సూపర్‌స్టార్‌ రజినీకాంత్‌ 73వ పుట్టినరోజును జరుపుకుంటున్న విషయం తెలిసిందే. కోలీవుడ్‌, టాలీవుడ్‌, బాలీవుడ్‌ అనే తేడాలు లేకుండా ఎంతో మంది సినీ, రాజకీయ ప్రముఖులు తలైవర్‌కి పుట్టినరోజు శుభాకాంక్షలు తెలియజేస్తున్నారు. ఈ సందర్భాన్ని పురస్కరించుకొని తలైవా 170 సినిమాకి సంబంధించిన టైటిల్‌ టీజర్‌ను విడుదల చేసింది చిత్ర యూనిట్‌. టిజె జ్ఞానవేల్‌ దర్శకత్వంలో లైకా ప్రొడక్షన్స్‌ పతాకంపై సుభాస్కరన్‌ నిర్మిస్తున్న రజినీ 170 సినిమా టైటిల్‌ ‘వెట్టయాన్‌’. ఈ సినిమా టైటిల్‌ టీజర్‌ సూపర్‌స్టార్‌ రేంజ్‌కి తగ్గట్టుగానే ఎంతో స్టైలిష్‌గా ఉంది. 73 ఏళ్ళ వయసులో అదే ఎనర్జీతో స్క్రీన్‌ ప్రజెన్స్‌ ఇస్తూ అభిమానులను మెస్మరైజ్‌ చేస్తున్నారు రజనీ. అనిరుధ్‌ రవిచందర్‌ బ్యాక్‌గ్రౌండ్‌ స్కోర్‌ కూడా ఎంతో స్టైలిష్‌గా అనిపించింది. తప్పకుండా ఈ సినిమా కూడా రజనీ కెరీర్‌లో మరో బ్లాక్‌బస్టర్‌ అవుతుందన్న నమ్మకం ఉందని అభిమానులు సంతోషంగా చెబుతున్నారు.