ఏపీలో ఆదివారం (నవంబర్ 1) మున్సిపల్ ఎన్నికలు జరగబోతున్నాయి. వీటిలో తాడోపేడో తేల్చుకునేందుకు పార్టీలు, అభ్యర్ధులు సన్నద్ధమయ్యారు. తెలుగుదేశం కూటమి ఇప్పటికే పలు చోట్ల ఏకగ్రీవంగా విజయం సాధించింది. జగన్ అడ్డా పులివెందులలో కూడా అదే పరిస్థితి. అయితే జగన్ సొంత గడ్డ పులివెందుల మునిసిపాలిటీని దక్కించుకునేందుకు వైసీపీ సర్వశక్తులూ ఒడ్డుతోంది. దశాబ్దాలుగా వైఎస్ కుటుంబ అడ్డా అయిన మునిసిపాలిటీలో తెలుగుదేశం జెండా ఎగరనీయకూడదన్న పట్టుదలతో ఉన్న జగన్.. పులివెందులలోనే మకాం వేశారు. మున్సిపాలిటీని చేజిక్కించుకునేందుకు కూటమి చేస్తున్న ప్రయత్నాలను అడ్డుకునేందుకు స్వయంగా నడుంబిగించారు. ఇప్పిటికే పులివెందుల మునిసిపాలిటీలోని సగం వార్డులను తెలుగుదేశం కూటమి ఏకగ్రీవంగా గెలుచుకుని సత్తా చాటింది. మిగిలిన వాటి కోసం వైసీపీ, జగన్ పోరాడుతున్నారు.
సాధారణంగా అయితే అక్కడ ఎన్నిక జరుగుతోంది. ఓటర్లు గెలుపోటములు నిర్ణయిస్తారు. కానీ పులివెందుల మాత్రం సెపరేట్. అది జగన్ కంచుకోట. అలింటి కంచుకోటలో తెలుగుదేశం పాగా వేస్తే.. ఆ ప్రభావం రాష్ట్ర వ్యాప్తంగా 2029 ఎన్నికలపై పడుతుందన్నది జగన్ భయం. ఇప్పటికే గంలో పులివెందుల జడ్పీటీసీకి జరిగిన ఉప ఎన్నికలో వైసీపీ అభ్యర్థి డిపాజిట్ కూడా దక్కకుండా ఘోర పరాజయాన్ని చవి చూశారు. దీంతో ఎది ఏమైనా, ఏం చేసైనా పులివెందుల మునిసిపాలిటీని దక్కించుకోవాలని జగన్ పట్టుదలగా ఉన్నారు.
దీంతో పులివెందుల మునిసిపోల్ రణరంగంగా మారే అవకాశం ఉందని పరిశీలకులు విశ్లేషిస్తున్నారు. గత అనుభవాలను దృష్టిలో ఉంచుకుని పోలీసులూ అప్రమత్తమయ్యారు. ఎలాంటి హింసాత్మక ఘటనలకూ తావులేకుండా భారీ బందోబస్తు ఏర్పాట్లు చేశారు. అవసరమైతే ఇటు తెలుగుదేశం కూటమి, అటు వైసీపీకి చెందిన ముఖ్య నేతలను హౌస్ అరెస్టు చేసేందుకైనా వెనుకాడబోమని పోలీసులు విస్పష్ట హెచ్చరికలు జారీ చేశారు. మునిసిపోల్ లో ప్రజలు స్వేచ్ఛగా, నిర్భయంగా ఓటు వేసే పరిస్థితి కల్పించడమే లక్ష్యంగా పోలీసులు సర్వ సన్నద్ధంగా ఉన్నారని పరిశీలకులు చెబుతున్నారు.
[Pulivendula Municipal Elections, Jagan Pulivendula, YCP Baston Pulivendula, Andhra Pradesh Politics, Tension Pulivendula, Telugu One]
మాజీ మంత్రి, కాంగ్రెస్ నాయకురాలు కొండా సురేఖ బీఆర్ఎస్ కార్యనిర్వాహక అధ్యక్షుడు కల్వకుంట్ల తారకరామారావుకు బేషరతుగా క్షమాపణ చెప్పారు. గతంలో రాష్ట్ర రాజకీయాలలో కొండా సురేఖ కేటీఆర్ పై చేసిన వ్యక్తిగత విమర్శలు దుమారం రేపిన సంగతి తెలిసిందే. ఇప్పుడు ఆ వ్యాఖ్యలకు బేషరతుగా క్షమాపణ చెప్పిన కొండా సురేఖ వాటిని ఉపసంహరించుకున్నారు. గతంలో కేటీఆర్ పై తాను చేసిన అనుచిత వ్యాఖ్యలను పూర్తిగా వెనక్కి తీసుకుంటున్నట్లు సోషల్ మీడియా వేదికగా పేర్కొన్నారు.
అప్పట్లో రాజకీయ పరిణామాలు, ప్రత్యర్థులపై విమర్శలు గుప్పించే వాతావరణంలోనే తాను ఆ వ్యాఖ్యలు చేశానని పేర్కొన్న కొండా సురేఖ కేటీఆర్‌ను వ్యక్తిగతంగా కించపరచాలనే ఉద్దేశం గానీ, ఆయన కుటుంబ సభ్యుల మనోభావాలను దెబ్బతీయాలని కానీ తాను ఎన్నడూ భావించలేదని వివరణ ఇచ్చారు. ఆ వ్యాఖ్యల వల్ల కేటీఆర్ కు కలిగిన మనస్తాపానికి చింతిస్తున్నాని పేర్కొన్న ఆమె ఈ వివాదానికి పూర్తిగా ముగింపు పలకాలనే సదుద్దేశంతోనే క్షమాపణలు చెబుతూ, ఆ వ్యాఖ్యలను ఉపసంహరించుకుంటున్నట్లు పేర్కొన్నారు.
కాగా కొండా సురేఖను రేవంత్ తన కేబినెట్ నుంచి తొలగించిన తరువాత ఇప్పుడు కొండా సురేఖ బీఆర్ఎస్ వర్కింగ్ ప్రెసిడెంట్ కు బహిరంగంగా క్షమాపణ చెప్పడం రాజకీయంగా ప్రాధాన్యత సంతరించుకుంది. సరైన కారణాలు వెల్లడించకుండా, కనీసం ముందస్తు సమాచారం ఇవ్వకుండా రేవంత్ రెడ్డి కేబినెట్ నుంచి తొలగించడాన్ని ఆమె అప్పట్లోనే బాహాటంగా అసంతృప్తి వ్యక్తం చేశారు. బీసీ మహిళగా తనకు జరుగుతున్న అన్యాయంపై ఆమె బహిరంగంగానే నిరసన వ్యక్తం చేశారు ఈ నేపథ్యంలో కొండా సురేఖ కేటీఆర్ కు క్షమాపణ చెప్పడం, ఆయనపై చేసిన వ్యాఖ్యలను ఉపసంహరించుకోవడం పొలిటికల్ గా ప్రాధాన్యత సంతరించుకుంది. ఆమె బీఆర్ఎస్ గూటికి చేరడానికి రెడీ అయ్యారన్న చర్చ జోరందుకుంది. ఈ చర్చకు కొండా సురేఖ భర్త కొండా మురళితో కలిసి తిరిగి బీఆర్ఎస్ గూటికి చేరే అవకాశాలున్నాయన్న అభిప్రాయం పరిశీలకులలో వ్యక్తం అవుతోంది.
[Konda Surekha Apologizes to KTR, Telangana Politics, Konda Surekha Murali, BRS Reentry Rumors, Telugu One]
రాను రానంటూనే చిన్నదీ రాములోరి గుడికొచ్చే అనే పాట చందంగా రాజకీయాలలో పొత్తుల విషయంలో బీజేపీ వ్యవహరిస్తోంది. తెలంగాణ రాజకీయాలలో ఏ పార్టీతోనూ పొత్తు లేదు లేదంటూనే జనసేనతో పొత్తుకు తహతహలాడుతోంది. తెలంగాణలో స్వంతంగానే బరిలోకి దిగుతామని కుండబద్దలు కొట్టిన బీజేపీ ఇప్పుడు జనసేనతో అంతర్గత పొత్తు కుదుర్చుకుందన్న ప్రచారం జోరుగా సాగుతోంది.
ఆంధ్రప్రదేశ్ లోనూ, జాతీయ స్థాయిలోనూ జనసేన ఎన్డీయే కూటమిలో భాగస్వామ్య పార్టీయే అయినా, తెలంగాణలో మాత్రం ఆ పార్టీతో ఎటువంటి పొత్తూ ఉండదని బీజేపీ తెలంగాణ అధ్యక్షుడు ఇప్పటికే పలుమార్లు విస్పష్టంగా చెప్పారు. ఈ నేపథ్యంలోనే తెలంగాణలో పోటీకి జనసేన రెడీ అవుతోంది. రాబోయే గ్రాడ్యుయేట్ ఎమ్మెల్సీ ఎన్నికల్లో పోటీ చేసేందుకు సిద్ధమైన జనసేనతో కలిసి ముందుకు సాగాలని బీజేపీ నిర్ణయించుకున్నట్లు పొలిటికల్ సర్కిల్స్ లో ఓ రేంజ్ లో చర్చ జరుగుతోంది. ఉమ్మడి ఖమ్మం,వరంగల్,నల్గొండ పట్టభద్రుల నియోజకవర్గ పరిధిలో జరగనున్న ఎమ్మెల్సీ పోరులో జనసేన అభ్యర్థిని బరిలోకి దించుతున్నట్లు ప్రచారం జరుగుతున్న నేపథ్యంలో బీజేపీ ఆ పార్టీకి అండగా నిలబడుతోందన్న అంశం రాజకీయంగా అత్యంత ప్రాధాన్యత సంతరించుకుంది.
ఆంధ్రప్రదేశ్ రాజకీయాల్లో అధికారికంగా మిత్రపక్షాలుగా కొనసాగుతున్న జనసేన, బీజేపీలు, తెలంగాణలో మాత్రం ఇప్పటి వరకూ ఎవరికి వారే యమునా తీరే చందంగానే వ్యవహరిస్తున్నాయి. అయితే ఇప్పుడు గ్రాడ్యుయేట్ ఎమ్మెల్సీ ఎన్నికల విషయానికి వచ్చే సరికి తీరు మార్చుకుంటున్న పరిస్థితి కనిపిస్తోంది. పట్టభద్రుల ఎమ్మెల్సీ ఎన్నికల ప్రాధాన్యతను దృష్టిలో ఉంచుకొని, రెండు పార్టీలూ అనివార్యంగా అవగాహనకు వచ్చాయంటున్నారు పరిశీలకులు.
జనసేన అభ్యర్థి బరిలో నిలిచే స్థానంలో బీజేపీ తన అభ్యర్థిని పోటీకి పెట్టకుండా పరోక్షంగా మద్దతు తెలిపేలా ఇరు పార్టీల మధ్య అవగాహన కుదిరిందన్న చర్చ పోలిటికల్ సర్కిల్స్ లో గట్టిగా వినిపిస్తోంది. ఇదే జరిగితే.. ముందు ముందు జరగనున్న స్థానిక ఎన్నికలు, ఆ పై 2028 అసెంబ్లీ ఎన్నికలలో కూడా ఈ రెండు పార్టీలూ జతకట్టే అవకాశాలు మెండుగా ఉంటాయని పరిశీలకులు విశ్లేషిస్తున్నారు.
[Jana Sena BJP Alleance Telangana, MLC Elections, Graduate MLC,Telangana Politics, , Warangal Khammam Nalgonda Graduates MLC, Telugu One]
ALSO ON TELUGUONE N E W S
టాలీవుడ్ కొరియోగ్రాఫర్ జానీ మాస్టర్, డ్యాన్సర్ శ్రష్టి వర్మ మధ్య వివాదం మరోసారి తెరపైకి వచ్చింది. తనపై వచ్చిన ఆరోపణల గురించి జానీ మాస్టర్ తాజాగా ‘ఢీ’ డ్యాన్స్ షోలో మాట్లాడటంతో ఈ వ్యవహారం మళ్లీ చర్చనీయాంశమైంది. దీనిపై శ్రష్టి వర్మ సోషల్ మీడియా వేదికగా ఘాటుగా స్పందించారు. తనకు ఎదురైన అనుభవాల గురించి మాట్లాడే హక్కు తనకు ఉందని, తన గొంతును ఎవరూ మూయించలేరని స్పష్టం చేశారు.
‘ఢీ’ కొత్త సీజన్‌కు జానీ మాస్టర్ న్యాయనిర్ణేతగా వ్యవహరిస్తున్నారు. తాజాగా ప్రసారమైన ఎపిసోడ్‌లో తనపై వచ్చిన ఆరోపణలను ప్రస్తావిస్తూ ఆయన కొన్ని వ్యాఖ్యలు చేశారు. ‘‘నా మీద లక్ష ఆరోపణలు చేశారు. ఒక అమ్మాయి, మన డ్యాన్సరే వచ్చి ‘జానీ మాస్టర్ జీరో జీరో’ అని చెప్పింది. నేను కరెక్ట్ అయినప్పుడు అవతలివాళ్లు ఎన్ని అనుకుంటే నాకెందుకు?’’ అంటూ మాట్లాడారు. దీనికి సంబంధించిన వీడియో బయటకు రావడంతో జానీ వ్యాఖ్యలు చర్చకు దారితీశాయి.
ఈ వీడియోపై శ్రష్టి వర్మ స్పందిస్తూ.. జానీ మాస్టర్ మాట్లాడిన క్లిప్‌ను తన ఇన్‌స్టాగ్రామ్‌లో షేర్ చేశారు. ‘‘నిజం వెలుగులోకి వచ్చినప్పుడు అపరాధభావం ఉన్న వ్యక్తి మరింత గట్టిగా మాట్లాడతాడు’’ అంటూ వ్యాఖ్యానించారు. తనను ఓ మహిళా డ్యాన్సర్ ‘జీరో జీరో’ అని అన్న విషయాన్ని జానీ బహిరంగ వేదికపై ప్రస్తావించాల్సిన అవసరం ఏమొచ్చిందని ప్రశ్నించారు. ఒక మహిళ తనకు ఎదురైన అనుభవాల ఆధారంగా మాట్లాడితే, ఆమె మాటలను ప్రశ్నించడం ఎందుకని నిలదీశారు.
అంతేకాదు, తనకు మద్దతుగా నిలుస్తున్నవారికి వ్యక్తిగతంగా ఫోన్ చేసి వారిని మాట్లాడకుండా ఆపే హక్కు జానీ మాస్టర్‌కు లేదని శ్రష్టి వర్మ పేర్కొన్నారు. ‘‘దాదాపు నాలుగేళ్లపాటు ఎన్నో కష్టాలు అనుభవించాను. ఇప్పుడు నా కాళ్లపై నేను నిలబడి, నాకు ఎదురైన అనుభవాల గురించి బహిరంగంగా మాట్లాడే స్థాయికి వచ్చాను. అలాంటప్పుడు నన్ను కానీ, నాకు మద్దతుగా నిలబడాలనుకునే వారిని కానీ అడ్డుకునే హక్కు నీకు లేదు. నా కథను నేను చెప్పుకోకుండా ఎవరూ నా నోరు మూయించలేరు’’ అని ఆమె తన పోస్టులో పేర్కొన్నారు.
కాగా, జానీ మాస్టర్ వద్ద అసిస్టెంట్ కొరియోగ్రాఫర్‌గా పనిచేసిన సమయంలో తనపై లైంగిక వేధింపులు జరిగాయని శ్రష్టి వర్మ గతంలో ఆరోపించారు. తాను మైనర్‌గా ఉన్నప్పటి ఘటనల గురించి ఆమె ఫిర్యాదు చేయడంతో జానీ మాస్టర్‌పై పోక్సో చట్టం కింద కేసు నమోదైంది. 2024 సెప్టెంబర్‌లో ఆయన అరెస్టయ్యారు. ఆ తర్వాత బెయిల్‌పై విడుదలయ్యారు. ఈ కేసుకు సంబంధించి ఆరోపణలు, స్పందనలను వేర్వేరుగా చూడాల్సిన నేపథ్యంలో.. తాజాగా ‘ఢీ’ షోలో జానీ చేసిన వ్యాఖ్యలు, వాటికి శ్రష్టి ఇచ్చిన కౌంటర్ మరోసారి చర్చకు దారితీశాయి.
[Shrasti Verma, Jani Master, Shrasti Verma Latest News, Dhee Dance Show, Jani Master Controversy, Shrasti Verma Instagram, Jani Master Allegations, Telugu Cinema News]
విక్టరీ వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో తెరకెక్కిన చిత్రం ‘ఆదర్శ కుటుంబం – హౌస్ నంబర్ 47’. దాదాపు 20 ఏళ్ల తర్వాత వీరిద్దరూ కలిసి పనిచేస్తుండటంతో ఈ సినిమాపై ప్రేక్షకుల్లో ఆసక్తి నెలకొంది. ఈ నేపథ్యంలో సినిమా ప్రమోషన్లలో భాగంగా నిర్వహించిన ప్రెస్‌మీట్‌లో వెంకటేశ్ ఆసక్తికర వ్యాఖ్యలు చేశారు. సినిమా విషయంలో సెంటిమెంట్ల కంటే ప్రేక్షకుల తీర్పుకే ప్రాధాన్యం ఇస్తాననే అభిప్రాయాన్ని ఆయన వ్యక్తం చేశారు.
గతంలో త్రివిక్రమ్‌తో కలిసి ‘నువ్వు నాకు నచ్చావ్’, ‘మల్లీశ్వరి’ వంటి విజయవంతమైన సినిమాలు చేశానని వెంకటేశ్ గుర్తుచేసుకున్నారు. ఇలాంటి సినిమాల తర్వాత మళ్లీ కలిసి పనిచేసేటప్పుడు ఎలాంటి కథను ఎంచుకోవాలనే విషయంలో సహజంగానే ఒత్తిడి ఉంటుందని చెప్పారు. అయితే త్రివిక్రమ్ ఈ సినిమా కథ చెప్పినప్పుడు అందులోని అంశాలు తనకు బాగా నచ్చాయని తెలిపారు. కేవలం కామెడీ మాత్రమే కాకుండా థ్రిల్లింగ్ సన్నివేశాలు, సస్పెన్స్, వివిధ రకాల భావోద్వేగాలు ఇందులో ఉంటాయని వివరించారు.
తాను గతంలో ఎన్నో కుటుంబ కథా చిత్రాల్లో నటించినప్పటికీ ‘ఆదర్శ కుటుంబం’ ప్రత్యేకమైన సినిమాగా నిలుస్తుందని వెంకటేశ్ అన్నారు. ఇందులో తన పాత్ర పేరు చిట్టిబాబు. కుటుంబానికి ఏదైనా సమస్య ఎదురైతే దాన్ని పరిష్కరించడానికి, తన వాళ్లను కాపాడుకోవడానికి ఎంతవరకైనా వెళ్లే వ్యక్తిగా ఈ పాత్ర ఉంటుందని చెప్పారు. కుటుంబ అనుబంధాలతో పాటు ఉత్కంఠభరితమైన అంశాలు కూడా కథలో భాగమవుతాయని ఆయన మాటలను బట్టి అర్థమవుతోంది.
ఇక అక్టోబర్ 30న ఈ సినిమా ప్రేక్షకుల ముందుకు రానుంది. వెంకటేశ్-త్రివిక్రమ్ కాంబినేషన్‌లో గతంలో వచ్చిన సినిమాలు ప్రేక్షకులను అలరించడంతో, ఈసారి వీరిద్దరూ ఎలాంటి కథతో వస్తారనే ఆసక్తి నెలకొంది. కామెడీ, కుటుంబ భావోద్వేగాలు, సస్పెన్స్ కలగలిసిన ఈ చిత్రం ప్రేక్షకులను ఆకట్టుకుంటుందని చిత్రబృందం నమ్మకంగా ఉంది. అయితే సినిమా విజయం విషయంలో అంతిమ నిర్ణయం ప్రేక్షకులదే అన్నది వెంకటేశ్ వ్యాఖ్యల సారాంశం.
[Venkatesh, Aadarsha Kutumbam, Venkatesh Trivikram Movie, Aadarsha Kutumbam Press Meet, Trivikram Srinivas, Venkatesh Latest News, Aadarsha Kutumbam Release Date, Telugu Cinema News]
సినిమా పాట అంటే మనకు ముందుగా గుర్తొచ్చేది సంగీత దర్శకుడు, గాయకుడు, గేయ రచయిత. కానీ ఒక పాటను ఎప్పటికీ గుర్తుండిపోయేలా చేయడంలో వాయిద్య కళాకారుల పాత్ర కూడా ఎంతో ఉంటుంది. ముఖ్యంగా ఇళయరాజా సంగీతంలో గిటార్ వినిపిస్తే చాలు.. ఆ మాధుర్యాన్ని ఆస్వాదించకుండా ఉండలేం. అలాంటి ఎన్నో మధురమైన పాటలకు తన గిటార్‌తో ప్రత్యేకమైన అందాన్ని తీసుకొచ్చిన సీనియర్ సంగీత విద్వాంసుడు సదా మాస్టర్ కన్నుమూశారు. ఆయన మరణంతో సినీ సంగీత ప్రపంచంలో విషాదం నెలకొంది.
ఎస్. సదానందం అలియాస్ సదా మాస్టర్ దక్షిణ భారత సినీ సంగీత ప్రపంచంలో ప్రముఖ గిటార్ కళాకారుడిగా గుర్తింపు తెచ్చుకున్నారు. ప్రముఖ సంగీత దర్శకుడు ఆర్. సుదర్శనం కుమారుడైన ఆయన.. చిన్నప్పటి నుంచే సంగీత వాతావరణంలో పెరిగారు.
ఇళయరాజా సంగీత బృందంలో నాలుగు దశాబ్దాలకు పైగా ప్రధాన గిటారిస్ట్‌గా పనిచేశారు. ఇళయరాజా సంగీత దర్శకుడిగా పరిచయమైన ‘అన్నకిళి’ సినిమా నుంచి ఆయనతో కలిసి ప్రయాణించారు. అలా వేలాది పాటలకు తన గిటార్ సంగీతాన్ని అందించారు. ఎన్నో పాటల్లో ప్రారంభ సంగీతం, మధ్యలో వచ్చే వాయిద్యాల బిట్స్ ప్రత్యేకంగా వినిపించడానికి సదా మాస్టర్ వంటి కళాకారుల ప్రతిభ కూడా ఒక కారణం.
తనతో ఎన్నో ఏళ్లుగా కలిసి పనిచేసిన సదా మాస్టర్ మరణవార్తపై ఇళయరాజా తీవ్ర విచారం వ్యక్తం చేశారు. ఆయన తన తొలి రోజుల నుంచే తనతో ఉన్నారని గుర్తుచేసుకున్నారు. తనతో కలిసి జీవించినవారిని, తన జీవితంలో అంతర్భాగమైనవారిని మరణించినవారిగా చూడలేనని భావోద్వేగంగా పేర్కొన్నారు. సదానందం ఆత్మకు శాంతి కలగాలని ప్రార్థించారు.
ఇది కూడా చదవండి: బాలయ్య vs మంచు మనోజ్.. క్లైమాక్స్‌కు వచ్చేసిన ‘దాదా’.!
[Guitarist Sada Master Passed Away, Ilaiyaraaja Guitarist Sada Master, Sada Master Passes Away, Ilaiyaraaja Guitarist, Ilaiyaraaja Music Team, Sadanandam Guitarist, Ilaiyaraaja, Sada Master]
మహానటి సినిమాతో జాతీయ స్థాయిలో గుర్తింపు తెచ్చుకున్న హీరోయిన్ కీర్తి సురేష్‌కు విమాన ప్రయాణంలో ఓ చేదు అనుభవం ఎదురైంది. సాధారణంగా అభిమానులతో సరదాగా మాట్లాడటం, వారితో ఫొటోలు దిగడం ఇష్టపడే కీర్తికి.. ఓ వ్యక్తి ప్రవర్తన ఇబ్బందికరంగా మారింది. మిలన్ నుంచి ఇండియాకు తన భర్త ఆంటోనీ తట్టిల్‌తో కలిసి విమానంలో ప్రయాణిస్తున్న సమయంలో ఈ ఘటన జరిగినట్లు ఆమె తాజాగా ఓ ఇంటర్వ్యూలో వెల్లడించారు.
కీర్తి సురేష్ ప్రయాణిస్తున్న విమానంలో మద్యం మత్తులో ఉన్న ఓ వ్యక్తి ఆమె దగ్గరకు వచ్చాడు. సరిగా నిలబడలేని స్థితిలో ఉన్న అతను తనతో సెల్ఫీ దిగాలని పట్టుబట్టాడు. అయితే, ఆ సమయంలో ఫొటో దిగడం సాధ్యం కాదని, కొద్దిసేపటి తర్వాత దిగుదామని కీర్తి చెప్పింది. అయినప్పటికీ ఆ వ్యక్తి ఆమె మాటలను పట్టించుకోకుండా వెంటనే సెల్ఫీ కావాలని ఒత్తిడి చేశాడు. దీంతో కీర్తి అతనికి గట్టిగా సమాధానం చెప్పాల్సి వచ్చింది. తన తరఫున నిర్ణయం తీసుకునే హక్కు అతనికి లేదని స్పష్టం చేసింది.
ఈ ఘటనలో మరో ఆసక్తికరమైన విషయం ఏమిటంటే.. కీర్తి భర్త ఆంటోనీ తట్టిల్ కూడా ఆ వ్యక్తి ప్రవర్తనపై ఆగ్రహం వ్యక్తం చేయడం. సాధారణంగా అభిమానులతో ఎంతో సౌమ్యంగా ఉండే తన భర్త గొంతు పెంచి మాట్లాడటం తాను మొదటిసారి చూశానని కీర్తి చెప్పింది. పరిస్థితి అదుపులోకి రాకపోవడంతో చివరకు విమాన సిబ్బంది సహాయం తీసుకోవాల్సి వచ్చిందని వెల్లడించింది. సెలబ్రిటీలైనా సరే, తమ వ్యక్తిగత స్వేచ్ఛను గౌరవించాలని ఈ సంఘటన ద్వారా ఆమె చెప్పకనే చెప్పారు.
అయితే, విమాన ప్రయాణాల్లో అభిమానులందరి వల్ల ఇలాంటి అనుభవాలే ఎదురవుతాయని కీర్తి అనడం లేదు. చాలామంది ఎంతో మర్యాదగా మాట్లాడతారని, కొందరైతే ఫొటో కూడా అడగకుండా ప్రయాణమంతా సరదాగా కబుర్లు చెబుతుంటారని ఆమె వివరించింది. ప్రేక్షకుల ప్రేమాభిమానాలను తాను గౌరవిస్తానని, అయితే ఎవరైనా హద్దులు దాటి ప్రవర్తించినప్పుడు మాత్రం ఇబ్బంది కలుగుతుందని తెలిపింది. సెలబ్రిటీలతో ఫొటోలు దిగాలనుకోవడం తప్పు కాకపోయినా, వారి ఇష్టాయిష్టాలను, వ్యక్తిగత పరిధిని గౌరవించడం ముఖ్యమనే విషయం ఈ ఘటనతో మరోసారి చర్చకు వచ్చింది.
[Keerthy Suresh, Keerthy Suresh Flight Incident, Keerthy Suresh Husband Antony Thattil, Keerthy Suresh Interview, Keerthy Suresh Latest News, Celebrity Fan Incident, Keerthy Suresh Selfie Incident]
నందమూరి బాలకృష్ణ, గోపీచంద్ మలినేని కాంబినేషన్‌లో తెరకెక్కుతున్న సినిమా ‘దాదా’. ‘వీరసింహారెడ్డి’ తర్వాత వీరిద్దరి కలయికలో వస్తున్న సినిమా కావడంతో అభిమానుల్లో భారీ అంచనాలు ఉన్నాయి. 80ల నాటి ముంబై గ్యాంగ్‌స్టర్ నేపథ్యంలో రూపొందుతున్న ఈ సినిమాను క్రిస్మస్ కానుకగా డిసెంబర్ 24న విడుదల చేయాలని మేకర్స్ ఇప్పటికే ప్రకటించారు. మధ్యలో బాలయ్య గాయపడటంతో షూటింగ్‌కు బ్రేక్ పడింది. ఇప్పుడు ఆయన కోలుకుని తిరిగి సెట్స్‌లోకి రావడంతో సినిమా పనులు వేగం పుంజుకున్నాయి.
తాజా సమాచారం ప్రకారం.. ‘దాదా’ క్లైమాక్స్ షూటింగ్‌ను త్వరలో ప్రారంభించేందుకు చిత్ర బృందం సిద్ధమవుతోంది. ఈ ఎపిసోడ్‌లో బాలకృష్ణ, మంచు మనోజ్ మధ్య భారీ యాక్షన్ సన్నివేశాలను తెరకెక్కించనున్నట్లు టాక్.
‘దాదా’లో బాలకృష్ణ లుక్ ఇప్పటికే ఆసక్తిని పెంచింది. రెట్రో గెటప్‌లో, గ్యాంగ్‌స్టర్ తరహా పాత్రలో ఆయన కనిపించనున్నారు. మంచు మనోజ్ విలన్ పాత్రలో నటిస్తుండటంతో వీరిద్దరి మధ్య వచ్చే సన్నివేశాలపై అంచనాలు ఉన్నాయి. కాజల్ అగర్వాల్ హీరోయిన్ గా నటిస్తుండగా, తమన్ సంగీతం అందిస్తున్నారు. వెంకట సతీష్ కిలారు ఈ చిత్రాన్ని వృద్ధి సినిమాస్ బ్యానర్‌పై నిర్మిస్తున్నారు.
ఇది కూడా చదవండి: ‘వారణాసి’ వాయిదా పడుతుందా?.. క్లారిటీ ఇచ్చేసిన విజయేంద్ర ప్రసాద్.!
[Dada Movie Climax Shoot, Balakrishna vs Manchu Manoj, Dada Movie, Nandamuri Balakrishna, Gopichand Malineni, Manchu Manoj, Kajal Aggarwal, Telugu Film News]
.WEBP)
‘అర్జున్ రెడ్డి’, ‘జాతిరత్నాలు’ వంటి సినిమాలతో తనదైన కామెడీ టైమింగ్‌తో ప్రేక్షకులను ఆకట్టుకున్న నటుడు రాహుల్ రామకృష్ణ త్వరలో దర్శకుడిగా మారబోతున్నారు. ఇప్పటివరకు నటుడిగా ఎన్నో విభిన్న పాత్రలు చేసిన ఆయన.. ఇక మెగాఫోన్ పట్టేందుకు సిద్ధమయ్యారు. ప్రస్తుతం తాను నటిస్తున్న ‘హుషారు-2’ సినిమా పూర్తయిన వెంటనే దర్శకత్వ బాధ్యతలు చేపట్టనున్నట్లు రాహుల్ వెల్లడించారు. వచ్చే ఏడాది ఆయన దర్శకత్వంలో సినిమా వచ్చే అవకాశం ఉందని తెలిపారు.
రాహుల్ తెరకెక్కించబోయే ఈ సినిమా పూర్తిస్థాయి కామెడీ ఎంటర్‌టైనర్‌గా ఉండనుంది. ఈ చిత్రానికి కథ, స్క్రీన్‌ప్లే కూడా ఆయనే రాసుకున్నారు. ఇప్పటికే నటీనటుల ఎంపిక పూర్తయిందని, త్వరలోనే షూటింగ్ ప్రారంభించనున్నట్లు చెప్పారు. ఈ ప్రాజెక్టుకు సంబంధించిన మరిన్ని వివరాలను త్వరలో అధికారికంగా వెల్లడిస్తానని తెలిపారు. అయితే ఈ సినిమాలో మరో నటుడు ప్రియదర్శి హీరోగా నటించనున్నట్లు రాహుల్ స్పష్టం చేయడం ఇప్పుడు ఆసక్తికరంగా మారింది.
నటుడిగా తనకు ఎక్కువగా హీరో స్నేహితుడి పాత్రలే వస్తున్నాయని, అలాంటి పాత్రలను పదేపదే చేయడం బోర్ కొట్టిందని రాహుల్ చెప్పారు. అందుకే కొత్తగా ఏదైనా చేయాలనే ఆలోచనతో దర్శకత్వం వైపు అడుగులు వేస్తున్నట్లు వివరించారు. ‘అర్జున్ రెడ్డి’లో శివ పాత్రతో గుర్తింపు తెచ్చుకున్న రాహుల్.. ‘జాతిరత్నాలు’తో పాటు పలు సినిమాల్లో తన కామెడీతో ప్రేక్షకులను నవ్వించారు. నటుడిగా మాత్రమే కాకుండా రచయితగానూ తన ప్రతిభను చాటుకున్న ఆయన, ఇప్పుడు దర్శకుడిగా ఎలాంటి కథను ఎంచుకుంటారన్నది ఆసక్తిని రేకెత్తిస్తోంది.
మరోవైపు, రాహుల్ దర్శకత్వంలో ప్రియదర్శి హీరోగా నటించనున్నారనే విషయం ఈ ప్రాజెక్టుపై మరింత ఆసక్తిని పెంచుతోంది. ఇప్పటికే కామెడీ పాత్రలతో ప్రేక్షకులకు దగ్గరైన ఈ ఇద్దరూ కలిసి పనిచేయడం విశేషం. రాహుల్ తనదైన హాస్యాన్ని కథలో ఎలా మేళవిస్తారు? ప్రియదర్శిని హీరోగా ఎలా చూపించబోతున్నారు? అన్నది తెలియాలంటే మరికొంత కాలం వేచి చూడాల్సిందే. ప్రస్తుతం ‘హుషారు-2’లో నటిస్తున్న రాహుల్.. ఆ సినిమా తర్వాత దర్శకుడిగా తన కొత్త ప్రయాణాన్ని ప్రారంభించనున్నారు.
[Rahul Ramakrishna, Priyadarshi, Rahul Ramakrishna Director, Priyadarshi New Movie, Husharu 2, Telugu Cinema News, Rahul Ramakrishna Directorial Debut, Telugu Comedy Movies]
తమిళ స్టార్ హీరో ధనుష్ రాజకీయాల్లోకి రాబోతున్నారా? గత కొంతకాలంగా తమిళనాట వినిపిస్తున్న ఈ ఊహాగానాలు ఇప్పుడు మరింత పెరిగాయి. తాజాగా ఆయన తన అభిమాన సంఘం ద్వారా చేపట్టబోతున్న ఓ విద్యా కార్యక్రమం చర్చనీయాంశంగా మారింది. రాష్ట్రంలోని పేద విద్యార్థులకు ఉచితంగా ఏసీ ట్యూషన్ సెంటర్లు ఏర్పాటు చేయాలని ధనుష్ నిర్ణయించినట్లు వార్తలు వస్తున్నాయి. దీంతో ఆయన రాజకీయ ఆరంగేట్రానికి ఇప్పటి నుంచే పునాదులు వేసుకుంటున్నారనే చర్చ మొదలైంది.
ధనుష్ తన ‘ధనుష్ నార్పని ఇయక్కం’ (ధనుష్ సంక్షేమ ఉద్యమం) ఆధ్వర్యంలో ఈ కార్యక్రమాన్ని చేపట్టనున్నట్లు సమాచారం. 2027 జనవరి నుంచి ‘స్మార్ట్ స్టడీ హబ్స్’ పేరుతో ఈ కేంద్రాలను ప్రారంభించాలని లక్ష్యంగా పెట్టుకున్నారట. తమిళనాడులోని మొత్తం 234 నియోజకవర్గాల్లో పదో తరగతి, పన్నెండో తరగతి విద్యార్థులకు ఉచితంగా ట్యూషన్ చెప్పించాలనేది ఈ కార్యక్రమం ఉద్దేశం. ఒక్కో కేంద్రంలో ముగ్గురు ఉపాధ్యాయులతో పాటు ఒక సహాయకుడిని నియమించనున్నారు. వీరికి సంబంధించిన జీతభత్యాలను కూడా ధనుష్ సంక్షేమ సంస్థే భరించనున్నట్లు తెలుస్తోంది.
ఇప్పటికే ధనుష్ తన అభిమాన సంఘాలను సంక్షేమ కార్యక్రమాల వైపు నడిపిస్తున్నారు. ఇటీవల చెన్నైలో సుమారు 3,000 మంది మహిళా సభ్యులతో నిర్వహించిన సమావేశం కూడా రాజకీయ వర్గాల్లో చర్చకు దారితీసింది. అభిమాన సంఘాలను ప్రజలకు సేవ చేసే సంస్థలుగా మార్చడం, విద్యార్థుల కోసం ప్రత్యేక కార్యక్రమాలను చేపట్టడం వంటి పరిణామాలను పరిశీలిస్తే.. ఆయన రాజకీయాల్లోకి రావడానికి సిద్ధమవుతున్నారనే ప్రచారం ఎందుకు జరుగుతోందో అర్థం చేసుకోవచ్చు. గతంలో విజయ్ కూడా అభిమాన సంఘాల ద్వారా ప్రజల్లోకి వెళ్లి, ఆ తర్వాత రాజకీయాల్లోకి అడుగుపెట్టడంతో ధనుష్ విషయంలోనూ అలాంటి పోలికలు కనిపిస్తున్నాయి.
మరోవైపు, ధనుష్ ‘తమిళగ ఎళుచ్చి కళగం’ పేరుతో రాజకీయ పార్టీని నమోదు చేశారనే ప్రచారం కూడా సాగుతోంది. అయితే, ఈ విషయంపై ఇప్పటివరకు ఎలాంటి అధికారిక ప్రకటన లేదు. ఉచిత ట్యూషన్ సెంటర్ల ఏర్పాటు వంటి సేవా కార్యక్రమాలు ఆయన రాజకీయ ప్రవేశానికి సంకేతాలుగా భావిస్తున్నప్పటికీ, వాటి ఆధారంగా ధనుష్ కచ్చితంగా రాజకీయాల్లోకి వస్తారని చెప్పలేం. మరి ఈ సంక్షేమ కార్యక్రమాలతో ప్రజలకు మరింత చేరువయ్యే ధనుష్.. భవిష్యత్తులో రాజకీయ నిర్ణయం తీసుకుంటారా? అనేది ఆసక్తికరంగా మారింది.
[Dhanush Political Entry, Dhanush Politics, Dhanush Narpani Iyakkam, Smart Study Hubs, Dhanush Free Tuition Centres, Tamil Nadu Politics, Dhanush Political Party, Dhanush Latest News]
సూపర్‌స్టార్ మహేశ్ బాబు, దర్శకధీరుడు ఎస్.ఎస్. రాజమౌళి కాంబినేషన్‌లో తెరకెక్కుతున్న సినిమా ‘వారణాసి’. ఈ సినిమాపై ప్రేక్షకుల్లో భారీ అంచనాలు ఉన్నాయి. అయితే సినిమా విడుదలకు ఇంకా సమయం ఉండటంతో.. పోస్ట్ ప్రొడక్షన్ పనుల కారణంగా వాయిదా పడుతుందంటూ ఇటీవల సోషల్ మీడియాలో ప్రచారం మొదలైంది. ఈ వార్తలపై తాజాగా ప్రముఖ రచయిత విజయేంద్ర ప్రసాద్ క్లారిటీ ఇచ్చారు.
‘డాడ్స్ లిటిల్ ఫ్రెండ్’ సినిమా టీజర్ లాంచ్ కార్యక్రమంలో పాల్గొన్న విజయేంద్ర ప్రసాద్‌కు ‘వారణాసి’ గురించి ప్రశ్న ఎదురైంది. దీనికి ఆయన బదులిస్తూ.. వారణాసి వాయిదా వార్తలకు చెక్ పెట్టారు. నిర్మాతలు ఇప్పటికే విడుదల తేదీని అధికారికంగా ప్రకటించారని గుర్తు చేశారు. ‘వారణాసి’ 2027 ఏప్రిల్ 7న తప్పకుండా థియేటర్లలోకి వస్తుందని స్పష్టం చేశారు. విడుదల తేదీలో మార్పు లేదా అని మరోసారి అడగ్గా.. అవును, కచ్చితంగా అదే రోజున విడుదలవుతుందని కన్ఫర్మ్ చేశారు.
రాజమౌళి సినిమా అంటేనే విజువల్స్, గ్రాఫిక్స్, వీఎఫ్‌ఎక్స్‌కు ప్రత్యేక ప్రాధాన్యం ఉంటుంది. ‘బాహుబలి’, ‘ఆర్ఆర్ఆర్’ చిత్రాలతో అంతర్జాతీయ స్థాయిలో గుర్తింపు తెచ్చుకున్న ఆయన.. ఇప్పుడు ‘వారణాసి’ని అంతకుమించిన స్థాయిలో రూపొందిస్తున్నారనే అంచనాలు ఉన్నాయి.
ఇలాంటి భారీ సినిమాలకు పోస్ట్ ప్రొడక్షన్ పనులు పూర్తిచేయడానికి ఎక్కువ సమయం అవసరమవుతుందని అభిమానులు భావిస్తున్నారు. ఈ నేపథ్యంలోనే సినిమా వాయిదా పడుతుందనే ప్రచారం మొదలైంది. అయితే విజయేంద్ర ప్రసాద్ తాజా వ్యాఖ్యలతో ఈ అనుమానాలకు సమాధానం లభించినట్లయింది.
‘వారణాసి’లో మహేశ్ బాబు రుద్ర పాత్రలో కనిపించనున్నారు. శ్రీరాముడిగానూ కనువిందు చేయనున్నారు. ప్రియాంక చోప్రా మందాకినిగా, పృథ్వీరాజ్ సుకుమారన్ కుంభ పాత్రలో నటిస్తున్నారు. భారీ యాక్షన్ సన్నివేశాలు, పురాణ అంశాలు, టైమ్ ట్రావెల్ నేపథ్యంలో ఆసక్తికరమైన కథాంశంతో ఈ సినిమా రూపొందుతోంది.
ఇది కూడా చదవండి: రామాయణ రిలీజ్.. పాకిస్థాన్‌లో రియాక్షన్ ఎలా ఉందంటే.?
https://x.com/Theteluguone/status/2115782861051830718
[Varanasi Postponement Rumours, Varanasi Release Date, Vijayendra Prasad, Varanasi Movie, Mahesh Babu, SS Rajamouli, Priyanka Chopra, Telugu Film News]
Dulquer Salmaan’s Aakasamlo Oka Tara has unveiled its latest song, Radhe Radhe, a soulful melody that explores destiny, ambition and the purpose of one’s journey. The film, directed by Pavan Sadineni, has generated curiosity with its glimpses, teaser and earlier single Chitti Cheema, ahead of its theatrical release on November 20.
Composed and sung by GV Prakash Kumar, Radhe Radhe features lyrics by Sreemani and female vocals by Lipsika. Sreemani’s lyrics draw parallels between the journey of Krishna and the questions people confront in their own lives, urging listeners to reflect on their present and where their choices might lead them. GV Prakash’s restrained instrumentation complements the emotional depth of the composition, while Lipsika’s vocals add another layer of warmth to the melody.
The song also offers glimpses of Dulquer Salmaan as Krishna, a coal mine worker whose journey forms the film’s central narrative. His performance and screen presence, coupled with Pavan Sadineni’s detailed visual treatment, add to the intrigue surrounding the character.
Satvika Veeravalli plays the female lead, with Shruthi Haasan and Ruhani Sharma in prominent roles. Produced by Sandeep Gunnam and Ramya Gunnam, the film is presented by Geetha Arts and Swapna Cinema.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
నటి రెజీనా కసాండ్రా తన కెరీర్‌లో తొలిసారిగా పూర్తిస్థాయి కమర్షియల్ విలన్‌గా ప్రేక్షకుల ముందుకు రాబోతున్నారు. సుందర్ సి దర్శకత్వంలో తెరకెక్కిన ‘మూకుత్తి అమ్మన్ 2’ సినిమాలో ఆమె ‘భైరవి’ అనే పవర్ఫుల్ నెగెటివ్ పాత్రలో నటించారు. ఈ సినిమా ప్రీ-రిలీజ్ ఈవెంట్‌లో పాల్గొన్న రెజీనా.. తన పాత్ర గురించి ఆసక్తికర విషయాలు పంచుకున్నారు. భైరవి పాత్ర కోసం ఎంతో కష్టపడి నటించానని, ఆ పాత్రకు తన ప్రాణం పెట్టానని ఆమె చెప్పుకొచ్చారు.
ఈ సినిమాలో నయనతారతో రెజీనా తలపడనున్నారు. వీరిద్దరి మధ్య వచ్చే ఫైట్ సీన్స్ ప్రేక్షకులకు గూస్‌బంప్స్‌ తెప్పిస్తాయని రెజీనా ధీమా వ్యక్తం చేశారు. ఇంత బలమైన విలన్ పాత్రలో నటించే అవకాశం రావడం తనకు సంతోషంగా ఉందన్నారు. దర్శకుడు సుందర్ సి గురించి కూడా ఆమె ప్రశంసలు కురిపించారు. గత 30 ఏళ్లుగా తమిళ చిత్ర పరిశ్రమలో కొనసాగుతూ, తమిళ సినిమాను పాన్ ఇండియా స్థాయికి తీసుకెళ్లడంలో ఆయన కీలక పాత్ర పోషించారని పేర్కొన్నారు.
2020లో విడుదలై విజయం సాధించిన ‘మూకుత్తి అమ్మన్’ సినిమాకు సీక్వెల్‌గా ‘మూకుత్తి అమ్మన్ 2’ రూపొందింది. సుందర్ సి దర్శకత్వం వహించిన ఈ డివోషనల్ కామెడీ చిత్రాన్ని ఇషారి కె. గణేశ్ నిర్మించారు. నయనతారతో పాటు ఖుష్బూ, స్నేహ కీలక పాత్రల్లో నటించారు. ఇప్పటికే షూటింగ్ పూర్తి చేసుకున్న ఈ సినిమా నవంబర్ 6న ప్రపంచవ్యాప్తంగా థియేటర్లలో విడుదల కానుంది.
ఈ సందర్భంగా నిర్మాత ఇషారి కె. గణేశ్‌కు రెజీనా ప్రత్యేకంగా ధన్యవాదాలు తెలిపారు. సినిమా పూజా కార్యక్రమాల నుంచి ప్రీ-రిలీజ్ ఈవెంట్ వరకు ప్రతి విషయాన్నీ ఎంతో గ్రాండ్‌గా నిర్వహించారని కొనియాడారు. భారీ బడ్జెట్‌తో మహిళా ప్రాధాన్య చిత్రాలను నిర్మించేందుకు ముందుకొచ్చే నిర్మాతలు తనలాంటి నటీమణులకు కొత్త ఆశను, ఆత్మవిశ్వాసాన్ని ఇస్తారని అన్నారు. మంచి కథలను నమ్మి ఇలాంటి సినిమాలు నిర్మించే నిర్మాతలకు అందరూ మద్దతుగా నిలవాలని రెజీనా కోరారు.
[Regina Cassandra, Mookuthi Amman 2, Regina Cassandra Villain Role, Nayanthara, Sundar C, Mookuthi Amman 2 Release Date, Ishari K Ganesh, Tamil Cinema]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగతనం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వరలో ఎవ‌రిక‌యినా అమ్మేసీ వచ్చిన సొమ్మును పిల్లలకు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
ఇలాంటి కొడుకు ఒక్కడుంటే చాలు.. కుటుంబం నిశ్చింతగా ఉండొచ్చు..!
ఏ ఇంటికైనా ఆ ఇంట్లోని పిల్లల ప్రవర్తనే వారి పరువు ప్రతిష్టలను నిర్ణయిస్తుంది. ముఖ్యంగా కొడుకు మంచివాడైతే ఆ తల్లిదండ్రుల సంతోషానికి అవధులు ఉండవు. సమాజంలో ఆ కుటుంబానికి ప్రత్యేకమైన గౌరవం లభిస్తుంది. అదే సమయంలో కొడుకు చెడు అలవాట్లకు బానిస అయితే మాత్రం ఆ ఇల్లు సమస్యల వలయంలో చిక్కుకుంటుంది. ఒక కుటుంబం ప్రశాంతంగా, సంతోషంగా సాగిపోవడానికి ఇంట్లోని పిల్లల ప్రవర్తనే మూలం అవుతుంది. మరీ ముఖ్యంగా.. కొడుకు ఎలా ఉండాలి? కొడుకు ఎలా ఉంటే ఆ కుటుంబం అంతా నిశ్చింతగా, అందరిలో గౌరవంగా ఉంటుందో వివరంగా తెలుసుకుంటే..
ఓ చక్కని ఉదాహరణ..
మన జీవితంలో కొన్ని విషయాలను చిన్న ఉదాహరణలతో అర్థం చేసుకోవడం చాలా సులభం. అడవిలో ఒకే ఒక చెట్టు ఎండిపోయి దానికి నిప్పు అంటుకుంటే, ఆ ఒక్క చెట్టు కారణంగా చుట్టుపక్కల ఉన్న పెద్ద అడవి మొత్తం కాలిపోతుంది. సరిగ్గా అలాగే, ఇంట్లో ఒకరు చెడు మార్గంలో నడిచినా లేదా చెడు అలవాట్లకు అలవాటు పడినా, అది ఆ ఒక్క వ్యక్తితో ఆగిపోదు. ఆ కుటుంబం మొత్తం పరువును, సమాజంలో వారికున్న గౌరవాన్ని మట్టిలో కలిపేస్తుంది. అందుకే పిల్లల చిన్ననాటి నుంచి వారి ప్రవర్తన ఎలా ఉందనే దానిపై ప్రత్యేక శ్రద్ధ పెట్టడం చాలా ముఖ్యం. చెడు స్నేహాలు, తప్పుదారి పట్టే అలవాట్లకు పిల్లలు దూరంగా ఉండేలా చూసుకోవడం తల్లిదండ్రులది, కుటుంబానిదే బాధ్యత.
కుటుంబానికి అండగా నిలిచే కొడుకు ఉంటే..
చీకటి రాత్రిలో చంద్రుడు తన వెలుతురుతో నలుదిక్కులా ప్రకాశాన్ని నింపినట్లుగా, ఒక మంచి సంస్కారమున్న కొడుకు తన కుటుంబం మొత్తానికి వెలుగునిస్తాడు. సమాజంలో ఎంతో మంచి పేరు తెచ్చిపెడతాడు. ఇక్కడ ఎక్కువ మంది పిల్లలు ఉండటం ముఖ్యం కాదు, ఉన్న ఒక్కరు చాలు కుటుంబానికి గర్వకారణంగా నిలవడానికి.
మంచి కొడుకులో ఉండాల్సిన లక్షణాలు..
తన జీవితానికి సంబంధించి సరైన నిర్ణయాలు తీసుకునే పరిపక్వత ఉండాలి. చదువు, కెరీర్ పరంగానూ సొంతంగా నిలదొక్కుకునే సామర్థ్యాన్ని పెంపొందించుకోవాలి. ప్రతిరోజూ కొత్త విషయాలు నేర్చుకుంటూ ముందుకు సాగాలి. కాలానికి తగినట్టుగా తనను తాను మార్చుకుంటూ, అడుగడుగునా సానుకూల దృక్పథంతో వ్యవహరించడం చాలా అవసరం.
కేవలం తన గురించి మాత్రమే కాకుండా, ఇంట్లోని పెద్దలను గౌరవించడం, వారి మనసులోని భావాలను అర్థం చేసుకోవడం చాలా ముఖ్యం. తల్లిదండ్రులు తమ జీవితాన్ని పిల్లల కోసం ధారపోస్తారు కాబట్టి, వారి వృద్ధ్యాప్యంలో వారికి అండగా ఉంటూ, వారి ప్రతి మాటకు విలువనివ్వాలి. ఇంట్లో చిన్న చిన్న విషయాలను కూడా అందరితో కలిసి పంచుకుంటూ, కుటుంబంలో సంతోషకరమైన వాతావరణాన్ని నెలకొల్పడంలో కీలక పాత్ర పోషించాలి.
కుటుంబానికి ఏదైనా కష్టకాలం వచ్చినప్పుడు వెనకడుగు వేయకుండా అందరికీ అండగా నిలబడాలి. ఆర్థికంగా లేదా మానసికంగా ఎలాంటి సమస్య ఎదురైనా ధైర్యంగా ఎదుర్కొని కుటుంబానికి భరోసా కల్పించాలి. అప్పట్లో తల్లిదండ్రులు పడిన కష్టాన్ని గుర్తిస్తూ, వారికి అన్ని విషయాల్లో చేదోడు వాదోడుగా ఉండటం ఒక బాధ్యతాయుతమైన కొడుకు లక్షణం.
ఎప్పుడూ నిజాయితీని, క్రమశిక్షణను పాటించడం ద్వారా చుట్టూ ఉన్నవారికి కూడా మంచి ప్రేరణగా నిలవాలి. సమాజంలో నలుగురితో కలిసిమెలిసి ఉండే తీరు, ఇతరులకు సహాయం చేసే గుణం ఆ కొడుకును మరింత ఎత్తుకు తీసుకెళ్తాయి. మంచి పనులతో, కష్టపడే తత్వంతో తన భవిష్యత్తును బంగారుమయం చేసుకుంటూ కుటుంబానికి అండగా నిలబడే కొడుకు ఉంటే ఏ తల్లిదండ్రులైనా ఎటువంటి టెన్షన్ లేకుండా నిశ్చింతగా జీవించవచ్చు.
*రూపశ్రీ.
ఇలా చేస్తే చాలు... పిల్లలు ఫోన్ పక్కన పెట్టి పుస్తకాలంటే ఇష్టపడతారు..!
ప్రస్తుత డిజిటల్ కాలంలో చిన్నారులను స్మార్ట్‌ఫోన్‌లు, టీవి, వీడియో గేమ్స్ నుండి దూరం చేయడం తల్లిదండ్రులకూ ఒక పెద్ద ఛాలెంజ్ గా మారింది. చాలామంది పిల్లలు పుస్తకాలు చదవడం అంటే కేవలం స్కూల్ హోమ్‌వర్క్ లేదా పరీక్షలకే పరిమితం అనుకంటున్నారు కూడా. దీనివల్ల వాళ్లకు పుస్తకాల మీద ఇష్టం తగ్గిపోయి, రోజంతా డిజిటల్ స్క్రీన్ల ముందే గడపడానికి అలవాటు పడుతున్నారు. అయితే కొన్ని సరైన పద్ధతులు పాటిస్తే పిల్లలు కూడా ఫోన్లను పక్కన పెట్టి పుస్తకాలు చదవడానకి, పుస్తకాలతో స్నేహం చేయడానికి ఇష్టపడతారు. ఆ పద్దులు ఏంటో వివరంగా తెలుసుకుంటే..
చదువు మీద ఇష్టాన్ని పెంచాలి..
పిల్లల్లో చదువుపై ఆసక్తి కలగాలంటే ముందుగా వారి ఆలోచనలు మార్చాలి, వారు చదివే విధానాన్ని బలంగా మార్చాలి. ఏదైనా విషయాన్ని బట్టీ పట్టడం కంటే దాన్ని సులభంగా అర్థం చేసుకునేలా వారిని ఎంకరేజ్ చేయాలి. క్లిష్టమైన విషయాలను సరైన ఉదాహరణలు, అందమైన బొమ్మలు , ఆసక్తికరమైన కథల ద్వారా వివరించాలి. అలాగే ఆటలు, పజిల్స్ , క్విజ్ వంటి సరదా కార్యకలాపాల ద్వారా వారికి చదువు మీద ఆసక్తి పెరిగేలా చేయాలి. ఎప్పుడైతే నేర్చుకోవడం అనేది ఒక ఆటలా మారుతుందో, అప్పుడు పిల్లలు తమంతట తామే పుస్తకాల వైపు ఆకర్షితులవుతారు.
జీవితానికి అన్వయించాలి..
చదువు అంటే కేవలం స్కూల్ పుస్తకాలు మాత్రమే కాదని, అది మన రోజువారీ జీవితంలో ప్రతి క్షణం ఉపయోగపడుతుందని పిల్లలకు తెలియజేయాలి. ఉదాహరణకు ఇంట్లో వంట చేసేటప్పుడు కూరగాయలు , పండ్ల పేర్లు పరిచయం చేయడం, షాపింగ్ చేసేటప్పుడు లెక్కలు నేర్పించడం, గడియారం చూసి సమయం చెప్పడం లేదా క్యాలెండర్ చూడటం వంటి చిన్న చిన్న విషయాలు నేర్చుకోవడాన్ని ఎంతో సులభతరం చేస్తాయి. తాము చదివే చదువు నిజ జీవితంలో ఎలా ఉపయోగపడుతుందో అర్థం చేసుకున్నప్పుడు పిల్లలు మరింత ఉత్సాహంగా పుస్తకాలు చదవడానికి ముందుకు వస్తారు.
మెల్లిగా అలవాటు చేయాలి..
పిల్లల్లో పుస్తకాలు చదివే అలవాటును క్రమం తప్పకుండా మెల్లిగా నేర్పించాలి. దీనికోసం ప్రతిరోజూ ఒక పది పదిహేను నిమిషాలు కేటాయించాలి. మొదట్లో రోజూ ఒక పేజీ చదవడం, ఒక కొత్త కథ తెలుసుకోవడం లేదా ఒక కొత్త పదం నేర్చుకోవడం వంటి చిన్న చిన్న లక్ష్యాలను పెట్టుకోవాలి. క్రమక్రమంగా ఈ అలవాటు వారి దినచర్యలో భాగమైపోతుంది. ఇలా రోజూ చదవడం వల్ల వారిలో విషయాలను గ్రహించే శక్తి పెరగడంతో పాటు వారి ఆత్మవిశ్వాసం కూడా రెట్టింపు అవుతుంది.
భయపెట్టకూడదు..
పిల్లలు తప్పులు చేయడం అనేది చాలా సహజం. వారిని ఎప్పుడూ కోప్పడటం లేదా భయపెట్టడం చేయకూడదు. బదులుగా వారు చేసిన తప్పుల నుంచి స్వయంగా వారే నేర్చుకునేలా మంచి వాతావరణం కల్పించాలి. తప్పు చేయడం అనేది నేర్చుకునే ప్రక్రియలో ఒక భాగమని ప్రేమగా అర్థం అయ్యేలా చెప్పాలి. అప్పుడప్పుడు చిన్న చిన్న సరదా ప్రశ్నలు అడగడం ద్వారా వారి ఆలోచనా విధానాన్ని ప్రోత్సహించాలి. దీనివల్ల పిల్లలు ఎలాంటి భయం లేకుండా కొత్త విషయాలను నేర్చుకోవడానికి ఆసక్తి చూపుతారు.
పెద్దల అలవాటుతోనే పిల్లలకు కూడా..
పిల్లలు ఎల్లప్పుడూ తమ పెద్దలు చేసే పనులనే చూసి నేర్చుకుంటారు. ఇంట్లో తల్లిదండ్రులు లేదా పెద్దలు పుస్తకాలు, వార్తాపత్రికలు చదవడం చూసి పెరిగితే పిల్లలపై దాని ప్రభావం బలంగా పడుతుంది. అందుకే ఇంట్లో ఒక చిన్న రీడింగ్ కార్నర్ ఏర్పాటు చేసి, అక్కడ రంగురంగుల కథల పుస్తకాలు , బొమ్మల పుస్తకాలు ఉంచాలి. అప్పుడప్పుడు పిల్లలతో కలిసి కూర్చుని పుస్తకాలు చదివి, ఆ కథల గురించి చర్చించాలి. ఇలాంటి చిన్న ప్రయత్నాలతో పిల్లలు మొబైల్ ఫోన్లను పక్కన పెట్టి పుస్తకాలతో సంతోషంగా కాలం గడపడం ప్రారంభిస్తారు.
*రూపశ్రీ.
మన సమాజంలో చాలామంది ఎదుర్కొనే అతిపెద్ద సమస్యల్లో మొహమాటం ఒకటి. ఎదుటివారు ఏది అడిగినా, ఏ పని చెప్పినా కాదనలేక, మనసులో ఇష్టం లేకపోయినా సరే.. పైకి తల ఊపే అలవాటు చాలామందికి ఉంటుంది. అవతలివారు ఎక్కడ బాధపడతారో, ఎక్కడ తమపై చెడు అభిప్రాయం ఏర్పడుతుందో అనే భయంతో ప్రతీదానికీ అవును అని చెప్పడం వల్ల జీవితంలో ఎన్నో కష్టాలను, మనశ్శాంతి లేని పరిస్థితులను ఎదుర్కోవాల్సి వస్తుంది. ఎప్పుడూ అందరినీ సంతోషపెట్టడానికి ప్రయత్నించడం వల్ల మన సొంత లక్ష్యాలు, ఆత్మగౌరవంతో పాటు సమయం కూడా వృథా అవుతాయి. జీవితంలో విజయం సాధించాలన్నా, సమాజంలో గౌరవంగా బతకాలన్నా కొన్ని పరిస్థితుల్లో నిర్మొహమాటంగా కాదు అని చెప్పడం చాలా అవసరం.
గొప్ప రాజనీతిజ్ఞుడు, తత్త్వవేత్త అయిన ఆచార్య చాణక్యుడు తన చాణక్య నీతిలో కూడా ఇదే విషయాన్ని స్పష్టంగా వివరించారు. మంచికి కూడా ఒక హద్దు ఉంటుందని, అందరికీ అన్నింటికీ అవును అని చెప్పడం వల్ల జీవితం నాశనమవుతుందని ఆయన తెలిపారు. ఏ ఏ సమయాల్లో ధైర్యంగా కాదని చెప్పాలో చాణక్యుడు తెలిపాడు. ఆ విషయాలేంటో, అలాంటి పరిస్థితులలో కాదని చెప్పడం వల్ల జరిగేదేంటో తెలుసుకుంటే..
తప్పుడు పనులు లేదా అన్యాయం జరుగుతున్నప్పుడు..
ఎవరైనా మిమ్మల్ని ఏదైనా తప్పు పని చేయమని ప్రేరేపిస్తున్నప్పుడు లేదా అన్యాయపు పనులు చేయానికి సహాయపడమని ఒత్తిడి తెస్తున్నప్పుడు ఏమాత్రం ఆలోచించకుండా వెంటనే కాదు అని చెప్పాలి. ఎవరి ఒత్తిడికో లొంగిపోయి తప్పు పనికి సహకరించినట్లయితే, ఆ తప్పు చేసిన వారితో సమానంగా మనమూ బాధ్యులమవుతాము. ఇతరుల ప్రభావంతో తప్పుడు మార్గంలోకి వెళ్లడం జీవితంలో పెద్ద ప్రమాదాలకు దారితీస్తుంది.
అబద్ధాలు చెప్పాల్సి వచ్చినప్పుడు..
సరదాకి కూడా అబద్ధాలు చెప్పడం మంచిది కాదు. ఎవరైనా తమ స్వార్థం కోసం మిమ్మల్ని అబద్ధం చెప్పమని అడిగితే, నిర్భయంగా కాదనాలి. అబద్ధానికి తోడుగా ఉండటం అంటే ఒక రకమైన నేరంలో భాగస్వామి కావడమే అవుతుంది. అబద్ధాన్ని సమర్థించడం లేదా దానికి సహకరించడం వల్ల మన వ్యక్తిత్వం దెబ్బతింటుంది.
దొంగతనం లేదా అక్రమార్జన..
దొంగతనం లేదా అక్రమ మార్గాల్లో లాభం పొందే సలహాలు వచ్చినప్పుడు ఖచ్చితంగా దూరంగా ఉండాలి. ఎలాంటి చిన్న దొంగతనానికైనా లేదా అక్రమ సంపాదనకు సహకరించమని ఎవరైనా కోరితే వెంటనే వద్దని చెప్పాలి. అక్రమ మార్గాల్లో సంపాదించే ధనం లేదా పొందే లాభం ఎప్పటికైనా పతనానికే కారణమవుతుంది. ఇందులో భాగస్వామి అయినవారు తమ జీవితాన్ని తామే స్వయంగా నాశనం చేసుకున్నట్లవుతుంది.
స్వార్థపరుల దగ్గర..
ఇతరులు స్వార్థంతో మిమ్మల్ని వాడుకుంటున్నారని అనిపించినప్పుడు నో చెప్పడం నేర్చుకోవాలి. సమాజంలో కొందరు వ్యక్తులు కేవలం తమ పనులు జరగాలనే ఆలోచనతో మాత్రమే మన మంచి తనాన్ని వాడుకుంటూ ఉంటారు. అలాంటి వారిని గుర్తించి, అలాంటి వారికి దూరంగా ఉండాలి. మిమ్మల్ని ఆయుధంగా వాడుకునే వారికి పదే పదే అవును అని చెప్పడం వల్ల మీ విలువ తగ్గడమే కాకుండా, మిమ్మల్ని చులకనగా చూసే అవకాశం ఉంది.
సామర్థ్యానికి మించిన, అనవసరమైన బాధ్యతలలో..
ఎవరైనా అనవసరమైన లేదా సామర్థ్యానికి మించిన బాధ్యతలను మోపినప్పుడు కాదని చెప్పాలి. మీ పరిధిలో లేని, మీకు ఏమాత్రం కుదరని లేదా ఇష్టం లేని పనులను ఇతరులు మీపై రుద్దాలని చూస్తే వెంటనే నైస్‌గా కాదని చెప్పడం శ్రేయస్కరం. బాధ్యతారాహిత్యంగా ఉన్నవారి పనులను నెత్తిన వేసుకోవడం వల్ల మీ సొంత పనులు దెబ్బతింటాయి, ఒత్తిడి పెరుగుతుంది.
కాబట్టి జీవితంలో మొహమాటానికి పోయి ప్రతీదానికీ తల ఊపడం చాలా పెద్ద తప్పు. అవసరమైన చోట సరైన సమయంలో కాదు అని చెప్పడం వ్యతిరేకంగా మాట్లాడటం లేదా ఎదుటివారిని నొప్పించడం కాదు, అది మీ ఆత్మగౌరవాన్ని, సమయాన్ని , భవిష్యత్తును కాపాడుకునే ఒక గొప్ప విచక్షణ. చాణక్యుడి ఈ నీతి సూత్రాలను పాటించడం ద్వారా జీవితంలో అనవసరమైన చిక్కుల నుంచి బయటపడి సాఫీగా విజయం వైపు సాగిపోవచ్చు.
*రూపశ్రీ
మన శరీరం ఆరోగ్యంగా ఉండాలంటే ప్రతి అవయవం తన బాధ్యతను తాను సరిగ్గా నిర్వర్తించడం ఎంత ముఖ్యమో, అలాగే మనం తీసుకునే ఆహారంలో పోషకాలు సరిపడా ఉండటం కూడా అంతే అవసరం. మనం రోజూ తినే తిండి మన ఆరోగ్యంపై ఎంతో ప్రభావం చూపుతుంది. అయితే చాలామంది విటమిన్లు లేదా పోషకాలు తక్కువైతే నీరసం రావడం, రక్తం పడిపోవడం లేదా చర్మం , కళ్ళు బలహీనపడటం మాత్రమే జరుగుతుందని అనుకుంటారు. కానీ మన శరీరంలో అత్యంత కీలకమైన భాగమైన లివర్.. దీన్నే కాలేయం అని అంటారు. కాలేయం ఆరోగ్యం కూడా కొన్ని విటమిన్ల ఆధారంగా ఉంటుంది. అసలు కాలేయం చేసే పని ఏమిటి? ఏ విటమిన్లు లోపిస్తే కాలేయం దెబ్బతింటుంది? వివరంగా తెలుసుకుంటే..
శరీరంలో లివర్ పాత్ర..
మన శరీరంలో లివర్ చేసే పనులు అన్నీ ఇన్నీ కావు. మనం తిన్న ఆహారాన్ని సరిగ్గా జీర్ణం చేయడంలో, శరీరంలో పేరుకుపోయే వ్యర్థాలను , హానికారక పదార్థాలను బయటకు పంపడంలో, శరీరానికి కావలసిన శక్తిని నిల్వ చేయడంలో లివర్ ప్రధాన పాత్ర పోషిస్తుంది. అలాగే ఎన్నో రకాల ముఖ్యమైన ప్రొటీన్లను కూడా ఇదే తయారు చేస్తుంది. అయితే శరీరంలో కొన్ని రకాల విటమిన్ల లోపం ఏర్పడినప్పుడు అది నేరుగా లివర్ ఆరోగ్యంపై ప్రభావం చూపుతుంది. మరోవైపు లివర్‌కు సంబంధించిన సమస్యలు ఏవైనా వస్తే, అప్పుడు శరీరం విటమిన్లను సరిగ్గా గ్రహించలేకపోతుంది. దీనివల్ల సమస్య మరింత జటిలమయ్యే అవకాశం ఉంటుంది. ఆ విటమిన్లు ఏమిటో తెలుసుకుంటే..
విటమిన్-ఎ..
శరీరంలో విటమిన్ ఎ లోపం ఏర్పడితే అది కంటి చూపు తగ్గడం, చర్మం పొడిబారడం వంటి సమస్యలకే పరిమితం కాకుండా లివర్ ఆరోగ్యంపై కూడా ప్రభావం చూపుతుంది. మన శరీరంలో ఉండే మొత్తం విటమిన్ ఎ నిల్వల్లో దాదాపు ఎనబై నుంచి తొంభై శాతం వరకు లివర్‌లోనే ప్రత్యేక కణాలలో నిల్వ ఉంటుంది. కాబట్టి లివర్ పనితీరు మందగిస్తే విటమిన్ ఎ నిల్వలు కూడా దెబ్బతింటాయి. అలాగే ఎముకలు , కండరాల బలానికి ఎంతగానో ఉపయోగపడే విటమిన్ డి లోపం కూడా లివర్ సమస్యలు ఉన్నవారిలో ఎక్కువగా కనిపిస్తుంటుంది. శరీరంలో విటమిన్ డి తక్కువైతే అది లివర్‌లో వాపు రావడానికి , కణజాలం దెబ్బతినే ప్రమాదాన్ని పెంచుతుంది.
విటమిన్-ఇ..
శరీరంలో కణాలను ఆక్సీడేటివ్ నష్టం నుంచి రక్షించడంలో విటమిన్ ఇ ఎంతగానో సహాయపడుతుంది. శరీరంలో కొవ్వు సరిగ్గా శోషణం కాకపోవడం లేదా కొన్ని రకాల దీర్ఘకాలిక లివర్ సమస్యలు ఉన్నప్పుడు విటమిన్ ఇ లోపం ఏర్పడే అవకాశం ఉంది. ఈ విటమిన్ తగినంత ఉంటే లివర్‌లో వచ్చే వాపును , కణాలకు జరిగే నష్టాన్ని కొంతవరకు తగ్గించడానికి వీలవుతుంది.
విటమిన్-కె..
రక్తం గడ్డకట్టడానికి సహాయపడే ప్రొటీన్ల తయారీలో విటమిన్ కే ప్రధాన పాత్ర పోషిస్తుంది. ఒకవేళ ఈ విటమిన్ లోపిస్తే చిన్న గాయాలైనప్పటికీ రక్తం త్వరగా గడ్డకట్టదు. శరీరంలో పిత్తరసం సక్రమంగా ప్రవహించకపోయినా లేదా కొవ్వు పదార్థాలు సరిగ్గా ఒంటబట్టకపోయినా విటమిన్ కే లోపం తలెత్తుతుంది.
మొత్తంగా చెప్పాలంటే లివర్ ఆరోగ్యంగా ఉండాలన్నా, లేదా లివర్ తన విధులను సక్రమంగా నిర్వర్తించాలన్నా శరీరానికి అవసరమైన విటమిన్లు సరైన పాళ్ళలో అందడం చాలా ముఖ్యం. ఏ చిన్న ఆరోగ్య సమస్య కనిపించినా నిర్లక్ష్యం చేయకుండా సమతుల్య ఆహారాన్ని తీసుకోవడం , అవసరమైన వైద్య పరీక్షలు చేయించుకోవడం ద్వారా కాలేయాన్ని ఆరోగ్యంగా కాపాడుకోవచ్చు.
*రూపశ్రీ.
వేసవి కాలం వెళ్ళిపోయి చలికాలం వైపు అడుగులు వేస్తున్న సమయంలో మార్కెట్లోకి విరివిగా వచ్చే పండ్లలో సీతాఫలం ఒకటి. పైకి బొడిపెల్లా ఉంటూ, లోపల గుజ్జుతో ఎంతో తియ్యగా ఉండే ఈ పండును చాలామంది ఇష్టంగా తింటారు. రుచిలోనే కాదు, ఆరోగ్య ప్రయోజనాల్లోనూ సీతాఫలం ఎంతో ముందుంటుంది. మరి ఈ సీజన్లో దొరికే సీతాఫలాలను ఎవరు తినాలి? రోజుకు ఎన్ని తినాలి? దీనివల్ల శరీరానికి కలిగే లాభాలు ఏమిటో ఇప్పుడు వివరంగా తెలుసుకుంటే..
సీతాఫలం ఎవరు తినాలి?
చిన్న పిల్లల నుంచి ముసలివాళ్ల వరకు అందరూ సీతాఫలాలు తినవచ్చు. ముఖ్యంగా ఎల్లప్పుడూ నీరసంగా ఉండేవాళ్లకు, త్వరగా అలసిపోయే వాళ్లకు ఇవి చాలా మంచివి. బరువు పెరగాలనుకునే వాళ్లకు, రోగ నిరోధక శక్తి తక్కువగా ఉన్న వాళ్లకు ఈ పండు చక్కటి ఆహారం. అయితే షుగర్ వ్యాధి ఉన్నవాళ్లు మాత్రం డాక్టర్ సలహా మేరకు తక్కువ మోతాదులో తీసుకోవడం మంచిది.
రోజుకు ఎన్ని తినాలి?
ఏదైనా సరే అతిగా తింటే నష్టమే కలుగుతుంది. సీతాఫలాలు తియ్యగా, కేలరీలు ఎక్కువగా ఉంటాయి కాబట్టి రోజుకు ఒకటి లేదా రెండు పండ్లు తింటే సరిపోతుంది. అంతకంటే ఎక్కువ తింటే బరువు పెరిగే అవకాశం ఉంటుంది. అలాగే జీర్ణ సమస్యలు ఉన్నవాళ్లు మితంగా తినడం చాలా ముఖ్యం.
సీతాఫలాల వల్ల కలిగే బెనిఫిట్స్..
శక్తిని ఇస్తుంది..
రోజంతా పని చేసి అలసిపోయిన వాళ్లకు సీతాఫలం తింటే తక్షణ శక్తి వస్తుంది. ఇందులో ఉండే సహజమైన చక్కెరలు శరీరానికి కావాల్సిన ఎనర్జీని అందిస్తాయి.
గుండె ఆరోగ్యాన్ని కాపాడుతుంది..
ఈ పండులో పొటాషియం, మెగ్నీషియం సమృద్ధిగా ఉంటాయి. ఇవి రక్తపోటును అదుపులో ఉంచడానికి సహాయపడతాయి. గుండె జబ్బులు రాకుండా కాపాడుకోవడానికి ఇవి తోడ్పడతాయి.
జీర్ణ శక్తి మెరుగుపడుతుంది..
సీతాఫలాలలో పీచు పదార్థం ఎక్కువశాతంలో ఉంటుంది. ఇది కడుపును శుభ్రం చేయడానికి, మలబద్ధకం సమస్యను తగ్గించడానికి ఎంతో సహాయపడుతుంది. జీర్ణవ్యవస్థ సాఫీగా పనిచేసేలా చేస్తుంది.
రోగ నిరోధక శక్తి పెరుగుతుంది..
ఈ పండ్లలో విటమిన్ సి పుష్కలంగా ఉంటుంది. ఇది శరీరంలో రోగ నిరోధక శక్తిని పెంచి, సీజనల్ వ్యాధులు, జలుబు, దగ్గు వంటివి రాకుండా రక్షణ ఇస్తుంది.
చర్మం, జుట్టు అందంగా ఉంటాయి..
విటమిన్ ఎ, యాంటీ ఆక్సిడెంట్లు ఉండటం వల్ల సీతాఫలాలు చర్మానికి మంచి మెరుపును ఇస్తాయి. జుట్టు రాలే సమస్యను తగ్గించి, కుదుళ్లను బలంగా ఉంచడంలో సహాయపడతాయి.
ఎముకలు బలపడతాయి..
కాల్షియం, మెగ్నీషియం ఉండటం వల్ల ఎముకలు దృఢంగా మారుతాయి. కీళ్ల నొప్పులతో బాధపడే వాళ్లకు సీతాఫలం మంచి ఆహారం.
మొత్తానికి సీతాఫలం కేవలం రుచికరమైన పండు మాత్రమే కాదు, ఆరోగ్యానికి ఎంతో మేలు చేసే దివ్యౌషధం. ఈ సీజన్లో దొరికే ఈ అద్భుతమైన పండును అస్సలు మిస్ కాగండి.
* రూపశ్రీ.
.webp)
కిడ్నీలో రాళ్లు (Kidney Stones) ఏర్పడటం వల్ల నడుము నొప్పి, మూత్ర విసర్జనలో ఇబ్బంది, మంట వంటి సమస్యలు ఎదురవుతుంటాయి. ఇలాంటి సమస్యలకు పిండికూర (కొండపిండి) ఉపయోగపడుతుందని చాలామంది చెబుతుంటారు. మరి పిండికూరలో ఉండే ఔషధ గుణాలు ఏమిటి? కిడ్నీలో రాళ్లు, గాల్‌బ్లాడర్‌లో రాళ్లు, మూత్ర సంబంధిత సమస్యల విషయంలో ఈ ఆకు పాత్ర ఏమిటి? కిడ్నీల ఆరోగ్యాన్ని కాపాడుకోవడంలో ఇది నిజంగా సహాయపడుతుందా?
ఈ వీడియోలో యునాని వైద్య నిపుణులు డాక్టర్ ఎస్.జి.వి. సత్య గారు పిండికూర (Konda Pindi) గురించి వివరించారు. Erva lanata అనే శాస్త్రీయ నామంతో గుర్తించే ఈ మొక్కను సంప్రదాయ వైద్యంలో ఎలా ఉపయోగిస్తారు? మూత్ర వ్యవస్థకు సంబంధించి ఈ ఆకుకు ఉన్న ప్రాధాన్యత ఏమిటి? కిడ్నీల ఆరోగ్యానికి సంబంధించి పిండికూర గురించి ప్రచారంలో ఉన్న విషయాలను ఎలా అర్థం చేసుకోవాలి? వంటి అంశాలను ఈ వీడియోలో తెలుసుకోవచ్చు.
కిడ్నీలో రాళ్లు ఎందుకు ఏర్పడతాయి? వాటి పరిమాణం, రకం, స్థానం ఆధారంగా చికిత్స ఎలా మారుతుంది? పిండికూర కిడ్నీలో రాళ్ల సమస్యలో ఏ విధంగా ఉపయోగపడుతుందని సంప్రదాయ వైద్యంలో భావిస్తారు? అలాగే గాల్‌స్టోన్స్ (Gallstones) అని పిలిచే పిత్తాశయ రాళ్లకు, మూత్ర సంబంధిత సమస్యలకు ఈ మొక్కకు ఉన్న సంబంధం గురించి డాక్టర్ వివరాలను ఈ వీడియోలో తెలుసుకోవచ్చు.
అంతేకాకుండా, కిడ్నీల పనితీరును అంచనా వేయడంలో ముఖ్యమైన GFR (Glomerular Filtration Rate) అంటే ఏమిటి? కిడ్నీలు రక్తాన్ని ఎంత సమర్థంగా వడపోస్తున్నాయో తెలుసుకోవడానికి ఈ పరీక్ష ఎందుకు ఉపయోగపడుతుంది? GFR విలువలు కిడ్నీల ఆరోగ్యం గురించి ఎలాంటి సమాచారాన్ని అందిస్తాయి? అనే ముఖ్యమైన విషయాలను కూడా ఈ వీడియోలో వివరించారు.
పిండికూర వంటి ఆకులను సంప్రదాయ వైద్యంలో ఉపయోగించే విధానాల గురించి తెలుసుకోవడంతో పాటు, కిడ్నీ సమస్యలు ఉన్నవారు వైద్యుల సలహా ఎందుకు తీసుకోవాలి? అనే విషయాన్ని కూడా గుర్తుంచుకోవాలి. పిండికూర కిడ్నీలో రాళ్లను కరిగిస్తుందని నిర్ధారించే బలమైన వైద్య ఆధారాలు పరిమితంగా ఉన్నాయి. కాబట్టి కిడ్నీ రాళ్ల చికిత్సకు బదులుగా దీనిని ఉపయోగించకూడదు. వైద్యుల సూచన లేకుండా మందులను ఆపడం లేదా మూలికా చికిత్సను ప్రారంభించడం మంచిది కాదు.
కిడ్నీలో రాళ్లు, పిత్తాశయ రాళ్లు, మూత్ర సంబంధిత సమస్యలు, GFR విలువలు, పిండికూర సంప్రదాయ ఉపయోగాల గురించి మరింత తెలుసుకోవడానికి డాక్టర్ ఎస్.జి.వి. సత్య గారి ఈ వీడియోను చూడండి.