ఈ రోజుల్లో ఒక సినిమా ఎంత పాజిటివ్ టాక్ ని సంపాదించుకున్నా కూడా ఆ సినిమా మహా అయితే ఒక నెల రోజులు ఆడుతుంది. ఇంకా గట్టిగా చెప్పుకోవాలంటే 50  రోజులని పూర్తి చేసుకుంటుంది.  కానీ 100  రోజులు అనేది గగనమైపోతుంది. ఇంక అంతకంటే ఎక్కువ రోజులు ఆడాలని ఆలోచిస్తే అత్యాశ అవుతుందేమో అన్నట్టుగా ప్రస్తుత పరిస్థితి ఉంది.  మరి అలాంటిది బాలకృష్ణ సినిమా ఇప్పుడు ఫిఫ్టీ డేస్,హండ్రెడ్ డేస్ కాదు ఏకంగా సంవత్సరం రోజులు ఆడి సరికొత్త  రికార్డుని సృష్టించింది.

నందమూరి బాలకృష్ణ ,గోపిచంద్ మలినేని కాంబినేషన్ లో వచ్చిన మూవీ వీరసింహారెడ్డి. 2024  సంక్రాంతి కానుకగా జనవరి 11 న వచ్చిన ఈ మూవీ  విడుదలైన  అన్నిచోట్ల ఘన విజయాన్ని సాధించడంతో పాటుగా బాలకృష్ణ కెరీర్ లోనే అత్యధిక కలెక్షన్స్ ని రాబట్టిన చిత్రంగా నిలిచింది. ఇప్పుడు ఈ వీరసింహారెడ్డి ఆంధ్రప్రదేశ్ కర్నూల్ జిల్లా ఆలూరు లోని SLNS  థియేటర్ లో  నిన్నటితో  365  రోజులు పూర్తి చేసుకొని కనివిని ఎరుగని రికార్డు సృష్టించింది. పైగా రోజు ఎలాంటి షిఫ్ట్ లు లేకుండా రోజు నాలుగు ఆటలతో  ఒకే థియేటర్ లో సంవత్సరం ఆడింది. తెలుగు చలన చిత్ర పరిశ్రమకి సంబంధించి ఇదొక నయా రికార్డు అని చెప్పవ్బచ్చు. 

వీరసింహారెడ్డి ఈ స్థాయిలో ఘనవిజయం సాధించడానికి ప్రధాన కారణం వన్ అండ్ ఓన్లీ నందమూరి నట సింహం బాలకృష్ణ. ఈ మూవీ లో  తాను పోషించిన రెండు పాత్రల్లోను బాలయ్య  విజృభించి నటించాడు.ముఖ్యంగా వీరసింహారెడ్డి క్యారక్టర్ లో చెల్లెలి సంతోషం కోసం తన ప్రాణాలని కూడా నవ్వుతు ఇచ్చే క్యారక్టర్ లో బాలయ్య నటన ప్రతి ఒక్కరిని కంట తడిపెట్టించింది.అలాగే తన ఊరి బాగు కోసం ఎంత వరకైనా వెళ్లే వీరోచిత్యం కూడా ప్రేక్షుకులని కట్టి పడేసింది. మైత్రి మూవీ మేకర్స్ పై నిర్మాణం జరుపుకున్న వీరసింహారెడ్డి లో శృతి హాసన్, హనీ రోజ్,వరలక్ష్మి శరత్ కుమార్,దునియా విజయ్ తదితరులు నటించారు. థమన్ సంగీత దర్శకుడుగా వ్యవహరించాడు. ఇక వీరసింహారెడ్డి వన్ ఇయర్ ఆడటం పట్ల నందమూరి అభిమానులు అయితే జై బాలయ్య అంటు తమ  ఆనందాన్ని వ్యక్తం చేస్తున్నారు.