లోక్ సభలో ప్రతిపక్ష నేత, కాంగ్రెస్ అగ్ర నాయకుడు రాహుల్ గాంధీ మరోసారి తన వ్యాఖ్యలతో దేశ రాజకీయాల్లో పెను దుమారం రేపారు. విదేశీ పర్యటనలకు వెళ్లినప్పుడల్లా దేశ అంతర్గత విషయాలపై విమర్శలు చేయడం ఆయనకు పరిపాటిగా మారిందన్న విమర్శలు మళ్లీ వెల్లువెత్తుతున్నాయి. తాజాగా అమెరికాలోని ప్రఖ్యాత కొలంబియా విశ్వవిద్యాలయంలో జరిగిన ఒక కార్యక్రమంలో ఆయన చేసిన వ్యాఖ్యలు జాతీయ స్థాయిలో  చర్చకు దారితీశాయి.   కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు. అంతేకాకుండా, ఇండియన్ ఎడ్యుకేషన్ సిస్టమ్ లో  అనేక లోపాలు ఉన్నాయని విదేశీ వేదికపై విమర్శించడం ఇప్పుడు అధికార పక్షంతో పాటు రాజకీయ పరిశీలకులు సైతం అభ్యంతరం వ్యక్తం చేస్తున్నారు.  సాధారణంగా విదేశాలకు వెళ్లినప్పుడు తమ మాతృభూమి గొప్పతనాన్ని చాటిచెప్పడం భారత సంప్రదాయం. మన ఇతిహాసమైన మహాభారతంలో సైతం, అంతర్గత విభేదాలు ఎన్ని ఉన్నా బయటి వ్యక్తుల ముందు మన లోపాలను ఎత్తిచూపకూడదని ధర్మరాజు తన తమ్ముళ్లకు సూచించిన సందర్భాన్ని పరిశీలకులు ఈ సందర్భంగా గుర్తు చేస్తున్నారు.  అయితే.. బాధ్యతాయుతమైన ప్రతిపక్ష నేత స్థానంలో ఉన్న రాహుల్ గాంధీ.. విదేశీ సదస్సుల్లో, విదేశీ మీడియా ముందు దేశ ప్రతిష్ఠను మసకబార్చులా  మాట్లాడటం   సమంజసం కాదన్న అభిప్రాయం గట్టిగా వ్యక్తమౌతోంది.    దేశంలో ఏవైనా సమస్యలు ఉంటే, ప్రతిపక్ష నాయకుడిగా పార్లమెంట్ వేదికగా ప్రభుత్వాన్ని నిలదీసే  హక్కు రాహుల్ గాంధీకి ఉంది. ప్రభుత్వ విధానాల్లోని లోపాలను ఎత్తిచూపుతూ ప్రజలను చైతన్యవంతం చేయాలి. అవసరమైతే ప్రజాస్వామ్యబద్ధంగా ఆందోళనలు చేపట్టి ప్రభుత్వానికి నిర్దిష్ట సూచనలు ఇవ్వాలి.. కానీ, స్వదేశంలో చేయాల్సిన రాజకీయ పోరాటాన్ని పక్కనపెట్టి, విదేశీ గడ్డపై దేశ ఆర్థిక వ్యవస్థపై అనుచిత వ్యాఖ్యలు చేయడం వల్ల అంతర్జాతీయ స్థాయిలో ఇండియా ప్రతిష్ఠ దెబ్బతినే ప్రమాదం ఉందన్న ఆందోళన సర్వత్రా వ్యక్తమౌతోంది.  ప్రస్తుతం ఇండియా చుట్టూ ఉన్న భౌగోళిక రాజకీయ పరిస్థితులు   సున్నితంగా ఉన్నాయి. చైనా, పాకిస్థాన్, బంగ్లాదేశ్ వంటి పొరుగు దేశాలు భారత్‌లో అస్థిరతను సృష్టించేందుకు నిరంతరం ఏదో ఒక రకంగా ప్రయత్నిస్తూనే ఉన్నాయి. ఇలాంటి క్లిష్ట సమయంలో   దేశ బలహీనతలను విదేశీ వేదికలపై ఎత్తిచూపడం ద్వారా  శత్రుదేశాలకు   ఆయుధాలు అందించినట్లు అవుతుందని పరిశీలకులు అంటున్నారు.  ఈ విషయంపై కాంగ్రెస్ పార్టీతో పాటు ఇండియా కూటమి నేతలు కూడా ఆత్మపరిశీలన చేసుకోవాల్సిన అవసరం ఉందని   అభిప్రాయపడుతున్నారు.   కొలంబియా విశ్వవిద్యాలయంలో రాహుల్ గాంధీ చేసిన వ్యాఖ్యలపై బీజేపీ  విరుచుకుపడింది. రాహుల్ ఆరోపణలను ఖండిస్తూ, గత పన్నెండేళ్లుగా ప్రధాని నరేంద్ర మోదీ నాయకత్వంలో దేశ ప్రజలు  సుఖసంతోషాలతో జీవిస్తున్నారని పేర్కొంది.. ఇప్పటికే ప్రధాని మోదీ పలు సందర్భాల్లో రాహుల్ గాంధీ రాజకీయ వైఖరిని ఎద్దేవా చేస్తూ మాట్లాడిన విషయాన్ని వారు గుర్తుచేశారు.  ఇది కూడా చదవండి:  రాహుల్ విదేశీ పర్యటన: శశిథరూర్ వ్యాఖ్యలు వైరల్.!​ అదలా ఉంటే.. ఇటీవల సోనియా గాంధీ ఆత్మకథ విడుదల సందర్భంగా తన తల్లిదండ్రులను పార్వతీపరమేశ్వరులతో పోలుస్తూ రాహుల్ చేసిన వ్యాఖ్యలు కూడా హిందూ భక్తుల మనోభావాలను దెబ్బతీసి, మరో వివాదానికి తెరలేపాయి.   నిజానికి ఇటీవల జరిగిన పార్లమెంట్ సమావేశాల్లో ప్రజా సమస్యలపై రాహుల్ గాంధీ చేసిన ప్రసంగాలు సామాన్య ప్రజలను ఎంతో ఆకట్టుకున్నాయి. ఒక బలమైన ప్రతిపక్ష నేతగా ఆయన ఎదుగుతున్నారనే సంకేతాలు వెలువడ్డాయి. కానీ, ఆ సానుకూల వాతావరణాన్ని నిలబెట్టుకోవాల్సింది పోయి, ఆయన ఇలాంటి అనవసర వివాదాల్లో చిక్కుకుంటూ తన వ్యక్తిత్వాన్ని, రాజకీయ ప్రతిష్ఠను ఆయనే స్వయంగా తగ్గించుకుంటున్నారనే వాదన బలంగా వినిపిస్తోంది.    రాబోయే రోజుల్లో రాహుల్ గాంధీ తన ప్రసంగాల శైలిని మార్చుకోవాల్సిన అవసరం ఎంతైనా ఉంది. సందర్భోచితంగా, దేశ ప్రయోజనాలకు భంగం కలగని రీతిలో వ్యవహరించకపోతే, అది వ్యక్తిగతంగా ఆయనకే కాకుండా మొత్తం కాంగ్రెస్ పార్టీకి కూడా తీవ్ర నష్టాన్ని కలిగిస్తుందని రాజకీయ విశ్లేషకులు భావిస్తున్నారు. సమయోచిత వ్యాఖ్యలు చేయనంత కాలం హస్తం పార్టీకి రాజకీయ కష్టాలు తప్పవని, ప్రజల విశ్వాసాన్ని పూర్తిస్థాయిలో గెలుచుకోవడం కష్టతరమవుతుందని విశ్లేషకులు స్పష్టం చేస్తున్నారు.   మీకు నచ్చవచ్చు: రాహుల్ గాంధీ విదేశీ పర్యటనలపై దుమారం​ 8 బిలియన్ డాలర్ల నుంచి 140 బిలియన్ డాలర్లకు.. అదానీ ఆస్తులు ఎలా పెరిగాయి: రాహుల్ గాంధీ   [Rahul Gandhi, ColumbiaUniversitySpeech, IndianEconomy, BJPReaction, TeluguOne]
ఆంధ్రప్రదేశ్ రాజకీయాల్లో వైఎస్ కుటుంబ వివాదం మరోసారి బహిర్గతమైంది. ఏపీసీసీ అధ్యక్షురాలు వైఎస్ షర్మిల తన సోదరుడు, వైసీపీ అధినేత  జగన్‌ పై తీవ్రస్థాయిలో మండిపడ్డారు. తన కుమార్తె వివాహానికి ముఖ్యమంత్రి ఎన్. చంద్రబాబు నాయుడిని ఆహ్వానించడాన్ని తప్పుపడుతూ జగన్ మీడియా ప్రచురించిన కథనంపై షర్మిల నిప్పులు చెరిగారు. తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.  సాధారణ కుటుంబ సంబంధాలను కూడా వక్రీకరించి మహిళల వ్యక్తిత్వాన్ని కించపరిచేలా వ్యవహరించడాన్ని తప్పుపట్టారు.   మహిళలను గౌరవిస్తామని చెప్పే జగన్..  ఇలాంటి నిరాధారమైన,  దిగజారిన వార్తలను తన సొంత మీడియా ప్రచురించడాన్ని ఎలా సమర్థించుకుంటారని నిలదీశారు. ఈ  ప్రచురణ వెనుక ఉన్న ఉద్దేశం ఏమిటో జగన్ స్వయంగా సమాధానం చెప్పాలని   డిమాండ్ చేశారు. గతంలో తమ తండ్రి, దివంగత ముఖ్యమంత్రి వైఎస్ రాజశేఖర రెడ్డి సైతం రాజకీయ విభేదాలను పక్కనబెట్టి తన పిల్లల పెళ్లిళ్లకు అందరినీ ఆహ్వానించిన విషయాన్ని ఈ సందర్భంగా  గుర్తుచేశారు. రాజకీయంగా ఎన్ని వ్యత్యాసాలు ఉన్నప్పటికీ, కుటుంబ వేడుకల్లో మర్యాదపూర్వకంగా వ్యవహరించడం జగన్ దిగజారుడుతనానికి పరాకాష్ఠగా షర్మిల అభివర్ణించారు. అన్నదమ్ముల మధ్య, కుటుంబ సభ్యుల మధ్య గత కొంతకాలంగా కొనసాగుతున్న   వివాదాల నేపథ్యంలో ఈ తాజా పరిణామం అత్యంత ప్రాధాన్యత సంతరించుకుంది. కేవలం రాజకీయ లబ్ది కోసమే జగన్  కుటుంబ వ్యవహారాలను బహిరంగ వేదికలపైకి లాగుతూ వ్యక్తిగత దూషణలకు దిగుతున్నారని షర్మిల పదేపదే ఆరోపిస్తున్న సంగతి విదితమే. ఇది కూడా చదవండి: వెల్తారా, వెళ్లరా: షర్మిల కుమార్తె వివాహానికి జగన్ హాజరుపై చర్చ.! అయినా..  తమ ప్రత్యర్థి అయితే చాలు…  వ్యక్తిత్వహననానికి పాల్పడడం, మహిళలను కించపరచడం వైసీపీ నేతలకు అలవాటేనంటూ.. నాడు నిండు సభలో అప్పటి ప్రతిపక్ష నేత చంద్రబాబు సతీమణి భువనేశ్వరిని అవమానించిన విషయాన్ని గుర్తు చేస్తూ పరిశీలకులు సైతం షర్మిలపై అనుచిత వ్యాఖ్యలను తప్పుపడుతున్నారు.    అంతెందుకు గతంలో షర్మిల కూడా పలు సందర్భాలలో జగన్ ది సైతాన్ సైన్యం   విమర్శించిన సంగతి తెలిసిందే. సీఎం చంద్రబాబుకు తన కుమారుడి పెళ్లి పత్రిక ఇచ్చేందుకు పసుపు రంగు చీర కట్టుకొని వెళ్లిన షర్మిలను దూషించిన ఘనత వైసీపీ సైకో సైన్యానిది. ఇప్పుడు కూడా తన కూతురు అంజిలి పెళ్లి పత్రిక అందించేందుకు చంద్రబాబును కలిసిన షర్మిలపై వైసీపీయులు దుర్భాషలాడుతున్నతీరుపై సర్వత్రా ఆగ్రహం వ్యక్తమౌతోంది. మీకు నచ్చవచ్చు:   ఉంటే ఉండు, లేకుంటే దేశం విడిచిపో: వైఎస్ కంటే గొప్పోడివా.. జగన్ ను ఉతికి ఆరేసిన షర్మిల కుటుంబం.! ఎలహంక ప్యాలెస్ లో షర్మిల కుమార్తె పెళ్లి: పేర్ని నానికెందుకు నొప్పి.? [YSSharmila, YSJagan, SharmiladaughterMarriage, Invitation, CBN, CharacterAssassination, TeluguOne]
 దేశ రాజధాని నూతన దిల్లీలో జరిగిన సోనియాగాంధీ ఆత్మకథ  బిలాంగింగ్ పుస్తకావిష్కరణ వేడుకలో సీటింగ్ అరేంజ్ మెంట్ రాజకీయ చర్చకు తావిచ్చింది.  ఈ పుస్తకావిష్కరణ కార్యక్రమానికి  దేశవ్యాప్తంగా ఉన్న కాంగ్రెస్ ప్రముఖులు, వివిధ రాష్ట్రాల ముఖ్యమంత్రులు, ఇండియా కూటమి నేతలు పెద్ద సంఖ్యలో హాజరయ్యారు. అయితే ఈ కార్యక్రమంలో వేదికపై అతిథుల సీటింగ్  అరేంజ్ మెంట్ లో ప్రాధాన్యతల క్రమం రాజకీయ చర్చకు తెరలేపింది.   ఈ కార్యక్రమంలో తమిళనాడు ముఖ్యమంత్రి విజయ్ మొదటి వరుసలో అదీ కాంగ్రెస్ అగ్రనేత రాహుల్ గాంధీ పక్కన కూర్చుంటే.. తెలంగాణ ముఖ్యమంత్రి రేవంత్ రెడ్డి,  కర్ణాటక  ముఖ్యమంత్రి డి.కె. శివకుమార్, ఇతర కాంగ్రెస్ సీనియర్ నేతలు రెండో వరుసలో సరిపెట్టుకున్నారు.  ఇదే వేదికపై అఖిలేష్ యాదవ్ వంటి ఇతర విపక్ష నేతలు కూడా మొదటి వరుసలో ఆసీనులయ్యారు.  కాంగ్రెస్ పార్టీ  కార్యక్రమంలో సొంత పార్టీ ముఖ్యమంత్రులను రెండో వరుసలో కూర్చోబెట్టి, బయటి నుంచి వచ్చిన మిత్రపక్ష నేతలకు వారికి మించిన ప్రాధాన్యత ఇవ్వడం రాజకీయంగా సంచలనంగా మారింది.  అంతే కాకుండా సోనియాగాంధీ పుస్తకావిష్కరణ కార్యక్రమంలో తొలి వరుసలో తమిళనాడు సీఎం, టీవీకే అధినేత విజయ్ రాహుల్ పక్కన ఆసీనులైన ఫోటోలు సోషల్ మీడియాలో ఓ రేంజ్ లో వైరల్ అయ్యాయి. అదే సమయంలో రేవంత్, డీకే వంటి నేతలు రెండో వరుసలో కూర్చున్న ఫొటోలు సైతం అదే స్థాయిలో సోషల్ మీడియాలో వైరల్ గా మారాయి.  కాగా రేవంత్ రెడ్డికి కాంగ్రెస్ హై కమాండ్ వద్ద ప్రాధాన్యత తగ్గిందంటూ నెట్టింట పెద్ద ఎత్తున కామెంట్లు వెల్లువెత్తుతున్నాయి.  అయితే  పరిశీలకులు మాత్రం అతిథి మర్యాదలో భాగంగానే కాంగ్రెస్ ఈ విధమైన సీటింగ్ అరేంజ్ మెంట్ చేసి ఉంటుందని విశ్లేషిస్తున్నారు.  ఇది కూడా చదవండి: రేవంత్ రెడ్డిలో అసంతృప్తి నిజమేనా? సొంత కార్యక్రమంలో సొంత నేతల కంటే.. ఇతర పార్టీల నేతలను గౌరవించడం సముచితంగా ఉంటుందని, అందుకు అనుగుణంగానే కాంగ్రెస్ ఆ విధమైన ఏర్పాట్లు చేసిందని చెబుతున్నారు.   నాయకులకు సముచిత గౌరవం ఇచ్చి మొదటి వరుసలో సీట్లు కేటాయించిందని కాంగ్రెస్ శ్రేణులు కూడా చెబుతున్నాయి.  పార్టీలో అత్యంత కీలకమైన నాయకురాలు ప్రియాంకా గాంధీ సైతం రెండో వరుసలోనే ఆసీనులవ్వడాన్ని ఇందుకు నిదర్శనంగా చూపుతున్నారు.  అతిథులకు మర్యాదపూర్వకంగా మొదటి స్థానం కల్పించడం కాంగ్రెస్ సంప్రదాయమని, సోనియా పుస్తకావిష్కరణ కార్యక్రమంలో అదే చేసిందని అంటున్నారు.  మీకు నచ్చవచ్చు:  పార్టీ, ప్రభుత్వంపై పట్టుబిగించిన సీఎం రేవంత్.! రాహుల్ కు ఫిర్యాదు చేస్తా: తెలంగాణ సీఎం రేవంత్ పై కోమటిరెడ్డి రాజగోపాల్ రెడ్డి తిరుగుబావుటా.!​ [Sonia, biography Belonging, Revanth Reddy Vijay,Seat, TeluguOne] 
ALSO ON TELUGUONE N E W S
జూనియర్‌ ఎన్టీఆర్‌ సినిమాల టైటిల్స్‌లో తాతగారి సినిమాల పేర్లు కలిసొచ్చేలా చూసుకుంటున్నారా? గతంలో తాత ఎన్టీఆర్‌ నటించిన ఆల్‌టైమ్‌ క్లాసిక్‌ ‘లవకుశ’ టైటిల్‌ను గుర్తుచేసేలా ‘జై లవకుశ’తో బ్లాక్‌బస్టర్‌ అందుకున్న తారక్‌.. ఇప్పుడు మరోసారి అదే సెంటిమెంట్‌ను ఫాలో అవుతున్నారనే టాక్‌ వినిపిస్తోంది. ఎన్టీఆర్‌ హీరోగా నటించిన ‘జై లవకుశ’లో మూడు విభిన్న పాత్రల్లో కనిపించి ప్రేక్షకులను ఆకట్టుకున్నారు. ఆ సినిమా మంచి విజయాన్ని అందుకుంది. ఇప్పుడు మరోసారి తన తాత నటించిన క్లాసిక్‌ సినిమా టైటిల్‌లోని పదాలను కలుపుతూ కొత్త సినిమా చేయబోతున్నారనే ప్రచారం మొదలైంది. ఈసారి ‘దానవీరశూరకర్ణ’ నుంచి ‘దానవీరశూర’ అనే పేరును తీసుకున్నట్లు తెలుస్తోంది. ప్రస్తుతం ఎన్టీఆర్‌ ప్రశాంత్‌ నీల్‌ దర్శకత్వంలో ‘డ్రాగన్‌’ సినిమా చేస్తున్నారు. దీని తర్వాత అనిల్‌ రావిపూడి దర్శకత్వంలో ఓ మూవీ చేయనున్నట్లు ఇటీవలే ప్రకటించారు. ఈ కాంబినేషన్‌లో తెరకెక్కనున్న సినిమాకే ‘దానవీరశూర’ అనే టైటిల్‌ను పరిశీలిస్తున్నారనే వార్త ఇప్పుడు ఆసక్తి రేపుతోంది. నందమూరి తారక రామారావు నటించిన ‘దానవీరశూరకర్ణ’ తెలుగు సినీ చరిత్రలో ప్రత్యేక స్థానం సంపాదించుకున్న చిత్రం. అలాంటి క్లాసిక్‌ పేరులోని మూడు పదాలను తీసుకొని ‘దానవీరశూర’గా టైటిల్‌ పెడితే నందమూరి అభిమానులకు అదొక ప్రత్యేకమైన కనెక్షన్‌ అవుతుంది. ఇది కూడా చదవండి: ఎన్టీఆర్‌ను చూసి మిగతా స్టార్స్‌ మారతారా.? ఎన్టీఆర్‌, అనిల్‌ రావిపూడి కాంబినేషన్‌పై ఇప్పటికే భారీ అంచనాలు ఉన్నాయి. అనిల్‌ కామెడీ టైమింగ్‌కు తారక్‌ ఎనర్జీ తోడైతే ఎలాంటి ఎంటర్‌టైనర్‌ వస్తుందనే ఆసక్తి అభిమానుల్లో కనిపిస్తోంది. అలాంటి సినిమాకు ‘దానవీరశూర’ అనే టైటిల్‌ నిజంగానే ఖరారైతే నందమూరి అభిమానులకు మరో సర్‌ప్రైజ్‌ అవుతుంది. అయితే ఈ టైటిల్‌పై చిత్రబృందం నుంచి ఇప్పటివరకు అధికారిక ప్రకటన రాలేదు. మరి నిజంగానే ‘దానవీరశూర’ పేరుతోనే ఎన్టీఆర్‌–అనిల్‌ రావిపూడి సినిమా రాబోతోందా? అనేది తెలియాలంటే అధికారిక ప్రకటన వచ్చే వరకు వేచి చూడాల్సిందే. మీకు నచ్చవచ్చు: వారణాసి వాయిదా.. బాల్ రాజమౌళి కోర్టులో లేదా.? ఆకాశంలో ఒక తార vs డియర్ ఆస్ట్రోనాట్.. ఒకే రోజు ఒకే కథతో రెండు సినిమాలు.!       [Daana Veera Soora, Jr NTR, Anil Ravipudi, Dragon]
సంజయ్ దత్... మూడున్నర దశాబ్దాల క్రితమే పాన్ ఇండియా వ్యాప్తంగా అభిమానుల చేత కట్ అవుట్ ని ఏర్పాటు చేసుకున్నాడు. గుంటూరు, విజయవాడ లాంటి ఏరియాస్ లో కూడా.. హెయిర్ స్టైల్ ఫాలో అయిన వాళ్ల కరెక్ట్ నెంబర్ ఇప్పటికి ఎవరు కనిపెట్టలేకపోయారు. ప్రెజెంట్ సెకండ్ ఇన్నింగ్స్ లో పలు క్యారెక్టర్స్ తో తన సత్తా చాటుతు వస్తున్నాడు.       సంజయ్ దత్ రీసెంట్ గా ఒక ఇంటర్వ్యూలో తన గత జన్మకి  సంబంధించిన షాకింగ్ విషయాలని  పంచుకుని అందరినీ ఆశ్చర్యపరిచారు. అయన మాట్లాడుతు 'బొటనవేలు ముద్రలు, చేతితో రాసిన పత్రాల ద్వారా గతజన్మల వివరాలను చెప్పే ఒక గ్రామం ఉందని, అక్కడ ఒక పూజరిని కలవమని నా స్నేహితుడు చెప్పాడు. అతను చెప్పినట్టు నేను వెళ్లి కలిస్తే నా గత జన్మ గురించి చెప్పాడు. నేను గత జన్మలో అశోక రాజ్యంలో ఒక రాజు. నా భార్య, మంత్రి నన్ను మోసం చేసారు. నా భార్య మంత్రితో వివాహేతర సంబంధం పెట్టుకుంది. నేను చనిపోవాలని నా భార్య నన్ను యుద్దానికి పంపింది. కానీ నేను యుద్ధంలో గెలిచి వచ్చాక వాళ్ళిద్దరి గురించి తెలిసి వాళ్ళని చంపేసాను. చివరి దశలో శివ భక్తుడిగా అడవిలో ఆమరణ నిరాహార దీక్ష చేసి మరణించానని ఆ పూజారి తెలిపాడు. ఇది కూడా చదవండి:రామాయణ ప్రదర్శనని నిలిపేయాలి.. హిందూ జాగృతి సమితి డిమాండ్!   అలాగే.. ప్రస్తుతం నా లైఫ్ లో జరిగిన సంఘటనలకు గత జన్మని ముడి పెట్టి నేను మంచి కుటుంబంలో పుట్టి పేరు, ప్రఖ్యాతలు తెచ్చుకున్నా గత జన్మలో చేసిన ఆ రెండు హత్యల వల్లే కర్మ అనుభవిస్తున్నాను అని ఆ పూజారి చెప్పినట్టు తెలిపాడు. దీంతో సంజయ్ దత్ తన గత జన్మ గురించి చేసిన వ్యాఖ్యలు వైరల్ గా మారాయి. అయితే ఆ గ్రామం ఎక్కడ ఉంది, పూజారి ఎవరు అనే విషయాలు మాత్రం ఆయన చెప్పలేదు.   మీకు నచ్చవచ్చు:పవన్ పై కోట రుక్మిణి కీలక వ్యాఖ్యలు! మీకు నచ్చవచ్చు :నయనతార ఏమైనా మదర్ థెరిస్సానా!    [Sanjay Dutt, Sanjay Dutt karma, Bollywood, Tollywood]  
బెల్లంకొండ సాయి శ్రీనివాస్‌ నుంచి చాలాకాలంగా ఎదురుచూస్తున్న సినిమా ‘టైసన్‌ నాయుడు’. సాగర్‌ కె. చంద్ర దర్శకత్వంలో తెరకెక్కుతున్న ఈ సినిమా టీజర్‌ తాజాగా విడుదలైంది. ఇందులో సాయి శ్రీనివాస్‌ను పవర్‌ఫుల్‌ పోలీస్‌ ఆఫీసర్‌గా చూపించారు. అయితే ఈ టీజర్‌లో యాక్షన్‌ మాత్రమే కాదు.. కథలో ఆసక్తి రేపే ఓ కొత్త పాయింట్‌ కూడా ఉంది. టీజర్‌లో ప్రధానంగా చూపించిన విషయం SOT (స్పెషల్‌ ఆపరేషన్స్‌ టీమ్‌). పదే పదే నేరాలకు పాల్పడుతూ సమాజానికి ఇబ్బందులు సృష్టించే వ్యక్తులను కట్టడి చేయడానికి ఈ ప్రత్యేక పోలీస్‌ బృందాన్ని ఏర్పాటు చేసినట్లు చూపించారు. అయితే ఈ టీమ్‌ సాధారణ పోలీసుల్లా అరెస్టులు చేయదు.. అధికారిక రికార్డులు కూడా నిర్వహించదు. అక్కడికక్కడే శిక్ష విధించే విధంగా వారి వ్యవహారం ఉంటుంది. ఇదే కథలో ఆసక్తికరమైన పాయింట్‌. చట్టం పరిధిలో పనిచేయాల్సిన పోలీసులే ఇలా ప్రత్యేకంగా వ్యవహరిస్తే పరిస్థితులు ఎలా ఉంటాయి? అసలు అలాంటి వ్యవస్థకు అధికారం ఎవరిచ్చారు? అనే ప్రశ్నలు టీజర్‌ చూస్తే కలుగుతాయి. టీజర్‌లో మరో కీలకమైన అంశం రెడ్‌ ట్యాగింగ్‌. కొందరిని ఉగ్రవాదులు/ప్రభుత్వ వ్యతిరేకులుగా ముద్రవేసి లక్ష్యంగా చేసుకోవడాన్ని వ్యతిరేకిస్తూ ఓ వర్గం నిరసన తెలుపుతున్నట్లు కనిపిస్తుంది. శత్రు నేతృత్వంలో ఓ నిరసన బృందం కనిపిస్తుండగా.. మరోవైపు పోలీసులు వారిని అడ్డుకునే ప్రయత్నం చేస్తారు. ఈ గొడవ వెనుక అసలు కారణం ఏమిటి? నిరసనకారులను పోలీసులు ఎందుకు టార్గెట్‌ చేస్తున్నారు? అనేది ఆసక్తిని పెంచుతోంది. ఇది కూడా చదవండి: విలన్‌గా గోపీచంద్ రీఎంట్రీ.. క్లారిటీ ఇచ్చిన టీమ్.! ఇదంతా ఏదో సాధారణ పోలీస్‌ కథలా కాకుండా.. ఓ వ్యవస్థ, దాని అధికారాలు, దానికి వ్యతిరేకంగా నిలబడే వ్యక్తుల మధ్య సంఘర్షణగా ఉండబోతుందనే భావన కలుగుతోంది. అయితే టీజర్‌ కథ మొత్తాన్ని రివీల్‌ చేయకుండా సస్పెన్స్‌ మెయింటైన్‌ చేసింది. సాయి శ్రీనివాస్‌ ఈ సినిమాలో చాలా అగ్రెసివ్‌ పోలీస్‌ ఆఫీసర్‌గా కనిపిస్తున్నారు. ఇంటెన్స్‌ లుక్‌, యాక్షన్‌ సన్నివేశాలతో తన మాస్‌ ఇమేజ్‌కు తగ్గ పాత్రలో కనిపించారు. టీజర్‌లో ఆయన బాడీ లాంగ్వేజ్‌, యాక్షన్‌ ఎపిసోడ్స్‌ ప్రధాన ఆకర్షణగా నిలుస్తున్నాయి. నేహా శెట్టి హీరోయిన్ గా నటిస్తుండగా.. ప్రజ్ఞా జైస్వాల్‌ కూడా టీజర్‌లో మెరిశారు. నరేశ్‌, రావు రమేశ్‌, సునీల్‌ తదితరులు కీలక పాత్రల్లో నటిస్తున్నారు. ‘అప్పట్లో ఒకడుండేవాడు’, ‘భీమ్లా నాయక్‌’ సినిమాలతో దర్శకుడిగా తన ప్రతిభ చూపించిన సాగర్‌ కె. చంద్ర.. ఈసారి ఓ కొత్త కాన్సెప్ట్‌తో ప్రేక్షకుల ముందుకు వస్తున్నట్లు టీజర్‌ చెబుతోంది. ముకేష్‌ జ్ఞానేశ్‌ సినిమాటోగ్రఫీ, భీమ్స్‌ సిసిరోలియో బ్యాక్‌గ్రౌండ్‌ స్కోర్‌ యాక్షన్‌ వాతావరణానికి బలాన్నిచ్చాయి. మీకు నచ్చవచ్చు: వారణాసి వాయిదా.. బాల్ రాజమౌళి కోర్టులో లేదా.? రెండేళ్లుగా మంచానికే పరిమితమైన స్టార్.. కన్నీళ్లు తెప్పిస్తున్న రియల్ స్టోరీ.!       [Tyson Naidu Teaser, Bellamkonda Sreenivas, Saagar K Chandra, Neha Shetty, Pragya Jaiswal]  
Ram Pothineni marked International Men’s Day by unveiling the pre-look of his ambitious directorial debut, #RAPO23. Describing it as “The Story of a LONE WOLF,” the actor-filmmaker has offered an intriguing introduction to the protagonist and the world he is creating. The striking pre-look sets the tone for what promises to be an intense, character-driven action spectacle. The makers define a Lone Wolf as “a fiercely independent man who chooses his own path and faces the world alone.” The theme revolves around individuality, grit and self-reliance, suggesting a protagonist who refuses to follow conventional paths. The choice of International Men’s Day for the announcement further connects with the film's central philosophy. RAPO23 also marks a significant creative shift for Ram, who is taking complete charge of the project by writing, directing and playing the lead role. Moving beyond his established identity as an actor, he is looking to bring his own storytelling sensibilities and filmmaking vision to the screen. Cinematographer Thiru is handling the visuals for this neo-noir actioner, with the pre-look offering a glimpse of its raw and intense aesthetic. Samyuktha plays the female lead, while Krishna Pothineni is producing the film on a lavish scale. Also Read: ENE Repeat Movie Review  The shoot is progressing at a rapid pace in a planned manner, with the team working towards translating Ram's vision into a grand cinematic experience. The makers have announced that the first look and glimpse will be unveiled soon, raising curiosity about the film's characters and narrative. With Ram exploring an entirely new creative territory, RAPO23 carries the added intrigue of an actor directing himself in a story built around a fiercely independent protagonist. The release date is expected to be announced soon. Check Out:  Prince William enjoys K3G Conncetion at Dharma                        SRK holds a big schedule in Delhi F1 track   Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
మై బాక్స్ ఆఫీస్ కా కింగ్ అంటూ రాముడు తన నయా 'రామాయణ'తో దూసుకెళ్తున్న విషయం తెలిసిందే. ప్రెజెంట్ ఫిగర్ 1500 కోట్లు. అది కూడా జస్ట్ థర్టీన్ డేస్. దీంతో అభిమానులు, మూవీ లవర్స్, ప్రేక్షకులు, రామ భక్తులు గర్వంతో కాలర్ ఎగరేస్తున్నారు. కానీ ఇప్పుడు వాళ్లందరికీ చిన్న పాటి షాక్. రామాయణపై  హిందూ జాగృతి సమితి తీవ్ర అభ్యంతరాలు వ్యక్తం చేస్తుంది. మహర్షి వాల్మీకి రాసిన అసలు రామాయణ గ్రంథంలోని అనేక కీలక ఘట్టాలను సృజనాత్మక స్వేచ్ఛ పేరుతో వక్రీకరించారని ఆ సంస్థ ప్రతినిధులు ఆరోపిస్తున్నారు. ముఖ్యంగా రావణుడి రోల్ ని  చిత్రీకరించిన తీరుపై హిందూ సంస్థలు తీవ్ర ఆగ్రహం వ్యక్తం చేస్తున్నాయి. పేదలకు బంగారు ఇళ్లు ఇచ్చి సహాయం చేసే వ్యక్తిగా రావణుడిని చూపించడం, బానిసత్వం నుంచి ప్రజలను విడిపించే హీరోలా ఎలివేట్ చేయడం ద్వారా రావణుడిని వైభవీకరిస్తున్నారని విమర్శలు వినిపిస్తున్నాయి.    రావణుడి సైన్యం ముందు శ్రీరాముడు, లక్ష్మణుడు వెనక్కి తగ్గినట్లు చూపించడం, లక్ష్మణుడిని తక్కువ చేసి చూపడం, సీత రాక్షసులతో పోరాడే సన్నివేశాలు అసలు ఇతిహాసానికి విరుద్ధంగా ఉన్నాయని హిందూ జాగృతి సమితి ఆరోపించింది. ఈ సినిమా ఒక ప్రత్యేక భావజాలాన్ని ప్రోత్సహిస్తోందని ఆరోపిస్తూ, వెంటనే సినిమా ప్రదర్శనను నిలిపేయాలని, ప్రేక్షకులు ఈ చిత్రాన్ని బహిష్కరించాలని పిలుపునిచ్చింది.  ఇది కూడా చదవండి:పవన్ కళ్యాణ్ పై కోట రుక్మిణి కీలక వ్యాఖ్యలు: ఆయన్ని ఎందుకు లాగుతున్నారు! సెంట్రల్ బోర్డ్ ఆఫ్ ఫిల్మ్ సర్టిఫికేషన్ పై కూడా సంస్థ ప్రతినిధులు ప్రశ్నలు సంధించారు. ఇతర మతాల మనోభావాలను గౌరవించే సెన్సార్ బోర్డు, హిందువుల మనోభావాల విషయంలో నిర్లక్ష్యంగా వ్యవహరిస్తోందని వారు ఆరోపించారు. మరోవైపు దర్శకుడు నితీష్ తివారి గతంలో సీత పోరాట సన్నివేశంపై స్పందిస్తూ, వాల్మీకి రామాయణంతో పాటు ఇతర ప్రాంతీయ, ప్రత్యామ్నాయ సాహిత్య సంప్రదాయాల ఆధారంగానే ఈ కథను రూపొందించామని వివరణ ఇచ్చారు.     గతంలో రామాయణ నేపథ్యంలో వచ్చిన 'ఆదిపురుష్' విడుదలైనప్పుడు ఎదురైన వ్యతిరేకత 'రామాయణ' విషయంలో మొదట్లో కనిపించకపోయినా, ఇప్పుడు ఒక్కసారిగా వివాదం రాజుకోవడం సినీ వర్గాల్లో చర్చనీయాంశంగా మారింది.   మీకు నచ్చవచ్చు:కల్ట్ ఓటిటి డేట్ ఇదే!  మీకు నచ్చవచ్చు :ధోనితో బ్రేక్ అప్ చేసుకున్న ప్రముఖ నటి!     [Ramayana, Ravana Glorification, Hindu jaguthi samithi, Ranbir Kapoor, Yash]        
పవర్ స్టార్ పవన్ కళ్యాణ్ కి సంబంధించిన క్రేజీ న్యూస్ ఏదైనా వస్తే సోషల్ మీడియాకి రెస్ట్ ఉండదనే విషయం తెలిసిందే. ఇప్పుడు ఈ కోవలోనే పవన్ కళ్యాణ్ గురించి  జనసేన సభ్యురాలు కోట రుక్మిణి రాసిన లేఖ ఒకటి సోషల్ మీడియాని అత్యంత మోస్ట్ బిజీగా మార్చేసింది.  ఆంధ్రప్రదేశ్ రాజకీయాల్లో ఇటీవల చర్చనీయాంశంగా మారిన ఉద్యోగ నియామకాల మోసం ఆరోపణలపై జనసేన నేత రుక్మిణి కోటా (కోట రుక్మిణి) తీవ్రంగా స్పందించారు. తన ప్రతిష్టకు భంగం కలిగించేలా జరుగుతున్న దుష్ప్రచారాన్ని ఆమె గట్టిగా ఖండించారు. సుమారు  7 కోట్ల విలువైన జాబ్ స్కామ్ వ్యవహారంలో దాదాపు 36 మంది బాధితుల పేరుతో సోషల్ మీడియా, కొన్ని మీడియా వేదికల్లో తన పేరును, తన కుటుంబాన్ని లాగడంపై రుక్మిణి కోటా ఆవేదన వ్యక్తం చేశారు.   ఇన్నాళ్లూ తాను నమ్మిన విలువలు, వృత్తిపరమైన నియమ నిబంధనలను గౌరవిస్తూ మౌనంగా ఉన్నానని రుక్మిణి కోటా స్పష్టం చేశారు. అయితే ఆ మౌనాన్ని బలహీనతగా లేదా నిస్సహాయతగా భావించవద్దని హెచ్చరించారు.  తన వ్యక్తిత్వాన్ని కించపరచడం, కుటుంబాన్ని వివాదాల్లోకి లాగడం వంటి చర్యలు హద్దులు దాటిపోయాయని, వాస్తవాలను వక్రీకరించి తనను నిందితురాలిగా చిత్రీకరించడం తీవ్ర దిగ్భ్రాంతికి గురిచేసిందని ఆమె పేర్కొన్నారు. తన సంస్థలో పనిచేస్తున్న ఒక మాజీ ఉద్యోగి తన పేరు, కంపెనీ గుర్తింపు, అధికారిక పత్రాలను దుర్వినియోగం చేస్తూ ఆర్థిక ప్రయోజనాల కోసం ఉద్యోగ నియామక మోసానికి పాల్పడిన విషయం తన దృష్టికి వచ్చిందని రుక్మిణి కోటా వివరించారు. ఆ అక్రమ కార్యకలాపాలన్నీ అధికారిక పని వేళలకు వెలుపల, తన ప్రమేయం, అనుమతి లేదా సమ్మతి లేకుండానే జరిగాయని తేల్చిచెప్పారు.   అసలు నిజం ఏమిటంటే, ఈ జాబ్ ఫ్రాడ్ గురించి తెలిసిన వెంటనే స్పందించి పోలీసులకు ఫిర్యాదు చేసిందే తానేనని ఆమె వెల్లడించారు.   విషయం తెలిసిన తక్షణమే సదరు ఉద్యోగికి షో కాజ్ నోటీసు జారీ చేసి వివరణ కోరినట్లు రుక్మిణి కోటా తెలిపారు. అనంతరం అంతర్గత విచారణ జరిపి ఆ ఉద్యోగిని విధుల నుంచి తొలగించానని, చట్టపరమైన చర్యల కోసం పోలీసు అధికారులను ఆశ్రయించానని స్పష్టం చేశారు.  ఇది కూడా చదవండి:ఎలాంటి అనౌన్స్ మెంట్ లేదు: కానీ ఓటిటిలో స్ట్రీమింగ్ అవుతుంది భయ్యో!   ఫిర్యాదు చేసిన తననే కొందరు రాజకీయ నేతలు, మీడియా వేదికలు నిందితురాలిగా చూపడం దారుణమని ఆమె తప్పుబట్టారు.   అంతేకాకుండా, ఈ వివాదంలో డిప్యూటీ సీఎం, జనసేన అధినేత పవన్ కళ్యాణ్ పేరును లాగితే ఏమాత్రం ఉపేక్షించేది లేదని రుక్మిణి కోటా తేల్చిచెప్పారు.   ధర్మ మార్గంలో నడిచేటప్పుడు సవాళ్లు, ఒడిదొడుకులు ఎదురవుతాయని, క్లిష్ట పరిస్థితుల్లోనూ బలంగా ఎలా నిలబడాలో పవన్ కళ్యాణ్ పట్టుదల, సహనం తనకు నేర్పించాయని పేర్కొన్నారు. ఝాన్సీ లక్ష్మీబాయి, జనసేన వీర మహిళల స్ఫూర్తితో తన ఆత్మగౌరవాన్ని, కుటుంబాన్ని కాపాడుకునేందుకు అన్ని చట్టపరమైన మార్గాల్లో పోరాడతానని, తప్పుడు ప్రచారం చేసేవారిని చట్టం ముందు జవాబుదారీగా నిలబెడతానని రుక్మిణి కోటా స్పష్టం చేశారు.   మీకు నచ్చవచ్చు:ధురంధర్ దర్శకుడి కొత్త కథ! మీకు నచ్చవచ్చు:అభిమానులకి ధనుష్ పిలుపు: విజయ్ కీలక నిర్ణయం!   [Pawan Kalyan. Kota Rukmini, Tollywood, Og 2]
  మాస్ కా దాస్ విశ్వక్ సేన్ ఈ రోజు ENE 2 ఉరఫ్ ఈ నగరానికి ఏమైంది పార్ట్ 2 తో సందడి చేస్తున్నాడు. నిన్న నైట్ ప్రీమియర్స్ నుంచే  పాజిటివ్ టాక్ వినిపిస్తుండటం విశ్వక్ సేన్ కి కొంచం ఊరటనిచ్చే అంశం. ఎందుకంటే ప్లాప్స్ ని ప్రాణ స్నేహితులుగా మార్చుకొని తిరుగుతున్నాడు. అందులో ఒక మూవీ కల్ట్. ఇప్పుడు ఈ మూవీ ఓటీటీ ప్రేక్షకుల ముందుకు వచ్చేసింది. అక్టోబర్ 30 న థియేటర్లలో విడుదలైన ఈ చిత్రం, 20 రోజుల్లోపే అంటే కేవలం 20 రోజుల వ్యవధిలోనే డిజిటల్ ప్లాట్‌ఫామ్‌పైకి అడుగుపెట్టడం విశేషం. ప్రముఖ ఓటీటీ సంస్థ అమెజాన్ ప్రైమ్ వీడియోలో ప్రస్తుతం స్ట్రీమింగ్ అవుతోంది.  ఎలాంటి అనౌన్స్ మెంట్ లేకుండానే సైలెంట్ గా వదిలేసారు.   తెలుగుతో పాటు తమిళం, హిందీ భాషల్లో కూడా ఈ చిత్రం అందుబాటులోకి రావడం పాన్-ఇండియా సినీ అభిమానులకు, థ్రిల్లర్ ప్రేమికులకు పెద్ద సర్‌ప్రైజ్ అనే చెప్పాలి. థియేటర్లలో  మిస్ అయిన వారు లేదా మళ్లీ చూడాలనుకునే వారు ఇప్పుడు ఇంట్లోనే కూర్చుని ఈ సస్పెన్స్ థ్రిల్లర్‌ను ఎంజాయ్ చేయవచ్చు.    భారతీయ సినీ చరిత్రలోనే తొలి స్లాషర్ చిత్రంగా ప్రచారమైన ఈ సినిమా కథాంశం ఆద్యంతం ఉత్కంఠభరితంగా సాగుతుంది. గోవా హోంమంత్రి కుమారుడు ఎల్విన్ (తారక్ పొన్నప్ప) తన పుట్టినరోజు సందర్భంగా దేశవ్యాప్తంగా ఉన్న బడా ప్రముఖులను ఆహ్వానించి ఒక గ్రాండ్ పార్టీ నిర్వహిస్తాడు. ఆనందంగా, వేడుకలా మొదలైన ఆ పార్టీ అనూహ్యంగా ఒక ప్రాణాంతక ఆటగా, వరుస హత్యల పరంపరగా మారుతుంది. పార్టీ జరిగే వేదిక చుట్టూ పేలుడు పదార్థాలు అమర్చడంతో పోలీసులు కూడా లోపలికి వెళ్లి అతిథులను కాపాడలేని నిస్సహాయ స్థితి ఏర్పడుతుంది. ఇది కూడా చదవండి: దురంధర్ దర్శకుడి నెక్స్ట్ సినిమా ఇదే! సరిగ్గా అప్పుడే ఆ పార్టీలో ఉన్న డీఎస్పీ సంకల్ప్ నాయక్ పాత్రలో విశ్వక్ సేన్ రంగంలోకి దిగి అతిథులను ఎలా కాపాడాడు, ఈ మారణహోమం వెనుక ఉన్న అసలు సూత్రధారి ఎవరు అనేదే ప్రధాన కథ. విశ్వక్ సేన్ నటన, యాక్షన్ సన్నివేశాల్లో ఆయన చూపించిన స్వాగ్ ప్రేక్షకులను విశేషంగా ఆకట్టుకున్నాయి. ముఖ్యంగా క్లైమాక్స్‌కు ముందు వచ్చే సన్నివేశాలు, చివరి 30 నిమిషాల కథనం సినిమాకు ప్రధాన బలంగా నిలిచాయని విమర్శకులు, ప్రేక్షకులు అభిప్రాయపడ్డారు. 2 గంటల 43 నిమిషాల నిడివి గల ఈ సినిమాకు సెన్సార్ బోర్డు యూ/ఏ (UA) సర్టిఫికెట్ జారీ చేసింది. . గాయత్రి భరద్వాజ్, తారక్ పొన్నప్ప, మురళీ శర్మ, వివేక్ చేపురి, శ్రీకాంత్ అయ్యంగార్, కార్తికేయ వంటి నటీనటులు తమ పాత్రలకు న్యాయం చేశారు. సందీప్ కాకరాల నిర్మాణంలో రూపొందిన ఈ చిత్రానికి రవి బస్రూర్ అందించిన బ్యాక్‌గ్రౌండ్ స్కోర్, అరవింద్ విశ్వనాథన్ సినిమాటోగ్రఫీ, రవితేజ గిరిజాల ఎడిటింగ్ సినిమా మూడ్‌ను చక్కగా ఎలివేట్ చేశాయి. యాక్షన్, హారర్, థ్రిల్లర్ అంశాల మేళవింపుతో తెరకెక్కిన ల్ట్' సినిమా ఇప్పుడు అమెజాన్ ప్రైమ్ వీడియోలో అందుబాటులో ఉండటంతో, వయలెంట్ సర్వైవల్ థ్రిల్లర్లను ఇష్టపడే వారికి ఇది మంచి ఓటీటీ ఆప్షన్‌గా నిలుస్తోంది.    [Cult,  Vishwak Sen, Tollywood, Gayathri]  
నటీనటులు: విశ్వక్ సేన్, అభినవ్ గోమఠం, శ్రీనాథ్ మాగంటి, వెంకటేష్, శివాత్మిక రాజశేఖర్, అనీషా ఆంబ్రోస్, రామ్ సాంకేతిక నిపుణులు: రచన: శాంతన్ రాజ్, తరుణ్ భాస్కర్ సంగీతం: వివేక్ సాగర్ ఎడిటింగ్: రవితేజ గిరిజాల సినిమాటోగ్రఫీ: ఏజే ఆరోన్ దర్శకత్వం: తరుణ్ భాస్కర్ నిర్మాతలు: సృజన్ యరబోలు, సందీప్ నాగిరెడ్డి తరుణ్ భాస్కర్ (Tharun Bhascker) దర్శకత్వం లో వచ్చిన ఈ నగరానికి ఏమైంది (Ee Nagaraniki Emayyindi) బాక్సాఫీస్ వద్ద పెద్దగా ప్రభావం చూపకపోయినా, కల్ట్ ఫాలోయింగ్‌ను సంపాదించుకుంది. ఈ కల్ట్ స్టేటస్ కారణంగానే, మేకర్స్ 8 ఏళ్ల తర్వాత కొంతమంది కొత్త నటీనటులను జోడించి, దాదాపు అదే సాంకేతిక బృందంతో ఈఎన్ఈ రిపీట్ (ENE Repeat) పేరుతో సీక్వెల్ తీశారు. ఈరోజే (19th November) విడుదలైన ఈ సినిమా ఎలా ఉందో చూద్దాం. కథ: వివేక్ (Vishwak Sen) దర్శకత్వంలో కౌశిక్ (Abhinav Gomatham) కమెడియన్‌గా, కార్తీక్ (Srinath Maganti) కెమెరామెన్‌గా, ఉపేంద్ర అలియాస్ ఉప్పు (Venkatesh) ఎడిటర్‌గా ఒక సినిమా చేస్తారు. ఆ సినిమా కచ్చితంగా హిట్ అవుతుందని అందరూ అనుకుంటారు, కానీ మొదటి రివ్యూలోనే అది ఫ్లాప్ అని తేలిపోతుంది. వివేక్ ఆ బాధ్యతను తనపై వేసుకుని, అప్పులన్నీ తానే తీర్చాలని నిర్ణయించుకుంటాడు. ఈ క్రమంలో తనను తాను ఒంటరిగా బంధించుకోవడంతో, అతని ప్రేయసి షిర్లీ (Anisha Ambrose) అతన్ని వదిలి వెళ్లి, ఫారిన్ సబ్సిడీ ప్రొడక్షన్‌లో స్పెషలైజేషన్ ఉన్న లైన్ కో-ఆర్డినేటర్‌గా సెటిల్ అవుతుంది. వివేక్ ఎనిమిదేళ్ల పాటు చిన్న చిన్న పనులు చేసుకుంటూ గడుపుతాడు. మరోవైపు, ప్రతి సినిమాలో చెంపదెబ్బ తినడం ఒక సెంటిమెంట్‌గా మారడంతో కౌశిక్ ఆ పాత్రలతోనే సెటిల్ అవుతాడు. కార్తీక్ సినిమాటోగ్రాఫర్‌గా స్థిరపడతాడు. ఉప్పు కజిన్ సిస్టర్ కీర్తన (Shivatmika Rajasekhar) తండ్రి (Ram) చాలా కంట్రోలింగ్ మనస్తత్వం గల వ్యక్తి. ఆమెను డాక్టర్ చేయాలని ఆయన అనుకుంటారు, కానీ ఆమె సినిమాపై ఉన్న ఇష్టంతో చదువు మానేసి కార్తీక్ దగ్గర అసిస్టెంట్‌గా పనిచేస్తుంది. ఈ గ్యాంగ్ వల్ల ఆమె పెళ్లి సంబంధం గందరగోళంగా మారుతుంది. దాంతో ఆమె తండ్రి, డెస్టినేషన్ వెడ్డింగ్ కోసం తాను ఖర్చు చేసిన అదే బడ్జెట్‌లో ఒక సినిమా తీయాలని వీరికి సవాల్ విసురుతాడు. మరి వీరు ఆ సవాల్‌ను పూర్తి చేయగలిగారా? లేదా? అనేది సినిమా చూసి తెలుసుకోవాల్సిందే. విశ్లేషణ: సైకో వివేక్‌గా మళ్లీ తన జోన్‌లోకి వచ్చిన విశ్వక్ సేన్ నటనతో మెప్పించాడు. కానీ ప్యానిక్ అటాక్స్, గుండె దడ వంటి సన్నివేశాల్లో అతని నటనకు అకస్మాత్తుగా కట్స్ పడుతూ ఉంటాయి. అతని పాత్ర రాసుకున్న విధానం అస్తవ్యస్తంగా అనిపిస్తుంది. అతనికి ఇగో ఎక్కువని స్నేహితులు నమ్ముతారు కానీ, ఎప్పుడూ కూర్చుని మాట్లాడుకోరు. శ్రీనాథ్ మాగంటి బాగానే చేశాడు కానీ, కొన్నిసార్లు షాట్‌లో ఎనర్జీని తీసుకురావడానికి అవసరమైన దానికంటే ఎక్కువగా ప్రయత్నిస్తున్నట్లు అనిపిస్తుంది. గ్యాంగ్‌తో పాటు కథకు కీలకంగా ఉండాల్సిన శివాత్మిక రాజశేఖర్ పాత్రను త్వరగా పక్కన పెట్టేశారు, ఆమె సమస్యలను ఒకే ఒక్క బిట్‌లో పరిష్కరించేశారు. అభినవ్ గోమఠం తన వరుస వన్-లైనర్లతో, ఎలుగుబంటి ఎపిసోడ్‌తో థియేటర్లో నవ్వులు పూయించాడు. కానీ అతని పాత్ర మళ్లీ ఒకేలా సాగుతుంది. వెంకటేష్ బాగా చేశాడు. అనీషా పాత్ర వృథా అయింది. రామ్ తో పాటు ఇతర నటులు పెద్దగా ప్రభావం చూపలేదు, అయితే అందరిలోనూ తాళ్లూరి రాజేశ్వరికి మంచి సన్నివేశం దక్కింది. సినిమాలపై ఇన్-హౌస్ సెటైర్లు వేయడంలో తరుణ్ భాస్కర్ తన పట్టును చూపించాడు. కానీ ప్రధాన ఎమోషనల్ సన్నివేశాల్లో అతని రచన తేలిపోవడంతో అన్నీ రాండమ్‌గా అనిపిస్తాయి. సింగిల్ షాట్ సీన్ ఎగ్జిక్యూషన్‌లో ఎలాంటి ప్రయోజనం కనిపించదు. సరైన కో-ఆర్డినేషన్ లేకుండా డార్క్ అండ్ కేయాటిక్ హ్యూమర్ కోసం చేసిన బలవంతపు ప్రయత్నంలా అనిపిస్తుంది. ఎగ్జిక్యూషన్ పరంగా తరుణ్ ఫ్రెంచ్, జపనీస్ సినిమాల్లో తరచుగా వాడే కొన్ని కెమెరా టెక్నిక్స్, ఎడిటింగ్ ప్యాటర్న్స్ ప్రయత్నించాడు కానీ, ఆ టెక్నిక్స్‌కు అవసరమైన సరైన ప్రయోజనాన్ని మాత్రం ఇవ్వలేకపోయాడు. సుజీత్, సందీప్ రెడ్డి వంగా, నందిని రెడ్డి, అనిల్ రావిపూడిలను క్యామియోల కోసం తీసుకురావడంలో అతని తెలివితేటలు కనిపిస్తాయి, కానీ వాటిలో ఎక్కువ భాగాన్ని క్రెడిట్స్ తర్వాత పెట్టాడు. పంచతంత్రం సినిమా లాంటి గందరగోళం నుంచి పుట్టే కామెడీ లోనే సొల్యూషన్ తేవాలి అని ప్రయత్నించాడు కానీ రచన లో ఆ పదును కుదరలేదు.  ట్రాపిక్ థండర్, నైట్ ఎట్ ది మ్యూజియం తరహాలో, అసలు థీమ్స్‌ను ప్లేసిబోలుగా జోకుల్లో అంతర్లీనంగా ఉంచుతూ సెటైరికల్ అంశాలను కథనంలోకి ఎక్కువగా తీసుకురావడానికి సినిమా ప్రయత్నిస్తుంది. అయితే అవన్నీ సహజంగా కాకుండా రాండమ్‌గా అనిపించడమే ఇక్కడ సమస్య. ఈ నగరానికి ఏమైంది ఆ విషయంలో చాలా మెరుగ్గా చెప్పగలిగారు. టెక్నికల్‌గా కొన్ని భాగాలు బాగున్నా, చాలా ఛాయిస్‌లు వర్కౌట్ కాలేదు. వివేక్ సాగర్ సంగీతం, బ్యాక్‌గ్రౌండ్ స్కోర్ నిరాశపరిచాయి. నిర్మాణ విలువలు బాగున్నాయి.  మొత్తంగా చూస్తే, ఈ సినిమా మంచి నవ్వులను అందిస్తుంది కానీ, కథనంలో లోతు లేదు. ఇందులో మంచి కోర్ పాయింట్ ఉంది. అయితే, తమాషా సినిమాలో మాదిరిగానే ఇక్కడ కూడా చెప్పాలనుకున్న విషయాన్ని వైవిధ్యంగా, కొత్తగా చూపించాలనే ప్రయత్నం చివరకు గందరగోళంగా మారింది. దీంతో కథలోని అసలు ఉద్దేశం పక్కదారి పట్టింది. ప్లస్ పాయింట్స్: - ప్రధాన తారాగణం నటన - అభినవ్ పంచులు  - సినిమా కోర్ పాయింట్ - దర్శకుల క్యామియోస్  మైనస్ పాయింట్స్: - కథనం లో పట్టు లేకపోవడం - గందరగోళం నుంచి పట్టించాలి అనుకున్న కామెడీ ఇంకా గందరగోళం గా ఉండటం - క్లైమాక్స్ లో పట్టు లోపించడం  - ప్లేసిబో ఎఫెక్ట్‌ను మరీ సింపుల్‌గా తేల్చేయడం - రచనలో మరింత మెరుగుదల అవసరం   చివరిగా: తక్కువ అంచనాలతో వెళ్తే, జోకుల కోసం ENE రిపీట్ ఒక్కసారి చూడొచ్చు.   రేటింగ్: 2.5/5     Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.  
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు. టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు  కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత  కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.  జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి. చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.  వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు.  2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.  
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది. "ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు. సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు. గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.                                      *నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్  రెండో ప్ర‌పంచ యుద్ధ స‌మ‌యంలో దూర‌మ‌యింది.  80 ఏళ్లు దాని కోసం ఎదురు చూడ‌గ‌లి గింది. అదంటే మ‌రి ఆమెకు ప్రాణ స‌మానం. చాలా కాలం దొరుకుతుంద‌ని, త‌ర్వాత  ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది.   ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విష‌యానికి వ‌స్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్‌. రెండో ప్ర‌పంచ యుద్ధ స‌మ‌యంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయ‌న ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం త‌న న‌గ‌రంలోని ఒక బ్యాంక్‌లో భ‌ద్ర‌ ప‌ర‌చ‌మ‌ని ఇచ్చార‌ట‌. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన త‌ర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట త‌ర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి త‌న ద‌గ్గ‌ర పెట్టుకున్నాడు.    ఆ త‌ర్వాత 2021లో అది చార్లెటీని చేరింది.  మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి త‌న వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే క‌దా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు!  అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆస‌క్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వ‌చ్చిన సొమ్మును పిల్ల‌ల‌కు పంచుదామ‌నుకుంటోందిట‌!  చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్ల‌లు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం త‌ర్వాత ఇల్లు చేరిన క‌ళాఖండం మా కుటుంబానిది అన్న‌ది చార్లెటీ!
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు. చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి  సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్  విషయంగా చర్చలు జరుపుతున్నట్లు సమాచారం. అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు.  మహారాష్ట్ర సంకీర్ణ ప్రభుత్వ మనుగడ గురించ్బి  పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా  రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో  కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి  అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా  విపక్ష శిబిరం నుంచి వినవస్తోంది. ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది. గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర  ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో  ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి  చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.   అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి  15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్  పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి  పథకాలను ఈ బడ్జెట్ ద్వారా అమలు చేస్తామని చెప్పారు. అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో,  ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది. మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో  ప్రకటన చేస్తారా లేదా అనే ఆసక్తి నెలకొంది. అలాగే, సామాన్య  ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున  సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే  గ్యాస్ బండపై వంద రూపాయల సబ్సిడీ ఇస్తామని చేసిన  వాగ్దానాన్ని  గుర్తు చేస్తున్నారు. ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక  శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్‌ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.  అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు  ఒకే సారి ఆయన మీద  విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి  తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన   కూడా ఎమ్మెల్సీ ఎన్నికల ప్రచారంలో భాగమైంది.   రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు.  గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి  తమకే ప్రయోజనం జరుగుతుందని అధికార పార్టీ ఆశపడుతోంది .  దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్‌ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్‌, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్‌.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్‌, ఎంపీ అరవింద్‌ తదితరులు ప్రచారాన్ని వేడెక్కించారు.  ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్‌ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు.  వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్‌, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు  ఎవరికి  పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .  
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది. ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత  కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ..  2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ  మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్  కావడమే ప్రధాన కారణం.  ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో  చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా  తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.  నిజానికి ఇలా నేనూ హిందువునే  అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే  కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ  లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు. ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది. కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది. అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.        
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.  జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి  బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.  నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన  ఆమె అందుకు విరుద్ధంగా  రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి  పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.    శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.   నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో  తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.  సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు.  ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే  ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని  పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.  గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు.  కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా  మళ్ళీ  చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.   జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా  ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.  ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా  ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ  శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే  ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు. ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో  వేదిక పంచుకున్నారు.అంతకు ముందే వామ పక్ష కూటమితో  పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో  పీసీసీ చీఫ్ వేదిక  పంచుకోవడం పై అసమ్మతి నేతలు మండి పడుతున్నారు. ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.   శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శ‌ర్మ జీ” అంటూ ఆయ‌న వ‌రుస ట్వీట్లు చేశారు. వ్య‌క్తిగ‌త ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయ‌న ఓ ట్వీట్లో అన్నారు. ఆనంద్ శ‌ర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయ‌న ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్‌లో సీపీఐ(ఎం) కూట‌మికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ‌, విభ‌జ‌న రాజ‌కీయాలు చేస్తున్న బీజేపీకి చెక్ పెట్ట‌డానికే ఈ కూట‌మి అని మ‌రో ట్వీట్‌లో అధిర్ రంజ‌న్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు. అసమ్మతిలో అసమ్మతి. ఇదలా ఉంటే, కాంగ్రెస్ పార్టీ  సమూల పక్షాళన కోరుతూ సోనియా గాంధీకి,గత సంవత్సరం  జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన  నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు  ఒక పరిమిత లక్ష్యంతో  సోనియా గాంధీకి లేఖ రాయడం జరిగిందని, ఆ పేరున జరుగతున్న  కార్యక్రమాలు లేఖ సంకల్పానికి  విరుద్ధమని అన్నారు. జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం  ఇక ముందు ఏమవుతుందో .. ఇంకెన్ని  మలుపులు తిరుగుతోందో ..చూడవలసిందే కానీ ఉహించలేము.
మన సంస్కృతిలో కొన్ని ప్రాంతాల ప్రజల ఆహారపు అలవాట్లు ఎంతో ప్రత్యేకంగా ఉంటాయి. ముఖ్యంగా బెంగాలీలు చేపలను ఎంత ఇష్టంగా తింటారో మనందరికీ తెలిసిందే. రోజులో ఒక్కసారైనా చేప రుచి చూడాలని వారు ఎంతో ఆశ పడతారు, చేపలు లేకుండా తమ రోజువారీ భోజనం అసంపూర్ణమని భావిస్తారు. కేవలం రుచి కోసం మాత్రమే కాకుండా, చేపలలో సమృద్ధిగా లభించే ఒమేగా-3 ఫ్యాటీ యాసిడ్లు, ప్రోటీన్లు మరియు విటమిన్ల వల్లే వారు వీటిని అంతగా ఇష్టపడతారు. కేవలం 5 దశల్లో అర్థమయ్యే ఈ ఆరోగ్య ప్రయోజనాలు చూస్తే, ప్రతిరోజూ లేదా కనీసం వారానికి ఒకసారైనా చేపలను ఆహారంలో చేర్చుకోవాలని ఎవరికైనా అనిపిస్తుంది. చేపలను రోజూ లేదా క్రమం తప్పకుండా ఆహారంలో చేర్చుకోవడం వల్ల శరీరంలో రోగనిరోధక శక్తి బలపడుతుంది. మారుతున్న వాతావరణంలో వచ్చే సాధారణ అనారోగ్యాలను ఎదుర్కొనేందుకు ఈ ఇమ్యూనిటీ పవర్ ఎంతో ఉపయోగపడుతుంది. ఇక చేపలలో ఉండే ఒమేగా-3 కొవ్వు ఆమ్లాలు మన శరీరంలోని రక్తపోటును నియంత్రించడంలో కీలక పాత్ర పోషిస్తాయి. దీనివల్ల గుండెపోటు వచ్చే ప్రమాదం గణనీయంగా తగ్గుతుంది. అందుకే గుండె ఆరోగ్యాన్ని కాపాడుకోవాలనుకునే వారికి చేపలు ఒక అద్భుతమైన సహజసిద్ధమైన ఆహారంగా నిలుస్తాయి. గుండెతో పాటు మెదడు పనితీరును మెరుగుపరచడంలో కూడా చేపలు అమోఘంగా పనిచేస్తాయి. చేపలను క్రమం తప్పకుండా తినడం వల్ల జ్ఞాపకశక్తి చురుగ్గా మారుతుంది మరియు వయసు పెరిగే కొద్దీ వచ్చే మతిమరుపు వంటి సమస్యలు దరిచేరవు. అంతేకాకుండా, వయసు సంబంధిత ఇతర ఆరోగ్య సమస్యలను కూడా ఇవి తగ్గిస్తాయి. చేపలలో ఉండే ప్రోటీన్లు చాలా సులభంగా జీర్ణమవుతాయి. ఇవి కండరాల నిర్మాణానికి తోడ్పడటంతో పాటు, శరీరానికి అవసరమైన బలాన్ని అందించి మనల్ని రోజంతా ఉల్లాసంగా, ఆరోగ్యంగా ఉంచుతాయి. మన కంటి చూపును కాపాడుకోవడానికి కూడా చేపలలోని పోషకాలు మరియు విటమిన్లు ఎంతగానో సహాయపడతాయి. వయసు పెరిగే కొద్దీ కంటి చూపు మందగించకుండా ఉండాలంటే పోషకాహారం అవసరం, దానికి చేపలు మంచి ఎంపిక. కేవలం అంతర్గత ఆరోగ్యమే కాకుండా, బాహ్య సౌందర్యాన్ని పెంచడంలోనూ చేపలు ముందుంటాయి. చేపలలో లభించే ఆరోగ్యకరమైన కొవ్వులు చర్మాన్ని కాంతివంతంగా మార్చుతాయి. అలాగే జుట్టు రాలడాన్ని పూర్తిగా తగ్గించి, కురులు ఆరోగ్యంగా మరియు దృఢంగా ఉండేలా చేస్తాయి. ఇది కూడా చదవండి:కేలరీల ఖజానా, నల్ల శెనగలు.. చలికాలంలో ఇవి తింటే మీ శరీరానికి అసలైన శక్తి! ఎముకల ఆరోగ్యానికి విటమిన్ డి ఎంతో అవసరం. చేపలలో ఉండే విటమిన్ డి ఎముకలను బలంగా ఉంచడమే కాకుండా, శరీరంలోని రోగనిరోధక వ్యవస్థను మరింత సమర్థవంతంగా పనిచేసేలా చేస్తుంది. కొందరు చేపలను రోజూ తింటే, మరికొందరు వారానికి ఒక్కసారైనా తింటూ ఆరోగ్య ప్రయోజనాలు పొందుతారు. ఏదేమైనా, సరైన మోతాదులో చేపలను మన ఆహారంలో భాగం చేసుకుంటే శరీరానికి అందే పోషకాలు అపారం. సరళమైన ఆహారపు అలవాటుతో ఇన్ని రకాల ఆరోగ్య ప్రయోజనాలు లభిస్తాయంటే ఆశ్చర్యం కలగక మానదు. గుండె రక్షణ, మెదడు చురుకుదనం, కండరాల బలం, కంటి చూపు, చర్మ సౌందర్యం, జుట్టు రక్షణ మరియు బలమైన ఎముకలు—ఇలా అన్నింటికీ చేపలు ఒక సమగ్ర పరిష్కారంగా నిలుస్తాయి. మీ రోజువారీ లేదా వారపు డైట్‌లో చేపలను చేర్చుకోవడం ద్వారా మీరు కూడా ఆరోగ్యకరమైన జీవనశైలి వైపు ఒక అడుగు వేయవచ్చు. మీకు నచ్చవచ్చు:కిడ్నీలు సేఫ్‌గా ఉండాలంటే, రోజూ ఈ డ్రింక్ తాగండి!                                రోగనిరోధక శక్తిని పెంచే, క్యాప్సికమ్ గురించిన, ఆసక్తికర విషయాలు!       Eating Fish Daily Benefits, Omega 3 Health, Coastal Diet Longevity, Heart And Brain Foods, Healthy Seafood Nutrition, Doctor Health Advice, Health Tips In Telugu.  
చలికాలం రాగానే చాలామందిని వేధించే పెద్ద సమస్య జుట్టు రాలడం మరియు జుట్టు పెరుగుదల మందగించడం. మారుతున్న వాతావరణం, పొడి గాలి, ఆహారపు అలవాట్ల వల్ల దువ్వెన పట్టినప్పుడల్లా వెంట్రుకలు ఊడిపోతూ ఆందోళన కలిగిస్తాయి. అయితే నిపుణుల ప్రకారం చలికాలంలో హెయిర్ గ్రోత్ పూర్తిగా ఆగిపోదు, కానీ వేగం మాత్రం తగ్గుతుంది. చల్లని గాలి కారణంగా తల చర్మంలోని రక్తనాళాలు కుచించుకుపోతాయి. దీనివల్ల జుట్టు కుదుళ్లకు అందాల్సిన ఆక్సిజన్, పోషకాలు తగ్గిపోయి వెంట్రుకలు బలహీనపడతాయి. దీనికి తోడు శరీరంలో విటమిన్ డి లోపం కూడా జుట్టు పెరుగుదల తగ్గడానికి ఒక ప్రధాన కారణంగా నిలుస్తుంది. చలికాలంలో మనం వేసుకునే ఉన్ని టోపీలు, స్కార్ఫ్‌ల రాపిడి వల్ల కూడా వెంట్రుకలు చిక్కులు పడి మధ్యలోనే తెగిపోయే ప్రమాదం ఉంటుంది. అంతేకాకుండా హెయిర్ కలరింగ్, బ్లీచింగ్, స్ట్రెయిట్‌నర్లు వంటి స్టైలింగ్ సాధనాలను తరచూ వాడటం వల్ల కురులు తేమ కోల్పోయి నిర్జీవంగా మారుతాయి. చలిని తట్టుకోవడానికి మరీ వేడినీళ్లతో తలస్నానం చేస్తే జుట్టులోని సహజ నూనెలు పూర్తిగా పోతాయి. అందుకే ఎప్పుడూ గోరువెచ్చని నీటిని మాత్రమే వాడాలి. వారానికి 2 లేదా 3 సార్లు తలస్నానం చేస్తే సరిపోతుంది. జుట్టు కుదుళ్లకు తిరిగి బలం చేకూర్చాలంటే రోజుకు 10 నిమిషాల పాటు సున్నితమైన ఆయిల్ మసాజ్ ఎంతో మేలు చేస్తుంది. గోరువెచ్చని కొబ్బరి నూనె, ఆముదం లేదా ఆర్గాన్ ఆయిల్‌తో మసాజ్ చేయడం వల్ల తల చర్మంలో రక్తప్రసరణ మెరుగుపడి హెయిర్ గ్రోత్‌కు తోడ్పడుతుంది.  షాంపూ విషయంలో సల్ఫేట్, పారాబెన్ లేని మాయిశ్చరైజింగ్ షాంపూలను ఎంచుకోవాలి. గ్లిజరిన్, హయలురోనిక్ యాసిడ్, షియా బటర్ ఉన్న కండీషనర్లు వాడటం వల్ల జుట్టు మృదువుగా ఉంటుంది. అలాగే వారానికి ఒకసారి డీప్ కండీషనింగ్ హెయిర్ మాస్క్ వేసుకుని 30 నిమిషాల తర్వాత కడిగేస్తే కురులకు లోతైన తేమ అందుతుంది. ఇది కూడా చదవండి:స్టెంట్‌లు, బైపాస్ సర్జరీల వల్ల ఆయుష్షు పెరుగుతుందా? తాజా అధ్యయనం ఏం చెబుతోంది? తలస్నానం తర్వాత జుట్టు కొద్దిగా తడిగా ఉన్నప్పుడే వెంట్రుకల చివర్లకు హెయిర్ సీరమ్ రాయాలి. ఇది బయటి పొడిగాలి నుంచి కురులకు రక్షణ కవచంలా పనిచేస్తుంది. ప్రతి 6 నుంచి 8 వారాలకు ఒకసారి జుట్టు చివర్లను కొద్దిగా కత్తిరించుకోవడం వల్ల చిట్లిపోయే సమస్య తగ్గి ఆరోగ్యకరమైన పెరుగుదల కనిపిస్తుంది. బయటి సంరక్షణతో పాటు లోపలి పోషణ కూడా అంతే ముఖ్యం. ఆహారంలో బయోటిన్, ఐరన్, జింక్, ఒమేగా 3 ఫ్యాటీ యాసిడ్స్ పుష్కలంగా ఉండేలా చూసుకోవాలి. గుడ్లు, బాదం, వాల్‌నట్స్, అవిసె గింజలు, ఆకుకూరలు, చేపలు, అవకాడో వంటి పోషకాలను రోజువారీ ఆహారంలో చేర్చుకోవాలి. చలికాలంలో దాహం తక్కువగా ఉన్నా రోజుకు కనీసం 7 నుంచి 8 గ్లాసుల నీరు తాగడం మర్చిపోకూడదు. ఈ చిన్న మార్పులతోనే చలికాలపు జుట్టు సమస్యలను సులభంగా అధిగమించవచ్చు. ఒకవేళ విపరీతంగా జుట్టు ఊడిపోతున్నా, తలపై ప్యాచెస్ లాగా బట్టతల కనిపిస్తున్నా లేదా చుండ్రు సమస్య తీవ్రంగా ఉన్నా సొంత చిట్కాలు ఆపి వెంటనే డెర్మటాలజిస్ట్‌ను సంప్రదించడం ఉత్తమం. మీకు నచ్చవచ్చు:నేచర్ ప్రిస్క్రిప్షన్: డాక్టర్లు సైతం సిఫారసు చేస్తున్న ,అద్భుతమైన ప్రకృతి రహస్యం!                                 సరికొత్త క్యాన్సర్ చికిత్సలు: వైద్య రంగంలో నూతన మైలురాళ్ళు ఇవే!       Winter Hair Growth, Winter Hair Care Tips, Stop Winter Hair Fall, Scalp Hydration Tips, Healthy Hair Routine, Dermatologist Hair Advice, Health Tips In Telugu.
అమ్మమ్మ చేతి వంట తలచుకోగానే మనసులో ఒక తీయని జ్ఞాపకం మెదులుతుంది. ముఖ్యంగా ఆంధ్ర సంప్రదాయ స్వీట్లలో నెయ్యి సున్నుండలు ప్రత్యేక స్థానంలో నిలుస్తాయి. బయట కొనే మిఠాయిలతో పోలిస్తే ఇంట్లోనే స్వచ్ఛమైన పదార్థాలతో తయారుచేసే సున్నుండల రుచే వేరు. పొట్టు లేని మినపప్పు, బెల్లం లేదా పంచదార పొడి, యాలకుల పొడి, మంచి నెయ్యి కలిపి చేసే ఈ ఆంధ్ర స్వీట్ నోట్లో పెట్టుకోగానే ఇట్టే కరిగిపోతుంది. నాణ్యమైన నెయ్యి వాడితే ఈ సున్నుండలు ఎక్కువ రోజులు తాజాగా నిల్వ ఉంటాయి. ఈ కమ్మని సున్నుండల తయారీ విధానం కోసం ముందుగా కొలతలను సరిగ్గా సిద్ధం చేసుకోవాలి. పొట్టు లేని మినపప్పు లేదా మినపగుళ్లు 2 కప్పులు తీసుకోవాలి. కావాలనుకుంటే వీటిలో కొద్దిగా బియ్యం కూడా కలుపుకోవచ్చు. తీపి కోసం బెల్లం లేదా పంచదార పొడి 1 కప్పు, సువాసన కోసం అర టేబుల్ స్పూన్ యాలకుల పొడి, అలాగే కరిగించి కొద్దిగా గోరువెచ్చగా చేసుకున్న నెయ్యి సుమారు అర కప్పు వరకు సిద్ధంగా ఉంచుకోవాలి. ఇప్పుడు వేయించే ప్రక్రియతో అసలైన రుచి మొదలవుతుంది. ముందుగా తీసుకున్న 2 కప్పుల మినపప్పును మీడియం మంటపై వేయించాలి. గరిటెతో రెండు, మూడు సార్లు కలుపుతూ మంచి సువాసన వచ్చే వరకు, రంగు మారే వరకు నిదానంగా వేయించాలి. పప్పు మాడిపోకుండా జాగ్రత్త పడుతూ వేయించిన తర్వాత, వాటిని కాసేపు ఫ్యాన్ కింద పూర్తిగా చల్లారనివ్వాలి. చల్లారిన పప్పుతోనే పిండి మెత్తగా, కమ్మగా వస్తుంది. ఆ తర్వాత మిక్సీలో మెత్తని పిండి సిద్ధం చేసుకోవాలి. చల్లారిన మినపప్పును మిక్సీ జార్‌లో వేసి, దానిలో 5 యాలకులు కూడా జత చేయాలి. వీటిని మెత్తని పిండిలా గ్రైండ్ చేసుకోవాలి. ఒకవేళ మీరు పంచదార వాడుతుంటే, ఆ పంచదారను కూడా ఇందులో వేసి మరోసారి మెత్తగా మిక్సీ పట్టుకోవాలి. ఇలా పిండి సమానంగా మెత్తగా ఉండటం వల్ల సున్నుండలు విరిగిపోకుండా చక్కగా వస్తాయి. ఇది కూడా చదవండి:శీతాకాలంలో, పచ్చి బఠానీలు తింటే బరువు తగ్గవచ్చా? నిపుణులు ఏం చెబుతున్నారు? ఇక సున్నుండలు చుట్టే ఘట్టం ఎంతో ఆసక్తికరంగా ఉంటుంది. మిక్సీ పట్టుకున్న పిండిని ఒక పెద్ద గిన్నెలోకి తీసుకోవాలి. దానిలో ముందుగా కరిగించి గోరువెచ్చగా ఉంచుకున్న అర కప్పు నెయ్యిని కొద్దికొద్దిగా పోస్తూ పిండిని బాగా కలుపుకోవాలి. పిండి మొత్తం నెయ్యి పట్టేలా చేతితో చక్కగా కలపాలి. చేతికి కొద్దిగా నెయ్యి రాసుకుని, పిండి వేడి మీద ఉన్నప్పుడే నిమ్మకాయ సైజంతా ఉండలుగా చుట్టుకోవాలి. పిండి చల్లారితే ఉండలు సరిగ్గా కట్టడం కష్టమవుతుంది కాబట్టి గోరువెచ్చని వేడి ఉన్నప్పుడే వేగంగా చుట్టడం ముఖ్యం. ఇలా తయారుచేసుకున్న నెయ్యి సున్నుండలు పిల్లల నుంచి పెద్దల వరకు అందరికీ ఎంతో ఇష్టంగా ఉంటాయి. రోజుకో సున్నుండ తిన్నా ఆ కమ్మదనం, సంప్రదాయ రుచి మనసును నింపుతుంది. మీరు కూడా ఇంట్లోనే ఈ సులభమైన పద్ధతిలో చేసి చూసి, అమ్మమ్మ నాటి తీపి రుచిని ఆస్వాదించండి. మీకు నచ్చవచ్చు:ఇంజెక్షన్లతో పనిలేదు, ఇకపై మాత్రలతోనే బరువు తగ్గింపు: పూర్తి వివరాలు ఇవే!                                 ఉదయం పూట, వ్యాయామాలు చేసేవారికి, బ్లడ్ షుగర్ ఎందుకు పెరుగుతుంది?       Ghee Sunnundalu Recipe, Minapa Sunnundalu, Urad Dal Ladoo, Andhra Traditional Sweets, Healthy Indian Desserts, Homemade Festival Recipes, Cooking Recipes In Telugu.  
మన శరీరంలో కిడ్నీలు అత్యంత కీలకమైన పాత్ర పోషిస్తాయి. ఇవి రక్తాన్ని నిరంతరం శుద్ధి చేస్తూ, శరీరంలోని వ్యర్థాలను, అదనపు నీటిని మూత్రం ద్వారా బయటకు పంపిస్తాయి. అయితే, జీవనశైలిలో మార్పులు , వివిధ ఆరోగ్య సమస్యల కారణంగా కిడ్నీలు బలహీనపడే ప్రమాదం ఉంది. కిడ్నీలు దెబ్బతినడం మొదలైనప్పుడు మన శరీరం కొన్ని హెచ్చరిక సంకేతాలను ఇస్తుంది. ముఖ్యంగా, మూత్ర విసర్జనలో వచ్చే మార్పులు కిడ్నీ సమస్యలకు తొలి సంకేతాలుగా భావించవచ్చు. వీటిని ముందుగానే గుర్తించడం ద్వారా పెద్ద ముప్పు నుంచి బయటపడవచ్చు. మూత్రంలో నురుగు.. సాధారణంగా కిడ్నీల పనితీరు మందగించినప్పుడు మూత్రం రంగు, పరిమాణం , దాని స్వభావంలో స్పష్టమైన మార్పులు కనిపిస్తాయి. కొందరిలో మూత్రం చేసే సమయంలో విపరీతంగా , ఎక్కువసేపు నిలిచి ఉండే తెల్లటి నురగ వస్తుంటుంది. ఇలా తరచూ జరగడం మూత్రంలో ప్రొటీన్ బయటకు పోతున్నదనేదానికి ముఖ్య సంకేతం. ఆరోగ్యవంతమైన కిడ్నీలు శరీరానికి అవసరమైన ప్రొటీన్‌ను ఉంచుకుని వ్యర్థాలను మాత్రమే బయటకు పంపిస్తాయి. కానీ కిడ్నీ ఫిల్టర్లు దెబ్బతిన్నప్పుడు ప్రొటీన్ మూత్రం ద్వారా కారిపోతుంది. మూత్రం రంగు.. మూత్రం రంగులో వచ్చే మార్పులను కూడా తేలికగా తీసుకోకూడదు. సాధారణంగా మూత్రం లేత పసుపు రంగులో ఉంటుంది. కానీ ఎటువంటి కారణం లేకుండా మూత్రం ముదురు పసుపు రంగులో, గోధుమ రంగులో లేదా తేయాకు రంగులో పడుతుంటే అప్రమత్తం కావాలి. కొన్ని సందర్భాల్లో మూత్రం గులాబీ రంగులో లేదా ఎరుపు రంగులో రావడం కూడా జరుగుతుంది. దీనిని వైద్య పరిభాషలో హెమటూరియా అంటారు. కిడ్నీలో రాళ్లు ఏర్పడటం, ఇన్ఫెక్షన్లు తలెత్తడం లేదా వాపు కారణంగా ఇలా జరగవచ్చు. నొప్పులు లేకపోయినా మూత్రంలో రంగు మారడం లేదా రక్తం పడటం జరిగితే వెంటనే వైద్య పరీక్షలు చేయించుకోవడం చాలా అవసరం. మూత్రవిసర్జన వేళలు.. మూత్ర విసర్జన చేసే వేళల్లో వచ్చే తేడాలు కూడా కిడ్నీ సమస్యలను సూచిస్తాయి. పగటిపూట లేదా రాత్రి సమయంలో సాధారణం కంటే చాలా ఎక్కువసార్లు మూత్ర విసర్జనకు వెళ్లాల్సి రావడం కిడ్నీల సామర్థ్యం తగ్గడానికి ఒక కారణం కావచ్చు. కిడ్నీలు మూత్రాన్ని సరిగ్గా ఫిల్టర్ చేయలేకపోవడం  వల్ల ఈ సమస్య ఎదురవుతుంది. దీనికి తోడు డయాబెటిస్ లేదా ప్రోస్టేట్ సమస్యలు కూడా కారణం కావొచ్చు. మరోవైపు, అకస్మాత్తుగా మూత్రం వచ్చే పరిమాణం చాలా తగ్గిపోవడం లేదా పూర్తిగా ఆగిపోవడం జరిగితే అది చాలా ప్రమాదకరమైన పరిస్థితికి సంకేతం. ఇది కూడా చదవండి   కిడ్నీ, లివర్ సమస్యలకు ముందే శరీరం ఇచ్చే సంకేతాలు ఇవే! వాసన.. మూత్రం నుండి తీవ్రమైన లేదా సాధారణం కాని ఘాటైన వాసన రావడం కూడా కొన్నిసార్లు శరీరంలో నీటిశాతం తగ్గడం వల్ల లేదా యూరినరీ ట్రాక్ట్ ఇన్ఫెక్షన్ వల్ల కావచ్చు. ఈ లక్షణాలతో పాటు పొత్తి కడుపులో  నొప్పి, జ్వరం లేదా మంట వంటి సమస్యలు ఉంటే వెంటనే డాక్టర్‌ను సంప్రదించాలి. మరికొన్ని సిగ్నల్స్.. మూత్రంలో కనిపించే ఈ మార్పులతో పాటు శరీరం ఇతర సంకేతాలను కూడా ఇస్తుంది. ముఖం మరియు పాదాలు ఉబ్బడం, ఒంట్లో తీవ్రమైన నీరసం నిరంతరం వేధించడం, ఆకలి మందగించడం, వికారంగా అనిపించడం, చర్మంపై విపరీతమైన దురద పుట్టడం , కండరాలు పట్టేయడం వంటి లక్షణాలు కనిపిస్తే కిడ్నీలు సరిగా పనిచేయడం లేదని అర్థం చేసుకోవాలి. శరీరంలో వ్యర్థాలు పేరుకుపోవడం వల్లే ఇవన్నీ జరుగుతాయి. అధిక రక్తపోటు, మధుమేహం దీర్ఘకాలికంగా నియంత్రణలో లేకపోవడం, కిడ్నీలో రాళ్లు, పదే పదే వచ్చే మూత్ర సంబంధిత ఇన్ఫెక్షన్లు , వైద్యుల సలహా లేకుండా విచ్చలవిడిగా పెయిన్‌కిల్లర్స్ వంటి మందులను వాడటం వల్ల కిడ్నీలు తీవ్రంగా దెబ్బతింటాయి. కాబట్టి ఆరోగ్యకరమైన జీవనశైలిని అలవర్చుకోవడం, తగినంత నీరు తాగుతూ ఉండటం , ఏ చిన్న అనారోగ్య లక్షణం కనిపించినా వెంటనే వైద్యులను సంప్రదించి పరీక్షలు చేయించుకోవడం ద్వారా కిడ్నీల ఆరోగ్యాన్ని కాపాడుకోవచ్చు.                                                                                                                                              *రూపశ్రీ.   మీకు నచ్చవచ్చు   ఈ ఐదు ఆరోగ్య సూత్రాలు పాటిస్తే చాలు.. జీవితం మారిపోతుంది..​                                  మోకాళ్ల నొప్పులతో ఇబ్బందా..ఈ 5 వ్యాయామాలు మిస్ అవ్వకండి .! ​  
మన శరీరంలోని కిడ్నీలు, లివర్ వంటి ముఖ్యమైన అవయవాలు ఆరోగ్యంగా పనిచేస్తున్నాయా? వాటిలో ఏవైనా సమస్యలు మొదలైతే శరీరం ముందుగానే కొన్ని సంకేతాలను ఇస్తుందా? అసలు ఈ సంకేతాలను ఎలా గుర్తించాలి? మన శరీర ఆరోగ్యాన్ని అర్థం చేసుకోవడంలో చెవులు, కళ్లు, పెదవుల ఆకృతి వంటి బాహ్య లక్షణాలకు ఎలాంటి ప్రాధాన్యత ఉంది? ఇలాంటి ఆసక్తికరమైన విషయాలను ఈ వీడియోలో తెలుసుకుందాం. మన శరీరంలోని ప్రతి అవయవం తనదైన ప్రత్యేక విధులను నిర్వహిస్తుంది. కిడ్నీలు రక్తంలోని వ్యర్థ పదార్థాలను వడపోసి బయటకు పంపడంలో, శరీరంలో నీరు, లవణాల సమతుల్యతను కాపాడటంలో కీలక పాత్ర పోషిస్తాయి. అలాగే లివర్ ఆహారం జీర్ణం కావడానికి అవసరమైన పిత్తరసాన్ని ఉత్పత్తి చేయడంతో పాటు శరీరంలోని అనేక ముఖ్యమైన జీవక్రియల్లో పాల్గొంటుంది. ఈ అవయవాల పనితీరులో మార్పులు వచ్చినప్పుడు కొన్ని లక్షణాలు కనిపించవచ్చు. ఈ వీడియోలో డాక్టర్ ఉమా వెంకటేష్ (Dr. Uma Venkatesh) పంచభూతాల సిద్ధాంతం, శరీరంలోని అవయవాల పనితీరు, నాడి ప్రాధాన్యత గురించి వివరిస్తున్నారు. ముఖ్యంగా కిడ్నీలు, లివర్ ఆరోగ్యానికి సంబంధించిన విషయాలతో పాటు చెవులు, కళ్లు, పెదవుల ఆకృతిని పరిశీలించడం ద్వారా శరీరంలోని అంతర్గత ఆరోగ్య పరిస్థితుల గురించి ఎలా అర్థం చేసుకోవచ్చనే అంశాలను పల్స్ బ్యాలెన్సింగ్ (Pulse Balancing) విధానం ద్వారా తెలియజేస్తున్నారు. ఈ వీడియోలో మీరు తెలుసుకోగలిగే ముఖ్యమైన అంశాలు: కిడ్నీలు, లివర్ మన శరీరంలో నిర్వహించే ముఖ్యమైన విధులు ఏమిటి?   ఈ అవయవాల ఆరోగ్యంలో మార్పులు వచ్చినప్పుడు కనిపించే లక్షణాలు ఏమిటి?   కిడ్నీ సమస్యలకు సంబంధించిన హెచ్చరిక సంకేతాలను ఎలా  గుర్తించాలి?   లివర్ ఆరోగ్యాన్ని సూచించే లక్షణాలు ఏమిటి?    చెవులు, కళ్లు, పెదవుల ఆకృతికి శరీర ఆరోగ్యానికి ఉన్న సంబంధం ఏమిటి?   పంచభూతాల సిద్ధాంతం ప్రకారం శరీర అవయవాల పనితీరును ఎలా వివరిస్తారు?   నాడి పరిశీలన, పల్స్ బ్యాలెన్సింగ్ విధానంలో ఉన్న ప్రత్యేకతలు ఏమిటి?   మన అంతర్గత అవయవాల ఆరోగ్యాన్ని కాపాడుకోవడానికి ఎలాంటి జాగ్రత్తలు తీసుకోవాలి? శరీరం ఇచ్చే మార్పులను నిర్లక్ష్యం చేయకుండా గమనించడం, అవసరమైనప్పుడు వైద్య పరీక్షలు చేయించుకోవడం ఎంతో ముఖ్యం. కేవలం బాహ్య లక్షణాలు లేదా అవయవాల ఆకృతిని బట్టి కిడ్నీ, లివర్ వ్యాధులను నిర్ధారించలేము. సరైన వైద్య పరీక్షలు, నిపుణుల సలహాతోనే ఆరోగ్య పరిస్థితిని నిర్ధారించుకోవాలి. కిడ్నీ, లివర్ ఆరోగ్యంపై అవగాహన పెంచుకోవడానికి డాక్టర్ ఉమా వెంకటేష్ అందిస్తున్న ఈ విలువైన సమాచారాన్ని పూర్తిగా చూడండి. TeluguOne Health – ఆరోగ్యంపై అవగాహన, ఆరోగ్యకరమైన జీవితానికి మార్గదర్శకం.