'గబ్బర్ సింగ్' వంటి బ్లాక్ బస్టర్ తర్వాత పవర్ స్టార్ పవన్ కళ్యాణ్, డైరెక్టర్ హరీష్ శంకర్ కాంబినేషన్ లో రూపొందుతోన్న చిత్రం 'ఉస్తాద్ భగత్ సింగ్'. మైత్రి మూవీ మేకర్స్ నిర్మిస్తున్న ఈ సినిమాపై భారీ అంచనాలు ఉన్నాయి. తాజాగా ఈ చిత్రం నుంచి ఫ్యాన్స్ కి ఫీస్ట్ లాంటి పోస్టర్ వచ్చింది. (Ustaad Bhagat Singh)

పవన్ కళ్యాణ్ పుట్టినరోజు(సెప్టెంబర్ 2) సందర్భంగా తాజాగా ఈ చిత్రం నుండి ఓ సాంగ్ స్టిల్ తో ప్రత్యేక పోస్టర్ ను విడుదల చేశారు. త్రీ పీస్ సూట్ మరియు టోపీ ధరించి పవన్ కళ్యాణ్ చాలా అందంగా కనిపిస్తున్నారు. ప్రస్తుతం ఈ పోస్టర్ సోషల్ మీడియాలో వైరల్ అవుతోంది. పవన్ కళ్యాణ్ అంటేనే స్టైల్, స్వాగ్ కు పెట్టింది పేరు. తాజాగా విడుదలైన ఈ పోస్టర్.. వింటేజ్ పవర్ స్టార్ ని గుర్తు చేస్తోంది. (Pawan Kalyan)

'ఉస్తాద్ భగత్ సింగ్' అనేది 'గబ్బర్ సింగ్' కాంబోలో వస్తున్న మూవీ. పైగా ఇప్పటిదాకా విడుదలైన గ్లింప్స్, పోస్టర్లు అన్నీ ఆకట్టుకున్నాయి. అయినప్పటికీ ప్రస్తుతం 'ఓజీ' ఫీవర్ లో ఉన్న ఫ్యాన్స్.. 'ఉస్తాద్ భగత్ సింగ్'ని పూర్తిస్థాయిలో పట్టించుకోవట్లేదు. అలాంటిది ఇప్పుడు ఒకే ఒక్క పోస్టర్.. ఒక్కసారిగా అందరి దృష్టి దీనిపై పడేలా చేసింది. ఫ్యాన్స్ కి 'గబ్బర్ సింగ్' లాంటి మరో మెమొరబుల్ ఫిల్మ్ హరీష్ శంకర్ ఇస్తాడనే నమ్మకాన్ని ఈ పోస్టర్ కలిగిస్తోంది.

'ఉస్తాద్ భగత్ సింగ్'లో శ్రీలీల, రాశి ఖన్నా కథానాయికలుగా నటిస్తున్నారు. సెప్టెంబర్ 6న ఈ సినిమా కొత్త షెడ్యూల్ ప్రారంభం కానుంది. ఈ షెడ్యూల్‌లో పవన్ కళ్యాణ్ తో పాటు ఇతర నటీనటులు పాల్గొంటారు. ఈ షెడ్యూల్‌తో టాకీ పార్ట్ దాదాపు పూర్తవుతుంది. దేవిశ్రీ ప్రసాద్ సంగీతం అందిస్తున్న ఈ చిత్రం నుంచి అక్టోబర్ లో ఫస్ట్ సింగిల్ విడుదలయ్యే అవకాశముంది.