LATEST NEWS
హత్య కేసు నుంచి తప్పించుకునేందుకు మేక శవంతో డెత్ డ్రామా.!
న్యాయస్థానం నుంచి శిక్ష తప్పించుకోవడానికి నేరస్థులు రకరకాల వ్యూహాలు పన్నుతుంటారు. కానీ ఉత్తరప్రదేశ్‌లో వెలుగు చూసిన ఒక ఉదంతం మాత్రం అందరినీ విస్మయానికి గురిచేస్తోంది. ఓ హత్య కేసులో విచారణ ఎదుర్కొంటున్న నిందితుడు, తాను చనిపోయినట్లు నమ్మించేందుకు ఏకంగా ఆర్టిఫిషియల్ ఇంటెలిజెన్స్‌ను, ఒక మేకను ఉపయోగించి పక్కాగా డెత్ డ్రామా నడిపాడు.
పోలీసుల వివరాల ప్రకారం.. ఉత్తరప్రదేశ్‌లోని మౌ ప్రాంతానికి చెందిన రాజ్‌కుమార్ రాజ్‌భర్ అనే వ్యక్తి 2016 నాటి ఒక హత్య కేసులో ప్రధాన నిందితుడిగా ఉన్నాడు. ఈ కేసు విచారణ కోర్టులో కొనసాగుతున్న తరుణంలో, చట్టం నుంచి శాశ్వతంగా తప్పించుకోవడానికి అతడు ఒక ప్లాన్ వేశాడు. ఇందులో భాగంగా గత ఏడాది మే 30న ఘాజీపూర్ ప్రాంతంలో తన మరణాన్ని నాటకీయంగా సృష్టించాలని నిర్ణయించుకున్నాడు.
తన మరణాన్ని అందరూ నమ్మేలా చేయడానికి నిందితుడు వినూత్న మార్గాన్ని ఎంచుకున్నాడు. శ్మశానవాటికలో చితిపై శవం ఉన్నట్లుగా ఏఐ (ఆర్టిఫిషియల్ ఇంటెలిజెన్స్) సాయంతో కొన్ని ఫోటోలను మార్ఫింగ్ చేయించాడు. అంతేకాకుండా, సరిగ్గా అదే సమయంలో ఒక మేక కళాకళేబరాన్ని చితిపై ఉంచి దహన సంస్కారాలు నిర్వహించినట్లు నమ్మబలికారు. అంత్యక్రియలకు సంబంధించిన ఊరేగింపు దృశ్యాలను కూడా సృష్టించి స్థానిక అధికారులను తప్పుదోవ పట్టించారు.
ఈ నకిలీ ఆధారాలను అడ్డుపెట్టుకుని రాజ్‌భర్ మున్సిపల్ అధికారుల నుంచి అధికారిక మరణ ధృవీకరణ పత్రాన్ని (డెత్ సర్టిఫికేట్) పొందాడని పోలీసులు వెల్లడించారు. ఆ సర్టిఫికేట్‌ను కోర్టులో సమర్పించి తాను చనిపోయానని, ఇక విచారణకు రాలేనని నమ్మించే ప్రయత్నం చేశాడు. ఆ తర్వాత కొద్దికాలం పాటు అజ్ఞాతంలోకి వెళ్లి ఎవరికీ దొరకకుండా తిరుగుతూ వచ్చాడు.
అయితే నిందితుడి కదలికలపై నిఘా ఉంచిన ప్రత్యేక పోలీసు బృందాలు (SOG), సర్వైలెన్స్ టీమ్ సహాయంతో లోతుగా దర్యాప్తు చేపట్టాయి. ఈ విచారణలో అసలు నిజాలు బయటపడటంతో అధికారులు అవాక్కయ్యారు. మరణ ధృవీకరణ పత్రం జారీ అయిన విధానంపై అనుమానం వ్యక్తం చేసిన పోలీసులు, సాంకేతిక పరిజ్ఞానాన్ని దుర్వినియోగం చేసిన తీరును గుర్తించారు.
ఈ క్రమంలోనే ఖ్వాజాజహాన్‌పూర్ ప్రాంతంలో తలదాచుకున్న రాజ్‌కుమార్‌ను పోలీసులు ఆదివారం విజయవంతంగా అరెస్టు చేశారు. నకిలీ పత్రాలను సృష్టించి న్యాయస్థానాన్ని మోసగించినందుకు గాను అతనిపై భారతీయ న్యాయ సంహిత (BNS)లోని వివిధ సెక్షన్ల కింద కఠిన కేసులు నమోదు చేసినట్లు అధికారులు తెలిపారు. ఆధునిక సాంకేతికతను నేరాలకు ఎలా వాడుకుంటున్నారనేదానికి ఈ ఘటన అద్దం పడుతుండగా, కోర్టులను తప్పుదోవ పట్టించే ఇలాంటి అసాధారణ నేరస్థులపై కఠిన చర్యలు తీసుకోవాలని ప్రజలు కోరుకుంటున్నారు.
[ Rajkumar Rajbhar, Uttar Pradesh Police, AI Faked Death Case, Mau Murder Accused Arrested,
Artificial Intelligence Crime, Fake Death Certificate Fraud, Telugu One, Telugu News ]
.webp)
దేశ రాజధాని దిల్లీలో ఎన్నికల సంఘం పనితీరును నిరసిస్తూ కొనసాగుతున్న ఆందోళనల నేపథ్యంలో కాంగ్రెస్ అగ్రనేత, లోక్‌సభలో ప్రతిపక్ష నాయకుడు రాహుల్ గాంధీ కేంద్ర ప్రభుత్వంపై తీవ్ర స్థాయిలో మండిపడ్డారు. ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌ను తక్షణమే పదవి నుంచి బర్తరఫ్ చేయాలని ఆయన ప్రధాని నరేంద్ర మోదీని డిమాండ్ చేశారు. ఒకవేళ ప్రభుత్వం ఈ డిమాండ్‌కు తలవంచి ఆయనను తొలగిస్తే, దేశ రాజధానిలో ప్రస్తుతం జరుగుతున్న నిరసన ప్రదర్శనలు కేవలం ముప్పై సెకన్ల వ్యవధిలోనే పూర్తిగా నిలిచిపోతాయని ఆయన స్పష్టం చేశారు.
ఈ నిరసనల సెగ దిల్లీలోని స్థానిక వ్యాపార వర్గాలకు, సామాన్య ప్రజలకు తీవ్ర అంతరాయం కలిగిస్తోందని రాహుల్ గాంధీ ఆవేదన వ్యక్తం చేశారు. ఆందోళనల కారణంగా నగరంలో మెట్రో స్టేషన్ల మూసివేత, కఠినమైన ట్రాఫిక్ నిబంధనలు, రోడ్లపై ఆంక్షలు విధించడంతో ప్రజలు పడుతున్న ఇబ్బందులపై ఆయన స్పందించారు. దిల్లీలోని ప్రతి వర్తకుడి బాధ తమకు తెలుసని, వారి సమస్యలను కూలంకషంగా అర్థం చేసుకుంటున్నామని ఆయన పేర్కొన్నారు.
ఓట్ల తొలగింపు ఎన్నికల ప్రక్రియలో జరుగుతున్న అవకతవకలపై విపక్షాలు చేస్తున్న ఆందోళనలను అణచివేయాలని కేంద్రం చూస్తోందని కాంగ్రెస్ నేతలు ఆరోపిస్తున్నారు. అయితే, ఈ ఆందోళనలకు ప్రధాన కారణం ఎన్నికల సంఘం అనుసరిస్తున్న ఏకపక్ష విధానాలేనని విపక్ష నేతలు గట్టిగా వాదిస్తున్నారు. ప్రజాస్వామ్య పరిరక్షణ కోసమే తాము రోడ్డెక్కి పోరాడుతున్నామని, ప్రభుత్వ కనుసన్నల్లోనే ఈసీ వ్యవహరిస్తోందని ప్రతిపక్ష కూటమి నాయకులు దుయ్యబట్టారు. దేశంలో ఎన్నికల నిష్పాక్షికత ప్రశ్నార్థకంగా మారిందని, దీనికి బాధ్యులైన వారు ఎంతటివారైనా తగిన మూల్యం చెల్లించుకోక తప్పదని హెచ్చరించారు.
రాహుల్ గాంధీ చేసిన ఈ తాజా ప్రకటన రాజకీయ వర్గాల్లో తీవ్ర చర్చనీయాంశంగా మారింది. అధికార, ప్రతిపక్షాల మధ్య మాటల యుద్ధం తారస్థాయికి చేరడంతో రానున్న రోజుల్లో ఈ ఆందోళనలు మరింత ఉద్రిక్త రూపుదాల్చే అవకాశాలు కనిపిస్తున్నాయి. ఈ పరిణామాలు కేంద్ర ప్రభుత్వంపై తీవ్ర రాజకీయ ఒత్తిడిని పెంచుతుండగా, ఎన్నికల సంఘం వివాదంపై దేశవ్యాప్తంగా సర్వత్రా ఉత్కంఠ నెలకొంది.
[ Rahul Gandhi, Gyanesh Kumar, PM Narendra Modi, Election Commission, Delhi Protests, Congress, India Bloc, Telugu News, Telugu One ]
“నా చావుకే రూ.40 కోట్ల విలువనా? లేక నేను బతికి ఉండాలా అనేది ప్రభుత్వమే నిర్ణయించుకోవాలి!” అంటూ జడ్చర్ల కాంగ్రెస్ ఎమ్మెల్యే జె. అనిరుధ్ రెడ్డి చేసిన వ్యాఖ్యలు తెలంగాణ రాజకీయాల్లో చర్చనీయాంశంగా మారాయి. తన నియోజకవర్గంలో పూర్తయిన అభివృద్ధి పనులకు సంబంధించిన పెండింగ్ బిల్లులు విడుదల చేయకపోవడంపై ఆయన సొంత ప్రభుత్వంపైనే తీవ్ర అసంతృప్తి వ్యక్తం చేశారు. రోడ్ల నిర్మాణానికి నిధులు విడుదల చేయకపోతే 30 వేల మందితో కలిసి ఆమరణ నిరాహార దీక్షకు దిగుతానని హెచ్చరించారు.
మహబూబ్నగర్ జిల్లా జడ్చర్ల నియోజకవర్గంలోని రాజాపూర్ మండలంలో పర్యటించిన సందర్భంగా అనిరుధ్ రెడ్డి మీడియాతో మాట్లాడారు. నియోజకవర్గంలో పూర్తయిన, కొనసాగుతున్న అభివృద్ధి పనులకు సంబంధించిన బిల్లులను ప్రభుత్వం వెంటనే మంజూరు చేయాలని డిమాండ్ చేశారు. ప్రజలకు ఇచ్చిన హామీలను నెరవేర్చాలంటే రోడ్లు, ఇతర మౌలిక సదుపాయాల పనులకు నిధులు విడుదల చేయాల్సిన అవసరం ఉందని స్పష్టం చేశారు.
మంత్రుల నియోజకవర్గాలకే ప్రాధాన్యమా.?
ప్రభుత్వం బిల్లుల చెల్లింపుల్లో సమానత్వం పాటించడం లేదని అనిరుధ్ రెడ్డి ఆరోపించారు. మంత్రులు ప్రాతినిధ్యం వహిస్తున్న నియోజకవర్గాలకు ప్రాధాన్యం ఇస్తూ బిల్లులు మంజూరు చేస్తున్నారని, సాధారణ ఎమ్మెల్యేల నియోజకవర్గాల్లో అభివృద్ధి పనుల పరిస్థితి ఏమిటని ప్రశ్నించారు. ప్రజల అవసరాల కోసం పనులు చేపట్టిన కాంట్రాక్టర్లకు బిల్లులు చెల్లించకపోతే అభివృద్ధి ఎలా ముందుకు సాగుతుందని నిలదీశారు.
ఇటీవల ఓ కాంట్రాక్టర్ మరణించిన తర్వాత కోట్లాది రూపాయల బిల్లులు వేగంగా మంజూరయ్యాయని ఆయన ప్రస్తావించారు. అదే తరహాలో తన నియోజకవర్గానికి చెందిన పనుల బిల్లుల కోసం కూడా ఎవరైనా ప్రాణాలు కోల్పోవాల్సిందేనా అంటూ తీవ్ర ఆవేదన వ్యక్తం చేశారు.
రూ.40 కోట్ల కోసం ప్రాణాలు వదులుకోవాలా.?
“నేను చనిపోతేనే బిల్లులు వస్తాయంటే చావడానికి అయినా సిద్ధం. నా చావుకి రూ.40 కోట్ల విలువనా? లేక నేను బతికి ఉండాలా అనేది ప్రభుత్వం నిర్ణయించుకోవాలి” అంటూ అనిరుధ్ రెడ్డి చేసిన వ్యాఖ్యలు తీవ్ర చర్చకు దారితీశాయి. తన నియోజకవర్గానికి రావాల్సిన నిధుల కోసం ఈ స్థాయిలో మాట్లాడాల్సి రావడం బాధాకరమని ఆయన వ్యాఖ్యల సారాంశం.
రాష్ట్ర ఉప ముఖ్యమంత్రి భట్టి విక్రమార్క, మంత్రి కోమటిరెడ్డి వెంకట్ రెడ్డి రోడ్ల నిర్మాణానికి సంబంధించిన బిల్లులు మంజూరు చేస్తామని గతంలో హామీ ఇచ్చారని ఆయన గుర్తుచేశారు. అయినప్పటికీ బిల్లుల విడుదలలో జాప్యం ఎందుకు జరుగుతోందని ప్రశ్నించారు.
30 వేల మందితో ఆమరణ నిరాహార దీక్షకు సిద్ధం.!
తన నియోజకవర్గంలో రోడ్ల నిర్మాణ పనులు పూర్తి చేయడంతో పాటు పెండింగ్ బిల్లులను విడుదల చేయాలని అనిరుధ్ రెడ్డి ప్రభుత్వాన్ని డిమాండ్ చేశారు. ప్రభుత్వం స్పందించకపోతే ప్రజలు, రైతులను సమీకరించి పెద్దఎత్తున ఆందోళన చేపడతానని హెచ్చరించారు. అవసరమైతే 30 వేల మందితో కలిసి ఆమరణ నిరాహార దీక్షకు దిగుతానని స్పష్టం చేశారు.
జడ్చర్ల నియోజకవర్గంలో సాగునీరు, తాగునీరు, రోడ్లు తదితర సమస్యల పరిష్కారం కోసం ఎంతదూరమైనా పోరాడతానని తెలిపారు. ప్రజలకు ఇచ్చిన హామీలను అమలు చేయాల్సిన బాధ్యత తనపై ఉందని, అభివృద్ధి పనులకు నిధులు సాధించే విషయంలో వెనక్కి తగ్గబోనని తేల్చిచెప్పారు.
సొంత పార్టీకి చెందిన ఎమ్మెల్యేనే బహిరంగంగా ప్రభుత్వంపై తీవ్ర అసంతృప్తి వ్యక్తం చేయడం రాజకీయంగా ప్రాధాన్యం సంతరించుకుంది. జడ్చర్ల అభివృద్ధి పనుల పెండింగ్ బిల్లుల వ్యవహారంపై ప్రభుత్వం ఎలా స్పందిస్తుంది? ఎమ్మెల్యే డిమాండ్లకు పరిష్కారం లభిస్తుందా? ఆయన ప్రకటించిన ఆందోళన కార్యరూపం దాలుస్తుందా? అన్నది ఇప్పుడు ఆసక్తికరంగా మారింది.
[ Anirudh Reddy, Jadcherla MLA, Telangana Congress, Pending Bills, Road Development, Bhatti Vikramarka, Komatireddy Venkat Reddy, Telangana Politics, Jadcherla Development, Hunger Strike Warning]
ఆన్‌లైన్ గేమింగ్ వ్యసనానికి బానిసైన ఓ యువకుడు తన విలాసవంతమైన జీవితం కోసం ఏకంగా కిడ్నాప్ నాటకానికి తెరలేపాడు. వైద్య విద్య కోసం చదువుకోవాల్సిన వయసులో తప్పుదారి పట్టి కుటుంబ సభ్యులను తీవ్ర ఆందోళనకు గురిచేశాడు.
ఉత్తరప్రదేశ్‌లోని లఖ్‌నవూలో వైద్య ప్రవేశ పరీక్ష నీట్ కోసం సన్నాహాలు చేస్తున్న ఓ పదిహేడేళ్ల బాలుడు స్థానికంగా అద్దె గదిలో ఉంటున్నాడు. అయితే అతనికి ఆన్‌లైన్ గేమింగ్ ఆడే అలవాటు ఉంది. ఈ క్రమంలోనే పెద్ద మొత్తంలో డబ్బు పోగొట్టుకుని అప్పులపాలయ్యాడు.
ఆన్‌లైన్ ఆటల ద్వారా సుమారు యాభై వేల రూపాయల వరకు నష్టపోవడంతో పాటు, బయటి వ్యక్తుల వద్ద కూడా భారీగా రుణాలు చేశాడు. మరోవైపు తన ప్రియురాలితో కలిసి విహారయాత్రలకు వెళ్లేందుకు, విలాసాల కోసం కూడా విపరీతంగా ఖర్చు చేసేవాడు.
చేసిన అప్పులు తీర్చడం సాధ్యం కాకపోవడంతో పాటు కుటుంబ సభ్యులు కూడా డబ్బులు ఇవ్వడానికి నిరాకరించారు. దీంతో ఎలాగైనా డబ్బు సంపాదించాలనే దుర్బుద్ధితో తనను ఎవరో కిడ్నాప్ చేసినట్లు నమ్మించాలని ఒక పథకం రచించాడు.
తొలుత తన ఫోన్‌ను స్విచ్ ఆఫ్ చేసి, కొద్ది రోజుల తర్వాత వేరే వారి వైఫై హాట్‌స్పాట్ సహాయంతో తల్లిదండ్రులు, సోదరుడికి వాట్సాప్ సందేశాలు పంపాడు. తనను అపహరించారని, విడిచిపెట్టాలంటే రూ. 5 లక్షలు ఇవ్వాలని బెదిరింపు సందేశాలు పంపి కుటుంబ సభ్యులను బెంబేలెత్తించాడు.
యువకుడి ప్రవర్తనపై అనుమానం వచ్చిన కుటుంబ సభ్యులు పోలీసులను ఆశ్రయించగా, రంగంలోకి దిగిన సైబర్ క్రైమ్ బృందం దర్యాప్తు వేగవంతం చేసింది. బాలుడు తన బంధువుల అమ్మాయికి పంపిన క్యూఆర్ కోడ్ ఆధారంగా ఆన్‌లైన్ లావాదేవీలను ట్రాక్ చేసి అసలు ఆచూకీని కనిపెట్టారు.
పోలీసులు ఆరా తీయగా కిడ్నాప్ కథంతా కట్టుకథని తేలిపోయింది. ఎవరికీ తెలియకుండా తన ప్రియురాలితో కలిసి ప్రశాంతంగా గడుపుతున్న ఆ విద్యార్థిని పోలీసులు అదుపులోకి తీసుకుని అసలు నిజం రాబట్టారు.
నేటి యువతలో పెరుగుతున్న ఆన్‌లైన్ గేమింగ్ వ్యసనాలు, క్షణికావేశ నిర్ణయాలు నిండు ప్రాణాలను, కుటుంబాల పరువును రోడ్డున పడేస్తున్నాయని ఈ ఘటన మరోసారి రుజువు చేస్తోంది. ఇలాంటి మోసపూరిత చర్యలకు పాల్పడే వారిపై కఠిన చట్టపరమైన చర్యలు ఉంటాయని అధికారులు హెచ్చరిస్తున్నారు.
[ NEET aspirant faked kidnapping, online gaming debt, Lucknow news, TeluguOne news, student fake kidnapping drama,Telugu news ]
ఉద్యోగాల ఆశ చూపించి విదేశీ మహిళలను భారత్‌కు రప్పించడం.. ఆపై వారితో వ్యభిచార కార్యకలాపాలు నిర్వహించడంతో మాదాపూర్‌లో వెలుగుచూసిన ఈ వ్యవహారం కలకలం రేపుతోంది. మాదాపూర్, కూకట్‌పల్లి ఎస్‌ఓటీ పోలీసులు సంయుక్తంగా చేపట్టిన దాడుల్లో ముగ్గురు ఉజ్బెకిస్తాన్ మహిళలు పట్టుబడటంతో ఈ వ్యవహారం వెలుగులోకి వచ్చింది.
రూమ్ నంబర్ 204లో సోదాలు.!
మాదాపూర్ పరిధిలోని చంద్రనాయక్ తండాలో ఉన్న ‘ఓరియన్ ఎలిగెంట్’ సర్వీస్ అపార్ట్‌మెంట్‌పై పోలీసులు నిఘా పెట్టి తనిఖీలు చేపట్టారు. ఇందులో భాగంగా రూమ్ నంబర్ 204లో సోదాలు నిర్వహించి ముగ్గురు ఉజ్బెకిస్తాన్ మహిళలను అదుపులోకి తీసుకున్నారు. వారి వద్ద పాస్‌పోర్ట్, చెల్లుబాటు అయ్యే వీసా లేవని, నేపాల్ మీదుగా భారత్‌లోకి ప్రవేశించినట్లు ప్రాథమికంగా గుర్తించారు.
ఆ ముగ్గురు మహిళలను విచారించడంతో ఈ వ్యవహారం వెనుక ఢిల్లీకి చెందిన నాయక్ అనే వ్యక్తి ఉన్నట్లుగా వెళ్లడైంది. ఉద్యోగాల పేరుతో ఉజ్బెకిస్తాన్ మహిళలను ఇక్కడికి రప్పించి వ్యభిచార కార్యకలాపాలు నిర్వహిస్తున్నట్లు విచారణలో వెల్లడైంది. ప్రధాన నిందితుడిగా పేర్కొన్న నాయక్‌పై కేసు నమోదు* చేసిన పోలీసులు, ప్రస్తుతం పరారీలో ఉన్న అతడి కోసం గాలిస్తున్నారు.
అపార్ట్‌మెంట్ల నిర్వాహకులకు పోలీసుల హెచ్చరిక.!
పట్టుబడిన ముగ్గురు మహిళలను న్యాయస్థానంలో హాజరు పరిచిన అనంతరం స్వదేశానికి పంపేందుకు చర్యలు తీసుకుంటామని పోలీసులు తెలిపారు. మరోవైపు, సర్వీస్ అపార్ట్‌మెంట్ల నిర్వాహకులు గదులు అద్దెకు ఇచ్చే ముందు కస్టమర్ల గుర్తింపు పత్రాలను తప్పనిసరిగా పరిశీలించాలని హెచ్చరించారు. అనుమానాస్పద కార్యకలాపాలు కనిపిస్తే వెంటనే పోలీసులకు సమాచారం అందించాలని సూచించారు.
[ Gachibowli prostitution racket, Uzbekistan women arrested, Hyderabad crime news, foreign women sex racket, Gachibowli police raid, Dream Pride hotel case ]
ALSO ON TELUGUONE N E W S
Suriya is producing Scene with his wife, Jyothika, in the direction of Jithu Madhavan. The movie has huge expectations and anticipation as Nazriya Nazim and Naslen are part of the cast. As Jithu's previous movie, Avesham, became such a big blockbuster Pan-India that this movie has become highly anticipated from the announcement.
The title glimpse, Naslen glimpse have taken the expectations to next level. As Naslen is playing a dark character, social media is going crazy for his character glimpse. Now, the makers unveiled DSP Inbaraj, Suriya's character glimpse and it introduces his fun and cool side.
We see him as a person being super friendly and extremely unpredictable at the same time. He loves to close the cases fast and has been bit by social media reels fever too. Suriya in this fun role is super cool and the smoking shot is being talked about as the glimpse became viral from Dubai launch event last night.
Naslen and Nazriya stated that they are super confident about the film and it will be laughter riot. Naslen cracked a joke asking people to decide if he can continue in Tamil films or he should stick to Malayalam post this one. Jithu Madhavan is promising a comical thriller for this Diwali and Scene is releasing on 6th November.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
నాగార్జున, బాలకృష్ణ, సూర్య, రవితేజ వంటి స్టార్ హీరోలతో జత కట్టి తెలుగు ప్రేక్షకుల మనసు దోచుకున్న హీరోయిన్ ఆసిన్. ప్రస్తుతం తను సినిమాలు చేస్తుండకపోయినా తన సినిమాల్లోని పాటలు నిత్యం మారుమోగిపోతూనే ఉంటాయి.
తాజాగా ఆమె భర్త రాహుల్ శర్మ ఒక ఇంటర్వ్యూలో పంచుకున్న విషయాలు ప్రస్తుతం సోషల్ మీడియాలో హాట్ టాపిక్‌గా మారాయి. ఆసిన్, రాహుల్ శర్మ దంపతులకు ఒక కుమార్తె ఉంది. ఆమె పేరు అరిన్ రేన్ శర్మ. ప్రస్తుతం అరిన్ వయసు 7 సంవత్సరాలు . అయితే ఈ చిన్నారి చూపించే ప్రతిభ చూస్తే ఎవరైనా సరే ఆశ్చర్యపోవాల్సిందే. సాధారణంగా ఈ వయసులో పిల్లలు సరిగ్గా రెండు భాషలు మాట్లాడటానికే తికమకపడుతుంటారు. కానీ అరిన్ మాత్రం ఏకంగా 12 భాషల్లో అనర్గళంగా మాట్లాడగలగడం విశేషం. ఇందులో కేవలం సాధారణ భాషలే కాకుండా కొరియన్, జపనీస్, థాయ్, చైనీస్ వంటి కష్టమైన విదేశీ భాషలు కూడా ఉండటం అందరినీ విస్మయానికి గురిచేస్తోంది. తన కూతురి ఈ అద్భుతమైన టాలెంట్ గురించి రాహుల్ శర్మ మురిసిపోతూ పలు ఆసక్తికర విశేషాలను పంచుకున్నారు. తమ ఇంట్లో రెండు భాషలైన ఇంగ్లీష్, హిందీ మినహా వేరే భాషలు మాకే సరిగ్గా రావు అని, కానీ తమ ఏడేళ్ల కూతురు మాత్రం ఏకంగా 12 భాషల్లో ప్రావీణ్యం సంపాదించిందని గర్వంగా వెల్లడించారు.
మరి ఇంత చిన్న వయసులోనే అరిన్‌కు ఈ స్థాయి ప్రతిభ ఎలా సాధ్యమైంది అనే దానిపై రాహుల్ శర్మ చాలా ముఖ్యమైన విషయాలు వెల్లడించారు. నేటి ఆధునిక కాలంలో చాలామంది తల్లిదండ్రులు చిన్న పిల్లల చేతిలో స్మార్ట్‌ఫోన్‌లు పెట్టి, గంటల తరబడి టీవీల ముందు కూర్చోబెడుతున్నారు. కానీ ఆసిన్ మాత్రం ఇందుకు పూర్తిగా భిన్నమైన మార్గాన్ని ఎంచుకున్నారు. అరిన్‌కు ఇప్పటివరకు ఎలాంటి మొబైల్ ఫోన్ స్క్రీన్ టైమ్ ఇవ్వలేదని, అసలు తమ ఇంట్లో టీవీ కూడా లేదని రాహుల్ శర్మ స్పష్టం చేశారు. డిజిటల్ స్క్రీన్లకు, సోషల్ మీడియాకు పూర్తిగా దూరంగా పెంచడమే తమ పెంపకంలోని అసలైన విజయ రహస్యం అని ఆయన తెలిపారు. టీవీలు, ఫోన్లకు బదులుగా ఆసిన్ తన కుమార్తె చుట్టూ పుస్తకాల ప్రపంచాన్ని సృష్టించారు. అరిన్ చదివే రెగ్యులర్ స్కూల్‌లో ఉండే లైబ్రరీ పుస్తకాల కంటే కూడా ఎక్కువ పుస్తకాలు తమ ఇంట్లోనే ఉన్నాయని రాహుల్ శర్మ తెలిపారు.
ఇది కూడా చదవండి: అలీ భార్య జుబేదాకి హార్ట్ సర్జరీ: కన్నీళ్లతో అలీ!
చిన్నారి అరిన్ ప్రస్తుతం రెండవ తరగతి (క్లాస్ 2) చదువుతుండగా, ఆమె వయసుకు మించి ఏకంగా 8 మరియు 9వ తరగతికి సంబంధించిన సైన్స్, హిస్టరీ, సాహిత్య పుస్తకాలు కూడా ఇంట్లో అందుబాటులో ఉంచారు. "నేను అప్పుడప్పుడు సరదాగా అంటుంటాను, మా అమ్మాయిని నేరుగా పదవ తరగతి బోర్డు పరీక్షలకు కూర్చోబెట్టేసినా పెద్ద తేడా ఏముంటుంది?" అంటూ రాహుల్ శర్మ నవ్వుతూ వ్యాఖ్యానించారు. ఈ అద్భుతమైన పెంపకం వెనుక పూర్తిగా ఆసిన్ శ్రమ, ఆమె పడిన తపన మాత్రమే ఉందని రాహుల్ బహిరంగంగానే ప్రశంసించారు. తన జీవితంలో తాను తీసుకున్న అత్యుత్తమ నిర్ణయం ఆసిన్‌ను పెళ్లి చేసుకోవడమేనని, క్లిష్టమైన పరిస్థితుల్లో తన వెన్నంటి నిలిచి ముందుకు నడిపించే శక్తి ఆసిన్ అని ఆయన కొనియాడారు. మొత్తానికి డిజిటల్ యుగంలో పిల్లలకు టెక్నాలజీని దూరం పెట్టి, పుస్తకాలతో అద్భుతమైన భవిష్యత్తును తీర్చిదిద్దుతున్న ఆసిన్ పెంపకం నేటి తరానికి నిజంగానే ఆదర్శంగా నిలుస్తోంది. 2016 జనవరిలో ప్రముఖ మైక్రోమాక్స్ కో-ఫౌండర్ రాహుల్ శర్మతో ఆసిన్ వివాహం జరిగింది.
[Asin Daughter Arin Speaks 12 languages, Asin daughter Arin, Rahul Sharma interview, Asin 7 year old daughter 12 languages, Asin parenting style, Arin Rayn Sharma, Asin news today, Telugu Cinema, Tollywood, Telugu News, Tollywood News]
విక్టరీ వెంకటేష్, త్రివిక్రమ్ శ్రీనివాస్ కాంబినేషన్‌లో తెరకెక్కిన ‘ఆదర్శ కుటుంబం – హౌస్ నంబర్ 47’ విడుదలకు సిద్ధమైంది. ఇప్పటికే టీజర్, ట్రైలర్‌తో ప్రేక్షకుల్లో ఆసక్తిని పెంచిన ఈ సినిమా తాజాగా సెన్సార్ కార్యక్రమాలను కూడా పూర్తి చేసుకుంది. దీంతో అక్టోబర్ 30న థియేటర్లలోకి వచ్చేందుకు మరో కీలక అడుగు పడినట్లయింది.
‘ఆదర్శ కుటుంబం’కు సెన్సార్ బోర్డు యూ/ఏ సర్టిఫికెట్ జారీ చేసింది. రన్ టైం 155 నిమిషాలని తెలుస్తోంది. క్రైమ్, కామెడీ, యాక్షన్‌తో పాటు కుటుంబ భావోద్వేగాలను కలగలిపి ఈ సినిమాను రూపొందించారు. ఇటీవల విడుదలైన ట్రైలర్ సినిమాపై అంచనాలను పెంచేసింది. ఇప్పటికే ఇండస్ట్రీ వర్గాల్లో పాజిటివ్ టాక్ ఉండగా.. ఇప్పటికే సెన్సార్ రిపోర్ట్ కూడా పాజిటివ్ గా ఉన్నట్లు సమాచారం.
వెంకటేష్, త్రివిక్రమ్ కలిసి పనిచేస్తుండటంతో ఈ సినిమాపై మొదటి నుంచీ ప్రత్యేక ఆసక్తి నెలకొంది. వెంకటేష్ సరసన శ్రీనిధి శెట్టి నటిస్తుండగా, నారా రోహిత్, నివేదా థామస్, డింపుల్ హయాతి తదితరులు కీలక పాత్రల్లో కనిపించనున్నారు. తమన్ సంగీతం అందిస్తున్న ఈ చిత్రాన్ని హారికా అండ్ హాసిని క్రియేషన్స్ బ్యానర్‌పై ఎస్. రాధాకృష్ణ నిర్మిస్తున్నారు.
ఇప్పటికే పలుమార్లు విడుదల తేదీ మారిన ఈ సినిమా.. అక్టోబర్ 30న ప్రేక్షకుల ముందుకు రానుంది. అదే రోజున విశ్వక్ సేన్ ‘కల్ట్’ కూడా విడుదలకు సిద్ధమవుతుండటంతో బాక్సాఫీస్ దగ్గర పోటీ ఆసక్తికరంగా మారింది.
మరి వెంకటేష్–త్రివిక్రమ్ కలయిక ప్రేక్షకులకు ఎలాంటి అనుభూతిని అందిస్తుంది? సెన్సార్ పూర్తి చేసుకున్న ‘ఆదర్శ కుటుంబం’ బాక్సాఫీస్ దగ్గర ఎలాంటి ఫలితాన్ని అందుకుంటుంది? అన్నది చూడాలి.
ఇది కూడా చదవండి: ఘట్టమనేని జయకృష్ణ రెండో సినిమా.. ‘బేబీ’ కాంబోతో హిట్ కొట్టేనా.?
https://x.com/haarikahassine/status/2114662489426464916
[Aadarsha Kutumbam Censor Report, Aadarsha Kutumbam First Review, Aadarsha Kutumbam Movie, AK47 Movie, Victory Venkatesh, Trivikram Srinivas, Srinidhi Shetty, Telugu Film News]
కమెడియన్ గా అలీ సృష్టించిన నవ్వుల సామ్రాజ్యానికి సుదీర్ఘ హిస్టరీ ఉంది. ఇప్పుడు తన జోరు కొంచం తగ్గినా అభిమానులు మాత్రం తన హవా మళ్ళీ స్టార్ట్ అవుతుందనే నమ్మకంతో ఉన్నారు. రీసెంట్ గా అలీ భార్య జుబేదా అకస్మాత్తుగా తీవ్రమైన గుండె సంబంధిత అనారోగ్య సమస్య బారిన పడ్డారు. సోషల్ మీడియాలో ఎల్లప్పుడూ ఉత్సాహంగా ఉంటూ, తన యూట్యూబ్ ఛానెల్ ద్వారా రుచికరమైన వంటల వీడియోలను పంచుకుంటూ ప్రేక్షకుల కుటుంబ సభ్యురాలిగా మారిన జుబేదాకు ఇలాంటి ఊహించని ఆరోగ్య సమస్య ఎదురుకావడంతో అభిమానులు దిగ్భ్రాంతికి గురయ్యారు.
అసలు తన జీవితంలో ఎప్పుడూ గుండె సమస్య వస్తుందని కలలో కూడా ఊహించలేదని జుబేదా స్వయంగా వెల్లడించారు. కొద్ది రోజుల క్రితం ఆమెకు అకస్మాత్తుగా గుండెలో తీవ్రమైన అసౌకర్యం, నొప్పి కలగడంతో కుటుంబ సభ్యులు తక్షణమే అప్రమత్తమయ్యారు. వెంటనే ఆమెను ప్రముఖ ఆసుపత్రికి తరలించగా, వైద్య పరీక్షలు నిర్వహించిన డాక్టర్లు ఆమెకు అత్యవసరంగా హార్ట్ సర్జరీ చేయాలని స్పష్టం చేశారు. ఈ అనూహ్య పరిణామంతో అలీ కుటుంబం ఒక్కసారిగా కుంగిపోయింది.
ఇది కూడా చదవండి: బాలకృష్ణ భయపడేది ఆ ఒక్కరికే: సీక్రెట్ రివీల్.. ఫ్యాన్స్ రియాక్షన్ ఇదే!
తెరపై అందరినీ నడిపించే కమెడియన్‌గా, ఎప్పుడూ నవ్వులు పంచే అలీ.. తన అర్ధాంగి ప్రాణాపాయ స్థితిలో ఆసుపత్రి బెడ్‌పై పడుతున్న బాధను చూసి తట్టుకోలేకపోయారు. ఆపరేషన్ థియేటర్‌లోకి వెళ్లే సమయంలో ఆమెను చూస్తూ ఆయన గుండె పగిలేలా ఏడ్చిన దృశ్యాలు, ఆ వీడియోలు ప్రస్తుతం నెట్టింట వైరల్ అవుతూ అందరినీ కలచివేస్తున్నాయి. ఇక అభిమానులు జుబేదా త్వరగా కోలుకోవాలని కోరుకుంటున్నారు.
[Comedian Ali Wife Zubaida Heart Surgery, Comedian Ali, Zubeda Ali heart surgery, Ali wife health update, Tollywood actor Ali, Telugu Cinema, Tollywood, Telugu News, Tollywood News]
గాడ్ ఆఫ్ మాసెస్ హోదాలో బాలకృష్ణ సెల్యులాయిడ్ పై సాగిస్తున్న ప్రభంజనం తెలిసిందే. కత్తి పట్టుకొని శత్రువులని నరుక్కుంటూ వెళ్తుంటే ఆ హంగామా చూడటానికి రెండు కళ్ళు చాలవు. సాక్షాత్తు మెగాస్టార్ చిరంజీవి నే ఈ విషయాన్నీ చెప్పాడు. రీసెంట్ గా బాలకృష్ణ భయపడేది ఓకే ఒక్కరికి అనే న్యూస్ సోషల్ మీడియాలో సినీ సర్కిల్స్ లో వైరల్ గా మారింది. మరి ఆ క్రేజీ న్యూస్ కా కహాని ఏంటో చూసేద్దాం.
జీ 5 చానల్ వేదికగా ప్రసారమవుతున్న జగపతి బాబు టాక్ షో 'జయమ్ము నిశ్చయమ్మురా' రెండవ సీజన్‌కి బాలకృష్ణ మేనల్లుడు, అల్లుడు,ఏపి మినిస్టర్ నారా లోకేష్ ప్రత్యేక అతిథిగా విచ్చేశారు. దీనికి సంబంధించిన అధికారిక ప్రోమో రిలీజ్ అయ్యింది. ఇలా విడుదల కాగానే సోషల్ మీడియాలో విపరీతంగా ట్రెండ్ అవుతూ రికార్డులు సృష్టిస్తోంది. రాజకీయాలకే పూర్తిగా పరిమితం కాకుండా తనలోని మరో కోణాన్ని, సరదా స్వభావాన్ని, హాస్య చతురతను ఈ వేదిక ద్వారా నారా లోకేష్అ ద్భుతంగా ఆవిష్కరించారు.
షో ప్రారంభంలోనే నారా లోకేష్ ఎంతో ఉత్సాహంగా వేదికపైకి వచ్చి 'జై బాలయ్య' అంటూ పెద్దపెట్టున నినాదాలు చేసి అభిమానులని ఉర్రూతలూగించారు. ఈ కార్యక్రమంలో నందమూరి బాలకృష్ణ గురించిన కొన్ని ఆసక్తికరమైన విషయాలను, గోప్యమైన రహస్యాలను లోకేష్ పంచుకోవడం ప్రధాన ఆకర్షణగా నిలిచింది. బాలయ్య బాబు ఎవరికి భయపడతారనే ఆసక్తికరమైన రహస్యాన్ని ఈ ఎపిసోడ్‌లో ఆయన ప్రస్తావించడంతో ప్రేక్షకుల్లో, ముఖ్యంగా నందమూరి అభిమానుల్లో మరింత ఉత్సుకత పెరిగింది. బాలకృష్ణ నటించిన చిత్రాల్లోని శక్తివంతమైన డైలాగులను గుర్తుచేసుకుంటూ, ప్రోమో చివరిలో 'ఫ్లూటు జింక ముందు ఊదు.. సింహం ముందు కాదు' అనే ప్రసిద్ధ మాస్ డైలాగ్‌ను లోకేష్ స్వయంగా చెప్పిన తీరు అక్కడున్న అందరినీ ఎంతగానో ఆకట్టుకుంది. ఈ ఒక్క డైలాగ్ వీడియో ప్రస్తుతం నెట్టింట తెగ వైరల్ అవుతోంది.
ఇది కూడా చదవండి: కిరణ్ అబ్బవరం సాంగ్ పై సిఎం చంద్రబాబు నాయుడు కామెంట్స్: అసలేం జరుగుతుంది!
కేవలం రాజకీయాలు మరియు సినిమా విశేషాలే కాకుండా, తన మధురమైన బాల్యపు జ్ఞాపకాలను కూడా లోకేష్ ఈ షోలో ఎంతో సరదాగా పంచుకున్నారు. స్కూల్ రోజుల్లో ఉపాధ్యాయుల చేతిలో అందరికంటే ఎక్కువగా దెబ్బలు తిన్నది తానేనని ఆయన చమత్కరించారు. చిన్నతనంలో తాను చేసిన అల్లరి గురించి వివరిస్తూ, అప్పట్లో మావయ్య బాలకృష్ణతో క్రమశిక్షణ విషయంలోనూ పోటీ పడాల్సి వచ్చేదని చెబుతూ అందరినీ నవ్వుల్లో ముంచెత్తారు. అలాగే తన వివాహ సమయానికి సంబంధించిన ఒక మధురమైన జ్ఞాపకాన్ని గుర్తుచేసుకుంటూ, ఒకరోజు తనను ఎవరో 'అల్లుడుగారు' అని పిలిచారని, ఏదో రాజకీయ ఫిట్టింగ్ పెడుతున్నారనుకుని కాస్త కంగారు పడ్డానంటూ చెప్పిన జోకులు నవ్వులు పూయించాయి. ఇలా ఒక సీనియర్ రాజకీయ నేతగా కాకుండా, ఎంతో సరదాగా సామాన్య వ్యక్తిలా తన వ్యక్తిగత విషయాలను పంచుకోవడం ఈ షో ప్రత్యేకతగా నిలిచింది. మరి బాలయ్య ఎవరకి భయపడతాడో తెలుసుకోవాలంటే నవంబర్ 6వ తేదీన జీ5 పూర్తి ఎపిసోడ్ చూసేయండి. నవంబర్ 8వ తేదీన టెలివిజన్ ప్రేక్షకులని అలరించడానికి రాత్రి 7:30 గంటలకు జీ తెలుగు (Zee Telugu) ఛానెల్‌లో ప్రసారం కానుంది.
[Nara Lokesh About Balakrishna Secrets Jayammu Nischayammura, Nara Lokesh, Balakrishna, Jayammu Nischayammu Raa, Jagapathi Babu, Zee5 OTT, Telugu Cinema, Tollywood, Telugu News, Tollywood News]
ఘట్టమనేని కుటుంబం నుంచి మరో తరం నటుడిగా తెలుగు తెరకు పరిచయమయ్యాడు జయకృష్ణ. అయితే తొలి సినిమా ‘శ్రీనివాస మంగాపురం’ ఆశించిన ఫలితాన్ని అందుకోలేకపోవడంతో.. ఇప్పుడు తన రెండో సినిమాతో ఎలాంటి కథను ఎంచుకుంటాడనే ఆసక్తి నెలకొంది. ఈ నేపథ్యంలో జయకృష్ణ నెక్స్ట్ మూవీ గురించి ఓ ఆసక్తికరమైన వార్త వినిపిస్తోంది.
తాజా సమాచారం ప్రకారం.. జయకృష్ణ రెండో సినిమాను ‘బేబీ’ ఫేమ్ సాయి రాజేష్, నిర్మాత ఎస్‌కేఎన్ కలిసి నిర్మించే అవకాశాలు ఉన్నాయని తెలుస్తోంది. ఈ ప్రాజెక్ట్‌కు సాయి రాజేష్ కథ, స్క్రీన్‌ప్లే అందించనున్నారని, దర్శకత్వ బాధ్యతలను మరో దర్శకుడికి అప్పగించే అవకాశం ఉందని టాక్ వినిపిస్తోంది.
గతంలో సాయి రాజేష్ కథ అందించిన ‘చెన్నై లవ్ స్టోరీ’ ప్రాజెక్ట్‌లోనూ ఇదే తరహా విధానం కనిపించింది. ఇప్పుడు జయకృష్ణ సినిమా విషయంలోనూ అదే ఫార్ములాను అనుసరించనున్నారని ప్రచారం జరుగుతోంది. దర్శకుడు ఎవరనే విషయం, సినిమా ఏ జానర్‌లో తెరకెక్కనుందనే వివరాలు ఇంకా తెలియాల్సి ఉంది.
సాయి రాజేష్, ఎస్‌కేఎన్ కలయికలో వచ్చిన ‘బేబీ’ యువతలో మంచి చర్చకు దారి తీసింది. ప్రేమకథను భిన్నమైన కోణంలో చూపించిన ఈ సినిమా బాక్సాఫీస్ దగ్గర కూడా విజయాన్ని అందుకుంది. దీంతో వీరిద్దరి కాంబినేషన్‌లో వచ్చే తదుపరి సినిమాలపై సహజంగానే ఆసక్తి ఉంటుంది.
ఇప్పుడు అదే కాంబినేషన్ జయకృష్ణతో సినిమా చేస్తుందనే వార్త ఆసక్తిని పెంచుతోంది. అయితే ‘బేబీ’ తరహా కథనే ఎంచుకుంటారా? లేక జయకృష్ణకు సరిపోయే మరో కొత్త జానర్‌ను తెరపైకి తీసుకొస్తారా? అన్నది చూడాలి.
ఇది కూడా చదవండి: బ్లాస్ట్ కథతో ఆదర్శ కుటుంబం.. అసలు విషయం బయటపెట్టిన శ్రీనిధి శెట్టి.!
[Ghattamaneni Jaya Krishna Second Film, Ghattamaneni Jaya Krishna, Jaya Krishna Second Movie, Srinivasa Mangapuram Movie, Baby Movie, Sai Rajesh, SKN, Chennai Love Story, Telugu Film News]
కిరణ్ అబ్బవరం స్వీయ దర్శకత్వంలో తెరకెక్కుతున్న చిత్రం 'రియాలిటీ'. తాజాగా 'భజ గోవిందం' అనే మొదటి సాంగ్ రిలీజయ్యింది. పాట విన్న ఆంధ్రప్రదేశ్ ముఖ్యమంత్రి నారా చంద్రబాబు నాయుడు ప్రత్యేకంగా ప్రశంసలు కురిపిస్తూ సోషల్ మీడియా వేదికగా పోస్ట్ చేయడం టాలీవుడ్ వర్గాల్లోనూ, నెట్టింట ప్రధాన హాట్ టాపిక్. ఆ పూర్తి మ్యాటర్ ఏంటో చూద్దాం.
ఈ పాటలో విజువల్స్ పరంగా ఆంధ్రప్రదేశ్‌లోని ఏజెన్సీ ప్రాంతాల ప్రకృతి అందాలు, పచ్చని ప్రకృతి ఒడిలో సాగే గ్రామీణ జీవనశైలి ప్రేక్షకులను కట్టిపడేస్తున్నాయి. ఇప్పటికే యూట్యూబ్, ఇన్‌స్టాగ్రామ్ రీల్స్‌లో ఊపుమీదున్న ఈ పాటకి అనూహ్యంగా మరింత ప్రచారం లభించింది. ఆంధ్రప్రదేశ్‌లోని ఏజెన్సీ అందాలను అద్భుతంగా చిత్రీకరిస్తూ ఓ సోషల్ మీడియా ఇన్‌ఫ్లుయెన్సర్ రూపొందించిన వీడియో నెట్టింట విపరీతంగా చక్కర్లు కొడుతోంది. 'ఇది స్విట్జర్లాండ్ కాదు.. మన ఆంధ్రప్రదేశ్' అంటూ ఆ విజువల్స్‌ను స్వయంగా ఏపీ ముఖ్యమంత్రి నారా చంద్రబాబు నాయుడు తన అధికారిక సోషల్ మీడియా ఖాతాలో రీపోస్ట్ చేస్తూ ప్రశంసించారు. ప్రకృతి అందాలను అద్భుతంగా కెమెరాలో బంధించినందుకు సంబంధిత క్రియేటర్‌కు సీఎం ధన్యవాదాలు తెలిపారు.
ఇది కూడా చదవండి: అంత అందంగా ఉంటుంది: కాబట్టే దేవుడు త్వరగా తీసుకెళ్లిపోయాడా!
https://x.com/srinivasrtfan/status/2114590418289762641
ఈ పాటకి ప్రముఖ గాయని వైకోమ్ విజయలక్ష్మి తన అద్భుతమైన గాత్రంతో ప్రాణం పోశారు. ఆమె సాంప్రదాయ శైలి ఆలాపన పాటకు మరింత వన్నె తెచ్చింది. అలాగే టాలీవుడ్ టాలెంటెడ్ మ్యూజిక్ డైరెక్టర్ భీమ్స్ సిసిరోలియో అందించిన మట్టి వాసనల ట్యూన్ శ్రోతలను మంత్రముగ్ధులను చేస్తోంది. భారీ డ్రమ్స్ జోలికి వెళ్లకుండా, కేవలం శాస్త్రీయ అంశాలు మరియు స్థానిక జానపద వాయిద్యాలను అద్భుతంగా మిళితం చేసి భీమ్స్ ఇచ్చిన సంగీతం వినసొంపుగా ఉంది. ఇక ప్రముఖ గీత రచయిత సనారే అందించిన "ఉన్నంతలో మనకున్నంతలో బతికితే అదే సుఖము" అనే అర్థవంతమైన లైన్స్ నేటి పరుగుల జీవితంలో ప్రశాంతతను కోరుకునే ప్రతి ఒక్కరికీ కచ్చితంగా కనెక్ట్ అవుతాయి. డిసెంబర్ 25 న క్రిస్మస్ కానుకగా థియేటర్లలోకి రానుంది. జోయ్ ఫిలిప్స్ పతాకంపై సుధాకర్ చాగంటి నిర్మిస్తున్నాడు.
[Cm Chandrababu Naidu About kiran Abbavaram Bhaja Govindam Song, Kiran Abbavaram, Reality Movie, Bhaja Govindam Song, Chandrababu Naidu, Telugu Cinema, Tollywood, Telugu News, Tollywood News]
సౌందర్య... ప్రేక్షకులని థియేటర్స్ వైపు పరుగులు తీయించేలా చేసిన నటి. అభిమానులకి ఆరాధ్య దేవత. థియేటర్ లోకి సినిమా స్టార్ట్ అయ్యాక వచ్చిన వాళ్ళైతే సౌందర్య ఎంట్రీ ఇచ్చిందా అని ఎంతో ఆత్రంగా అడిగి, ఇంకా రాలేదని తెలిసి హమ్మయ్య అనుకున్న వాళ్ళు ఎంతో మంది. హీరోతో పాటు సమాన పేరుప్రఖ్యాతులు సంపాదించిన ఆమె అభిమానులని, ప్రేక్షకులని శోక సంద్రంలో ముంచుతూ విమాన ప్రమాదంలో మరణించిన విషయం తెలిసిందే.
రీసెంట్ గా సహా నటి ఆమని ఒక ఇంటర్వ్యూ లో సౌందర్య గురించి మాట్లాడుతు భావోద్వేగానికి గురయ్యింది. ఆమని మాట్లాడుతు తెరపైనే కాకుండా నిజ జీవితంలోనూ సౌందర్య ఎంతో పద్ధతిగా, క్రమశిక్షణతో జీవించింది. సాధారణంగా చాలామంది నటీమణులు మేకప్ వేస్తేనే అందంగా కనిపిస్తారు. కానీ సౌందర్య మాత్రం ఎలాంటి మేకప్ లేకపోయినా, ఎంతో సింపుల్‌గా ఉన్నా అచ్చం దేవతలా ప్రకాశించేది. ఆమె అంత అందంగా ఉండేది కాబట్టే, ఆ దేవుడు కూడా ఆమెను అంత తొందరగా తన దగ్గరకు తీసుకుపోయాడేమో. తనకు లోకజ్ఞానం గానీ, లౌక్యాలు గానీ అస్సలు తెలియవు. అన్నీ వాళ్ల నాన్నగారే చూసుకునేవారు. నాన్నంటే ఆమెకు ప్రాణం. ఆయన ఏది చెబితే అదే వేదం, ఆ పని వద్దు అంటే ప్రపంచంలో ఎవరు చెప్పినా ఆ పని చేసేది కాదు. అలాంటి తండ్రి హఠాత్తుగా చనిపోయినప్పుడు సౌందర్యకి అన్నీ తానై వాళ్ల అన్నయ్యే చూసుకున్నారు. అంత కష్టపడి కోట్లు సంపాదించింది కానీ, చివరకు జీవితంలో ఏదీ అనుభవించకుండానే అర్థాంతరంగా కన్నుమూసింది. తనకంటూ ఎన్నో కలలు ఉండేవి.. సినిమా వేరు, ఫ్యామిలీ వేరు అంటూ భర్త, పిల్లలతో కలసి ఉండాలని ఎన్నో ఆశలు పెట్టుకుంది. కానీ చివరకు ఆ అన్నయ్యతో పాటే ఆమె కూడా ఈ లోకాన్ని విడిచి వెళ్లిపోయింది.
ఇది కూడా చదవండి: కర్ణాటకలో 'రామాయణ' డిస్టిబ్యూట్ చేస్తున్న టాప్ హీరో: మరి తెలుగులో ఎందుకని!
ఇటీవల బెంగళూరులోని సౌందర్య వాళ్ళ ఇంటి వైపు వెళ్లి చూశాను. ఎంతో కళకళలాడిన ఆ ఇల్లు, ఇప్పుడు ఎవరూ లేక ఓ పాడుపడిన భవనంలా మారిపోవడం చూసి మనసు బరువెక్కింది' అంటూ ఆమని ఆవేదన వ్యక్తం చేశారు.
[Aamani About Soundarya, aamani emotional comments on soundarya, Soundarya actress, Aamani emotional comments, Soundarya death, Telugu Cinema, Tollywood, Telugu News, Tollywood News]
A familiar film dialogue, an unexpected childhood confession and a family anecdote that takes a humorous turn the latest episode of ‘Jayammu Nishchayammu Raa with Jagapathi’ – Season 2 promises a different kind of festive conversation. Andhra Pradesh IT Minister Nara Lokesh joins host Jagapathi Babu for the show’s third episode, bringing personal recollections and a playful exchange of stories to the Deepavali special.
The season began with Sai Pallavi, whose appearance opened the series of celebrity conversations, before bringing together director Trivikram Srinivas, composer Thaman S and special guest Sunil for its second episode. The upcoming instalment moves into a different sphere, with Lokesh offering glimpses of the person behind his public responsibilities through stories that are as amusing as they are personal.
One of the conversation’s lighter moments revolves around his school years. Looking back at his time as a student, Lokesh recalls an impressive distinction of sorts: being the recipient of more punishments than his classmates. What could have remained an ordinary childhood memory takes a comic turn when the conversation draws in his uncle, Nandamuri Balakrishna. Lokesh’s response suggests that mischief, in this family, makes for an entertaining subject of comparison.
His recollections of the period surrounding his wedding bring another amusing exchange to the fore. Lokesh remembers Balakrishna addressing him as ‘Alludugaru’. Rather than taking the affectionate form of address at face value, he recalls instinctively wondering what was being planned for him. The anecdote turns a simple family interaction into a moment of comic suspicion, offering a glimpse of their dynamic away from the screen.
The conversation also circles around the contrast between Balakrishna’s formidable cinematic image and his life beyond it. Lokesh hints at the existence of one person who can leave the actor apprehensive, setting up a revelation that the promo deliberately holds back. The tease adds an element of curiosity to an episode otherwise driven by candid recollections.
The closing moment belongs to Telugu cinema. Lokesh delivers the celebrated line from ‘Legend’ — “Flute-u jinka mundu oodu, simham mundu kaadu!” bringing the promo to an emphatic finish. It is a familiar cinematic flourish, but its arrival within a personal conversation gives the dialogue a fresh context.
With Jagapathi Babu steering the discussion, the Deepavali special brings together the informality of personal storytelling and the enduring familiarity of Telugu film culture. Lokesh’s appearance adds a new dimension to the season’s guest lineup, moving the conversation from the worlds of cinema and music to family memories, humour and a line that audiences will recognise instantly.
The third episode of ‘Jayammu Nishchayammu Raa with Jagapathi’ – Season 2 premieres on ZEE5 on November 6. The Deepavali special will subsequently air on Zee Telugu on November 8 at 7:30 PM.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
https://www.instagram.com/reel/De5yGsZhbFr/
.webp)
వెంకటేష్, త్రివిక్రమ్ కాంబినేషన్‌లో వస్తున్న ‘ఆదర్శ కుటుంబం’ సినిమాపై ప్రేక్షకుల్లో భారీ అంచనాలు ఉన్నాయి. అయితే ఈ సినిమా ప్రచార చిత్రాలు బయటకు వచ్చినప్పటి నుంచి మరో చర్చ కూడా నడుస్తోంది. తమిళంలో అర్జున్ నటించిన ‘బ్లాస్ట్’ సినిమాకు, ‘ఆదర్శ కుటుంబం’ కథకు పోలికలు ఉన్నాయంటూ సోషల్ మీడియాలో ప్రచారం జరుగుతోంది. మూవీ ప్రమోషన్స్ లో భాగంగా తాజాగా మీడియాతో ముచ్చటించిన హీరోయిన్ శ్రీనిధి శెట్టి ఈ వ్యవహారంపై స్పందించింది. రెండు సినిమాల కథలకు ఎలాంటి సంబంధం లేదని స్పష్టం చేసింది.
‘ఆదర్శ కుటుంబం’ ట్రైలర్ విడుదలైన తర్వాత ఈ పోలికల చర్చ మరింత ఎక్కువైంది. ఒక సాధారణ కుటుంబం వెనుక ఊహించని కోణాలు ఉండటం, యాక్షన్ అంశాలు చోటుచేసుకోవడం వంటి విషయాలు రెండు సినిమాల్లోనూ ఉన్నాయంటూ నెటిజన్లు అభిప్రాయపడుతున్నారు. అయితే శ్రీనిధి శెట్టి మాత్రం ఈ ప్రచారాన్ని ఖండించింది.
తాను ‘బ్లాస్ట్’ సినిమా చూశానని, ‘ఆదర్శ కుటుంబం’ కథతో దానికి ఎలాంటి పోలికలు కనిపించలేదని చెప్పింది. ‘టూరిస్ట్ ఫ్యామిలీ’, ‘దృశ్యం’ వంటి సినిమాలతోనూ తమ చిత్రాన్ని పోలుస్తున్నారని, కానీ ఈ సినిమా వాటన్నింటికీ భిన్నంగా ఉంటుందని వివరించింది.
దర్శకుడు త్రివిక్రమ్ సినిమాలంటే ప్రేక్షకుల్లో ఒక ప్రత్యేకమైన అంచనా ఉంటుంది. ఆయన మార్క్ డైలాగులు, కుటుంబ భావోద్వేగాలు, వినోదం ప్రధానంగా కనిపిస్తుంటాయి. అయితే ‘ఆదర్శ కుటుంబం’ మాత్రం ఆయన గత చిత్రాలకు భిన్నంగా ఉంటుందని శ్రీనిధి తెలిపింది.
త్రివిక్రమ్ గత సినిమాలన్నీ తాను చూశానని, ఈ సినిమాలో కొత్త తరహా కథను చూస్తారని చెప్పుకొచ్చింది. ఆయన దర్శకత్వంలో నటించాలని చాలా కాలంగా అనుకుంటున్నానని, అనుకోకుండా ఆయన నుంచి ఫోన్ రావడం తనకు ఆశ్చర్యాన్ని కలిగించిందని వెల్లడించింది. నటిగా తనకు అన్ని విధాలా సంతృప్తినిచ్చే ప్రాజెక్ట్ ఇదని పేర్కొంది.
‘కేజీఎఫ్’ సినిమాతో దేశవ్యాప్తంగా గుర్తింపు తెచ్చుకున్న శ్రీనిధి శెట్టి.. ‘ఆదర్శ కుటుంబం’లో ఆమె వెంకటేష్ భార్యగా నటిస్తోంది. హారికా అండ్ హాసిని క్రియేషన్స్ బ్యానర్‌పై ఎస్. రాధాకృష్ణ నిర్మిస్తున్న ఈ చిత్రానికి తమన్ సంగీతం అందిస్తున్నారు. అక్టోబర్ 30న ఈ సినిమా థియేటర్లలో విడుదల కానుంది.
ఇది కూడా చదవండి: చిరంజీవి కొత్త అవతారం.. ఓటీటీ షో టైటిల్ ఇదే.!
[Aadarsha Kutumbam vs Balst, Srinidhi Shetty Interview, Aadarsha Kutumbam Movie Story, Aadarsha Kutumbam Release Date, Srinidhi Shetty, Venkatesh, Trivikram Srinivas, Blast Movie, Telugu Film News]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవరికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్లలకు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్నగర్-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అనవసరంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
ఎంత దగ్గరి వ్యక్తులకైనా సరే.. ఈ విషయాలు అస్సలు చెప్పకండి..
మనిషి జీవితం సక్సెస్ గా ఉండటానికి, కష్టాలను ఎదుర్కొని ముందుకు సాగడానికి ఆచార్య చాణక్య చెప్పిన విషయాలు ఎంతో ప్రాముఖ్యతను సంతరించుకున్నాయి. ఆయన చెప్పిన విషయాలు చాణక్య నీతి పేరుతో ఎంతో ప్రాచుర్యం పొందాయి. కాలం ఎంత మారినా చాణక్య నీతిలో చెప్పిన సూత్రాలు నేటి ఆధునిక కాలంలో కూడా అందరికీ వర్తించేలాగా, అందరూ ఆచరించదగినవిగా ఉంటాయి. ఇంకా చెప్పాలంటే.. మనిషి స్వభావాన్ని ఆయన వేల ఏళ్ల కిందటే ఖచ్చితంగా అంచనా వేసి ఈ విషయాలన్నీ చెప్పగలిగారు.
సాధారణంగా మనకు ఏ కష్టం వచ్చినా, ఏ సంతోషం కలిగినా ముందుగా కుటుంబ సభ్యులతో పంచుకోవాలని అనుకుంటాం. రక్తం పంచుకుని పుట్టిన వాళ్ళు లేదా చాలా సన్నిహితులు అయినప్పటికీ కొన్ని విషయాలను ఎవరితోనూ పంచుకోకూడదని ఆచార్య చాణక్య హెచ్చరిస్తున్నారు. కొన్ని విషయాలను ఎంత దగ్గరి వ్యక్తులకు కూడా చెప్పకుండా రహస్యంగా ఉంచితేనే జీవితంలో ఎలాంటి ఇబ్బందులు రాకుండా సంతోషంగా ఉండగలమని ఆయన స్పష్టం చేశారు. ఆ విషయాలు ఏంటో వివరంగా తెలుసుకుంటే..
ఆర్థిక ఇబ్బందులు..
వ్యాపారంలో నష్టం వచ్చినా లేక ఎవరి వద్దనైనా అప్పులపాలైనా ఆ విషయాలను కుటుంబ సభ్యులకు చెప్పకుండా ఉండటమే మంచిదని చాణక్యుడు అభిప్రాయపడ్డారు. ఈ రకమైన ఆర్థిక సమస్యల గురించి ముందే చెబితే వారు అనవసరంగా ఆందోళన చెందుతారు. దీనివల్ల ఇంటి వాతావరణం కూడా నిరాశానిస్పృహలతో నిండిపోతుంది. ఒకవేళ నిజంగా ఇంట్లో వారి ఆర్థిక సహాయం లేదా సలహా అవసరమైతే తప్ప మిగతా సమయాల్లో ఆర్థిక సమస్యలను ఎవరికీ చెప్పకుండా ఉండటమే చాలా మంచిది.
భార్యాభర్తల వ్యక్తిగత గొడవలు..
వైవాహిక జీవితంలో భార్యాభర్తల మధ్య చిన్నపాటి మనస్పర్ధలు లేదా గొడవలు రావడం సర్వసాధారణం. అయితే ఈ వ్యక్తిగత విషయాలను ఎట్టి పరిస్థితుల్లోనూ కుటుంబంలోని ఇతర సభ్యులకూ లేదా బయటి వ్యక్తులకూ చెప్పకూడదు. ఇలాంటి విషయాలను అందరి ముందు చర్చించడం వల్ల మీపై ఇతరులకు ఉండే గౌరవం తగ్గిపోతుంది. అంతేకాకుండా ఇతరులు మీ సమస్యలను చూసి పైకి సానుభూతి చూపినప్పటికీ, వెనుక నుంచి మీ గురించి చులకనగా మాట్లాడే అవకాశం ఉంది. కాబట్టి మీ సమస్యలను మీరే ప్రశాంతంగా కూర్చుని పరిష్కరించుకోవడం మంచిది.
ఆఫీస్ లో అవమానాలు లేదా ఉద్యోగ సమస్యలు..
వృత్తి జీవితంలో ఎవరికైనా కొన్నిసార్లు పై అధికారుల నుంచి తిట్లు లేదా సహోద్యోగుల నుంచి అవమానాలు ఎదురుకావచ్చు. ఇలాంటి విషయాలను ఇంట్లో వాళ్లతో పంచుకుంటే వారు మీ గురించి అనవసరంగా బాధపడతారు. అంతేకాకుండా ఇంట్లో వాళ్ళ దృష్టిలో మీ విలువ క్రమేపీ తగ్గిపోతుంది. మిమ్మల్ని బలహీనుడిగా భావించే అవకాశం ఉంటుంది కాబట్టి వృత్తిపరమైన విషయాలను ఆఫీస్ లోనే వదిలేయడం మంచిది.
మనసులోని బలహీనతలు , భయాలు..
ప్రతి మనిషిలోనూ ఏదో ఒక బలహీనత లేదా భయం ఉంటుంది. అయితే మనకున్న ఆ బలహీనతలను ఎవరికీ, కనీసం దగ్గరి కుటుంబ సభ్యులకు కూడా చెప్పకూడదని చాణక్య నీతి చెబుతోంది. ఎందుకంటే భవిష్యత్తులో ఎప్పుడైనా గొడవలు లేదా వాదనలు జరిగితే కొందరు వ్యక్తులు మన బలహీనతనే మనకు వ్యతిరేకంగా వాడుకుని మనల్ని మరింత మానసికంగా ఇబ్బంది పెట్టవచ్చు.
చేయబోయే పనులు లేదా లక్ష్యాలు..
ఏదైనా కొత్త వ్యాపారం ప్రారంభించాలనుకున్నా, పెద్ద లక్ష్యాన్ని సాధించాలనుకున్నా ఆ పని పూర్తి అయ్యే వరకు ఎవరికీ చెప్పకూడదు. పని పూర్తి కాకముందే అందరికీ ఆ విషయం చెబితే ఇతరుల అనవసరమైన సలహాలు, సందేహాలు మీ ఆత్మవిశ్వాసాన్ని దెబ్బతీస్తాయి. అందుకే మీ విజయాన్ని ముందుగా సాధించి చూపించిన తర్వాతే పదిమందితో పంచుకోవడం ఎప్పుడూ మంచి ఫలితాలను ఇస్తుంది.
*రూపశ్రీ.
ప్రస్తుత కాలంలో రసాయనాలతో కూడిన ఖరీదైన బ్యూటీ ప్రొడక్ట్స్‌ను ముఖానికి ఉపయోగించడం కంటే, పూర్తిగా సహజమైన పద్ధతులతో చర్మాన్ని సంరక్షించుకోవడానికి చాలామంది ప్రాధాన్యత ఇస్తున్నారు. ఆ కోవలోకి వచ్చే అత్యంత ఆకర్షణీయమైన, పోషకాలు నిండిన ఉష్ణమండల పండ్లలో డ్రాగన్ ఫ్రూట్ ముందుంటుంది. కేవలం ఆరోగ్యానికే కాకుండా, మీ చర్మానికి సహజమైన కాంతిని, నిగనిగలాడే మెరుపును అందించడంలో డ్రాగన్ ఫ్రూట్ ఒక అద్భుతమైన ఔషధంలా పనిచేస్తుంది. అందమైన, ఆరోగ్యకరమైన చర్మాన్ని పొందడానికి ఈ పండు ఎంతగానో సహాయపడుతుంది. విటమిన్ సి, విటమిన్ బి3, విటమిన్ ఇ, పాలీఫెనాల్స్, బీటాలైన్స్ వంటి శక్తివంతమైన పోషకాలు దీనిలో పుష్కలంగా ఉంటాయి. ఇవి చర్మాన్ని ఫ్రీ రాడికల్స్ నుండి రక్షించి, ఆక్సీకరణ ఒత్తిడిని సమర్థవంతంగా తగ్గిస్తాయి. ఫలితంగా చర్మం ఎప్పుడూ యవ్వనంగా, కాంతివంతంగా మారుతుంది. అంతేకాకుండా, దీనిలో ఉండే అద్భుతమైన యాంటీ బ్యాక్టీరియల్, యాంటీ ఇన్‌ఫ్లమేటరీ గుణాలు మొటిమలను నివారించడంలో, చర్మంపై ఏర్పడే ఎరుపుదనాన్ని తగ్గించడంలో ఎంతగానో సహాయపడతాయి.
ఈ పండులో యాంటీ ఆక్సిడెంట్లు పుష్కలంగా ఉండటం వల్ల ముడతలు, నల్లటి మచ్చలు తగ్గి వృద్ధాప్య ఛాయలు దరిచేరకుండా ఉంటాయి. చర్మానికి హాని చేసే హానికరమైన బ్యాక్టీరియాతో పోరాడి మొటిమలు, చర్మపు చికాకును ఇది తగ్గిస్తుంది. ముఖ్యంగా విటమిన్ సి సమృద్ధిగా ఉండటం వల్ల చర్మం యొక్క స్థితిస్థాపకత మెరుగై, చర్మం మృదువుగా మారుతుంది. నీటి శాతం ఎక్కువగా ఉండే ఈ అద్భుతమైన పండు చర్మాన్ని పొడిబారకుండా కాపాడుతుంది. విటమిన్ బి3 మరియు విటమిన్ ఇ కణాల పునరుద్ధరణకు ఎంతగానో తోడ్పడి, సూర్యరశ్మి వల్ల చర్మానికి కలిగే నష్టాన్ని తగ్గిస్తాయి. ఇంట్లోనే సహజసిద్ధంగా ఫేస్ మాస్క్‌లు తయారు చేసుకోవడానికి ఇది సరైన ఎంపిక. ఉదాహరణకు, 2 టేబుల్ స్పూన్ల డ్రాగన్ ఫ్రూట్ గుజ్జులో 1 టీస్పూన్ తేనె కలిపి ముఖానికి రాసుకుని 20 నిమిషాల పాటు ఆరనిచ్చి ఆ తర్వాత కడిగితే చర్మం ఎంతో మృదువుగా మారుతుంది. లేదంటే, ఈ పండు గుజ్జుకు కొద్దిగా తాజా పెరుగు కలిపి ముఖానికి రాస్తే చర్మం మరింత కాంతివంతంగా ప్రకాశిస్తుంది. అలాగే ఎండ వల్ల కాలిపోయిన లేదా మంటగా ఉన్న చర్మానికి అలోవెరా జెల్, డ్రాగన్ ఫ్రూట్ గుజ్జు మిశ్రమం ఎంతో మంచి ఉపశమనాన్ని ఇస్తుంది. సహజసిద్ధమైన ఈ పద్ధతులను మీ దైనందిన సౌందర్య దినచర్యలో భాగం చేసుకోవడం ద్వారా ఎటువంటి సైడ్ ఎఫెక్ట్స్ లేకుండా చక్కటి నిగనిగలాడే చర్మాన్ని సులభంగా సొంతం చేసుకోవచ్చు.
Dragon Fruit For Skin, DIY Face Masks For Glowing Skin, Pitaya Skincare Benefits, Natural Anti Aging Remedies, Homemade Fruit Packs, Clear Skin Tips, Healthy Skin Routine.
ప్రతిరోజూ తలస్నానం చేయడం వల్ల ఆరోగ్యానికి హాని కలుగుతుందనే అపోహ చాలా కాలంగా సమాజంలో వేళ్లూనుకుపోయింది. ముఖ్యంగా చల్లటి నీటితో స్నానం చేయడం, తడి జుట్టుతో ఎక్కువసేపు ఉండటం వల్ల నేరుగా జలుబు వస్తుందని చాలా మంది నమ్ముతుంటారు. అయితే వైద్య శాస్త్రం మరియు నిపుణుల అభిప్రాయం ప్రకారం, ప్రతిరోజూ తలస్నానం చేయడం వల్ల నేరుగా జలుబు వస్తుందనే వాదనకు ఎటువంటి శాస్త్రీయ ఆధారాలు లేవు. జలుబు అనేది ప్రధానంగా రైనోవైరస్ వంటి వైరస్‌ల వల్ల మాత్రమే వ్యాపిస్తుంది తప్ప, తలస్నానం చేసే విధానం వల్ల రాదు. చలికాలంలో లేదా వాతావరణం చల్లగా ఉన్నప్పుడు చల్లటి నీటితో తలస్నానం చేయడం వల్ల కొంతమందికి వణుకు లేదా అసౌకర్యం కలగవచ్చు, కానీ దీనివల్ల వైరల్ ఇన్ఫెక్షన్ సోకదు. మీ శరీరానికి అనుకూలమైన ఉష్ణోగ్రతలో ఉన్న నీటిని ఉపయోగించడం ఎప్పుడూ మంచిది.
తలస్నానం చేసిన తర్వాత జుట్టును వీలైనంతవరకు ఆరబెట్టుకోవడం ఆరోగ్యరీత్యా మంచి అలవాటు. తడి జుట్టుతో ఎక్కువసేపు ఉండటం వల్ల ముఖ్యంగా చల్లని వాతావరణంలో చలిగా అనిపించవచ్చు, కానీ దీనివల్ల నేరుగా జలుబు వస్తుందని నిరూపించబడలేదు. అవసరమైతే టవల్‌తో జుట్టును మెల్లగా తుడిచి, సహజంగా ఆరబెట్టుకోవచ్చు. ఇకపోతే, ప్రతిరోజూ షాంపూ ఉపయోగించడం గురించిన చర్చ కూడా జోరుగా సాగుతుంటుంది. ప్రతిరోజూ షాంపూ ఉపయోగించాలా వద్దా అనేది పూర్తిగా మీ జుట్టు స్వభావం, తల చర్మం పరిస్థితిపై ఆధారపడి ఉంటుంది. ఎక్కువగా చెమట పట్టేవారు, జిడ్డు తల చర్మం ఉన్నవారు లేదా దుమ్ము, ధూళి ఎక్కువగా ఉండే ప్రదేశాల్లో పనిచేసేవారు తరచుగా షాంపూ ఉపయోగించాల్సి రావచ్చు. అయితే, కొన్ని రకాల జుట్టు ఉన్నవారిలో రోజూ షాంపూ చేయడం వల్ల జుట్టు పొడిబారడం, తల చర్మం చికాకు వంటి సమస్యలు ఎదురయ్యే అవకాశం ఉంది. కాబట్టి మీ జుట్టు తత్వానికి సరిపోయే మైల్డ్ షాంపూను ఎంచుకుని, మీ అవసరాన్ని బట్టి ఉపయోగించడం ఉత్తమం.
తలస్నానం చేసేటప్పుడు కొన్ని జాగ్రత్తలు పాటించడం ద్వారా జుట్టు ఆరోగ్యాన్ని కాపాడుకోవచ్చు. స్నానం చేసేటప్పుడు ఎప్పుడూ శుభ్రమైన నీటిని ఉపయోగించాలి మరియు మీకు అనుకూలమైన ఉష్ణోగ్రతలో ఉండే నీటిని ఎంచుకోవాలి. జుట్టును బలంగా రుద్దకుండా, మృదువుగా ఆరబెట్టుకోవాలి. అలాగే జలుబుకు కారణమయ్యే వైరస్‌ల వ్యాప్తిని తగ్గించడానికి చేతులను సబ్బుతో శుభ్రంగా కడుక్కోవడం, అనారోగ్యంతో ఉన్నవారికి దూరంగా ఉండటం ముఖ్యం. ప్రతిరోజూ తలస్నానం చేయడం ప్రతి ఒక్కరికీ తప్పనిసరి కాదు; మీ జుట్టు మరియు తల చర్మం యొక్క వ్యక్తిగత అవసరాలను బట్టి తలస్నానం చేసే విధానాన్ని ఎంచుకోవాలి. ఒకవేళ జలుబుతో పాటు అధిక జ్వరం, శ్వాస తీసుకోవడంలో ఇబ్బంది లేదా దీర్ఘకాలిక లక్షణాలు ఏవైనా కనిపిస్తే వెంటనే వైద్యుడిని సంప్రదించి తగిన చికిత్స తీసుకోవడం చాలా ముఖ్యం.
Daily Hair Wash Cold Myth, Does Wet Hair Cause Cold, Head Bath Every Day Side Effects, Hair Care Myths And Facts, Health Facts About Hair Washing, Sinus And Daily Hair Bath, Proper Hair Washing Routine.
.webp)
మన శరీరానికి ఎముకలు ఎంత బలంగా ఉంటే అంత ఆరోగ్యంగా ఉంటాము. ముఖ్యంగా ఎముకలు , దంతాలు పటిష్టంగా ఉండటంలో కాల్షియం చాలా అవసరం. ఇది కేవలం ఎముకలను గట్టిపరచడమే కాకుండా, కండరాలను ఆరోగ్యంగా ఉంచడంలో, నరాల ద్వారా మెదడుకు సంకేతాలు అందడంలో , రక్తం గడ్డకట్టే ప్రక్రియలోనూ కీలకపాత్ర పోషిస్తుంది. అయితే చాలా మంది రోజూ పాలు, పెరుగు లాంటివి తీసుకుంటున్నప్పటికీ, వారి శరీరానికి తగినంత కాల్షియం అందడం లేదని ఆందోళన చెందుతుంటారు. మనం తీసుకునే ఆహారంలో కొన్ని పొరపాట్లు ఉండటం వల్ల, అది శరీరంలో కలిసిపోవడానికి బదులుగా నీటిలా కరిగిపోయి వృథాగా బయటకు వెళ్లిపోతుంటుంది. అలా జరగడానికి కారణాలు ఏంటో.. ఆ ఆహారపు పొరపాట్లు ఏమిటో వివరంగా తెలుసుకుంటే..
విటమిన్-డి లేకపోవడం..
శరీరంలో కాల్షియం లోపించడానికి ప్రధాన కారణాలలో విటమిన్ డి లేకపోవడం ఒకటి. మనం ఎంత కాల్షియం తీసుకున్నప్పటికీ, అది ఎముకలకు చేరాలంటే శరీరంలో తగినంత విటమిన్ డి ఉండటం చాలా అవసరం. ఒకవేళ విటమిన్ డి లోపిస్తే మాత్రం మనం తీసుకునే పోషకాలు పూర్తిగా శోషించబడవు. ఉదయం పూట ఎండలో కాసేపు గడపడం లేదా అవసరమైన పౌష్టికాహారం తీసుకోవడం ద్వారా ఈ లోపాన్ని అధిగమించవచ్చు. విటమిన్ డి లేకపోతే క్యాల్షియం శరీరంలో పూర్తిగా వృథా అయిపోతుంది.
ఉప్పు..
మనం రోజూ తినే ఆహారంలో ఉప్పు మోతాదు ఎక్కువైతే అది ఎముకల ఆరోగ్యానికి పెద్ద ముప్పుగా మారుతుంది. ఉప్పులో ఉండే సోడియం మూత్రపిండాల ద్వారా బయటకు వెళ్లేటప్పుడు, దానితో పాటు శరీరంలోని ముఖ్యమైన కాల్షియం కూడా కరిగిపోయి బయటకు వెళ్లిపోతుంది. చిప్స్, ప్యాకేజ్డ్ ఫుడ్స్, నిల్వ ఉంచిన పచ్చళ్ళు , అతిగా ఉప్పు ఉండే పదార్థాలను రోజూ తీసుకోవడం వల్ల ఎముకలు క్రమంగా గుల్లబారే ప్రమాదం ఉంది. దీనితో పాటు అతిగా టీ లేదా కాఫీలు తాగే అలవాటు ఉన్నవారిలో కూడా కాల్షియం శోషణ మందగిస్తుంది.
కాల్షియం ఆహారాలు తీసుకోకపోవడం..
డైట్ లో కాల్షియం సమృద్ధిగా ఉండే పదార్థాలను పూర్తిగా విస్మరించడం కూడా సమస్యను కలిగిస్తుంది. కేవలం ఏదో ఒకటి తింటున్నాము అనుకోకుండా పాలు, పెరుగు, పన్నీర్, ఆకుకూరలు, వివిధ రకాల గింజలను రోజువారీ ఆహారంలో భాగం చేసుకోవాలి. శరీరానికి అవసరమైన విభిన్న రకాల పోషకాలు అందాలంటే ఆహారంలో వెరైటీగా ఉండాలి. అవసరమైతే ఆహార నిపుణులను సంప్రదించి సరైన సప్లిమెంట్లను కూడా వాడుకోవచ్చు.
ఆహారాలతో పాటు ధూమపానం , మద్యం సేవించే అలవాట్లు కూడా ఎముకల బలాన్ని దెబ్బతీస్తాయి. ఇటువంటి వ్యసనాలు శరీరంలో కొత్త ఎముకల తయారీని మందగించి, ఉన్న ఎముకలు వేగంగా బలహీనపడేలా చేస్తాయి. దీనివల్ల శరీరానికి అందే కాల్షియం పూర్తిగా ప్రయోజనం లేకుండా పోతుంది. ఈ సమస్యలన్నింటి నుంచి దూరంగా ఉండాలంటే వ్యసనాలకు దూరంగా ఉంటూ, రోజూ కాసేపు నడక వంటి వ్యాయామాలు చేస్తూ, సరైన పౌష్టికాహారాన్ని తీసుకోవడం ద్వారా ఎముకల ఆరోగ్యాన్ని పదిలంగా కాపాడుకోవచ్చు.
*రూపశ్రీ.
శాకాహారం మంచిదా లేక మాంసాహారం మంచిదా అనే చర్చ చాలా సందర్భాలలో వస్తుంది. ముఖ్యంగా మాంసాహారాన్ని ఇష్టపడేవారు, శాకాహారాన్ని ఇష్టపడేవారు ఒకే దగ్గర చేరినప్పుడు ఈ రెండింటి మధ్య గల తేడా గురించి చాలా వాదించుకుంటూ ఉంటారు. దీర్ఘాయువుకు శాకాహారమే కీలకం అని కొందరు నమ్మితే.. మాంసంలో లభించే ప్రోటీన్ మరియు పోషకాలు మరింత ప్రయోజనకరమని మరికొందరు వాదిస్తారు. అయితే ఆరోగ్యం , దీర్ఘాయువు కోసం ఏ ఆహారం నిజంగా మంచిది? ఆరోగ్య నిపుణులు, పరిశోధకులు దీని గురించి ఏం చెప్తున్నారు? వివరంగా తెలుసుకుంటే..
శాకాహారం వల్ల కలిగే ప్రయోజనాలు..
శాకాహారులకు గుండె జబ్బులు, అధిక రక్తపోటు, టైప్ 2 మధుమేహం , క్యాన్సర్ వంటి దీర్ఘకాలిక వ్యాధుల ప్రమాదం తక్కువగా ఉంటుందని ఎన్నో పరిశోధనలు చెబుతున్నాయి. శాకాహారుల ఆహారంలో పీచుపదార్థం , యాంటీఆక్సిడెంట్లు సమృద్ధిగా , వల్ల, వారు సాధారణంగా తక్కువ బరువు మరియు తక్కువ బాడీ మాస్ ఇండెక్స్‌ను కలిగి ఉంటారు. కూరగాయలు , పండ్ల నుండి లభించే విటమిన్లు E, C , కెరోటిన్ శరీరాన్ని అంతర్గతంగా బలోపేతం చేయడానికి సహాయపడతాయి, తక్కువ సంతృప్త కొవ్వులు గుండెపై ఒత్తిడిని తగ్గిస్తాయి.
మాంసాహారం..
శాకాహారులు ఎక్కువ కాలం జీవిస్తారని చాలా కాలంగా నమ్మేవారు, కానీ చైనాలోని వృద్ధులపై ఇటీవల జరిగిన ఒక అధ్యయనం ఈ భావనను సవాలు చేసింది. ఈ పరిశోధన ప్రకారం, మాంసాహారం తినేవారితో పోలిస్తే, కఠినమైన శాకాహారాన్ని పాటించేవారికి 100 ఏళ్ల వయస్సును చేరుకునే అవకాశం తక్కువగా ఉన్నట్లు కనుగొనబడిందట. దీని అర్థం, వృద్ధాప్యంలో శరీరానికి అవసరమైన పోషకాలను కేవలం మొక్కల ఆధారిత ఆహారంతో మాత్రమే పొందలేము.
మధ్యేమార్గం..
మాంసాహారం తినేవారితో పోలిస్తే, చేపలు , పాల ఉత్పత్తులను తినేవారు లేదా చేపలు, పాల ఉత్పత్తులతో కూడిన శాకాహారాన్ని తీసుకునేవారికి ఆరోగ్యపరంగా బాగుంటుందట. దీనిని బట్టి దీర్ఘకాలం ఆరోగ్యకరమైన జీవితాన్ని గడపడంలో, పూర్తిగా శాకాహారిగా లేదా పూర్తిగా మాంసాహారిగా ఉండటం కంటే, సమతుల్య ఆహారం తీసుకోవడమే ఎక్కువ ముఖ్యమైన పాత్ర పోషిస్తుందని చెబుతున్నారు.
ఇతర కారకాలు..
దీర్ఘాయువు కేవలం ఆహారపు అలవాట్లపై మాత్రమే ఆధారపడి ఉండదని పరిశోధకులు అంటున్నారు. జన్యుపరంగా, జీవనశైలి, శారీరక శ్రమ, మొత్తం ఆరోగ్యం వంటి అనేక అంశాలు కూడా సమాన పాత్ర పోషిస్తాయి. అందువల్ల, కేవలం శాకాహారిగా లేదా మాంసాహారిగా ఉండటం అనేది దీర్ఘాయువు నిర్ణయించబడదు అంటున్నారు.
*రూపశ్రీ
కాఫీ, టీ తాగడానికి ముందు మంచి నీరు తాగడం మంచిదేనా ? ఈ నిజాలు తెలుసుకోండి..!
ఉదయాన్నే వేడివేడిగా ఒక కప్పు కాఫీ లేదా టీ తాగితే వచ్చే ఉత్సాహమే వేరు. రోజువారి అలసటను పారద్రోలి, మనసును తేలికపరచడంలో కాఫీ, టీలు ఎంతగానో సహాయపడతాయి. అయితే, మనలో చాలామందికి కాఫీ లేదా టీ తాగడానికి కొద్ది నిమిషాల ముందు కాస్త మంచినీరు తాగే అలవాటు ఉంటుంది. కానీ ఇలా తాగడం మంచిదేనా లేదా అనే సందేహం చాలామందిలో ఉంటూ ఉంటుంది. కొందరైతే కాఫీ, టీ తాగడానికి ముందు నీరు తాగితే కడుపులో యాసిడ్లు పల్చబడిపోతాయని, దానివల్ల ఎసిడిటీ సమస్య పెరుగుతుందని చెబుతుంటారు. మరి ఈ మాటల్లో ఎంతవరకు నిజం ఉందో, అసలు సైన్స్ ఏం చెబుతుందో వివరంగా తెలుసుకుంటే..
ఎసిడిటీ పెరుగుతుందా?
కాఫీ , టీ తాగడానికి ముందు మంచి నీరు తాగితే కడుపులో ఎసిడిటీ పెరుగుతుందని అనుకోవడం కేవలం ఒక పొరపాటు లేదా అపోహ మాత్రమే. దీనికి ఎలాంటి శాస్త్రీయ ఆధారాలు లేవని ఆహార నిపుణులు చెబుతున్నారు. నిజానికి, టీ లేదా కాఫీ తాగడానికి ముందు ఒక గ్లాసు నీరు తాగడం వల్ల శరీరానికి , జీర్ణవ్యవస్థకు అనేక రకాల ప్రయోజనాలను పొందుతాయి.
కెఫీన్ ప్రభావం తగ్గిస్తుంది..
కాఫీ , తేయాకులలో సహజంగానే కెఫిన్ తో పాటు కొంతవరకు యాసిడ్ స్వభావం ఉంటుంది. పరగడుపున లేదా ఖాళీ కడుపుతో వీటిని నేరుగా తాగినప్పుడు, కడుపులోని పొరలు చికాకుకు గురై ఎసిడిటీ, గుండెల్లో మంట, లేదా కడుపులో అసౌకర్యం కలిగే అవకాశం ఉంది. అయితే, కాఫీ లేదా టీ తాగడానికి ఐదు నుండి పది నిమిషాల ముందు సాధారణ నీటిని తాగడం వల్ల, ఆ నీరు పొట్టలోని యాసిడ్ స్థాయిలను సమతుల్యం చేస్తుంది. ఇది ఒక రక్షణ పొరలా పనిచేసి, కెఫిన్ పొట్ట గోడలపై నేరుగా చూపించే తీవ్ర ప్రభావాన్ని తగ్గిస్తుంది.
నీరు తాగడం వల్ల కడుపులోని రసాలు పల్చబడి జీర్ణక్రియ పాడవుతుందని అనుకుంటారు. మనం తాగే ఒక గ్లాసు నీరు పొట్టలో చాలా వేగంగా శోషించబడుతుంది. అంతేకాకుండా, నీరు పొట్టను జీర్ణక్రియకు సిద్ధం చేస్తుంది. టీ, కాఫీలలో ఉండే టానిన్లు, కెఫిన్ వల్ల కడుపులో కలిగే మంటను నివారించడంలో ఈ నీరు ఎంతగానో తోడ్పడుతుంది.
నోటి ఆరోగ్యం..
టీ, కాఫీలు తాగడం వల్ల వాటిలోని రసాయనాలు దంతాలపై పసుపు రంగు మరకలను ఏర్పరుస్తాయి. అంతేకాకుండా దంతాల ఎనామిల్ ను బలహీనపరుస్తాయి. కాఫీ లేదా టీ తాగడానికి ముందు నీరు తాగడం వల్ల నోటిలోని పిహెచ్ స్థాయిలు సమతుల్యంగా మారి దంతాల ఎనామిల్ దెబ్బతినకుండా ఉంటుంది. అలాగే, కాఫీ, టీలు శరీరంలోని నీటి శాతాన్ని తగ్గించే గుణాన్ని కలిగి ఉంటాయి. ఇవి ఎక్కువగా తాగడం వల్ల శరీరం డీహేడ్రేషన్ కు గురయ్యే ప్రమాదం ఉంది. అందుకే, ముందుగానే నీరు తాగడం వల్ల శరీరం హైడ్రేటెడ్ గా ఉంటుంది.
చివరిగా..
కాఫీ లేదా టీ తాగడానికి ముందు కొద్దిగా సాధారణ నీటిని తాగడం చాలా మంచి అలవాటు. ఇది ఎసిడిటీని పెంచకపోగా, మరింత తగ్గించి జీర్ణవ్యవస్థను సురక్షితంగా ఉంచుతుంది. కాబట్టి టీ లేదా కాఫీకి కొద్ది నిమిషాల ముందు కొద్దిగా నీరు తాగడం ఆరోగ్యానికి మంచిదే..
*రూపశ్రీ.