలో కొన్నింటి గురించి ... - నల్లమిరియాలు వీటినే క్వీన్ ఆఫ్ స్పెషల్ గా పిలుస్తారు. నల్లమిరియాల కి ఆయుర్వేదంలో చాలా విశిష్ట స్థానం ఉంది. వీటిలోని యాంటీ బ్యాక్టీరియల్, యాంటీ ఆక్సిడెంట్ గుణాలు అధికంగా ఉంటాయి. నిరోధక శక్తిని పెంచడానికి ఎంతో దోహదం చేస్తాయి పాలల్లో చిటికెడు మిరియాలపొడి వేసుకుని తాగితే ఊపిరితిత్తుల్లో కఫం అంతా పోతుందని ఆయుర్వేద వైద్యులు చెప్తారు. వెల్లుల్లి మిరియాలు కాంబినేషన్ శరీరానికి కొత్త శక్తిని ఇస్తాయి. మిరియాల టీ, అల్లం మిరియాల టీ రోజూ తీసుకుంటే అనేక రకాల సీజనల్ వ్యాధుల నుంచి రక్షణ ఉంటుంది. - జీలకర్ర జీలకర్ర బెల్లం లేకుండా హిందూ సంప్రదాయంలో పెండ్లి జరగదు.  జీలకర్ర ఆవాలు పోపు లేనిదే చాలామందికి పప్పు అన్నం గొంతు దిగదు. శరీరంలోని ఉష్ణాన్ని తీసేసే శక్తి జీలకర్రకు ఉంది.దీనిలోని పాలీఫినాల్స్ అనే పదార్థం శరీరంలో రోగ నిరోధక శక్తిని పెంచుతుంది. ఇది యాంటీ ఆక్సిడెంట్ గా పనిచేస్తుంది - నట్స్ శరీరానికి ఇమ్యూన్ బూస్టర్ గా నట్స్  పనిచేస్తాయి యాంటీఆక్సిడెంట్ గాను, రోగనిరోధక శక్తి పెంచడంలోనూ గింజలు కీలక పాత్ర పోషిస్తాయి.జీడిపప్పు, పిస్తా, వేరుశెనగ గింజలు రోజూ తీసుకోవడం ద్వారా శరీరానికి కావలసిన ప్రొటీన్లు తో పాటు ఇతర పోషకాలు లభిస్తాయి. - బాదం పప్పు ఇంలో ఉండే విటమిన్ ఇ యాంటీ ఆక్సిడెంట్ గా పనిచేస్తుంది. దీనిలో రోగనిరోధక శక్తిని పెంచే గుణం ఎక్కువగా ఉంటుంది. బాదం, గసగసాలు రెండు కలిపి పొడిగా చేసి పాలలో కలుపుకుని తాగితే శరీరానికి కావల్సిన క్యాల్షియం అందుతుంది. - అవిసె గింజలు గింజల్లో కెల్ల చాలా ప్రత్యేకమైన స్థానం. ఇందులో ఉన్న ఆల్ఫా లినోలెనిక్ ఆమ్లం,  ఒమేగా-3 కొవ్వు కరిగించడంలో చాలా సమర్థవంతంగా పని చేస్తాయి. దీనిని ఫైటో ఈస్ట్రోజెన్ అని కూడా పిలుస్తారు. శరీరంలో రోగనిరోధక వ్యవస్థ ప్రతిస్పందన గ్రహించే శక్తి ని ఇవి ఇస్తాయి. ఇవి రోజూ తీసుకుంటే... శరీరంలోని అధిక కొవ్వును కరిగించడంతో, రోగనిరోధక శక్తి పెంచడంలో లవంగాలు, దాల్చినచెక్క, అల్లం, వెల్లుల్లి బాగా పనిచేస్తాయి. - లవంగాలు ఇందులో ఉండే ఫైబర్, మాంగనీస్, విటమిన్ సి, విటమిన్ కె శరీరానికి ఎంతో ఉపయోగపడతాయి. ఇవి మెదడు పని తీరును చురుగ్గా చేస్తాయి. అంతేకాదు ఎముకలు గట్టిపడటానికి ఉపయోగపడుతాయి.  వీటిలో సమృద్ధిగా ఉండే విటమిన్ సి,  విటమిన్ కె రోగనిరోధక శక్తిని పెంచుతాయి. దగ్గు, కఫం, పంటినొప్పి ఇలాంటి సమస్యలు ఉన్నప్పుడు లవంగాలు తీసుకుంటే ఉపశమనం కలుగుతుంది. - దాల్చిన చెక్క శరీరంలోని కొవ్వును కరిగించడంలో దాల్చిన చెక్క ది కీలక పాత్ర. ఇందులో ఉండే పాలిఫినాల్స్ అనబడే ప్రత్యేకమైన యాంటీ ఆక్సిడెంట్లు రోగనిరోధక శక్తిని పెంచుతాయి.-  అంతేకాదు శరీరంలోని రక్త కణాలు ఆక్సిజన్ను గ్రహించే శక్తిని కూడా పెంచుతాయి. -అల్లం రోజూ అల్లం తినడం వల్ల శరీర రోగ నిరోధక శక్తి పెరుగుతుంది. అంతేకాదు ఎలాంటి ఇన్ఫెక్షన్స్ రాకుండా నివారిస్తోంది. రోజూ పరగడుపున అల్లం తేనెతో కలిపి తీసుకోవడం ఎంతో ఉత్తమం. అల్లం తినడం వల్ల శరీరంలో అధికంగా ఉండే కొవ్వు కరిగిపోతుంది. దగ్గు, జలుబు వంటి అనారోగ్య సమస్యలకు ఇది మంచి ఔషధం. -వెల్లుల్లి అల్లము వెల్లుల్లి చాలా మంచి కాంబినేషన్. ఈ రెండింటి మిశ్రమం లేనిదే నాన్ వెజ్ కర్రీలకు రుచి రాదు. యాంటీ ఫంగల్, యాంటీ వైరల్ గుణాలు ఉన్న వెల్లుల్లి శరీరంలో రోగ నిరోధక శక్తిని పెంచుతుంది. వెల్లుల్లి తినడం వల్ల జలుబు, దగ్గు దరిచేరవు. గుండె జబ్బులను వెల్లుల్లి నివారిస్తుంది.
గుమ్మడి, బొప్పాయ రోగనిరోధకశక్తి పెంచుతాయి ఎనర్జీ బూస్టర్ గా పనిచేసే సిట్రస్ జాతి పండ్లు కరోనా విలయతాండవం చేస్తున్న ప్రస్తుత తరుణంలో రోగనిరోధక శక్తిని పెంచుకోవడమే ఈ సమస్యను నివారించే ఉత్తమ మార్గం. మరి మనలో రోగనిరోధక శక్తి పెరగాలంటే ఎలాంటి ఆహారం తీసుకోవాలి అన్న విషయంపై అవగాహన పెంచుకోవాలి.  ప్రతిరోజూ మనం తీసుకునే ఆహార పదార్థాల్లో ఎన్నో పోషక విలువలతో పాటు అనారోగ్య సమస్యలను నివారించే గుణాలు కూడా ఉన్నాయి. కొన్ని రకాల పండ్లను మనం ప్రతి రోజూ ఆహారంలో తీసుకోవడం ద్వారా శరీరంలో రోగ నిరోధక శక్తి మెరుగుపడుతుంది. అంతేకాదు శరీర భాగాల పని తీరు సక్రమంగా సాగుతుంది. సీజనల్ వచ్చే అనేక వ్యాధుల నుంచి,  కరోనా లాంటి భయంకర రోగాల నుంచి మనకు రక్షణ లభిస్తుంది. నిత్యం మార్కెట్లో లభించే రకరకాల ఆహార పదార్ధాలు మనలో రోగనిరోధకశక్తిని పెంచేందుకు దోహదపడతాయి వాటిలో కొన్ని మనం ఇప్పుడు చూద్దాం...  గుమ్మడి కాయ గుమ్మడి కాయలో రెండు రకాలు బూడిద గుమ్మడికాయ, తీపి గుమ్మడికాయ. తీపి గుమ్మడి కాయలో బీటా కెరోటిన్ సమృద్ధిగా ఉంటుంది. ఇందులో రోగ నిరోధక వ్యవస్థను మెరుగు పరిచే అనేక సూక్ష్మ పోషకాలు లభిస్తాయి. గుమ్మడికాయ ఆహారంగా తీసుకోవడం ద్వారా శరీరంలోని వివిధ భాగాలు సక్రమంగా పనిచేస్తాయి. బొప్పాయి బొప్పాయి గురించి మనందరికీ తెలుసు. ఇందులో ఉండే పాపినేని ఎంజాయ్ రోగనిరోధక శక్తిని ప్రభావితం చేస్తుంది. బొప్పాయి రోజూ తినేవారిలో  విటమిన్ లోపాలు ఉండవు . అంతేకాదు డెంగ్యూ జ్వరాలు వచ్చినప్పుడు బొప్పాయి ఆకుల రసం, బొప్పాయి పండు ఇస్తాయి. వీటితో రోగ నిరోధక శక్తి పెరుగుతుంది. శరీరంలో తెల్లరక్తకణాల సంఖ్యను పెంచుతాయి. - కివి ఇటీవల మనకు మార్కెట్లో విరివిగా లభిస్తున్నాయి. వీటిలో పొటాషియం, విటమిన్ కె, విటమిన్ సి, విటమిన్ ఇ వంటి ముఖ్యమైన పోషకాలు ఉంటాయి. శరీరంలోని రోగ నిరోధక శక్తి పెంచడానికి దోహదం చేస్తాయి. - నిమ్మకాయ సహజంగానే సిట్రస్ జాతి పండ్లను బూస్టింగ్ ఫుడ్స్ అని అనొచ్చు. ఇక నిమ్మకాయ గురించి మనందరికీ తెలుసు. వైరస్ బ్యాక్టీరియా వల్ల వచ్చే జబ్బుల నుంచి కాపాడటానికి అవసరమైన విటమిన్ సి ఇందులో పుష్కలంగా లభిస్తుంది. ఇది రోగనిరోధకశక్తిని పెంపొందిస్తుంది. రోజూ ఒక గ్లాసు నిమ్మరసం తాగితే వైరస్, బ్యాక్టీరియా వంటి సూక్ష్మజీవులు వలన వచ్చే ఎన్నో వ్యాధుల నుంచి రక్షణ పొందవచ్చు. - నారింజ జ్వరం వచ్చిన వాళ్ళు, నీరసంగా ఉన్న వాళ్ళు  ఆరెంజ్ రసం తాగితే  తక్షణం శక్తి వస్తుంది యాంటీ ఆక్సిడెంట్స్ ఎక్కువగా ఉండే ఈ పండు తీసుకోవడం ద్వారా శరీరానికి కావాల్సిన శక్తి అందుతుంది.  - ఉసిరి ఔషధాల సిరి గా ఉసిరిని చెప్పవచ్చు. ఇందులో రెండు రకాలు పెద్ద ఉసిరి, చిన్న ఉసిరి. ఈ రెండు రకాల ఉసిరి లోనూ ఎన్నో ఔషధ గుణాలు ఉన్నాయి. వీటిని తీసుకోవడం ద్వారా విటమిన్ సి తో పాటు ఇతర పోషకాలు శరీరానికి అందుతాయి. యాంటీ బ్యాక్టీరియల్ గా పనిచేసే ఉసిరిలో అధిక రక్తస్రావాన్ని నివారించేలో లక్షణాలు ఉన్నాయి. దీన్ని కూరగాయలు లోనే కాకుండా ఔషధాలలో ఎక్కువగా వాడతారు. - అరటిపండు అరటిపండు, అప్రికాట్ వంటి పండ్లలో ఎక్కువ మోతాదులో పొటాషియం ఉంటుంది. మన శరీరానికి కావలసిన పొటాషియం లభిస్తుంది. వీటిని రోజూ తీసుకోవడం వలన బి.పి తగ్గుతుంది. అంతేకాదు అధిక రక్తపోటుతో ఇబ్బంది పడే వాళ్లకి పొటాషియం ఎక్కువగా ఉండే అరటిపండు మంచి ఔషధంగా పనిచేస్తాయి. వీటిలో రోగనిరోధకశక్తిని పెంచే గుణాలు మెండుగా ఉన్నాయి. - పుచ్చకాయ ఆకుపచ్చ ఎరుపు రంగులతో ఆకట్టుకునే పుచ్చకాయ సీజనల్ లోనే లభించేది. కానీ ఇప్పుడు ఏ సీజన్లోనైనా మనకు మార్కెట్లో కనిపిస్తుంది. పుచ్చకాయలో ఎన్నో ఔషధ గుణాలు ఉన్నాయి.  నీటిశాతం ఎక్కువగా ఉండే పుచ్చకాయలు రోజూ తినడం వల్ల రోగనిరోధక శక్తి పెరుగుతుంది. - అల్ల నేరేడు సీజనల్ గా  వచ్చే ఈ పళ్ళు యాంటీఆక్సిడెంట్లు కు కేరాఫ్ అని చెప్పవచ్చు. శరీరంలో రోగ నిరోధక శక్తి మెరుగవడానికి ఈ పండ్లు ఎంతో దోహదం చేస్తాయి.  చక్కెర వ్యాధితో బాధపడే వాళ్ళు నేరేడు పళ్ళ గింజలను ఎండబెట్టి పొడి చేసి ఒక చెంచా పొడిని నీటిలో వేసుకుని తాగితే షుగర్ కంట్రోల్ లో ఉంటుంది.
శరీరానికి శక్తిని ఇచ్చే ఆహారం.. రోజువారి ఆహారంలో ఇవి ఉన్నాయా.. ప్రతి రోజూ మన ఆహారంలో తప్పనిసరిగా తీసుకోవాల్సిన పదార్థాలు కొన్ని ఉంటాయి. వాటిలో ముఖ్యంగా క్యారెట్, బచ్చలి, తులసి, పాలకూర, నిమ్మకాయ, కోడిగుడ్లు మొదలైనవి. - ప్రతి ఇంట్లో తులసి తప్పనిసరిగా ఉండాలని మన పెద్దలు అంటారు పూజించడానికి కాదు ఆరోగ్యానికి తులసి ఆకులు ఎంతో మంచివి. రోజూ నాలుగు తులసి ఆకులు నమలడం వలన శరీరంలోని సూక్ష్మక్రిములు చనిపోతాయి ఎన్నో వ్యాధి కారకాలను తులసి నివారిస్తుంది. రోగనిరోధక శక్తిని పెంచడంలో కీలక పాత్ర పోషిస్తుంది ఈ రోజు ఉదయాన్నే తులసి టీ తాగడం వల్ల కూడా శరీరానికి కావలసిన శక్తి వస్తుంది. - మీరు ఆరోగ్యంగా ఉండాలి అనుకుంటే రోజు ఉదయాన్నే మీ రోజుని గ్రీన్ టీతో ప్రారంభించండి. ఇందులో ఉండే యాంటీ ఆక్సిడెంట్లు, ఫ్లెవనాయిడ్స్  మీలో రోగ నిరోధక శక్తి పెంచడానికి ఎంతో సహాయపడుతుంది గ్రీన్ టీ తాగడం వలన శరీరంలో అధికంగా పేరుకుపోయిన కొవ్వు కరగడం కాకుండా శరీరానికి కొత్త శక్తిని ఇస్తుంది.  - మీరు తీసుకునే ఆహారంలో ఆకుకూరలు తప్పనిసరిగా ఉండేలా చూడాలి. వీటిలో ముఖ్యంగా బచ్చలి, పాలకూర. రోజూ ఆహారంలో ఆకుకూరలు తీసుకోవడం వలన శరీరానికి కావలసిన పోషకాలూ అందుతాయి. ఆకుకూరల్లో బచ్చలి కూరది విశిష్ట స్థానం. ఇందులో విటమిన్ సి తోపాటు బీటా కెరోటిన్ పుష్కలంగా ఉంటుంది. శరీరంలో రోగనిరోధక శక్తి పెంచడానికి ఇది ఎంతో దోహదం చేస్తుంది. - పాలకూర విటమిన్ సి ,బి 6 తో పాటు విటమిన్ కె ఇందులో అధికంగా ఉంటుంది క్యారెట్ ప్రతిరోజు అరకప్పు తాజా క్యారెట్ జ్యూస్ తాగితే శరీరంలో రోగ నిరోధక శక్తి పెరుగుతుంది ఇందులో ఉండే బీటా కెరోటిన్ విటమిన్ బి 6 యాంటీఆక్సిడెంట్లు ఉత్తేజపరుస్తాయి క్యారెట్ టమాటతో కలిపి తాగితే క్యాన్సర్ ను నివారించవచ్చు అని నిపుణులు చెబుతున్నారు. - ప్రతిరోజూ ఒక కప్పు పెరుగు తీసుకోవడం పెరుగులో అనేక పోషక విలువలు ఉన్నాయి. జీర్ణ వ్యవస్థకు ఎంతో మేలు చేసే పెరుగును రాత్రి సమయాల్లో కాకుండా పగటి పూట అన్నంలో తీసుకోవడం మంచిది. వ్యాధినిరోధక శక్తిని పెంచే పెరుగు తీసుకోవడం ద్వారా ఎముకలు, దంతాలు పటిష్టమవుతాయి. క్యాల్షియం ఎక్కువగా ఉండే ఈ పెరుగు రక్తపోటును నియంత్రిస్తుంది. -  ప్రతిరోజూ గుడ్డు తీసుకోవడం మరిచిపోవద్దు.గుడ్డు లోని ప్రోటీన్, విటమిన్లు రోగనిరోధక శక్తిని పెంచుతాయి రోజూ ఒక కోడి గుడ్డు తినడం ద్వారా శరీరానికి కావలసిన ప్రొటీన్లు, పోషకాలు అందుతాయి. - శరీరం కోల్పోయిన యాంటీ ఆక్సిడెంట్లు తిరిగి ఏర్పడ్డానికి జింక్ బాగా తోడ్పడుతుంది శరీరానికి కావాల్సిన జింక్ ఎక్కువగా కోడిగుడ్డు మాంసంతో పాటు సీఫుడ్ లో లభిస్తుంది వారానికి రెండుసార్లు తీసుకోవడం వలన శరీరానికి అవసరమైన జింక్ విటమిన్-డి లభిస్తాయి వీటివలన శరీరం యొక్క రోగనిరోధక శక్తి తిరిగి ఏర్పడుతుంది. - ఎర్ర బియ్యం లోనూ అధిక యాంటీఆక్సిడెంట్స్ కంటెంట్ ఉంది రోగనిరోధకశక్తిని పెంచడానికి పళ్ళు కూరగాయలు మసాలా దినుసులతో పాటు ఎర్ర బియ్యం కూడా ఎంతో ఉపయోగపడతాయి.‌ వీటన్నింటితో పాటు ప్రతిరోజు మంచినీళ్లు ఎక్కువగా తాగడం ఎంతో అవసరం అని నిపుణులు సూచిస్తున్నారు.