పాజిటివ్ వైబ్ ప్రొడక్షన్ బ్యానర్ లో తెరకెక్కిన లవ్ అండ్ రొమాంటిక్ ఎంటర్టైనర్ 'రవికుల రఘురామ'. శ్రీధర్ వర్మ సాగి నిర్మాణంలో, డైరెక్టర్ చంద్రశేఖర్ కానూరి దర్శకత్వంలో ఈ చిత్రం రూపొందించబడింది.

యువ హీరో గౌతమ్ సాగి, అందాల భామ దీప్శిఖా జంటగా నటిస్తున్నారు. మంచి కథను ఎంచుకొని, వినోదభరితమైన చిత్రాన్ని అందించడమే లక్ష్యంగా ఎంతో కష్టపడినట్లు చిత్ర బృందం చెబుతోంది. డైరెక్టర్ చంద్రశేఖర్ తన సృజనాత్మకత మొత్తం జోడించి ఈ కథకి ప్రాణం పోశారని, అలాగే హీరో హీరోయిన్లు కూడా మంచి పెర్ఫామెన్స్ అందించారని మేకర్స్ చెబుతున్నారు.

సుకుమార్ పమ్మి ఈ చిత్రానికి సంగీతం అందిస్తున్నారు. ఈ సినిమాకి ఆయన మ్యూజిక్ హైలైట్ గా నిలవనుందని చెబుతున్నారు. సుకుమార్ స్వరపరిచిన అద్భుతమైన పాటలు సినిమా పట్ల ప్రేక్షకుల్లో ఆసక్తిని పెంచాయి. ముఖ్యంగా ఇటీవల ఈ చిత్రం నుంచి దర్శకుడు పరశురామ్ చేతుల మీదుగా విడుదలైన 'చందమామే' అనే బ్యూటిఫుల్ మెలోడీ సాంగ్ ఆకట్టుకుంది.

ఎక్కడా రాజీ పడకుండా నిర్మాత శ్రీధర్ వర్మ ఈ సినిమాను పాజిటీవ్ వైబ్స్ ప్రొడక్షన్స్ లో నిర్మించారు. యూత్ కు కనెక్ట్ అయ్యే అనేక అంశాలు ఈ సినిమాలో ఉన్నాయని, అలాగే ఫ్యామిలీ ఆడియన్స్ కూడా ఎంజాయ్ చేసే విధంగా దర్శకుడు చంద్రకాంత్ కానూరి ఈ సినిమాను తెరకెక్కించారని అంటున్నారు. అన్ని పోస్ట్ ప్రొడక్షన్ కార్యక్రమాలు పూర్తి చేసుకున్న ఈ చిత్రం మార్చి 15న ప్రపంచ వ్యాప్తంగా థియేటర్స్ లో విడుదల కానుంది.