అభిషేక్ పచ్చిపాల, నజియ ఖాన్, జబర్దస్త్ ఫణి మరియు సతీష్ సారిపల్లి ముఖ్య పాత్రల్లో నటించిన సినిమా "జస్ట్ ఎ మినిట్ ". పూర్ణస్ యశ్వంత్ దర్శకత్వంలో రెడ్ స్వాన్ ఎంటర్టైన్మెంట్, కార్తీక్ ధర్మపురి ప్రెజెంట్స్ బ్యానర్లపై అర్షద్ తన్వీర్, డా. ప్రకాష్ ధర్మపురి నిర్మిస్తున్నారు. ప్రేమికుల రోజు సంద్భంగా ఇవాళ ఈ సినిమా నుంచి రెండోవ సాంగ్ ను రిలీజ్ చేశారు మేకర్స్.

ఈ సందర్భంగా దర్శకుడు పూర్ణస్ యశ్వంత్ మాట్లాడుతూ.. "గతంలో మేం రిలీజ్ చేసిన ఫస్ట్ లుక్‌ కి చాలా మంచి స్పందన లభించింది. తర్వాత టీజర్ కి కూడా అద్భుతమైన రెస్పాన్స్ వచ్చింది. టీజర్ చూసిన ప్రతి ఒక్కరూ పాజిటివ్ కామెంట్స్ ఇస్తూ, కాన్సెప్ట్ డిఫరెంట్ గా ఉంది అని మెచ్చుకోవడం మాకు మంచి ధైర్యాన్నిస్తోంది. అతి త్వరలో ట్రైలర్ ని కూడా రిలీజ్ చేయబోతున్నాం. ట్రైలర్లో మరిన్ని ఇంట్రెస్టింగ్ ఎలిమెంట్స్ రివీల్ అవుతాయి.  గతంలో ఎన్నో అద్భుతమైన పాటలు పాడిన హైమత్ గారు ఈ సాంగ్ పాడడం సాంగ్ కి చాలా ప్లస్ అయ్యింది. అలాగే రాంబాబు గోసాల గారి సాహిత్యం యువతని ఎంతగానో అలరిస్తుంది." అన్నారు.

ప్రొడ్యూసర్స్ మాట్లాడుతూ.. "ఫస్ట్ లుక్, టీజర్‌కి వస్తున్న ఆదరణ మాకు చాలా ఉత్సాహాన్నిచ్చింది. ఇలాగే ప్రేక్షకుల ఆదరణ మా "జస్ట్ ఎ మినిట్ " సినిమా పైన, మా పైన ఉండాలని.. సినిమాను మంచి సక్సెస్ చేయాలని కోరుకుంటున్నాము." అన్నారు.

ఇషిత, వినీషా, కుషి భట్, నాగిరెడ్డి తదితరులు నటిస్తున్న ఈ చిత్రానికి యస్. కె భాజీ సంగీతం అందిస్తుండగా.. సినిమాటోగ్రాఫర్ గా అమీర్, ఆర్ట్ డైరెక్టర్ గా శేఖర్ ఇప్పకాయల, ఎడిటర్ గా దుర్గ నరసింహ వ్యవహరిస్తున్నారు.